သတင်းမှတ်စု ( ၂၅ )

ဇွန်လ ၂၂ ရက်
ရက်သတ္တပတ် ၂၆၊ ၂၀၀၉
မြန်မာသတင်း

မြန်မာကိုသွားမည့် မြောက်ကိုရီးယား သင်္ဘောကို အမေရိကန် ဖျက်သင်္ဘော နောက်ယောင်ခံ

ချင်းမိုင် (မဇ္ဈိမ)။ ။ တန်ချိန် ၂၀၀၀ ရှိ ကန်နမ် အမည်ရ သင်္ဘောသည် မြောက်ကိုရီးယားမြို့တော် ပြုံယမ်းအနီး နန်ပိုဆိပ်ကမ်းမှ ဗုဒ္ဓဟူးနေ့က စတင် ထွက်ခွာခဲ့ကြောင်း အမေရိကန် အရာရှိများက ပြောကြားထားသော်လည်း သင်္ဘောသည် မည်သည့်အရပ်သို့ ဦးတည် ခုတ်မောင်းနေပြီး မည်သည့် ကုန်ပစ္စည်းများ တင်ဆောင်သွားသည်ကို ပြောကြားရန်ကိုမူ ငြင်းဆန်ထားသည်ဟု နယူးယောက်တိုင်းမ် သတင်းစာ၏ ဝဘ်ဆိုဒ်တွင် ဖော်ပြထားသည်။

တောင်ကိုရီးယား၏ YTN သတင်းဌာန၏ တနင်္ဂနွေနေ့က ထုတ်ပြန်ချက်တွင် သင်္ဘောသည် မြန်မာနိုင်ငံသို့ ဦးတည်နေသည် ဟုဆိုသည်။ မြန်မာနိုင်ငံသည် မြောက်ကိုရီးယားထံမှ လက်နက်များ ဝယ်ယူနေသော နိုင်ငံတခုဖြစ်သလို မြောက်ကိုရီးယား သင်္ဘောများ တရားမဝင် ကုန်သွယ်မှု လုပ်ငန်းများ လုပ်ရာတွင် ခရီးတထောက်နားသည့် အရပ်လည်း ဖြစ်သည်။ သင်္ဘောပေါ်တွင် ဒုံးကျည်များ သို့မဟုတ် ဒုံးကျည် အပိုပစ္စည်းများ တင်ဆောင်ထားဖွယ် ရှိသည်ဟု အမေရိကန် အာဏာပိုင်များက သံသယရှိနေကြောင်း အမည်မဖော်ပြထားသော ထောက်လှမ်းရေး သတင်းရပ်ကွက် တခုကို ကိုးကား ဖော်ပြထားသည်။

ယခုဖြစ်ရပ်သည် မြောက်ကိုရီးယားအပေါ် ကုလသမဂ္ဂ၏ လက်နက်ရောင်းချမှု ပိတ်ပင်ရေးအသစ် ပြုလုပ်ပြီးနောက် အမေရိကန်နှင့် မဟာမိတ်များအတွက် ဗွေဆော်ဦး စမ်းသပ်ချက်တခု ဖြစ်လာသည်။
(မဇ္ဈိမသတင်းမှ ကောက်နှုတ်ချက်)
+++++

ကရင်စစ်ပြေးဒုက္ခသည်များ နေရပ်ပြန်ခိုင်းမည်ကို စိုးရိမ်နေကြ

ကရင်စစ်ပြေးဒုက္ခသည်များအား ထိုင်းအာဏာပိုင်များက နေရပ်ပြန်ပို့မည့်အခြေအနေရှိကြောင်း ဒုက္ခသည်များနှင့် ဒုက္ခသည်အရေးဆောင်ရွက်နေသူများက ပြောသည်။ ယခုရက်ပိုင်းအတွင်း ထိုင်းဘက်သို့ဝင်ခွင့်မရသည့် ၀ါးမီကလားရွာသားအချို့ ရွာသို့အပြန် လမ်းခရီးတွင် မြေမြှုပ်မိုင်း နင်းမိ၍ ရွာသားများ အပြင်းအထန်ဒဏ်ရာရရှိခဲ့သည်ဟု စစ်ပြေးဒုက္ခသည်များကို ကူညီနေသူတဦးက ပြောသည်။

နောင်ဘိုးရွာမှ ဒုက္ခသည်များအတွက် အစားအသောက် အဆင်ပြေသော်လည်း သောက်ရေသန့်ရရှိရန် ခက်ခဲသဖြင့် လယ်ကွင်းထဲ ရေသွင်းသည့်မြောင်းမှ ရေကိုသာ သောက်သုံးနေရသဖြင့် ၀မ်းရောဂါဖြစ်ပွားမည်ကို စိုးရိမ်ရကြောင်း ဒေသတွင်းမှ ထိုင်းအစိုးရ၀န်ထမ်းတဦးက ပြောသည်။ ထိုင်းအာဏာပိုင်များဘက်ကလည်း စစ်ပြေးဒုက္ခသည်များကို နယ်မြေအေးချမ်းမှသာ ပြန်ပို့မည်ဖြစ်ပြီး အတင်းအဓမ္မ ပို့ဆောင်မည် မဟုတ်ကြောင်း ပြောကြားခဲ့သည်။
( ခေတ်ပြိုင်သတင်းမှ ကောက်နှုတ်ချက် )
+++++

သပိတ်ကျင်းမှာ စစ်တပ်က ပေါ်တာဆွဲ

ချင်းမိုင် (မဇ္ဈိမ)။ ။ မန္တလေးတိုင်း သပိတ်ကျင်းမြို့နယ် ရွှေတွင်းဒေသများတွင် စစ်တပ်က အရွယ်ရောက် လူငယ် ၅၀ ကျော်ကို ယခုလ ၁ ရက်နေ့က ပေါ်တာ ဆွဲသွားသည်ဟု ဒေသခံများ အပြောအရ သိရသည်။

လိပ်ကျ၊ ရွှေတော၊ ကွင်းသုံးဆယ်၊ ချောင်းကြီး၊ အရိုးတောင် ခေါ် မျောက်တောင်၊ ကျောက်လှည်းဘီး၊ ဇရပ်ကွင်း ကျေးရွာတို့မှ လူငယ် ၅၀ ကျော်ကို ယင်းနေ့ ညပိုင်းတွင် စစ်တပ်က ခေါ်ယူသွားခဲ့ခြင်း ဖြစ်သည်။
ပေါ်တာဆွဲခံရသည့် ဒေသများမှာ ရွှေထွက်ရှိရာ ဒေသခံကျေးရွာသားများအပြင် စစ်ကိုင်းတိုင်းအတွင်းမှ ရွှေဘို၊ ဝက်လက်၊ အရာတော်၊ တန့်ဆည်မြို့များမှ လုပ်သားများလည်း ပုဂ္ဂလိက ရွှေတူးခြင်း လုပ်ငန်းကို ရွှေ့ပြောင်းလုပ်ကိုင်ရာ ဒေသလည်း ဖြစ်သည်။
(မဇ္ဈိမသတင်းမှ ကောက်နှုတ်ချက်)
+++++

အောင်ဆန်းကွင်းမှာ ဘောလုံးကစားခွင့် ပိတ်ပင်

ဇွန် (၂) ရက်၌ ဦးတေဇပိုင် ရန်ကုန်အသင်းနှင့် ဥသာယူနိုက်တက်အသင်းတို့ ကန်ရာတွင် ဒိုင်က ပင်နယ်တီ ပေးရာတွင် မှားသည်ဟု ပရိသတ်က ဆူဆဲကြရာမှ ပလတ်စတစ်ခုံများ ရိုက်ချိုးသည်အထိ ဖြစ်ပေါ်ခဲ့ပြီးနောက်ပိုင်းလုံခြုံရေးအခြေအနေကြောင့် လက်ရှိကျင်းပနေသည့် မြန်မာနေရှင်နယ်လိဂ် ကလပ်အသင်းများ၏ ဘောလုံးပြိုင်ပွဲ များကို အောင်ဆန်းကွင်း၌ ကျင်းပခွင့် ပိတ်ပင်လိုက်ကြောင်း အားကစားဝန်ကြီးဌာနမှ အရာရှိတဦးက ပြောသည်။

ဘောလုံးအဖွဲ့ချုပ်က မြက်များပျက်စီးနေသည့်အတွက်ဟု အကြောင်းပြကာ နှစ်ပတ်နားကြောင်း ကြေညာခဲ့ပြီး ယခုနောက်ပိုင်း ပွဲစဉ်အားလုံး အောင်ဆန်းကွင်းတွင် မကန်တော့ကြောင်း ကြေညာလိုက်ပြီဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++

ကုလအကြီးအကဲ မတိုင်မှီ ဂမ်ဘာရီ ရန်ကုန်သို့ သွားမည်

ဘန်ကောက် (မဇ္ဈိမ)။ ။ ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း ဇူလိုင်လ အစောပိုင်းတွင် သွားရောက်နိုင်ရေးအတွက် ကုလ အထူးကိုယ်စားလှယ် မစ္စတာ အီဗရာဟင် ဂမ်ဘာရီသည် မြန်မာနိုင်ငံသို့ ယခုသီတင်းပတ်အတွင်း ရောက်ရှိပြီး စီစဉ်ထားမှာဖြစ်သည်။

ကုလသမဂ္ဂ အရာရှိများကို ဆက်သွယ်မေးမြန်းရာ ခရီးစဉ်နှင့်ပတ်သက်ပြီး လောလောဆယ်တွင် အတည်ပြု၍ မရသေးဟု ဆိုသည်။ အခြားသော သတင်းရပ်ကွက်များကတော့ မစ္စတာဂန်ဘာရီ၏ ခရီးစဉ်ကို စီစဉ်ထားပြီးပြီဖြစ်ကာ သတ်မှတ်ချိန်အတိုင်း သွားဖြစ်ရန် များပါသည်ဟု ဆိုသည်။

ရန်ကုန်ရှိ သံတမန်အများက မဇ္ဈိမကို ပြောကြားရာတွင် ခရီးစဉ်ကို အတည်ပြု၍ မရနိုင်သေးသော်လည်း ယခုသတင်းပတ်အကုန်တွင် ကုလကိုယ်စားလှယ် လည်ပတ်နိုင်လိမ့်မည်ဟု မျှော်လင့်ထားသည်ဟု ဆိုသည်။
(မဇ္ဈိမသတင်းမှ ကောက်နှုတ်ချက်)
+++++
ဇွန်လ ၂၃ ရက်
ရက်သတ္တပတ် ၂၆၊ ၂၀၀၉
မြန်မာသတင်း

ဒေါ်စုနှင့် ရှေ့နေ ၄ ဦး တွေ့ဆုံဆွေးနွေး


ချင်းမိုင်။ ။ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် ယမန်နေ့က သူ၏ ရှေ့နေ ၄ ဦးနှင့် ၂ နာရီကြာ အမှုနှင့် ပတ်သက်ပြီး နွေးဆွေးခွင့် ရခဲ့သည်။

အင်းစိန်ထောင်အတွင်း ရှေ့နေ ဦးဥာဏ်ဝင်း၊ ဦးကြည်ဝင်း၊ ဦးလှမျိုးမြင့်နှင့် ဒေါ်ခင်ဌေးကြွယ်တို့နှင့် တွေ့ကာ လက်ရှိ အမှုနှင့် ပတ်သက်ပြီး ဆွေးနွေးခဲ့ကြသည်။ ထို့အပြင် သူ၏ ၆၄ နှစ်မြောက် မွေးနေ့ကို ဂုဏ်ပြုပေးခဲ့ကြသူများ အားလုံးကိုလည်း ကျေးဇူးတင် စကားပါးလိုက်သည်ဟု သိရသည်။ အမျိုးသား ဒီမိုကရေစီ အဖွဲ့ချုပ် ဒုဥက္ကဌ ဦးတင်ဦးနှင့် ဗဟို အလုပ်မှုဆောင် အဖွဲ့ဝင် ဦးဝင်းတင်တို့က ဒေါ်အောင်ဆန်းစုကြည်ဘက်မှ သက်သေ ထွက်ဆိုခွင့်ပြုရေးနှင့် ပတ်သက်၍ ဗဟိုတရားရုံးသို့ ပြင်ဆင်မှု တင်သွင်းရန် ဗဟိုတရားရုံးက ဇွန်လ ၂၄ ရက်နေ့သို့ ရုံးချိန်းပေးလိုက်သည်။

အမှုတွင် တရားဆိုင်ဘက်က တင်သွင်းသော သက်သေ ၄ ဦးအနက် တဦးသက်သေ ထွက်ဆိုခဲ့ပြီး ဖြစ်ပြီး နောက်တဦးဖြစ်သူ ဥပဒေရေးရာ ကျွမ်းကျင်သူ ဒေါ်ခင်မို့မို့မှာ ဇွန်လ ၂၆ ရက်နေ့တွင် ထွက်ဆိုရမှာ ဖြစ်သည်။
(မဇ္ဈိမသတင်းမှ ကောက်နှုတ်ချက်)
+++++

NLD က စည်းရုံးရေး သင်တန်းပေး၊ ကြံ့ဖွံ့က လက်တွေ့စည်းရုံးရေးဆင်း

လူထုအကြားစည်းရုံးရေးလုပ်ငန်းများ ကျယ်ကျယ်ပြန့်ပြန့် လုပ်ဆောင်နိုင်ရန်ရည်ရွယ်၍ အမျိုးသားဒီမိုကရေစီ အဖွဲ့ချုပ်ရုံးတွင် ပါတီဝင်များ စွမ်းဆောင်ရည်မြှင့်တင်မှု သင်တန်းတရပ်ကို ယမန်နေ့က စတင်ပို့ချပေးနေသကဲ့သို့ အစိုးရအာဏာပိုင်များဘက်မှလည်း စည်းရုံးရေးဆင်းလျက်ရှိသည်။

ယခုသင်တန်းသည် ပါတီသက်တမ်းတလျှောက်အတွင်း ပထမဆုံးအကြိမ် ဖွင့်လှစ်ခဲ့သည့်သင်တန်းဖြစ်ပြီး နောက်လများတွင်လည်း ဆက်လက်ဖွင့်လှစ်သွားရန် အစီအစဉ်ရှိကြောင်း သိရသည်။

အဆိုပါသင်တန်းကို (၂၂-၆-၂၀၀၉) မှ (၂၆-၆-၂၀၀၉) ရက်နေ့အထိ ပြုလုပ်သွားမည်ဖြစ်ကာ အဓိကအားဖြင့် အန်အယ်လ်ဒီသမိုင်း၊ ဒီမိုကရေစီနှင့် အယူအဆကွဲပြားခြားနားမှုများ၊ အန်အယ်လ်ဒီအမျိုးသမီးအဖွဲ့ လှုပ်ရှားမှုသမိုင်း၊ ခေတ်သစ်သိပ္ပံနည်းပညာများ လူ့အဖွဲ့အစည်းအပေါ် ဂယက်ရိုက်ခတ်မှု၊ တိုင်းပြည်စီးပွားရေး တည်ဆောက်မှု ပုံသဏ္ဌာန်များ စသည့် ဘာသာရပ်များကို သင်ကြားပို့ချသွားမည်ဖြစ်သည်။

ပြီးခဲ့သည့် တနင်္ဂနွေ၌လည်း ရွှေပြည်သာမြို့နယ် တ/၁၂ ရပ်ကွက်နှင့် တ/၁၃ ရပ်ကွက်တို့၌ နိုင်ငံရေးစကားဝိုင်း ဆိုကာ ကြံ့ဖွံ့စည်းရုံးရေးမှူးများက ရပ်ကွက်ရယကရုံးတွင် ရပ်မိရပ်ဖများကို ဆင့်ခေါ်ကာ စည်းရုံးရေးဆင်းသွားကြ ကြောင်း သိရသည်။

ထိုသို့ နိုင်ငံရေးစကားဝိုင်းဆိုသည့် ကြံ့ဖွံ့အသင်း၏ စည်းရုံးပွဲများကို အခြားသော မြို့နယ်များတွင်လည်း ပြုလုပ်နေပြီ ဖြစ်ကြောင်း သိရသည်။
( ခေတ်ပြိုင်သတင်းမှ ကောက်နှုတ်ချက် )
+++++

အမျိုးသမီး နိုင်ငံရေး အကျဉ်းသူတချို့ ကျန်းမာရေး ချို့ယွင်း

နယူးဒေလီ (မဇ္စျိမ)။ ။ အကျဉ်းထောင်များအတွင်း ကျန်းမာရေး စောင့်ရှောက်မှုနှင့် တကိုယ်ရည် သန့်ရှင်းမှု အခြေအနေ မကောင်းသဖြင့် အမျိုးသမီး နိုင်ငံရေးအကျဉ်းသူတချို့ ကျန်းမာရေး ချို့ယွင်းနေကြောင်း ထိုင်းအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်းက ပြောသည်။

အစားအသောက်၊ သောက်သုံးရေ သန့်ရှင်းမှု မရှိခြင်း၊ ကျန်းမာရေး စောင့်ရှောက်မှု ချို့တဲ့ခြင်းနှင့် တကိုယ်ရည် သန့်ရှင်းမှု အခြေအနေများ ဆိုးရွားနေသဖြင့် ကျန်းမာရေးမှာ ချို့ယွင်းနေရကြောင်း AAPP (B) က ပြောဆိုခြင်း ဖြစ်သည်။

အသက် ၆၁ နှစ်ရွယ် ထောင် ၅ နှစ် ချမှတ်ခံထားရသော ဒေါ်စန်းစန်းတင်၊ ထောင်ဒဏ် ၇ နှစ်ခွဲ ချမှတ်ခံရသူ မလှလှမော် ( လှိုင်သာယာ )၊ ထောင်ဒဏ် ၁၃ လ ကျခံနေရသည့် မစန္ဒာ ( တံတွေး )နှင့် ထောင်ဒဏ် ၆၅ နှစ်၊ ၈၈ မျိုးဆက်ကျောင်းသူ မသက်သက်အောင် ( ရန်ကုန် ) တို့ ဖြစ်သည်။

AAPP (B) စာရင်းအရ မြန်မာအကျဉ်းထောင်များ၌ နိုင်ငံရေးအကျဉ်းသားပေါင်း ၂၁၅၇ ဦး ရှိသည့်အနက်၊ အမျိုးသမီး နိုင်ငံရေးအကျဉ်းသား ၁၉ဝ ဦးရှိကြောင်း သိရသည်။
(မဇ္စျိမသတင်းမှ ကောက်နှုတ်ချက်)
+++++

ကျပ်နှင့်ဘတ် ငွေလဲလှယ်မှု မြ၀တီတွင် ပြုလုပ်၊ မြန်မာကုန်သည်များ အကျိုးအမြတ်ပိုရ

ထိုင်း-မြန်မာနယ်စပ်မှ မြန်မာကုန်သည်များသည် မြန်မာကျပ်ငွေနှင့် ထိုင်းဘတ်ငွေ လဲလှယ်ရာတွင် ထိုင်းဘက်ခြမ်း မဲဆောက်မြို့တွင် နစ်နာမှုရှိသဖြင့် မြန်မာဘက် မြ၀တီမြို့တွင်သာ ငွေလဲလှယ်မှုပြုလုပ်၍ ထိုင်းကုန်ပစ္စည်းများ ၀ယ်ယူနေကြသည်။

ယင်းသို့ မြဝတီမြို့တွင်သာ မြန်မာငွေကို ဘတ်ငွေဖြင့်လဲလှယ်ပြီး ထိုင်းကုန်ပစ္စည်းများ ဝယ်ယူကြသဖြင့် အကျိုးအမြတ် ပိုမိုရရှိကြသည်ဟု မြန်မာကုန်သည်များက ပြောသည်။
မြဝတီမြို့ချစ်ကြည်ရေးတံတားထိပ်တွင် တရားမဝင်ငွေလဲလုပ်ငန်း လုပ်ကိုင်နေသည့် ငွေလဲခုံ (၃၀) ခန့်ရှိသည်ဟု ငွေလဲလုပ်ကိုင်သူတဦးက ပြောသည်။

ငွေလဲခုံဖွင့်ထားသူများထဲတွင် နယ်စပ်ကုန်သွယ်ရေးလုပ်ကိုင်သူများ အများစုပါဝင်ပြီး မြန်မာနိုင်ငံမှထွက်ရှိသည့် ရေထွက်ပစ္စည်း၊ သစ်တောထွက်ပစ္စည်း၊ လယ်ယာထွက်ကုန်၊ ရှေးဟောင်းပစ္စည်းများနှင့် ကျောက်မျက်ရတနာများကို ထိုင်းဘက်သို့ ဘတ်ငွေဖြင့် ရောင်းချကြပြီး ရရှိသည့်ငွေများဖြင့် မြန်မာကုန်သည်များကို တဆင့်ပြန်လဲလှယ်ပေးခြင်း ဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++

စာပေနှင့် စာနယ်ဇင်း ရုံးအဖွဲ့မှူး ကိုယ်တိုင် အဆုံးစီရင်သွား

ချင်းမိုင်(မဇ္ဈိမ)။ ။ မြန်မာနိုင်ငံ စာပေနှင့် စာနယ်ဇင်းဌာန ရုံးအဖွဲ့မှူး ဦးမြင့်လွင်သည် ရန်ကုန်ရှိ ရုံးခန်းတည်ရှိရာ သုံးထပ်တိုက်ပေါ်မှ ယနေ့ နံနက်ပိုင်းက ခုန်ချကာ အဆုံးစီရင်သွားကြောင်း အဖွဲ့ဝင်များ အဆိုအရ သိရသည်။

မြောက်ဥက္ကလာပမြို့နယ်တွင် နေထိုင်သူ ဦးမြင့်လွင် (၆၅ နှစ်) သည် ကျောက်တံတားမြို့ ကုန်သည်လမ်းပေါ်ရှိ စာပေဗိမာန် အပေါ်ထပ်၌ ဖွင့်လှစ်ထားသော မြန်မာနိုင်ငံ စာပေနှင့် စာနယ်ဇင်းအဖွဲ့ချုပ် ရုံးခန်းတည်ရှိရာ သုံးထပ်တိုက်ပေါ်မှ ခုန်ချကာ သေဆုံးသွားခြင်း ဖြစ်သည်။

မြန်မာနိုင်ငံ စာနယ်နှင့် စာနယ်ဇင်းအဖွဲ့သည် မြန်မာစစ်အစိုးရ ပြန်ကြားရေးဝန်ကြီးဌာန လက်အောက်တွင် ဖွင့်လှစ်ထားသည့် စာပေအဖွဲ့အစည်းတရပ် ဖြစ်သည်။

ယခုအခါ ဦးမြင့်လွင်၏ ရုပ်အလောင်းအား ရန်ကုန် ပြည်သူ့ဆေးရုံကြီး၌ ထားရှိကြောင်းနှင့် သေဆုံးချိန်တွင် ဇနီးသည်၊ သားနှင့် သမီး ကျန်ရစ်ခဲ့ကြောင်း သိရသည်။
(မဇ္ဈိမသတင်းမှ ကောက်နှုတ်ချက်)
+++++

လုပ်ငန်းလည်ပတ်ခြင်းမရှိသည့် ပြည်တွင်းဂျာနယ်များ ထုတ်ဝေခွင့် သိမ်းမည်

(၆) လကျော်ကြာ လုပ်ငန်းရပ်နားထားသော ဆက်တိုက် ထုတ်ဝေနိုင်ခြင်း မရှိသည့် ပြည်တွင်းဂျာနယ်များသည် ဇွန်လကုန်နောက်ဆုံးထား၍ လုပ်ငန်းပြန်လည်လုပ်ကိုင်ရန် လျှောက်ထားရမည်ဖြစ်ပြီး လျှောက်ထားခြင်း မပြုသည့် ဂျာနယ်များ ရှေ့လမှစတင်ကာ ထုတ်ဝေခွင့် ဖျက်သိမ်းတော့မည်ဟု ပြန်ကြားရေးဝန်ကြီးဌာနက ကြေညာသည်။

၂၀၀၉ ခု ဇွန်လ (၃၀) ရက် သတ်မှတ်ကာလအတွင်း လျှောက်လွှာတင်ခြင်း မရှိသည့် ဂျာနယ်များအား လုပ်ထုံးလုပ်နည်း ဥပဒေအရ စာရင်းမှ ဖျက်သိမ်းမည်ဟု သိရသည်။

ပြည်တွင်းဂျာနယ်များသည် ၂၀၀၈ ခု နာဂစ်မုန်တိုင်း ဝင်ရောက်ပြီးနောက်ပိုင်း စီးပွားရေးကျဆင်းလာသည်နှင့်အမျှ အပတ်စဉ် ထုတ်ဝေဖြန့်ချိနိုင်ရန် ရုန်းကန်နေရကြောင်း၊ ထုတ်ဝေခွင့်လိုင်စင် ငှားရမ်းလုပ်ကိုင်သည့် ဂျာနယ် အများစုမှာလည်း ၂၀၀၈ ခုနှစ်ကုန်ပိုင်းတွင် လုပ်ငန်းရပ်နားကြောင်း ပြည်တွင်းဂျာနယ်တစောင်မှ မန်နေဂျာတဦးက ပြောသည်။

စာပေစိစစ်ရေးနှင့် မှတ်ပုံတင်ဌာနတွင် ၂၀၀၈ ခုနှစ်ကုန်ပိုင်းအထိ တရားဝင် မှတ်ပုံတင်ထားသည့် ဂျာနယ်ပေါင်း (၁၈၇) စောင်ရှိကြောင်း ပြီးခဲ့သည့် သောကြာနေ့ထုတ် မြန်မာတိုင်း(မ်) တွင် ဖော်ပြသည်။
( ခေတ်ပြိုင်သတင်းမှ ကောက်နှုတ်ချက် )
+++++

ရှေ့နေပင် ငှားရမ်းခွင့် မရဟု တွံတေး အန်အယ်ဒီ ပြော

ချင်းမိုင် (မဇ္ဈိမ)။ ။ ရန်ကုန်တိုင်း တွံတေးမြို့နယ် တရားရုံးက ဒေါ်အောင်ဆန်းစုကြည် လွတ်မြောက်ရေး ဆုတောင်းသူ တွံတေးမြို့နယ် အန်အယ်ဒီ လူငယ်ခေါင်းဆောင်ကို မတရား ချုပ်နှောင်ခဲ့သလို၊ ရှေ့နေပင် ငှားရမ်းခွင့် မရကြောင်း ယင်းမြို့နယ် ပါတီ ခေါင်းဆောင်တဦးက ပြောသည်။

ရန်ကုန်တိုင်း တွံတေးမြို့နယ် အန်အယ်ဒီ လူငယ်တာဝန်ခံ ကိုရဲထွဋ်ခေါင်အား လောင်းကစားမှုဖြင့် စွပ်စွဲ၍ ပြီးခဲ့သည့်လ ၇ ရက်နေ့က နေအိမ်၌ လာရောက် ဖမ်းဆီးသွားခဲ့ပြီး ရန်ကုန်မြို့ အင်းစိန်ထောင် အတွင်း၌ ချုပ်နှောင်ထား၍ တွံတေးမြို့နယ် တရားရုံးသို့ ရုံးထုတ် စစ်ဆေးနေရာ၌ အမှုအတွက် ရှေ့နေ လိုက်ပါခွင့် မပြုသည့်အပေါ် သူက ပြောဆိုခြင်း ဖြစ်သည်။

ပြစ်မှု ကျူးလွန်သည်ဖြစ်စေ၊ မကျူးလွန်သည်ဖြစ်စေ နိုင်ငံရေးသမားများကို “နှိပ်ကွပ်” နေချိန်ဖြစ်သောကြောင့် ပုဒ်မတပ် လိုက်သည်နှင့် ထောင်ချမည်သာ ဖြစ်ကြောင်း ပါတီ တွဲဘက်အတွင်းရေးမှူး ကိုဇော်မင်းထွန်းက ဆိုသည်။
(မဇ္ဈိမသတင်းမှ ကောက်နှုတ်ချက်)
+++++

မန္တလေးစည်ပင် ငွေရှာသဖြင့် ကျောက်ပွဲစားများ မကျေနပ်

မန္တလေးကျောက်မျက်ဈေးရှိ ကျောက်ပွဲစားများကို မြို့တော်စည်ပင်က မှတ်ပုံတင် လုပ်ခိုင်းနေသည့်အတွက် ပွဲစားများ က မကျေမနပ်ဖြစ်နေကြသည်။

မန္တလေးမြို့တော်စည်ပင်က တနှစ်စာအတွက် ပွဲစားတဦးလျှင် ငွေကျပ် (၃,၅၀၀) ကောက်ခံကာ မှတ်ပုံတင် ကတ်များလုပ်ရမည်ဟု ပြောသဖြင့် ပွဲစားများက စည်ပင်က ငွေလှည့်သုံးရန် ဖန်တီးခြင်းဖြစ်သည်ဟု ပြောဆိုနေ ကြသည်။

ကျောက်မျက်ဈေးဖြစ်ပေါ်လာကတည်းက ကျောက်ပွဲစားလုပ်လာသူ ကိုသက်နိုင်က “ပေးရတဲ့ငွေက များတာတော့ မဟုတ်ပါဘူး။ ဒါပေမယ့် လုံးဝအရောင်းအ၀ယ်မဖြစ်တဲ့နှစ်မှာမှ အခုလို မှတ်ပုံတင်ကတ်ပြားတွေ လုပ်ပေးတာကတော့ စိတ်ထဲမှာ ဘ၀င်မကျ ဖြစ်ကြတာချည်းပဲ။ အမှန်ပြောရရင် မန္တလေးစည်ပင်က ပိုက်ဆံကို လှည့်နည်းသုံးပြီးတော့ ရှာတာဗျ။ အခုလည်း တယောက်ကို (၃,၅၀၀) ကျပ်၊ လူပေါင်း သောင်းနဲ့ချီရှိတယ်။ အလကားနေရင်း ငွေရတာပေါ့ ဗျာ” ဟု ပြောသည်။

မန္တလေးကျောက်မျက်အရောင်းဈေးတွင် နေ့စဉ် အရောင်းအ၀ယ်ပြုလုပ်နေသော လူဦးရေမှာ (၃) သောင်းခန့် ရှိနေပြီး မှတ်ပုံတင်ပြုလုပ်ပြီးသည့် ပွဲစားအရေအတွက်မှာ (၃) ထောင်ကျော်ခန့်ရှိသွားပြီဟု သိရသည်။
( ခေတ်ပြိုင်သတင်းမှ ကောက်နှုတ်ချက် )
.+++++
ဇွန်လ ၂၄ ရက်
ရက်သတ္တပတ် ၂၆၊ ၂၀၀၉
မြန်မာသတင်း

ဒေါ်အောင်ဆန်းစုကြည် တရားခွင် ရွေ့ဆိုင်းရဦးမည်

ဗဟိုတရားရုံးချုပ်သို့ တင်ပြထားသော သက်သေထွက်ဆိုခွင့်အယူခံအတွက် နှစ်ဘက်ရှေ့နေများ၏ လျှောက်လဲ ချက်ကို ယနေ့ကြားနာခဲ့ပြီး တရားရုံးက စီရင်ချက်မချမှတ်သေးသဖြင့် အင်းစိန်တရားခွင် ရုံးချိန်းမှာ အလိုအလျောက် ရွှေ့ဆိုင်းပေးရလိမ့်မည်ဟု ရှေ့နေကြီး ဦးဉာဏ်ဝင်းက ပြောသည်။

ကျန်သက်သေ (၂) ဦးဖြစ်သည့် ဦးတင်ဦးနှင့် ဦးဝင်းတင်တို့ကို ထွက်ဆိုခွင့်မပြုခဲ့ခြင်းကြောင့် ဗဟိုတရားရုံးသို့ ထပ်မံအယူခံဝင်ထားခြင်းဖြစ်သည်။

ယခုကဲ့သို့ သက်သေထွက်ဆိုခွင့်အယူခံ ပြင်ဆင်ခွင့် တင်ရခြင်းမှာ ပြစ်မှုဆိုင်ရာ ကျင့်ထုံးဥပဒေ ပုဒ်မ ၂၅၇ (၁) ပါ ပြဋ္ဌာန်းချက်များနှင့်အညီ ဆောင်ရွက်ရန်နှင့် အောက်ရုံးများက ပြဋ္ဌာန်းချက်နှင့်အညီ ဆောင်ရွက်ခဲ့ခြင်း မရှိသဖြင့် တင်ပြရခြင်းဖြစ်ကြောင်း လျှောက်ထားခဲ့သည်ဟု သိရသည်။

ဦးဝင်းတင် အင်တာဗျူးပေးခြင်းနှင့် စပ်လျဉ်း၍လည်း ၎င်း၏ တသီးပုဂ္ဂလပြောဆိုခွင့်ဖြစ်ကြောင်း၊ တရားရုံးအား အနှောင့်အယှက်ပြုနေသည်မဟုတ်ကြောင်း ပြန်လည်လျှောက်ထားခဲ့သည်ဟု ၎င်းက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++

ဆံပင် လှူဒါန်းပြီး ရရှိသည့်ငွေဖြင့် လမ်း-တံတားများ ပြုပြင်နေ

နယူးဒေလီ (မဇ္ဈိမ)။ ။ မန္တလေးမြို့မှ စေတနာရှင် ၆ သောင်းကျော်က ဆံပင်ဖြတ်၍ လှူဒါန်းသည့် ပိဿာချိန် ၁၂၃၁ ကို ရောင်းချ၍ ရရှိငွေဖြင့် စစ်ကိုင်းတိုင်းအတွင်းရှိ အလောင်းတော်ကဿဖ ဘုရားကြီးသို့ သွားရာလမ်းနှင့် လမ်းတလျှောက် ပျက်စီးနေသော တံတားများ ပြုပြင်ရန် ယခုလ ၇ ရက်နေ့က လှူဒါန်းခဲ့သည်။

မန္တလေးတိုင်း အောင်မြေသာစံမြို့နယ်ရှိ နဂါး ပရိယတ္တိစာသင်တိုက်မှ ရွှေဆံနွယ် အကျိုးတော်ဆောင် ဆရာတော် အရှင်ဝါယမ နန္ဒ (B.A Buddhism) ၏ ဦးဆောင်မှုဖြင့် မြို့သူမြို့သားများ လှူဒါန်းသည့် ဆံပင်များကို ဘုရားကြီးသို့ သွားရောက်ရာ ယင်းမာပင်နှင့် ပုလဲမြို့နယ်ကြား လယ်ငေါက်-ချင်ပင်လမ်းနှင့် ၎င်းလမ်းတွင် ပျက်စီးယိုယွင်းနေသည့် တံတားများကို ပြုပြင်ရန် လှူဒါန်းလိုက်ခြင်း ဖြစ်သည်။

တရုတ်ဈေးကွက်၌ ဆံပင်များကို ရသမျှ ဝယ်ယူနေရာတွင် ရှမ်းပြည်မြောက်ပိုင်း မူဆယ်မြို့၌ပင် အရည်အသွေး ရှိသည့် ဆံပင်တပိဿာလျှင် ကျပ်ငွေ ၂ သိန်းခန့်ဖြင့် ပေါက်ဈေးရှိရာ ယခု ရရှိခဲ့သည့် ဆံပင် ပိဿာချိန် ၁၂၃၁ အတွက် ကျပ်သိန်းပေါင်း ၁၈ဝဝ ကျော် ရရှိနိုင်ကြောင်း ကိုမင်းထက်ငြိမ်းချမ်းက ခန့်မှန်းပြောဆိုသည်။
(မဇ္ဈိမသတင်းမှ ကောက်နှုတ်ချက်)
+++++

နောင်တက်လာမည့် အစိုးရနှင့်သာ အသွင်ပြောင်းရေး ကိစ္စ KIO ဆွေးနွေးမည်

ကချင်ပြည်လွတ်လပ်ရေးအဖွဲ့ (ကေအိုင်အို) က နောင်တက်လာမည့် အရပ်သားအစိုးရနှင့်သာ နယ်ခြားစောင့်တပ် အသွင်ပြောင်းရေးကိစ္စ ဆွေးနွေးမည်ဟု မြစ်ကြီးနားရှိ မြောက်ပိုင်းတိုင်းစစ်ဌာနချုပ်၌ နှစ်ဘက် တွေ့ဆုံစဉ် အကြောင်းပြန်ခဲ့သည်။

ယခုကဲ့သို့ ပြောဆိုမှုအပေါ် မပခတိုင်းမှူးက နောင်တက်လာမည့် အစိုးရအဖွဲ့အား မည်မျှအထိ ယုံကြည်မှုထားပါ သလဲဟု ပြန်လည်မေးခွန်းထုတ်ခဲ့ကြောင်း၊ ကေအိုင်အိုဘက်က ယခုကဲ့သို့ တုံ့ပြန်မှုအပေါ် ဘ၀င်မကျသည့်အတွက် ဆက်လက်ပြီး ဆွေးနွေးသွားမည်ဟု ပြောဆိုကာ နှစ်ဘက်ဆွေးနွေးပွဲ အဆုံးသတ်ခဲ့ကြောင်း ဇွန် (၂၀) ရက်နေ့ တွေ့ဆုံစဉ်အတွင်း ကေအိုင်အိုဘက်က ပြောဆိုခဲ့ကြောင်း ကေအိုင်အိုခေါင်းဆောင်များနှင့် နီးစပ်သူတဦးက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++

ရန်ကုန်မှာ လုံခြုံရေး ကားများ လှည့်ပတ်

နယူးဒေလီ (မဇ္ဈိမ) ။ ။ လက်နက်အပြည့်အစုံနှင့် ယူနီဖောင်းဝတ် လုံထိန်းရဲများ တင်ဆောင်ထားသည့် စစ်ကား အစီးရေ ၃ဝ ခန့်ထက် မနည်းသည် ယနေ့ တနေ့လုံးနီးပါး ရန်ကုန်တိုင်းအတွင်း လှည့်ပတ်သွားလာနေခဲ့ကြောင်း ဒေသခံများ အဆိုအရ သိရသည်။

တရုတ်ပြည်ထုတ် FAW ကား တစီးလျှင် လုံထိန်းရဲ ဦးရေ ၂၀ ခန့် လိုက်ပါလာကြသည်။ လုံထိန်း ရဲတပ်ရင်း အမှတ် ၈ သည် အင်းစိန်ထောင်ရှေ့၌ လုံခြုံရေး ယူထားသလို၊ ထောင်အတွင်း၌လည်း အထူးလုံထိန်း ရဲတပ်ဖွဲ့ဝင်များ ချထားကြောင်း သိရသည်။

အလားတူပင် မြေနီကုန်း၊ စမ်းချောင်း၊ ဒဂုံမြို့သစ်တောင်ပိုင်း အပါအဝင် မြို့နယ်အချို့၌လည်း လုံထိန်းကားများ လှည့်ပတ်သွားလာခဲ့ကြောင်း ဒေသခံများက ပြောဆိုကြသည်။
(မဇ္ဈိမသတင်းမှ ကောက်နှုတ်ချက်)
+++++

ကရင်ဒုက္ခသည်များကို တစုတစည်းတည်းထားမည်

စစ်ပွဲဂယက်များကြောင့် ထိုင်းဘက်ထွက်ပြေးလာသည့် ကရင်စစ်ပြေးဒုက္ခသည်များအား ခိုလှုံခွင့်တခုတည်းတွင် စုစည်းထားရှိသွားမည်ဟု ကရင်ဒုက္ခသည်ကော်မတီ (KRC) အဖွဲ့ဥက္ကဋ္ဌ ရောဘတ်ထွေးက ပြောသည်။

ထိုင်းအာဏာပိုင်များ၊ UNHCR, KRC, TBBC, IRC နှင့် အခြားအစိုးရမဟုတ်သောအဖွဲ့များကလည်း ယာယီခိုလှုံရေး စခန်း (၃) ခုမှ စစ်ပြေးဒုက္ခသည်များကို အူးသူးထာ့ စခန်းတခုတည်းတွင်သာ စုပေါင်းထားရှိရန် စီစဉ်နေသည်ဟု သိရသည်။

စစ်ပြေးဒုက္ခသည်များတွင် နယ်မြေအေးချမ်းသွားပါက ပြန်မည့်သူများ ရှိသကဲ့သို့ လယ်ပေါ်ဟဲပြည်တွင်း ဒုက္ခသည်စခန်းမှ ဒုက္ခသည်များကမူ ၎င်းတို့စခန်းသို့ ပြန်နေထိုင်ရန် မဖြစ်နိုင်ကြောင်း ပြောသည်။ ယင်း စစ်ပြေးဒုက္ခသည်များကို ထိုင်းနိုင်ငံရှိ နောင်ဘိုး၊ အူးသူးထာ့၊ မဲ့စလေ စသည့်နေရာ (၃) ခုတွင် ယာယီခိုလှုံခွင့် စခန်းများ ဖွင့်လှစ်စောင့်ရှောက်ထားသည်။
( ခေတ်ပြိုင်သတင်းမှ ကောက်နှုတ်ချက် )
+++++
ဇွန်လ ၂၅ ရက်
ရက်သတ္တပတ် ၂၆၊ ၂၀၀၉
မြန်မာသတင်း

မစ္စတာဂမ်ဘာရီ မြန်မာနိုင်ငံသို့ ထွက်ခွာ

ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာအထူးကိုယ်စားလှယ် မစ္စတာဂမ်ဘာရီ မြန်မာနိုင်ငံသို့ ထွက်ခွာသွားပြီဖြစ်ကြောင်း ကုလသမဂ္ဂကို ကိုးကား၍ နိုင်ငံတကာ သတင်းမီဒီယာများတွင် ဖော်ပြသည်။

မစ္စတာဂမ်ဘာရီသည် ယမန်နေ့က အမေရိကန်နိုင်ငံ နယူးယောခ့်မြို့မှ မြန်မာနိုင်ငံ သို့ ထွက်ခွာသွားခြင်းဖြစ်ပြီး ၎င်း၏ ခရီးစဉ်သည် ကုလသမဂ္ဂအတွင်းရေးမှူးချုပ် ဘန်ကီမွန်း၏ ခရီးစဉ်မတိုင်မီ အကြိုသွားရောက်ခြင်း ဖြစ်နိုင်သည်ဟုလည်း ကုလသမဂ္ဂသံတမန်များက ထင်မြင်ယူဆနေကြသည်။

မစ္စတာဘန်ကီမွန်းက မြန်မာနိုင်ငံသို့သွားရောက်ရန် သင့်တော်သောအချိန်ကို စောင့်ဆိုင်းနေကြောင်း အေပီသတင်း ဌာနသို့ ပြောကြားခဲ့သည်။ ၎င်းသည် ဇွန်လ (၃၀) မှ ဇူလိုင် (၂) ရက်အထိ ဂျပန်နိုင်ငံသို့ သွားရောက်ရန်အစီအစဉ် ရှိပြီး ထို့နောက် မြန်မာနိုင်ငံသို့ သွားရောက်နိုင်သည်ဟုလည်း သတင်းတွင်ဖော်ပြသည်။
မစ္စတာဂမ်ဘာရီသည် ပြီးခဲ့သည့် ဖေဖော်ဝါရီလအတွင်းက မြန်မာနိုင်ငံသို့ နောက်ဆုံးလာရောက်ခဲ့ပြီး ယခုအကြိမ် သည် (၈) ကြိမ်မြောက်လာရောက်ခြင်းဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++

NDAK ကချင်လက်နက်ကိုင်အဖွဲ့က နယ်ခြားစောင့်တပ်ဖွဲ့ရေး လက်ခံ

ချင်းမိုင်၊ ရွှေလီ (မဇ္ဈိမ)။ ။ မြန်မာစစ်အစိုးရနှင့် အပစ်အခတ် ရပ်စဲထားသည့် ကချင် ဒီမိုကရက်တစ် တပ်မတော်က နယ်ခြားစောင့်တပ်အဖြစ် ဖွဲ့စည်းရန် သဘောတူလိုက်ကြောင်း အဖွဲ့ ဥက္ကဋ္ဌက ယနေ့ ပြောဆိုသည်။

ကချင်ပြည်နယ် မြောက်ပိုင်းတိုင်း စစ်ဌာနချုပ် - မပခ တိုင်းမှူး ဗိုလ်မှူးချုပ်စိုးဝင်းနှင့် ကချင် ဒီမိုကရက်တစ် တပ်မတော် - NDAK ခေါင်းဆောင်များအကြား မြန်မာစစ်အစိုးရ သတ်မှတ်ပေးထားပြီး တရုတ်နယ်စပ်အနီး တည်ရှိသော ကချင်အထူးဒေသ (၁) ပန်ဝါမြို့၌ ယခုလ ၂၄ ရက်နေ့က တွေ့ဆုံဆွေးနွေးရာ၌ သဘောတူကြောင်း ပြောဆိုခဲ့ခြင်း ဖြစ်သည်။
ဆွေးနွေးပွဲသို့ မပခ တိုင်းမှူးနှင့် ဌာနဆိုင်ရာ ဦးစီးအရာရှိများ၊ NDAK မှ ဥက္ကဋ္ဌ ဗိုလ်မှူးကြီး ဦးဆခုန်တိန့်ယိင်းနှင့် အရာရှိများ တက်ရောက်ခဲ့ကြသည်။

နိုင်ငံရေးပါတီအဖြစ် ပြောင်းလဲသွားမည့် အစီအစဉ်များနှင့်အတူ ရွေးကောက်ပွဲ ဝင်ရောက်နိုင်ရန် ဆက်လက် လုပ်ဆောင်သွားမည်ဖြစ်ကြောင်းနှင့် ကချင်တိုင်းရင်းသား အခွင့်အရေးကို ကချင် ကိုယ်ပိုင်လွတ်လပ်ခွင့်နှင့် နေထိုင်နိုင်ရန် တောင်းဆိုထားကြောင်း ဦးဆခုန်တိန့်ယိင်းက ဆိုသည်။ KIO နှင့် UWSA နှစ်ဖွဲ့စလုံးက စစ်အစိုးရ၏ နယ်ခြားတပ်အရေး လက်မခံသော်လည်း နောက်တက်လာမည့် အစိုးရသစ်နှင့် ဆက်လက်ဆွေးနွေးမည်ဟု ဆိုခဲ့သည်။
(မဇ္ဈိမသတင်းမှ ကောက်နှုတ်ချက်)
+++++

ရန်ကုန်တွင် A/H1 N1 တုပ်ကွေးဖြစ်ပွားနေဟု သတင်းများ ပျံ့နှံ့

မန်မာနိုင်ငံ ရန်ကုန်မြို့တွင် A/H1 N1 တုပ်ကွေးရောဂါ ဖြစ်ပွားနေသည်ဟူသော သတင်းများ ယမန်နေ့ကစ၍ ပျံ့နှံ့လျက်ရှိကြောင်း ရန်ကုန်မြို့ခံများက ပြောသည်။

A/H1 N1 တုပ်ကွေးရောဂါ သံသယဖြစ်ဖွယ် ဝေဒနာရှင်တဦးကို တွေ့ရှိရပြီးသည့်နောက် သတင်းစတင်ပေါက်ကြား ရာမှ ပြည်သူများကြား ယင်းသို့ သတင်းများ ပျံ့နှံ့နေခြင်းဖြစ်သည်။

အဆိုပါဝေဒနာရှင်သည် ရန်ကုန်ဆေးရုံကြီး၊ ရောဂါထိန်းချုပ်ရေးသီးသန့် လူနာခန်းတွင် ဇွန် (၂၂) ရက်၌ ဆေးကုသမှု ခံယူခဲ့ကြောင်း ဆေးရုံကြီးမှ တာဝန်ကျ ဆရာဝန်တဦးက ပြောသည်။

ရောဂါဖြစ်သည်ဟု သံသယဖြစ်ခံရသူမှာ အိန္ဒိယနိုင်ငံသား အမျိုးသားတဦးဖြစ်ပြီး သိပ္ပံနှင့်နည်းပညာဝန်ကြီးဌာနမှ (၂) နှစ်စာချုပ်ဖြင့် ခေါ်ယူထားသော ပညာရှင်တဦးဖြစ်ကာ မြန်မာနိုင်ငံသို့ မလာရောက်မီ A/H1 N1 တုပ်ကွေးရောဂါ ဖြစ်ပွားလျက်ရှိသော ထိုင်းနိုင်ငံတွင် ရက်ပိုင်းမျှ နေထိုင်ခဲ့သူဖြစ်ကြောင်း ဇွန်(၂၆) ရက်နေ့စွဲဖြင့် ယနေ့
ကြာသပတေးနေ့တွင် ဖြန့်ချိသည့် Bi Weekly Eleven ဂျာနယ်တွင် ဖော်ပြထားသည်။
( ခေတ်ပြိုင်သတင်းမှ ကောက်နှုတ်ချက် )
+++++

ယက်တောအမှု ဒေါ်စုတွင် တာဝန်ရှိဟု ရဲချုပ်က အပြစ်တင်

ချင်းမိုင် (မဇ္ဈိမ) ။ ။ ဒေါ်အောင်ဆန်းစုကြည်၏ နေအိမ်ခြံဝင်းအတွင်း အမေရိကန်နိုင်ငံသား ဂျွန်ယက်တော ဝင်ရောက်မှုနှင့် ပတ်သက်၍ သူမတွင်သာ တာဝန်ရှိကြောင်း မြန်မာနိုင်ငံ ရဲချုပ်က ယနေ့ ပြောသည်။

ပထမအကြိမ် လာရောက်စဉ်ကတည်းက တာဝန်ရှိသူများကို သတင်းပြည့်စုံစွာ မပို့ခဲ့ဘဲ ထိန်ချန်ထားခဲ့သည်ဟူ၍ ရဲချုပ် ဗိုလ်မှူးချုပ် ခင်ရီက ရန်ကုန်ရှိ မူးယစ်ဆေးဝါး ဆန့်ကျင်ရေးပြတိုက်၌ ယနေ့ မွန်းလွဲ ၂ နာရီက ပြုလုပ်သော သတင်းစာရှင်းလင်းပွဲ၌ ပြောသွားသည်။
ဒေါ်အောင်ဆန်းစုကြည်သည် လုံခြုံရေးတပ်ဖွဲ့ဝင်များကို တိုက်ရိုက်သတင်းမပို့ဘဲ ၄ ရက်အကြာ ၂၀၀၈ ခုနှစ် ဒီဇင်ဘာလ ၄ ရက်နေ့ကျမှ သူမအား ကျန်းမာရေး စောင့်ရှောက်မှု ပေးနေသော ဒေါက်တာတင်မျိုးဝင်းကတဆင့် သတင်းပို့ခဲ့သဖြင့် သဲလွန်စရရန် ခက်ခဲပြီး အဖြစ်မှန် မဖော်ထုတ်နိုင်ခဲ့ကြောင်း ရဲချုပ်က ဆိုသည်။

မစ္စတာယက်တောသည် ဉာဏ်ရည်ဉာဏ်သွေး ကောင်းမွန်ပြီး၊ ဝေဖန်သုံးသပ် ဆင်ခြင်နိုင်စွမ်း မြင့်မားသည့် ပုဂ္ဂိုလ်တဦးဖြစ်ကြောင်းနှင့် စိတ်ဝေဒနာရှင် ကျပ်မပြည့်သူတဦးဆိုတာ မဟုတ်မှန်ကြောင်းလည်း ထည့်သွင်းပြောဆိုသွားသည်။
(မဇ္ဈိမသတင်းမှ ကောက်နှုတ်ချက်)
+++++

Kang Nam သင်္ဘောသတင်း မရရှိသေးဟု မြန်မာအစိုးရက မီဒီယာများမှ ကြေညာ

နိုင်ငံတကာက စိတ်ဝင်တစား စောင့်ကြည့်ခြင်းခံရသော Kang Nam မြောက်ကိုရီးသားသင်္ဘောသည် မြန်မာနိုင်ငံသို့ ဆိုက်ကပ်မည့် သတင်းတစုံတရာ မရရှိသေးကြောင်း ယနေ့ထုတ်မြန်မာ့အလင်းသတင်းစာတွင် ဖော်ပြသည်။ နိုင်ငံတကာသတင်းများတွင် စစ်လက်နက် ပစ္စည်းများ သယ်ဆောင်လာသည်ဟု ယူဆရသော မြောက်ကိုရီးယား သင်္ဘော Kang Nam သည် မြန်မာနိုင်ငံသို့ ဦးတည်နေသည်ဟု ဖော်ပြနေကြသော်လည်း မြန်မာဆိပ်ကမ်းသို့ ဆန်တန်ချိန် (၈,၀၀၀) ကျော် လာရောက်တင်ဆောင်မည့် အိန္ဒိယနိုင်ငံ ကာလကတ္တားမှ MV Dumangang သင်္ဘောသာလျှင် ဇွန်လ (၂၇) ရက် ပတ်ဝန်းကျင်တွင် မြန်မာနိုင်ငံသို့ ရောက်ရှိမည်ဖြစ်ကြောင်း စစ်အစိုးရက ယနေ့ထုတ် မြန်မာ့အလင်းသတင်းစာတွင် ဖော်ပြသည်။

ပြည်ပသတင်းဌာနများက ထုတ်လွှင့်လျက်ရှိသည့် Kang Nam ကုန်တင်သင်္ဘောနှင့်ပတ်သက်၍ သက်ဆိုင်ရာမှ သတင်းတစုံတရာရရှိခြင်း မရှိကြောင်း ဆက်လက်ဖော်ပြထားသည်။ မြောက်ကိုရီးယားမှ Kang Nam ကုန်တင်သင်္ဘောသည် ဒုံးလက်နက်နှင့်ဆက်စပ်ပစ္စည်းများ တင်ဆောင်လာသည်ဟု တောင်ကိုရီးယား ထောက်လှမ်းရေး အပါအ၀င် နိုင်ငံတကာစောင့်ကြည့်လေ့လာသူများက ယူဆထားကြပြီး အမေရိကန် ရေတပ်ဖျက်သင်္ဘော USS John S. McCain က နောက်ယောင်ခံ စောင့်ကြည့်လျက်ရှိသည်။
( ခေတ်ပြိုင်သတင်းမှ ကောက်နှုတ်ချက် )
+++++

မြောက်ကိုရီးယား သဘောင်္သတင်း ဖော်ပြခွင့် ပိတ်ပင်

ချင်းမိုင် (မဇ္ဈိမ)။ ။ မြန်မာနိုင်ငံသို့ ဦးတည် လာနေသည်ဟု ဆိုသော မြောက်ကိုရီးယား သဘောင်္ ကန်နမ်နှင့် ပတ်သက်ပြီး ပြည်တွင်း ဂျာနယ်များတွင် သတင်းဖော်ပြခွင့်ကို စစ်အစိုးရက ပိတ်ပင်ထားသည်။

အပတ်စဉ် ကြာသပတေးနေ့ထုတ် ပြည်မြန်မာ သတင်းဂျာနယ်က နိုင်ငံတကာ သတင်းအနေဖြင့် အေပီ သတင်းဌာနကို ကိုးကား ရေးသားထားသော သတင်းပါလာပြီးနောက် အခြား သတင်းဂျာနယ်များတွင် ဖော်ပြခွင့် ပိတ်ပင်ခံရသည်။
(မဇ္ဈိမသတင်းမှ ကောက်နှုတ်ချက်)
+++++

ဘေးကြားမျိုးစပါးများ တစေ့မှ အပင်ပေါက်ဟု ဘိုကလေးဒေသခံ လယ်သမားများပြော

ဧရာဝတီတိုင်း ဘိုကလေးမြို့နယ်အတွင်း ဖြန့်ဝေသော မျိုးစပါးများ အပင်မပေါက်သဖြင့် တိရစ္ဆာန်အစာအဖြစ်သာ အသုံးပြုနေရကြောင်း ဒေသခံလယ်သမားများက ပြောသည်။

ဘိုကလေးမြို့နယ် ထော်ပိုင်-ရွှေပြည်အေးဒိုင်နယ်၊ စက်စု- စက်ဆန်း ဒိုင်နယ်များမှ (၁၀) ဧကနှင့်အောက် လုပ်ကိုင်နေသော လယ်သမားများအား တဦးလျှင် မျိုးစပါး (၈) တင်းနှုန်းဖြင့် ဒုက္ခသည်များဆိုင်ရာ မဟာမင်းကြီးရုံး (UNHCR)၊ The UN Refugee Agency ၏ German Agro Action (GAA) အဖွဲ့က ယခုလဆန်းပိုင်းတွင် ဖြန့်ဝေခဲ့သည်။

အဆိုပါ မျိုးစပါးများကို ယခုစိုက်ပျိုးရာသီ၌ ကြဲပက်စိုက်ပျိုးရာ တစေ့မှ အပင်မပေါက်သဖြင့် တိရစ္ဆာန်အစာအဖြစ် သုံးနေကြရသည်။

အဆိုပါစပါးများမှာ သက်ကြီးစပါး ဘေးကြားမျိူးများ ဖြစ်ပြီး မအူပင်မြို့မှ မှာယူခဲ့ခြင်းဖြစ်ကာ ဒေသအရောက် (၁) တင်း (၈,၁၀၀) ကျပ်နှင့် စပါးတင်း (၁၀၀) ကို (၈) သိန်းကျော်တန်ဖိုးရှိကြောင်း UNHCR မှ တာဝန်ရှိသူတဦးက ပြောသည်။

(၁) ဧက (၁၀) တင်းခန့်သာ ထွက်ရှိသော အဆိုပါ အခြေအနေတွင် ဒေသခံတို့အနေဖြင့် သီးသန့်မျိုးစပါး မစုဆောင်းနိုင်ဘဲ ၀မ်းစာပင် လုံလောက်စွာ မထားရှိနိုင်ကြောင်း သိရသည်။
( ခေတ်ပြိုင်သတင်းမှ ကောက်နှုတ်ချက် )
+++++

ဗိုလ်ချုပ်အောင်ဆန်းနှင့် ဒေါ်စု ဓာတ်ပုံများ ပဲခူးတိုင်းအတွင်း ဖြန့်ဝေ

နယူးဒေလီ (မဇ္ဈိမ) ။ ။ ပဲခူးတိုင်းအတွင်း မြို့နယ်အချို့၌ ဗိုလ်ချုပ်အောင်ဆန်းနှင့် ဒေါ်အောင်ဆန်းစုကြည်၏ ဓာတ်ပုံများကို အန်အယ်ဒီ လူငယ်များသည် ယမန်နေ့က လိုက်လံဝေငှခဲ့ကြောင်း သိရသည်။

လူစည်ကားရာ ပဲခူးမြို့ပေါ်နေရာများ၊ တိုင်းအတွင်းရှိ မြို့နယ်အချို့၌ လွတ်လပ်ရေးဗိသုကာ ဗိုလ်ချုပ် အောင်ဆန်းနှင့် သမီးဖြစ်သူ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ဓာတ်ပုံပေါင်း ၃ဝဝဝ ဖြန့်ဝေခြင်း ဖြစ်သည်။
ဓာတ်ပုံများ ဝေငှရာများအနီး၌ အရပ်ဝတ်နှင့် အာဏာပိုင်များက စောင့်ကြည့်မှုများ ရှိခဲ့သော်လည်း အနှောင့်အယှက် တစုံတရာပေးခြင်း မရှိကြောင်း သိရသည်။
(မဇ္ဈိမသတင်းမှ ကောက်နှုတ်ချက်)
+++++
ဇွန်လ ၂၆ ရက်
ရက်သတ္တပတ် ၂၆၊ ၂၀၀၉
မြန်မာသတင်း

ဒေါ်အောင်ဆန်းစုကြည်အမှု ဇူလိုင် ၃ ရက်သို့ ရွေ့

ဒေါ်အောင်ဆန်းစုကြည်အား တရားစွဲတင်စစ်ဆေးနေသော အင်းစိန်ထောင်အထူးတရားရုံး တရားခွင်ကို ဇူလိုင်လ (၃) ရက်သို့ ပြောင်းရွှေ့လိုက်ပြီဖြစ်သည်။

ဗဟိုတရားရုံးသို့ အယူခံတင်ပြထားသော သက်သေခေါ်ယူခွင့် ပြင်ဆင်မှု ပြီးပြတ်ခြင်းမရှိသေးသဖြင့် ယင်းကဲ့သို့ ရွှေ့ဆိုင်းလိုက်ရခြင်းဖြစ်သည်။
ယင်းကဲ့သို့ သက်သေ (၁) ဦးသာ ထွက်ဆိုခွင့်ရခြင်းမှာ တရားမျှတမှုမရှိသဖြင့် ဒေါ်အောင်ဆန်းစုကြည်၏ ရှေ့နေများက ရန်ကုန်တိုင်းတရားရုံးသို့ ထပ်မံတင်ပြရာ နောက်သက်သေအဖြစ် ရှေ့နေဒေါ်ခင်မိုးမိုးကို ရန်ကုန်တိုင်းတရားရုံးက ခွင့်ပြုပေးခဲ့ပြီး ဦးတင်ဦးနှင့် ဦးဝင်းတင်တို့ကို ထပ်မံပယ်ချထားသည့်အတွက် ဗဟိုတရားရုံးသို့ အယူခံထားခြင်းဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++

ဦးဂမ္ဘီရ ထောင်ဒဏ် ငါးနှစ် လျော့

ချင်းမိုင်(မဇ္ဈိမ)။ ။ စစ်အစိုးရကို ဆန့်ကျင် ဆန္ဒပြရာတွင် ဦးဆောင်ခဲ့သူ အရှင်ဂမ္ဘီရအား အနောက်ပိုင်းခရိုင် တရားရုံးက ထောင်ဒဏ် ၅နှစ် ယမန်နေ့က လျော့ချပေးလိုက်သည်။

သံဃာတပ်ပေါင်းစုခေါင်းဆောင် ဦးဂမ္ဘီရအား စွဲဆိုခဲ့သော အမှု ၁၆ ခုအနက် အီလက်ထရောနစ် ဥပဒေကို ချိုးဖောက်သည့်အမှုမှ ထောင်ဒဏ်ကို လျော့လိုက်ခြင်း ဖြစ်သည်။ သို့သော် သူသည် ထောင်ဒဏ် ၆၃ နှစ် ကျခံရန် ကျန်သေးသည်။

လက်ရှိအချိန်တွင် စစ်ကိုင်းတိုင်း ကလေးထောင်ထဲတွင် အကျဉ်းကျခံနေရသူ အသက် ၂၉ နှစ်အရွယ် ဦးဂမ္ဘီရ၏ ရှေ့နေများက အမှုများကို ပြန်လည်စစ်ကြောရန် ခရိုင်တရားရုံးကို အယူခံတင်သွင်းခဲ့ရာ ၇ မှု အပယ်ခံရသည်။ အယူခံတင်ချိန် နောက်ကျ၍ ပယ်ချရခြင်းဖြစ်သည်ဟု တရားရုံးက ပြန်ကြားကြောင်း မိသားစုဝင်များက ပြောသည်။

ကျန်သော ၉ မှုကို တရားရုံးက စိစစ်နေဆဲဖြစ်ပြီး ၂၉ ရက်နေ့ ရုံးချိန်းပေးထားသည်။
(မဇ္ဈိမသတင်းမှ ကောက်နှုတ်ချက်)
+++++

ဝါဆိုမည့်သံဃာများကို ကိုယ်ရေးအတ္ထုပ္ပတ္တိ တောင်းယူ

ယခုနှစ် ရန်ကုန်၌ ၀ါဆိုမည့်သံဃာတော်များအနေဖြင့် ဓာတ်ပုံနှင့်တကွ ကိုယ်ရေးအတ္ထုပ္ပတ္တိများကို ပုံစံတွင် ဖြည့်စွက်ကြရပြီး ကျောင်းထိုင်ဆရာတော်များက တာဝန်ခံလက်မှတ်ထိုးပေးကာ သာသနာရေးဦးစီးဌာနသို့ ပေးအပ်ကြရကြောင်း သိရသည်။

ယခုလအစောပိုင်းကလည်း သာသနာရေးဝန်ကြီးဌာနက သံဃာတော်များ ပြည်ပထွက်ခွာခွင့်အတွက် ထောက်ခံစာ ပေးမှုများကို ရပ်တန့်ထားခဲ့သည်။
( ခေတ်ပြိုင်သတင်းမှ ကောက်နှုတ်ချက် )
+++++

ဂမ်ဘာရီက ကုလ အတွင်းရေးမှူးချုပ်ထံ တိုက်ရိုက် အစီရင်ခံမည်

ချင်းမိုင် (မဇ္ဈိမ)။ ။ မြန်မာပြည်ဆိုင်ရာ ကုလသမဂ္ဂ အထူးသံတမန် မစ္စတာ အီဘရာဟင် ဂမ်ဘာရီသည် သူ၏ မြန်မာနိုင်ငံ ခရီးစဉ်နှင့် ပတ်သက်၍ ယခုသီတင်းပတ်ကုန်တွင် အထွေထွေအတွင်းရေးမှူးချုပ်ထံ အစီရင်ခံရမည်ဖြစ်ကြောင်း ကုလအဆင့်မြင့် အရာရှိတဦးက ပြောဆိုလိုက်သည်။

ယနေ့နံနက်က မြန်မာနိုင်ငံသို့ ရောက်ရှိလာသော အထူး ကိုယ်စားလှယ်၏ ခရီးစဉ်အပေါ် နယူးယောက်ရှိ ကုလဌာနချုပ်က တိုက်ရိုက် ကိုင်တွယ်၍ သတင်းထုတ်ပြန်မှုကိုလည်း တင်းကျပ်ထားကြောင်း ရန်ကုန်ရှိ ကုလ အသိုင်းအဝိုင်းက ပြောဆိုနေသည်။
(မဇ္ဈိမသတင်းမှ ကောက်နှုတ်ချက်)
+++++

DKBA ၉၉၉ တပ်ရင်းမှူး ချုံခိုတိုက်ခိုက်ခံရသဖြင့် သေဆုံး

ယနေ့နံနက်ပိုင်းက တိုးတက်သော ကရင်ဗုဒ္ဓဘာသာအဖွဲ့ (ဒီကေဘီအေ) ၉၉၉ တပ်ရင်း (၇) မှ တပ်ရင်းမှူး ဒု-ဗိုလ်မှူးကြီး အဆင့်ရှိသူ စောစံပြုံး (ခေါ်) ဗိုလ်ဆန်ပြုတ်နှင့်အဖွဲ့သည် တပ်မဟာ (၇) ဒေသအား ထိုးစစ်ဆင်အပြီး ၉၉၉ အထူးတပ်ရင်းတည်ရှိရာ မြဝတီခရိုင် ရွှေကုက္ကိုရွာသို့ တပ်မဟာ (၇) ဒေသမှတဆင့် စက်လှေဖြင့် သောင်ရင်းမြစ်အတိုင်း ဆန်တက်ရာ မယ်တန်နှင့် မယ်လအကြားရှိ မောင်ကလာဝဲဟုခေါ်သည့် နေရာအရောက် တွင် မြန်မာနိုင်ငံဘက်အခြမ်းမှ အမည်မသိ လက်နက်ကိုင်အဖွဲ့ တဖွဲ့၏ ချုံခိုတိုက်ခိုက်မှုကြောင့် ဗိုလ်ဆန်ပြုတ် အပါအဝင် တပ်ဖွဲ့ဝင် (၁၀) ဦး သေဆုံးသွားသည်ဟု မျက်မြင်သက်သေ တဦးက ပြောသည်။

ယခုသေဆုံးသွားသူ ဗိုလ်ဆန်ပြုတ်သည် ၂၀၀၈ ခု ဖေဖော်ဝါရီလက မဲဆောက်မြို့တွင် လုပ်ကြံခံရသည့် ကရင်အမျိုးသားအစည်းအရုံး (ကေအန်ယူ) အထွေထွေအတွင်းရေးမှူး ပဒိုမန်းရှာလားဖန်းအား လုပ်ကြံခဲ့ရာတွင် အဓိကဦးဆောင်သူဟု ကရင်အမျိုးသားထုအတွင်း သင်္ကာမကင်းခံရသူဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++

ဆလိုင်းတင်မောင်ဦး ဂုဏ်ပြုဆန္ဒပြပွဲ ကျင်းပ

ချင်းမိုင် (မဇ္ဈိမ)။ ။ အာဏာရှင်ဟောင်း ဦးနေဝင်း၏ အစိုးရမှ ပထမဆုံး ကြိုးမိန့်ပေးခဲ့သူ ချင်းကျောင်းသား ခေါင်းဆောင် ဆလိုင်းတင်မောင်ဦး ကျဆုံးသည့် ၃၃ နှစ်မြောက်နေ့ ယနေ့တွင် တောင်ကိုရီးယား ဆိုးလ်မြို့ရှိ မြန်မာသံရုံးရှေ့၌ ချင်းလူမျိုးများ စုပေါင်း ဆန္ဒပြခဲ့သည်။

ဗိုလ်ချုပ်ကြီး နေဝင်း၏ တော်လှန်ရေးကောင်စီ အစိုးရအဖြစ်မှ ဦးနေဝင်း၏ မြန်မာ့ဆိုရှယ်လစ် လမ်းစဉ်ပါတီအဖြစ် အသွင်ပြောင်း ဖွဲ့စည်းစ၌ ကျောင်းသား လှုပ်ရှားမှုများဖြင့် ဆက်လက် ဆန့်ကျင်ခဲ့ရာ၌ ဦးဆောင်ပါဝင်သဖြင့် ဖမ်းဆီးကြိုးမိန့်ပေးခံရသူ ဆလိုင်းတင်မောင်ဦးအား ဂုဏ်ပြုအောက်မေ့ဖွယ်အဖြစ် စုပေါင်းဆန္ဒပြခဲ့ခြင်း ဖြစ်သည်။
(မဇ္ဈိမသတင်းမှ ကောက်နှုတ်ချက်)
+++++

နအဖ ဘိန်းစိုက်ပျိုးမှု ပပျောက်ရေး စီမံကိန်း မအောင်မြင်ဟု ရှမ်းမူးယစ်စောင့်ကြည့်အဖွဲ့ ပြော

မြန်မာနိုင်ငံတွင် ဘိန်းစိုက်ပျိုးမှုပပျောက်ရေး စီမံကိန်းကာလ (၁၅) နှစ်ချမှတ်ထားပြီး ၂၀၀၉ ခုနှစ်အထိ (၁၀) နှစ်တာအတွင်း မြန်မာနိုင်ငံအရှေ့မြောက်ပိုင်း၌ စစ်အစိုးရ လျာထားသည့် (၄၄) မြို့နယ်အနက် (၂၉) မြို့နယ်တွင် ဘိန်းစိုက်ပျိုးမှု ဆက်လက်ကျန်ရှိနေသေးသဖြင့် အဆိုပါစီမံကိန်း အောင်မြင်မှုမရှိကြောင်း ရှမ်းပြည် မူးယစ်စောင့်ကြည့်ရေးအဖွဲ့က ယနေ့ပြောကြားသည်။

ဘိန်းစိုက်ပျိုးမှု ပပျောက်ရေး ဒုတိယ (၅) နှစ်စီမံကိန်း (၂၀၀၄-၂၀၀၉) တွင် ဘိန်းစိုက်ပျိုးမှု ဆက်လက် ကျန်ရှိနေသည့် ဒေသအများစုမှာ နအဖစစ်အစိုးရ ထိန်းချုပ်မှုအောက်မှ မြို့နယ်များဖြစ်ကြောင်း ရှမ်းပြည် မူးယစ် စောင့်ကြည့်ရေးအဖွဲ့တာဝန်ခံဖြစ်သူ ဦးခွန်ဆိုင်းက ခေတ်ပြိုင်သို့ ပြောသည်။ ကုလသမဂ္ဂမူးယစ်ဆေးဝါးနှင့် ပြစ်မှုဆိုင်ရာရုံး (UNODC) ၏ ၂၀၀၇-၂၀၀၈ အတွက် ထုတ်ပြန်ချက်တွင် မြန်မာနိုင်ငံ ဘိန်းစိုက်ပျိုးမှုသည် (၃၆) ရာခိုင်နှုန်း တိုးလာကြောင်း ဖော်ပြထားပြီး အထူးသဖြင့် ရှမ်းပြည်အရှေ့ပိုင်းနှင့် တောင်ပိုင်းတို့တွင် ဖြစ်သည်ဟု ဖော်ပြသည်။
( ခေတ်ပြိုင်သတင်းမှ ကောက်နှုတ်ချက် )
+++++

တနင်္သာရီ ရေအားလျှပ်စစ် စီမံကိန်းအတွက် ကွင်းဆင်း လေ့လာနေ

ချင်းမိုင်။ ။ စင်္ကာပူနှင့် ထိုင်းသို့ လျှပ်စစ် တင်ပို့နိုင်ရန် အလားအလာရှိသော ရေကာတာတခု ဆောက်လုပ်နိုင်ရန် အတွက် မြန်မာနိုင်ငံ တောင်ဘက် အစွန်းပိုင်းရှိ တနင်္သာရီမြစ်ကို မြန်မာ အာဏာပိုင်များနှင့် ထိုင်းပညာရှင်များက ဂရုစိုက် လေ့လာနေကြသည်။

ထိုင်းအာဏာပိုင်များမှ တနင်္သာရီတိုင်းတွင် နွေရာသီနှင့်မိုးရာသီများတွင် မြစ်၏ ရေမျက်နှာပြင် အမြင့်များကို လေ့လာမှတ်သားနိုင်ရန်လူတဦး ထားပေးထားသည် ဟု ဒေသခံများက ဆိုသည်။ မြန်မာနိုင်ငံသည် စွမ်းအင် လိုအပ်နေသော နိုင်ငံများဖြစ်သည့် ထိုင်းနှင့် စင်္ကာပူနှစ်နိုင်ငံ တို့အား ရေအားလျှပ်စစ် စီမံကိန်းမှ ရရှိသော လျှပ်စစ်များ ပံ့ပိုးပေးသွားမည်ဟု သဘောတူစာချုပ်တွင် လက်မှတ်ထိုးထားပါသည်။

အစိုးရအာဘော် သတင်းစာတခုဖြစ်သော နယူးလိုက်အော့ဖ်မြန်မာ၏ ဖော်ပြချက်အရ ထိုင်းနိုင်ငံ အီတလီ-ထိုင်း ဖွံဖြိုးရေး ပြည်သူ့ကုမ္မဏီ လီမီတက်၊ စင်္ကာပူနိုင်ငံ ဝင်းဖောစွမ်းအင် ဝန်ဆောင်မှု လီမီတက် (ဗြိတိသျှ ဗားဂျင်းကျွန်းမှ) တို့နှင့် မြန်မာ့လျှပ်စစ် စွမ်းအားဝန်ကြီးဌာန (၁) တို့ အကြား တနင်္သာရီ ရေအား လျှပ်စစ်စီမံကိန်း အတွက် လက်မှတ်ရေးထိုးပွဲ အခမ်းအနားကို ၂၀၀၈ ခုနှစ်၊ အောက်တိုဘာလ ၉ ရက်နေ့က ကျင်းပခဲ့ကြသည်ဟု သိရသည်။
(မဇ္ဈိမသတင်းမှ ကောက်နှုတ်ချက်)