သတင်း မှတ်စု ( ၉ )

တပတ်အတွင်း သတင်းမှတ်စု

ဖေဖေါ်ဝါရီလ ၂၃ ရက်
ရက်သတ္တပတ် ၉ ၊ ၂၀၀၉၊
မြန်မာ သတင်း



နိုင်ငံခြားရောက် စက်မှု (၁) ၀န်ထမ်းပြေးများ နိုင်ငံကူးလက်မှတ် အဖျက်ခံရ


အင်ဂျင်နီယာ ဘီအီးဘွဲ့ရသူများအပါအ၀င် စက်မှု (၁) ၀န်ကြီးဌာနမှ ၀န်ထမ်းပြေးအဖြစ် သတ်မှတ်ထားပြီး ပြည်ပနိုင်ငံများတွင် သွာရောက် အလုပ်လုပ်ကိုင်နေသူများအား ပြည်ထဲရေးဝန်ကြီးဌာနနှင့် နိုင်ငံခြားရေးဝန်ကြီးဌာနတို့နှင့် ညှိနှိုင်းပြီး အမြန်ဆုံး အရေးယူရန် ၀န်ကြီး ဦးအောင်သောင်းက ညွှန်ကြားချက် ထုတ်ပြန်ထားသည်။

ပြည်ပတွင် သွားရောက် အလုပ်လုပ်ကိုင်နေသည့် စက်မှု (၁) ၀န်ထမ်းများအား ချက်ခြင်း အရေးယူဆောင်ရွက်ရန်နှင့် ၄င်းတို့အား ထုတ်ပေးသည့် နိုင်ငံကူးလက်မှတ်နေ့စွဲ၊ ၀န်ထမ်းပြေးဖြစ်ရသည့် ပြစ်ဒဏ်များကို စုံစမ်းဖော်ထုတ်၍ ပြည်ထဲရေးဝန်ကြီးဌာနနှင့် နိုင်ငံခြားရေးဝန်ကြီးဌာနတို့နှင့် ညှိနှိုင်းပြီး အမြန်ဆုံး အရေးယူရန် ၀န်ကြီးဦးအောင်သောင်းက ညွှန်ကြားထားခြင်းဖြစ်ကြောင်း နေပြည်တော် စက်မှု (၁) ၀န်ကြီးဌာန သတင်းရပ်ကွက်က ပြောသည်။ စက်မှု (၁) ၀န်ကြီးဌာန လက်အောက်ခံ ကျောက်ဆည် အပ်ချုပ်စက်ရုံမှ မဟာအင်ဂျင်နီယာဘွဲ့ရ ဦးရဲထွန်းဆိုလျင် ၀န်ထမ်းဘ၀မှ ထွက်ခွင့်မရသည့်အတွက် အလုပ်ခွင်သို့ ပြန်မလာတော့ဘဲ စင်ကာပူနိုင်ငံသို့ ထွက်ခွာသွားသဖြင့် ဦးရဲထွန်း၏ နိုင်ငံကူးလက်မှတ်ကို ပယ်ဖျက်ပေးရန် စင်ကာပူ မြန်မာသံရုံးသို့ ၀န်ကြီးဦးအောင်သောင်းက အကြောင်းကြားခဲ့သလို လိုအပ်သလို အရေးယူပေးရန် ပြည်ထဲရေးဝန်ကြီးဌာနကိုပါ စာဖြင့် အကြောင်းကြားခဲ့သည်ဟု စုံစမ်းသိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
ထိုင်းနိုင်ငံ ကားတိမ်းမှောက်မှု၌ မြန်မာတဦး သေဆုံး


ချင်းမိုင် (မဇ္ဈိမ) ။ ။ ထိုင်းနိုင်ငံမြောက်ပိုင်းတွင် မြန်မာရွှေ့ပြောင်းလုပ်သားများ တင်ဆောင်လာသည့် ဒိုင်နာ ကားတစီး ယခုလ ၂၀ ရက်နေ့က တိမ်းမှောက်ခဲ့ရာ အမျိုးသားတဦး သေဆုံးကာ၊ ၃၈ ဦး ဒဏ်ရာ ရရှိခဲ့သည်။

ချင်းမိုင်မြို့ လေယာဉ်ကွင်း အနောက်ဘက်ရှိ မီးပွိုင့် လမ်းဆုံတနေရာ၌ နံနက် ၇ နာရီခွဲခန့်က ပန်းရံ သွားလုပ်ရန် ချင်းမိုင်မြို့ထဲအလာ ကားမှောက်ရာ၌ အိုက်လုံ (၃၀ နှစ်) ဆိုသူ ရှမ်းအမျိုးသား သေဆုံးကာ၊ ၃၈ ယောက် ဒဏ်ရာရသွားသည်။
ဒဏ်ရာရသူများအနက် အသက် ၁၀ နှစ်အရွယ် မိန်းကလေးတဦး အပါအ၀င် ၄ ဦးသည် ဒဏ်ရာပြင်းထန်စွာ ရရှိပြီး၊ ဆေးရုံများတွင် တက်ရောက် ကုသနေရသည်။

မိန်းကလေးငယ်မှာ ကျောင်းပိတ်သည့် ကာလဖြစ်၍ မိဘများနှင့်အတူ လိုက်ပါသွားခြင်း ဖြစ်သည်။

မြန်မာလုပ်သားများသည် တရားဝင် အလုပ်လက်မှတ် ရှိပြီး၊ အမှုနှင့်ပတ်သက်၍ အလုပ်ရှင် သူဋ္ဌေးက တာဝန်ယူပေးမည်ဟု သိရသည်။

စီးနင်းခဲ့သည့် ကားမှာ အသက်အာမခံ ကုမ္ပဏီတွင် အာမခံကြေး ထားရှိပါက ထိုင်း ဥပဒေအရ ကားနှင့် ပတ်သက်၍ အသက်ဆုံးရှုံးခဲ့သူများအား တဦးလျှင် လျော်ကြေးအဖြစ် ဘတ်ငွေ ၁ သိန်း ခံစားခွင့် ရှိသလို၊ ဒဏ်ရာရရှိပြီး ဆေးရုံတက်ရသူများအား လျော်ကြေး ဘတ် တသောင်းခွဲ ခံစားခွင့် ရှိသည်။
(မဇ္ဈိမသတင်းမှ ကောက်နှုတ်ချက်)
+++++
မြန်မာမှောင်ခိုဆန် ထိုင်းဘက်ကပိတ် ထိုင်းနိုင်ငံရေးသမားတွေပါ ပတ်သက်



လွန်ခဲ့သည် နှစ်လခန့် ကောက်သစ်ပေါ်ချိန်မှစ၍ မြ၀တီမှ မဲဆောက်ဘက်သို့ ညစဉ် ဆန်အိတ်ရေ တစ်သောင်းခန့် တရားမ၀င် တင်သွင်းနေခြင်းကို ထိုင်းဘက်မှ ရုတ်တရက် တင်သွင်းခွင့် ပိတ်လိုက်သည့်အတွက် မြ၀တီဘက်ကမ်းတွင် မြန်မာဆန်အိတ်ရေ နှစ်သောင်းခန့် သောင်တင်နေသည်။ မြန်မာဆန် ထိုင်းဘက်မှောင်ခိုသွင်းသူများနောက်တွင် ရာထူးကြီး နိုင်ငံရေးသမားများ၊ ၀န်ကြီးဟောင်းများနှင့် ယူနီဖောင်းဝတ်များပါသည်ဟု ယနေ့ထုတ် ဘန်ကောက်ပိုစ် သတင်းစာကြီးက ဖော်ထုတ်ထားသည်။ အထူးသဖြင့် မဲဆောက်နှင့် မယ်ရမတ်ခရိုင်များရှိ အရာရှိများ၏ ကူညီမှုဖြင့် ထိုင်း-မြန်မာ နှစ်ဖက်လုံးမှ ဆန်မှောင်ခိုသမားများက ခိုးသွင်း ကြခြင်းဖြစ်သည်။ မြန်မာမှောင်ခို ဆန်တအိတ်ကို နယ်စပ်ဖြတ်ဖို့အတွက် တအိတ် ဘတ်ငွေ (၆၀၀) ထိ အရာရှိများကို ပေးရသည်ဟုပါ ရေးထားသည်။ မ၀တီမှ မဲဆောက်သို့ တရားမ၀င်တင်ပို့နေသည့် မြန်မာဆန်များမှာ ညစဉ် အိတ်တသောင်း ဆိုပါက တန်ချိန် ငါးရာ ရှိသဖြင့် နယ်စပ်ကုန်သွယ်ရေးမှတဆင့် လိုင်စင်ဖြင့် တင်သွင်းသည့် ဆန်တန်ချိန်အရေအတွက်သည် တရားမ၀င် တင်သွင်းသူများ၏ အစွန်းထွက်ပင်မရှိဟု ဆန်ကုန်သည်တဦးက ပြောသည်။မြ၀တီမြို့တွင် မြန်မာနိုင်ငံ၏ ဒုတိယအကြီးဆုံး နယ်စပ်ကုန်သွယ်ရေးဇုန် ဖွင့်လှစ်ထားသော် လည်း တရားမ၀င်ဆန်နှင့် အခြားကုန်စည်တင်သွင်းမှုများ ဖြစ်ပေါ်နေခြင်းသည် စနစ်မကျ သည့် နယ်စပ်ကုန်သွယ်ရေး၏ လုပ်ထုံးလုပ်နည်းများကြောင့် ဖြစ်ပြီး ရှေ့ဆက် မြ၀တီနယ်စပ် ကုန်သွယ်ရေးအခြေအနေမှာ ပိုမိုရှုပ်ထွေးလာနိုင်သည်ဟု မြ၀တီမြို့ခံကုန်သည်တဦးက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
ဗင်နီဇွဲလား အခြေခံဥပဒေသတင်း ပြည်တွင်းမှာ မှောင်ချ


ဗင်နီဇွဲလားနိုင်ငံရဲ့ ဖွဲ့စည်းပုံအခြေခံဥပဒေ ပြင်ဆင်ရေး လူထုဆန္ဒခံယူပွဲ သတင်းကို ပြည်တွင်းမီဒီယာတွေမှာ လုံးဝဖော်ပြခြင်း မပြုရန် ညွှန်ကြားထားကြောင်း၊ ပုဂ္ဂလိက ဂျာနယ်အသိုင်းအဝိုင်းမှ စုံစမ်းသိရသည်။ အခြား ပုဂ္ဂလိက ဂျာနယ်တစောင်မှ သတင်းထောက် တဦးကလည်း ၄င်းတို့ဂျာနယ်မှာ သတင်းမဆိုထားနှင့် ရက်စွဲမှတ်တမ်းမှာ အဆိုပါနေ့က ဗင်နီဇွဲလားမှာ ဖွဲ့စည်းပုံပြင်ဖို့ လူထုဆန္ဒခံယူပွဲလုပ်သည်။ သမ္မတ အူးဂိုချားဗက်စ် အဆိုပြုချက် အနိုင်ရသည် ဆိုသည့် မှတ်စုသဘော တိုတိုလေးတောင် ဖော်ပြခွင့် မရဘူးဟု ပြောပြသည်။ ပြီးခဲ့သည့် ဖေဖော်ဝါရီလ (၁၅) ရက် တနင်္ဂနွေနေ့က ဗင်နီဇွဲလားနိုင်ငံမှာ ဖွဲ့စည်းပုံ အခြေခံ ဥပဒေ ပြင်ဆင်ရေး ဆိုင်ရာ လူထုဆန္ဒခံယူပွဲ တစ်ရပ် ကျင်းပခဲ့သည်။ ၁၉၉၈ ခုနှစ်ကတည်းက အာဏာရလာသည့် သမ္မတ အူးဂိုချားဗက်စ်က သူ့အနေနှင့် ဆိုရှယ်လစ် တော်လှန်ရေးကို ဆုံးခန်းတိုင် ဆင်နွှဲနိုင်ဖို့ ယခု သမ္မတသက်တမ်း ၂ဝ၁၂ ခုနှစ်ကုန်ပြီိးရင်လည်း၊ သမ္မတ အဖြစ် ရွေးကောက်ပွဲ ထင်မံ ဝင်ချင်သေးကြောင်း လက်ရှိဖွဲ့စည်းပုံအရ သူ့အနေနှင့် ၂ဝ၁၂ ရွေးကောက်ပွဲမှာ သမ္မတအဖြစ် ထပ်မံ အရွေးခံနိုင်ခွင့် မရှိတော့သဖြင့် ဖွဲ့စည်းပုံကို ပြင်ဆင်ချင် သည်။ ဒီအတွက် ဖွဲ့စည်းပုံ ပြင်ဆင်မလား၊ မပြင်ဘူးလား လူထုဆန္ဒခံယူပွဲ တစ်ရပ် ကျင်းပခြင်း ဖြစ်သည်။

အူးဂိုချားဗက်စ်သည် အလားတူ ဆန္ဒခံယူပွဲမျိုး ၂ဝဝ၇ ခုနှစ်က ကျင်းပပြုလုပ်ခဲ့သော်လည်း ပြည်သူအများစုက သူ့အဆိုကို ပယ်ချခဲ့ဖူးသည်။ ယခုတစ်ကြိမ်မှာတော့ မဲဆန္ဒပေးသူများ၏ ၅၄ ဒသမ ၄ ရာခိုင်နှုန်းက အခြေခံဥပဒေ ပြင်ဆင်ရေး သူ့အဆိုကို ထောက်ခံခဲ့သဖြင့် သူအနိုင်ရ အောင်ပွဲခံခဲ့သည်။ ဗင်နီဇွဲလား အတိုက်အခံ အင်အားစုတွေနှင့် အနောက်နိုင်ငံ တွေကတော့ အူးဂိုချားဗက်စ်ကို လူထုဆန္ဒခံယူပွဲမှ တဆင့် အာဏာရှင် ဖြစ်လာကြောင်း ဝေဖန်ခဲ့ကြသည်။ မြန်မာစစ်အစိုးရသည် ယခုသတင်းကို ပြည်တွင်းမီဒီယာတွေမှာ လုံးဝ ဖော်ပြခွင့် မပေးပဲ မှောင်ချခဲ့သည်။
( ခေတ်ပြိုင်သတင်းမှ ကောက်နှုတ်ချက် )
+++++
ဟစ်ဟော့တေးဂီတကို မြန်မာသံစဉ်နဲ့တိုက်မည်


ဆယ်စုနှစ် တစုစာခန့်သာ အောင်မြင်မှုရှိသေးသည့် ဟစ်ဟော့တေးဂီတ၏ လွှမ်းမိုးမှု မြန်မာလူငယ်တို့အပေါ် အသားကျနေသည့်အတွက် ၎င်းကို မြန်မာသံစဉ်ဖျော်ဖြေပွဲများ ပြုလုပ်တိုက်ထုတ်ရမည်ဟု အမည်မဖော်လိုသည့် အနှစ် (၃၀) ကျော် မြန်မာသံ သီဆိုလာသည့် ၀ါရင့်အဆိုတော်ဟောင်းကြီး တဦးကပြောသည်။

၂၂.၂.၂၀၀၉ ရက်နေ့ ည (၇) နာရီက ကရ၀ိတ်ဥယျာဉ် ကမ္ဘာမျှော်စင်ကျွန်းတွင် မြန်မာသံစဉ် ဂန္ထ၀င်ညတေးဂီတ ဖျော်ဖြေပွဲတွင် ၎င်းက ပြောခြင်းဖြစ်ပါသည်။ အဆိုပါ ဖျော်ဖြေပွဲသို့ လာရောက်ကြည်ရှုသူဦးရေမှာ (၂,၅၀၀) ခန့် ရှိပြီး၊ ယင်းတွင် အသက် (၃၀) မှ အထက် အသက်အရွယ်များပြားပြီး (၁၅) နှစ်နှင့် (၃၀) ကြားနည်းပါးကြောင်း ရန်ကုန်မြို့ခံများက ပြောသည်။ မြန်မာသံစဉ် ဂန္ထ၀င်ည တေးဂီတဖျော်ဖြေပွဲတွင် တေးသံရှင် ကိုမောင်မောင်ကြီး၊ ကိုမင်းနောင်၊ ကိုတင်လှိုင်၊ သုမောင်၊ ချိုပြုံး၊ စိုးစန္ဒာထွန်း၊ ထား၊ ခင်ညွန့်ရည်၊ မေရွက်ဝါ၊ ကေတုဝင်းထွဋ် စသည့် နာမည်ကြီး တေးသံရှင်ပေါင်း (၃၀) ကျော် သီဆိုခဲ့ကြကြောင်း သိရသည်။ ယင်းပွဲကို အလင်္ကာဝတ်ရည် အနုပညာလုပ်ငန်းက စီစဉ်ခြင်း ဖြစ်သည်ဟု ပွဲကြည့်ပရိသတ်တဦးက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
နိုင်ငံရေး အကျဉ်းသား စာရင်း

စစ်အစိုးရ အကျဉ်းသားး ၆၃၁၃ ဦး လွတ်လာပေးသည့် စာရင်းတွင် နိုင်ငံရေး အကျဉ်းသား အနည်းငယ်သာ ပါဝင်သည်။
၊ ကလေးထောင်မှ ၅၀ ခန့်၊ နိုင်ငံရေး အကျဉ်းသား မပါ၊
မန္တလေးထောင်မှ ၅၀ ခန့်၊ နိုင်ငံရေးအကျဉ်းသား မပါ၊
သာယာဝတီထောင်မှ ၁၁၄ ဦး၊ နိုင်ငံရေး အကျဉ်းသား မပါ၊
တောင်ငူ ထောင်မှ ၈၅ ဦးနှင့် တောင်ငူရဲဘက်မှ ၄၀ဦး၊ နိုင်ငံရေးး အကျဉ်းသား မပါ၊
အင်းစိန်ထောင်မှ ၁၀၀ ဦး၊ နိုင်ငံရေးအကျဉ်းသား ၁၁ ဦး၊
( ဒီဗွီဘီသတင်းမှ ကောက်နှုတ်ချက် )
+++++
ဗိုလ်ထိန်မောင်အဖွဲ့နှင့် ပူးပေါင်းသူများ ရွာသားတွေဖြစ်ဟု ကေအန်ယူငြင်းဆို

ဗုဒ္ဓဟူးနေ့က ကေအန်ယူ၊ ကေအန်အယ်လ်အေ ငြိမ်းချမ်းရေးကောင်စီအဖွဲ့နှင့် သွားရောက် ပူးပေါင်းခဲ့သူ (၁၃) ဦးသည် ကရင်အမျိုးသား လွတ်မြှောက်ရေးတပ်မတော်မှ စစ်သည်များ မဟုတ်ဘဲ ကော့ကရိတ်မြို့နယ်ရှိ စက်က၀က်ရွာမှ ရွာသားများသာဖြစ်သည်ဟု ကရင်အမျိုးသား လွတ်မြှောက်ရေးတပ်မတော် တပ်မဟာ (၆) တပ်မဟာစစ်ရုံးမှ ဒု-ဗိုလ်မှူးကြီးတဦးက ခေတ်ပြိုင်သို့ပြောသည်။ အဆိုပါရွာသားများမှာ စောဖါးကျော့၊ ကျော်နီဟဲ၊ ဖားထီးသိုး၊ ကျော်မူးဂေ၊ ဖားအော်တူး၊ ကျော်ဖရီး၊ ကျော်အဲ၊ ဖားကလိ၊ ဖားအော်လဲ၊ ဖားမော်းကို၊ မောင်ထွေး၊ ကျော်ယု၊ ကျော်ပလဲထူး တို့ဖြစ်သည်။

ယခုဖြစ်စဉ်နှင့် ပတ်သက်၍ ကေအန်ယူ၊ ကေအန်အယ်လ်အေ ငြိမ်းချမ်းရေးကောင်စီမှ ပုံကြီးချဲ့၍ ၀ါဒဖြန့်နေသော်လည်း ဖြစ်စဉ်အမှန်ကို သိရှိနိုင်ရန်အတွက် ရှင်းပြခြင်း ဖြစ်ကြောင်း ၄င်း ဒု-ဗိုလ်မှူးကြီးက ဖြည့်စွက်ပြောကြားသည်။

အခြေအနေမှန်ကို အသေးစိတ်သိရှိနိုင်ရန် ကေအန်ယူ၊ ကေအန်အယ်လ်အေငြိမ်းချမ်းရေး ကောင်စီအဖွဲ့မှ ဗိုလ်ချုပ်ယဉ်နုအား ခေတ်ပြိုင်မှ ဆက်သွယ်မေးမြန်ရာ ဖုန်းပိတ်ထားသည်။
( ခေတ်ပြိုင်သတင်းမှ ကောက်နှုတ်ချက် )
+++++
ဖေဖေါ်ဝါရီလ ၂၄ ရက်
ရက်သတ္တပတ် ၉ ၊ ၂၀၀၉၊
မြန်မာ သတင်း

မြန်မာနိုင်ငံ၏ မူးယစ်ဆေးရောင်းရ ၀င်ငွေ တနှစ် ကန်ဒေါ်လာ သန်း ၃၀၀၀ ထိရှိ

မူးယစ်ဆေး၊ ဘိန်းဖြူနှင့် မက်တာအဖက်တမင်း ရောင်းရ သည့် မြန်မာနိုင်ငံ၏ နှစ်စဉ်ဝင်ငွေမှာ အမေရိကန် ဒေါ်လာ သန်း (၁,၀၀၀) မှ သန်း (၂,၀၀၀) ကြားရှိကြောင်း အမေရိကန်သမ္မတ ဘွတ်ရှ် လက်ထက် အမေရိကန် ကွန်ဂရက်သို့ တင်သွင်းခဲ့သည့် အစီရင်ခံစာ တစောင်တွင် ဖော်ပြထားသည်။ ၂၀၀၁ ခုနှစ်တွင် မြန်မာစစ်ထောက်လှမ်းရေး အရာရှ်ိများနှင့် ၀ခေါင်းဆောင်များကြား သဘောတူညီချက်တွင် မူးယစ်ဆေးရောင်းချမှု၏ အမြတ် (၅၀) ရာနှုန်းကို မြန်မာစစ်တပ်အား ပေးရမည်ဆိုသည့် သဘောတူညီချက် ပါဝင်သည်ဟု ထောက်ပြထားသည်။မူးယစ်ဆေး မှောင်ခိုရောင်းချသူ အများစုမှာ ထိုင်းမြန်မာနယ်စပ်နှင့် ထိုင်းတရုတ်နယ်စပ်မှ ၀၊ ရှမ်းစသည့် တိုင်းရင်းသားအုပ်စုများနှင့် ဆက်စပ်နေသည်။ သို့သော် မြန်မာစစ်အစိုးရ၏ အဆင့်များစွာမှ အရာရှိများသည်လည်း အဆိုပါ မူးယစ်ဆေးရောင်းရငွေ ရှယ်ယာများ နည်းအမျိုးမျိုးဖြင့် ရနေကြသည်။ စစ်တိုင်းမှူးများဆိုလျင် မူးယစ်ဆေးရောင်းသူများထံမှ အစိုးရ အခွန်များများ ကောက်ခံကြသလို မူးယစ်ဆေးမှောင်ခိုမှုကို စစ်တပ်မှ အကာအကွယ်ပေးမှု၊ စစ်တပ်က သယ်ပေးမှု စသည်တို့အတွက် အခကြေးငွေ ကောက်ယူကြသည်ဟု ဖော်ပြထားသည်။

သို့သော် မြန်မာစစ်အစိုးရ ထိပ်ပိုင်းအရာရှိများ မူးယစ်ဆေးရောင်းဝယ်မှု၌ တိုက်ရိုက်ပါဝင် ပတ်သက်ကြောင်း ခိုင်လုံသည့် သက်သေမရှိဟု အမေရိကန် နိုင်ငံခြားရေးဝန်ကြီးဌာန နိုင်ငံတကာ မူးယစ်ဆေး အစီရင်ခံစာ၌ ဖော်ပြထားသည်။ မြန်မာစစ်တပ်သည် အထူးသဖြင့် မူးယစ်ဆေး ထုတ်လုပ်သူ မူးယစ်ဆေး မှောင်ခိုရောင်းချသူ ၀တိုင်းရင်းသားများအပါအ၀င် ၀လူမျိုးများနှင့် အနီးကပ် ဆက်ဆံမှုရှိသည်။
( ခေတ်ပြိုင်သတင်းမှ ကောက်နှုတ်ချက် )
+++++
ပြည်တွင် တိုးတိုးကြက်ရောင်း

ပြည် (မဇ္ဈိမ)။ ။ ပြည်မြို့တွင် ကြက်လည်လိမ်ရောဂါ ဖြစ်ခဲ့သဖြင့် ကြက်သားနှင့် ကြက်ဥများ ရောင်းချခွင့် ဒေသအာဏာပိုင်များက ပိတ်ထားသော်လည်း အရောင်းအ၀ယ်များ ရှိနေဆဲ ဖြစ်သည်။

ပိတ်ပင်မှု နှစ်လနီးပါး ကြာလာသည့် ယခုအခါတွင် ကြက်သားနှင့် ကြက်ဥဈေးများ ထက်ဝက်ခန့် ကျသွားပြီး တိုးတိုးတိတ်တိတ် အရောင်းအ၀ယ် ဈေးကွက် ပေါ်ပေါက်နေခြင်း ဖြစ်သည်။
မွေးမြူရေးသမားများမှာ ကြက်နှင့် ကြက်ဥကို နေပြည်တော်နှင့် ရန်ကုန်ဈေးကွက်သို့ သိုသိုသိပ်သိပ် တင်ပို့နေသည်ကို တွေ့ရှိရပြီး၊ နေ့စဉ် အစာဖိုး ကာမိစေရန် လုပ်ဆောင်ရသည်ဟု မွေးမြူရေး အစာဆိုင်နှင့် ကြက်သားရောင်းသူ တချို့က တညီတညာတည်း ပြောသည်။

ရန်ကုန်တွင် ကြက်သားတပိဿာလျင် အနည်းဆုံး ၄ ထောင်ကျပ်ဈေးပေါက်ပြီး ကြက်ဥတလုံးလျင် ၁၀၀ ကျပ်ခန့် ရောင်းလေ့ရှိသည်။ မြန်မာနိုင်ငံတွင် ကြက်ငှက်တုပ်ကွေး ရောဂါသည် မန္တလေးနှင့် စစ်ကိုင်းတွင် စတင်ဖြစ်ခဲ့ပြီး၊ ဒုတိယ တကျော့တွင် ပဲခူးနှင့် ရန်ကုန်၊ ယခုအကြိမ်တွင်မူ အပြင်းစား ကြက်လည်လိမ်ရောဂါသည် ပြည်မြို့တွင် စတင်ခဲ့သည်။

ပြည်မြို့ မြို့သစ်ရှိ ကြက်ခြံများတွင် ကြက်၊ ငုံး ကောင်ရေ ၉၀၀၀ ထက်မနည်း သုတ်သင် ရှင်းလင်းပြီး ဖြစ်သည်။
ကြက်ရောဂါများ ဖြစ်နေချိန် ယခုလ ၂ ရက်နေ့က ရန်ကုန်အနီး ညောင်နှစ်ပင်အရပ်ရှိ MRC ကုမ္ပဏီပိုင် ကြက်ကောင်ရေ ၂၀၀၀၀ မွေးထားသည့် မွေးမြူရေးခြံ မီးလောင်ခဲ့ရာ တောမီးမှတဆင့် မီးကူးစက်ခဲ့သည်ဟု မွေးမြူရေးလုပ်ငန်း၏ သတင်းထုတ်ပြန်ချက်က ဆိုသည်။

ယခုလ နောက်ဆုံးပတ်တွင် နေပြည်တော် ပျဉ်းမနားရှိ ကြက်မွေးမြူရေး ခြံများကို မြို့ပြင်ထုတ်ရန် မွေးမြူရေး လုပ်ငန်းက စီစဉ်နေပြီ ဖြစ်သည်။
( မဇ္ဈိမသတင်းဌာနမှ ကောက်နှုတ်ချက် )
+++++
မလေးရှား အထည်ချုပ် မြန်မာအလုပ်သမားများ အလုပ်ရှင်ကြောင့် ပုန်းနေရဆဲ


မလေးရှားလုပ်ငန်းရှင်၏ ဖိနှိပ်မှုများကြောင့် ထွက်ပြေး တိမ်းရှောင်နေရသည့်အတွက် မြန်မာအထည်ချုပ် အလုပ်သမ (၁၅) ဦးနှင့် လုပ်သား (၁) ဦးတို့၏ ရှေ့ရေးမှာ ယခုအခါ သောင်မတင် ရေမကျ ဖြစ်နေသည်။

မလေးရှားလုပ်ငန်းရှင်၏ ဖိနှိပ်မှုများကြောင့် မြန်မာအလုပ်သမား အခွင့်အရေး အကာကွယ်ပေးရေး ကော်မတီ (BWRPC) သို့ ထွက်ပြေးလာခဲ့ကြပြီး ထွက်ပြေးရာအထိ လုပ်ငန်းရှင်က လိုက်လံအနိုင်ကျင့် ရိုက်နှက်မှုကြောင့် လုံခြုံရာသို့ ရွေ့ပြောင်း ခိုလှုံနေရသော မြန်မာအထည်ချုပ် အလုပ်သမများအား မြန်မာသံရုံးက လိုက်လံ ဆက်သွယ်နေသည်ဟု သတင်းများပေါ်ထွက်နေသည်။ မလေးရှားနိုင်ငံ မြန်မာသံရုံးသို့ ယင်းကိစ္စနှင့် ပတ်သက်၍ ဆက်သွယ်ခဲ့သော်လည်း ဖုန်းကိုင်ဖြေဆိုခြင်း မရှိခဲ့ပေ။
သို့သော် မြန်မာအထည်ချုပ် အမျိုးသမီးများက ၄င်းတို့ထံ တိုက်ရိုက်ဆက်သွယ်မှု မရှိသေးကြောင်းနှင့် ၄င်းတို့ ထွက်ခွာစဉ်က ကုန်ကျခဲ့သောငွေ ပြန်လည်ရရှိသည်အထိ နေထိုင်လုပ်ကိုင်လိုကြကြောင်း အထည်ချုပ် အမျိုးသမီးတဦးက ပြောသည်။ အဆိုပါ အမျိုးသမီးများ မလေးရှားတွင် ဆက်နေထိုင်ပါက ဥပဒေအရ သက်တမ်းလွန်နေထိုင်မှု (over stay) ဖြစ်သွားမည်ဖြစ်ကြောင်း၊ သို့သော် ယင်းကိစ္စကို ဆောင်ရွက်ပေးနေသော အန်ဂျီအိုက အလုပ်ရှင် Mr.Kumar အနေဖြင့် ကိုယ်ထိလက်ရောက် ရိုက်နှက်မှုများ ရှိထားခြင်းကြောင့် အမျိုးသမီးများ၏ နေထိုင်ခွင့် သက်တမ်း ထပ်တိုးပေးခြင်း၊ ညှိနှိုင်းပေးခြင်းများ ရှိလာရမည်ဟု မျှော်လင့်ထားကြောင်း ကိုရဲမင်းထွန်းကပြောသည်။

မြန်မာအထည်ချုပ် အမျိုးသမီးများအား မလေးလုပ်ငန်းရှင် Mr.Kumar ကိုယ်တိုင် မြန်မာနိုင်ငံသို့ လာရောက် အင်တာဗျူးပြီး ခေါ်ယူခဲ့ခြင်းဖြစ်ကြောင်း၊ ညှိနှိုင်းစဉ်က မနက် (၈) နာရီမှ ညနေ (၅) နာရီအထိ အလုပ်ဆင်းချိန် သတ်မှတ်ကာ လစာ ရင်းဂစ် (၇၅၀) နှုန်း သတ်မှတ်ခဲ့ကြကြောင်း၊ အချိ်န်ပိုပေး သီးသန့်ထပ်ပေးရမည်ဟု ညှိနှိုင်းခဲ့ကြကြောင်း အမျိုးသမီးတဦးက ပြောသည်။ သို့သော် အလုပ်ဆင်းချိန်တွင် အချိန်ပိုကြေး မပေးခဲ့ကြောင်း ၊ ယင်းကိစ္စကို ပြောဆိုရာတွင် မြန်မာ အမျိုးသမီးများအား အပြင်ထွက်ခွင့်၊ ဖုန်းကိုင်ဆောင်ခွင့်များကိုပါ ပိတ်ပင်ခဲ့ကြောင်း ၄င်းက ဆက်ပြောသည်။
မြန်မာအလုပ်သမများက အလုပ်ရှင်က အချိန်ပိုကြေး မပေးသည့်အကြောင်း မြန်မာသံရုံးသို့ ဦးစွာတင်ပြခဲ့ သော်လည်း မြန်မာသံရုံး ၀န်ထမ်းတဦးက မင့်တို့ကို ငါတို့ခေါ်ထားတာမှ မဟုတ်တာဟု ပြန်လည်ပြောဆို ခဲ့ကြောင်း အလုပ်သမတဦးက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
နိုင်ငံရေး အကျဉ်းသားများ ပိုမိုလွှတ်ပေးရန် အမေရိကန်က မြန်မာနိုင်ငံကို တောင်းဆို

နယူးဒေလီ။ ။ မြန်မာအစိုးရ၏ လွတ်ငြိမ်းချမ်းသာခွင့်ကြောင့် အကျဉ်းသား ၆ဝဝဝ ကျော် လွှတ်ပေးရာတွင် နိုင်ငံရေး အကျဉ်းသားများ ပါလာသည့်အတွက် အမေရိကန်က ကြိုဆိုကြောင်း၊ သို့သော် ဒီမိုကရေစီခေါင်းဆောင် အောင်ဆန်းစုကြည် အပါအဝင် ကျန်နိုင်ငံရေး အကျဉ်းသမားများကိုလည်း လွှတ်ပေးရန် စစ်အစိုးရကို တောင်းဆိုကြောင်း အမေရိကန် နိုင်ငံက ပြောသည်။
ဤတောင်းဆိုမှုသည် မြန်မာစစ်အစိုးရက အကျဉ်းသား ၆၃၁၃ ဦးကို စနေနေ့မှ စတင်၍ နိုင်ငံတဝှမ်းလုံးရှိ အကျဉ်းစခန်းများမှ လွှတ်ပေးနေရာတွင် အနည်းဆုံး နိုင်ငံရေး အကျဉ်းသား ၂၃ ဦး ပါဝင်လာခဲ့ပြီးနောက် ပေါ်ထွက်လာခဲ့ခြင်း ဖြစ်ပါသည်။

မြန်မာနိုင်ငံအပေါ် ချမှတ်ထားသော ပိတ်ဆို့ အရေးယူမှုများ အလုပ်မဖြစ်သဖြင့် မြန်မာနိုင်ငံဆိုင်ရာ မူဝါဒကို အမေရိကန်နိုင်ငံက ပြန်လည် သုံးသပ်နေကြောင်းလည်း ဝုဒ် က ပြောသည်။

မြန်မာအစိုးရ၏ အပြုအမူများ ပြောင်းလဲရေးအတွက် မြန်မာအစိုးရနှင့် ထိတွေ့ ဆက်ဆံနိုင်ရန် နည်းလမ်းသစ်တရပ်ကို ကမ္ဘာ့ကုလသမဂ္ဂ အပါအဝင် နိုင်ငံတကာ အသိုင်းအဝိုင်းနှင့် အမေရိကန်နိုင်ငံက ညှိနှိုင်းတိုင်ပင် ရှာဖွေလျက်ရှိကြောင်း ဖြင့်လည်း သူကပြောပါသည်။ သူမ၏ ၄ နိုင်ငံ အာရှခရီးစဉ်အတွင်း နိုင်ငံခြားရေးဝန်ကြီး ဟီလာရီ ကလင်တန် က အင်ဒိုနီးရှားသို့ ရောက်ရှိစဉ် ပြောကြားရာတွင် မြန်မာစစ်အစိုးရကို အပြောင်းအလဲများ လုပ်စေရန် အမေရိကန်၏ ပိတ်ဆို့ အရေးယူမှုများနှင့် ဒေသတွင်းနိုင်ငံများ၏ ဆက်ဆံရေးမူဝါဒများ နှစ်မျိုးစလုံး မအောင်မြင်ခဲ့ကြောင်း ပြောကြားခဲ့သည်။
( မဇ္ဈိမသတင်းဌာနမှ ကောက်နှုတ်ချက် )
+++++
ရန်ကုန်မှာ လျှပ်စစ်မီးပျက် တက္ကစီများ စီအန်ဂျီ ဖြည့်မရ


လျှပ်စစ်မီးပျက်နေသဖြင့် စီအန်ဂျီ ဖြည့်သောနေရာတွင် တက္ကစီယာဉ်မောင်းများ အချိန်ကြာမြင့်စွာ တန်းစီနေရသည့်အတွက် အခက်တွေ့နေကြောင်း ရန်ကုန်မြို့ခံ တက္ကစီသမားများက ပြောသည်။ တက္ကစီယာဉ်မောင်းများက စီအန်ဂျီ ဆိုင်တွင် အချိန်ကုန်နေကြသည့်အတွက် ၎င်းတို့၏ စားဝတ်နေရေးကိုပါ ထိခိုက်ကြောင်း ယာဉ်မောင်းများက ပြောသည်။
စီအန်ဂျီ ပြောင်းလဲပြီး တက္ကစီယာဉ်ပေါင်း (၁၂,၀၀၀) ကျော်ရှိသည့်အနက် တ၀က်ခန့်သာ အလုပ်ဖြစ်နေပြီး ကျန်သည့်ကားများမှာ စီအန်ဂျီ ဆိုင်တွင်တန်းစီနေသည့် အချိန်ဖြင့်သာ အချိန်ကုန်နေကြောင်း ရန်ကုန်ရှိ တက္ကစီယာဉ်မောင်း အသိုင်းအ၀ိုင်းက သိရသည်။ ရန်ကုန်တွင် မီးပြတ်လျင် (၂၄) နာရီ စီအန်ဂျီ ထည့်၍ရသော စီအန်ဂျီ အရောင်းဆိုင်ပေါင်း (၃) ဆိုင်နှင့် မီးပြတ်လျင် စီအန်ဂျီ ထည့်၍မရသော ဆိုင် (၃၄) ဆိုင် ရှိကြောင်း သိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
သံလက်သီးအမှုတွင် ပါဝင်သူ ပြန်လွတ်လာ

ချင်းမိုင် (မဇ္ဈိမ) ။ ။ ထောင်ဒဏ် ၇ နှစ် ကျခံနေသည့် မန္တလေးတိုင်း မတ္တရာမြို့နယ် အမျိုးသား ဒီမိုကရေစီအဖွဲ့ချုပ် ဒု-ဥက္ကဋ္ဌ ဦးညိုကြီး ယခုလ ၂၀ ရက်နေ့က ခန္တီးထောင်မှ ပြန်လွတ်လာသည်။

စစ်အစိုးရက အကျဉ်းသား ၆၃၁၃ ဦးကို လွတ်ငြိမ်းချမ်းသာခွင့်ဖြင့် စတင်၍ ပြန်လွှတ်ပေးမည့်ရက် မတိုင်ခင် တရက်အလိုက ယခုလို လွတ်လာခြင်း ဖြစ်သည်။
၂၀၀၇ ဇွန်လ ၁၅ ရက်နေ့က မန္တလေးတွင် ပြုလုပ်သည့် အန်အယ်ဒီ အဖွဲ့ဝင်များ၏ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများ လွတ်မြောက်ရေး ဆုတောင်းပွဲမှအပြန် အမည်မသိ လူတဦးက မတ္တရာအမတ် ဦးသန်းလွင်အား သံလက်သီးဖြင့် ထိုးကာ ကြံ့ခိုင်ဖွံ့ဖြိုးရေး ရုံးအတွင်း ၀င်ပြေးခဲ့သည်မှ စတင်ခဲ့သည်။

ထိုမှတဆင့် ဦးသန်းလွင်က မျက်မြင်သက်သေများနှင့် ရဲစခန်းသို့ သွားတိုင်ရာ ရဲများက ကြံ့ဖွံ့ရုံးသို့ သွားသည့်အခါ ရုံးတံခါး မဖွင့်သည့်အပြင် မြို့နယ် ကြံ့ဖွံ့အတွင်းရေးမှူး ဦးကျော်မင်းက အသရေဖျက်မှုဖြင့် ပြန်လည် တရားစွဲဆိုခဲ့ရာမှ မျက်မြင်သက်သေအဖြစ် လိုက်သွားသူ ဦးညိုကြီးနှင့် ကာယကံရှင် ဦးသန်းလွင် အပါအ၀င် ၇ ဦးမှာ ထောင်ဒဏ်များ ကျခံခဲ့ရသည်။

သူတို့အား အသရေဖျက်မှု ပုဒ်မ ၅ဝ၆ ဖြင့် ထောင်ဒဏ် ၇ နှစ်စီ ချခဲ့သော်လည်း မန္တလေးတိုင်း တရားရုံးတွင် အယူခံဝင်ရာ ဦးညိုကြီးမှအပ မျက်မြင်သက်သေ ၅ ဦးအား တနှစ်အထိ ပြစ်ဒဏ်လျှော့ချခဲ့ရာ ၂၀၀၈ ခု အောက်တိုဘာလ ၃ ရက်နေ့တွင် ပြန်လွတ်လာပြီး ဖြစ်သည်။
( မဇ္ဈိမသတင်းဌာနမှ ကောက်နှုတ်ချက် )
+++++
နေပြည်တော် ကောင်စစ်ရုံးဆောက်ရေး လယ်ဧက ၁၀၀ သိမ်း


နေပြည်တော်ပျဉ်းမနား-တောင်ညို လမ်းမကြီးဘေးရှိ လယ်ဧက (၁၀၀) ကို စစ်အစိုးမှ လွန်ခဲ့သောလက သိမ်းပိုက် လိုက်ကြောင်း ပျဉ်းမနားမြို့ခံများက ပြောသည်။

ယင်းသို့ သိမ်းခြင်းမှာ နိုင်ငံခြား ကောင်စစ်ဝန်ရုံးတခု တည်ဆောက်ရန် ဖြစ်ကြောင်း၊ အဆိုပါ လယ်ဧက (၁၀၀) မှာ ပျဉ်းမနား၊ ပြန်ကပြေးရွာမှ လယ်သမားများ ပိုင်ဆိုင်သောလယ်များ ဖြစ်ကြောင်း ပြန်ကပြေး ရွာသားများက ပြောသည်။

သိမ်းပိုက်လိုက်သော လယ်ယာမြေများအတွက် လျော်ကြေးရရှိမှု ယခုထိ မရှိသေးကြောင်း၊ အသိမ်းခံလိုက်ရသော လယ်သမားများ (၃၀) ဦး ထက်မနည်းမှာ မကျေနပ်ဖြစ်နေကြောင်း သိရသည်။ အသိမ်းခံရသော လယ်များပိုင်သည့် ပြန်ကပြေးရွာမှာ ပျဉ်းမနား အပိုင်ဖြစ်ပြီး အိမ်ခြေ (၁,၈၀၀) ခန့် ရှိသော ရွာကြီးဖြစ်ကြောင်း သိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
ပြည်တွင်း ဈေးကွက်၌ ရွှေဈေးနှုန်း အကျဈေးဖြင့် အရောင်းအ၀ယ်အေး

နိုင်ငံတကာဈေးကွက် ရွှေဈေးနှုန်း ပြန်လည်မြင့်တက်နေသော်လည်း ပြည်တွင်းဈေးကွက်၌ ရွှေဈေးနှုန်း အကျဈေးဖြင့််ငြိမ်သက်နေမှုနှင့်အတူ အရောင်းအ၀ယ်အေးလျက်ရှိကြောင်း ရွှေအရောင်းဈေးကွက်မှ စုံစမ်းသိရှိ ရသည်။

နိုင်ငံတကာဈေးကွက်၌ ရွှေဈေးနှုန်းမှာ ယခုလက်ရှိ၌ ဖေဖော် ၀ါရီလ ၂၀ ရက်နေက နယူးယောက်ပေါက်ဈေးမှာ ရွှေတစ်အောင်စလျင် အမေရိကန်ဒေါ်လာ ၉၉၃ ဒသမ ၂၀ ဖြင့် အရောင်းအ၀ယ်ပြုလုပ်နေပြီး ပြည်တွင်းဈေးကွက်၌ အခေါက်ရွှေ တစ်ကျပ်သားလျင် ကျပ် ၅၁၄၀၀၀ နှင့် ၁၅ ပဲရည်ရွှေတစ်ကျပ်သားလျင် ကျပ် ၄၈၀၀၀၀ ဖြင့် အရောင်း အ၀ယ်ပြုလုပ်နေကြောင်း သိရသည်။

နိုင်ငံတကာ ရွှေဈေးနှုန်းမှာ ဇန်န၀ါရီလ ၄ ရက်နေ့က ရွှေ တစ် အောင်စလျင်အမေရိကန်ဒေါ်လာ ၈၆၉ ဒသမ ၂၀ရှိခဲ့ပြီး ဇန်န၀ါရီလ ၃၀ ရက်နေ့က ရွှေတစ်အောင်စလျင် အမေရိကန်ဒေါ်လာ ၉၂၇ ဒသမ ၁၀ ရှိခဲ့ကြောင်းသိရသည်။ ပြည်တွင်း ရွှေဈေးကွက်တွင်မူ ၁၅ ပဲရည်ရွှေ တစ်ကျပ်သားလျင် ကျပ် ၄၇၀၀၀၀ ကျော်နှင့် အခေါက်ရွှေတစ်ကျပ်သား လျင် ကျပ် ၅၀၀၀၀၀ ကျော်ဝန်း ကျင်ဖြင့် အရောင်းအ၀ယ်ပြုလုပ်ခဲ့ ကြောင်းသိရသည်။ ၂၀၀၈ ခုနှစ် ဇန်န၀ါရီလ ၁ ရက်နေ့က နိုင်ငံတကာ ရွှေဈေးကွက်တွင် ရွှေတစ်အောင်စလျင် အမေရိကန်ဒေါ်လာ ၈၃၅ ဒသမ ၆၀ ဖြစ်ခဲ့ပြီး ပြည်တွင်းရွှေဈေးကွက်၌ အခေါက်ရွှေတစ်ကျပ်သားလျင် ကျပ် ၅၅၄၀၀၀ ကျော်ဖြင့် အရောင်းအ၀ယ်ပြုလုပ်ခဲ့ကြောင်း သိရသည်။
( ၀ိကလီးအဲလဲဗင်းမှ ကောက်နှုတ်ချက် )
+++++
ဗုဒ္ဓတက္ကသိုလ်များညီလာခံ ဒုတိယအကြိမ်ကျင်းပမည် မြန်မာရဟန်းများ ပြည်ပသို့ ၀ိပဿနာသင်တန်းပို့ချခွင့်ရ


စစ်ကိုင်း သီိတဂူ ကမ္ဘာ့ ဗုဒ္ဓတက္ကသိုလ်၌ လာမည့်မတ်လ (၅) ရက်တွင် ဒုတိယအကြိမ်မြောက် ထေရ၀ါဒ ဗုဒ္ဓတက္ကသိုလ်များ ညီလာခံ ကျင်းပသွားမည်ဖြစ်ရာ အဖွဲ့ဝင် တက္ကသိုလ်များအကြား ပူးပေါင်းဆောင်ရွက်မှု၊ အပြန်အလှန် ပညာသင် စေလွတ်နိုင်မှုစသည့် အကျိုးတရားများ ရရှိမည် ဖြစ်ကြောင်း သီတဂူသာသနာပြုအဖွဲ့မှ ဒေါက်တာအရှင်ကိတ္တိဗလက ခေတ်ပြိုင်သို့ မိန့်ကြားသည်။

အဆိုပါ ညီလာခံတွင် နိုင်ငံပေါင်း (၁၈) နိုင်ငံမှ ကိုယ်စားလှယ်များ တက်ရောက်လိမ့်မည် ဖြစ်ကြောင်း၊ ယင်းညီလာခံအပြီးတွင် သီတဂူဆရာတော် ဒေါက်တာ အရှင်ဥာဏိဿရ၏ သက်တော် (၇၂) နှစ်ပြည့် ၀ိဇာတ မင်္ဂလာအခမ်းအနားကိုလည်း မတ် (၉) ရက်တွင် တဆက်တည်း ကျင်းပသွားဖြစ်ကြောင်း သိရသည်။

အဆိုပါ ညီလာခံ မစတင်မီ သီတဂူတက္ကသိုလ်မှ ဘီအေဘွဲ့ရ သံဃာတော်များကို ဘွဲ့တံဆိပ် ဆက်ကပ်ကာ မွန်းလွဲပိုင်းတွင် ညီလာခံ စတင်မည်ဖြစ်သည်။ (၃) ရက်တိုင်တိုင် ကျင်းပမည့် ယင်းညီလာခံတွင် -
(၁) လူမှုအကျိုးပြု လုပ်ငန်း၌ ပါဝင်ပတ်သက်သော ဗုဒ္ဓသာသနာ
(၂) ထေရ၀ါဒ ဗုဒ္ဓဘာသာနိုင်ငံများရှိ ပရိယတ္တိ၊ ပဋိပတ္တိသာသနာ အခြေအနေ
(၃) ထေရ၀ါဒနိုင်ငံများရှိ သံဃာတော်များအကြောင်း
(၄) ၁၉ ရာစု နှောင်းပိုင်းမှစ၍ ပါဋ္ဌိစာပေ တိုးတက်ပြောင်းလဲလာမှု အခြေအနေများကို အဓိကထားဆွေးနွေးသွားကြမည်ဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++
ဈေးကွက်ကျဉ်းမြောင်းမှုနှင့် ဈေးကွက် လိုအပ်ချက်အရသာ ထုတ်လုပ်နေရ ခြင်းကြောင့် အရည်အသွေး ပိုမိုလျော့ ကျလာ

စားသောက်ကုန် လုပ်ငန်းများမှာ ၀ယ်လိုအား ကျဆင်းနေမှု၊ ဈေးကွက် ကျဉ်းမြောင်းမှုနှင့် ဈေးကွက် လိုအပ်ချက်အရသာ ထုတ်လုပ်နေရ ခြင်းကြောင့် အရည်အသွေး ပိုမိုလျော့ကျလာကြောင်း သိရှိရသည်။ တရားဝင် မှတ်ပုံတင်ထားသော စီးပွားရေး လုပ်ငန်းများအနက် စားသောက်ကုန် လုပ်ငန်းများမှာ ၆၄ ရာခိုင်နှုန်းရှိကြောင်းလည်း သိရှိရသည်။

စားသောက်ကုန် လုပ်ငန်းများတွင် ၀ယ်လိုအားကျဆင်းမှုသည် ၃၀ ရာခိုင်နှုန်းမှ ၅၀ ရာခိုင်နှုန်းထိ ရှိနေသည်။ ယင်းကျဆင်းမှုသည် ဈေး ကွက် ကျဉ်းမြောင်းပြီး ပြည်တွင်း ဈေးကွက်မှာသာ ထုတ်ကုန်များယှဉ်ပြိုင် ထုတ်လုပ်နေခြင်းကြောင့် လုပ်ငန်းရှင်များ အနေဖြင့် အများဆုံး ထိခိုက်နေကြောင်း သိရှိရပါသည်။ ဈေးကွက်အတွင်းတွင်လည်း လက်ငင်းငွေပေး ချေမှုစနစ်မှာ လွန်စွာနည်းပါးနေပြီး အကြွေးစနစ်မှာ ကာလရှည်ထိ ဖြစ်ပွားနေခြင်းကြောင့် စားသောက်ကုန်များ ထပ်မံ ထုတ်လုပ်ရန်အတွက် ရင်းနှီးမြှုပ်နှံမှုအား ပိုမို ခက်ခဲစေကြောင်း သိရသည်။
ထုတ်လုပ်မှုတွင်လည်း ပြည်တွင်းလုပ်ငန်းရှင်များက ဈေးကွက် လိုအပ်ချက်အနေဖြင့်သာ ထုတ်လုပ် နေမှုများပြီး အရသာတစ်မျိုးတည်း ကိုသာ အဓိကထား ထုတ်လုပ်နေကြကြောင်း သိရသည်။ ယင်းသို့ ထုတ်လုပ်နေခြင်းကြောင့် အရည်အသွေး ပိုမိုလျော့ကျသည်ထက် လျော့ကျ လာမည်ဖြစ်ကြောင်း သိရသည်။ ပြည်ပဈေးကွက် အနေအထားတွင်လည်း မြန်မာနိုင်ငံမှ ထုတ်လုပ်သည့် ကုန်ပစ္စည်းများမှာ အပြည်ပြည်ဆိုင်ရာ ဈေးကွက်အတွင်း နည်းပါး၍ မိမိအမှတ်တံဆိပ်များအား သိရှိရန် လုပ်ဆောင်မှုလည်း အားနည်းကြောင်းနှင့် အရည်အသွေး ထိန်းချုပ်မှုစနစ်ကိုလည်း လုပ်ငန်းရှင်များမှ သိရှိမှု နည်းပါးသည့်အပြင် ၀န်ထမ်းများသို့ဖြန့်ဝေမှုတွင်လည်း မရှိသလောက် နည်းပါးခြင်းများကြောင့် ဈေးကွက် ယှဉ်ပြိုင်နိုင်မှုတွင် ၀န်ထုပ် ၀န်ပိုးတစ်ခုသကဲ့သို့ ဖြစ်နေကြောင်း သိရသည်။
( ၀ိကလီအဲလဲဗင်းမှ ကောက်နှုတ်ချက် )
+++++
ဖေဖေါ်ဝါရီလ ၂၅ ရက်
ရက်သတ္တပတ် ၉ ၊ ၂၀၀၉၊
မြန်မာ သတင်း

မဲဆောက်မြန်မာအလုပ်သမား ၃၀၀နီးပါး လက်မှတ်လိမ်မထိုး၍ အလုပ်ဖြုတ်ခံရ

မဲဆောက်ရှိ ဟန်ထိုင်း သိုးမွေးအထည်ချုပ်စက်ရုံတွင် လုပ်ကိုင်နေသည့် မြန်မာအလုပ်သမား တစ်ထောင်ခန့်အား လုပ်ငန်းခွင်အတွင်း လုပ်အားခနှင့် အလုပ်သမားအခွင့်အရေးများ အပြည့်အ၀ရရှိသည့် အကြောင်းကို စာချုပ်စာတမ်းဖြင့် လိမ်လည်လှည့်ဖြား၍ လက်မှတ်ထိုးခိုင်းခြင်းကို ကန့်ကွက်ခဲ့သည့် မြန်မာအလုပ်သမား (၂၉၃) ဦးကို ယမန်နေ့က အကြောင်းမဲ့ အလုပ်ဖြုတ်လိုက်သည်။

ထိုကိစ္စနှင့် ပတ်သက်၍ မဲဆောက်မြို့ရှိ ထိုင်းအလုပ်သမား အခွင့်အရေးကာကွယ်ရေးရုံးတွင် မြန်မာအလုပ်သမား များက အရေးဆိုတိုင်ကြားသောကြောင့် အလုပ်ရှင်နှင့် အလုပ်သမား အခြေအနေမှာ တင်းမာလျက်ရှိသည်။
ယခုဖြစ်ရပ်နှင့် ပတ်သက်၍ ဟန်ထိုင်းသိုးမွေး အထည်ချုပ်စက်ရုံ၏ မန်နေဂျာတဦးဖြစ်သူ နိုင်ပရာချာထံသို့ စက်ရုံဖုန်းနံပတ် (၀၅၅-၅၅၁၂၀၈) သို့ ခေတ်ပြိုင်မှဆက်သွယ်မေးမြန်းရာ ပြန်လည်ဖြေကြားရန် ငြင်းဆိုပြီး ဖုန်းချသွားသည်။

အလုပ်ဖြုတ်ခံရသည့် မြန်မာအလုပ်သမားများက မိမိတို့ နစ်နာကြေးရရှိရေးအတွက် အလုပ်သမားအခွင့်အရေး၊ ကာကွယ်ရေးရုံးမှ တဆင့် ဥပဒေကြောင်းအရ အရေးဆိုသွားမည်ဟု ပြောသည်။

မဲဆောက်ဒေသအတွင်း အလုပ်ရုံ၊ စက်ရုံပေါင်း (၂၀၀) ခန့်ရှိပြီး မြန်မာအလုပ်သမား (၁) သိန်း ခန့် အလုပ်လုပ် ကိုင်လျက်ရှိသည်ဟု ထိုင်းအခြေစိုက် အစိုးရမဟုတ်သော အဖွဲ့အစည်းများ၏ စစ်တမ်းများအရသိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
သေဆုံးသူ သင်္ဘောသား ၁၀ ဦးနှင့် ဒဏ်ရာရသူ သင်္ဘောသားနှစ်ဦးတို့အတွက် လျော်ကြေးငွေများ ပေးအပ်

သေဆုံးသူ သင်္ဘောသား ၁၀ ဦး နှင့် ဒဏ်ရာရသူ သင်္ဘောသား နှစ်ဦးတို့အတွက် လျော်ကြေးငွေများကို ဖေဖော်ဝါရီလ ၂၀ ရက်နေ့က မြန်မာ့ အာမခံလုပ်ငန်းရုံးချုပ်တွင် ပေးအပ်ခဲ့ကြောင်း သတင်းရရှိသည်။

သေဆုံးသူ သင်္ဘောသား ၁၀ ဦး အတွက် လျော်ကြေးငွေစုစုပေါင်း ကျပ် ၄၉၅ သိန်း ပေးအပ်ခဲ့ပြီး ဒဏ်ရာရသူ သင်္ဘောသား နှစ်ဦးတို့အတွက် လျော်ကြေးငွေ ကျပ် ၅၅၂၀၀ အား နစ်နာဆုံးရှုံးသူများ၏ မိသားစုဝင်များသို့ ပေးအပ်ခဲ့ကြောင်း သိရှိရသည်။
( ၀ိကလီးအဲလဲဗင်းမှ ကောက်နှုတ်ချက် )
+++++
အာဆီယံစည်းဝေးတွင် မြန်မာ့အရေးများ ဆွေးနွေးမည်


ချင်းမိုင်(မဇ္ဈိမ)။ ။ အာဆီယံ ခေါ် အရှေ့တောင်အာရှ နိုင်ငံများအသင်း၏ ၁၄ ကြိမ်မြောက် အစည်းအဝေးကို ထိုင်းနိုင်ငံတောင်ပိုင်း၌ ယခုလကုန်ပိုင်းတွင် ကျင်းပသည့်အခါ လက်ရှိ မြန်မာ့နိုင်ငံရေး အခြေအနေ အပါအ၀င် မြန်မာရေးရာ ကိစ္စရပ်များ ထည့်သွင်း ဆွေးနွေးမည်ဟု သိရသည်။

အစည်းအဝေးကို ယခုလ ၂၇ ရက်မှ မတ်လ ၁ နေ့အထိ ဘန်ကောက်မြို့မှ ကီလိုမီတာ ၁၅ဝ ခန့် ကွာဝေးသော ဟွေဟင် Hua Hin ကမ်းခြေ၌ ကျင်းပသည့်အခါ မျက်မှောက် မြန်မာ့နိုင်ငံရေး၊ နိုင်ငံရေး အကျဉ်းသားများ အရေးနှင့် လှေစီးဒုက္ခသည် ရိုဟင်ဂျာ အရေးများ ပါဝင်ထည့်သွင်း ဆွေးနွေးနိုင်ကြောင်း သိရသည်။
ထိုင်းနိုင်ငံ ဝန်ကြီးချုပ် အဖိဆစ် ဝေ့ခ်ျချာချီဝ၏ ဖိတ်ကြားချက်အရ မြန်မာဝန်ကြီးချုပ် ဒုတိယဗိုလ်ချုပ်ကြီး သိန်းစိန်သည် အာဆီယံထိပ်သီး အစည်းအဝေးသို့ တက်ရောက်မည်ဟု ယမန်နေ့ထုတ် စစ်အစိုးရ အာဘော် မြန်မာ့အလင်း သတင်းစာတွင် ဖော်ပြထားသည်။

ထိုင်းနိုင်ငံတွင် မတည်မငြိမ် ဖြစ်ခဲ့သော ပြည်တွင်းနိုင်ငံရေးကြောင့် အာဆီယံ အစည်းအဝေး ကျင်းပရန် နေရာပြောင်းလဲ စီစဉ်ခဲ့သည်မှာ ယခုနှင့်ဆိုလျှင် ၄ နေရာမြောက်ဖြစ်သည်။

ပြီးခဲ့သည့် နှစ်ကုန်ပိုင်းက အစည်းအဝေးကို ဘန်ကောက်မြို့၌ ကျင်းပရန် စီစဉ်ခဲ့သော်လည်း ပြုတ်ကျသွားသော ယခင် ၀န်ကြီးချုပ်ဟောင်း ထပ်ဆင် ရှင်နာဝပ်ကို ထောက်ခံသော ပြည်သူ့စွမ်းအားပါတီ People Power Party ကို ဆန့်ကျင်သည့် PAD များက ဆန္ဒပြမှုကြောင့် နိုင်ငံမြောက်ပိုင်း ချင်းမိုင်သို့ ပြောင်းရွှေ့ကျင်းပရန် စီစဉ်ခဲ့သည်။

အာဆီယံကို ၁၉၆၇ ခုနှစ် သြဂုတ်လ ၈ ရက်နေ့တွင် အင်ဒိုနီးရှား၊ မလေးရှား၊ ဖိလစ်ပိုင်၊ စင်္ကာပူနှင့် ထိုင်းနိုင်ငံက စတင် တည်ထောင်ခဲ့သည်။ နောက်ပိုင်းတွင် မြန်မာ၊ ဘရူနိုင်း၊ ဗီယက်နမ်၊ ကမ္ဘောဒီးယားနှင့် လာအိုနိုင်ငံတို့ ပါဝင်လာခဲ့သည်။
(မဇ္ဈိမသတင်းမှ ကောက်နှုတ်ချက် )
+++++
အကောင်းဆုံးမြေသြဇာ လူငယ်သုံးဦး ရန်ကုန်တိုင်းရဲရုံးမှာ ဖမ်းထားဆဲ

အကောင်းဆုံးမြေသြဇာအဖွဲ့မှ ကိုစိုးမင်းထိုက်၊ ကိုကျော်ဇင်နိုင်၊ ကိုအောင်ထက်မင်းတို့ ဖေဖော်ဝါရီ (၁၄) ရက်၌ မြောက်ဥက္ကလာပမြို့နယ် အထက (၃) ရှေ့တွင် နှင်းဆီပန်း လူထုလှုပ်ရှားမှုအဖြစ် ပိုစတာများ ကပ်နှံခဲ့ခြင်းကြောင့် အာဏာပိုင်များက နေအိမ်သို့လာရောက် ဖမ်းဆီးခဲ့ပြီး၊ ယခုအခါ ရန်ကုန်တိုင်းရဲရုံးတွင် ဖမ်းဆီးနှိပ်စက် စစ်ဆေးနေကြောင်း ယင်းအဖွဲ့ဝင်လူငယ်တဦးက ပြောသည်။
အဆိုပါကိစ္စနှင့်စပ်လျဉ်း၍ ရန်ကုန်ရဲရုံးသို့ ဆက်သွယ်မေးမြန်းခဲ့သော်လည်း ဖုန်းကိုင် ဖြေကြားခြင်းမရှိပေ။

လူထုအတွက် စတေးခံအကောင်းဆုံးမြေသြဇာအဖွဲ့၊ မျိုးဆက်သစ်လူငယ်များအဖွဲ့၊ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်တို့ ပူးပေါင်းကာ ငြိမ်းချမ်းရေးနှင့် ချစ်ခြင်းမေတ္တာ သင်္ကေတအထိမ်းအမှတ် လှုပ်ရှားမှုအဖြစ် ဖေဖော်ဝါရီ (၁၄) ရက်တွင် လူထုလှုံ့ဆော်ရေးတရပ် ပြုလုပ်ခဲ့ကြသည်။

အဆိုပါ လှုပ်ရှားမှုအတွက် အဖမ်းခံလူငယ် (၃) ဦး ပိုစတာကပ်နှံသည်ကို စွမ်းအားရှင် ဆိုက္ကားသမားတဦး မြင်သွားကာ အာဏာပိုင်များထံ သတင်းပေးခဲ့ခြင်းကြောင့် အိမ်အထိ လာရောက် ဖမ်းဆီးသွားခြင်း ဖြစ်ကြောင်းသိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
မြန်မာလူနာများကို အရေးပေါ် လေယာဉ်ဖြင့် ဆေးရုံပို့နိုင်ရန် စီစဉ်

ချင်းမိုင် (မဇ္ဈိမ)။ ။ မြန်မာနိုင်ငံမှ လူနာများ အနေဖြင့် ထိုင်းနိုင်ငံ ဘန်ကောက်မြို့ရှိ ဖယားထိုင်း PAYATHAI အထူးကုဆေးရုံသို့ အရေးပေါ်လေယာဉ် စင်းလုံးငှားပြီး တက်ရောက် ကုသနိုင်ရန် စီစဉ်နေသည်။

လေယာဉ်သည် ပန်ကာ ၂ လုံးတပ်ဖြစ်ပြီး ဆရာဝန်တဦး၊ သူနာပြုတဦး၊ အကူသူနာပြုတဦး၊ လေယာဉ်မောင်း ၂ ဦး၊ လူနာအဖော် ၂ ဦး၊ လူနာ ၁ ဦး၊ စုစုပေါင်း ၈ ဦး လိုက်ပါနိုင်သည့် အရွယ် လေယာဉ် ၂ စင်း ထားရှိနိုင်ရေးအတွက် PAYATHAI ၏ မြန်မာပြည်ဆိုင်ရာ ကိုယ်စားလှယ် အဖွဲ့တဖွဲ့က စတင်စီစဉ်နေခြင်း ဖြစ်သည်။
ယခုအဖွဲ့သည် PAYATHAI ဆေးရုံသို့ မြန်မာလူနားများ တက်ရောက်နိုင်ရေးအတွက် ယခင်ကတည်းက ရိုးရိုးလေယာဉ်များဖြင့် အကျိုးဆောင်ပေးနေသည့် အဖွဲ့ဖြစ်သည်။

လေယာဉ်စင်းလုံးငှားမည့် အစီအစဉ်သည် လက်ရှိတွင် အာမခံကြေး ပေးဆောင်ထားသည့် မြန်မာနိုင်ငံမှ နိုင်ငံခြားသားများကို အဓိကထား၍ ဝန်ဆောင်မှုပေးရန် ရည်ရွယ်ထားသော်လည်း မြန်မာနိုင်ငံသား လူနာများလည်း လေယာဉ်ခ ထိုင်းဘတ်ငွေ ၆ သိန်း အပါအ၀င် ထိုက်သင့်သည့် ကုန်ကျစရိတ်များ ပေးသွင်းပါက အခြား လိုအပ်သည်များကို အသေးစိတ် ဆွေးနွေးပြီး စီစဉ်သွားမည် ဖြစ်သည်။

သို့သော် ယခု အစီအစဉ်သည် မည်သည့်ကာလတွင် အကောင်အထည် ပေါ်လာမည်နှင့် မည်ကဲ့သို့ လတ်တလော ဆောင်ရွက်နေသည်ကိုမူ အမည်မဖော်လိုသူ ဈေးကွက်မန်နေဂျာက အသေးစိတ် ပြောဆိုခြင်း မရှိခဲ့ပါ။

လိုအပ်ပါက မြန်မာနိုင်ငံကူး လက်မှတ်နှင့် ထိုင်းဗီဇာ ရရှိရေး တို့ကိုလည်း ဝန်ဆောင်ပေးမည် ဖြစ်ကြောင်းနှင့် ဆေးကုသမှု ကုန်ကျစရိတ်၊ ငွေကြေးလဲလှယ်မှု၊ အခြား ကုန်ကျစရိတ်များအတွက်မူ ကြိုတင် ညှိနှိုင်း ဆောင်ရွက်ပေးနေကြောင်း သူက ဆိုသည်။ ဘန်ကောက်မြို့တွင် PAYATHAI အထူးကုဆေးရုံ ၃ ရုံရှိသည်။
(မဇ္ဈိမသတင်းမှ ကောက်နှုတ်ချက် )
+++++
လေကြောင်းလိုင်းများတွင် စီးနင်းမည့် နိုင်ငံသား ခရီးသွားအရေအတွက် ဆက်တိုက် ကျဆင်းမှု ကြုံတွေ့နေရ

နိုင်ငံသား ခရီးသွားများ အပေါ် မှီခိုအားထားရသည့် နိုင်ငံတကာ လေကြောင်းလိုင်းများတွင် စီးနင်းမည့် နိုင်ငံသား ခရီးသွားအရေအတွက် ဆက်တိုက် ကျဆင်းလာမှုနှင့် ကြုံတွေ့နေရကြောင်း ခရီးသွား အေဂျင်စီများနှင့် လေယာဉ် လက်မှတ် အရောင်းကိုယ်စားလှယ်များထံမှ စုံစမ်းသိရှိရပါသည်။ နိုင်ငံတကာ ခရီးစဉ်များတွင် နိုင်ငံသား ခရီးသွားများအနေဖြင့် ဘန်ကောက်နှင့် ကာလကတ္တား ခရီးစဉ်ကို အလည်အပတ်ဖြင့် လည်းကောင်း၊ စင်ကာပူခရီးစဉ်ကို အလည်အပတ်၊ ပညာရေး၊ အလုပ်အကိုင်ကိစ္စများဖြင့် လည်းကောင်း၊ ကွာလာလမ်ပူ ခရီးစဉ်ကို အလုပ်အကိုင်ဖြင့် လည်းကောင်း အများဆုံး သွားရောက်ကြကြောင်း သိရသည်။
မြန်မာနိုင်ငံ အခြေပြု နိုင်ငံတကာ လေကြောင်းလိုင်းများမှာမူ နိုင်ငံသား အများစုကို အမှီပြုနေရသည့်အတွက် ၂၀၀၉ ခုနှစ်တွင် ခရီးသွား ပုံမှန်ရှိမည်ဟု ခန့်မှန်းခဲ့ကြသည်။ သို့သော် နိုင်ငံသားအများစု သွားရောက်ကြ သော နိုင်ငံများတွင် ကမ္ဘာ့စီးပွား ပျက်ကပ်ဂယက်ကြောင့် အလုပ် အကိုင်လျော့ချခြင်း၊ နိုင်ငံခြားသား များအတွက် အလုပ်အကိုင် အခွင့်အလမ်း လျော့နည်းသွားခြင်းများရှိ လာခဲ့ပြီး မြန်မာနိုင်ငံသားများ၏ ပြည်ပ ထွက်ခွာနှုန်းမှာလည်း လျော့ကျသွားခဲ့ကြောင်း သိရသည်။
( ၀ိကလီးအဲလဲဗင်းမှ ကောက်နှုတ်ချက် )
+++++
ဒေါပုံမီး သိန်း ၅၀၀ ဖိုးဆုံး


ယမန့်နေ့ နေ့လယ် (၁) နာရီခွဲခန့် က ရန်ကုန်တိုင်း ဒေါပုံမြို့နယ် နွယ်အေးရပ်ကွက်ရှိ ပေါ်ပြူလာ ပလပ်စတစ်စက်ရုံ မီးလောင်မှု ဖြစ်ပွားခဲ့သည်။

မီးလောင်မှု ဖြစ်ရခြင်းမှာ စက်ရုံတွင်ရှိသော မီးအားမြှင့်စက်သို့ မီးအားဆောင့်တက်ရာက စတင်လောင်ကျွမ်းခြင်း ဖြစ်ကြောင်း မီးသတ်ရဲဘော်တဦးက ပြောသည်။

မီးလောင်မှုကြောင့် သိန်း (၅၀၀) ထက်မနည်း ဆုံးရှုံးမှုရှိကြောင်း သိရသည်။

မီးလောင်မှုကြောင့် (၂၅) ပေ ပတ်လည် အလုပ်သမားတန်းလျား အဆောက်အအုံ (၂) လုံး၊ အာစီ (၂) ထပ် အဆောက်အအုံတလုံးနှင့် ယင်းအဆောက်အအုံအတွင်းရှိ ကုန်ပစ္စည်းများ ဆုံးရှုံးခဲ့ရကြောင်း မျက်မြင်သက်သေ များကပြောသည်။

အလုပ်သမား အရေအတွက်မှာ လက်ရှိတွင် နယ်အစုံမှ လာရောက်နေထိုင်သူပေါင်း (၅၀) ခန့် ရှိမည်ဟုထင်ကြောင်း စက်ရုံအနီးရှိ ကုန်စုံအရောင်းဆိုင်ကြီး တဆိုင်ကပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
နိုင်ငံရေး ပြောင်းလဲရန် အီးယူ ဥက္ကဋ္ဌက မြန်မာကို တိုက်တွန်း

နယူးဒေလီ (မဇ္ဈိမ)။ ။ ဥရောပသမဂ္ဂ လက်ရှိ ဥက္ကဋ္ဌက အတိုက်အခံ အဖွဲ့အစည်းများနှင့် တွေ့ဆုံဆွေးနွေးမှု ပြုလုပ်ရန် မြန်မာ စစ်အစိုးရကို တိုက်တွန်းလိုက်သည်။

ထို့အပြင် အတိုက်အခံခေါင်းဆောင် ဒေါ်အောင်ဆန်းစုကြည် အပါအဝင် နိုင်ငံရေး အကျဉ်းသားအားလုံး လွှတ်ပေးရန်နှင့် နိုင်ငံရေးပါတီများအား ကန့်သတ် ချုပ်ချယ်ထားမှုများ ဖယ်ရှားပေးရန်လည်း တနင်္လာနေ့က ကြေညာချက်တရပ် ထုတ်ပြန်ကာ ပြောဆိုလိုက်ခြင်း ဖြစ်သည်။ ၂ဝဝ၉ ခုနှစ် ဇန်နဝါရီလမှ ဇွန်လအထိ ချက်သမ္မတနိုင်ငံက ဥရောပသမဂ္ဂ အလှည့်ကျ ဥက္ကဋ္ဌအဖြစ် ဆောင်ရွက်နေပြီး၊ ၂ဝဝ၉ ခုနှစ် ဒုတိယနှစ်ဝက်တွင် ဆွီဒင်နိုင်ငံသို့ လွှဲပြောင်းပေးမည်။

ချက်သည် မြန်မာ့ ဒီမိုကရေစီရေးကို ထောက်ခံခဲ့သော နိုင်ငံဖြစ်ပြီး မကြာသေးမီကလည်း မြန်မာ ဒုက္ခသည်များကို နိုင်ငံတွင်း၌ လက်ခံခဲ့သည်။ ကုလအတွင်းရေးမှူးချုပ်၏ မြန်မာနိုင်ငံဆိုင်ရာ အထူးအကြံပေး မစ္စတာဂမ်ဘာရီ ထုတ်ဖော်ပြောကြားခဲ့သည့် ‘နိုင်ငံတကာ အသိုင်းအဝိုင်းက စိုးရိမ်ပူပန်လျက်ရှိသော ပြဿနာများကို တိတိကျကျ၊ ခိုင်ခိုင်မာမာ ကိုင်တွယ်ဖြေရှင်းရန်’ မိမိ၏ ကတိကဝတ်ကို မြန်မာနိုင်ငံက ပြသရမည့်အချိန် ရောက်ပြီဟူသော အမြင်ကိုလည်း အီးယူ ဥက္ကဋ္ဌက သဘောတူသည်။

အီးယူသည် ၁၉၉၆ ခုနှစ်မှ စတင်၍ မြန်မာနိုင်ငံအပေါ် ဘုံသဘောထားတရပ် ချမှတ် အရေးယူခဲ့ရာ စီးပွားရေး ပိတ်ဆို့မှုများ၊ လက်နက်တင်ပို့မှု တားမြစ် ကန့်သတ်မှုများ၊ မြန်မာ စစ်အရာရှိကြီးများနှင့် သူတို့၏ မိသားစုဝင်များအား ပြည်ဝင်ခွင့်ဗီဇာ ပိတ်ပင်ခြင်း စသည်တို့ ပါဝင်သည့် ပိတ်ဆို့ အရေးယူမှုများ ပြုလုပ်ထားခဲ့သည်။

ဤ ဘုံသဘောထား ရပ်တည်ချက်တွင် အီးယူ အဖွဲ့ဝင်နိုင်ငံများမှ အဆင့်မြင့် ခေါင်းဆောင်များ မြန်မာနိုင်ငံသို့ သွားရောက် လည်ပတ်ခြင်းကိုလည်း တားမြစ် ပိတ်ပင်ထားသည်။
(မဇ္ဈိမသတင်းမှ ကောက်နှုတ်ချက် )
+++++
တောင်ကြီးမြို့တွင် နှစ်စဉ် ကျင်းပမြဲဖြစ်သော ရိုးရာရှားမီး ပူဇော်ပွဲ ကျင်းပ

ရှမ်းပြည်နယ် တောင်ပိုင်း၊ တောင်ကြီးမြို့တွင် နှစ်စဉ် ကျင်းပမြဲဖြစ်သော ရိုးရာရှားမီး ပူဇော်ပွဲ အခမ်းအနားများကို ၁၃၇၀ ပြည့်နှစ်၊ တပို့တွဲ လပြည့် ညနေ ၄ နာရီမှ ည ၁၂ နာရီအထိ ဆုတောင်းပြည့် အောင်တော်မူ စေတီတော်၊ ရပ်တော်မူဘုရား၊ စူဠာမုနိလောက ချမ်းသာစေတီတော်၊ ရွှေဘုန်းပွင့် စေတီတော်နှင့် အခြားသော ဘုရား၊ စေတီများတွင် တစ်ပြိုင်တည်း ကျင်းပခဲ့ကြောင်း ဒေသခံ တိုင်းရင်းသားများထံမှ သိရှိရသည်။
( ၀ိကလီးအဲလဲဗင်းမှ ကောက်နှုတ်ချက် )
+++++
၂ဝဝ၉ ရန်ကုန်မှာ ရေရရှိမှု အဆိုးဆုံး အခြေအနေရောက်

လက်ရှိ ၂ဝဝ၉ ခုနှစ်သည် ရန်ကုန်နေသူတွေအတွက် ရေရရှိမှု အဆိုးဆုံးနှစ် ဖြစ်ကြောင်း မြို့ခံများက ပြောပြသည်။ ဗိုလ်တစ်ထောင်မြို့နယ်မှ အမည်မဖော်လိုသူ စည်ပင် ဝန်ထမ်းတစ်ဦးကတော့ ရန်ကုန်ကို ရေပေးဝေမှုသည် မိုးတွင်းမှာပဲ လုံလောက်ပြီး ဆောင်းရာသီ ရောက်သည်နှင့် လုံလောက်အောင် မပေးဝေနိုင်တော့ကြောင်း၊ ဒါ့အပြင် ရေပေးဝေမှု မလောက်ငှသည့် ကြားထဲ ၂ဝဝ၇ ခု နှစ်ဆန်းပိုင်းမှာ သာကေတမြို့နယ်ကို ရေပိုက်သွယ်ပြီး ရေပေးခဲ့ကြောင်း၊ အဲဒီအချိန်က ရေပိုက်ဖိုးနဲ့ ရေမီတာခ တစ်အိမ် ကျပ် (၈၃,ဝဝဝ) ကောက်ခံခဲ့ပြီး ပြည်သူတွေကတော့ ငွေကြေးပိုမို ကုန်ကျခဲ့ကြောင်း၊ သာကေတကို ရေပေးခြင်းသည် ဝင်ငွေရလိုတာ တစ်ခုတည်းမကပဲ ကြံ့ဖွံ့အဖွဲ့ စည်းရုံးရေးသဘော လုပ်ခဲ့ခြင်းလည်း ဖြစ်ကြောင်း၊ ထို့ကြောင့် ယခုနှစ် ရန်ကုန်မြို့တွင်း ရေပြတ်လတ်မှု ပိုမိုဖြစ်ပေါ်လာပြီး မိန်းပိုက်ကို ဖောက် ရေသွယ်ယူသူတွေ ပိုမိုများပြားလာခြင်း ဖြစ်ကြောင်း ရှင်းပြသည်။

ယခုလို ပြည်သူတွေ ရေရရှိမှု ခက်ခဲနေသည့်အကြောင်း ဂျာနယ်တွေမှာ ရေးသားဖော်ပြဖို့ ကြိုးစားတိုင်း စာပေစိစစ်ရေးက ပိတ်ပင်လျက်ရှိကြောင်း၊ ပြည်တွင်း ပုဂ္ဂလိက ဂျာနယ်များမှ သတင်းအယ်ဒီတာများ ကလည်း ပြောပြကြသည်။
( ခေတ်ပြိုင်သတင်းမှ ကောက်နှုတ်ချက် )
+++++
ရေထွက်ပစ္စည်းတင်ပို့မှု လျော့နည်းလာမှု အခြေအနေတွင်ရှိနေ


ကမ္ဘာ့စီးပွားရေး ဂယက်ရိုက်ခတ်မှု ကာလအတွင်း ထိုင်းနိုင်ငံ၏ ၀ယ်လိုအား လျော့နည်းလာခြင်း အပေါ်မူတည်ကာ ပုံမှန် တင်ပို့လျက်ရှိနေသည့် မြ၀တီ ကုန်သွယ်လမ်းကြောင်းမှ ရေထွက် ပစ္စည်းမျိုးစုံတင်ပို့မှု အခြေအနေမှာ ၂၀၀၉ ခုနှစ် ဇန်န၀ါရီလမှ စတင်၍ လျော့နည်းမှု အခြေအနေတွင် ရှိနေကြောင်း သိရှိရသည်။

မြ၀တီ ကုန်သွယ်လမ်းကြောင်းသည် ရေထွက် ပစ္စည်းမျိုးစုံ တင်ပို့နေသည့် အဓိက ကုန်သွယ်လမ်းကြောင်း ဖြစ်ပြီး ပြည်တွင်း ကုမ္ပဏီ ၂၆ ခုမှ ရေထွက် ပစ္စည်းမျိုးစုံ ၅၄ မျိုးကို ပုံမှန် တင်ပို့လျက်ရှိနေရာ တစ်လလျှင် ပျမ်းမျ ၁၀၂၀ တန် အမေရိကန် ဒေါ်လာ ၂ ဒသမ ၀၄ သန်း ပုံမှန် ရရှိမှု ရှိနေကြောင်း ပြည်နယ် ငါးလုပ်ငန်းဦးစီးဌာနမှ တာဝန်ရှိသူတစ်ဦးက ဆိုပါသည်။
( ၀ိကလီးအဲလဲဗင်းမှ ကောက်နှုတ်ချက် )
+++++
ရှမ်းပြည်လုံးဆိုင်ရာ ၄၃ ကြိမ်မြောက် သတိပဋ္ဌာန် ညီလာခံကြီး ကျင်းပ

ရွှေလီ (မဇ္ဈိမ) ။ ။ ၄၃ ကြိမ်မြောက် သတိပဋ္ဌာန် ညီလာခံကြီးကို ရှမ်းပြည် အနယ်နယ် အရပ်ရပ်မှ သံဃာတော်အပါး ၃၀၀ ကျော် အမှူးပြုမှုဖြင့် ရှမ်းပြည် (မြောက်ပိုင်း) မူဆယ်မြို့ ဇယ်လန့် ကျေးရွာတွင် ယခုအခါ ကျင်းပနေသည်။

ဓမ္မညီလာခံကြီးကို ယခုလ ၂၂ ရက်မှ ၂၆ ရက်အထိ ကျင်းပလျက်ရှိရာ ဖိတ်ကြားထားသည့် ကမ္မဋ္ဌာန်းတိုက်များမှ ကိုယ်စားလှယ် ၇၀၀၀ ကျော်လည်း ပါဝင် တက်ရောက်ကြသည်။

ယနေ့တရက်ထဲ၌ပင် ဒေသခံ ဗုဒ္ဓဘာသာဝင် ဓမ္မမိတ်ဆွေ ပရိသတ် တသောင်းခွဲခန့်က အလှူအတန်းပြု ကုသိုလ်ယူခဲ့ကြောင်း အလှူခံ ဒါယကာတဦးက မဇ္ဈိမကို ပြောသည်။ ကျင်းပရာတွင် အစီအစဉ် ၆ ခု ပါဝင်ပြီး သတိပဋ္ဌာန် ကမ္မဋ္ဌာန်း တရားတော်ပါ စည်းမျဉ်းစည်းကမ်းများ၊ ၀ိနည်းတော်များကို ညီလာခံဥက္ကဋ္ဌ ဆရာတော်က ဟောပြော မိန့်ဆိုသွားမှာဖြစ်ပြီး၊ တက်ရောက်လာသည့် ပဋိပတ္တိမှ သာသနာနုဂ္ဂဟ အဖွဲ့ဝင်များကလည်း ပါဝင် ဆွေးနွေးကြမည် ဖြစ်သည်။

ရှမ်းပြည်ရှိ ကမ္မဋ္ဌာန်းတိုက်ရှိရာ နေရာများတွင် နှစ်စဉ် စည်ကားစွာ အလှည့်ကျ ကျင်းပလာခဲ့ရာ ပြီးခဲ့သည့်နှစ်က ရှမ်းပြည် (အရှေ့ပိုင်း) မိုင်းဆတ်မြို့တွင် ကျင်းပခဲ့ခြင်း ဖြစ်သည်။
(မဇ္ဈိမသတင်းမှ ကောက်နှုတ်ချက် )
+++++
ဝန်ကြီး ဦးအောင်သောင်း Safety First ဆောင်ပုဒ်ပြင်ခိုင်း


စက်မှု (၁) တည်ဆောက်ရေး လုပ်ငန်းခွင်များတွင် ရေးထားသည့် Safety First (အန္တရာယ်ကင်းရေး ဦးစားပေး) ဆိုသည့် ဆောင်ပုဒ်များအစား “အန္တရာယ်ကို သတိပြုပါ” ဆိုသည့် ဆောင်ပုဒ်ဖြင့် အစားထိုးရန် ၀န်ကြီး ဦးအောင်သောင်းက အရေးတကြီး ညွှန်ကြားခဲ့သဖြင့် နေပြည်တော် စက်မှု (၁) ၀န်ကြီးဌာန တခုလုံး ဟာသ ညွှန်ကြားချက်အဖြစ် ပြောစမှတ် ဖြစ်သွားသည်။

စက်မှု (၁) တည်ဆောက်ရေး လုပ်ငန်းခွင်များ၊ စက်ရုံ စက်တပ်ဆင်မှု စီမံကိန်းများ နှောင့်နှေး ကြန့်ကြာပြီး အချိန်မီ မပြီးသည့် အကြောင်းရင်းမှာ Safety First (အန္တရာယ်ကင်းရေး ဦးစားပေး) ဆိုသည့် ဆောင်ပုဒ်ကြောင့်ဟု ၀န်ကြီးဦးအောင်သောင်းက ယူဆသည်ဟု ဦးအောင်သောင်း၏ လက်ထောက်တဦးက ပြောသည်။ ထို့ကြောင့် စက်မှု (၁) တည်ဆောက်ရေး လုပ်ငန်းခွင်များတွင် ရေးထားသည့် Safety First (အန္တရာယ်ကင်းရေး ဦးစားပေး) ဆိုသည့် ဆောင်ပုဒ်များအား ၀န်ကြီး ဦးအောင်သောင်းက အမြန်ဖြုတ်ချခိုင်းပြီး “အန္တရာယ်ကို သတိပြုပါ” ဆိုသည့် ဆောင်ပုဒ်ဖြင် အစားထိုးပေးကြရသည်ဟု စုံစမ်းသိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
ဖေဖေါ်ဝါရီလ ၂၆ ရက်
ရက်သတ္တပတ် ၉ ၊ ၂၀၀၉၊
မြန်မာ သတင်း

စစ်ခေါင်းဆောင်တွေကို ဘန်ကီမွန်းက အကျပ်ကိုင်ခိုင်းလို့မရဟု ဂမ်ဘာရီပြော


မြန်မာ့အရေး ဆောင်ရွက်ရာမှာ ကုလသမဂ္ဂ အထွေထွေအတွင်းရေးမှူး ဘန်ကီမွန်းက မြန်မာစစ်ခေါင်းများအား လုပ်သင့်သည်များကို အတင်းအကျပ်ခိုင်း၍မရဘဲ တိုက်တွန်းသည့်နည်း၊ ဆွဲဆောင်သည့်နည်းမျိုးဖြင့်သာ လုပ်ကိုင်နိုင်ကြောင်း မစ္စတာ ဂမ်ဘာရီက ထုတ်ဖော်ပြောဆိုသည်။

မြန်မာ့အရေး ကူညီဆောင်ရွက်ပေးရသည့် ကိစ္စသည် အပတ်တကုတ် အားထုတ်ရသည့် အလုပ်ဖြစ်ကြောင်း အချို့အသိုင်းအ၀ိုင်းများက နားလည်ပုံမရ ဖြစ်နေသည်ဟု ကုလသမဂ္ဂ သတင်းဌာနနှင့် တွေ့ဆုံရာတွင် ဂမ်ဘာရီက ပြောဆိုခဲ့သည်။

မြန်မာနိုင်ငံသို့ (၇) ကြိမ်တိုင် သွားရောက်ခဲ့သော်လည်း တကြိမ်သွားတိုင်း မျှော်လင့်ချက်တွေ များနေကြောင်း သတိထားမ်ိသည်ဟုပါ ဂမ်ဘာရီက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
အာဆီယံသည် စစ်အစိုးရကို အရေးယူရန် ပျက်ကွက်ဟု လူ့အခွင့်အရေးအဖွဲ့ပြော

ချင်းမိုင် (မဇ္ဈိမ)။ ။ မြန်မာစစ်အစိုးရသည် ကလေးစစ်သားများ အသုံးပြုနေဆဲဖြစ်ပြီး ကလေးသူငယ်များ အခွင့်အရေးကို လိုက်နာ စောင့်ထိန်းရန် ပျက်ကွက်နေသော်လည်း အာဆီယံ အဖွဲ့ဝင်နိုင်ငံများ အနေဖြင့် ဝိုင်းဝန်း အရေးယူ ဆောင်ရွက်ခြင်း မရှိကြောင်း ထိုင်းနိုင်ငံအခြေစိုက် လူ့အခွင့်အရေးအဖွဲ့ တဖွဲ့က ယနေ့ ပြောဆိုလိုက်သည်။

ထိုင်းနိုင်ငံ ဘန်ကောက်မြို့၌ မြန်မာ့အရေး ဆောင်ရွက်နေသည့် အာဆီယံ လွှတ်တော်အမတ်များအဖွဲ့ AIPMC မှ စီစဉ်သော အစည်းအဝေး ယနေ့ ကျင်းပပြီးနောက် လူ့အခွင့်အရေး ပညာပေးဌာန (မြန်မာနိုင်ငံ) HREIB မှ ဒါရိုက်တာ ဦးအောင်မျိုးမင်းက ယခုလို ပြောဆိုခြင်း ဖြစ်သည်။

ကလေးစစ်သားအသုံးပြုခြင်း၊ ကလေးများကို သတ်ဖြတ်ခြင်း၊ အရွယ်မရောက်သေးသည့် ကလေးများကို လိင်ပိုင်းဆိုင်ရာ စော်ကားခြင်း၊ ကလေးများ၏ စာသင်ကျောင်းများနှင့် ဆေးရုံများကို ပစ်မှတ်ထားတိုက်ခိုက်ခြင်း၊ ကလေးများကို ပြန်ပေးဆွဲခြင်း သာမက လူသားချင်း စာနာမှုအကူအညီများကို ခွင့်မပြုခြင်း စသည့် အချက် ၆ ချက်ကို အဖွဲ့ဝင်နိုင်ငံတိုင်း မဖြစ်မနေ ရှောင်ကြဉ်ရမည်ဟု ကုလသမဂ္ဂ လုံခြုံရေးကောင်စီ ဆုံးဖြတ်ချက်အမှတ် ၁၆၁၂ တွင် ပြဌာန်းထားသည်။
(မဇ္ဈိမသတင်းမှ ကောက်နှုတ်ချက် )
+++++
စီးပွားရေးဒဏ်ခတ်မှု ဥပဒေ ရုတ်သိမ်းအောင် အန်အယ်လ်ဒီ လုပ်ရန်မလို

မြန်မာနိုင်ငံအပေါ် စီးပွားရေးပိတ်ဆို့ အရေးယူထားမှုများသည် အန်အယ်လ်ဒီပါတီက ပြုလုပ်ထားခြင်း မဟုတ်သည့်အတွက် ပါတီဘက်မှ ရုတ်သိမ်းပေးရမည့် ကိစ္စရပ်များမဟုတ်ကြောင်း ပါတီပြောခွင့်ရ ပုဂ္ဂိုလ်က ခေတ်ပြိုင်သို့ ပြောသည်။

လွန်ခဲ့သော ရက်ပိုင်းများအတွင်း အန်အယ်လ်ဒီပါတီမှ ထုတ်ပြန်ခဲ့သော ကြေငြာချက်အမှတ် (၂/၀၂/၀၉) ၌ စီးပွားရေး ကိစ္စရပ်များနှင့် စပ်လျဉ်းသော ဖော်ပြချက်ပါ စာသားကြောင့် အဓိပ္ပါယ် ရောထွေးမှုများ ဖြစ်ပေါ်လာရသဖြင့် ခေတ်ပြိုင်က ဆက်သွယ်မေးမြန်းရာ ပါတီပြောခွင့်ရပုဂ္ဂိုလ် ဦးဥာဏ်ဝင်းက ယင်းကဲ့သို့ ပြောဆိုခဲ့ ခြင်းဖြစ်သည်။ ၁၉၉၆ ခု ဇူလိုင်လတွင် အီးယူ ပါလီမန် အမတ်များအား ပြသရန်အတွက် မြန်မာနိုင်ငံမှ ခိုးထုတ်လာသည့် ဒေါ်အောင်ဆန်းစုကြည်၏ ဗီဒီယိုတိတ်ခွေထဲမှာ မြန်မာနိုင်ငံအပေါ် နိုင်ငံတကာက ဒဏ်ခတ် ပိတ်ဆို့ဖို့ တောင်းဆိုသည့်အကြောင်း ၁၉၉၆ ခု ဇူလိုင် (၁၈) ရက်နေ့စွဲပါ ဘရပ်ဆဲမှ လာသည့် ရိုက်တာ သတင်းမှာ ဖော်ပြ ထားသည်။ မြန်မာနိုင်ငံကို စီးပွားရေး ဒဏ်ခတ်သည့်အတွက် အခွင့်ထူးခံ လူတန်းစားကိုသာ ထိခိုက်မှာဖြစ်ပြီး လူထုကို မထိခိုက်နိုင်ကြောင်း အဆိုပါ ဗီဒီယိုတိတ်ခွေထဲမှာ ဒေါ်အောင်ဆန်းစုကြည်က ပြောထားသည်။

၁၉၉၇ ခု ဖေဖော်ဝါရီလမှာလည်း မြန်မာစစ်အစိုးရအပေါ် ဒဏ်ခတ်ပိတ်ဆို့ဖို့အတွက် ရန်ကုန်အခြေစိုက် နိုင်ငံခြားသတင်းထောက်များနှင့် တွေ့ဆုံရာတွင် ဒေါ်အောင်ဆန်းစုကြည်ကိုယ်တိုင် မေတ္တာရပ်ခံခဲ့သည့် အကြောင်း ၁၉၉၇ ခု ဖေဖော်ဝါရီ (၃) ရက်နေ့စွဲပါ ရန်ကုန်မှာလာသည့် အေပီ သတင်း၌ ဖော်ပြထား သည်။ အဆိုပါ သတင်းများကို ပြည်ပ မြန်မာဘာသာ ရေဒီယိုများမှလည်း ထုတ်လွှင့်ခဲ့သည်။
( ခေတ်ပြိုင်သတင်းမှ ကောက်နှုတ်ချက် )
+++++
မြန်မာလုပ်သား ရာပေါင်းများစွာ ထိုင်းတွင် ဖမ်းဆီးခံရ


ချင်းမိုင် (မဇ္ဈိမ)။ ။ ထိုင်းနိုင်ငံ မဲဆောက်မြို့မှ မြန်မာလုပ်သား ရာပေါင်းများစွာသည် ပြီးခဲ့သည့် ၃ ရက်အတွင်း ထိုင်းအာဏာပိုင်များ၏ ဖမ်းဆီးပြန်ပို့မှုများ ခံရကာ ဆက်လက်၍လည်း အဖမ်းအဆီးများက ရှိနေသည်။

နိုင်ငံမြောက်ပိုင်း မြန်မာနိုင်ငံနှင့် နယ်စပ်ချင်း ထိစပ်နေသည့် အဆိုပါ မြို့လေးတွင် ထိုင်းရဲ၊ တောမော ခေါ် လူဝင်မှု ကြီးကြပ်ရေး ရဲများနှင့် အရပ်ဝတ် ထောက်လှမ်းရေးများက မြန်မာလုပ်သားများ နေထိုင်ရာ တန်းလျားများတွင် ၀င်ရောက်ဖမ်းဆီးကာ ပြန်ပို့နေခြင်း ဖြစ်သည်။
ပြီးခဲ့သည့်လက မြန်မာနိုင်ငံမှ ထိုင်းနိုင်ငံသို့ ဝင်လာသည့် လှေစီးဒုက္ခသည် ရိုဟင်ဂျာများ ကိစ္စနှင့် ထိုင်းတက္ကသိုလ် ကျောင်းသူတဦးကို မြန်မာလုပ်သား နှစ်ဦးက ယခုလ ၇ ရက်နေ့က အဓမ္မပြုကျင့် သတ်ဖြတ်သည်ဟူသော သတင်းများ ပေါ်ထွက်ပြီးနောက် ယခုလို အစုလိုက်အပြုံလိုက် ဖမ်းဆီးမှုများ ပေါ်ပေါက်လာခြင်းဖြစ်သည်။
(မဇ္ဈိမသတင်းမှ ကောက်နှုတ်ချက် )
+++++
နာရေးအသင်း နိဗ္ဗာန်ယာဉ်များ သုဿန်သို့ ပြောင်းရမည်


ချင်းမိုင် (မဇ္ဈိမ) ။ ။ နိုင်ငံကျော် ရုပ်ရှင်မင်းသား ဦးကျော်သူ ဦးစီးလုပ်ကိုင်သည့် ရန်ကုန်မြို့ နာရေးကူညီမှု အသင်း၏ နိဗ္ဗာန်ယာဉ်များကို ရေဝေးသုဿန်သို့ ပြောင်းရွှေ့ရမည်ဟု အာဏာပိုင်များက ညွှန်ကြားလိုက်သည်။

အသင်း အခြေစိုက်ရာ သင်္ဃန်းကျွန်းမြို့နယ်မှ ဘုန်းကြီးကျောင်း တကျောင်းတွင် ထားရှိသည့် နိဗ္ဗာန်ယာဉ်များကို မြောက်ဥက္ကလာပမြို့နယ်မှ ရေဝေးသုဿန် နယ်နိမိတ်အတွင်း ယခုလ ၂၈ ရက်နေ့ နောက်ဆုံးထားကာ ပြောင်းရွှေ့ရမည်ဟု ကျောက်တံတားမြို့နယ် စည်ပင်သာယာရေးရုံးက ညွှန်ကြားခဲ့ခြင်းဖြစ်သည်။
အသင်းတွင် နိဗ္ဗာန်ယာဉ် ၁၆ စီး ရှိသည့်အနက် ယခု ဘုန်းကြီးကျောင်းနှင့် ရေဝေးသုဿန်ရှိ ရုံးခွဲနေရာတွင် နေရာခွဲကာ ချထားသည်။

ရွှေ့ပြောင်းရေးအတွက် ယခုလ ၆ ရက်နေ့တွင် ကျောက်တံတား စည်ပင်ရုံးသို့ ဆင့်ခေါ်ကာ မည်သည့် ဘာသာဝင်မဆို သက်ဆိုင်ရာ ဘာသာရေးအဆောက်အဦနှင့် စည်ပင်သာယာ နယ်နိမိတ်အတွင်း နိဗ္ဗာန်ယာဉ်များ မထားရန် ပြောဆိုခဲ့သည်။
(မဇ္ဈိမသတင်းမှ ကောက်နှုတ်ချက် )
+++++
လုပ်အားခ ထက်ဝက်ဖြင့် လုပ်အားပေး


ဒါကာ (မဇ္ဈိမ)။ ။ နွေစပါးစိုက်ရန်အတွက် ပေါက်ဈေး လုပ်အားခ ထက်ဝက်ခန့်ဖြင့် ရခိုင်ပြည်နယ် ကျောက်တော်မြို့နယ် အတွင်းရှိ ကျေးရွာတချို့မှ ရွာသားများကို နယ်မြေခံ စစ်တပ်က အဓမ္မ ခိုင်းစေနေသည်။

ပြင်ပလုပ်ငန်းများတွင် လူတဦးလျှင် တရက်လုပ်ခ ကျပ် တထောင်မှ ၁၂ဝဝ အတွင်း ရရှိနေချိန် ပြိုင်းချောင်း ရေလှောင်တမံ အနီးရှိ လယ်မြေများအား တပ်ရန်ပုံငွေအဖြစ် စပါးစိုက်ပျိုးရာ ဒေသခံ ရွာသားများအား တဦးလျှင် ကျပ် ၅ဝဝ နှုန်းဖြင့် အဓမ္မခေါ်ယူ ခိုင်းစေနေကြောင်း မျက်မြင်သက်သေများက ပြောဆိုခြင်းဖြစ်သည်။
အနောက်ပိုင်းတိုင်း စစ်ဌာနချုပ် - နပခ တိုင်းမှူး၏ ခိုင်းစေချက်အရ နွေစပါး စိုက်ပျိုးခိုင်းနေသော တပ်ရင်းများမှာ စစ်တွေမြို့ အခြေစိုက် အမှတ် ၈၂၈ ထောက်ပံ့ရေးနှင့် ပို့ဆောင်ရေး တပ်ဆွယ်၊ ခမရ ၂၇ဝ၊ ခလရ ၂ဝ၊ ပလက်ဝမြို့ အခြေစိုက် ခလရ ၂၈၉ နှင့် နပခ လက်အောက်တပ်များဖြစ်သည့် ခမရ ၂၃၂၊ ခမရ ၃၄၄၊ ခမ၇ ၃၅၄ တို့မှ တပ်သားများ စေလွှတ်ကြရခြင်းဖြစ်ကြောင်း သူက ဆက်ပြောသည်။

ကျောက်တော်မှ ကိုသိန်းမြိုင် အဆိုအရ တရက်လျှင် လူဦးရေ ၂ဝဝ ကျော်အား ခေါ်ယူ ခိုင်းစေနေခြင်းဖြစ်ပြီး၊ ကျောက်တော်မြို့နယ် ပြိုင်းချောင်း ကျေးရွာအုပ်စုအတွင်းမှ ပြိုင်းချောင်း၊ ပေထု၊ ယင်းမပင်၊ ပြိုင်တောင် အပါအဝင် ကျေးရွာ ၁ဝ မှ ဒေသခံ ပြည်သူအားများကို ခိုင်းစေနေခြင်း ဖြစ်ကြောင်း သိရသည်။

စစ်တပ်ရန်ပုံငွေအတွက် စပါးစိုက်ပျိုးပေးရသော လယ်ယာမြေများမှာ ကျောက်တော်မြို့ မြောက်ဘက် ၁၆ မိုင်ခန့်တွင် တည်ရှိသည်။

အဆိုပါ မြေယာဧက တထောင်ခန့်မှာ ဒေသတွင်းရှိ ကျေးရွာသားများ ဘိုးစဉ်ဘောင်ဆက် ထွန်ယက်စိုက်ပျိုးခဲ့သော မြေများဖြစ်ကာ၊ ၂ဝဝ၅ ခုနှစ်ဝန်းကျင်က ပြိုင်ချောင်းရေလှောင်တမံ ဆောက်လုပ်စဉ် နပခ မှ အဓမ္မသိမ်းယူပြီး လက်အောက်ခံ တပ်ရင်းများအား လုပ်စားပိုင်ခွင့် ပေးခဲ့ခြင်းဖြစ်ကြောင်း ကိုသိန်းမြိုင်က ပြောသည်။
(မဇ္ဈိမသတင်းမှ ကောက်နှုတ်ချက် )
+++++
ဖေဖေါ်ဝါရီလ ၂၇ ရက်
ရက်သတ္တပတ် ၉ ၊ ၂၀၀၉၊
မြန်မာ သတင်း


မြန်မာနိုင်ငံအပေါ် နိုင်ငံတကာ ဒဏ်ခတ်မှု
စစ်အစိုးရကို တရုတ် ကူညီနေသည့်အတွက် အဓိက မအောင်မြင်



မြန်မာနိုင်ငံအပေါ် နိုင်ငံတကာ စီးပွားရေး ဒဏ်ခတ်မှု မအောင်မြင်ရခြင်း အချက် (၅) ချက် ရှိကြောင်း သမ္မတ ဘွတ်ရှ် လက်ထက် အမေရိကန် ကွန်ဂရက်သို့ တင်သွင်းသည့် မြန်မာ-အမေရိကန် ဆက်ဆံရေး အစီရင်ခံစာ တစောင်တွင် ဖော်ပြသုံးသပ်ထားသည်။

ခေတ်ပြိုင်မှ ဖတ်ရှုခွင့်ရသည့် အဆိုပါ အစီရင်ခံစာကို အမေရိကန် ကွန်ဂရက်ဆိုင်ရာ သုတေသနဌာန စာတမ်းတခုအသွင်ဖြင့် ၂၀၀၈ ခု ဇွန်လတွင် ကွန်ဂရက်သို့ တင်သွင်းခဲ့ခြင်း ဖြစ်သည်။ အဆိုပါ အစီရင်ခံစာပါ အချက်များကြောင့် အိုဘားမား အစိုးရက မြန်မာနိုင်ငံအပေါ် အမေရိကန် စီးပွားရေး ဒဏ်ခတ်မှု ပေါ်လစီကို ပြန်သုံးသပ်ဖို့ ဆုံးဖြတ်ခြင်း ဟုတ်မဟုတ်ကိုမူ ရှင်းရှင်းလင်းလင်း မသိရပေ။

ပထမအချက်အနေနှင့် မြန်မာနိုင်ငံအပေါ် နိုင်ငံတကာ ဒဏ်ခတ်မှု အတိုင်းအတာ မတူသည့်အပေါ် မြန်မာစစ်အစိုးရ အမြတ်ထုတ်သွားနိုင်ခဲ့သည်ဟု ထောက်ပြထားသည်။ မြန်မာစစ်အစိုးရသည် မြန်မာထွက်ကုန်များကို အာရှနိုင်ငံများသာမက အခြားနိုင်ငံများသို့ပါ တင်ပို့ ရောင်းချနေနိုင်ခြင်းသည်လည်း မြန်မာနိုင်ငံအပေါ် နိုင်ငံတကာ စီးပွားရေး ဒဏ်ခတ်မှု မအောင်မြင်ရခြင်း ဒုတိယအချက်ဟု အစီရင်ခံစာမှာ ရေးထားသည်။ တတိယ အချက်အနေနှင့် ဒဏ်ခတ်မှုနှင့် သံတမန်ရေး ဖိအားကို လျော့ပါးစေသည့် အာဆီယံ နိုင်ငံများ၏ အပြုသဘောဆောင်သည့် ဆက်ဆံရေးသည်လည်း မြန်မာစစ်အစိုးရအပေါ် နိုင်ငံတကာ ဒဏ်ခတ်ပိတ်ဆို့မှု မအောင်မြင်ရခြင်း ဖြစ်သည်ဟု အကျယ်တ၀င့် ရှင်းထားသည်။ စတုတ္တ အချက်လည်းဖြစ် ဒဏ်ခတ်မှု မအောင်မြင်ခြင်း၏ အဓိက အချက်လည်း ဖြစ်သည့် အချက်မှာ မြန်မာနိုင်ငံအပေါ် တရုတ်က စီးပွားရေးနှင့် စစ်ရေး ကူညီနေခြင်းဖြစ်သည်ဟု ကောက်ချက် ဆွဲထားပြီး အထောက်အထားများနှင့်တကွ အကျယ်တ၀င့် ရှင်းပြထားသည်။
ပဉ္စမအချက်ဟု ပြောနိုင်စရာရှိသည့်အချက်မှာ စီးပွားရေးလုပ်ငန်းများ ချုပ်ကိုင်ထားသည့် ထိပ်ပိုင်း စစ်ဘက်အရာရှိများနှင့် ၄င်းတို့ မိသားစုများအတွက် ၀င်ငွေရအောင် စစ်အစိုးရက လုပ်ပေးနေနိုင်သည့်အချက်ဟု ထောက်ပြထားသည်။
( ခေတ်ပြိုင်သတင်းမှ ကောက်နှုတ်ချက် )
+++++
ကျိုက်ထိုမှာ မီးလောင်

ရန်ကုန် (မဇ္ဈိမ)။ ။ မွန်ပြည်နယ် ကျိုက်ထိုမြို့ရှိ ဈေးဆိုင်ခန်း ၃ ခန်း ယမန်နေ့က မီးလောင်ကျွမ်းခဲ့သည်။

ကျိုက်ထိုမြို့ တောင်သူရပ်ကွက် ဗိုလ်ချုပ်လမ်းဘေးရှိ ဦးမျိုးနိုင် (၄၇ နှစ်အရွယ်) ပိုင်ဆိုင်သော ကုန်မျိုးစုံနှင့် စက်သုံးဆီအမျိုးမျိုး အရောင်းဆိုင်မှ စတင်၍ ညနေ ၆ နာရီခန့်တွင် မီးလောင်ရာ အနီးရှိ ပန်းရိုးမ စားသောက်ဆိုင်နှင့် လေထိုးကျွတ်ဖာဆိုင်သို့ပါ ကူးစက်လောင်ကျွမ်းခဲ့သည်။ အခင်းဖြစ်ရာသို့ ကျိုက်ထို၊ ဘီးလင်း၊ ဝေါ၊ သထုံ၊ စစ်တောင်း စက္ကူစက်နှင့် ကျိုက္ကော်မြို့မှ မီးသတ်ကား ၆ စီးနှင့် ကျိုက်ထိုမြို့ ကင်ပွန်းစခန်းရှိ တပ်မ ၄၄ မှ ရေသယ်ယာဉ် ၃ စီးဖြင့် ၀ိုင်းဝန်းငြှိမ်းသတ်ခဲ့သည်။

လောင်စာ အားကောင်းမှုကြောင့် ည ၉ နာရီခန့်မှသာ လုံးဝ ငြှိမ်းသတ်နိုင်ခဲ့ကြသည်။

ဆိုင်ခန်း ၃ ခန်းမှာ သွပ်မိုး၊ အုတ်အင်္ဂတေ အဆောက်အဦများဖြစ်ပြီး၊ ဆုံးရှုံးမှုတန်ဖိုး ကျပ်သိန်းပေါင်း ၁၅၀ ခန့် ရှိမည်ဟု တောင်သူစုရပ်ကွက်မှ ရပ်ကွက်လူကြီးတဦးက ခန့်မှန်းပြောဆိုသည်။

မီးတောက်မီးလျှံများ ကြီးမားစွာ ထွက်လာသဖြင့် အနီးပတ်ဝန်းကျင်မှ လူများ ကြောက်လန့်တကြား ထွက်ပြေးစဉ် တွေ့ရာဆိုင်များအတွင်း ၀င်ရောက်လုယက်မှုများလည်း ဖြစ်ခဲ့ကြောင်း မျက်မြင်တွေ့ရှိသူများက ဆိုသည်။ အဆိုပါ ဖြစ်ရပ်များကြောင့် ရန်ကုန်-မော်လမြိုင် ကားလမ်းလည်း ခေတ္တမျှ ပိတ်ဆို့သွားခဲ့သည်။
( မဇ္ဈိမသတင်းမှ ကောက်နှုတ်ချက် )
+++++
ဗိုလ်ချုပ်ကြီးသိန်းစိန် အာဆီယံ အစည်းအဝေးတက်မည် မြန်မာ ရိုဟင်ဂျာပြဿနာ ရှောင်နေဟု စွပ်စွဲခံရ


ထိုင်းနိုင်ငံ ဟွာဟင်းတွင် ကျင်းပနေသည့် (၁၄) ကြိမ်မြောက် အာဆီယံ ထိပ်သီးဆွေးနွေးပွဲ တက်ရောက်ရန်အတွက် နအဖ ၀န်ကြီးချုပ် ဗိုလ်ချုပ်ကြီး သိန်းစိန် ယနေ့ နေပြည်တော်မှ ထွက်ခွာလာခဲ့သော်လည်း ရိုဟင်ဂျာ ပြဿနာကို မြန်မာစစ်အစိုးရ ဖြေရှင်းရမည်ဟု မလေးရှားက တောင်းဆိုထားမှုနှင့် ရင်ဆိုင်ရမည်ဖြစ်သည်။

နအဖ ၀န်ကြီးချုပ် ဗိုလ်ချုပ်ကြီး သိန်းစိန် ထိုင်းနိုင်ငံ လာရောက်ခြင်းသည် ထိုင်းဝန်ကြီးချုပ် အာဘီဆစ် ၀ိဇ္ဇာဇီဝ အာဏာရပြီး ပထမဆုံးအကြိမ် လာရောက်သည့် မြန်မာစစ်အစိုးရအဖွဲ့ဝင် ထိပ်ပိုင်းခေါင်းဆောင်ဖြစ်သည်။

ရိုဟင်ဂျာ ပြဿနာသည် ဒေသတွင်း ပြဿနာဖြစ်လာသည့် အလျောက် မြန်မာစစ်အစိုးရဘက်က တစုံတရာ ဖြေရှင်းစေလိုကြောင်း ယမန်နေ့ည အာဆီယံ နိုင်ငံခြားရေးဝန်ကြီးများ ညစာစားပွဲတွင် မလေးရှား နိုင်ငံခြားရေးဝန်ကြီး ဒါတွတ် ဆရီ ဒေါက်တာ ရေစ့်ယာတင်းက ထုတ်ဖော်ပြောဆိုလိုက်သည်။

မြန်မာနိုင်ငံမှ ထွက်ပြေးလာသည့် ပင်လယ်မျော ရိုဟင်ဂျာများ ကိစ္စနှင့်စပ်လျဉ်း၍ မြန်မာစစ်အစိုးရဘက်က ပြဿနာကို ရှောင်ရှားနေပုံရသည်ဟု မလေးရှား နိုင်ငံခြားရေးဝန်ကြီးက ပြောဆိုသည်။ အဆိုပါကိစ္စနှင့် ပတ်သက်၍ မြန်မာစစ်အစိုးရအား ပြောဆိုရာတွင် အင်ဒိုနီးရှား နှင့် မလေးရှား ပူးပေါင်းသင့်သည်ဟုပါ ဒေါက်တာရေစ့်က ဆက်လက် ပြောဆိုသည်။ မြန်မာစစ်အစိုးရဘက်မူ ရိုဟင်ဂျာကို မြန်မာတိုင်းရင်းသားဟု မယူဆသော်လည်း ပင်လယ်မျော ရိုဟင်ဂျာများအနက် မြန်မာနိုင်ငံမှာ မွေးဖွားသူများဖြစ်ကြောင်း၊ အထောက်အထားပြနိုင်သူများကို မြန်မာနိုင်ငံသို့ ပြန်လည်ခေါ်ဖို့ သဘောတူကြောင်း ထိုင်းနိုင်ငံခြားရေးဝန်ကြီး ကာာဆစ်က အာဆီယံ အစည်းဝေး၌ သတင်းထောက်များကို ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
ရွှေတြိဂံမှာ မူးယစ်ဂိုဏ်းနဲ့ မြန်မာစစ်တပ် တိုက်ပွဲဖြစ်


ချင်းမိုင် (မဇ္ဈိမ)။ ။ ရွှေတြိဂံဒေသ အတွင်းရှိ မြန်မာနိုင်ငံ ရှမ်းပြည်နယ် မိုင်းဖုန်းဒေသအတွင်း မြန်မာစစ်တပ်နှင့် ဒေသအတွင်း လှုပ်ရှားနေသော မူးယစ်ဂိုဏ်းတခုအကြား ယခုလ ၁၈ ရက်နေ့က တိုက်ပွဲဖြစ်ပွားခဲ့သည်။

ခြေမြန်တပ်ရင်း ၅၂၆၊ ၃၅၉ တပ်ဖွဲ့ဝင်များနှင့် ကွယ်လွန်သွားပြီဖြစ်သော ဘိန်းရာဇာ ခွန်ဆာ၏ အမ်တီအေ တပ်မှ လက်ကျန် စိုင်းနော်ခမ်း တပ်ဖွဲ့ဝင်များ အကြား ဖြစ်ပွားခဲ့သည်။
တိုက်ပွဲကြောင့် မဲခေါင်မြစ်အတွင်း ဖြတ်မောင်းနေသည့် တရုတ်သင်္ဘောတစီးကို လက်နက်ကြီး ထိမှန်ခဲ့သည်ဟု ဒေသတွင်း စောင့်ကြည့် လေ့လာနေသူများက ပြောသည်။ တရုတ် သင်္ဘောသားတဦး သေဆုံး၍ သုံးဦး ဒဏ်ရာရသွားသည်ဆိုသော သတင်းများ ပေါ်ထွက်နေသည်။
( မဇ္ဈိမသတင်းမှ ကောက်နှုတ်ချက် )
+++++
ဝန်ကြီးဦးအောင်သောင်းအား ရိုဟင်ဂျာစစ်ဆင်ရေး တာဝန်ပေး


ရိုဟင်ဂျာ ဒုက္ခသည်များ ကိစ္စနှင့် ပတ်သက်ပြီး မြန်မာစစ်အစိုးရအပေါ် အာဆီယံနိုင်ငံ အချို့က ဖိအားပေးပြောနေချိန်တွင် ပြန်လည်ချေပနိုင်ရန် အခြေခံ အချက်အလက်များ ရှာဖို့အတွက် ဗိုလ်ချုပ်မှူးကြီး သန်းရွှေက စက်မှု (၁) ၀န်ကြီးဦးအောင်သောင်းအား ရခိုင်ပြည်နယ်သို့ စစ်ဆင်ရေးပုံစံဖြင့် လျှို့ဝှက် တာဝန်ပေးထားသည်။

လွန်ခဲ့သည့် ဖေဖော်ဝါရီလဆန်းမှ စပြီး ၀န်ကြီးအောင်သောင်းနှင့် အဖွဲ့ ရခိုင်ပြည်နယ်သို့ သွားရောက်ခဲ့ပြီး ပြည်နယ်တခုလုံးရှိ ရိုဟင်ဂျာ ရွာများကို အသေးစိတ် စုံစမ်းနေပြီး ရိုဟင်ဂျာများ နောင် မပြန့်ပွားအောင် မည်သို့ လုပ်ကိုင်သင့်သည် စသည့်အချက်များ ဗိုလ်ချုပ်မှူးကြီး သန်းရွှေထံ တိုက်ရိုက်တင်ပြရမှာ ဖြစ်သည်ဟု ၀န်ကြီးချုပ်ရုံးနှင့် နီးစပ်သည့် သတင်းရပ်ကွက်က ပြောသည်။

မကြာခင်ရက်ပိုင်းအတွင်း ၀န်ကြီး ဦးအောင်သောင်း ရခိုင်ပြည်နယ်သို့ ရိုဟင်ဂျာ ကိစ္စအတွက် ထပ်မံသွားရောက်ဦးမှာ ဖြစ်သည်ဟု ၄င်း၏ လက်ထောက်အရာရှိ တဦးက ပြောသည်။ ရခိုင်ပြည်နယ်မှ ရိုဟင်ဂျာများနှင့် ပတ်သက်သည့် အထောက်အထားများ အပြီးသတ် စုဆောင်းပြီးချိန်တွင် နိုင်ငံတော်လုံခြုံရေး အစည်းဝေးသို့ ဦးအောင်သောင်းက ပြန်လည်တင်ပြမှာ ဖြစ်သည်ဟု စုံစမ်းသိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
နစက ပစ်ခတ်လို့ ဘင်္ဂလားဒေ့ရှ် နိုင်ငံသား တဦး သေဆုံး

ဘင်္ဂလားဒေ့ရှ် (မဇ္ဈိမ)။ ။ မြန်မာနယ်စပ် နတ်မြစ်အတွင်း နယ်စပ်ဒေသေ စိစစ်ကြီးကြပ်ရေး - နစက က ပစ်ခတ်သဖြင့် ယခုလ ၂၄ ရက်နေ့က ဘင်္ဂလားဒေ့ရ်ှနိုင်ငံသား တံငါသည်တဦး သေဆုံးကာ၊ တဦး ဒဏ်ရာ ရရှိခဲ့သည်။

မြန်မာနိုင်ငံဘက်ခြမ်း မောင်တောသို့ လှေတစီးဖြင့် ငါးဝယ်သွားစဉ် နံနက် ၆ နာရီခန့်တွင် ငခူရ အခြေစိုက် အမှတ် ၄ နစက ပစ်ခတ်ခဲ့သဖြင့် ဝိုက်ကျောင်းကျေရွာနေ ၃ဝ နှစ်အရွယ် စူလတန် အာမက် (Sulatan Armad) သေဆုံးခဲ့ပြီး ၃၂ နှစ်အရွယ် စိုးယွတ်ဟူဆင် (Soyout Hossain) မှာ ညာဘက်ရင်ဘတ်တွင် ဒဏ်ရာရခဲ့ခြင်း ဖြစ်သည်။ တက္ကနာမြို့နယ် ထောက်လှမ်းရေး မူဟာမက် နိုဒူ (MD, Nodu) ကလည်း “ဆွေးနွေးပွဲမှာ အလောင်းပြန်ရဖို့၊ နောက်ထပ် ဒီပြဿနာမျိုး မဖြစ်ဖို့ ဆွေးနွေးကြတယ်။ ဘယ်အချက်ကိုမှ သဘောတူညီချက် မရသေးဘူး” ဟု ဆိုသည်။

နောက်ဆက်တွဲသတင်းအရ သေဆုံးသူ၏ ရုပ်ကလာပ်ကို ယခု ၂၆ ရက်နေ့တွင် တက္ကနာမြို့အနီး နတ်မြစ်အတွင်းက ပြန်ရခဲ့ပြီး လက်ဝဲဘက် ရင်အုံတွင် ကျည်ဆံ ထိမှန်ခဲ့ကြောင်း ယူစွတ်က အတည်ပြု ပြောဆိုသည်။

ဘင်္ဂလားဒေ့ရှ် နိုင်ငံသားများသည် မြန်မာနိုင်ငံအတွင်းသို့ တရားမဝင် လာရောက် သစ်ခုတ်သဖြင့် နစက တပ်၏ ပစ်ခတ်မှုကြောင့် ပြီးခဲ့တဲ့ နှစ်အတွင်းက သေဆုံးမှုအချို့ ရှိခဲ့သည်။
(မဇ္ဈိမသတင်းမှ ကောက်နှုတ်ချက် )
+++++
အိုင်အယ်အိုနှင့် စစ်အစိုးရ နားလည်မှုစာချွန် သက်တမ်း တနှစ်တိုး


အပြည်ပြည်ဆိုင်ရာ အလုပ်သမားရေးရာအဖွဲ့ (ILO) အမှုဆောင် ညွှန်ကြားရေးမှူး Mr.Kari Tapiola နှင့် နအဖ အလုပ်သမားဝန်ကြီး ဦးအောင်ကြည်တို့ ဖေဖော်ဝါရီ (၂၅) ရက်တွင် တွေ့ဆုံခဲ့ကြပြီး (၂၆) ရက်တွင် နောက်ထပ်တနှစ်တာ အဓမ္မခိုင်းစေမှု တိုင်ကြားချက်များ ဆောင်ရွက်ရန် နောက်ဆက်တွဲ နားလည်မှု ရယူခဲ့ကြသည်ဟု နေ့စဉ်ထုတ်သတင်းစာများက ဖော်ပြခဲ့သည်။

အဆိုပါ နောက်ဆက်တွဲ နားလည်မှု စာချွန်လွှာသည် တိုင်ကြားသူများ၊ အဓမ္မစေခိုင်းခံရသူများ ၊ တိုင်ကြားချက်တင်ပြခြင်းနှင့် ဆက်နွယ်နေသော အခြားပုဂ္ဂိုလ်များကို နှောင့်ယှက်ခြင်း တရားစွဲဆိုခြင်း သို့မဟုတ် တနည်းနည်းဖြင့် လက်စားချေခြင်း၊ လက်တုံ့ပြန် အရေးယူခြင်းများမှ အကာအကွယ်ရရှိနိုင်ရန် အာမခံချက်ပေးထားကြောင်း ရန်ကုန် (ILO) ရုံးခွဲ အင်တာနက် စာမျက်နှာတွင် ဖော်ပြထားသည်။

အဓမ္မခိုင်းစေမှု ပပျောက်ရေးနှင့် စပ်လျဉ်းသည့် တိုင်ကြားပုံနည်းစနစ်ကို ထည့်သွင်း ဖော်ပြထားရာ ပမာဏတိုင်ကြားမှုကို ရပ်ကွက်၊ မြို့နယ် သို့မဟုတ် ခရိုင်အဆင့် ဒေသဆိုင်ရာ အာဏာပိုင်များမှ တဆင့်ပြုလုပ်နိုင်ပြီး အခြေအနေမပေးပါက အိုင်အယ်လ်အို ဆက်သွယ် ညှိနှိုင်းရေး အရာရှိနှင့် ဆက်သွယ်တိုင်ကြားနိုင်ကြောင်း ဖော်ပြထားသည်။

အိုင်အယ်လ်အို ဆက်သွယ်ညှိနှိုင်းရေးအရာရှိအား ဖုန်း၊ ဖက်စ်၊ အီးမေလ်၊ စာတိုက်တို့မှ ဆက်သွယ်နိုင်သကဲ့သို့ လူကိုယ်တိုင် ဆက်သွယ်တိုင်ကြားမှုလည်း ပြုလုပ်နိုင်သည်။
( ခေတ်ပြိုင်သတင်းမှ ကောက်နှုတ်ချက် )
+++++
သံလျင်မှာ ရွေးကောက်ပွဲအတွက် ခြေလှမ်း


ချင်းမိုင် (မဇ္ဈိမ) ။ ။ နိုင်ငံရေးပါတီတခုအဖြစ် ၂၀၁၀ ရွေးကောက်ပွဲတွင် ယှဉ်ပြိုင်ရန် ရန်ကုန်တိုင်း သံလျင်မြို့တွင် လိုက်လံ စည်းရုံးသူများ ပေါ်ထွက်လာသည်။

ယခုလ ၂၅ ရက်နေ့က အဖွဲ့ဦးဆောင်သူ ၁၀ ဦးခန့်က ပါတီသင်္ကေတ ကဒ်ပြားများကို မြို့ထဲတွင် လိုက်လံဝေငှကာ စည်းရုံးရေး ဆင်းနေခြင်း ဖြစ်သည်။
ပါတီ အမည်ကိုမူ ကဒ်ပြားပေါ်တွင် ရေးထိုးထားခြင်း မရှိသော်လည်း နှုတ်မှ ထုတ်ဖော် ပြောကြားခဲ့ကြခြင်း ဖြစ်သည်ဟု သူက ထပ်ပြောသည်။

၁၉၉၀ ခုနှစ် ရွေးကောက်ပွဲ အကြိုကာလက တည်ထောင်ခဲ့ပြီး စစ်အစိုးရ၏ ဖျက်သိမ်းခြင်းခံရသော လူ့ဘောင်သစ် ဒီမိုကရက်တစ် ပါတီ အမည်နှင့် ဆင်တူရိုးမှားဖြစ်နေသည့် မြန်မာ့လူ့ဘောင်သစ် ဒီမိုကရက်တစ် ပါတီသည် ၂၀၁၀ ရွေးကောက်ပွဲတွင် ယှဉ်ပြိုင်သွားမည်ဟု စည်းရုံးသူတို့က ပြောဆိုခဲ့ကြသည်ဟု ဒေသခံများက ထုတ်ပြောကြသည်။

သို့သော်လည်း ရွေးကောက်ပွဲဆိုင်ရာ ဥပဒေ မထွက်သေးသဖြင့် တရားဝင် ပါတီထောင်ရေးမှာ မဖြစ်နိုင်သေးဟု ရန်ကုန် နိုင်ငံရေး လှုပ်ရှားသူများက ပြောသည်။

အဖွဲ့ကို ဦးဆောင်နေသူဟုဆိုသော ဦးဇင်အောင်သည် လူ့ဘောင်သစ် ဒီမိုကရက်တစ် ပါတီဝင်ဖြစ်ခဲ့ဖူးပြီး ၈၈ မျိုးဆက်သစ် ကျောင်းသားလူငယ်များအဖွဲ့ (ပြည်ထောင်စု မြန်မာနိုင်ငံ) အဖွဲ့တွင်လည်း ယခင်က ပါဝင်ခဲ့ဖူးသည်။
(မဇ္ဈိမသတင်းမှ ကောက်နှုတ်ချက်)
+++++
မြန်မာ့အရေး ဟွေဟင်တွင် စက်ဘီးစီး ဆန္ဒပြ


ချင်းမိုင် (မဇ္ဈိမ)။ ။ မြန်မာပြည်အရေးကို ပိုမိုသိရှိရန်အတွက် အရှေ့တောင်အာရှ နိုင်ငံများအသင်း၏ အစည်းအဝေးနှင့် အချိန်ကိုက်ကာ မြန်မာ တက်ကြွလှုပ်ရှားသူ ၁၅ ဦးက ထိုင်းနိုင်ငံတောင်ပိုင်း ဟွေဟင်မြို့အတွင်း စက်ဘီးစီး ဆန္ဒပြပွဲကို ယနေ့နံနက်က ပြုလုပ်ခဲ့သည်။

မြန်မာပြည်ကိစ္စကို ထိုင်းလူထုနှင့် နိုင်ငံခြားသားများအကြား ပိုမို သိမြင်လာစေရန်၊ မြန်မာနိုင်ငံရှိ ပြဿနာများအား အာဆီယံ ခေါင်းဆောင်များ သတိပြုမိပြီး နိုင်ငံရေး အပြောင်းအလဲ ပြုလုပ်ရေးအတွက် မြန်မာအစိုးရအပေါ် တိုက်တွန်းမှုများ ပြုလုပ်စေရန် ရည်ရွယ်ပြီး သူတို့က ဆန္ဒပြကြခြင်း ဖြစ်သည်။ ၁၄ ကြိမ်မြောက် အာဆီယံ အစည်းအဝေးနှင့် အချိန်ကိုက်ကာ Peace for Burma ညွန့်ပေါင်းအဖွဲ့ဝင်များနှင့် ဟွေဟင်မြို့ခံတချို့ အပါအဝင် ဆန္ဒပြသူများက ပရာချွတ်ခီရီခန်ပြည်နယ်ရှိ ဟွေဟင်မြို့တပတ် စက်ဘီးစီး၍ ဆန္ဒပြခဲ့ခြင်းဖြစ်သော်လည်း အစည်းအဝေး ကျင်းပသည့်ဘက်ကိုမူ သွားရောက် ဆန္ဒပြခြင်း မရှိပေ။

Peace for Burma တွင် မြန်မာ့အရေး လုပ်ဆောင်နေသည့် ထိုင်းနှင့် မြန်မာလူထု အခြေပြုအဖွဲ့များ၊ အန်ဂျီအိုများ၊ ကျောင်းသားအဖွဲ့များ၊ ဘာသာရေးအသင်းများ စသည့် အဖွဲ့ပေါင်း ၃၀ ကျော်ပါဝင်ပြီး ထိုအထဲမှ ယနေ့ ဆန္ဒပြပွဲကို Burma Democratic Concern/ Amnesty International (Thailand)/ Thai Action Committee for Democracy in Burma (TACDB) / Thai Free Burma စသည့်အဖွဲ့ ၄ ဖွဲ့ က အဓိက ဦးဆောင်ခြင်းဖြစ်သည်။ ဆန္ဒပြပွဲတွင်ပါဝင်သော TACDB မှ လှုပ်ရှားမှု တာဝန်ခံတဦးဖြစ်သူ ထိုင်းအမျိုးသမီး Ms. Panithida ကလည်း မြန်မာနိုင်ငံ၏ ပြဿနာများသည် ပြည်တွင်းရေးသက်သက် မဟုတ်တော့ဘဲ ဒေသဆိုင်ရာအဆင့် ရောက်ရှိနေပြီဖြစ်သောကြောင့် ယခုဆန္ဒပြပွဲသို့ ပူးပေါင်းရခြင်းဖြစ်ကြောင်း မဇ္ဈိမကို ပြောသည်။ မြန်မာနိုင်ငံ ငြိမ်းချမ်းရေး ရရှိစေရန် အာဆီယံ ၁၀ နိုင်ငံအတွင်း ချမှတ်ထားသည့် အဖွဲ့ဝင်နိုင်ငံ တနိုင်ငံ၏ အရေးကို ဝင်ရောက် မစွက်ဖက်ရေးမူ ‘non-interference’ နှင့် အဖွဲ့ဝင်နိုင်ငံများ အားလုံး သဘောတူမှ ဆုံးဖြတ်ချက် ချမှတ်သည့် မူများကို ဖျက်သိမ်း၍ မြန်မာ့ ပြဿနာများကို ဝိုင်းဝန်း ဖြေရှင်းပေးကြရန် လိုကြောင်းလည်း Ms.Panithida က ဆိုသည်။

ထို့အပြင် အာဆီယံအဖွဲတွင်း လူ့အခွင့်အရေးဆိုင်ရာ အဖွဲ့အနေဖြင့်လည်း လူ့အခွင့်အရေးဆိုင်ရာ မြှင့်တင်ပညာပေးရေး လုပ်ငန်းများသာ ဦးစားပေးမနေသင့်ဘဲ မြန်မာနိုင်ငံတွင်းမှ ပြည်သူများ၏ လူ့အခွင့်အရေး ချိုးဖောက်ခံနေရမှုများကို ကော်မတီဖွဲ့၍ စုံစမ်းစစ်ဆေးပြီး အကာအကွယ် ပေးသင့်ကြောင်းလည်း သူက ဆက်ပြောသည်။
(မဇ္ဈိမသတင်းမှ ကောက်နှုတ်ချက်)
+++++