သတင်းမှတ်စု ( ၁၉ )

မေလ ၁၁ ရက်
ရက်သတ္တပတ် ၂၀ ၊ ၂၀၀၉
မြန်မာသတင်း

ဒေါက်တာ တင်မျိုးဝင်းအား ထိန်းသိမ်းထားသည့် နေရာ မသိရသေး


ဒေါ်အောင်ဆန်းစုကြည်၏ မိသားစုဆရာဝန် ဒေါက်တာတင်မျိုးဝင်းအား မည်သည့်နေရာတွင် ထိန်းသိမ်းထား သည်ကို ယခုအချိန်အထိ မသိရသေးကြောင်း အန်အယ်လ်ဒီပြောခွင့်ရပုဂ္ဂိုလ် ဦးဉာဏ်ဝင်းက ပြောသည်။

ဒေါက်တာတင်မျိုးဝင်းသည် မေ (၇) ရက်တွင် ဒေါ်အောင်ဆန်းစုကြည်နေအိမ်သို့ ပုံမှန်ဆေးစစ်မှုများ ပြုလုပ်ရန် သွားရောက်ခဲ့သော်လည်း တွေ့ဆုံခွင့်မရခဲ့ဘဲ ညနေပိုင်းအိမ်သို့ ပြန်အရောက် အာဏာပိုင်များက လာရောက်ခေါ်ဆောင် ထိန်းသိမ်းသွားခဲ့သည်။

ဒေါက်တာတင်မျိုးဝင်းကို ခေါ်ဆောင်သွားပြီးနောက် ၎င်းနေ့စဉ်သုံးစွဲသည့် ဆေးဝါးနှင့်အ၀တ်အစားများကို အာဏာပိုင်များက နှစ်ကြိမ်တိုင်တိုင် လာရောက်ယူဆောင်သွားကြောင်း သိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
ကျူးကျော် ဝင်ရောက်သူ၏ ဓာတ်ပုံ ဖော်ပြခွင့် စောင့်ဆိုင်းနေကြ

ချင်းမိုင် (မဇ္ဈိမ)။ ။ ဒေါ်အောင်ဆန်းစုကြည်၏ နေအိမ်အတွင်း အမေရိကန် နိုင်ငံခြားသားတဦး ဝင်ရောက်မှု သတင်းနှင့်အတူ သူ၏ ဓာတ်ပုံကို ဖော်ပြခွင့် ရရေးအတွက် ပြည်တွင်းရှိ သတင်းတိုက်များ စောင့်ဆိုင်းနေသည်။

John William Yeattaw ဆိုသူသည် ရန်ကုန် အင်းယားကန်ဘေးရှိ ဒေါ်အောင်ဆန်းစုကြည်၏ နေအိမ်အတွင်း ယခုလ ၃ ရက်နေ့ ညပိုင်းက ရေကူး၍ တိတ်တဆိတ် ဝင်ရောက်ခဲ့ကြောင်း ၆ ရက်နေ့ထုတ် မြန်မာ့အလင်း သတင်းစာပါ အချက်အလက်များကိုသာ ဖော်ပြပြီး၊ ကျူးကျော်သူ၏ ဓာတ်ပုံကိုပါ စာပေစိစစ်ရေးသို့ တင်ထားကာ ထည့်သွင်းခွင့် ရ၊ မရ စောင့်ဆိုင်းနေကြခြင်း ဖြစ်သည်။

ကျူးကျော်ဝင်ရောက်ခဲ့သူသည် ဗဟန်းမြို့နယ် တက္ကသိုလ် ရိပ်သာလမ်းရှိ နိုဘယ်လ် ငြိမ်းချမ်းရေးဆုရှင်၏ နေအိမ်အတွင်း ၂ ရက်ကြာ နေထိုင်ခဲ့ပြီးနောက်၊ မေလ ၅ ရက်နေ့ ညနေတွင် ပြန်ထွက်လာခဲ့ပြီး၊ ၆ ရက်နေ့တွင် အင်းယားကန်အတွင်း ရေကူးနေစဉ် အဖမ်းခံခဲ့ရသည်ဟု မြန်မာ့အလင်းက ဆိုသည်။
(မဇ္ဈိမသတင်းမှ ကောက်နှုတ်ချက်)
+++++
ပြည်တွင်း ဆားလုပ်ငန်းများ နာလန်မထူနိုင်

ပြည်တွင်းဆားထုတ်လုပ်မှုကျဆင်းမှုကြောင့် ထိုင်းနိုင်ငံမှဆားများကို မဲဆောက်-မြ၀တီနယ်စပ် ကုန်သွယ်ရေး လမ်းကြောင်းမှတဆင့် နေ့စဉ် ဆားတန်ချိန် (၅၀၀) ခန့် တင်သွင်းနေရသည်။

မြန်မာနိုင်ငံ၏ ဆားထွက်ရာဒေသဖြစ်သည့် လပွတ္တာ၊ ဘိုကလေး၊ ငပုတော စသည့် ဒေသများရှိ ဆားကွင်းများမှာ ယမန်နှစ်က တိုက်ခိုက်ခဲ့သည့် နာဂစ်မုန်တိုင်းကြောင့် ပျက်စီးသွားခဲ့ရာ ယနေ့ထိ နာလန်မထူနိုင်သေးဘဲ ယခင်ထုတ်ကုန်၏ (၂၅) ရာခိုင်းနှုန်းသာ ထွက်ရှိသောကြောင့် ပြည်ပမှဆားများ တင်သွင်းရခြင်းဖြစ်သည်ဟု မြန်မာကုန်သည်များက ပြောသည်။

မဲဆောက်-မြ၀တီ ချစ်ကြည်ရေး တံတားအပါအ၀င် တံတား၏တောင်ဘက်ရှိ တရားမ၀င် ဂိတ်များဖြစ်သည့် သုံည ဂိတ်၊ နှစ်ဂိတ်၊ (၉၉၉) ဂိတ်သစ်၊ တစ်ဂိတ်၊ ဆယ့်ခြောက်ဂိတ်၊ ဆယ့်ခုနှစ်ဂိတ်တို့မှ ဆားအိတ်ရေ (၁) သောင်း ခန့်ကို မြန်မာနိုင်ငံဘက်သို့ ထိုင်းဘက်မှ နေ့စဉ် တင်ပို့ရသည်ဟု ဆားတင်သွင်းသည့် ထိုင်းကုန်သည်တဦးက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
ဆွမ်းလောင်းလှူသူ အန်အယ်ဒီ လူငယ်များ စုံစမ်းမေးမြန်းခံရ

နယူးဒေလီ(မဇ္ဈိမ)။ ။ ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများ လွတ်မြောက်ရေးအတွက် ယခုလ ၅ ရက်နေ့က ဆွမ်းလောင်းလှူခဲ့သည့် ရန်ကုန်တိုင်း တွံတေးမြို့ အမျိုးသား ဒီမိုကရေစီ အဖွဲ့ချုပ်ဝင် လူငယ် ၃ ဦး၏ နေအိမ်များသို့ အာဏာပိုင်များက စုံစမ်းမေးမြန်းမှုများ ယနေ့ ပြုလုပ်ခဲ့သည်။

ဤသည်မှာ ၅ ရက်နေ့က အတူတကွ ဆွမ်းလောင်းခဲ့သည့် မြို့နယ် အန်အယ်ဒီ လူငယ်တာဝန်ခံ ကိုရဲထွဋ်ခေါင် ကို ချဲစာရွက် လက်ဝယ်တွေ့ရှိသည်ဟု စွပ်စွဲကာ ယခုလ ၇ ရက်နေ့တွင် အာဏာပိုင်များက ဖမ်းဆီးခဲ့ပြီးနောက်၊ ကျန်ရှိနေသည့် လူငယ် ၃ ဦးထံ လာရောက်၍ စုံစမ်းမှုများ ပြုလုပ်ခြင်းဖြစ်သည်။
(မဇ္ဈိမသတင်းမှ ကောက်နှုတ်ချက်)
+++++
ဂျောက်ဂျက် သီချင်းဆိုခွင့် ရပြီ

ဆင်ဆာမဲ့ ညစ်ညမ်း Under Ground သီချင်းများ ညစ်ညမ်းစာသားများ သီဆိုမှု၊ ညစ်ညမ်းပုံများနှင့်အတူ ဗီစီဒီ ထွက်ရှိမှုများနှင့်ပတ်သက်၍ မြန်မာနိုင်ငံ ဂီတအစည်းအရုံးက Show သီဆိုမှု၊ စီးရီးထုတ်မှုများကို ခေတ္တရပ်ဆိုင်း ခံရကာ နောင်မသီဆိုရန် ၀န်ခံကတိထိုးခဲ့ရသူ ဟစ်ဟော့ အဆိုရှင် ဂျောက်ဂျက် သီချင်းပြန်လည် သီဆိုခွင့်ရပြီဖြစ် ကြောင်း ၎င်းက ပြောသည်။

၎င်း၏ Show ကို လာမည့် မေလ (၂၃) ရက်နေ့တွင် မျှော်စင်ကျွန်း၌ ဖျော်ဖြေမည်ဟု အလင်းတန်းဂျာနယ်တွင် ရေးသားဖော်ပြသည်။

အဆိုတော် ဂျောက်ဂျက်အား ပြီးခဲ့သည့် ဇန်န၀ါရီလအတွင်းက စာပေစီစစ်ရေးနှင့် မြန်မာနိုင်ငံ ဂီတအစည်းအရုံးက ခေါ်ယူ၍ ခံဝန်ဂတိ လတ်မှတ်ထိုးခိုင်းခဲ့သည်။
( ခေတ်ပြိုင်သတင်းမှ ကောက်နှုတ်ချက် )
+++++
၇ နှစ်အရွယ် မိန်းကလေးငယ် အဓမ္မ ပြုကျင့်ခံရ

ဒါကာ (မဇ္ဈိမ)။ ။ ရခိုင်ပြည်နယ် မောင်တောမြို့အပိုင် ကျောက်လဲကျေးရွာမှ ၇ နှစ်သမီးအရွယ် မိန်းကလေးတဦး ယခုလ ၇ ရက်နေ့က အဓမ္မ ပြုကျင့်ခံခဲ့ရသည်။

မောင်တောမြို့ မြောက်ဘက် ၆ မိုင်ခန့်အကွာရှိ ကျောက်လဲရွာတွင် နေထိုင်သူ မိန်းကလေးသည် ဆေးဝယ်ရန်အတွက် နေအိမ်မှ ည ၇ နာရီကျော်တွင် အပြင်ထွက်စဉ် ယခုလို အဖြစ်မျိုး ကြုံတွေ့ရကြောင်း ဒေသခံများက ပြောဆိုကြခြင်း ဖြစ်သည်။

ဆွေမျိုးသားချင်းများက ကလေးငယ်ကို လိုက်လံရှာဖွေရာ၌ ကျေးရွာ စာသင်ကျောင်းနှင့် ကိုက် ၃ဝဝ ခန့်အကွာရှိ တောအုပ်အတွင်းမှ ထိုနေ့ ည ၂ နာရီခန့်တွင် တွေ့ရှိခဲ့ကြောင်း ဆွေးမျိုး တော်စပ်သူ တဦးက ပြောသည်။ မိန်းကလေးကို မောင်တောဆေးရုံတွင် တင်ထားရပြီး ယနေ့ထိ ဆေးကုသမှု ခံယူနေရသည်။

ကလေးငယ်၏ ပြောဆိုချက်အရ ကျေးရွာ စာသင်ကျောင်းတွင် အခြေချထားသည့် ဆောက်လုပ်ရေးတပ်ဖွဲ့မှ တပ်သားတဦး ဖြစ်နိုင်ကြောင်း ဆွေမျိုးတော်စပ်သူက ပြောသည်။
(မဇ္ဈိမသတင်းမှ ကောက်နှုတ်ချက်)
+++++
ဝေဘာဂီ အထူးကုဆေးရုံကြီးမှ လူနာများ မင်္ဂလာဒုံ ဆေးရုံသစ်ကြိးသို့ ရှေ့လာအတွင်း ရွေ့ရမည်


HIV/ AIDS ဝေဒနာရှင်များကို ကုသပေးနေသည့် မြောက်ဥက္ကလာပမြို့နယ်၊ HIV/ AIDS အထူးကုဆေးရုံကြီးအား အစိုးရမှ ပြန်သိမ်းလိုက်ပြီး ဆေးရုံတက် လူနာများအား မင်္ဂလာဒုံ အထူးကု ဆေးရုံသစ်ကြီးသို့ ဇွန်လအတွင်း ပြောင်းရွှေ့ရမည်ဖြစ်ကြောင်း ဝေဘာဂီမှ တာဝန်ကျဆရာဝန်တဦးက ပြောသည်။

မင်္ဂလာဒုံ ဆေးရုံဝင်းအတွင်း ခုတင် (၅၀) ဆံ့၊ အဆောင်သစ် (၂) ဆောင်ကို ကုမ္ပဏီတခုမှ တာဝန်ယူဆောက်လုပ် နေသည်မှာ မကြာမီ ပြီးစီးတော့မည်ဖြစ်ကြောင်း၊ မင်္ဂလာဒုံဆေးရုံကြီးသည် ဝေဘာဂီဆေးရုံကဲ့သို့မကြီးသော်လည်း ရွှေ့ပြောင်းလူနာများ ဆံ့နိုင်ကြောင်း အဆိုပါဆရာဝန်က ပြောသည်။

ကျိုက္ကလို့-ကျိုက္ကလဲ့ဘုရား အရှေ့ဘက် အထူးကုဆေးရုံ (မင်္ဂလာဒုံ) ဖွင့်လှစ်လိုက်သည်မှာ တနှစ်ကျော်ခန့်သာ ရှိသေးပြီး မင်္ဂလာဒုံ ဆေးရုံအုပ်ကြီးမှာ ဒေါက်တာ အောင်စန်း ဖြစ်သည်။ မြန်မာတနိုင်ငံလုံးမှ HIV/ AIDS ဝေဒနာရှင်များအား အဓိကကုသပေးနေသည့်ဆေးရုံနှစ်ခုမှာ ဝေဘာဂီနှင့် မင်္ဂလာဒုံ အထူးကုဆေးရုံတို့ဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++
မေလ ၁၂ ရက်
ရက်သတ္တပတ် ၂၀ ၊ ၂၀၀၉
မြန်မာသတင်း


ဒေါ်အောင်ဆန်းစုကြည် ကြွက်တက်ဝေဒနာ ခံစားနေရ

ချင်းမိုင်(မဇ္ဈိမ)။ ။ ဒေါ်အောင်ဆန်းစုကြည် ကျန်းမာရေး အတွက်ယမန်နေ့က ဆေးကုသခွင့် ရရှိခဲ့ရာ ကြွက်တက်တတ်သည့် ရောဂါ၏ အကြောင်းရင်းခံကို ဆက်လက်ရှာဖွေစစ်ဆေးနေကြောင်း အမျိုးသားဒီမိုကရေစီအဖွဲ့ချုပ် ပြောခွင့်ရပုဂ္ဂိုလ် ဦးဥာဏ်ဝင်းက ပြောကြားသည်။

ဒေါ်အောင်ဆန်းစုကြည်၏ မိသားစုဆရာဝန် ဒေါက်တာတင်မျိုးဝင်းကို စစ်အစိုးရက ဖမ်းဆီးခဲ့ပြီးနောက် ဒေါက်တာပြုံးမိုအိ သည် ယမန်နေ့က ဒေါ်အောင်ဆန်းစုကြည်ကို ၄နာရီကြာဆေးကုသခွင့် ရရှိခဲ့သည်။

နေအိမ်အကျယ်ချုပ်ကျခံနေရသော ဒေါ်အောင်ဆန်းစုကြည်အတွက် ဆေးကုသခွင့် လိုအပ်ပါက အာဏာပိုင်များကို အကြောင်းကြားရသည်။
(မဇ္ဈိမသတင်းမှ ကောက်နှုတ်ချက်)
+++++
( ၂ ) ပတ်အတွင်း မွန်ပြည်သစ်ပါတီဝင် ( ၂ ) ဦးအား လုပ်ကြံမှု ဖြစ်ပွား


စစ်အစိုးရနှင့် အပစ်ရပ်ထားသည့် မွန်တိုင်းရင်းသား လက်နက်ကိုင်အဖွဲ့များအတွင်း အင်အားအကြီးဆုံး ဖြစ်သော မွန်ပြည်သစ်ပါတီဝင် (၂) ဦးကို ရက်သတ္တ (၃) ပတ်အတွင်း လုပ်ကြံသတ်ဖြတ်မှု ဖြစ်ပွားခဲ့ကြောင်း နယ်စပ်မှ လာသောသတင်းအရ သိရသည်။

ပြီးခဲ့သည့်ဧပြီ (၁၈) ရက်တွင် ခရိုင်ကော်မတီဝင် ဒေါက်တာနိုင်မင်းနောင် လုပ်ကြံသတ်ဖြတ်ခံခဲ့ရပြီး ယခုလ မေ (၈) ရက်တွင် မြို့နယ်ကော်မတီဝင်တဦးဖြစ်သူ နိုင်ရာဇာ သေနတ်ဖြင့် (၆) ချက်တိတိ ပစ်ခတ်ခြင်းခဲ့ရသော်လည်း ဒဏ်ရာရရှိခြင်း မရှိဘဲ လွတ်မြောက်ခဲ့သည်ဟု သိရသည်။

လုပ်ကြံသတ်ဖြတ်မှု (၂) ခုစလုံးသည် စစ်အစိုးရနယ်မြေအတွင်းရှိ မော်လမြိုင်-ရေး အဝေးပြေးကားလမ်းမကြီး ပေါ်တွင် ဖြစ်ပြီး နိုင်ရာဇာအား သေနတ်ဖြင့်လှမ်းပစ်သည့် ကားအမျိုးအစားမှာလည်း တူညီနေသည်။

ယခု ဒုတိယအကြိမ် လုပ်ကြံသတ်ဖြတ်မှု ဖြစ်ပွားအပြီး ယင်းလုပ်ကြံမှု၏ နောက်ကွယ်တွင် မည်သူတို့ ရှိနေသည်ဆို သည်မှာ မွန်တိုင်းရင်းသားတို့အတွက် ရတက်မအေးစရာ မီးပွားအစများဟု ပါတီခေါင်းဆောင်ပိုင်းတို့က သံသယရှိ နေကြကြောင်း မွန်နိုင်ငံရေးအသိုင်းအ၀န်းကြား ပြောဆိုနေကြသည်။
( ခေတ်ပြိုင်သတင်းမှ ကောက်နှုတ်ချက် )
+++++
နိုင်ငံရေး အကျဉ်းသားများ အဆိုးဆုံး အခြေအနေ ကြုံနေရဟု AAPP ပြော

နယူးဒေလီ (မဇ္စျိမ)။ ။ နှစ် ၂ဝ ကျော်အတွင်း လက်ရှိ နိုင်ငံရေး အကျဉ်းသားများ၏ ကျန်းမာရေး အခြေအနေမှာ အဆိုးဆုံး အခြေအနေဖြစ်ကြောင်း နိုင်ငံရေး အကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) က ယနေ့ ပြောဆိုလိုက်သည်။

၂ဝဝ၆ ခုနှစ်နောက်ပိုင်းမှ စတင်၍ နိုင်ငံတကာ ကြက်ခြေနီအဖွဲ့ကို အကျဉ်းထောင်များအတွင်း လွတ်လပ်စွာ သွားလာခွင့်နှင့် အကူအညီ ပေးနေသည့်အပေါ် မြန်မာစစ်အစိုးရက ကန့်သတ်လိုက်ပြီးနောက်ပိုင်း နိုင်ငံရေး အကျဉ်းသားများ၏ ကျန်းမာရေး အခြေအနေမှာ လွန်ခဲ့သည့် နှစ် ၂ဝ ကျော်အတွင်း အဆိုးရွားဆုံး ဖြစ်နေရပုံကို ထိုင်းနိုင်ငံအခြေစိုက် AAPP ခေါ် နိုင်ငံရေး အကျဉ်းသားများ ကူညီစောင့်ရှောက်ရေးအသင်းက ပြောဆိုခြင်း ဖြစ်သည်။

ယမန်နေ့က AAPP က ထုတ်ပြန်ခဲ့သည့် စာမျက်နှာ ၂ဝ ကျော် ပါရှိသော ‘Silent Killing Field’ အမည်ရှိ အစီရင်ခံစာတွင် အကျဉ်းသား ၁၂၇ ဦးသည် နာမကျန်းဖြစ်နေပြီး၊ ၈၈ ကျောင်းသားခေါင်းဆောင် ကိုမင်းကိုနိုင်နှင့် ကိုကိုကြီး၊ လူရွှင်တော် ကိုဇာဂနာ၊ လူ့အခွင့်အရေး လှုပ်ရှားသူ မစုစုနွေး အပါအဝင် နိုင်ငံရေးအကျဉ်းသား ၁၉ ဦးသည် အရေးတကြီး ဆေးဝါးကုသခံယူရန် လိုအပ်နေကြောင်း ရေးသားဖော်ပြထားသည်။

AAPP အစီရင်ခံစာတွင် နှစ်ရှည်ထောင်ဒဏ် ကျခံနေရသည့် နိုင်ငံရေးအကျဉ်းသားများကို ဝေးလံသည့် ဒေသများတွင် ထောင်ပြောင်းရွှေ့ခြင်း၊ အကျဉ်းထောင်များတွင် လုံလောက်သည့် ဆေးဝါးမရှိခြင်း၊ ကျန်းမာရေးအတွက် စနစ်တကျ ဆေးဝါးကုသခွင့် မပေးခြင်းသည် စနစ်တကျ ညှဉ်းပန်းနှိပ်စက်နေခြင်း ဖြစ်ပြီး၊ စစ်အစိုးရတွင် လုံးဝ တာဝန်အပြည့်အဝ ရှိကြောင်း ကိုအောင်ကျော်ဦးက ပြောသည်။

AAPP စာရင်းအရ လက်ရှိတွင် မြန်မာနိုင်ငံတဝှမ်းရှိ အကျဉ်းထောင်များတွင် အကျဉ်းကျနေသည့် နိုင်ငံရေးအကျဉ်းသားများပေါင်း ၂၁၅၆ ဦး ရှိကြောင်း သိရသည်။
(မဇ္စျိမသတင်းမှ ကောက်နှုတ်ချက်)
+++++
လျှပ်စစ်ဓါတ်အားပေးအဖွဲ့မှ ၀န်ထမ်းများ အရေးယူခံရ


လျှပ်စစ်ဓာတ်အား ဖြန့်ခွဲပေးရာတွင် လာဘ်ငွေယူခဲ့ကြောင်း တိုင်ကြားခံရသောကြောင့် ရန်ကုန်တိုင်း လျှပ်စစ်ဓာတ်အားပေးရေးအဖွဲ့မှ အရာရှိဝန်ထမ်းအချို့ အရေးယူခံရကြောင်း ဗိုလ်တစ်ထောင်မြို့နယ် လျှပ်စစ်အင်ဂျင်နီယာရုံးမှ ဝန်ထမ်းတဦးက ပြောသည်။
ကြည့်မြင်တိုင်မြို့နယ်တွင် သတ်မှတ်ချိန်အတွင်း လျှပ်စစ်မီးမလာသည့်အတွက် မြို့နယ်အတွင်းရှိ ကုမ္ပဏီတခုက လျှပ်စစ်အင်ဂျင်နီယာရုံးသို့ အကြောင်းကြားမေးမြန်းရာတွင် မချေမငံပြန်လည်ဖြေဆိုမှုကြောင့် နေပြည်တော်အထိ တိုင်ကြားခံရခြင်းဖြစ်ကြောင်း အဆိုပါဝန်ထမ်းကပြောသည်။

သို့သော် အဆိုပါကိစ္စအား လာဘ်စားမှုဖြစ်သော်လည်း တာဝန်လျော့ပေါ့မှု ခေါင်းစဉ်ဖြင့်သာ အရေးယူလိုက်ခြင်း ဖြစ်ကြောင်း ရန်ကုန်တိုင်း လျှပ်စစ်အင်ဂျင်နီယာရုံးမှဝန်ထမ်းတဦးက ပြောသည်။

လာဘ်စားမှုဖြင့်သာ အရေးယူပါက ထောင်ဒဏ်အထိ ချမှတ်ခံရမည်ဖြစ်သကဲ့သို့ လာဘ်ငွေပေးခဲ့သည့် စီးပွားရေး လုပ်ငန်းရှင်များကိုလည်း စစ်ဆေးအရေးယူမှုများ လုပ်ရမည်ဖြစ်သဖြင့် ဌာနတွင်း ကြိတ်ပြီးဖြေရှင်းခဲ့ကြောင်း ၎င်းကပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
မြန်မာ့ ကျေးလက်စီးပွားရေး ပျက်စီးပြိုလဲလုနီးဟု စီးပွားရေး ပညာရှင်ပြော

နယူးဒေလီ။ ။ မြန်မာစစ်အစိုးရက ကျေးလက်ချေးငွေစနစ် အတွင်းသို့ ငွေများ ထည့်သွင်းပေးခြင်း မပြုလျှင် တိုင်းပြည်၏ ကျေးလက် စီးပွားရေးမှာ ပျက်စီးပြိုလဲဘွယ် ရှိနေသည်ဟု စီးပွားရေး ပညာရှင်တဦးက မဇ္ဈိမကို ပြောပါသည်။

ကျေးလက် ဒေသရှိ လယ်သမားများသည် ‘ရေရှည် ငွေသားချေးငွေ ချို့တဲ့မှု’ ကို ရင်ဆိုင်နေကြရခြင်းကြောင့် ဖြစ်သည်ဟု သူကဆို သည်။ မြန်မာ့ကျေးလက် စီးပွားရေးကို မြှင့်တင်ရန် ကောင်းမွန်သင့်တော်သည့် စီးပွားရေး မူဝါဒ ကင်းမဲ့ခြင်းကြောင့် ကျေးလက် ချေးငွေ စနစ်မှာ ‘လုံးလုံး ခန်းခြောက်သွားခဲ့ပြီး’ ငွေသား အကူအညီ လိုအပ်နေသည်ဟု သြစတြေလျနိုင်ငံ Macquarie တက္ကသိုလ် စီးပွားရေး ပါမောက္ခ ရှောင်တန်းနဲလ် (Sean Turnell) က ပြောသည်။

သဘာဝဓါတ်ငွေ့ ရောင်းချရငွေမှ ၂ဝဝ၇-ဝ၈ ဘဏ္ဍာရေးနှစ်အတွင်း စစ်အစိုးရသည် ခန့်မှန်းခြေ နိုင်ငံခြား အရံငွေ အမေရိကန်ဒေါ်လာ ၅ ဘီလျံ ရရှိခဲ့သည် ဟု တန်းနဲလ်က ပြောသည်။ သို့သော် ဤငွေကြေးကို ချေးငွေစနစ် ‘လုံးလုံး ခန်းခြောက်သွားခြင်း’ ကြောင့် ပြိုလဲပျက်စီးလုနီး ဖြစ်နေသည့် ကျေးလက် စီးပွားရေးစနစ် ဖွံ့ဖြိုး တိုးတက်မှုအတွက် သုံးစွဲခြင်း မပြုခဲ့ပါ။
(မဇ္စျိမသတင်းမှ ကောက်နှုတ်ချက်)
+++++
နေပြည်တော်က ဈေးပြိုင်အိတ်ပိတ်တင်ဒါ ရိုးသားမှုမရှိ


နိုင်ငံပိုင်မြေနှင့် အဆောက်အဦ (၉၈) ခုကို ပုဂ္ဂလိကများထံ ရောင်းချရန် နအဖစစ်အစိုးရက ဈေးပြိုင်ချိပ်ပိတ်တင်ဒါ ခေါ်ယူခဲ့ရာ ပွင့်လင်းရိုးသားမှုမရှိကြောင်း တင်ဒါတင်သွင်းခဲ့သူ ကုန်သည်ကြီးတဦးက ပြောသည်။

နအဖစစ်အစိုးရ ပုဂ္ဂလိကပိုင်ပြုလုပ်ရေးကော်မရှင်က ဝန်ကြီးဌာန (၉) ခု၊ တရားရုံးချုပ် (မန္တလေး) နှင့် စာရင်းစစ်ချုပ်ရုံးပိုင် စီးပွားရေးလုပ်ငန်း (၉၈) ခုကို ချိပ်ပိတ်တင်ဒါစနစ်ဖြင့် ရောင်းချမည် ဖြစ်ကြောင်း ဧပြီ (၄) ရက်ထုတ် နိုင်ငံပိုင်သတင်းစာများမှ ကြေညာခဲ့သည်။

အဆိုပါ စီးပွားရေးလုပ်ငန်းများမှာ ရန်ကုန်၊ မန္တလေး အပါအဝင် အခြားမြို့နယ်များမှ မြေကွက်များ၊ ဆန်စက်များ၊ သိုလှောင်ရုံများ၊ တိုက်ခန်းတွဲများ၊ ရုပ်ရှင်ရုံများ၊ စက်ရုံများ စသည်တို့ပါဝင်ပြီး ကျပ်သိန်း ထောင်ဂဏန်းမှ သောင်းဂဏန်းအထိ တန်ဖိုးရှိသည့် အဆောက်အဦ မြေကွက်များ ဖြစ်သည်။

ထိုသို့ ဖော်ပြပါ အဆောက်အဦ မြေကွက်များကို ယခုလ (၇) ရက်၌ နေပြည်တော်တွင် နအဖ ပုဂ္ဂလိကပိုင် ပြုလုပ်ရေးကော်မရှင်ရုံးက ဈေးပြိုင်ချိပ်ပိတ်တင်ဒါ ခေါ်ယူခဲ့ခြင်း ဖြစ်သည်။

ယခင်ပြုလုပ်ခဲ့သည့် ချိပ်ပိတ်တင်ဒါပွဲများတွင်လည်း မြရိပ်ညိုဟိုတယ် ပါဝင်ခဲ့ပြီး ယင်းဟိုတယ်ကို မည်သူများက ဈေးမည်မျှစီ ပေးပြီး မည်သူက မည်သည့် ဈေးနှုန်းဖြင့် ဝယ်ယူရရှိသွားသည်ကို မည်သူမျှ မသိရကြောင်း၊ ထို့ကြောင့် ပုဂ္ဂလိကပိုင် ပြုလုပ်ရေးကော်မရှင်၏ အိတ်ပိတ်တင်ဒါစနစ် ပွင့်လင်းရိုးသားမှု မရှိဟု ပြောနိုင်ကြောင်း အခွန်ဦးစီး ဌာနရုံးမှ အရာရှိကြီးက ဆက်လက်ရှင်းပြသည်။
( ခေတ်ပြိုင်သတင်းမှ ကောက်နှုတ်ချက် )
+++++
ဒေါက်တာ တင်မျိုးဝင်း လုံခြုံရေးအတွက် အတိုက်အခံများ စိုးရိမ်နေ

ချင်းမိုင် (မဇ္ဈိမ)။ ။ ဒေါ်အောင်ဆန်းစုကြည်၏ ဆရာဝန် ဒေါက်တာ တင်မျိုးဝင်း၏ လုံခြုံရေးမှာ စိုးရိမ်နေရကြောင်း အမျိုးသား ဒီမိုကရေစီ အဖွဲ့ချုပ် လွတ်မြောက်နယ်မြေက ပြောဆိုလိုက်သည်။

ဒေါက်တာ တင်မျိုးဝင်းသည် ယခုလ ၇ရက်နေ့က ဖမ်းဆီးခံရပြီး ယမန်နေ့က ၁၄ရက် ရမန်ဖြင့် ချုပ်နှောင်ခံနေရသည်။

ဒေါက်တာ တင်မျိုးဝင်း ဖမ်းဆီးခံထားရမှုကို ပြည်ပရောက် ဒီမိုကရေစီ အင်အားစုများက ယခုလ ၁၅ ရက်နေ့တွင် ထိုင်းနိုင်ငံ ဘန်ကောက်မြို့၌ သတင်းစာ ရှင်းလင်းပွဲ ပြုလုပ်မည် ဖြစ်သည်။

ဒေါ်အောင်ဆန်းစုကြည်၏ မိသားစု ဆရာဝန် ဖြစ်သူ လက်ရှိ ဖမ်းဆီးခံထားရသည့် ဒေါက်တာ တင်မျိုးဝင်း၏ လုံခြုံရေးနှင့် ဒေါ်အောင်ဆန်းစုကြည် ကျန်းမာရေး အခြေအနေများကို သတင်းစာ ရှင်းလင်းပွဲ ပြုလုပ်ခြင်း ဖြစ်သည်။

သတင်းစာ ရှင်းလင်းပွဲကို NCGUB, NCUB, ENC, SYCB, NY Forum, FDB, NLD-LA တို့ ပူးပေါင်းပြုလုပ်မည် ဖြစ်သည်။
(မဇ္ဈိမသတင်းမှ ကောက်နှုတ်ချက်)
+++++
မေလ ၁၃ ရက်
ရက်သတ္တပတ် ၂၀ ၊ ၂၀၀၉
မြန်မာသတင်း

ဒေါ်အောင်ဆန်းစုကြည် ကျန်းမာရေး စစ်ဆေးရန် လိုအပ်၊ ဆေးကုသခွင့်ရှိဟု အန်အယ်လ်ဒီက ပြော


ဒေါ်အောင်ဆန်းစုကြည်၏ ကျန်းမာရေးအခြေအနေ တိုးတက်လာပြီး စိုးရိမ်စရာ မရှိသော်လည်း ဆက်လက် စမ်းသပ်စစ်ဆေးရန် လိုအပ်ကြောင်း အန်အယ်လ်ဒီပါတီ ပြောခွင့်ရသူ ဦးဉာဏ်ဝင်းက ပြောသည်။

ဒေါ်အောင်ဆန်းစုကြည်အား ဒေါက်တာပြုံးမိုအိက ဒုတိယအကြိမ်အဖြစ် တနင်္လာနေ့တွင် နေအိမ်သို့ သွားရောက်ဆေးကုသခွင့်ရရှိခဲ့ပြီးနောက် ဦးဉာဏ်ဝင်းက ထိုကဲ့သို့ ထုတ်ဖော်ပြောကြားလိုက်ခြင်းဖြစ်သည်။

ဒေါက်တာပြုံးမိုအိက ဒေါ်အောင်ဆန်းစုကြည်အား ပြီးခဲ့သည့်သောကြာနေ့၌ သွားရောက်ဆေးစစ်ခွင့်ရခဲ့ရာတွင် ဒေါ်အောင်ဆန်းစုကြည်သည် သွေးပေါင်ကျနေပြီး အားနည်းနေကြောင်း၊ ထို့ပြင် အရေပြားခန်းခြောက်သည့် လက္ခဏာရှိနေကြောင်း တွေ့ရှိရသည်ဟု ပြောကြားခဲ့သည်။

ဒေါ်အောင်ဆန်းစုကြည်သည် ရှေ့ဆက်လက်၍ ကျန်းမာရေး စမ်းသပ်စစ်ဆေးရန် လိုအပ်နေသည့်အတွက် ဆေးကုသခွင့်ရရေးနှင့်ပတ်သက်၍ အန်အယ်လ်ဒီ ဗဟိုအလုပ်အမှုဆောင်အဖွဲ့က မေ (၁၂) ရက် နေ့စွဲဖြင့် ကြေညာချက်တစောင်ထုတ်ပြန်ခဲ့သည်။

အဆိုပါကြေညာချက်တွင် ဒေါ်အောင်ဆန်းစုကြည်အား နေအိမ်တွင်ထိန်းသိမ်းကြောင်း တားဆီးမိန့်ချစဉ်က ပထမအချက်အနေဖြင့် သံရုံးများ၊ နိုင်ငံရေးပါတီများ၊ နိုင်ငံရေးပါတီများနှင့်ဆက်နွှယ်နေသူများနှင့် မဆက်သွယ်ရန်၊ ဒုတိယအချက်အနေဖြင့် နေအိမ်မှပြင်ပသို့ ထွက်ခွာခွင့် လုံးဝမပြုရန်နှင့် အခြားသို့စာဖြင့်သော်လည်းကောင်း၊ စကားပြော ကြေးနန်းဖြင့်သော်လည်းကောင်း ဆက်သွယ်ခြင်းမပြုရန်တို့ကိုသာ တားမြစ်ထားသည်ဟု ဖော်ပြထားသည်။

ဒေါ်အောင်ဆန်းစုကြည်၏ ကျန်းမာရေးအတွက် ဆေးကုသခွင့်ကို ကန့်သတ်ပိတ်ပင်ခြင်း အလျဉ်းမရှိကြောင်း၊ ထို့အပြင် ဒေါ်အောင်ဆန်းစုကြည်အား နေအိမ်အကျယ်ချုပ် ထိန်းသိမ်းထားသည့် ဥပဒေ၏ ပုဒ်မ ၉ (စ) အရ ဒေါ်အောင်ဆန်းစုကြည်၏ ကျန်းမာရေးကို အပြည့်အ၀ ပေးရမည်ဖြစ်ကြောင်း ဆက်လက်ဖော်ပြထားသည်။
( ခေတ်ပြိုင်သတင်းမှ ကောက်နှုတ်ချက် )
+++++
နယ်ခြားစောင့်တပ်အရေး ကချင်က ဘယ်လို သဘောထားလဲ

ချင်းမိုင် (မဇ္ဈိမ)။ ။ နယ်ခြားစောင့်တပ်အဖြစ် အသွင်ပြောင်းကာ တိုင်းပြည်တွင် တခုတည်းသော တပ်မတော်အဖြစ် မြန်မာစစ်တပ်နှင့် ပူးပေါင်းရေးအတွက် ကချင်လူထုထံ သဘောထား ရယူရန် လိုအပ်သည်ဟု ကချင် လွတ်မြောက်ရေးအဖွဲ့ - KIO က ပြောဆိုသည်။

မြန်မာစစ်အစိုးရ၏ ပြီးခဲ့သည့်လ ၂၈ ရက်နေ့က ကမ်းလှမ်းချက်အပေါ် ကချင်ပြည်နယ် အသွင်ကူးပြောင်းရေး ကာလ အမှုဆောင် ဥက္ကဋ္ဌ၊ KIO ၏ ဒုတိယ ဥက္ကဋ္ဌ (၂) ဒေါက်တာ တူးဂျာက ယခုလို တုံ့ပြန်ပြောဆိုခြင်း ဖြစ်သည်။

ယခုအခါ အဆိုပါ နယ်ခြားစောင့်တပ် အရေးကိစ္စအတွက် KIO အနေဖြင့် ဗဟိုကော်မတီ အစည်းအဝေး ကျင်းပကာ ဆွေးနွေးညှိနှိုင်းလျက် ရှိကြောင်းလည်း သိရသည်။
(မဇ္ဈိမသတင်းမှ ကောက်နှုတ်ချက်)
+++++
ကြံ့ဖွံ့အသွင်ပြောင်း နိုင်ငံရေးပါတီဖွဲ့စည်းရန် မွန်ပြည်နယ်တွင် စတင်လှုပ်ရှား


ကြံ့ဖွံ့အသွင်ပြောင်း နိုင်ငံရေးပါတီဖွဲ့စည်းရန် မွန်ပြည်နယ်တွင် စတင်လှုပ်ရှား၂၀၁၀ ပြည့်နှစ် ရွေးကောက်ပွဲဝင်မည့် ပြည်နယ်၊ တိုင်းများတွင် ကြံ့ဖွံ့အသွင်ပြောင်း နိုင်ငံရေးပါတီ ဖွဲ့စည်းရန် နေပြည်တော် ဝန်ကြီးအချို့အား ရာထူးမှ နုတ်ထွက်ခိုင်းပြီး နိုင်ငံရေးလိုင်းဝင်ရမည့် ဝန်ကြီးများစာရင်းတွင် သတ္တုတွင်း ဝန်ကြီးဌာန ဝန်ကြီး ဗိုလ်မှူးချုပ် အုန်းမြင့်လည်း ပါဝင်ကြောင်း စုံစမ်းသိရှိရသည်။

အသက် (၆၀) ကျော်ပြီးဖြစ်သည့် လက်ရှိဝန်ကြီးများကို သက်ဆိုင်ရာ ဇာတိမြေအလိုက် ပြည်နယ်ကိုယ်စားပြု ကြံ့ဖွံ့နိုင်ငံရေးပါတီ ဖွဲ့ရန် ဗိုလ်မှူးချုပ် အုန်းမြင့်အား မွန်ပြည်နယ်တွင် တာဝန်ပေးထားကြောင်း ဝန်ကြီးချုပ်ရုံးနှင့် နီးစပ်သည့် သတင်းရပ်ကွက်က ပြောကြားသည်။

အငြိမ်းစားပေးခံရတော့မည့် ဝန်ကြီးအချို့တို့သည် အရပ်ဝတ်ဖြင့် နိုင်ငံရေး လိုင်းဘက်ဝင်ရန် ဆန္ဒမရှိကြ၍ ဝန်လေးနေကြသော်လည်း ၎င်းတို့၏ လူယုံတပည့်များကို နိုင်ငံရေးပါတီတွင် ဝင်ရောက်နိုင်ရန် စီစဉ်ညွှန်ကြားထား ကြောင်း လုံခြုံရေးကြောင့် အမည်မဖော်လိုသူ အရာရှိတဦးက ခေတ်ပြိုင်သို့ ပြောကြားသည်။
( ခေတ်ပြိုင်သတင်းမှ ကောက်နှုတ်ချက် )
+++++
KNU နှင့် တိုက်ပွဲတွင် ဗိုလ်မှူးချုပ်အဆင့်ရှိသူ တဦး ကျဆုံးဟု ဆို

ချင်းမိုင် (မဇ္ဈိမ)။ ။ ကရင်အမျိုးသား အစည်းအရုံးနှင့် တိုက်ပွဲတွင် ကျဆုံးသွားသည်ဟု ဆိုသော မြန်မာစစ်တပ်မှ အဆင့်မြင့် အရာရှိတဦး၏ ရုပ်အလောင်းကို ယနေ့တွင် သင်္ဂြိုဟ်မည် ဖြစ်သည်။

ပဲခူးတိုင်း သံတောင်မြို့နယ် ဘောကလိကျေးရွာ အုပ်စုမှ အမှတ် ၅ စစ်ဆင်ရေးနှင့် ကွပ်ကဲရေး ဌာနချုပ်မှူး ဗိုလ်မှူးချုပ် ကောင်းမြတ်သည် မေလ ၁၁ ရက်နေ့က ကရင်လွတ်မြောက်ရေးတပ်နှင့် ဖြစ်ပွားသော တိုက်ပွဲတွင် ကွယ်လွန်သွားခြင်း ဖြစ်သည်ဟု ကေအန်ယူက ထုတ်ဖော်ပြောဆိုထားသည်။

ကေအန်ယူမှ အတွင်းရေးမှူး (၁) ဗိုလ်မှူး စောလှငွေက ဗိုလ်မှူးချုပ် ကောင်းမြတ်သည် ၎င်းတို့ တပ်နှင့် တိုက်ပွဲတွင် ကျဆုံးသွားခြင်း ဖြစ်သည်ဟု ဆိုသည်။

မြန်မာစစ်အစိုးရက တိုက်ပွဲသတင်းနှင့် ပတ်သက်၍ ထုတ်ပြန်သေးခြင်း မရှိသေးဘဲ ဗိုလ်မှူးချုပ် ကောင်းမြတ်၏ နာရေးကြော်ငြာကိုသာ ယနေ့ထုတ် မြန်မာ့အလင်း သတင်းစာတွင် ဖော်ပြထားသည်။ သတင်းစာက မည်သည့် နေရာတွင် သဂြုင်္ိဟ်မည်ကို ဖော်ပြခြင်း မရှိသော်လည်း သင်္ဃန်းကျွန်းမြို့နယ် အိမ်တွင် ဆွမ်းကျွေးမည်ဟု သိရသည်။

ကြည်း-၂၆၈၀၁ စစ်တက္ကသိုလ် အမှတ်စဉ် ၂၃ ဆင်း အသက် ၄၉ နှစ် အရွယ် ဗိုလ်မှူးချုပ် ကောင်းမြတ်သည် မန္တလေးမြို့နေ ဗိုလ်ကြီးခင်လှ၏ တတိယမြောက် သားဖြစ်ပြီး၊ ကလေး ၂ ဦး၏ ဖခင်ဖြစ်သည်။

လက်ရှိတွင် သင်္ကန်းကျွန်းမြို့နယ် ကံ့ကော်ရိပ်သာလမ်း အမှတ် ၂၀၉ တွင် နေထိုင်သည့် ဇနီးသည် ဒေါ်ခင်ထွေးနှင့် သားဖြစ်သူ မောင်ကောင်းကျော်မြတ်၊ သမီး မလှမြတ်နိုးတို့ ကျန်ရစ်ခဲ့သည်။
(မဇ္ဈိမသတင်းမှ ကောက်နှုတ်ချက်)
+++++
ဆင်းရဲသည့် အေအိုင်ဒီအက်စ် ဝေဒနာရှင်များ ARV ဆေး မလောက်င

မြန်မာနိုင်ငံ၌ အေအိုင်ဒီအက်စ် ဖြစ်ပွားမှုနှုန်း တိုးတက်လျက်ရှိရာ ယခုအခါ အိပ်ခ်ျအိုင်ဗွီကူးစက်နေသူ (၅) သိန်းခွဲခန့် ရှိပြီး ဝေဒနာခံစားနေရသူ ဆင်းရဲလူနာများအတွက် နိုင်ငံတော်၏ ARV ဆေးဝါးထောက်ပံ့မှုနှင့် ကျန်းမာရေး စောင့်ရှောက်မှု အနိမ့်ဆုံးအခြေအနေရောက်နေကြောင်း လေ့လာဆန်းစစ်သူများက ပြောသည်။

UNAIDS/ WHO တို့မှ ကျွမ်းကျင်ပညာရှင်များ ပူးပေါင်းကျင်းပသည့် ၂၀၀၅ စက်တင်ဘာ အလုပ်ရုံဆွေးနွေးပွဲ စစ်တမ်းများအရ မြန်မာနိုင်ငံတွင် အိပ်ခ်ျအိုင်ဗွီရောဂါ ကူးစက်နေသူ (၃၃၈,၉၁၁) ဦးရှိကြောင်း၊ ARV ဆေးဝါးရရှိသူ (၁၁,၁၇၁) ဦးရှိပြီး ၎င်းတို့အနက် အမျိုးသား (၅၈) ရာခိုင်နှုန်း၊ အမျိုးသမီး (၄၂) ရာခိုင်နှုန်းနှင့် (၁၃) နှစ်အောက် ကလေး (၈) ရာခိုင်နှုန်း ဖြစ်ကြောင်း၊ ARV ဆေးထောက်ပံ့မှု၏ (၁၄) ရာခိုင်နှုန်းမှာ နိုင်ငံတော်မှဖြစ်ကြောင်း သိရသည်။

ARV ဆေးဝါး ၀ယ်ယူမသောက်သုံးနိုင်သူ လူနာများအတွက် အများဆုံးပံ့ပိုးနေသော အဖွဲ့အစည်းမှာ ဟော်လန်အခြေစိုက် အန်ဂျီအိုတခု၏ အထောက်အပံ့ခံ သဇင်ဆေးခန်း (AZC) ဖြစ်ပြီး လူနာဟောင်း (၆,၀၀၀) ကျော်ကို လစဉ်ဆေးဝါးပံ့ပိုးနေသော်လည်း ၂၀၀၆ ခုနှစ်ကတည်းက လူနာသစ်လက်မခံတော့ဘဲ အိပ်ခ်ျအိုင်ဗွီ သွေးစစ်ဆေးပေးမှုကိုသာ ပြုလုပ်နိုင်တော့ကြောင်း သိရသည်။

ပြည်တွင်း၌ ARV ဆေးဝါးဖြန့်ဖြူးဝေငှနေသူ အန်ဂျီအို (၁၀၀) ခန့်ရှိပြီး ထိထိရောက်ရောက် ဆောင်ရွက်နေသူ လေးငါးဦးခန့်သာ ရှိကြောင်း၊ ယခုအခါ အဆိုပါ အန်ဂျီအိုတို့သည် ဆေးဝါးပြတ်လပ်မှု အခက်အခဲ ကြုံတွေ့နေရပြီး ရန်ကုန်မြို့ရှိ ဆေးရုံကြီးနှစ်ရုံ၌ လူနာ (၂၀၀) ခန့်ကိုသာ လစဉ်ဆေးဝါးပံ့ပိုးပေးနိုင်ကြောင်း၊ ယနေ့အခြေအနေသည် ဝေဒနာရှင်တို့အတွက် အလွန်ဆိုးဝါးသော အနေအထားရောက်ရှိနေကြောင်း အန်ဂျီအိုတခုက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
အမေရိကန် စာနယ်ဇင်းသမား နှစ်ဦး မြန်မာနိုင်ငံမှ နှင်ထုတ်

နယူးဒေလီ။ ။ မြန်မာနိုင်ငံ၏ ဒုတိယ အကြီးဆုံးမြို့ မန္တလေးတွင် ဆောင်းပါး ရေးသားနည်းနှင့် ဓာတ်ပုံပညာ သင်ကြားပို့ချနေသည့် အမေရိကန် စာနယ်ဇင်းသမား နှစ်ဦးကို အာဏာပိုင်များက မြန်မာနိုင်ငံအတွင်းမှ မကြာသေးခင်က နှင်ထုတ်ခဲ့သည်။

ယခုလ ၆ ရက်နေ့ ညနေပိုင်းက ဂျယ်ရီရက်ဒ်ဖန်းမ်နှင့် ကယ်ရင်ကုတ်စ်ကို မန္တလေးရှိ သူတို့ နေထိုင်သည့် တည်းခိုခန်းမှ ဖမ်းဆီးခဲ့၍ ရန်ကုန်သို့ ရထားဖြင့် ပို့ဆောင်ကာ၊ နောက်တရက်တွင် ထိုင်းနိုင်ငံ ဘန်ကောက်သို့ လေယာဉ်ဖြင့် တင်ပို့ခဲ့ခြင်း ဖြစ်သည်။

ယခုလ ၁၁ ရက်နေ့တွင် ထုတ်ပြန်သည့် သူတို့နှစ်ဦး၏ ကြေညာချက်ထဲ၌ မြန်မာ သင်တန်းသားများအား ဖြစ်ရပ်မှန် ဆောင်းပါးများ ရေးသားနည်းနှင့် ဓာတ်ပုံပညာ သင်ကြားပေးခြင်းကို ရန်ကုန်မြို့ရှိ အမေရိကန်စင်တာမှ စီစဉ်ပေးခဲ့ခြင်းဖြစ်ပြီး၊ မြန်မာနိုင်ငံ စာပေစိစစ်ရေးအဖွဲ့ (ဆင်ဆာဘုတ်) ကလည်း ခွင့်ပြုထားပြီးဖြစ်သည်ဟု ဆိုထားသည်။ လူဝင်မှုကြီးကြပ်ရေး အရာရှိများသည် ဟိုတယ်ဧည့်ခန်းသို့ ၆ ရက်နေ့ ညနေပိုင်းတွင် ရောက်ရှိလာပြီး၊ သူတို့၏ ပစ္စည်းများကို သိမ်းဆည်းခိုင်းကာ ဖမ်းဆီးခဲ့ကြောင်းနှင့် နောက်ဆုံးတွင် သူတို့နှစ်ဦးအား ညနေပိုင်း ရထားဖြင့် အရာရှိနှစ်ဦးက လိုက်ပါကာ ရန်ကုန်သို့ ပို့ဆောင်ခဲ့သည်။

မြန်မာအာဏာပိုင်များက ယခုအချိန်အထိ ဖမ်းဆီးနှင်ထုတ်မှုနှင့် ပတ်သက်၍ လူသိရှင်ကြား ထုတ်ဖော်ပြောဆိုခြင်း မရှိသေးသလို၊ ရန်ကုန်ရှိ အမေရိကန် စင်တာကလည်း ထိုကိစ္စကို မှတ်ချက်ပေးရန် ငြင်းဆိုသည်။
(မဇ္ဈိမသတင်းမှ ကောက်နှုတ်ချက်)
+++++
နာဂစ်ဒုက္ခသည်များအတွက် အရေးပေါ်အကူငွေ လိုအပ်


မြန်မာနိုင်ငံတွင် မုတ်သုန်ရာသီကျရောက်တော့မည်ဖြစ်သည့်အတွက် နာဂစ် မုန်တိုင်းသင့်ဒေသမှဒုက္ခသည်များ နောက်ထပ် အသေအပျောက် မဖြစ်စေရန် နိုင်ငံတကာမှ အကူအညီများ တိုးမြှင့်ပေးအပ်ရန် လိုအပ်နေကြောင်း ကုလသမဂ္ဂက ပြောကြားလိုက်သည်။

ယခုအချိန်တွင် ဒုက္ခသည်များ အမိုးအဖြစ်အသုံးပြုနေကြသည့် တာပေါ်လင်စများ၊ သက်ကယ်အမိုးများသည် ဆွေးမြည့်ပျက်စီးကုန်သဖြင့် မိုးရာသီမကျမီ အမြန်ဆုံး အမိုးအကာသစ်များ လဲပေးရန် အရေးပေါ်လိုအပ်နေသည်ဟု လည်း ၎င်းကပြောသည်။

နာဂစ်မုန်တိုင်းကယ်ဆယ်ရေးနှင့်ပြန်လည်ထူထောင်ရေးအတွက် နိုင်ငံတကာသို့ တောင်းခံထားသည့်အကူငွေ အမေရိကန်ဒေါ်လာ (၄၅၉) သန်းအနက် သုံးပုံနှစ်ပုံခန့်ဖြစ်သည့် ဒေါ်လာ(၃၁၅) သန်းသာ ယမန်နှစ်က ရရှိသေးသည့်အတွက် ကျန်းမာရေး၊ စားနပ်ရိက္ခာနှင့် ပညာရေးအတွက်သာ သုံးစွဲနိုင်ခဲ့သည်ဟု သိရသည်။

အိုးအိမ်တည်ဆောက်ရေးအတွက် ငွေကြေးမလုံမလောက်ရှိနေသည့်အတွက် အလှူရှင်နိုင်ငံများအနေဖြင့် မိုးမကျခင် ငွေကြေးအကူအညီများ ထည့်ဝင်ကြရန် အရေးတကြီးလိုအပ်နေကြောင်း မစ္စ ပါရာဂျူလီက တင်ပြသွားကြောင်း သိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
မေလ ၁၄ ရက်
ရက်သတ္တပတ် ၂၀ ၊ ၂၀၀၉
မြန်မာသတင်း

အမှုစစ်ဆေးမီ ဒေါ်အောင်န်းစုကြည်ကို အင်းစိန်ထောင်အတွင်းထား


ဒေါ်အောင်ဆန်းစုကြည်အား နိုင်ငံတော်ကို နှောင့်ယှက်ဖျက်ဆီးလုိုသော ဘေးအန္တရာယ် ပုဒ်မ (၂၂) ရာဇသတ်ကြီးပုဒ်မ (၁၀၉) ဖြင့် နအဖစစ်အစိုးရက အင်းစိန်အထူးတရားရုံးတွင် တရားစွဲဆိုလိုက်ပြီဖြစ်ကြောင်း အမှုကိုင်ရှေ့နေတဦးဖြစ်သူ ဦးအောင်သိန်းက ပြောသည်။

ဒေါ်အောင်ဆန်းစုကြည်ကို ယနေ့နံနက် (၇) နာရီခန့်တွင် နေအိမ်မှ အင်းစိန်ထောင်ရှိ အထူးတရားရုံးသို့ ခေါ်ဆောင်သွားခဲ့ရာ အတူနေ ဒေါ်ခင်ခင်ဝင်းတို့သားအမိလည်း လိုက်ပါသွားခဲ့ရသည်။

ဒေါ်အောင်ဆန်းစုကြည်ကို အကျယ်ချုပ်ချထားခွင့်ကုန်ဆုံးရန် (၂၁) ရက်အလိုတွင် ယင်းကိစ္စ ပေါ်ပေါက်လာခြင်း ဖြစ်သည်။

ထို့နောက်ပိုင်း ယနေ့နံနက်ပိုင်းတွင် ဒေါ်အောင်ဆန်းစုကြည်အား အင်းစိန်အထူးတရားရုံးသို့ ခေါ်ဆောင်သွားပြီး တရားစွဲဆိုလိုက်ခြင်းဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++
“ကျမ ပြစ်မှု မကျူးလွန်ဘူး” ဟု ဒေါ်အောင်ဆန်းစုကြည် ပြောကြား

ချင်းမိုင် (မဇ္ဈိမ)။ ။ အကျယ်ချုပ်မှ အင်းစိန်ထောင်သွင်းသို့ ယနေ့ ပြောင်းရွှေ့ကာ ချုပ်နှောင်ခံထားရသည့် ဒေါ်အောင်ဆန်းစုကြည်က မြန်မာစစ်အစိုးရက ယနေ့ စွဲတင်လိုက်သည့် အမှုကို မကျူးလွန်ကြောင်း သူ၏ ရှေ့နေမှတဆင့် ပြောကြားလိုက်သည်။

အင်းစိန်ထောင်တွင်းရှိ အနောက်ပိုင်းခရိုင် တရားရုံးသို့ ရုံးထုတ်ရာတွင် ရှေ့နေ ဦးကြည်ဝင်းနှင့် တွေ့ဆုံသည့်အခါ ဒေါ်အောင်ဆန်းစုကြည်က ယခုလို ပြောဆိုလိုက်ခြင်း ဖြစ်သည်။

“ကျမ ပြစ်မှု မကျူးလွန်ဘူး” ဟု ပြောဆိုခဲ့ကြောင်း ရှေ့နေ ဦးကြည်ဝင်းက မဇ္ဈိမကို ပြောသည်။

သူက ဆက်ပြီး “မကျူးလွန်ဘူး ဆိုတာကိုလည်း သူက ဘလိုင်းပြောတာ မဟုတ်ဘူး။ သူက သူ့ကိုစွဲတဲ့ ပုဒ်မကို သိတယ်။ ဖတ်ပြီးပြီ” ဟု ပြောသည်။

စစ်အစိုးရက ဒေါ်အောင်ဆန်းစုကြည်ကို ၁၉၇၅ ခုနှစ် နိုင်ငံတော်အား နှောင့်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်ရေးအတွက် တားဆီး ကန့်သတ်ထားသည့် အမိန့်ကို ချိုးဖောက်ခြင်း၊ မလိုက်နာခြင်းတို့ဖြင့် တရားစွဲထားသည်။

ယင်း ဥပဒေ ပြဌာန်းချက်အရ ထောင်ဒဏ်အားဖြင့် အနည်းဆုံး ၃ နှစ်မှ ၅ နှစ်ထိ ကျခံနိုင်ပြီး၊ ငွေဒဏ် ၅၀၀၀ ကျပ်၊ သို့မဟုတ် ပြစ်ဒဏ် နှစ်ခုစလုံးလည်း ချမှတ်နိုင်သည်။
(မဇ္ဈိမသတင်းမှ ကောက်နှုတ်ချက်)
+++++
ဒေါ်အောင်ဆန်းစုကြည်ကို အင်းစိန်အထူးတရားရုံးသို့ ခေါ်ထုတ်


ဒေါ်အောင်ဆန်းစုကြည်ကို ယနေ့နံနက် (၇) နာရီခန့်တွင် အင်းစိန်အထူးတရားရုံးသို့ ခေါ်ဆောင်သွားပြီဖြစ်ကြောင်း အန်အယ်လ်ဒီလူငယ်အဖွဲ့ဝင် ကိုအေးထွန်းက ခေတ်ပြိုင်သို့ပြောသည်။

ဒေါ်အောင်ဆန်းစုကြည်အား မည်သည့်အကြောင်းကြောင့် အင်းစိန်အထူးတရားရုံးသို့ ခေါ်ဆောင်သည်ကို မသိရကြောင်း အာဏာပိုင်များဘက်မှ လာရောက်အကြောင်းကြားသဖြင့်သာ လိုက်ပါလာခဲ့ကြရခြင်းဖြစ်ကြောင်း အဆိုပါလူငယ်အဖွဲ့ဝင်က ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
ထိန်းသိမ်းခံ အမေရိကန် လူမျိုးအတွက် အကျိုးဆောင် လိုက်ပါခွင့်ရရေး သံရုံးမှ ကြိုးစားနေ

နယူးဒေလီ။ ။ ရန်ကုန်မြို့ အင်စိန်ထောင် တရားရုံးတွင် အမှု ရင်ဆိုင်နေရသော ထိန်းသိမ်းခံ အမေရိကန်လူမျိုး John William Yettaw အတွက် အကျိုးဆောင် ငှါးရမ်း ကာကွယ်ခွင့်ရရန် မိမိတို့သံရုံးမှ ကောင်စစ် တွေ့ဆုံမှုရရှိရေး ဆက်လက် ကြိုးစားသွားမည်ဟု ရန်ကုန်မြို့ရှိ အမေရိကန်သံရုံးမှ ပြောသည်။

ကောင်စစ်အရာရှိ မစ္စတာ ကောလင်းပီဖတ်စ်တ် (Colin P. Furst) သည် အင်းစိန် အကျဉ်းထောင် တရားရုံးတွင် အမှုရင်ဆိုင် နေရသော မစ္စတာ ယက်တော နှင့် ကြာသပတေးနေ့က ဒုတိယအကြိမ် တွေ့ဆုံခွင့်ရခဲ့သည်ဟု ရန်ကုန်ရှိ အမေရိကန်သံရုံး ပြောရေးဆိုခွင့်ရှိသူ ရစ်ချတ်မေး (Richard Mei) က ပြောသည်။

ကျနော်တို့ကတော့ ကောင်စစ်တွေ့ဆုံမှုရဘို့ ဆက်လုပ်သွားမယ်။ သူ့ဥပဒေ အကျိုးဆောင် ငှါးရမ်း ကာကွယ်ခွင့်ရရေး အတွက် သေချာအောင် လုပ်သွားမယ် ဟု မေးက မဇ္ဈိမကို ပြောသည်။
(မဇ္ဈိမသတင်းမှ ကောက်နှုတ်ချက်)
+++++
တပ်ဖွဲ့စည်းပုံ ပြင်ဆင်ရေးကို အန်ဒီအေ( ကချင် ) မူအရ သဘောတူ


နယ်ခြားစောင့်တပ်အဖြစ် တပ်ဖွဲ့စည်းပုံပြင်ဆင်ရေးကိစ္စကို မူအားဖြင့် သဘောတူသော်လည်း လာမည့် ၂၀၁၀ ရွေးကောက်ပွဲအပြီးတက်လာမည့် အစိုးရလက်ထက်ကျမှသာ လက်တွေ့ အကောင်အထည် ဖော်လိုကြောင်း အန်ဒီအေ (ကချင်) တပ်ဖွဲ့က စစ်အစိုးရထံ တင်ပြမည်ဟု သိရသည်။

လာမည့်မေ (၁၈) ရက်တွင် နအဖစစ်ခေါင်းဆောင်များနှင့် ကချင်ပြည်နယ်အထူးဒေသ(၁) မှ အန်ဒီအေ (ကချင်) ခေါင်းဆောင်များ တွေ့ဆုံသည့်အခါ အဆိုပါကိစ္စကို တင်ပြရန်ရှိသည်ဟု အန်ဒီအေ (ကချင်) ခေါင်းဆောင်ပိုင်းနှင့် နီးစပ်သူတဦးက ပြောသည်။ နအဖစစ်အစိုးရ၏ ညွှန်ကြားချက်များအနက် ရွေးကောက်ပွဲဝင်ရန်ကိစ္စကိုမူ နဂိုဆုံးဖြတ်ချက်အတိုင်း တပ်ဖွဲ့အနေဖြင့် ပါတီထောင်ပြီး ၀င်ပြိုင်မည် မဟုတ်ဘဲ ကေအိုင်အေ၊ အခြားကချင်ခေါင်းဆောင်များနှင့်အတူ ပူးပေါင်းဆောင်ရွက် သွားမည်ဟု သိရသည်။

အန်ဒီအေ (ကချင်) တပ်ဖွဲ့သည် ၁၉၈၉ ခု ဒီဇင်ဘာတွင် စစ်အစိုးရနှင့် အပစ်အခတ်ရပ်စဲခဲ့ပြီး ဒေသဖွံ့ဖြိုးရေးအတွက် သစ်ထုတ်လုပ်ခြင်း၊ ကျောက်မျက်ရတနာတူးဖော်ခြင်း လုပ်ငန်းများ လုပ်ကိုင်ခဲ့သည်။ အဖွဲ့၏ လက်ရှိဥက္ကဋ္ဌသည် ဆခုံတိန့်ယိန်းဖြစ်ပြီး ဌာနချုပ်ပန်ဝါနှင့် ဌာနခွဲ ကမ်ပိုင်တီတွင် စစ်အစိုးရတပ်ရင်းတရင်းစီ တပ်စွဲထားသည်။
( ခေတ်ပြိုင်သတင်းမှ ကောက်နှုတ်ချက် )
+++++
ဦးရဲထွန်း စင်္ကာပူတွင် ဆေးကုသမှုခံယူ


ချင်းမိုင် (မဇ္ဈိမ)။ ။ ရွေးကောက်ပွဲဝင်ရန် နိုင်ငံရေးပါတီ ထောင်လိုသူ တဦးဖြစ်သော ဦးရဲထွန်းသည် စင်္ကာပူနိုင်ငံတွင် ဆေးကုသမှု ခံယူလျက် ရှိသည်။

Pancytopenia ခေါ် သွေးဖြူဥ၊ သွေးနီဥ လျော့ပါးကျဆင်းသော ဝေဒနာ ခံစားနေရ၍ အသက် ၇၃ နှစ်အရွယ် ဦးရဲထွန်းသည် စင်္ကာပူနိုင်ငံသို့ မေလ ၃ ရက်နေ့က ရောက်ရှိကာ အထွေထွေရောဂါကု ဆေးရုံကြီးတွင် ပြသနေရသည်ဟု သူက မဇ္ဈိမသို့ ဆက်သွယ် ပြောကြားခဲ့သည်။

ထို့အပြင် ယူဒီပီ ခေါ် ညီညွတ်သော ဒီမိုကရက်တစ်ပါတီ (မြန်မာပြည်) ၏ ခေါင်းဆောင်တဦးဖြစ်သော ကနေဒါ အခြေစိုက် ဦးကျော်မြင့်၏ အထောက်အပံ့ဖြင့် သူသည် ဆေးကုသမှု ခံယူနေသည်ဟု ကောလာဟလများ ထွက်နေကြောင်းနှင့် လုံးဝ အခြေအမြစ်မရှိဟုလည်း ယတိပြတ် ငြင်းဆိုလိုက်သည်။

ဦးကျော်မြင့်နှင့် ဆက်ဆံရေး အခြေအနေကို မေးမြန်းရာ ယတိပြတ်ပြောဆိုရန် ရှောင်လွှဲခဲ့ပြီး လမ်းခွဲလျှင် ”မေတ္တာနဲ့ ကွဲချင်တယ်။ ရန်သူအဖြစ် မကွဲချင်ဘူး” ဟု သူက ပြောသည်။
(မဇ္ဈိမသတင်းမှ ကောက်နှုတ်ချက်)
+++++
ဗီးစပ်ရွက် သောက်သုံးသည့် AIDS ဝေဒနာရှင်များ အသက်အန္တရာယ် ကြီးမား


ရောဂါ၏ နောက်ဆုံးအခြေအနေဖြင့် ဆေးရုံသို့ ရောက်ရှိလာသော အိပ်ခ်ျအိုင်ဗွီ/အေအိုင်ဒီအက်စ် ဝေဒနာရှင်တို့တွင် ဆေးမြီးတို ဗီးစပ်ရွက်အလွန်အကျွံသောက်သုံးထားသည့် လက္ခဏာများကို တွေ့ရှိရကြောင်း အိပ်ခ်ျအိုင်ဗွီ အထူးကုဆေးရုံကြီး (မင်္ဂလာဒုံ) မှ ဆရာဝန်တဦးက ပြောကြားသည်။

ဗီးစပ်ရွက် သောက်သုံးလာသူ ပုပ္ပားဘက်မှ ဝေဒနာရှင် တဦးသည် ARV ဆေးသောက်သုံးသဖြင့် အသက်ရှင်ခွင့်ရလိုက်သော်လည်း အဆက်မပြတ် သွေးသွင်းနေရကြောင်း၊ သွေးသွင်းရသည့် အကြောင်းရင်း ရောဂါဇစ်မြစ်ကို ဆရာဝန်ကြီးများ ရှာမရဖြစ်နေကြောင်း၊ အိပ်ခ်ျအိုင်ဗွီပိုးတွေ့ရှိ သက်တမ်းထက် ဝေဒနာဆိုးဝါးနေပြီး အသားအရေတွေ ကွဲအက်လန်ထွက်နေတာကို သိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
မေလ ၁၅ ရက်
ရက်သတ္တပတ် ၂၀ ၊ ၂၀၀၉
မြန်မာသတင်း

ဒေါ်အောင်ဆန်းစုကြည် သတင်း ရုပ်သံအစီအစဉ် မဲဆောက်ရောက် မြန်မာများ အထူးစိတ်ဝင်စား


နော်ဝေးနိုင်ငံအခြေစိုက် ဒီမိုကရက်တစ် မြန်မာ့ရုပ်မြင်သံကြား အစီအစဉ်များကို မဲဆောက်အခြေစိုက် STV ရုပ်မြင်သံကြားလိုင်းမှ ထပ်ဆင့်ထုတ်လွှင့်ပေးသဖြင့် ယခုအခါ မဲဆောက်ဒေသတွင်းရောက် သိန်းနှင့်ချီသည့် မြန်မာနိုင်ငံသားများ အားပေးကြည့်ရှုကြသည်။

ယမန်နေ့က စတင်ထုတ်လွင့်ခဲ့သည့် အစီအစဉ်တွင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို မြန်မာအာဏာပိုင်များက တရားစွဲဆိုရန် အင်းစိန်ထောင်သို့ ဖမ်းဆီးခေါ်ဆောင်သွားသည့်သတင်းကို ထုတ်လွှင့်ပြသခဲ့သဖြင့် မဲဆောက်ဒေသအတွင်း ကြည့်ရှုသူ အထူးများပြားခြင်းဖြစ်သည်။မဲဆောက်ဒေသအတွင်း ယခုကဲ့သို့ ဒီမိုကရက်တစ်ရုပ်မြင်သံကြားလိုင်း ထပ်ဆင့်ထုတ်လွှင့်မှုနှင့် ပတ်သက်၍ မြန်မာအာဏာပိုင်များနှင့် ထိုင်း-မြန်မာနယ်ခြားကော်မတီအဖွဲ့များက လောလောဆယ် ကန့်ကွက်အရေးယူမှုများ မရှိသေးကြောင်း သိရသည်။

ယခင်က မဲဆောက်မြို့အခြေစိုက် FM ရေဒီယိုအသံလွှင့်ဌာနတခုမှ မြန်မာဘာသာဖြင့် ထုတ်လွှင့်သည့် အမေရိကန် အသံ VOA သတင်းဌာန၏ အသံလွင့်ချက်များကို ရိုးရိုးသာမန် ရေဒီယိုဖြင့်နားထောင်နိုင်ရန် ထပ်ဆင့်ထုတ်လွှင့်ပေးခဲ့ သဖြင့် မဲဆောက်ဒေသတွင်းအပါအ၀င် မဲဆောက်တဖက်ကမ်း မြ၀တီခရိုင်အတွင်း အသံကြည်လင်ပြတ်သားစွာဖြင့် လူအများ နားထောင်နိုင်သဖြင့် မြ၀တီခရိုင်အာဏာပိုင်များနှင့် နယ်ခြားကော်မတီ အဖွဲ့က ထိုင်းဘက်သို့ ကန့်ကွက် ခဲ့သဖြင့် ထိုင်းဘက်မှ ယင်းအစီအစဉ်ကို ဖျက်သိမ်းခဲ့သည်။
( ခေတ်ပြိုင်သတင်းမှ ကောက်နှုတ်ချက် )
+++++
မြန်မာနှင့် နယ်စပ်အနီး ဘင်္ဂလားဒေ့ရှ် စစ်ရေးလေ့ကျင့်

ဒါကာ (မဇ္ဈိမ) ။ ။ ဘင်္ဂလားဒေ့ရှ် ကြည်း၊ ရေ၊ လေ တပ်ဖွဲ့များသည် ယခုလ ၈ ရက်နေ့မှ စတင်ကာ နှစ်နိုင်ငံ ရေပိုင်နက်အနီး ဘင်္ဂလားပင်လယ်အော်အတွင်း ပူးတွဲ စစ်ရေးလေ့ကျင့်မှုများ ပြုလုပ်နေကြောင်းနှင့် မြန်မာစစ်တပ်ကလည်း စောင့်ကြည့်လျှက် ရှိသည်။

ဘင်္ဂလား-မြန်မာ နှစ်နိုင်ငံနယ်စပ်နှင့် ကီလိုမီတာ ၈ဝ ခန့် အကွာရှိ ကော့စ်ဘာဇာမြို့တွင် ပြုလုပ်သော လေ့ကျင့်မှုအပါအဝင် လေ့ကျင့်မှုနှစ်ခုကို မေလ ၈ ရက်နေ့နှင့် ၁၃ ရက်နေ့များတွင် ပြုလုပ်ခဲ့ခြင်းဖြစ်သည်။

“ကြည်း၊ ရေ၊ လေ အင်အား ၅ဝဝ လောက်နဲ့ လုပ်တာ” ဟု ဘင်္ဂလားဒေ့ရှ် ထောက်လှမ်းရေး သတင်းရပ်ကွက် တခုက မဇ္ဈိမကို ပြောသည်။

စစ်ရေး လေ့ကျင့်သည့် ရည်ရွယ်ချက်ကို ဘင်္ဂလားဒေ့ရ်ှက ထုတ်ဖော်ပြောဆိုခြင်း မရှိသော်လည်း နှစ်နိုင်ငံ နယ်စပ်တွင် မြန်မာက ခြံစည်းရိုးကာနေသော အချိန်နှင့် တိုက်ဆိုင်နေသည်။
(မဇ္ဈိမသတင်းမှ ကောက်နှုတ်ချက်)
+++++
ဒေါ်အောင်ဆန်းစုကြည် လွှတ်ပေးရေး မလေးရျား မြန်မာ သံရုံးရှေ့ ဆန္ဒပြ


မလေးရှားရောက် အန်အယ်လ်ဒီပါတီဝင်များ၊ လူ့ဘောင်သစ်ဒီမိုကရက်တစ်ပါတီဝင်များနှင့် BWRPC အဖွဲ့ဝင်များပူးပေါင်း၍ မြန်မာသံရုံးနှင့် အမေရိကန်သံရုံးတို့ရှေ့တွင် ဆန္ဒဖော်ထုတ်တောင်းဆိုမှုများ ပြုလုပ်ခဲ့ကြကြောင်း ပါတီဝင်များက ပြောသည်။

အဆိုပါဆန္ဒပြပွဲသို့ မြန်မာရှစ်ဆယ်ကျော်တက်ရောက်ခဲ့ပြီး မြန်မာသံရုံးသို့ ဒေါ်အောင်ဆန်းစုကြည်အား အမြန်ဆုံး လွှတ်ပေးရေးပါဝင်သည့် တောင်းဆိုချက်စာတစောင်ကို စာတိုက်ပုံးမှတဆင့် ပေးအပ်ခဲ့သည်ဟု သိရသည်။

မြန်မာသံရုံးရှေ့သို့ အန်အယ်လ်ဒီပါတီဝင်များ ဦးဆောင်ဆန္ဒပြနေစဉ်မှာပင် လူ့ဘောင်သစ် ဒီမိုကရက်တစ်ပါတီဝင် အင်အားသုံးဆယ်ကျော်ကလည်း မလေးရှားအမေရိကန်သံရုံးရှေ့တွင် တောင်းဆိုမှုများပြုလုပ်ခဲ့ကြသည်။

အလားတူ တောင်ကိုရီးယားနှင့် ဂျပန်နိုင်တို့ရှိ မြန်မာသံရုံများတွင်လည်း ဒေါ်အောင်ဆန်းစုကြည် လွတ်မြောက်ရေး အတွက် တောင်းဆိုဆန္ဒပြခဲ့ကြသည်။
( ခေတ်ပြိုင်သတင်းမှ ကောက်နှုတ်ချက် )
+++++
ရမည်းသင်းရွှေဆိုင် လုယက်မှု တပ်ထွက်တဦး ပါဝင်

ချင်းမိုင် (မဇ္ဈိမ)။ ။ မန္တလေးတိုင်း ရမည်းသင်းမြို့ ဈေးအတွင်းရှိ ဒေါ်အေးကြည်နှင့် တူမများ ရွှေဆိုင်မှ ရွှေများကို လုယက်ရာတွင် တပ်မတော်သားဟောင်း တဦး ပါဝင်ကြောင်း သိရသည်။

ယခုလ ၆ ရက်နေ့က ရွှေဆိုင်အတွင်းသို့ လုယက်သူ ၃ ဦးက လက်နက်ဖြင့် ဝင်ရောက်ကာ ရွှေပိဿာချိန် ၇ ပိဿာခန့် လုယူရာတွင် ပါဝင်ခဲ့သည့် ပျော်ဘွယ် ဇာတိဖြစ်ပြီး၊ အသက် ၃၂ နှစ် အရွယ် တပ်ထွက် ကိုညီညီနိုင် အား ယခုလ ၁၃ ရက်နေ့ နေ့လယ်က ရှမ်းပြည်မြောက်ပိုင်း ကွတ်ခိုင်မြို့နယ်ရှိ မော်ဟစ်ကျေးရွာတွင် ဖမ်းဆီးရမိခြင်း ဖြစ်သည်။

ညီညီနိုင်သည် ရွှေဆိုင်ကို လုယက်ပြီးနောက် မန္တလေးမြို့တွင် ရွှေ ၄၉ ကျပ်သား၊ လားရှိုးတွင် ရွှေ ၂ ပိဿာ ရောင်းချခဲ့သလို၊ ကွတ်ခိုင်မြို့သို့ သွားရောက်ရာ လမ်းတလျှောက်ရှိ ကျေးရွာများမှ အသိမိတ်ဆွေများကိုလည်း ရွှေအချို့ ခွဲဝေပေးခဲ့သေးသည်။

လုယက်သူ ၃ ဦးအနက် ရမည်းသင်း ဒေသခံ ၂ ဦးကို အခင်းဖြစ်ပြီး နောက်တရက်တွင် ရဲက ဖမ်းဆီးနိုင်ခဲ့သည်။
(မဇ္ဈိမသတင်းမှ ကောက်နှုတ်ချက်)
+++++
တယ်လီဖုန်း ၀န်ဆောင်မှုပေးသူများကို ၀င်ရောက် စစ်ဆေး

တာချီလိတ်မြို့တွင် ထိုင်းနှင့်မြန်မာနိုင်ငံအကြား တယ်လီဖုန်းဝန်ဆောင်မှုပေးနေသည့် လုပ်ငန်းများကို မြန်မာအာဏာပိုင်တို့က ဝင်ရောက်စစ်ဆေးကာ အချို့ဖုန်းလိုင်းများကို ဖြတ်တောက်ခဲ့ကြောင်း အဆိုပါလုပ်ငန်း လုပ်ကိုင်နေသူတို့ထံမှ သိရသည်။

နအဖစစ်အစိုးရက တယ်လီဖုန်းလိုင်းများကို ပုံမှန် ကြားဖြတ်နားထောင်လေ့ရှိခြင်းကြောင့် နိုင်ငံခြားနှင့် ဆက်သွယ် ဝန်ဆောင်မှုပေးသည့် ဖုန်းနံပါတ်မှတဆင့် နေအိမ်များကို သိရှိပြီး လိုက်လံ စစ်ဆေး အရေးယူခြင်းဖြစ်ကြောင်း၊ ထိုသို့ စစ်ဆေး အရေးယူရာတွင် ဂျီအက်စ်အမ် ဖုန်းကဲ့သို့ မိုဘိုင်းဖုန်းဖြင့် လုပ်ကိုင်သူများကို ဖမ်းဆီးရန် ခက်ခဲသည့်အတွက် လိုင်းကို ပိတ်ပစ်ခြင်းဖြင့် အရေးယူလေ့ရှိကြောင်း သိရသည်။

မြန်မာနိုင်ငံမှ နိုင်ငံခြားသို့လည်းကောင်း၊ ပြည်ပမှ မြန်မာနိုင်ငံသို့လည်းကောင်း တယ်လီဖုန်းခေါ်ခ ဈေးနှုန်း အလွန်ကြီးမြင့်သည့်အတွက် ထိုင်း-မြန်မာ နယ်စပ်တို့တွင် နေထိုင်သူအချို့က မြန်မာဖုန်းနှင့် ထိုင်းနိုင်ငံက ဖုန်းကို ကွန်ပျူတာဖြင့် ချိတ်ဆက်ကာ ဝန်ဆောင်မှုပေးသည့် လုပ်ငန်းကို လုပ်ကိုင်ကြခြင်းဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++
ရွှေလီ ရေအားလျှပ်စစ် ဖွင့်လှစ်တော့မည်

ရွှေလီ (မဇ္ဈိမ) ။ ။ ရှမ်းပြည် (မြောက်ပိုင်း) နမ့်ခမ်းမြို့နယ် မန်တပ်ကျေးရွာအနီး တည်ဆောက်နေသည့် ရွှေလီ အမှတ် ၁ ရေအားလျှပ်စစ် စီမံကိန်း ဖွင့်ပွဲအခမ်းအနားကို မနက်ဖြန်တွင် ပြုလုပ်မည် ဖြစ်သည်။

အခမ်းအနားသို့ စစ်ဖက် ထိပ်တန်း ခေါင်းဆောင်များနှင့်ဝန်ကြီးများ တက်ရောက်မည်ဟု သိရှိရပြီး၊ ယခုအခါ လုံခြုံရေးလည်း ထူထပ်စွာ ချထားသည်။

ရွှေလီ အမှတ် ၁ ရေအားလျှပ်စစ် စီမံကိန်း တည်ဆောက်ရာတွင် အဓိက ပါဝင်သည့် တရုတ်ကုမ္ပဏီ YMEC (yunnan machinery & equipment import & export co.ltd) က ရေအားလျှပ်စစ် စီမံကိန်းသည် ယခုနှစ် ဇွန်လ ၃ဝ ရက်နေ့တွင် ပြီးဆုံးမည်ဖြစ်ကာ၊ သြဂုတ်လကုန်ပိုင်းတွင် လျှပ်စစ်မီး စတင် ဖြန့်ဝေနိုင်မည်ဟု ခန့်မှန်းခဲ့ကြသည်။
(မဇ္ဈိမသတင်းမှ ကောက်နှုတ်ချက်)
+++++
ဥရောပ-မြန်မာရုံး ကိုယ်စားလှယ် မြန်မာနိုင်ငံ အလည်အပတ် မသွားပါ

ချင်းမိုင် (မဇ္ဈိမ) ။ ။ ဥရောပ-မြန်မာရုံးမှ မည်သူ တဦးတယောက်မှ မြန်မာနိုင်ငံသို့ သွားရောက် လည်ပတ်ခြင်း မရှိဟုဆိုကာ ဘလော့ဂ်တခုက ရေးသားထားမှုကို အဖွဲ့၏ အမှုဆောင် ဒါရိုက်တာ ဦးဟန် ယောင်ဟွေက ငြင်းဆိုလိုက်သည်။

ဥရောပ-မြန်မာရုံး ကိုယ်စားလှယ်များ အနေဖြင့် မြန်မာနိုင်ငံသို့ အလည်အပတ် ရောက်ရှိနေပြီး စစ်အစိုးရနှင့် “တတိယအင်အားစု” များကို တွေ့ရှိမည်ဆိုသော အင်တာနက် ဘလော့ဂ်တခုတွင် ရေးသားချက်ကြောင့် စုံစမ်းမေးမြန်းမှုများ လက်ခံရရှိ၍ ရှင်းချက် ထုတ်ရခြင်း ဖြစ်သည်ဟု ဥရောပ-မြန်မာရုံးက မဇ္ဈိမသို့ ပေးပို့သော ထုတ်ပြန်ချက်တွင် ဖော်ပြထားသည်။ အတိုက်အခံ အင်အားစုအတွင်း အရေးပါသော အဖွဲ့တခုဖြစ်သည့် ဥရောပ-မြန်မာရုံး၏ ထုတ်ပြန်ချက်တွင် မြန်မာနိုင်ငံ အရေးသည် တပ်မတော်နှင့် ပြည်သူ ပြဿနာသာဖြစ်၍ “တတိယ အင်အားစု” ဆိုသော အယူအဆကို လက်သင့်မခံဟု ပါရှိသည်။

သို့သော် ဥရောပ-မြန်မာရုံး အနေဖြင့် ၁၉၉၉၊ ၂ဝဝ၅ နှင့် ၂ဝဝ၆ ခုနှစ်များတွင် စစ်အစိုးရ ကိုယ်စားလှယ်များဖြင့် တွေ့ဆုံပြီး နအဖနှင့် စစ်အစိုးရအကြား တွေ့ဆုံဆွေးနွေးမှု ပြုလုပ်ရန်နှင့် ဒီမိုကရေစီသို့ အကူးအပြောင်းအတွက် နအဖအနေဖြင့် ဒေါ်အောင်ဆန်းစုကြည်၊ တိုင်းရင်းသား ခေါင်းဆောင်များနှင့် ညှိနှိုင်း ဆွေးနွေးမှုလုပ်ရန် တိုက်တွန်းခဲ့သည်ဟု ပါရှိသည်။
(မဇ္ဈိမသတင်းမှ ကောက်နှုတ်ချက်)
+++++
အကျဉ်းသား ၂ ဦး ထောင်ဖောက် လွတ်မြောက်

ကချင်ပြည်နယ် မြစ်ကြီးနား အကျဉ်းထောင်မှ အကျဉ်းသားနှစ်ဦးသည် ယခုလ (၈) ရက်နေ့ညက ထောင်ဖောက် ထွက်ပြေးလွတ်မြောက်သွားပြီး ယခုအချိန်ထိ ဖမ်းမမိသေးကြောင်း ထောင်ဝန်ထမ်း မိသားစုဝင်တဦးက ပြောသည်။

ထောင်အနီးနေထိုင်သည့် မြစ်ကြီးနားမြို့ခံတဦးကလည်း နှစ်ကြီး အကျဉ်းသားတဦး ထောင်ဖောက် ထွက်ပြေးသွား သည့်အကြောင်း ကြားရကြောင်း၊ အကျဉ်းသား ဘယ်နှယောက် လွတ်မြောက်သွားသည်ကိုမူ အတိအကျ မသိကြောင်း၊ ယင်းသတင်းကြားရသည့်နေ့က စစ်အစိုးရ ဝန်ကြီးချုပ် ဗိုလ်ချုပ်ကြီးသိန်းစိန် မြစ်ကြီးနားမြို့ကို ရောက်ရှိနေချိန်နှင့်တိုက်ဆိုင်နေပြီး လုံခြုံရေးများ အကြီးအကျယ်ချထားကြောင်း၊ တရားခံဖမ်းမိရေး သက်ဆိုင်ရာက ကြိုးစားနေဆဲဖြစ်ကြောင်း ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
မေလ ၁၅ ရက်
ရက်သတ္တပတ် ၂၀ ၊ ၂၀၀၉
မြန်မာသတင်း

မြန်မာ အပေါ် အမေရိကန် စီးပွားရေး ပိတ်ဆို့မှု အား အိုဘားမား သက်တမ်းတိုး


အမေရိကန်နိုင်ငံ ၏ သောကြာနေ့ မေလ ၁၅ ရက် ၂၀၀၉ မှာ အမေရိကန် သမ္မတ ဘားရက် အိုဘားမား က မြန်မာ နိုင်ငံ အပေါ် စီးပွားရေး ပိတ်ဆို့အရေးယူ ထားတာကို နောက်ထပ် တစ်နှစ် သက်တမ်း တိုးလိုက်ပြီဖြစ်ကြောင်း သိရှိရသည်။

အမေရိကန် နိုင်ငံ သည် မြန်မာ နိုင်ငံ အား သမ္မတ ဘီလ်ကလင်တန် လက်ထက်မှ စ၍ မြန်မာ စစ်အစိုးရ အပေါ် ပိတ်ဆို့ အရေးယူမှုများကို စတင်ချမှတ် ခဲ့ပြီး၊ နှစ်စဉ် မြန်မာ နိုင်ငံ အခြေအနေ တိုးတတ်မှု ဖွံဖြိုးမှု ကို လိုက် ၍ ပယ်ဖျက်ခြင်း၊ သက်တမ်းတိုး ခြင်းများ စီစစ် လုပ်ဆောင်လျှက်ရှိရာ သမ္မတ ဂျော့ဘုရ့် လက်ထက်၊ ဒီပဲယင်း အရေးအခင်း အပြီးတွင် လည်း တင်းကျပ်ထိရောက် သည့် အရေးယူမှု ထပ်မံ တိုးမြှင့် ကန်သတ်ခြင်း ကို ခံ ခဲ့သည်။
( လူထုအသံမှ ကောက်နှုတ်ချက် )
+++++
ဒေါက်တာတင်မျိုးဝင်း ပြန်လွတ်လာ

ဒေါ်အောင်ဆန်းစုကြည်၏ မိသားစုဆရာဝန် ဒေါက်တာ တင်မျိုးဝင်းကို စစ်အစိုးရက စနေနေ့ညက ပြန်လွှတ်ပေးလိုက်ပြီ ဖြစ်သည်။
( မဇ္ဈိမသတင်းမှ ကောက်နှုတ်ချက် )
+++++
မန္တလေးမြို့ နှစ် (၁၅၀) ပြည့် အခမ်းအနား ကျင်းပ


မြန်မာ နိုင်ငံ၏ အထင်ကရ မြို့တော် တခု ဖြစ်သော မန္တလေးမြို့ တည်ထောင်သည့် နှစ်ပေါင်း (၁၅၀) ပြည့် အခမ်းအနား ကို မေလ (၁၄) ရက်နေ့က မန္တလေး မြို့တော် ခန်းမ ရှေ့တွင်ကျင်းပ ပြုလုပ်ခဲ့သည်။ ပွဲတော်တွင် ဈေးပွဲတော် နှင့် အခြား ဖျော်ဖြေရေး အစီအစဉ်များလည်း ပါဝင်မည်ဖြစ်ပြီး မေလ (၁၆) ရက်နေ့အထိ ကျင်းပမည် ဖြစ်သည်။

နှစ်ပတ်လည် ပွဲတော်နေ့ အခမ်းအနား အား (၁၁၃) စတုရန်း ကီလိုမီတာ ကျယ်ဝန်းသော နန်းမြို့ဟောင်း အတွင်း၌ပါ ကျင်းပသွားမည် ဖြစ်သည်။

ရတနာပုံဟု အမည် တွင်သော မန္တလေး မြို့တော်ကို မင်းတုန်းမင်း တရားကြီးက တည်ထား ခဲ့ခြင်းဖြစ်ပြီး ယနေ့တိုင် မြန်မာမှု အငွေ့အသက်များ ထင်ဟပ်နေသည့် မြို့တော် တခုအဖြစ် ရပ်တည် နေဆဲဖြစ်ကာ၊ မန္တလေးမြို့ တည်ထောင်သည့် နှစ်ပေါင်း (၁၀၀) ပြည့် အခမ်းအနား ကို နိုင်ငံတော် အဆင့်အနေဖြင့် ကျင်းပ ပြုလုပ်ခဲ့ပြီး၊ နှစ်ပေါင်း ၁၅၀ ပြည့် အခမ်းအနား ကို တိုင်း အဆင့် အခမ်းအနားဖြစ်သာ ကျင်းပ ပြုလုပ်ခဲ့ကြသည်။
( လူထုအသံမှ ကောက်နှုတ်ချက် )
+++++
ဒေါ်အောင်ဆန်းစုကြည် အမှုလိုက်ရန် ပြင်နေသူ ရှေ့နေကြီး နှစ်ဦး လိုင်စင်ရုတ်သိမ်းခံရ

ချင်းမိုင် (မဇ္ဈိမ)။ ။ နိုင်ငံရေးပါတီများ၊ နိုင်ငံရေးအမှုများ၊ ၈၈ မျိုးဆက် ကျောင်းသား အမှုများကို အားနှင့်မာန်နှင့် စိတ်ပါလက်ပါ လိုက်ပါ ဆောင်ရွက် ပေးနေသော တရားရုံးချုပ်ရှေ့နေကြီး နှစ်ဦးဖြစ်သည့် ဦးအောင်သိန်းနှင့် ဦးခင်မောင်ရှိန် တို့၏ ရှေ့နေလုပ်ပိုင်ခွင့် လိုင်စင်များအား နအဖ အာဏာပိုင်များက ယမန်နေ့က ရုတ်သိမ်းလိုက်သည်။

ဒေါ်အောင်ဆန်းစုကြည်အား စွပ်စွဲထားသည့် အမှုတွင် ဥပဒေ အကျိုးဆောင်အဖြစ် ဆောင်ရွက်ပေးနိုင်ရန် ပြင်ဆင်နေသည့် အတွက်လည်း ရှေ့နေလိုင်စင် ရုတ်သိမ်းခံရသည့် အကြောင်းရင်းတခု ဖြစ်သည်ဟု ဦးအောင်သိန်းက ပြောသည်။

ယင်းသို့ ပြုမှုခြင်းသည် လူတယောက်အား အကြောင်းချင်းရာ တခုနှင့် ပြစ်ဒဏ် (၂) ကြိမ် မပေးရဆိုသည့် ကျင့်ထုံးအား တရားရုံးချုပ်က ဆန့်ကျင်ရာ ရောက်နေသည်ဟုလည်း ဆိုသည်။
(မဇ္ဈိမသတင်းမှ ကောက်နှုတ်ချက်)
+++++
စောဌေးမောင်သည် KNU ဟောင်းမဟုတ်

ကရင်အမျိုးသား အစည်းအရုံး (KNU)တွင် ပြီးခဲ့သည့် မေလ ၁၃ရက်က စောထိန်မောင်နှင့် စောနေစိုးမြတို့ အဖွဲ့များ တည်ရှိရာ ထိုးကော်ထိုး ကျေးရွာသိှု့ ပူးပေါင်းသွားသည် ဆိုသည့် ဗိုလ်ကြီး စောစိန်မောင်ဌေး ဆိုသူမရှိကြောင်း KNU က ပြောဆိုလိုက်သည်။

ဗိုလ်ကြီးအဆင့်ရှိ စောစိန်မောင်ဌေး ဆိုသူသည် ကေအန်ယူ တပ်ရင်း ၂ဝ၁တွင် မရှိကြောင်း ကေအန်ယူမှ အတွင်းရေးမှူး(၁) ပဒိုစောလှငွေက ပြောသည်။

ကေအန်ယူ ဗဟိုတပ်ရင်း ၂ဝ၁မှ ဗိုလ်ကြီးအဆင့်ရှိ စောစိန်မောင်ဌေး ဦးစီးသည့် တပ်ရင်း ၂ဝ၁နှင့် တပ်ရင်း ၁၆မှ အဖွဲ့အင်အား ၁၄ဦး မိသားစုဝင် ၂၃ဦး စုစုပေါင်း ၃၇ဦး၊ လက်နက်ငယ် ၁ဝလက်နှင့် ခဲယမ်းမျိုးစုံနှင့်အတူ ပြီးခဲ့သည့် မေလ ၁၃ရက်နေ့က လက်နက်နှင့်အတူ ထို့ကော်ထိုးကျေးရွာသို့ ပူးပေါင်းသွားသည်ဟု ယနေ့ထုတ် စစ်အစိုးရ သတင်းတွင် ဖော်ပြထားသည်။
(မဇ္ဈိမသတင်းမှ ကောက်နှုတ်ချက်)
+++++
ဒုတိယ ဗိုလ်ချုပ်ကြီးမောင်ဘို ကွယ်လွန်

ချင်းမိုင် (မဇ္ဈိမ)။ ။ စစ်အစိုးရ ကောင်စီဝင်ဟောင်း အငြိမ်းစား ဒုတိယ ဗိုလ်ချုပ်ကြီး မောင်ဘို သည် စင်္ကာပူ အထွေထွေရောဂါကု ဆေးရုံကြီးတွင် ယမန်နေ့ ည ၉ နာရီ ၄၅ မိနစ်တွင် အသဲရောဂါဖြင့် ကွယ်လွန်သည်။ ကွယ်လွန်ချိန်တွင် အသက် ၆၅ နှစ် ရှိပြီဖြစ်သည်။

သူသည် စစ်တက္ကသိုလ် အပတ်စဉ် ၃၁၊ ကိုယ်ပိုင်အမှတ် ကြည်း ၁၀၃၃၇ ဖြစ်သည်။

တပ်မတော် စစ်ဆေးရေး အရာရှိချုပ် ကြည်း၊ ရေ၊ လေ၊ အဖွဲ့ဝင် ဒုဗိုလ်ချုပ်ကြီး မောင်ဘိုကို ဇွန်လ ၂၀ ရက်၊ ၂၀၀၈တွင် တပ်မှ အငြိမ်းစား ပေးလိုက်သည်။
(မဇ္ဈိမသတင်းမှ ကောက်နှုတ်ချက်)
+++++