4-2010

25.1.10

ဒေါ်အောင်ဆန်းစုကြည်အား နိုဝင်ဘာလတွင် လွှတ်ပေးမည်ဟု
နအဖပြည်ထဲရေးဝန်ကြီး ပြောကြား


မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အား လာမည့်နိုဝင်ဘာလကုန် နေအိမ်အကျယ်ချုပ်သက်တမ်းစေ့ပါက ပြန်လွှတ်ပေးမည်ဟု မြန်မာစစ်အစိုးရ ပြည်ထဲရေးဝန်ကြီး ဗိုလ်ချုပ်မောင်ဦးက ပြောကြားခဲ့ကြောင်း ယနေ့ရိုက်တာသတင်းတွင် ဖော်ပြထားသည်။

ယခုလ (၂၁) ရက်တွင် မန္တလေးတိုင်း ကျောက်ပန်းတောင်းမြို့၌ မြို့ခံအစိုးရ၀န်ထမ်းများနှင့် တွေ့ဆုံစကားပြောကြားရာတွင် ဗိုလ်ချုပ်မောင်ဦးက ယင်းသို့ပြောကြားခဲ့ကြောင်း မြို့ခံမျက်မြင်များကို ကိုးကားပြီး သတင်းတွင် ဖော်ပြထားခြင်းဖြစ်သည်။

နေအိမ်တွင် ထိန်းသိမ်းခြင်းခံနေရသည့် အန်အယ်လ်ဒီ ဒု-ဥက္ကဋ္ဌ ဦးတင်ဦးအားလည်း လာမည့် ဖေဖော်ဝါရီ (၁၃) ရက်တွင် လွှတ်ပေးမည်ဟု ဗိုလ်ချုပ်မောင်ဦးက ပြောဆိုခဲ့သည်ဟု သတင်းတွင် ဖော်ပြထားသည်။
(NEJ)
။။။။။

ဒေါ်စုကို လွှတ်မည်ဆိုခြင်းမှာ တရားမဝင်ဟု အန်အယ်ဒီ ပြော



ချင်းမိုင် (မဇ္ဈိမ)။ ။ ပြည်ထဲရေးဝန်ကြီး ဗိုလ်ချုပ်မောင်ဦးက လူထုခေါင်းဆောင် ဒေါ်အောင်ဆန်းစုကြည်ကို လွှတ်ပေးမည်ဟု ပြောဆိုခြင်းမှာ တရားမဝင်ကြောင်း အမျိုးသား ဒီမိုကရေစီအဖွဲ့ချုပ်က ယနေ့ ပြောသည်။

ဒေါ်အောင်ဆန်းစုကြည်အား ယခုနှစ် နိုဝင်ဘာတွင် ပြန်လွှတ်ပေးမည်ဟု မန္တလေးတိုင်း ကျောက်ပန်းတောင်းမြို့၌ ပြီးခဲ့သည့် ကြာသပတေးနေ့တွင် ဗိုလ်ချုပ်မောင်ဦးက ပြောကြားခဲ့မှုအပေါ် အန်အယ်ဒီ ဗဟိုအလုပ်အမှုဆောင် ဦးခင်မောင်ဆွေက သုံးသပ်ပြောဆိုခြင်း ဖြစ်သည်။

“ပါးစပ်နဲ့ ဒီလိုပြောတာက တရားဝင်လို့ ယူဆလို့တော့ မရဘူးပေါ့။ ဥပဒေအရ အထမမြောက်ဘူးလေ။ တရားဝင် သတင်းစာ ရှင်းလင်းပွဲတို့၊ သတင်းထုတ်ပြန်ချက်တို့၊ အမိန့်တို့ ထွက်မှသာ ခိုင်မာတဲ့ အချက်လို့ ခံယူရမှာပေါ့” ဟု သူက မဇ္ဈိမကို ပြောသည်။
။။။။။

ဒေါ်အောင်ဆန်းစုကြည်ဓာတ်ပုံကို သုံးခွင့်မပေးတော့


ဒေါ်အောင်ဆန်းစုကြည်၏ဓာတ်ပုံများကို ဂျာနယ်တိုက်များတွင် အသုံးပြုရန် သတင်းနှင့်ပြန်ကြားရေးဌာနက ပေးလေ့ရှိ သော်လည်း ယခုနောက်ဆုံး ဦးအောင်ကြည်နှင့် တွေ့ဆုံသည့်ပုံမှစ၍ မပေးတော့ကြောင်း ဂျာနယ်တိုက်များထံမှ စုံစမ်းသိရသည်။
(NEJ)
။။။။။။

ဦးအောင်ဆန်းဦးကို သံဃာတော်များ သတိပေး


ချင်းမိုင် (မဇ္ဈိမ)။ ။ အိမ်အမွေကိစ္စကို အကြောင်းပြု၍ ဒေါ်အောင်ဆန်းစုကြည်အပေါ် တရားစွဲဆိုရန် ကြိုးစားနေသော အကိုဖြစ်သူ ဦးအောင်ဆန်းဦးကို ပြည်တွင်း၊ ပြည်ပရှိ သံဃာတော်များက ဗုဒ္ဓဘာသာဝင် အဖြစ်မှ ဖယ်ကြဉ်မည်ဟု သတိပေးလိုက်သည်။

နေအိမ်အကျယ်ချုပ် ကျခံနေရသည့် ညီမဖြစ်သူကို အကြောင်းမဲ့ နှောင့်ယှက်တရားစွဲဆိုရန် ကြိုးစားနေခြင်းများကို ယခုလကုန် ၃၁ ရက်နေ့ နောက်ဆုံးထား၍ ရုတ်သိမ်းပေးရန် မြန်မာနိုင်ငံလုံးဆိုင်ရာ သံဃာ့တပ်ပေါင်းစုကြီး အပါအဝင် ပြည်တွင်း၊ ပြည်ပ သံဃာတော်များက တောင်းဆိုလိုက်ကာ၊ မလိုက်နာပါက ပတ္တနိက္ကုဇ္ဇန ကံဆောင်မည်ဟု ဆရာတော်များက မိန့်ကြားသည်။
။။။။။။

ရှေ့တန်းစခန်းမှ ထွက်ပြေးသူ တပ်ပြေးများအား ပစ်သတ်မှုရှိ


ရှမ်းပြည်မြောက်ပိုင်း၊ ဝပြည်သွေးစည်းညီညွတ်ရေးတပ်မတော် (UWSA) ခေါ် ဝတပ်ဖွဲ့ထိန်းချုပ်ရာ နယ်မြေအနီး တပ်စွဲထားသည့် နအဖစစ်တပ်ရှေ့တန်းစခန်းများမှ စစ်သည်များ ထွက်ပြေးမှု များပြားလာနေပြီး တပ်ပြေးများအား ပစ်သတ်သည်အထိ ရှိလာနေသည်။

ယမန်နှစ် သြဂုတ်လကုန်ပိုင်းတွင် ဖြစ်ပွားခဲ့သည့် ကိုးကန့်ဒေသ အရေးအခင်းကာလကတည်းက ဝမြောက်ဒေသအနီး ဟိုပန်မြို့နယ်အတွင်း လာရောက်တပ်စွဲနေသည့် မိတ္တီလာအခြေစိုက် တပ်မ (၉၉) လက်အောက်ခံတပ်များမှ စစ်သည်များ ထွက်ပြေးနေကြသည်ဟု စစ်တပ်နှင့်နီးစပ်သူ တရုတ်-မြန်မာနယ်စပ်ဒေသခံတဦးက ပြောသည်။စစ်တပ်အတွင်း တပ်ပြေးမှု များပြားလာနေ၍ စစ်ကြောင်းရှိ ကျန်စစ်သည်များ အလားတူ ထွက်မပြေးရဲအောင် ရှေ့တန်း စစ်မျက်နှာများတွင် ပစ်သတ်ပြနေခြင်းဖြစ်သည်ဟု တရုတ်-မြန်မာနယ်စပ် စစ်ရေးအကဲခတ် ဦးအောင်ကျော်ဇောက ပြောသည်။
။။။။။

မြန်မာနယ်ခြားစောင့် တပ်ဖွဲ့မှူးများ နေရာပြောင်းရွှေ့


ဒါကာ (မဇ္ဈိမ)။ ။ မြန်မာ-ဘင်္ဂလားဒေ့ခ်ျနယ်စပ်ရှိ နယ်စပ်ဒေသ စစ်ဆေးရေးနှင့် ကွပ်ကဲရေး နယ်မြေမှ နယ်မြေမှူး ၉ ဦး နေရာ အပြောင်းအရွှေ့များ ယခုလ ၁၉ ရက်နေ့တွင် ပြုလုပ်ခဲ့သည်။ ယခုပြောင်းရွှေ့သော နယ်မြေမှူးများမှာ နစက နယ်မြေ ၁ တွင် ဗိုလ်မှူးကျော်အောင်၊ ၂ တွင် ဗိုလ်မှူး သူရိန်ဇော်၊ ၃ တွင် ဗိုလ်မှူးသန်းနိုင်၊ ၄ တွင် ဗိုလ်မှူးအောင်ဟိန်းဇော်၊ ၅ တွင် ဗိုလ်မှူးစံဝင်းခိုင်၊ ၆ တွင် ဗိုလ်မှူးစိန်ဝင်း၊ ၇ တွင် ဗိုလ်မှူးနေမျိုး၊ ၈ တွင် ဗိုလ်မှူးသန်းဌေးနှင့် ၉ တွင် ဗိုလ်မှူးကြည်လှိုင်တို့ ဖြစ်သည်။

ယခင်က နယ်မြေ ၁ တွင် ဗိုလ်မှူးစံဝင်းခိုင်၊ ၂ တွင် ဗိုလ်မှူးတင်ထွန်အောင်၊ ၃ တွင် ဗိုလ်မှူးကြည်လှိုင်၊ ၄ တွင် ဗိုလ်မှူးသန်းဌေး၊ ၅ တွင် ဗိုလ်မှူးသူရိန်ဇော်၊ ၆ တွင် ဗိုလ်မှူးနေမျိုး၊ ၇ တွင် ဗိုလ်မှူးကျော်အောင်၊ ၈ တွင် ဗိုလ်မှူးစိန်ဝင်း၊ ၉ တွင် ဗိုလ်မှူးသန်းနိုင်တို့ ဖြစ်သည်။
။။။။။

ကဗျာစောဝေကို ပြန်လွှတ်ပေးရန် AAPP ပြောကြား


နယူးဒေလီ (မဇ္ဈိမ)။ ။ ကဗျာဆရာ ကိုစောဝေ ယခုလ ၂၁ ရက်နေ့တွင် လွတ်ရက်စေ့ခဲ့သော်လည်း ယနေ့တိုင် ပြန်လွတ်မလာသဖြင့် အမြန်ဆုံး ပြန်လွှတ်ပေးရန် ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) AAPP-B က ပြောဆိုသည်။
။။။။။

26.1.10

ပလောင်ဒေသတွင် ဘိန်းစိုက်ပျိုးမှု (၅) ဆခန့်များလာဟု
ပလောင်အမျိုးသမီးအဖွဲ့ ထုတ်ပြန်

မြန်မာစစ်အစိုးရ ထိန်းချုပ်မှုအောက်ရှိ ရှမ်းပြည်မြောက်ပိုင်း ပလောင်ဒေသတွင် လွန်ခဲ့သည့် (၃) နှစ်တာကာလအတွင်း ဘိန်းစိုက်ပျိုးထုတ်လုပ်မှု (၅) ဆနီးပါး မြင့်တက်လာသည်ဟု ဒေသတွင်းဘိန်းစိုက်ပျိုးမှုများကို (၂) နှစ်ကြာ သုတေသန ပြုခဲ့သည့် ပလောင်အမျိုးသမီးအစည်းအရုံး (PWO) က ပြောကြားလိုက်သည်။

ယနေ့စတင်ဖြန့်ဝေသည့် PWO အဖွဲ့၏ “အဆိပ်သင့်တောင်တန်းများ” အမည်ရှိ အစီရင်ခံစာတွင် ၂၀၀၆ မှ၂၀၀၉ ခုနှစ်အတွင်း ပလောင်ဒေသ မန်တုန်နှင့်နမ့်ခမ်းမြို့နယ်တို့တွင် ဘိန်းစိုက်ပျိုးထုတ်လုပ်သည့် နေရာ (၅) ဆနီးပါးများပြားလာပြီး လက်ရှိတွင် ဘိန်းစိုက်ဧရိယာ (၄,၅၀၀) ဟက်တာခန့် ရှိသည်ဟု ဖော်ပြထားသည်။

အစီရင်ခံစာကို ဦးဆောင်သုတေသနပြုခဲ့သည့် PWO မှ လိုည်းနွေနှောင်းက “ပလောင်ဒေသမှာ ဘိန်းစိုက်နှုန်းက ၂၀၀၆-၀၇ ဆိုရင် (၉၆၃) ဟက်တာပဲရှိတယ်၊ ၂၀၀၈-၀၉ မှာကျတော့ (၄,၅၄၅) ဟက်တာဖြစ်လာတယ်။ အခုလို တနှစ်ထက် တနှစ် များပြားလာရတာကတော့ နအဖရဲ့ အုပ်ချုပ်ရေးစနစ်ကြောင့်ဖြစ်တယ်။ ဘိန်းကြေးကောက်တာက စစ်တပ်၊ ရဲ၊ ပြည်သူ့စစ်တွေ ဖြစ်တယ်။ မန်တုန်မှာဆိုရင် ခလရ (၁၃၀)၊ နမ့်ခမ်းမှာဆိုရင် ခမရ (၄၅)၊ ခမရ (၁၄၄) တို့ လာကောက်တာတွေရှိတယ်။ ၂၀၀၇-၀၈ ဘိန်းစိုက်ရာသီကဆိုရင် မန်တုန်မြို့နယ်တခုတည်းမှာပဲ ကျပ် (၃၇) သန်းပေးရတယ်။ ဒီလိုဖြစ်ရတာက နအဖတွေကိုယ်တိုင်က အားပေးအားမြှောက်လုပ်တာကြောင့်ဖြစ်တယ်” ဟု ပြောသည်။
(NEJ)
။။။။။

နယ်မြေနှင့် ရွေးကောက်ပွဲအတွက် ရွာများ ဖျက်ဆီးခံရဟု KNU ပြော


ချင်းမိုင် (မဇ္ဈိမ)။ ။ ကရင်ရွာများကို မီးရှို့ဖျက်ဆီးပြီး ရွာသားတွေကို သတ်ဖြတ်နေခြင်းသည် နယ်မြေ စိုးမိုးလိုခြင်းနှင့် ၂ဝ၁ဝ ရွေးကောက်ပွဲကို အာရုံမစိုက်နိုင်အောင် ရည်ရွယ်ခြင်းဖြစ်ကြောင်း ကရင်အမျိုးသားအစည်းအရုံး KNU က ပြောသည်။

ယခုလ ၁၇ ရက်နေ့က ပဲခူးတိုင်းအရှေ့ပိုင်း ညောင်လေးပင်ခရိုင် ကျောက်ကြီးမြို့နယ်တွင်းရှိ ခဲဒဲကျေးရွာတွင် စစ်ကြောင်း ကွပ်ကဲရေးဌာနချုပ် (စကခ) လက်အောက်ခံတပ်ရင်း ခမရ ၃၆၇ မှ နေအိမ် ၁၃ လုံး မီးရှို့ဖျက်ဆီးခဲ့ပြီး ရွာသား ၂ ဦးကို ပစ်သတ်ခဲ့သည့်လုပ်ရပ်ကို KNU က သုံးသပ်ပြောဆိုခြင်း ဖြစ်သည်။
ခဲဒဲရွာ အပါအဝင် ခေါ်တော့ခီး၊ တီကော့ဒဲ၊ သောဝါးဒဲ၊ ခေါ်ထာ့၊ လယ်တော်လု၊ ဒေးဘော်ခီး၊ မူခီး၊ ထီးကော်ခီး၊ ခိုးလု စသည့် ကျေးရွာ ၁ဝ ရွာမှ ကရင်ရွာသား တထောင်ကျော်သည် တောထဲ၌ ပုန်းအောင်းနေရသည်ဟု သူက ပြောဆိုသည်။
။။။။။

ကြံ့ဖွံ့က အခမဲ့ကျုရှင်ကျောင်းများဖွင့်ကာ စည်းရုံး


ရန်ကုန်မြို့ရှိ ကျောင်းသားများ စာသင်ကြားမှုစရိတ် မြင့်သည့်အတွက် အပြင်ကျုရှင်များတွင် တက်ရောက်နိုင်မှုမရှိသည်ကို ကြံ့ဖွံ့က အခွင့်အရေးယူကာ စည်းရုံးမှု ပိုလုပ်လာကြောင်း ရန်ကုန်မြို့ခံများက ပြောသည်။

ယခုနှစ်တက္ကသိုလ် ၀င်ခွင့်စာမေးပွဲဖြေဆိုမည့် ကျောင်းသား (၇၅) ရာခိုင်နှုန်းသည် သင်ကြားမှုစရိတ် ကြီးမြင့်မှုကြောင့် ပညာဒါန ကျုရှင်ကျောင်းများကို အားထားနေရသည့် အခြေအနေအပေါ် ကြံ့ဖွံ့က ပညာဒါန အခမဲ့ကျုရှင်ကျောင်းများကို ရန်ကုန် စည်ပင်သာယာ နယ်နိမိတ်တွင်းရှိ မြို့နယ်တို့တွင် နေရာအနှံ့လိုက်ဖွင့်နေကြောင်း ကြည့်မြင်တိုင်မြို့နယ်မှ အငြိမ်းစား အထက်တန်းပြ ဆရာမတဦးက ပြောသည်။
(NEJ)
။။။။။

တိုက်လေယာဉ် ပျက်ကျမှု လေတပ်က စုံစမ်းစစ်ဆေးနေ


နယူးဒေလီ (မဇ္ဈိမ)။ ။ လေသူရဲတဦး သေဆုံးခဲ့ရသော ယခုလ ၂၂ ရက်နေ့က F-7 အမျိုးအစား ဂျက်တိုက်လေယာဉ် ပျက်ကျမှုကို စုံစမ်းစစ်ဆေးရန် မြန်မာလေတပ်က စုံစမ်းရေးအဖွဲ့ ဖွဲ့စည်းခဲ့သည်ဟု လေတပ် သတင်းရပ်ကွက်များက ပြောသည်။

ဤစုံစမ်းရေး အဖွဲ့တွင် လေတပ် အင်ဂျင်နီယာဌာနမှ အင်ဂျင်နီယာအရာရှိ (EO) တဦးနှင့် ရန်ကုန် မင်္ဂလာဒုံ လေတပ်စခန်းမှ တပ်မှူးအပါအဝင် အရာရှိများ ပါဝင်မည်ဖြစ်သည်။

စုံစမ်းစစ်ဆေးမှုများ ပြုလုပ်နေရာတွင် ယခုအခါ အကြို လေ့လာစုံစမ်းမှု အဆင့်ကို ရောက်ရှိနေပြီဟု လက်တုံ့ပြန်ခံရမည်ကို စိုးရွံ့၍ အမည်မဖော်လိုသူ အဆိုပါ သတင်းရပ်ကွက်က ပြောသည်။

ယခုအထိ ရရှိထားသော တွေ့ရှိချက်များအရ လေသူရဲ ဗိုလ်ကြီး ပြည့်ဖြိုးမျိုးသည် တရုတ်လုပ် F-7 ဂျက်တိုက်လေယာဉ်ကို စမ်းသပ် မောင်းနှင်နေစဉ် လေယာဉ်ဘီးများ ချမထားဘဲ ဆင်းသက်စဉ် ပျက်ကျသွားခဲ့ခြင်း ဖြစ်သည်ဟု ဆိုသည်။
။။။။။

လောင်စာဆီကဏ္ဍ ပုဂ္ဂလိကသို့လွှဲပြောင်းရန် စီစဉ်


စစ်အစိုးရက နှစ်ပေါင်းများစွာ ချုပ်ကိုင်ထားသည့် လောင်စာဆီ ရောင်းဝယ်မှုကဏ္ဍကို ပုဂ္ဂလိကသို့ လုံးဝလွှဲပြောင်းပေးရန် စီစဉ်နေသည်။

နိုင်ငံတ၀န်းရှိ လောင်စာဆီ အရောင်းဆိုင် (၂၅၀) ကျော်ကို ယခုနှစ် မတ်လတွင် ပုဂ္ဂလိကသို့ လွှဲပြောင်းပေးမည်ဖြစ်ကြောင်း စွမ်းအင်ဝန်ကြီးဌာန အရာရှိတဦးကို ကိုးကားပြီး ယနေ့ ရိုက်တာသတင်းတွင် ဖော်ပြသည်။

လောင်စာဆီကဏ္ဍ ပုဂ္ဂလိကပိုင်ပြောင်းရေး လုပ်ငန်းစဉ်တွင် နိုင်ငံခြားငွေလဲနှုန်းနှင့် ဈေးနှုန်းကြီးကြပ်ရေးကိစ္စ အကျေအလည် ညှိနှိုင်းနေကြောင်း သိရသည်။

နေ့စဉ် အပြောင်းအလဲရှိသည့် နိုင်ငံတကာပေါက်ဈေးဖြင့် ၀ယ်ယူ ဖြန့်ဖြူးရမည့် လောင်စာဆီ ရောင်းဝယ်ရေးကဏ္ဍတွင် တရားဝင် ငွေလဲလှယ်နှုန်း အနိမ့်အမြင့်အလိုက် ဈေးနှုန်းတည်ငြိမ်မှု မရှိမည်ကို စိုးရိမ်နေကြခြင်းဖြစ်သည်။
(NEJ)
။။။။။

လျှို့ဝှက်ချက် ပေါက်ကြားသူ ၃ ဦး ထောင်ပြောင်းရွှေ့


ချင်းမိုင် (မဇ္ဈိမ)။ ။ နိုင်ငံတော် လျှို့ဝှက်ပေါက်ကြားမှုဖြင့် သေဒဏ်နှင့် နှစ်ရှည်ထောင်ဒဏ်များ ချမှတ် ခံထားရသူ ၃ ဦးကို ရန်ကုန် အင်းစိန်ထောင်မှ နယ်ထောင်များသို့ ပြောင်းရွှေ့ လိုက်ကြောင်း သိရသည်။

အငြိမ်းစား ဗိုလ်မှူးဝင်းနိုင်ကျော်ကို ပဲခူးတိုင်း သာယာဝတီထောင်၊ နိုင်ငံခြားရေးရုံး ဥရောပရေးရာဌာနမှ အကြီးတန်းစာရေး ကိုသူရကျော် (ခ) အောင်အောင်ကို ရှမ်းပြည်နယ် တောင်ငူထောင်နှင့် ဂိုပျံစိန် (ခ) အစီးကို မန္တလေးထောင်သို့ ယခုလ ၂၃ ရက်နေ့တွင် ပို့ဆောင်လိုက်ကြောင်း ထောင်အသိုင်းအဝိုင်းထံမှ သိရခြင်း ဖြစ်သည်။
။။။။။
27.1.10

မွန်ပြည်သစ် ထိန်းချုပ်နယ်မြေအတွင်း ကျူးကျော်ဝင်ရောက်မှု ဆက်တိုက်ဖြစ်ပွား

မွန်ပြည်သစ်ပါတီ ထိန်းချုပ်ဒေသအတွင်းသို့ နအဖစစ်တပ်က စစ်ရေးအရ ဝင်ရောက်ကျူးကျော်နေမှုများ ယခုတလော၌ ဆက်တိုက်ဖြစ်ပွားနေကြောင်း သိရသည်။

မွန်ပြည်သစ် ဗဟိုဌာနချုပ်နှင့် (၃) မိုင်ခန့် ကွာဝေးသည့် ကျေးရွာတရွာအတွင်းသို့ နအဖစစ်တပ် အင်အား (၃၀) ကျော်တို့က ဇန်နဝါရီ (၁၀) ရက်နေ့တွင် ဝင်ရောက်လာပြီးနောက် (၃) နာရီကြာ စစ်ရေးတင်းမာမှု ဖြစ်ပွားခဲ့ကြောင်း စုံစမ်းသိရှိရသည်။

မွန်ပြည်သစ် ထိပ်ပိုင်းခေါင်းဆောင်တဦးက “အပစ်ရပ်တုန်းက သဘောတူချက် (၁၃) ချက်ထဲမှာ မွန်ပြည်သစ်ရဲ့ အပစ်ရပ် ဒေသအဖြစ် ပင်းပွိုင့်အနေနဲ့ သတ်မှတ်ထားတဲ့ (၁၂) နေရာထဲကို နအဖတပ်က ဝင်ရောက်ကျူးကျော်ခွင့် မရှိရဘူးဆိုတဲ့ အချက်လည်း ပါတယ်။ ဝင်လာရင် အပစ်ရပ်စဲရေး ပျက်ပြီဆိုတဲ့ အဓိပ္ပာယ်ပေါ့။ နအဖဘက်က အခုလို လာစမ်းသလိုလို ကျူးကျော်ဝင်ရောက်လာနေတာ အပစ်ရပ်တုန်းက သဘောတူညီထားချက်ကို ချိုးဖောက်ရာရောက်တယ်။ ကျနော်တို့ဘက် ကတော့ ရရှိထားပြီးသား ငြိမ်းချမ်းရေးကိုတော့ တတ်နိုင်သလောက် ထိန်းသိမ်းသွားမယ်” ဟု ပြောသည်။
(NEJ)
။။။။။

ကိုညီညီအောင်အမှု အမိန့်ချမည့်ရက် ရွှေ့ဆိုင်း

မဇ္ဈိမ)။ ။ အမေရိကန်နိုင်ငံသား ကိုညီညီအောင် (ခ) ကိုကျော်ဇောလွင် အမှုနှင့်ပတ်သက်၍ ယနေ့ အမိန့်ချရန် ချိန်းဆိုခဲ့သော်လည်း လာမည့်လ ၁၀ ရက်နေ့သို့ ရွှေ့ဆိုင်းလိုက်ကြောင်း သိရသည်။

ကိုညီညီအောင် (၄၀ နှစ်) ၏ အမှုကို အသေးစိတ်လေ့လာရန် လိုအပ်သေးသဖြင့် အင်းစိန်ထောင်တွင်း တောင်ပိုင်းခရိုင် တရားရုံး တရားသူကြီး ဦးညိုထွန်းက ယမန်တပတ် ထပ်ပေးလိုက်ခြင်းဖြစ်သည်။
။။။။။

နိုင်ဝင်းဆွေ ဝတ္ထု (၂) အုပ် ပြန်လည်ထုတ်ဝေခွင့်ပြု


ဗမာပြည်ကွန်မြူနစ်ပါတီသို့ တောခိုသွားခဲ့ကာ ကရင့်တော်လှန်ရေးနယ်မြေတွင် ကျဆုံးသွားသည့် နာမည်ကြီးစာရေးဆရာ နိုင်ဝင်းဆွေ၏ ဝတ္ထု (၂) အုပ်ကို ပြန်လည်ထုတ်ဝေခွင့်ပြုလိုက်ကြောင်း စာပေစိစစ်ရေးရုံးမှ စုံစမ်းသိရသည်။စာရေးဆရာ နိုင်ဝင်းဆွေ၏ စာအုပ်အဟောင်းများ ထုတ်ဝေခွင့်ကို နှစ်ပေါင်းများစွာ ပိတ်ပင်ထားရာ သူသေလွန်ပြီးချိန် အနှစ် (၂ဝ) နီးပါးကြာ ယခုနှစ်မှ ပြန်လည်ထုတ်ဝေခွင့်ရခြင်းဖြစ်သည်။
(NEJ)
။။။။။။

အပစ်ရပ် မိုင်းလားအဖွဲ့ အတွင်းရေးမှူး လုပ်ကြံခံရ


ရွှေလီ (မဇ္ဈိမ)။ ။ ရှမ်းပြည် (အရှေ့ပိုင်း) အထူးဒေသ ၄ ရှိ စစ်အစိုးရနှင့် အပစ်ရပ်ထားသည့် မိုင်းလားအဖွဲ့ ခေါ် အမျိုးသား ဒီမိုကရက်တစ် မဟာမိတ်တပ်မတော် NDAA အတွင်းရေးမှူးသည် အမည်မသိ သေနတ်သမားများ၏ ပစ်ခတ်သတ်ဖြတ်မှုကြောင့် ယနေ့နံနက်ပိုင်းတွင် မိုင်းလားမြို့တွင် သေဆုံးသွားသည်။

NDAA – National Democratic Alliance Army အတွင်းရေးမှူး ဦးမင်းအိမ် (ခေါ်) Lin Hongshen သည် ယနေ့နံနက် ၆ နာရီခွဲခန့်က အဖော်တဦးနှင့်အတူ မိုင်းလားမြို့တွင်း လမ်းလျှောက်စဉ် သေနတ်သမားများက ပစ်ခတ်သဖြင့် သေနတ်ဒဏ်ရာ ၇ ချက်ခန့် ထိမှန်ကာ ပွဲချင်းပြီး သေဆုံးသွားခြင်း ဖြစ်သည်။

အဖော်ဖြစ်သူလည်း ဒဏ်ရာပြင်းထန်စွာ ရရှိသဖြင့် တရုတ်နယ်စပ် ဆေးရုံတွင် ယခုအခါ ဆေးကုသမှု ခံယူနေရသည်။

ယခုလုပ်ကြံမှုကြောင့် စစ်အစိုးရ၏ နယ်ခြားစောင့်တပ်အဖြစ် အသွင်ပြောင်းရန် အဆိုပြုချက်ကို ငြင်းဆန်နေသည့် NDAA အဖွဲ့တွင်း အခြေအနေများ ရှုပ်ထွေးနေပြီး၊ အောက်ခြေတပ်သားထု အသိုင်းအဝိုင်းက နအဖ စစ်တပ်နှင့် နီးစပ်သူများကို မလိုလား၍ လုပ်ကြံခြင်းလည်း ဖြစ်နိုင်ကြောင်း NDAA နှင့် နီးစပ်သူတဦးက မဇ္ဈိမကို ပြောသည်။
။။။။။။

သတင်းပေးအဖြစ် လူငယ်များကို ကြံ့ဖွံ့စည်းရုံး

မြန်မာနိုင်ငံအနှံ့ရှိ မြို့နယ်တို့တွင် စစ်အစိုးရအား ဆန့်ကျင်မည့် ရည်ရွယ်လှုပ်ရှားမှုများ ရှိမရှိ သတင်းပေးရန်အတွက် လူငယ်အချို့အား ကြံ့ဖွံ့က စည်းရုံးလျက်ရှိကြောင်း သိရသည်။

သတင်းပေးနိုင်မည့် လူငယ်များ ရရှိနိုင်ရန် ယခုနှစ်ဆန်းပိုင်းက စတင်ဆောင်ရွက်ခြင်းဖြစ်ကြောင်း ရန်ကုန်မြို့ရှိ ကြံ့ဖွံ့ အသင်း ၀င်ထားရသည့် (၁၀) တန်းအောင် ကျောင်းသားတဦးက ပြောသည်။ထိုသို့လုပ်ဆောင်ချက်မှာ (၁၀) တန်းအောင် ကျောင်းသားအရွယ်များနှင့် ကြံ့ဖွံ့ဘက်သို့ ပါနိုင်သောသူများကို ရွေးချယ်ကာ စွမ်းရည်မြှင့်တင်ရေးနှင့် စည်းရုံးရေးသင်တန်းကို မြို့နယ်အသီးသီးတွင်ပေးရန် ၂၀၀၉ ခု နှစ်လယ်ပိုင်းက ချမှတ်ခဲ့သည့် စီမံချက်ကြောင့်ဖြစ်ကြောင်း ရန်ကုန်တိုင်းကြံ့ဖွံ့အဖွဲ့မှ အလုပ်အမှုဆောင်တဦးက ပြောသည်။

အဆိုပါသင်တန်းကို သက်ဆိုင်ရာမြို့နယ်အလိုက် ကြံ့ဖွံ့အသင်းဝင်များ၊ စည်းရုံးရရှိသည့် လူငယ်များနှင့် ဖွင့်လှစ်ခဲ့ရာ နယ်မြေခံ စစ်တပ်အရာရှိ (၁) ဦး၊ မြို့နယ်ရဲတပ်ဖွဲ့ အရာရှိ (၁) ဦးနှင့် ကြံ့ဖွံ့မှ (၃) ဦးတို့က ပတ်ဝန်းကျင်တွင် သတင်းစုံစမ်းတတ်ရန်နှင့် လူမှုပေါင်းသင်းဆက်ဆံရေးကို သင်ကြားပေးခဲ့ကြောင်း သိရသည်။
(NEJ)
။။။။။

လားရှိုးတွင် စစ်တပ်ကို စည်းရုံးသည့် စာများကပ်

ချင်းမိုင် (မဇ္ဈိမ)။ ။ ရှမ်းပြည်မြောက်ပိုင်း လားရှိုးမြို့၌ လူထုစားဝတ်နေရေးနှင့် နိုင်ငံရေး ဆွေးနွေးပွဲတွင် စစ်တပ်ပါ ပူးတွဲဖြေရှင်းစေလိုသည့် စည်းရုံးရေး စာများအား မကြာသေးခင်က ဓာတ်တိုင်နှင့် သစ်ပင်များတွင်ကပ်၍ လှုံ့ဆော်ခဲ့ကြောင်း နယ်မြေခံ ရဲစခန်းနှင့် ဒေသခံများထံမှ စုံစမ်းသိရှိရသည်။

ယခုလ ၂၄ ရက်ညနှင့် ၂၅ ရက်နံနက်တွင် လားရှိုးမြို့ တိုင်းရုံးလမ်း၊ ဗျူဟာလမ်းနှင့် ဘူတာလမ်းတို့တွင် ကပ်သွားကြောင်း ရပ်ကွက် ၂ ရှိ အမှတ် (၁) ရဲစခန်းက မဇ္ဈိမကို ပြောသည်။
“တပ်နဲ့ပြည်သူ ဘဝတူ၊ အတူလက်တွဲ ဒို့အောင်ပွဲ” ၊ “စားဝတ်နေရေး ဖူလုံရေး၊ ချက်ချင်း ဖြေရှင်းပေး” “တွေ့ဆုံဆွေးနွေးအဖြေရှာရေး၊ လက်တွေ့ဦးစားပေး” စသည့် လှုံ့ဆော်စာများဖြစ်ကြောင်း မြို့ခံများထံမှ စုံစမ်းသိရှိရသည်။
(NEJ)
။။။။။

ကင်ဂျိ နာဂါအိ အမှတ်တရဆု အကျဉ်းကျ သတင်းထောက် (၂) ဦးရရှိ


ပြည်တွင်းသတင်းရယူမှုဖြင့် စစ်အစိုးရ၏ နှစ်ရှည် ထောင်ဒဏ်ချခံထားရသည့် သတင်းထောက် မလှလှဝင်းနှင့် ကိုဝင်းမော်တို့ (၂) ဦးကို ယမန်နေ့က ကင်ဂျိ နာဂါအိ အမှတ်တရဆု ရွေးချယ်ပေးအပ်လိုက်သည်။

၂၀၀၇ စက်တင်ဘာ သံဃာ့လှုပ်ရှားမှုတွင် စစ်အစိုးရ သတ်ဖြတ်ခြင်းခံလိုက်ရသည့် ဂျပန်သတင်းထောက် မစ္စတာ ကင်ဂျိ နာဂါအိ အမှတ်တရအဖြစ် ဂျပန်အခြေစိုက် သတင်းဌာန အေပီအက်ဖ်နှင့် မြန်မာသတင်းသမဂ္ဂတို့ ပူးပေါင်းပြီး ယခုဆုကို ပေးအပ်ခြင်းဖြစ်သည်။

ဆုချီးမြှင့်ခြင်းခံရသူ သတင်းထောက် (၂) ဦးမှာ စစ်အစိုးရ အကျဉ်းထောင်ထဲတွင် နှစ်ရှည်ထောင်ဒဏ်များ ကျခံနေရဆဲဖြစ်သည်။

အသက် (၂၆) နှစ်အရွယ် သတင်းထောက် မလှလှဝင်းသည် ပခုက္ကူမြို့ သံဃာတော်များအား တွေ့ဆုံမေးမြန်း သတင်းရယူခဲ့ သောကြောင့် ပြီးခဲ့သည့် ၂၀၀၉ ဒီဇင်ဘာလတွင် စစ်အစိုးရ၏ ထောင်ဒဏ် (၂၇) နှစ် ချမှတ်ခြင်းခံရသည်။

ဗီဒီယိုနှင့် ဓာတ်ပုံသတင်းထောက် ကိုဝင်းမော်ကိုလည်း စစ်အစိုးရက ၂၀၀၇ ခုနှစ်တွင် ဖမ်းဆီးခဲ့ပြီး ထောင်ဒဏ် (၁၇) နှစ် ချမှတ်ခဲ့သည်။
(NEJ)
။။။။။

28.1.10

အဓိကရုဏ်း နှိမ်နင်းရေး တပ်ဖွဲ့များ စတင်ဖွဲ့စည်း

ပြည်ထဲရေးဝန်ကြီးဌာန လက်အောက်ခံ ရဲတပ်ရင်းများသည် အဓိကရုဏ်း နှိမ်နင်းရေးတပ်ဖွဲ့များ ဖွဲ့စည်းပြီး လက်နက်စုဆောင်း မှုများ စတင်လုပ်ဆောင်နေကြောင်း သိရသည်။

၂၀၀၇ ခုနှစ်တွင် ဖြစ်ပွားခဲ့သော စက်တင်ဘာသံဃာ့လှုပ်ရှားမှုတွင် အဓိကရုဏ်းနှိမ်နင်းရေးတပ်များ အသုံးမပြုဘဲ စစ်သားများ အသုံးပြုပစ်ခတ်ခဲ့ပြီး နိုင်ငံတကာမှ ၀ိုင်းဝန်းရှုတ်ချမှုများ ရှိခဲ့ပြီးနောက်ပိုင်း ရွေးကောက်ပွဲ ပြုလုပ်မည်ဟု ပြောဆိုထားသည့် ယခုနှစ်တွင် ရဲတပ်ဖွဲ့ကို အဓိကရုဏ်း နှိမ်နင်းရေးတပ်များ ဖွဲ့စည်းထားရန် ပြည်ထဲရေးဝန်ကြီးဌာနက ယခုလ (၁၄) ရက်နေ့၌ ညွှန်ကြားလိုက်ခြင်းဖြစ်သည်။

ပြည်ထဲရေးဝန်ကြီးဌာနမှ ထုတ်ပြန်သည့်ညွှန်ကြားလွှာတွင် အဆိုပါအဓိကရုဏ်းနှိမ်နင်းရေးတပ်ဖွဲ့တခုတွင် ရဲမှူး (၁) ဦး၊ ဒုရဲမှူး (၁) ဦး၊ ရဲအုပ် သို့မဟုတ် ဒုရဲအုပ် (၂) ဦး၊ ရဲတပ်ကြပ်ကြီး၊ ရဲတပ်ကြပ်၊ ဒုရဲတပ်ကြပ် (၆) ဦးစီနှင့် ရဲတပ်သား (၇၈) ဦးပါဝင် ဖွဲ့စည်းရမည်ဟု ဖော်ပြထားသည်။

လက်နက်များအနေဖြင့် တပ်ဖွဲတဖွဲ့လျှင် မီးခိုးဗုံး (၂) လုံးစီနှင့် ပစ္စတို (၄) လက်၊ ရိုင်ဖယ် (၁၂) လက်၊ အမ် (၇၉) လောင်ချာ (၄) လက်၊ ရှဲဂန်း (၂) လက်စီ စီစဉ်ပေးထားပြီး ရဲတပ်သားများအနေဖြင့် တုတ်၊ ဒိုင်းနှင့် လေးခွများကို အဓိကအသုံးပြုရန် ညွှန်ကြားထားသည်။
(NEJ)
။။။။။

ဝန်ကြီးပြောဆိုချက် တရားရုံး လုပ်ပိုင်ခွင့်ကို ထိပါးဟု ဒေါ်စု ပြော


ချင်းမိုင် (မဇ္ဈိမ)။ ။ စစ်အစိုးရ ပြည်ထဲရေးဝန်ကြီး ဗိုလ်ချုပ်မောင်ဦးက ဒေါ်အောင်ဆန်းစုကြည်အား နိုဝင်ဘာတွင် ပြန်လွှတ်ပေးမည်ဟု ပြောခြင်းသည် တရားရုံး၏ လုပ်ပိုင်ခွင့်ကို ထိပါးရာရောက်ကြောင်း ဒေါ်အောင်ဆန်းစုကြည်က ယနေ့ ပြောဆိုလိုက်သည်။

မန္တလေးတိုင်း ကျောက်ပန်းတောင်းမြို့၌ ဗိုလ်ချုပ်မောင်ဦးက ယင်းသို့ ပြောဆိုခဲ့ခြင်းမှာ မပြောဆိုသင့်သော စကားဖြစ်သည်ဟု ယနေ့ သူမ၏ ရှေ့နေများနှင့် တွေ့ဆုံစဉ် ပြောဆိုလိုက်ခြင်း ဖြစ်သည်။
။။။။။

မီးပျက်မှု ကေအန်ပီပီကို အပြစ်တင်

နအဖစစ်အစိုးရသည် ပိတောက်မြေ အသံလွှင့်ဌာနမှတဆင့် လက်ရှိ ရန်ကုန်မြို့တွင် လျှပ်စစ်မီး ဆိုးဆိုးရွားရွား ပြတ်တောက်နေမှုနှင့် ပတ်သက်ပြီး ကရင်နီအမျိုးသားတိုးတက်ရေးပါတီ (ကေအန်ပီပီ) အဖွဲ့ကို ပြစ်တင် ရှုတ်ချမှုများ လုပ်နေကြောင်း ရန်ကုန်မြို့ခံများက ပြောသည်။

ရန်ကုန်မြို့ခံတဦးက “ပိတောက်မြေ အသံလွှင့်ဌာနကနေ လက်ရှိ ရန်ကုန်မြို့မှာ လျှပ်စစ်မီး ပျက်နေတာဟာ ပြီးခဲ့တဲ့ ဇန်နဝါရီ (၂၃) ရက်နေ့က ကယားပြည်နယ် ဒီမောဆိုမြို့နယ် လိုတာခု ကျေးရွာနားက လျှပ်စစ်ဓာတ်အား ပို့လွှတ်တဲ့ (၂၃ဝ) ကေဗွီအေ ဓာတ်အားလိုင်းက တာဝါတိုင်အမှတ် (၁၃၄) ကို ကေအန်ပီပီက မိုင်းထောင် ဖောက်ခွဲလိုက်လို့ ဖြစ်တယ်။ ကေအန်ပီပီဟာ အလားတူ ဇန်နဝါရီလ (၉) ရက်နေ့ကလည်း တာဝါတိုင်အမှတ် (၁၉၉) ကို မိုင်းထောင် ဖျက်ဆီးခဲ့သေးတယ်။ ခုလို လုပ်တာဟာ ကေအန်ပီပီအနေနဲ့ ပြည်သူတွေ လျှပ်စစ်မီး အပြည့်အဝရပြီး ပျော်ရွှင်ချမ်းမြေ့နေတာကို မနာလို မရှုစိမ့်လို့ လုပ်တာဖြစ်တယ် ဆိုပြီး အသံလွှင့်သွားတယ်။ အဲဒါကိုပဲ တနာရီ တကြိမ်လောက် လွှင့်နေတယ်။ မသိရင် မီးပျက်တာ စစ်အစိုးရကြောင့် မဟုတ်ဘူး၊ ကေအန်ပီပီကြောင့် ဆိုပြီး တလွဲအပြစ်ပုံချနေတယ်” ဟု ပြောသည်။
(NEJ)
။။။။။

ဒုက္ခသည် ပြန်ပို့လျှင် လုံခြုံရေး တာဝန်မယူဟု DKBA ပြော


ချင်းမိုင် (မဇ္ဈိမ)။ ။ ထိုင်းနိုင်ငံ တာ့ခ်ခရိုင် ထာ့ဆောင်ယန်းရှိ ယာယီ ဒုက္ခသည်စခန်း နှစ်ခုမှ ကရင် ဒုက္ခသည်များကို ပြန်ပို့လျှင် လုံခြုံရေး တာဝန်မယူနိုင်ကြောင်း တိုးတက်သော ဗုဒ္ဓဘာသာကရင် တပ်မတော် - DKBA က ပြောသည်။

နို့ဘိုးနှင့် အူးသူးထ စခန်းနှစ်ခုရှိ ဒုက္ခသည် ၂ဝဝဝ ကျော်အား ပြန်လက်ခံနိုင်သော်လည်း ပြန်လည် နေရာချထားမည့် နယ်မြေအတွင်း၌ ထောင်ထားသော မြေမြှုပ်မိုင်း အန္တရာယ်မှ အကာအကွယ် မပေးနိုင်ခြင်း ဖြစ်ကြောင်း DKBA မှ တပ်မှူးတဦးက ပြောဆိုခြင်း ဖြစ်သည်။
။။။။။

ဖောက်ခွဲရေးသမား (၁၁) ဦးကို ဖမ်းဆီးကြောင်း စစ်အစိုးရ ကြေညာ

ပြည်တွင်း ဖောက်ခွဲရေးလုပ်ငန်းများ လုပ်ဆောင်သည်ဆိုသည့် စွပ်စွဲချက်ဖြင့် စစ်အစိုးရက ဖောက်ခွဲရေးပစ္စည်းများဖြင့် လူ (၁၁) ယောက်ကို ဖမ်းဆီးရမိကြောင်း ယနေ့ နိုင်ငံပိုင် သတင်းစာများတွင် ကြေညာချက်ထုတ်ပြန်သည်။

စစ်အစိုးရက ရွေးကောက်ပွဲ ကျင်းပမည်ဆိုသည့် ယခုနှစ်စတွင် နိုင်ငံအနှံ့ ဖောက်ခွဲမှုများ ဖြစ်ပွားခဲ့ပြီးနောက် ယမန်နေ့က ငြိမ်းချမ်းရေးအဖွဲ့ခေါင်းဆောင် (၁) ဦး လုပ်ကြံခံရအပြီး ယခု ထပ်မံ၍ နိုင်ငံအတွင်း ဖောက်ခွဲဖျက်ဆီးရန် လုပ်ဆောင်နေသူများ ဆိုသူ (၁၁) ဦးကို ဖမ်းဆီးလိုက်ခြင်းဖြစ်သည်။

ယခု ဖမ်းဆီးရမိသူများသည် ပြီးခဲ့သည့် ၂၀၀၉ ခုနှစ် စက်တင်ဘာလအတွင်း ရန်ကုန်တိုင်း စက်မှုဇုန်အတွင်း ကမ္ဘာ့ကလေးများ ရန်ပုံငွေအဖွဲ့ (ယူနီဆက်) ၏ ကုန်သိုလှောင်ရုံ အပါအ၀င် နေရာ (၇) ခုကို ဗုံးခွဲတိုက်ခိုက်ခဲ့သည်ဟု စစ်အစိုးရ ပြည်ထဲရေးဝန်ကြီး ဌာနက ပြောကြားသည်။

ယခု ဇန်န၀ါရီလ (၂၂) ရက်မှ (၂၄) ရက်အတွင်း ခေါင်းဆောင်ဖြစ်သူဟု စွပ်စွဲခံရသူ ကိုကျော်ဇေလင်း အပါအ၀င် (၁၁) ဦးနှင့် လက်လုပ်မိုင်း (၃) လုံး၊ ပြုလုပ်ဆဲ လက်လုပ်မိုင်း (၅) လုံး၊ ဒီတိုနေတာ (၄၃) ခု၊ စပိန်နိုင်ငံလုပ် Astra MOD 3000 အမျိုးအစား ဒဿမ (၃၂) ပစ္စတိုတလက်၊ ကျည်ကတ်တခု၊ ကျည် (၃၃) တောင့်၊ ဂြိုဟ်တုဖုန်း (၁) လုံး၊ ၀ိုင်ယာကြိုးခွေ (၂) ခွေ၊ ဖြတ်စ (၆) စည်း၊ ယမ်းကြိုး (၃) ခွေနှင့် အဝေးထိန်းစနစ်သုံး ပစ္စည်းများကို သိမ်းဆည်းရမိသည်ဟုလည်း ပြည်ထဲရေး ၀န်ကြီးဌာနက သတင်းထုတ်ပြန်သည်။

ထို့အပြင် ဖောက်ခွဲရေးလုပ်ငန်းများ လုပ်ကိုင်ခဲ့ပြီး ဆက်လက်လုပ်ကိုင်ရန် ကြံစည်နေသူဟု စွပ်စွဲခံရသူ ကိုကျော်ဇေလင်း (ခေါ်) ကိုဆိုင်းမှာ ပြည်ပအခြေစိုက် မြန်မာနိုင်ငံ ရှေ့နေများကောင်စီ (ဘီအယ်လ်စီ) ထောက်ပံ့မှုဖြင့် ဖောက်ခွဲရေးသင်တန်းများ တက်ရောက်ခဲ့ကြောင်း ဖော်ပြပါရှိသည်။

ယင်းသို့ ဖော်ပြမှုနှင့်ပတ်သက်ပြီး စစ်အစိုးရ စွပ်စွဲပြောဆိုနေသော သူမှာ ၎င်းတို့နှင့် မည်သို့မျှ ပတ်သက်မှုမရှိကြောင်း မြန်မာနိုင်ငံ ရှေ့နေများကောင်စီက ငြင်းဆိုသည်။
(NEJ)
။။။။။

ရွေးကောက်ပွဲမတိုင်မီ ဒေါ်စုကို လွှတ်ရန် အတိုက်အခံများ ပြော


နယူးဒေလီ (မဇ္ဈိမ)။ ။ အမျိုးသား ပြန်လည်သင့်မြတ်ရေး ဆွေးနွေးရန် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို ၂ဝ၁ဝ ရွေးကောက်ပွဲမတိုင်မီ လွှတ်ပေးသင့်ကြောင်း ပြည်တွင်းရှိ အတိုက်အခံ နိုင်ငံရေးသမားများက ပြောဆိုလိုက်သည်။

ထိုအထဲတွင် ဝါရင့်အတိုက်အခံ နှစ်ဦးနှင့် နိုင်ငံရေးပါတီတရပ်မှ ခေါင်းဆောင်တဦး ပါဝင်သည်။
။။။။။

ကေအိုင်အို ကိုယ်စားလှယ်အဖွဲ့နှင့် ဒု-ဗိုလ်ချုပ်ကြီး ရဲမြင့်တို့ တွေ့မည်


ကချင်ပြည်လွတ်လပ်ရေးအဖွဲ့ (ကေအိုင်အို) မှ ကိုယ်စားလှယ်အဖွဲ့နှင့် စစ်ဖက်ရေးရာအရာရှိချုပ် ဒု-ဗိုလ်ချုပ်ကြီး ရဲမြင့်တို့ မနက်ြဖန်တွင် ကချင်ပြည်နယ်၊ မြစ်ကြီးနားမြို့၌ တွေ့ဆုံရန်ရှိသည်။

အပစ်ရပ်အဖွဲ့များ နယ်ခြားစောင့်တပ်ဖွဲ့စည်းရေးအတွက် အဓိကတာဝန်ယူထားသူ ဒု- ဗိုလ်ချုပ်ကြီး ရဲမြင့်အား ဥက္ကဋ္ဌ ဦးဇောင်းဟရားအပါအဝင် ဒု-ဥက္ကဋ္ဌ ဗိုလ်ချုပ် ဂေါ်ရီဇော်ဆိုင်း ဦးဆောင်သည့် ကေအိုင်အို ကိုယ်စားလှယ်အဖွဲ့က မနက်ဖြန်တွင် မြစ်ကြီးနားမြို့၊ မြောက်ပိုင်းတိုင်းစစ်ဌာနချုပ် (မပခ) တွင် တွေ့ဆုံရန်ရှိသည်ဟု ကေအိုင်အို ခေါင်းဆောင်များနှင့်နီးစပ်သူ မြစ်ကြီးနားဒေသခံတဦးက ပြောသည်။
(NEJ)
။။။။။

ဒီဗီဘီ သတင်းထောက် ထောင်ဒဏ် ၁၃ နှစ် ကျခံရ


ချင်းမိုင် (မဇ္ဈိမ)။ ။ အတိုက်အခံ သတင်းဌာနတခုဖြစ်သည့် နော်ဝေနိုင်ငံအခြေစိုက် ဒီမိုကရက်တစ် မြန်မာ့အသံ - ဒီဗီဘီ သတင်းထောက် ကိုငွေစိုးလင်းကို အင်းစိန်ထောင် အနောက်ပိုင်းခရိုင် တရားရုံးက ယမန်နေ့တွင် ထောင်ဒဏ် ၁၃ နှစ် ချမှတ်လိုက်ကြောင်း ၎င်းနှင့် နီးစပ်သူများ အဆိုအရ သိရသည်။

ရန်ကုန်တိုင်း တောင်ဒဂုံမြို့နယ်နေ ၂၈ နှစ်အရွယ် ကိုငွေစိုးလင်းကို အီလက်ထရောနစ် အက်ဥပဒေ ပုဒ်မ ၃၃ (က) ဖြင့် ၁ဝ နှစ်နှင့် လဝက အရေးပေါ် ပြဋ္ဌာန်းချက် ဥပဒေ ပုဒ်မ ၁၃ (၁) ဖြင့် ၃ နှစ် စုစုပေါင်း ထောင်ဒဏ် ၁၃ နှစ် ချမှတ်လိုက်ကြောင်း ၎င်းတို့က ပြောဆိုခြင်း ဖြစ်သည်။
။။။။။

29.1.10

ပြည်ထဲရေးဝန်ကြီးပြောကြားချက် ဒေါ်အောင်ဆန်းစုကြည်တုံ့ပြန်


ဒေါ်အောင်ဆန်းစုကြည်အား လာမည့်နိုဝင်ဘာလတွင် ပြန်လွှတ်ပေးမည်ဟု နအဖပြည်ထဲရေးဝန်ကြီး ဗိုလ်ချုပ်မောင်ဦး၏ ပြောကြားချက်ကို ဒေါ်အောင်ဆန်းစုကြည်က မတရားသည့် ပြောဆိုချက်ဖြစ်ကြောင်း ပြန်လည်တုံ့ပြန်လိုက်သည်။

ယမန်နေ့က ရှေ့နေကြီး ဦးဉာဏ်ဝင်းနှင့် နေအိမ်တွင်တွေ့ဆုံခဲ့စဉ် ဒေါ်အောင်ဆန်းစုကြည်က ယင်းသို့ ပြောကြားခဲ့ခြင်း ဖြစ်သည်။

ဦးဉာဏ်ဝင်းက “နိုဝင်ဘာမှာ ဒေါ်စုကိုလွှတ်ပေးမယ်လို့ ပြည်ထဲရေးဝန်ကြီးက ပြောကြားတာနဲ့ပတ်သက်ပြီး ဒေါ်စုက ဒါမတရားတဲ့ ပြောကြားချက်ပဲတဲ့။ ဘာလို့လည်းဆိုတော့ သူ့ကိုအပြစ်ချထားတဲ့ ပြစ်မှုနဲ့ပတ်သက်ပြီးတော့ နိုင်ငံတော်တရားရုံးချုပ်က အမိန့်မချရသေးဘူး၊ မပြီးပြတ်သေးဘူး၊ မပြီးပြတ်ခင်အတွင်းမှာ ဒီလိုပြောတာဟာ တရားရုံးရဲ့ လုပ်ငန်းကို လွှမ်းမိုးပြောဆိုရာ ရောက်တယ်လို့ အဲလိုပြောပါတယ်” ဟု ပြောသည်။
(NEJ)
။။။။။

နိုင်ငံရေး အကျဉ်းသား ပိုများလာနိုင်ကြောင်း AAPP သုံးသပ်

နယူးဒေလီ (မဇ္ဈိမ)။ ။ ၂၀၁၀ ရွေးကောက်ပွဲ ဆန့်ကျင် လှုပ်ရှားမှုများ ပိုမို များပြားလာနိုင်သဖြင့် ယခုနှစ်တွင် နိုင်ငံရေး အကျဉ်းသား အရေအတွက် ပိုများလာနိုင်ကြောင်း နိုင်ငံရေး အကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) AAPP-B က ပြောသည်။

၂၀၀၉ ခုနှစ်တွင် ရွေးကောက်ပွဲ ဆန့်ကျင်သူ ၁၁ ဦး ဖမ်းဆီးခံခဲ့ရပြီး၊ ရွေးကောက်ပွဲ ကျင်းပမည်ဟု စစ်အစိုးရ ကြေညာထားသော ယခုနှစ်တွင်မူ ပြီးခဲ့သည့်နှစ်ထက် ပိုမိုသည့် ဆန့်ကျင်ကန့်ကွက်မှုများ ဖြစ်ပေါ်လာနိုင်သဖြင့် ထိုင်းနိုင်ငံအခြေစိုက် AAPP-B က ထိုကဲ့သို့ သုံးသပ်ပြောဆိုခြင်း ဖြစ်သည်။
။။။။။

ထိုင်း-မြန်မာနယ်စပ်ရောက် မြန်မာရဲအရာရှိတဦး
ရဲတပ်သားများဘ၀ ရင်ဖွင့်ပြောကြား

မြန်မာနိုင်ငံရဲတပ်ဖွဲ့အတွင်း ကြီးနိုင်ငယ်ညှဉ်း မတရားဖိနှိပ်မှုဒဏ်များကို မခံနိုင်တော့သဖြင့် ကရင်ပြည်နယ်မှ ရဲအရာရှိတဦး ထိုင်း-မြန်မာနယ်စပ်သို့ ထွက်ပြေးရောက်ရှိလာသည်။

ယခုရက်ပိုင်းအတွင်း ရောက်ရှိလာသည့် အဆိုပါ ဒု-ရဲအုပ်က မြန်မာနိုင်ငံရဲတပ်ဖွဲ့သည် စစ်အာဏာပိုင်များ၏ စေခိုင်းချက်အတိုင်း လှုပ်ရှားနေရပြီး ရဲတပ်ဖွဲ့အတွင်း၌လည်း အထက်မှ အောက်ခြေတပ်ဖွဲ့ဝင်များကို နေ့စဉ်ဖိအားပေးမှုများရှိနေသည့်အတွက် တပ်ဖွဲ့ဝင်များ စိတ်ဓာတ်ကျဆင်းနေသည်ဟု ပြောသည်။
(NEJ)
။။။။။

ပြည်သူထိခိုက်ရန် မိုင်းခွဲခြင်းမဟုတ် ဟု KNPP တုံ့ပြန်ချေပ

နယူးဒေလီ (မဇ္ဈိမ)။ ။ လျှပ်စစ်တာဝါတိုင် မိုင်းခွဲ ဖျက်ဆီးမှုတွင် တာဝန်ရှိသော်လည်း စစ်အစိုးရကို တိုက်ခိုက်ခြင်းသာဖြစ်ပြီး၊ ပြည်သူလူထု လျှပ်စစ်မီး မရရှိစေရန် မရည်ရွယ်ပါကြောင်း ကရင်နီ အမျိုးသား တိုးတက်ရေးပါတီ KNPP က ပြောဆိုသည်။

ရန်ကုန်၌ လျှပ်စစ်မီးများ ဆိုးရွားစွာ ပြတ်တောက်နေခြင်းသည် ယခုလ ၂၃ ရက်နေ့တွင် ကယားပြည်နယ်ရှိ လျှပ်စစ်တာဝါတိုင် တခုကို KNPP က မိုင်းထောင် ဖျက်ဆီးခဲ့ခြင်းကြောင့်ဟု စစ်အစိုးရ ရုံးစိုက်ရာ နေပြည်တော်မှ ထုတ်လွှင့်နေသည့် ပိတောက်မြေ FM က ယခုတပတ်အတွင်း စွပ်စွဲ ပြောကြားနေသည်များအပေါ် KNPP က တုံ့ပြန် ပြောဆိုလိုက်ခြင်း ဖြစ်သည်။ကယားပြည်နယ် ဒီမောဆိုမြို့နယ် လိုတာခု ကျေးရွာအနီးရှိ လောပိတမှ တောင်ငူသို့ ဓာတ်အားပို့လွှတ်သည့် ၂၃၀ ကေဗွီအေ ဓာတ်အားလိုင်းမှ လျှပ်စစ်တာဝါတိုင် အမှတ် ၁၃၄ ပျက်စီးကာ လျှပ်စစ်ဓာတ်အား ပြတ်တောက်ခဲ့ကြောင်းနှင့် ထိုအဖွဲ့က ယခုလ ၉ ရက်နေ့တွင် တာဝါတိုင်အမှတ် ၁၉၉ ကိုပါ မိုင်းခွဲဖျက်ဆီးခဲ့ကြောင်း ဖော်ပြထားသည်။

သို့သော် KNPP က တာဝါတိုင်အမှတ် ၁၃၄ ကိုသာ ၎င်းတို့လက်ချက်ဟု ဝန်ခံခဲ့ပြီး၊ တိုင်အမှတ် ၁၉၉ ကိုမူ ၎င်းတို့ လက်ချက် မဟုတ်ကြောင်း ငြင်းဆိုသည်။
။။။။။

ရွေးကောက်ပွဲ ဆန့်ကျင်သူ ရဟန်းပျို ချုပ်နှောင်သည့်နေရာ သိခွင့်မရသေး

၂၀၁၀ ရွေးကောက်ပွဲ ဆန့်ကျင်ရေး စာရွက်စာတမ်းများ လက်ဝယ်တွေ့ရှိမှုဖြင့် နအဖအာဏာပိုင်တို့က ဖမ်းဆီးသွားသည့် မွန်ရဟန်းပျိုကို ရန်ကုန်မြို့သို့ ပို့ဆောင်လိုက်ပြီးနောက် ရက်သတ္တ (၃) ပတ်ကျော် ကြာမြင့်သော်လည်း မည်သည့်နေရာ၌ ချုပ်နှောင်ထားသည်ကို မသိရသေးကြောင်း ၎င်း၏ဆွေမျိုးများက ပြောသည်။အသက် (၂၈) နှစ်အရွယ် အရှင်ဥက္ကံသ ခေါ် ဦးဇင်း ဇော်လတ်သည် သံဖြူဇရပ်မြို့၌ ယခုလ (၇) ရက်တွင် ဒေသခံရဲတပ်ဖွဲ့၏ ဖမ်းဆီးလူဝတ်လဲခြင်းခံရပြီး ရိုက်နှက်စစ်ဆေးထားသည့်ဒဏ်ရာဖြင့် မော်လမြိုင်ဆေးရုံသို့ ရောက်ရှိလာကာ ရန်ကုန်သို့ ပို့ဆောင်ခဲ့ပြီးနောက် အစပျောက်သွားခြင်းဖြစ်ကြောင်း ဆွေမျိုးအသိုင်းအဝိုင်းထံမှ သိရသည်။မွန်ပြည်နယ် ချောင်းဆုံ (ဘီလူးကျွန်း) မြို့နယ် မုဒွန်းကျေးရွာဇာတိ အရှင်ဥက္ကံသအား ဖမ်းဆီးသွားပြီးနောက် ၎င်း၏ တကာတဦးဖြစ်သူ မုဒွန်းရွာသား လူငယ်တဦးကိုလည်း အာဏာပိုင်တို့က ဇန်နဝါရီ (၁၂) ရက်နေ့တွင် ထပ်မံဖမ်းဆီးခဲ့သည်။
(NEJ)
။။။။။

တန်းတူရေး လက်ခံလျှင် တော်လှန်ရေး စွန့်မည်ဟု KIO ထပ်ပြော

ချင်းမိုင် (မဇ္ဈိမ)။ ။ တိုင်းရင်းသားလူမျိုးများ တန်းတူရေးကို စစ်အစိုးရဘက်က လက်ခံလျှင် လက်နက်ကိုင် တော်လှန်ရေးကို စွန့်လွှတ်မည်ဟု ကချင်အမျိုးသား လွတ်မြောက်ရေးအဖွဲ့ KIO က နအဖ စစ်ဖက်ရေးရာ လုံခြုံရေးအရာရှိချုပ် ဒုဗိုလ်ချုပ်ကြီးရဲမြင့်နှင့် ယနေ့ တွေ့ဆုံရာတွင် ထပ်မံပြောဆိုလိုက်ပြန်သည်။

နအဖ အနေဖြင့် ၁၉၄၇ ခုနှစ် ပင်လုံစာချုပ်ပါ တန်းတူအခွင့်အရေးကို လက်ခံပါက KIO သည် စစ်အစိုးရ အဆိုပြုထားသည့် နယ်ခြားစောင့်တပ်အဖြစ် အသွင်ပြောင်းရန် မလိုအပ်ဘဲ တော်လှန်ရေးကိုပင် စွန့်လွှတ်မည်ဟု ကချင်ပြည်နယ် မြစ်ကြီးနားမြို့ရှိ မြောက်ပိုင်းတိုင်း စစ်ဌာနချုပ် - မပခ ရုံးတွင် တွေ့ဆုံကြရာ၌ KIO က ယခုလို ထပ်မံပြောဆိုခဲ့ခြင်း ဖြစ်သည်။

ဤပြောဆိုချက်မှာ ၁၉၄၇ ခုနှစ် ဖေဖော်ဝါရီလ ၁၂ ရက်နေ့တွင် ရှမ်းပြည်နယ် ပင်လုံမြို့၌ ဗိုလ်ချုပ်အောင်ဆန်းနှင့် ကချင်၊ ချင်းနှင့် ရှမ်းတိုင်းရင်းသား ခေါင်းဆောင်များသည် တိုင်းရင်းသားပေါင်းစုံ သွေးစည်းညီညွတ်ရေးကို အခြေခံပြီး တိုင်းရင်းသားလူမျိုးများ တန်းတူညီမျှ အခွင့်အရေး အာမခံသည့် ပင်လုံစာချုပ်ကို လက်မှတ်ရေးထိုးခဲ့သည့်အပေါ် ရည်ညွှန်း၍ ပြောဆိုခြင်းလည်း ဖြစ်သည်။
။။။။။

3-2010

18.1.10

ဒေါ်စု လွတ်လာလိမ့်မည်ဟု ရှေ့နေများ မျှော်လင့်


ချင်းမိုင် (မဇ္ဈိမ) ။ ။ ဒေါ်အောင်ဆန်းစုကြည်သည် အမှုနိုင်ပြီး လုံးဝ လွတ်မြောက် လာလိမ့်မည်ဟု အကောင်းဘက်ကို မျှော်လင့်ကြောင်း သူ၏ ရှေ့နေများက ပြောသည်။

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား ချမှတ်ခဲ့သည့် နေအိမ်တွင် ကန့်သတ် ချုပ်နှောင်ထားသည့် ပြစ်ဒဏ်ကို ပြင်ဆင်ရန် တင်သွင်းထားသည့်အပေါ် နှစ်ဖက်ရှေ့နေများက အပြီးသတ် လျှောက်လဲမှု ၃ နာရီကြာ ယနေ့ပြုလုပ်ခဲ့အပြီး ထိုသို့ ပြောဆိုလိုက်ခြင်း ဖြစ်သည်။
ပျက်ပယ်ပြီးဖြစ်သော ၁၉၇၄ ခုနှစ် အခြေခံဥပဒေကို အခြေခံထားသည့် ၁၉၇၅ ခုနှစ် ဥပဒေအရ စီရင်ခဲ့သည်ဟု ဆိုကာ တရားရုံး ဆုံးဖြတ်ချက်ကို ဒေါ်အောင်ဆန်းစုကြည်၏ ရှေ့နေများက လက်မခံဘဲ ငြင်းပယ် ခဲ့ကြသည်။

တရားလို စစ်အစိုးရဘက်ကမူ ၁၉၇၄ ခုနှစ် အခြေခံ ဥပဒေသည် ရပ်ဆိုင်းသွားသော်လည်း ဖွဲ့စည်းပုံ ဥပဒေနှင့် သက်ဆိုင်သည့် ပုဒ်မများ ဆက်လက် တည်ရှိသည်ဟု တုံ့ပြန်ထားသည်။
။။။။။

ပေါက်ယူချန်း၏ စစ်ရေးသတိရှိရန် မိန့်ခွန်း ဝတပ်ဖွဲ့တီဗွီမှ ထုတ်လွှင့်


ဝပြည်သွေးစည်းညီညွတ်ရေးတပ်မတော် (UWSA) ခေါ် ဝတပ်ဖွဲ့ ဥက္ကဋ္ဌ ပေါက်ယူချန်း၏ မိန့်ခွန်းတိုအား ဝတပ်ဖွဲ့၏ ရုပ်မြင်သံကြားဌာနမှတဆင့် ဒေသအတွင်း ထုတ်လွှင့်ပြသနေသည်။

တရုတ်နှင့် ဝဘာသာဖြင့် ပြောကြားချက်တွင် ဝတပ်ဖွဲ့အနေဖြင့် ပါတီ၏ ဦးဆောင်မှုဖြင့် ဝဒေသအား စွမ်းစွမ်းတမံ ကာကွယ်သွားရန်အတွက် စစ်ရေးသတိရှိရန် ပြောဆိုခြင်းဖြစ်ပြီး ဝရုပ်မြင်သံကြားဌာန (WSTV) က နံနက်ပိုင်းနှင့် ညနေပိုင်းများတွင် ရက်ခြားဆိုသလို ထုတ်လွှင့်ပြသနေသည်ဟု ပန်ဆန်းမြို့မှ ဝတပ်ဖွဲ့ဝင်တဦးက ပြောသည်။
(NEJ)
။။။။။

နိုင်ငံရေးသမား ၂၀ ကျော် အမှု တလအတွင်း စီရင်ဖွယ်ရှိ


နယူးဒေလီ (မဇ္ဈိမ)။ ။ အင်းစိန်ထောင်တွင်း အထူးတရားရုံးများက နိုင်ငံရေးတက်ကြွလှုပ်ရှားသူ ဦးရေ ၂၀ ကျော်၏ အမှုများအား ယခုလအတွင်း အပြီးသတ် စစ်ဆေးစီရင်ရန် စီစဉ်နေကြောင်း ရန်ကုန် ရှေ့နေ အသိုင်းအဝိုင်း အဆိုအရ သိရသည်။
နိုင်ငံရေး တက်ကြွလှုပ်ရှားသူများ၏ အမှုများကို အင်းစိန်ထောင်တွင်း၌ ယခုလို မြန်ဆန်စွာ စစ်ဆေးနေခြင်းသည် ၂ဝ၁ဝ ရွေးကောက်ပွဲနှင့် ပတ်သက်နေနိုင်ကြောင်း ရန်ကုန်ရှိ ဗဟိုတရားရုံးချုပ် ရှေ့နေတဦးဖြစ်သူ ဦးကြည်ဝင်းက ထင်မြင်ချက်ပေးသည်။
။။။။။

လာဘ်ပေးလာဘ်ယူကိစ္စ အစိုးရအဖွဲ့ရုံးမှ ညွှန်ကြားချက်ထုတ်

လာဘ်ပေးလာဘ်ယူကိစ္စနှင့်ပတ်သက်ပြီး ဌာနဆိုင်ရာအကြီးအကဲများက မိမိလက်အောက်ဝန်ထမ်းများကို ပညာပေးရန် ပြည်ထောင်စုမြန်မာနိုင်ငံတော် အစိုးရအဖွဲ့ရုံးမှ ညွှန်ကြားချက်တစောင် ထုတ်ပြန်ထားကြောင်း ယဉ်ကျေးမှုဝန်ကြီးဌာနမှ အရာရှိကြီးတဦးက ပြောသည်။အစိုးရ ဝန်ကြီးဌာန အသီးသီးတွင် လာဘ်ပေးလာဘ်ယူမှုသည် ခိုင်မာစွာ အမြစ်တွယ်နေပြီး အရာရှိမှ အထက်ဆင့် အားလုံးလိုလို အစိုးရပေးသည့် လစာ (၅-၆) သောင်းမှ (၁) သိန်းကျော်ကို မည်သူမှ ဂရုမစိုက်ကြောင်း၊ ယင်းငွေဖြင့်လည်း လူတန်းမစေ့ ကြောင်း၊ လာဘ်ယူမှုမှရသည့် ဝင်ငွေသည်သာ အဓိကဝင်ငွေဖြစ်ကြောင်း၊ ဌာနတွင်း ရာထူးတက်ချင်ရင်၊ နေရာပြောင်းချင်ရင် ကိုယ်ကိုယ်တိုင် လာဘ်ပြန်ပေးရကြောင်း ပြည်တွင်းအခွန်ဦးစီးဌာန ကုမ္ပဏီများ မှတ်ပုံတင်ရုံးမှ ဦးစီးအရာရှိတဦးက ပြောသည်။
(NEJ)
။။။။။

နိုင်ငံရေး အကျဉ်းသား ထောင်ဝင်စာ အပိတ်ခံရ

နယူးဒေလီ (မဇ္ဈိမ)။ ။ ရွှေဝါရောင် လှုပ်ရှားမှုတွင် ပါဝင်ခဲ့သဖြင့် အင်းစိန်ထောင်တွင် ၉ နှစ် ကျခံနေရသည့် လှိုင်သာယာမြို့နယ် အန်အယ်ဒီ မြို့နယ်စည်း အဖွဲ့ဝင် ဦးတင်ယုအား ထောင်ဝင်စာတွေ့ခွင့် တလပိတ်ကြောင်း သမီးဖြစ်သူက ပြောသည်။
။။။။။

အန်အယ်ဒီနှင့် အမေရိကန် ပညာရှင်အဖွဲ့ တွေ့ဆုံ


ချင်းမိုင် (မဇ္ဈိမ) ။ ။ အမေရိကန်နိုင်ငံ ဂျွန်ဟော့ပ်ကင်းစ် John Hopkins တက္ကသိုလ်မှ အရှေ့တောင် အာရှ လေ့လာရေးဌာန ညွှန်ကြားရေးမှူးချုပ် ပါမောက္ခ ကားလ် ဒီ ဂျက်ဆင် (Karl D Jakson) ဦးဆောင်သော အဖွဲ့သည် အမျိုးသား ဒီမိုကရေစီ အဖွဲ့ချုပ် ခေါင်းဆောင်အချို့နှင့် တွေ့ဆုံခဲ့သည်။

ပါမောက္ခ ကားလ် ဒီ ဂျက်ဆင် ဦးဆောင်သော ၃ ဦးအဖွဲ့သည် ဇန်နဝါရီလ ၁၁ ရက်နေ့က ရန်ကုန်ရှိ အန်အယ်ဒီ ရုံးချုပ်သို့လာရောက်ပြီး ဗဟိုအလုပ်အမှုဆောင် အဖွဲ့ဝင်များ ဖြစ်ကြသည့် ဦးဥာဏ်ဝင်း၊ ဦးဟံသာမြင့်၊ ဦးအုန်းကြိုင်တို့နှင့် ယခုလ ၁၁ ရက်နေ့ ညနေ ၄ နာရီခွဲမှ ၅ နာရီခွဲအထိ တနာရီကြာ တွေ့ဆုံခဲ့သည်။
။။။။။။။။။။။။။။။။။။။
19.1.10

အန်အယ်ဒီက ဗဟိုဦးစီးအဖွဲ့ကိုလည်း ပြန်ဖွဲ့ရန် ပြင်ဆင်


နယူးဒေလီ (မဇ္ဈိမ)။ ။ဗဟို အလုပ်မှုဆောင် အဖွဲ့ကို တိုးချဲ့လိုက်သည့် အမျိုးသား ဒီမိုကရေစီ အဖွဲ့ချုပ်က နောက်ထပ် ခြေလှမ်းတရပ်အဖြစ် ၁၃ နှစ်ခန့် သက်ဝင်လှုပ်ရှားမှု မရှိတော့သည့် ပါတီ ဗဟိုဦးစီးအဖွဲ့ (CC) ကို ပြင်လည် ဖွဲ့စည်းသွားရန် ယမန်နေ့က ဆုံးဖြတ်လိုက်သည်။

ယမန်နေ့က ရန်ကုန်တိုင်း ရွှေဂုံတိုင်ရှိ ပါတီရုံးချုပ်တွင် ပြုလုပ်ခဲ့သည့် ပထမအကြိမ် ဗဟို အလုပ်အမှုဆောင် ကော်မတီသစ် (CEC) အစည်းအဝေးက ရှေ့လုပ်ငန်းစဉ်အဖြစ် ဗဟိုဦးစီးအဖွဲ့သစ် (CC) ကို ပြင်လည် ဖွဲ့စည်းရန် ဆုံးဖြတ်ခဲ့ကြောင်း ပါတီ ပြောခွင့်ရပုဂ္ဂိုလ်များ အဆိုအရ သိရခြင်း ဖြစ်သည်။၁၉၉၀ ခုနှစ်အတွင်းမှ စတင်၍ တိုင်းနှင့် ပြည်နယ် ကိုယ်စားလှယ်များဖြင့် ဖွဲ့စည်းခဲ့သည့် CC အဖွဲ့ဝင် ဦးရေသည် ၈၀ ရှိခဲ့သော်လည်း ၁၉၉၇ ခုနှစ်တွင် အာဏာပိုင်များက အဆိုပါ အဖွဲ့ဝင် အများအပြားကို ဖမ်းဆီး ထိန်းသိမ်းခဲ့သဖြင့် ဖျက်သိမ်းခဲ့သည့် သဘောမျိုး ဖြစ်ခဲ့ရကြောင်း သိရသည်။
။။။။။

ကချင်အထူးဒေသ (၁) အစည်းအဝေး သဘောတူညီချက်မရဘဲ ပြီးဆုံး


ဇန်နဝါရီ (၁၃) ရက်မှ (၁၆) ရက်အထိ မြစ်ကြီးနားမြို့တွင် ကျင်းပခဲ့သည့် ကချင်အထူးဒေသ (၁) အထူးအစည်းအဝေးပွဲ၌ မည်သည့်အရေးပါသော ဆုံးဖြတ်ချက်မှ မချနိုင်ဘဲ ပြီးဆုံးခဲ့ကြောင်း အစည်းအဝေးတက်ရောက်သည့် ကိုယ်စားလှယ်များက ပြောသည်။အစည်းအဝေးတွင် ခေါင်းဆောင်များနှင့် ကိုယ်စားလှယ်များက တပ်မှထွက်ပြီးဖြစ်သည့် တော်လှန်ရေး ရဲဘော်ဟောင်းများကို ကြည့်ရှုထောက်ပံ့ရေး၊ နယ်ခြားစောင့်တပ်တွင် တပ်ပြေးများနေသည့်အတွက် တပ်သားများကို ဒေသတွင်းမှ ပြောင်းရွှေ့ခြင်း မပြုရန် စစ်အစိုးရထံ တောင်းဆိုရေး၊ ကချင်အထူးဒေ (၁) ၏ စီးပွားရေးလုပ်ငန်းများကို ရှင်းပြရေး၊ လက်ရှိ ငြိမ်းချမ်းရေး ကောင်စီကို ကြားကာလ အုပ်ချုပ်ရေးအဖွဲ့အဖြစ် ပီပီပြင်ပြင် ပြန်လည်ပြင်ဆင်ဖွဲ့စည်းရေး၊ လုပ်ငန်းစဉ်အသစ်များ ချမှတ်ရေးနှင့် ဒေသက ထောက်ပံ့နေသည့် ကျောင်းဆရာများ၏လစာကိစ္စ စသည့်ကိစ္စရပ်များကို ဆုံးဖြတ်နိုင်ခဲ့ခြင်း မရှိကြောင်း သိရသည်။
(NEJ)
။။။။။

ဦးဝင်းတင် မန္တလေးသို့ ခရီးထွက်

နယူးဒေလီ (မဇ္ဈိမ)။ ။ အာဏာပိုင်များ၏ မျက်ခြေမပြတ် စောင့်ကြည့်ခံရသည့် အမျိုးသား ဒီမိုကရေစီ အဖွဲ့ချုပ် ခေါင်းဆောင် ဦးဝင်းတင်သည် နိုင်ငံ့အလယ်ပိုင်းရှိ မန္တလေးမြို့သို့ ယမန်နေ့မှ စတင်၍ ခရီးထွက်လာသည်။

၁၉ နှစ်ကျော် အကျဉ်းကျခဲ့ရာမှ ပြန်လွတ်လာပြီးနောက် တနှစ်နှင့် ၄ လခန့်အတွင်း သွားလေရာနောက်သို့ အာဏာပိုင်များက သတိကြီးစွာ စောင့်ကြည့်နေခဲ့ရာမှ ယခုအခါ ရန်ကုန်မြောက်ပိုင်း ၄၃ဝ ခန့်မိုင်အကွာရှိ မန္တလေးသို့ ထွက်ခွာလာခြင်း ဖြစ်သည်။ မှတ်ပုံတင်ရပြီးနောက် နှလုံးခွဲစိတ်ကုသမှု ခံယူခဲ့ရသဖြင့် ကျန်းမာရေး အခြေအေနေအရ ခရီးမထွက်နိုင်ဘဲ ယခုမှ စတင်၍ ရန်ကုန်ပြင်ပ ခရီးရှည်ထွက်ခြင်း ဖြစ်သည်။
OoWinTinsယမန်နေ့ ညနေတွင် စတင်မည့် ခရီးစဉ်အတွက် ဘတ်စ်ကားလက်မှတ် ဝယ်ယူရာနှင့် ခရီးတလျှောက်၌ အနှောင့်အယှက် တစုံတရာ မရှိဘဲ မန္တလေးသို့ ယနေ့နံနက်ပိုင်းတွင် ရောက်လာခဲ့သည်။

ယနေ့ ကျင်းပသော နိုင်ငံကျော် သတင်းစာဆရာကြီး လူထုဦးလှ (ကွယ်လွန်) နှစ် ၁၀၀ ပြည့် အခန်းအနားသို့ တက်ရောက်ရန် ဦးဝင်းတင်နှင့်အတူ ဦးအုန်းကြိုင် (အန်အယ်ဒီ ဗဟိုအလုပ်အမှုဆောင်ဝင်)၊ ကဗျာဆရာ ဖျာပုံနီလုံဦး (ခေါ်) ဦးအောင်မြင့်နှင့် စာရေးဆရာ မုံရွာအောင်ရှင်တို့လည်း လိုက်ပါလာကြသည်။
။။။။။

လူထုဦးလှ ရာပြည့်အခမ်းအနား ကျင်းပ


သတင်းစာဆရာနှင့် စာရေးဆရာကြီး လူထုဦးလှ၏ ရာပြည့်အခမ်းအနားကို မန္တလေးမြို့ မဏိရတနာရာမ မြတောင်တိုက်၌ ယနေ့နံနက်တွင် ကျင်းပပြုလုပ်သည်။

လူထုဦးလှ၏ အသက်တရာပြည့် မွေးနေ့အထိမ်းအမှတ်အဖြစ် သံဃာတော် (၅၅) ပါးကို နေ့ဆွမ်းကပ်လှူခဲ့ကာ အခမ်းအနားသို့ တက်ရောက်လာသည့် ပရိသတ်များကိုလည်း နေ့လယ်စာဖြင့် တည်ခင်း ဧည့်ခံခဲ့ကြောင်း သိရသည်။

လူထုဦးလှ၏ ရာပြည့်အခမ်းအနားအတွက် ဆရာကြီး ဒဂုံတာရာ၊ ဦးသော်ကောင်း၊ ဆရာမကြီး ကလျာ (၀ိဇ္ဇာသိပ္ပံ) နှင့် ဦးဝင်းငြိမ်းတို့က ပေးပို့သော မွေးနေ့သ၀ဏ်လွှာများကိုလည်း ဖတ်ကြားခဲ့ကြောင်း လူထုဦးလှ၏သားဖြစ်သူ စာရေးဆရာ ညီပုလေးက ပြောသည်။

ထုိ့အပြင် စာရေးဆရာကြီး လူထုစိန်ဝင်း၊ ဆရာမ ခင်နှင်းဦးနှင့် စောနိုင် (မန္တလေးတက္ကသိုလ်) တို့ ရေးသားကြသော စာတမ်း (၄) စောင်ကိုလည်း အခမ်းအနားတွင် ဖတ်ကြားခဲ့သည်ဟု စာရေးဆရာ ညီပုလေးက ပြောသည်။

ဆရာကြီး လူထုဦးလှ ရာပြည့်အခမ်းအနားသို့ ရန်ကုန်မှ စာပေလောကသား (၅၀) ကျော် တက်ရောက်ခဲ့ကြောင်း အခမ်းအနား တက်ရောက်ခဲ့သူ ရန်ကုန်အခြေစိုက် သတင်းဂျာနယ်တစောင်မှ သတင်းထောက်တဦးက ပြောသည်။
(NEJ)
။။။။။

စစ်အစိုးရအလိုကျ ဆောင်းပါးများ ဖော်ပြရန် ဂျာနယ်များကို ညွှန်ကြား


ချင်းမိုင် (မဇ္ဈိမ) ။ ။ စာပေစိစစ်ရေးက ပြည်တွင်းအခြေစိုက် သတင်းဂျာနယ်အချို့အား သတင်းတပုဒ်နှင့် ဆောင်းပါးတပုဒ်ကို ပြီးခဲ့သည့် ရက်ပတ်က ဖိအားပေးကာ ထည့်ခိုင်းသည်ဟု ပြည်တွင်းအယ်ဒီတာများက ပြောသည်။

ဂျော်ဒန်နိုင်ငံရောက် မြန်မာနှင့် ဘင်္ဂလားဒေ့ခ်ျ လုပ်သားများအကြား အုပ်စုလိုက် ရန်ပွဲဖြစ်ပွားပြီးနောက် အစ္စရေးနိုင်ငံဆိုင်ရာ မြန်မာသံအမတ်က ကြားဝင်ဖြေရှင်းပေးမှုဖြင့် ပြဿနာ ပြေလည် သွားစေခဲ့သည် ဆိုသော သတင်းနှင့် ပဲခူးတိုင်း သဲကုန်း မြို့နယ် အင်းမကျေးရွာမှ တပ်မ ၆၆ နှင့် စစ်ထောက်လှမ်းရေး အကြား ပြဿနာ ပေါ်ပေါက်မှု ကောလာဟလ မဟုတ်မှန်ဟူသော ဆောင်းပါးတို့ကို မထည့်မနေရ ထည့်သွင်း ဖော်ပြခိုင်းလာခြင်း ဖြစ်သည်။
။။။။။။။။။။။။။။။။။
20.1.10


မြန်မာနှင့်ဆက်ဆံရေး စိတ်ရှည်မည် မဟုတ်ဟု
အမေရိကန်အစိုးရ ထိပ်တန်းအရာရှိ ပြောကြား


အမေရိကန်အစိုးရက မြန်မာစစ်အစိုးရနှင့် ဆက်ဆံရာတွင် စိတ်ရှည်ရှည်ထားရန် လိုအပ်သော်လည်း အကန့်အသတ်မရှိ သည်းခံနေမည်မဟုတ်ကြောင်း အမေရိကန် လက်ထောက်နိုင်ငံခြားရေးဝန်ကြီး ကာ့တ်ကမ်ဘဲလ်က ပြောကြားလိုက်သည်။

၎င်းက “ဒီနေရာမှာ စိတ်ရှည်ဖို့ လိုအပ်တယ် ဆိုပေမယ့် ကျနော်တို့ဟာ အဆုံးမရှိ စိတ်ရှည်သည်းခံသွားမှာ မဟုတ်ပါဘူး။ ဖြစ်သင့်တဲ့ အချိန်အတွင်းမှာ တိုးတက်မှု အဆင့်တချို့ရှိဖို့ လိုအပ်ပါတယ်” ဟု ပြောသည်။

ဝါရှင်တန်ရှိ အမေရိကန်နိုင်ငံခြားရေးဌာနတွင် ယမန်နေ့ကပြုလုပ်သည့် သတင်းစာရှင်းလင်းပွဲ၌ သတင်းထောက်များအား ပြောဆိုသွားခြင်းဖြစ်သည်။

အမေရိကန်အစိုးရနှင့် ပြောဆိုဆက်ဆံနေမှုများအရ နိုင်ငံရေးပြုပြင်ပြောင်းလဲမှုများ ရှိမရှိ သိရှိနိုင်ရန်အတွက် အမေရိကန် ပြည်ထောင်စုအနေဖြင့် မြန်မာစစ်အစိုးရ အာဏာပိုင်များနှင့် မကြာမီအတွင်း တွေ့ဆုံရန် စီစဉ်နေကြောင်းလည်း မစ္စတာ ကာ့တ်ကမ်ဘဲလ်က ပြောသည်။
(NEJ)
။။။။။

ကိုညီညီအောင်ကို ဒုတိယအကြိမ် တိုက်ပိတ်

ချင်းမိုင်(မဇ္ဈိမ)။ ။ အင်းစိန်ထောင်တွင်းမှ အမှုရင်ဆိုင်နေရသော အမေရိကန် နိုင်ငံသား ကိုညီညီအောင်သည် ဇန်နဝါရီ ၁၂ ရက်နေ့မှစ၍ ဒုတိယအကြိမ် တိုက်ပိတ်ခံနေရပြန်ကြောင်း အတိုက်အခံ နိုင်ငံရေး သတင်းရပ်ကွက်က ပြောသည်။
ယခုလ ၁၈ ရက်နေ့တွင် ကိုညီညီအောင်၏ အဒေါ်များဖြစ်သည့် ဒေါ်စုစုကြည်နှင့် ဒေါ်ခင်ခင်ဆွေတို့ နှစ်ဦး အင်းစိန်ထောင်၌ ထောင်ဝင်စာ တွေ့ခွင့်မရခဲ့ဘဲ ပြန်သွားကြရသည်။

ပုံမှန်အားဖြင့် နှစ်ပတ်တကြိမ် တွေ့ခွင့်ပြုထားသော်လည်း ယခုမူ ၃ ပတ်တကြိမ်သာ ခွင့်ပြုတော့သည်ဟု ဆိုပြီး ထောင်အာဏာပိုင်များက မိသားစုဝင်များကို အကြောင်းပြန်ခဲ့သည်။

ကိုညီညီအောင် တိုက်ပိတ်ခံထားရသည်ဟု ကြားသိရကြောင်း ရှေ့နေ ဦးဥာဏ်ဝင်းကလည်း ပြောသည်။
။။။။။

အပြည်ပြည်ဆိုင်ရာအလုပ်သမားအဖွဲ့ လုပ်ပိုင်ခွင့် တနှစ်သက်တမ်းတိုး


မြန်မာနိုင်ငံတွင်း အဓမ္မခိုင်းစေမှု တိုင်ကြားချက်များ ဆောင်ရွက်နေသည့် အပြည်ပြည်ဆိုင်ရာအလုပ်သမားအဖွဲ့ (အိုင်အယ်လ်အို) က နောက်ထပ် (၁) နှစ် သက်တမ်းတိုးလုပ်ဆောင်ရန် ယခုလ (၁၉) ရက်တွင် စစ်အစိုးရနှင့် နားလည်မှုစာချွန်လွှာ လက်မှတ်ရေးထိုးလိုက်သည်။
(NEJ)
။။။။။

စစ်အစိုးရနှင့် ငြိမ်းအဖွဲ့များကြား ရင်မအေးဖွယ် ကြုံနေ


နယူးဒေလီ (မဇ္ဈိမ)။ ။ ငြိမ်းအဖွဲ့များကို နယ်ခြားစောင့်တပ်ဖွဲ့များအဖြစ် အသွင်ပြောင်းရန် စစ်အစိုးရ၏ ကမ်းလှမ်းချက်ကို အဆိုပါအဖွဲ့များက ငြင်းဆန်ခဲ့အပြီး နှစ်ဖက်ကြား တင်းမာနေကြသော်လည်း အေးဆေး ငြိမ်သက်လျက် ရှိသည်ဟု အကဲခတ်များ၏ အပြောအရ သိရသည်။

စစ်အစိုးရနှင့် လက်နက်ကိုင် အပစ်ရပ်အဖွဲ့များအကြား မြင်သာထင်သာရှိသော တင်းမာမှုများ ရှိမနေသော်လည်း စစ်အစိုးရက နောက်တလှမ်း လှမ်းရန်အတွက် ဆက်လက်ပြီး လျှို့ဝှက် ပြင်ဆင်နေသည်ဟု တရုတ်-မြန်မာနယ်စပ်အခြေစိုက် စစ်ရေးလေ့လာသူ ဦးအောင်ကျော်ဇောက ယမန်နေ့က မဇ္ဈိမကို ပြောသည်။ဒီမိုကရေစီသစ်တပ်မတော် - ကချင် (NDA-K) အပါအဝင် ငြိမ်းအဖွဲ့အနည်းငယ်က အဆိုပါ ကမ်းလှမ်းချက်ကို လက်ခံခဲ့ကြသော်လည်း ပိုမိုအင်အားကြီးမားသော ဝ'ပြည် သွေးစည်းညီညွတ်ရေး တပ်မတော် (UWSA)၊ ကချင်လွတ်မြောက်ရေးအဖွဲ့ (KIA) ကဲ့သို့သော အဖွဲ့ကြီးများက လက်မခံ ငြင်းဆန်ခဲ့ကြသဖြင့် စစ်အစိုးရ၏ အစီအစဉ် ရပ်တန့်သွားခဲ့ရသည်။

အပစ်ရပ်အဖွဲ့အားလုံး လိုအပ်သော အပြောင်းအလဲများ ပြုလုပ်ထားကြရန် နောက်ဆုံးရက်အဖြစ် ၂ဝဝ၉ ခုနှစ် အောက်တိုဘာလကို စစ်အစိုးရက အစောပိုင်းတွင် သတ်မှတ်ထားခဲ့သော်လည်း အဖွဲ့ အများအပြားက အဆိုပါ အစီအစဉ်ကို ငြင်းဆန်ခဲ့ကြပြီးနောက်ပိုင်းတွင် နောက်ဆုံးရက်ကို ၂ဝဝ၉ ခုနှစ်ကုန်အထိ ရွှေ့ဆိုင်းပေးခဲ့ရသည်။
။။။။။

အပစ်ရပ် ရှမ်းပြည်တပ်မတော် ပြည်သူ့စစ်အသွင်ပြောင်းရန် အခက်ခဲဖြစ်နေ

ရှမ်းပြည်မြောက်ပိုင်း၊ သီပေါမြို့နယ်၊ စိန်ကျော့အခြေစိုက် ရှမ်းပြည် တပ်မတော်အား ပြည်သူ့စစ်အသွင်ပြောင်းရန် အောက်ခြေတပ်ရင်းများက သဘောမတူသည့်အတွက် နအဖထံ အကြောင်းပြန်ရန် အဖွဲ့ခေါင်းဆောင်များ အခက်တွေ့နေသည်။

ဥက္ကဋ္ဌ ဦးလွယ်မောင်၊ ဒု-ဥက္ကဋ္ဌ ဦးကိုင်ဖ အပါအဝင် အဖွဲ့ခေါင်းဆောင်များကို ပြည်သူ့စစ်အသွင်ပြောင်းရန် နအဖဘက်က ဖိအားပေးတောင်းဆိုနေ သော်လည်း ဗိုလ်မှူးကြီး ပန်ဖ ဦးဆောင်သည့် ဝမ်ဟိုင်းအခြေစိုက် တပ်မဟာ (၁) နှင့် အောက်ခြေ တပ်ရင်း တပ်ဖွဲ့များက လက်မခံနိုင်သည့်အတွက် ယခုကဲ့သို့ အခက်တွေ့နေခြင်းဖြစ်သည်ဟု ရှမ်းတပ်ဖွဲ့နှင့်နီးစပ်သူ ဒေသခံတဦးက ပြောသည်။
(NEJ)
။။။။။

ငြိမ်းအဖွဲ့ နာယက ရိုက်မှု ကြေအေး

ရွှေလီ (မဇ္ဈိမ) ။ ။ ကချင်ပြည်နယ်ရှိ ပြည်သူ့စစ်အဖြစ် အသွင်ပြောင်းထားသည့် ကချင်လက်နက်ကိုင် အဖွဲ့တဖွဲ့မှ နာယက တဦးကို မူးယစ်ရဲအရာရှိက ယခုလ ၁၆ ရက်နေ့တွင် ရိုက်နှက်မှု ဖြစ်ပွားခဲ့ရာ ယခုအခါ နှစ်ဖက်ညှိနှိုင်း၍ ကြေအေးခဲ့ကြပြီ ဖြစ်သည်။

ဦးလဆန်အောင်ဝါအဖွဲ့မှ နာယကတဦးဖြစ်သူ ဦးအူဒီနော်ထွဲကို မူးယစ်ရဲအရာရှိက ရိုက်နှက်သဖြင့် မျက်စိ၌ ဒဏ်ရာရခဲ့သော်လည်း ၂ ရက်အကြာတွင် မူးယစ်ရဲတပ်ဖွဲ့က လာရောက်တောင်းပန်ရာမှ ပြေလည်မှု ရရှိသွားခြင်း ဖြစ်သည်။
။။။။။။။။။။။။။။။။။။
21.1-10

မြန်မာနိုင်ငံတွင် ရွေးကောက်ပွဲမတိုင်ခင် လူ့အခွင့်အရေးအခြေအနေများ ဆိုးဝါးခဲ့


မြန်မာနိုင်ငံတွင် ကျင်းပရန်ကြေညာထားသည့် ၂၀၁၀ ခုနှစ် ရွေးကောက်ပွဲမတိုင်ခင် ပြီးခဲ့သည့် ၂၀၀၉ ခုနှစ်အတွင်းတွင် မြန်မာနိုင်ငံ၏ လူ့အခွင့်အရေးချိုးဖောက်မှု မှတ်တမ်းများမှာ ဆက်လက်ဆိုးဝါးနေခဲ့ကြောင်း အမေရိကန်ပြည်ထောင်စု အခြေစိုက် လူ့အခွင့်အရေးလေ့လာစောင့်ကြည့်ရေးအဖွဲ့ (Human Rights Watch) ကြီးက ပြောကြားလိုက်သည်။

ဇန်န၀ါရီလ (၂၀) ရက် နေ့စွဲဖြင့် ထုတ်ပြန်သည့် ၂၀၁၀ နိုင်ငံတကာလူ့အခွင့်အရေး အစီရင်ခံစာတွင် ယင်းသို့ ဖော်ပြထားခြင်း ဖြစ်သည်။

မြန်မာနအဖစစ်အစိုးရက ပြည်သူများ၏ အခြေခံအခွင့်အရေးများဖြစ်သော လွတ်လပ်စွာဖော်ထုတ်ခွင့်၊ လွတ်လပ်စွာစုဝေးခွင့်နှင့် အသင်းအဖွဲ့များ လွတ်လပ်စွာ ဖွဲ့စည်းခွင့် စသည်တို့ကို စနစ်တကျ ပိတ်ပင်ထားသည်ဟုလည်း အစီရင်ခံစာတွင် ဖော်ပြထားသည်။

နိုင်ငံရေးအကျဉ်းသား (၂,၁၀၀) ကျော် အကျဉ်းထောင်များအတွင်း ရှိနေခြင်းနှင့် ဒေါ်အောင်ဆန်းစုကြည်အား နေအိမ်အကျယ်ချုပ် (၁၈) လ ချမှတ်လိုက်ခြင်းသည် ရွေးကောက်ပွဲတွင် နိုင်ငံရေးအရ စစ်မှန်သည့် ပါဝင်ယှဉ်ပြိုင်ခွင့် မပေးလိုခြင်းကို စစ်အစိုးရက ပြသလိုက်ခြင်းဖြစ်သည်ဟုလည်း ထောက်ပြထားသည်။
(NEJ)
။။။။။

ပြည်ထဲရေးဝန်ကြီးစကား လူ့အခွင့်အရေးသမားများ လက်မခံ


ချင်းမိုင် (မဇ္ဈိမ)။ ။ မဲခေါင်ဒေသသည် လူကုန်ကူးသူများအတွက် လုံခြုံသည့်နေရာ မဟုတ်ကြောင်း မြန်မာ ပြည်ထဲရေးဝန်ကြီး ဗိုလ်ချုပ်မောင်ဦးက ပြောသော်လည်း စစ်အစိုးရအနေဖြင့် လူကုန်ကူးမှု တိုက်ဖျက်ရေး အားနည်းနေသေးကြောင်း လူ့အခွင့်အရေး လှုပ်ရှားသူများက ပြောသည်။

ယမန်နေ့က ပုဂံမြို့တွင် စတင်ကျင်ပေးသော သတ္တမ အကြိမ်မြောက် မဲခေါင်ဒေသတွင်း လူကုန်ကူးမှု တိုက်ဖျက်ရေးဆိုင်ရာ အစည်းအဝေး၌ ဗိုလ်ချုပ်မောင်ဦးက “လူကုန်ကူးသူများသည် ကွန်ယက်များ ထူထောင်၍ ဂိုဏ်းဖွဲ့ ကျူးလွန်နေကြကြောင်း၊ ယင်း ကွန်ယက်များကို မဲခေါင်ဒေသတွင်းနိုင်ငံများက ကောင်းစွာ တုံ့ပြန်နိုင်သည့် အတွက် မိမိတို့ မဲခေါင်ဒေသသည် လူကုန်ကူးသူများအတွက် Safe Heaven မဟုတ်တော့ကြောင်း” ဟူ၍ ပြောကြားသွားသည်။

သို့သော် မြန်မာနိုင်ငံတွင် လူကုန်ကူးမှု ဥပဒေကို လက်တွေ့ အကောင်အထည် ဖော်ရာတွင် အားနည်းနေသည်ဟု ထိုင်းနိုင်ငံအခြေစိုက် လူ့အခွင့်အရေး ပညာပေးရေးအဖွဲ့အစည်း (HREIB) မှ ဒါရိုက်တာ ဦးအောင်မျိုးမင်းက ဝေဖန် လိုက်သည်။
ထိုင်းနိုင်ငံအတွင်း၌ လူကုန်ကူးခံသူများ၏ ၅ဝ ရာခိုင်နှုန်းကျော်မှာ မြန်မာနိုင်ငံသားများဖြစ်ကြောင်း ထိုင်းနိုင်ငံ မြောက်ပိုင်း အခြေစိုက် လူကုန်ကူးမှု ကာကွယ်တားဆီးရေး NGO တခုဖြစ်သည့် TRAFCORD က ပြောသည်။
။။။။။

ထိုင်းအရာရှိက မြန်မာလူမှုရေးအဖွဲ့များအား သတိပေး


(ချင်းမိုင်) မဇ္ဈိမ။ ။မြန်မာလူမှုအဖွဲ့အစည်းများကို စိစစ်အရေးယူသွားမည်ဟု ထိုင်းအရာရှိတဦးက သတိပေး ပြောကြားလိုက်သည်။

ယခုလ ၁၉ ရက်နေ့တွင် ထိုင်းနိုင်ငံ တာ့ခ်ခရိုင် တာ့ခ်မြို့တွင် ပြုလုပ်သော သတင်းစာ ရှင်းလင်းပွဲ တခုတွင် တာ့ခ်ခရိုင် အုပ်ချုပ်ရေးမှူး ဆမာ့တ်လွိုင်ဖာ က လူမှုရေးဘန်းပြပြီး နိုင်ငံရေး လုပ်နေသည့် အဖွဲ့အစည်းများကို အရေးယူသွားမည်ဟု ပြောကြားသွားခဲ့သည်။

မြန်မာအတိုက်အခံအဖွဲ့အစည်းများကို ဖိတ်ကြားခြင်း မရှိသည့် သတင်းစာရှင်းပွဲ၌ ခရိုင် အုပ်ချုပ်ရေးမှူးက ပညာရေး၊ ကျန်းမာရေးကိစ္စများ လုပ်ကိုင်နေသည့် အဖွဲ့များကိုမူ ဆက်လက် ခွင့်ပြုမည်ဟု အသိပေးခဲ့သည်။
။။။။။

ကိုဇာဂနာအမှု အယူခံ ကြားနာမည်


ချင်းမိုင် (မဇ္ဈိမ) ။ ။ ဟာသ သရုပ်ဆောင်နှင့် ဒါရိုက်တာ ကိုဇာဂနာ ခေါ် ကိုသူရ၏ အထူးအယူခံ လျှောက်လဲချက်ကို ဗဟို တရားရုံးချုပ်တွင် ယခုလ ၂၅ ရက်နေ့တွင် ကြားနာမည် ဖြစ်သည်။

ထောင်ဒဏ် ၃၅ နှစ် ကျခံနေရသူ ကိုဇာဂနာ၏ ရှေ့နေများက ပြီးခဲ့သည့် နှစ်လခန့်က အယူခံစာ တင်သွင်းခဲ့ရာ လျှောက်လဲချက် ကြားနာမှုကို လက်ခံကြောင်း ဗဟို တရားရုံးချုပ် က ထုတ်ပြန်ထားသည်။
။။။။။
22.1.10

ဒေါ်အောင်ဆန်းစုကြည်နေအိမ် ပြင်ဆင်မှုရပ်တန့်ရန် တရားဝင် ကန့်ကွက်


ရန်ကုန်မြို့ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည် နေထိုင်သည့် နေအိမ်ပြင်ဆင်မှုကို ရပ်တန့်ပေးရန် ဒေါ်အောင်ဆန်းစုကြည်၏ အစ်ကိုဖြစ်သူ ဦးအောင်ဆန်းဦးက ၎င်း၏ရှေ့နေ ဦးဟန်တိုးမှတဆင့် တားဝရမ်း လျှောက်ထားလိုက်ကြောင်း ဒေါ်အောင်ဆန်းစုကြည်၏ အကျိုးဆောင်ရှေ့နေ ဦးဉာဏ်ဝင်းက ပြောကြားသည်။

ယမန်နေ့ ဇန်န၀ါရီ (၂၁) ရက်တွင် ရန်ကုန်တိုင်းတွဲဖက် (၂) တရားရုံး၌ ရှေ့နေ ဦးဟန်တိုးက ယင်းသို့ တားဝရမ်း လျှောက်ထားခဲ့ခြင်းဖြစ်ပြီး လာမည့်ဖေဖော်ဝါရီ (၄) ရက်တွင် ဒေါ်အောင်ဆန်းစုကြည်ဘက်မှ ရှေ့နေများက ပြန်လည်လျှောက်ထား ကန့်ကွက်သွားမည်ဟု သိရသည်။
(NEJ)
။။။။။

ဦးဝင်းတင် ရန်ကုန်ပြန်ရောက်

ချင်းမိုင် (မဇ္ဈိမ) ။ ။ ဆယ်စုနှစ် ၂ ခုနီးပါး အကျဉ်းကျခဲ့ရာမှ ပြန်လွတ်လာပြီးနောက် နယ်သို့ ပထမဆုံး အကြိမ် ခရီးထွက်သွားသော အမျိုးသား ဒီမိုကရေစီ အဖွဲ့ချုပ် အလုပ်အမှုဆောင် ဦးဝင်းတင်သည် ယနေ့တွင် ရန်ကုန်သို့ ပြန်လည်ရောက်ပြီ ဖြစ်သည်။

၃ ရက်ကြာ မန္တလေး-မေမြို့ ခရီးစဉ်တွင် မန္တလေးတိုင်း မြို့နယ် ၃၀ မှ ပါတီဝင်များကို ပါတီ ဗဟိုအလုပ်အမှုဆောင် တိုးချဲ့ပြင်ဆင်ခြင်းနှင့် ရွှေဂုံတိုင်စာတမ်း ရပ်တည်ချက်တို့ကို အလေးထား ရှင်းပြခဲ့ကြောင်း သိရသည်။
။။။။။

ကိုညီညီအောင်အမှု အပြီးသတ်လျှောက်လဲချက် တင်သွင်း

အမေရိကန်နိုင်ငံသား ခံယူထားသူ ကိုကျော်ဇောလွင် (ခေါ်) ကိုညီညီအောင်အား စွဲချက်တင်ထားသည့်အမှု (၃) မှုကို အင်းစိန်အထူးတရားရုံးတွင် ယနေ့ နှစ်ဘက်ရှေ့နေများက အပြီးသတ်လျှောက်လဲချက် တင်သွင်းကြပြီး လာမည့် (၂၇) ရက် နံနက် (၁၀) နာရီတွင် အမိန့်ချမှတ်မည်ဟု ကိုညီညီအောင်၏ အကျိုးဆောင်ရှေ့နေတဦးဖြစ်သူ ဦးဉာဏ်ဝင်းက ပြောကြားသည်။

ကိုညီညီအောင်အား အစိုးရဘက်မှ စွဲချက်တင်ထားသည့် အမှုများမှာ နိုင်ငံသားစိစစ်ရေးကတ်ပြားအတု ကိုင်ဆောင်မှု၊ နိုင်ငံခြားငွေစက္ကူကိုင်ဆောင်မှုနှင့် မြန်မာနိုင်ငံတွင်း နေထိုင်သူများ မှတ်ပုံတင်ဥပဒေအရ အရေးယူသည့်အမှုတို့ဖြစ်သည်။
(NEJ)
။။။။။

တိုက်လေယာဉ်ပျက်ကျ ပိုင်းလော့ သေဆုံး


ချင်းမိုင် (မဇ္ဈိမ)။ ။ တရုတ်နိုင်ငံလုပ် အက်ဖ်-၇ အမျိုးအစား ဂျက်တိုက်လေယာဉ် တစီးသည် ယနေ့ နံနက်တွင် ရန်ကုန်မြို့ မင်္ဂလာဒုံ လေဆိပ်တွင် ပျက်ကျရာ လေသူရဲသေဆုံးကြောင်း လေတပ် သတင်းရပ်ကွက် တခုက ပြောသည်။

သေဆုံးသူ လေသူရဲမှာ ဗိုလ်ကြီး ပြည့်ဖြိုးမျိုး ဖြစ်သည်ဟု သတင်းတွင် ပါရှိသည်။
။။။။။

အန်ဒီအေ (ကချင်) အဖွဲ့ ဗဟိုကော်မတီဝင်များကို
လက်နက်နှင့် ကားပါမစ်လဲရန် စီစဉ်ပေး

စစ်အစိုးရ၏ နယ်ခြားစောင့်တပ် အသွင်ပြောင်းလဲရေးကို လက်ခံလိုက်သည့် အန်ဒီအေ (ကချင်) အဖွဲ့ ဗဟိုကော်မတီဝင်များကို ကားပါမစ်တစောင်စီ ထုတ်ပေးလိုက်ခြင်းသည် ဒေသတွင်း လက်နက်အပ်ရန် ကျန်နေသည့်ကိစ္စ အဆင်ပြေစေရေး ရည်ရွယ်ပုံရကြောင်း မြစ်ကြီးနားမြို့မှ အန်ဒီအေ တပ်ဖွဲ့ဝင်ဟောင်းတဦးက ပြောသည်။
။။။။။

Note 2-2010

အန်အယ်လ်ဒီ လုပ်ငန်းတာဝန်များလုပ်ဆောင်ရန် အားသစ်လောင်း

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က ဗဟိုအလုပ်အမှုဆောင် အဖွဲ့ဝင်သစ် (၉) ဦးကို ထပ်မံတိုးချဲ့ရန် ယနေ့အစည်းအဝေးတွင် သဘောတူဆုံးဖြတ်ပြီးဖြစ်သော်လည်း အမည်စာရင်းအတိအကျကို လာမည့်တနင်္လာနေ့တွင်မှ ထုတ်ပြန်သွားမည်ဟု အန်အယ်လ်ဒီ ပြန်ကြားရေးတာဝန်ခံ ဦးခင်မောင်ဆွေက ပြောသည်။ ရန်ကုန်မြို့၊ အန်အယ်လ်ဒီအဖွဲ့ချုပ်ရုံး၌ ယနေ့ ကျင်းပသည့်အစည်းအဝေးတွင် ဗဟိုအလုပ်အမှုဆောင်အဖွဲ့ဝင် (၇) ဦးနှင့် ဗဟိုအလုပ်အမှုဆောင် အရန်အထောက်အကူအဖွဲ့ (၁၄) ဦးတို့ တက်ရောက်ကြောင်းလည်း ၎င်းက ပြောသည်။

ဗဟိုအလုပ်အမှုဆောင်အဖွဲ့ဝင်များ ယခုကဲ့သို့ ရွေးချယ်ရာတွင် အောက်ခြေ အန်အယ်လ်ဒီအဖွဲ့ဝင်များ တောင်းဆိုသကဲ့သို့ ညီလာခံတရပ် ခေါ်ယူကျင်းပပေးရန် လက်တွေ့အခြေအနေတွင် မဖြစ်နိုင်သည့်အတွက် ယခုကဲ့သို့လုပ်ဆောင်ရခြင်းဖြစ်ကြောင်း ဗဟိုအလုပ်အမှုဆောင်အဖွဲ့ဝင်တဦးဖြစ်သည့် ဦးဝင်းတင်က ပြောသည်။
(NEJ)
။။။။။

ဓါးစာခံ ရှာပြီး သေဒဏ်ပေးခြင်းဟု လုပ်ဖော် ကိုင်ဖက်ဟောင်းက ပြော

ချင်းမိုင်(မဇ္ဈိမ)။ ။ ၂၀၀၁ ခုနှစ်ကအငြင်းပွါးဖွယ် ရဟတ်ယာဉ် ပျက်ကျ သေဆုံးသွားခဲ့သော နအဖ အတွင်းရေးမှူး ၂ ဗိုလ်ချုပ်ကြီးတင်ဦးနှင့် ပတ်သက်သည့် အတိတ်က လျှို့ဝှက်ချက်များကို အစ ဖျောက်လိုသဖြင့် အရာရှိ နှစ်ဦးကိုလွန်ခဲ့သော သောကြာနေ့က သေဒဏ်ပေးခဲ့ခြင်း ဖြစ်သည်ဟု နိုင်ငံခြားရေး ဝန်ကြီးဌာန ဝန်ထမ်းဟောင်းတဦးက မြန်မာ စစ်အစိုးရကို စွပ်စွဲ ပြောကြားလိုက်ပါသည်။

ထိုသူနှစ်ဦးကို စစ်အစိုးရ ဝန်ကြီး နှစ်ဦး၏ နိုင်ငံခြား ခရီးစဉ်များနှင့် မြန်မာနိုင်ငံတွင် တည်ဆောက် နေသော မြေအောက် ဥမင်ကွန်ရက်များ အကြောင်း အသေးစိတ် အချက်အလက်များ ပေါက်ကြားစေခဲ့မှုဖြင့် စွပ်စွဲ အပြစ်ပေးခဲ့ခြင်း ဖြစ်သည်။

လွန်ခဲ့သော သောကြာနေ့က သေဒဏ်ပေးခံခဲ့ရသူ နှစ်ဦးက မြန်မာ စစ်အစိုးရ စွပ်စွဲသည့်အတိုင်း လျှို့ဝှက်ချက်များ ပေါက်ကြားစေခဲ့သည် ဆိုသည်ကို သူ မယုံကြည်ကြောင်းဖြင့် ကမ္ဘောဒီးယား နိုင်ငံ မြန်မာသံရုံးမှ သံအမှုထမ်းဟောင်း တဦးဖြစ်သူ ဦးစိန်လွင်က မဇ္ဈိမနှင့် ပြုလုပ်ခဲ့သော တွေ့ဆုံ မေးမြန်းခန်းတွင် ပြောဆိုခဲ့သည်။
။။။။။

ဒုက္ခသည်များ ဂျပန်ရောက်လျှင် ၆ လသင်တန်း တက်ရမည်


ချင်းမိုင် (မဇ္ဈိမ) ။ ။ ဂျပန်နိုင်ငံက ပထမဆုံး လက်ခံမည့် ထိုင်း-မြန်မာနယ်စပ်ရှိ မြန်မာဒုက္ခသည် ဦးရေ ၃၀ သည် ဂျပန်နိုင်ငံ ရောက်လျှင် နိုင်ငံတကာ ရွှေ့ပြောင်း အခြေချ နေထိုင်သူများရုံး IOM ၏ ၆ လကြာ သင်တန်းကို တက်ရမည်ဟု သိရသည်။

အာရှတိုက် နိုင်ငံတခု၏ ဒုက္ခသည်လက်ခံမှု ပထမဆုံးအကြိမ်အဖြစ် ဂျပန်နိုင်ငံက ထိုင်း-မြန်မာနယ်စပ်မှ ဒုက္ခသည်များကို ၃ နှစ် စီမံကိန်းဖြင့် တနှစ်လျှင် ၃၀ ဦး နှုန်းဖြင့် ခေါ်ယူသွားရန် သတ်မှတ်ထားရာတွင် ပထမ အသုတ်အနေဖြင့် မယ်လစခန်းမှ ခေါ်ယူရန် စီစဉ်နေစဉ် ဂျပန်ရှိ မြန်မာ လုပ်သားများအရေး ဆောင်ရွက်နေသည့် အဖွဲ့အစည်းတခုက ထိုသို့ ပြောဆိုခြင်း ဖြစ်သည်။
မဇ္ဈိမသတင်းမှကောက်နှုတ်ချက်
။။။။။

နှစ်နိုင်ငံ ရေပိုင်နက် ဆွေးနွေးပွဲကို ဧပြီလတွင် ထပ်မံကျင်းပမည်


ဒါကာ (မဇ္ဈိမ)။ ။ နှစ်နိုင်ငံ ရေပိုင်နက် အငြင်းပွားနေမှု အဆုံးသတ်ရန် ကြိုးပမ်းနေသော မြန်မာနှင့် ဘင်္ဂလားဒေ့ခ်ျ နှစ်နိုင်ငံတို့သည် ဧပြီလတွင် နောက်ထပ် တွေ့ဆုံ ဆွေးနွေးရန် ယခုလ ၉ ရက်နေ့တွင် သဘောတူလိုက်ကြသည်။

ဘင်္ဂလားဒေ့ခ်ျနှင့် မြန်မာ ကိုယ်စားလှယ်များသည် ဘင်္ဂလားဒေ့ခ်ျနိုင်ငံ စစ်တကောင်းမြို့ အာဂရာဘ အရပ်ရှိ အာဂရာဘ ဟိုတယ်တွင် ၂ ရက်ကြာ အစည်းအဝေးတခုကို ပြုလုပ်ပြီးနောက် ယခုလို ဆုံးဖြတ်လိုက်ကြခြင်း ဖြစ်သည်။

ဆွေးနွေးပွဲသို့ မြန်မာဘက်မှ ဒုတိယ နိုင်ငံခြားရေး ဝန်ကြီး ဦးမောင်မြင့် ဦးဆောင်သည့် ၁၃ ဦးပါအဖွဲ့နှင့် ဘင်္ဂလားဒေ့ခ်ျဘက်မှ ပင်လယ်ရေပြင် ပိုင်နက်ဥပဒေ ကုလသမဂ္ဂ ကွန်ဗင်းရှင်း၏ တွဲဖက် နိုင်ငံခြားရေး ဝန်ကြီး အငြိမ်းစား ရေတပ်ဗိုလ်ချုပ် Md Khurshed Alam ဦးဆောင်သည့် ၁၅ ဦးပါ အဖွဲ့တို့ တက်ရောက်ခဲ့ကြသည်။
။။။။။။။။။။။။။။

12.1.10

အွန်လိုင်းလုံခြုံမှု သက်သေခံလက်မှတ် စနစ်သုံးရန် စစ်အစိုးရစီစဉ်


နအဖစစ်အစိုးရ၏ ရုရှနှင့် မြောက်ကိုရီးယားခရီးစဉ် လျှို့ဝှက်မှတ်တမ်းများ၊ လျှို့ဝှက်စီမံကိန်းများ ပေါက်ကြားခဲ့ပြီးနောက် စစ်အစိုးရက သတင်းအချက်အလက် လုံခြုံရေးအတွက် အွန်လိုင်းလုံခြုံမှု သက်သေခံလက်မှတ်စနစ် အသုံးပြုရန် အပူတပြင်း စီစဉ်နေသည်။

ယခုလ (၉) ရက်နေ့တွင် လှိုင်မြို့နယ် မြန်မာအင်ဖိုတက်တွင် စစ်အစိုးရ ဆက်သွယ်ရေး ဒု-၀န်ကြီးကို ကွန်ပျူတာ ပညာရှင်များက အွန်လိုင်းလုံခြုံမှု သက်သေခံလက်မှတ်စနစ် အကောင်အထည်ဖော်ရေး၊ နည်းဥပဒေပိုင်းဆိုင်ရာ လိုအပ်ချက်များကို အသေးစိတ် ညှိနှိုင်းဆွေးနွေးခဲ့ကြသည်။ယင်း အွန်လိုင်းလုံခြုံမှုစနစ်ကို အစ္စရေးမှ လာရောက်ပြသ မိတ်ဆက်ခဲ့ဖူးသော်လည်း မြန်မာစစ်အစိုးရက စိတ်ဝင်စားမှု မရှိခဲ့ကြောင်း၊ ယခုအချိန်မှ အွန်လိုင်း လုံခြုံရေးစနစ်ကို အပူတပြင်း လုပ်ဆောင်နေခြင်းဖြစ်ကြောင်း ကွန်ပျူတာပညာရှင် အသိုင်းအ၀ိုင်းက ပြောကြားသည်။
(NEJ)
။။။။။

အယူခံအရေး ဒေါ်စု ရှေ့နေများနှင့် တွေ့

ချင်းမိုင် (မဇ္ဈိမ)။ ။ နေအိမ်အချုပ် ပြစ်ဒဏ် အပေါ် ပြင်ဆင်ရေး အယူခံအတွက် ဒေါ်အောင်ဆန်းစုကြည်နှင့် သူမ၏ ရှေ့နေများ ယနေ့ နှစ်နာရီကြာ တွေ့ဆုံ ဆွေးနွေးကြသည်။

လာမည့် ၁၈ ရက်နေ့၌ ဗဟိုတရားရုံးတွင် အယူခံ အပြီးသတ် လျှောက်လဲချက် ပေးရေး အတွက် ရှေ့နေ ဦးဥာဏ်ဝင်း၊ ဦးကြည်ဝင်းတို့ နှစ်ဦးဖြင့် မွန်းလွဲပိုင်းမှစ၍ ဒေါ်အောင်ဆန်းစုကြည်၏ နေအိမ်တွင် ဆွေးနွေးကြခြင်း ဖြစ်သည်။

သို့သော် ယခင်က ပါဝင် ဆွေးနွေးခွင့်ရခဲ့သော ရှေ့နေ ဦးလှမျိုးမြင့်နှင့် ဒေါ်ခင်ဌေးကြွယ်တို့ကိုမူ ရဲသတင်းတပ်ဖွဲ့က ကန့်သတ် တားမြစ်လိုက်သည်။
။။။။။

သေဒဏ်ကျ နိုင်ငံ့ဝန်ထမ်း (၂) ဦးကို လွှတ်ပေးရန် သံဃာ့တပ်ပေါင်းစု တောင်းဆို


နိုင်ငံတော် လျှို့ဝှက်ချက် ပေါက်ကြားမှုဖြင့် ပြီးခဲ့သည့် ဇန်န၀ါရီ (၇) ရက်တွင် မြန်မာစစ်အစိုးရ၏ သေဒဏ်ချမှတ်ခြင်း ခံခဲ့ရသည့် အဆင့်မြင့် နိုင်ငံ့ဝန်ထမ်း(၂) ဦးကို နှစ်သစ်အခါသမယ၌ အမြန်ဆုံးပြန်လွှတ်ပေးရန် မြန်မာနိုင်ငံလုံးဆိုင်ရာ သံဃာ့တပ်ပေါင်းစု အဖွဲ့ကြီးက ယနေ့ တောင်းဆိုလိုက်သည်။သေဒဏ်အပြစ်ပေးခံရသူများမှာ အငြိမ်းစားဗိုလ်မှူး ဝင်းနိုင်ကျော်နှင့် နိုင်ငံခြားရေးဝန်ကြီးဌာနမှ အကြီးတန်းစာရေး ဦးသူရကျော်တို့ ဖြစ်ကြပြီး စစ်အစိုးရ၏ ထိပ်တန်းလျှို့ဝှက် စီမံကိန်းများဖြစ်သည့် နျူကလီးယား ဓာတ်ပေါင်းဖို ဆောက်လုပ်ရေး စီမံကိန်း၊ မြေအောက် လှိုဏ်ခေါင်းများ စီမံကိန်း၊ နိုင်ငံခြားတိုင်းပြည်များမှ စစ်လက်နက်ပစ္စည်း တင်သွင်းမှုဆိုင်ရာ မှတ်တမ်းများ ပြည်ပမီဒီယာများသို့ ပေါက်ကြားခဲ့ပြီးနောက် အစွပ်စွဲခံရပြီး သေဒဏ်အပြစ်ပေးခံရခြင်း ဖြစ်သည်။

သေဒဏ်ကျ ဗိုလ်မှူး ဝင်းနိုင်ကျော်သည် ၂၀၀၁ ခုနှစ်က ရဟတ်ယာဉ် ပျက်ကျ၍ ကွယ်လွန်သွားသူ နဝတ အတွင်းရေးမှူး (၂) ဒုတိယ ဗိုလ်ချုပ်ကြီး တင်ဦး၏ ကိုယ်ရေးအရာရှိတဦးဖြစ်၍ ထိုစဉ်က ထိပ်ပိုင်းခေါင်းဆောင်အချင်းချင်း လုပ်ကြံခဲ့မှုကို နအဖ စစ်ခေါင်းဆောင် ဗိုလ်ချုပ်မှူးကြီး သန်းရွှေက ဖျောက်ဖျက်နိုင်ရန် ယခုကဲ့သို့ သေဒဏ်ပေးလိုက်ခြင်းဖြစ်ကြောင်း မြန်မာ့နိုင်ငံရေး သုံးသပ်သူတို့က ပြောဆိုနေကြသည်။
(NEJ)
။။။။။

ကိုညီညီအောင် အမှု ကြားနာခြင်း အဆုံးသတ်


နယူးဒေလီ (မဇ္ဈိမ)။ ။တရားလိုပြ သက်သေတဦးကို စစ်ဆေးပြီးနောက် ရန်ကုန် တောင်ပိုင်းခရိုင် တရားရုံးသည် မြန်မာနိုင်ငံဖွား အမေရိကန် လူမျိုး ကိုကျော်ဇောလွင် ခေါ် ကိုညီညီအောင်၏အမှု သက်သေများ ကြားနာ စစ်ဆေးခြင်းကို အင်္ဂါနေ့က အဆုံးသတ် လိုက်ပါသည်။

`နှစ်ဘက် ရှေ့နေတွေက ဇန်နဝါရီလ ၂၂ ရက်နေ့မှာ နောက်ဆုံး လျှောက်လဲချက် ပေးရပါမယ်။ ဒါပြီးရင် ရုံးက စီရင်ချက်ချပါမယ်´ ဟု ရှေ့နေတဦးဖြစ်သူ ဦးကြည်ဝင်းက မဇ္ဈိမကို ပြောသည်။

နိုင်ငံသား ခံယူထားသူ အမေရိကန် လူမျိုးသည် စာရွက်စာတန်း အတုပြုလုပ်မှု၊ နိုင်ငံတွင်းသို့ တရားမဝင် ဝင်ရောက်မှုတို့ဖြင့် အမှု ရင်ဆိုင်နေရသည်။
။။။။။

အမျိုးသား ပြန်လည်စည်းလုံးညီညွတ်ရေး တည်ဆောက်ပြီးကြောင်း စစ်အစိုးရပြော

မြန်မာနိုင်ငံတွင် အမျိုးသားပြန်လည်စည်းလုံးညီညွတ်ရေးကို တည်ဆောက်ရယူနိုင်ခဲ့ပြီဖြစ်ကြောင်း သိပ္ပံနှင့်နည်းပညာ ၀န်ကြီးဌာန၀န်ကြီး ဦးသောင်းက ပြောကြားလိုက်သည်။

အမျိုးသားပြန်လည်ရင်ကြားစေ့ရေး ဆွေးနွေးပွဲများ မစတင်နိုင်သေးဘဲ အပစ်ရပ် တိုင်းရင်းသား လက်နက်ကိုင်အဖွဲ့များနှင့် နယ်ခြားစောင့်အရေး ဆွေးနွေးမှုများ အပြီးမသတ်သေးသည့်အပြင် တိုင်းရင်းသား လက်နက်ကိုင်အဖွဲ့များနှင့် တိုက်ပွဲများ ဆက်လက်ဆင်နွှဲနေသည့် စစ်အစိုးရက ယမန်နေ့က ယခုကဲ့သို့ ပြောကြားလိုက်ခြင်းဖြစ်သည်။
ယင်းပြောဆိုချက်နှင့်ပတ်သက်၍ တိုင်းရင်းသားခေါင်းဆောင်များကမူ နအဖစစ်အစိုးရသည် နိုင်ငံတွင်း အမျိုးသားပြန်လည် စည်းလုံးညီညွတ်ရေးကို မတည်ဆောက်နိုင်သေးကြောင်း ထောက်ပြပြောဆိုသည်။

အပစ်ရပ် တိုင်းရင်းသားအဖွဲ့များက နယ်ခြားစောင့်တပ်ဖွဲ့စည်းရေး လက်မခံခြင်း၊ အမျိုးသားပြန်လည်သင့်မြတ်ရေး ဆွေးနွေးပွဲများ မစတင်နိုင်ခြင်း၊ နယ်စပ်ဒေသများတွင် တိုက်ပွဲများ ဆက်လက်ဖြစ်ပေါ်နေခြင်း၊ ၂၀၀၈ ခုနှစ် အခြေခံဥပဒေကို မပြင်ဆင်နိုင်ခြင်း၊ တိုင်းရင်းသား နိုင်ငံရေးခေါင်းဆောင်များကို ဖမ်းဆီးချုပ်နှောင်ထားခြင်းတို့မှာ ထင်ရှားသည့်အချက်များ ဖြစ်သည်ဟု ၎င်းတို့က ပြောသည်။
(NEJ)
။။။။။။

၃ မျိုးသုံး ဖိုင်ဘာဆက်ကြောင်း ရန်ကုန်တွင် စတင်တော့မည်


ရန်ကုန် (မဇ္ဈိမ)။ ။ ဖိုင်ဘာဆက်ကြောင်း တခုတည်းဖြင့် အင်တာနက်၊ ကေဘယ်တီဗီနှင့် တယ်လီဖုန်း ၃ မျိုးစလုံးအတွက် ရန်ကုန်တွင် မကြာခင် စတင် သုံးစွဲနိုင်တော့မည် ဖြစ်သည်။

ဝန်ဆောင်မှုကို ပုဂ္ဂလိက လုပ်ငန်းရှင်များ လုပ်ကိုင်ခွင့် ရရှိမည်ဖြစ်ပြီး၊ ကနဦး တပ်ဆင်ကြေး မသိရသေးသော်လည်း လစဉ်ကြေးအဖြစ် FEC ၅၀ ခန့်ကို သုံးစွဲလိုသူများက ပေးဆောင်ရမည်ဟု သိရသည်။

ဖိုင်ဘာဆက်ကြောင်းများကို ရန်ကုန်မြို့လည်ရှိ ကျောက်တံတား၊ ပုဇွန်တောင်၊ ဗိုလ်တထောင်၊ ပန်းဘဲတန်းနှင့် လသာမြို့နယ်တို့တွင် အသုံးပြုနိုင်ရန် တပ်ဆင်ပြီး ဖြစ်ကြောင်း မြန်မာ့ ဆက်သွယ်ရေး လုပ်ငန်း သတင်းရပ်ကွက်များက ဆိုသည်။

ယခု ဆက်သွယ်ရေး စနစ်တွင် ဒေသတွင်း အသုံးပြုရန်အတွက် မြန်နှုန်းမြင့် ကွန်နက်ရှင်ကို တစက္ကန့်လျှင် ၂.၅ ဂီဂါဘိုက် (GBPS) အဖြစ် ထားရှိပြီး၊ ထိုအမြန်နှုန်းမှာ ရုပ်သံလိုင်းများကို ကောင်းမွန်စွာ ကြည့်ရှုနိုင်မည်။
။။။။။။။။။။။။။။။။

13.1.10

တပ်မ ၆၆ တပ်နှင့် ထောက်လှမ်းရေးတပ် တင်းမာမှုဖြစ်ပွား

ချင်းမိုင် (မဇ္ဈိမ) ။ ။ ပဲခူးတိုင်း အနောက်ခြမ်း ပြည်ခရိုင် အင်းမကျေးရွာ အခြေစိုက်သည့် တပ်မ ၆၆ လက်အောက်ခံ တပ်ရင်းတရင်းနှင့် ထောက်လှမ်းရေးတပ်တို့အကြား ပြီးခဲ့သည့်ရက်သတ္တပတ်မှစ၍ တင်းမာမှု ဖြစ်ပွားနေသည်။

သဲကုန်းမြို့နယ် အင်းမကျေးရွာရှိ ခမရ ၈၀ နှင့် ခမရ ၅ သို့ ရန်ကုန်မှရောက်လာသည့် ထောက်လှမ်းရေး တပ်ဖွဲ့အကြား တင်းမာမှုများ ရှိခဲ့ခြင်းဖြစ်ကြောင်း သတင်းများထွက်ပေါ်နေသလို ဒေသခံများကလည်း ပြောကြားကြသည်။ဘီဘီစီ မြန်မာပိုင်း ယမန်နေ့ ညပိုင်း အစီအစဉ်ကမူ တပ်မ ၆၆ လက်အောက်ခံ အာဏာဖီဆန်သည့် ခမရ ၈၀ တပ်က ပြီးခဲ့သည့် တနင်္ဂနွေညက ပစ်ခတ်မှုများရှိခဲ့ရာ ဒဏ်ရာပြင်းထန်သည့် ခမရ ၅ မှ ထောက်လှမ်းရေး တပ်ကြပ်ကြီးတဦး အင်းမရွာနှင့် ရွာတောင်ကြားရှိ စစ်ဆေးရုံအရောက်တွင် သေဆုံးသွားကြောင်း ထုတ်လွှင့်ခဲ့သည်။
။။။။။

ဥက္ကဋ္ဌ ပေါက်ယူချန်းနှင့် တွေ့ဆုံဆွေးနွေးလိုကြောင်း
နအဖကမ်းလှမ်းမှုကို ဝတပ်ဖွဲ့ပယ်ချ

ဝပြည်သွေးစည်းညီညွတ်ရေးတပ်မတော် (UWSA) ခေါ် ဝတပ်ဖွဲ့၏ ဥက္ကဋ္ဌဖြစ်သူ ပေါက်ယူချန်းအား တွေ့ဆုံ ဆွေးနွေးလိုကြောင်း စစ်ဘက်ရေးရာလုံခြုံရေးဌာန (စရဖ) အရာရှိချုပ် ဒု-ဗိုလ်ချုပ်ကြီး ရဲမြင့်၏ မကြာသေးမီရက်ပိုင်းက ကမ်းလှမ်းလာမှုကို ဝတပ်ဖွဲ့က ပယ်ချထားသည်။

ရှမ်းပြည်မြောက်ပိုင်း လားရှိုးမြို့ သို့မဟုတ် တန့်ယန်းမြို့သို့ ဝတပ်ဖွဲ့ဥက္ကဋ္ဌ ပေါက်ယူချန်း လာရောက်ပြီး နယ်ခြားစောင့်တပ် အသွင်ပြောင်းရေးကိစ္စရပ်များအား ဆွေးနွေးရန် ဒု-ဗိုလ်ချုပ်ကြီး ရဲမြင့်က ကမ်းလှမ်းထားသည်ကို မဖြစ်နိုင်သည့်အကြောင်း ပြန်လည်ပြောဆိုထားသည်ဟု အမည်မဖော်လိုသည့် ဝအရာရှိတဦးက ပြောသည်။
(NEJ)
။။။။။

အတိုက်အခံ အမျိုးသမီးများ ၂၂ မြို့နယ် ဖြန့်ကျက်


နယူးဒေလီ (မဇ္ဈိမ)။ ။ အမျိုးသား ဒီမိုကရေစီအဖွဲ့ချုပ်က မြို့နယ်အမျိုးသမီးအဖွဲ့များကို လွန်ခဲ့သည့် ၇ လအတွင်း တိုးချဲ့ဖွဲ့စည်းခဲ့ရာ မြို့နယ် ၂၂ မြို့နယ်တွင် ပြီးစီးခဲ့ပြီဖြစ်ကြောင်း သိရသည်။

ပါတီ စည်းရုံးရေး လုပ်ငန်းများ ပြုလုပ်ရန်အတွက် ပြီးခဲ့သည့်နှစ် ဇွန်လမှစတင်၍ ရန်ကုန်၊ မန္တလေးနှင့် တနင်္သာရီတိုင်းတွင် အန်အယ်ဒီ အမျိုးသမီးလုပ်ငန်း ဖော်ဆောင်ရေးအဖွဲ့ (ဗဟို) က ကြီးမှူး ဖွဲ့စည်းပေးခဲ့ခြင်း ဖြစ်သည်။ ရန်ကုန်တိုင်းတွင် ကော့မှူး၊ မရမ်းကုန်း၊ လှိုင်၊ သံလျင်၊ အင်းစိန်၊ လှိုင်သာယာ၊ ရန်ကင်း၊ ဗဟန်း၊ ခရမ်း၊ သာကေတ၊ ဒဂုံမြို့သစ် အပါအဝင် မြို့နယ် ၁၂ မြို့နယ်၊ တနင်္သာရီတိုင်းတွင် ၈ မြို့နယ်နှင့် မန္တလေးတိုင်းတွင်မူ ၂ မြို့နယ်တို့ ဖြစ်သည်။
။။။။။။။။။။။။။။။။။။

14.1.10

ကချင်အထူးဒေသ (၁) အထူးအစည်းအဝေးပွဲ ကျင်းပ

ဦးဆခုံတိန့်ယိန်း ဦးဆောင်သည့် ကချင်အထူးဒေသ (၁) ၏ အထူး အစည်းအဝေးပွဲတရပ်ကို ဇန်နဝါရီ (၁၃) ရက်နေ့မှစပြီး မြစ်ကြီးနားမြို့တွင် ကျင်းပနေကြောင်း တက်ရောက်နေသည့် ကိုယ်စားလှယ်များက ပြောသည်။အစည်းအဝေး ပထမနေ့ နံနက်ပိုင်းတွင် ဥက္ကဋ္ဌ ဦးဆခုံတိန့်ယိန်းက နယ်ခြားစောင့်တပ် ဖွဲ့စည်းပြီးဖြစ်၍ တပ်တွင်ပါဝင်ခြင်း မရှိတော့သည့် ယခင်ခေါင်းဆောင်အသီးသီးသည် လက်နက်ကိုင်ဆောင်ခွင့် မရှိတော့သဖြင့် မိမိတို့၏လက်နက်များကို သက်ဆိုင်ရာထံ သွားရောက်သတင်းပို့ အပ်နှံကြရန် နှိုးဆော်သည်။

ထို့နောက် တက်ရောက်လာကြသည့် ငြိမ်းချမ်းရေးကောင်စီအဖွဲ့ဝင် ခေါင်းဆောင်များနှင့် ကိုယ်စားလှယ်များကို ရှေ့ဆက် ဘာလုပ်သင့်သလဲ ဆိုသည်နှင့် ပတ်သက်ပြီး တင်ပြစရာ ရှိသည်များကို တင်ပြကြရန် ခွင့်ပြုသည်။အစည်းအဝေးကို လာမည့် ဇန်နဝါရီ (၁၆) ရက်အထိ နေ့စဉ် ပြုလုပ်သွားမည်ဖြစ်ပြီး လက်ရှိ ငြိမ်းချမ်းရေးကောင်စီအနေဖြင့် ပါတီဖွဲ့စည်းသင့်မသင့်၊ ကချင်အထူးဒေသ (၁) ၏ စီးပွားရေးလုပ်ငန်းများ မည်ကဲ့သို့ ဆက်လက်လုပ်ကိုင်မည် စသည့်ကိစ္စရပ်များကို ဆက်လက် ဆွေးနွေးသွားမည်ဖြစ်ကြောင်း သိရသည်။
(NEJ)
။။။။။

တပ်မ ၆၆ ပြဿနာ မဟုတ်မှန်ဟု ငြင်းဆန်

ချင်းမိုင် (မဇ္ဈိမ)။ ။ တပ်မ ၆၆ လက်အောက်ခံ တပ်များနှင့် ထောက်လှမ်းရေးတပ်များ အကြား တင်းမာမှု ဖြစ်ပွားနေသည်ဆိုခြင်းကို နေပြည်တော်ရှိ စစ်ဘက် သတင်းရပ်ကွက်တခုက မဟုတ်မှန်ကြောင်း ငြင်းဆို လိုက်သည်။

စစ်ဘက်ရေးရာ လုံခြုံရေးတပ်ဖွဲ့ (စရဖ) သည် သီးခြား ဖွဲ့စည်းထားခြင်းဖြစ်ပြီး ခြေမြန်တပ်ရင်း ၅ သို့လည်း ပို့ဆောင်ထားခြင်း မရှိကြောင်းနှင့် ရှေ့တန်း စစ်မျက်နှာပြင် မဟုတ်သည့် အခြေစိုက် တပ်ရင်းစခန်းများတွင် ဗဟိုကင်းအဖွဲ့များနှင့် ကိုယ်ရံတော် တပ်ဖွဲ့ဝင်များမှအပ လက်နက်တပ်ဆင် ပေးထားခြင်း မရှိသဖြင့် ပစ်ခတ်မှု ဖြစ်ပွားဖွယ်မရှိဟု သတင်းရပ်ကွက်က ပြောသည်။
။။။။။

ယခုနှစ်အတွင်း ရွေးကောက်ပွဲလုပ်မည်ဟု နအဖနိုင်ငံခြားရေးဝန်ကြီး ပြောကြားပြန်


နအဖစစ်အစိုးရ နိုင်ငံခြားရေးဝန်ကြီး ဦးဉာဏ်ဝင်းက မြန်မာနိုင်ငံတွင် ယခုနှစ်အတွင်း ကတိပြုထားသည့်အတိုင်း ရွေးကောက်ပွဲ ပြုလုပ်ပေးမည်ဖြစ်ပြီး တရားမျှတမှုရှိစေရမည်ဟု အာဆီယံနိုင်ငံခြားရေးဝန်ကြီးများကို ပြောဆိုကြောင်း အာဆီယံအထွေထွေ အတွင်းရေးမှူး ဆူရင်ပစ်စ၀မ်က ယမန်နေ့က ပြောကြားသည်။

ဗီယက်နမ်နိုင်ငံတွင် ကျင်းပသည့် အာဆီယံနိုင်ငံခြားရေးဝန်ကြီးများ အစည်းအဝေး တက်ရောက်နေသည့် မြန်မာနိုင်ငံခြားရေးဝန်ကြီး ဦးဉာဏ်ဝင်းက အာဆီယံနိုင်ငံခြားရေးဝန်ကြီးများအား ယမန်နေ့ ညစာစားပွဲတွင် ပြောဆိုခဲ့ခြင်း ဖြစ်ကြောင်း မစ္စတာ စူရင်ပစ်စ၀မ်က ပြောသည်။
(NEJ)
။။။။။

တွေ့ဆုံ ဆွေးနွေးရန် ဝ ဥက္ကဋ္ဌ ငြင်းဆို

ချင်းမိုင်(မဇ္ဈိမ)။ ။ နယ်ခြားစောင့်တပ် အသွင်ပြောင်းရေးကိစ္စ ထပ်မံ ဆွေးနွေးရန် နအဖ ဒုဗိုလ်ချုပ်ကြီးရဲမြင့်က တွေ့ဆုံလိုသည်ကို ဝ’ ပြည် သွေးစည်းညီညွတ်ရေးပါတီ - UWSP ဥက္ကဋ္ဌ ပေါက်ယူချန်းက ကျန်းမာရေး အကြောင်းပြချက်ဖြင့် မကြာသေးခင်က ငြင်းဆိုလိုက်သည်။

ယခုလဆန်းပိုင်းတွင် စစ်ဘက်ရေးရာ လုံခြုံရေးဌာန - စရဖ အကြီးအကဲ ဗိုလ်ချုပ်ကြီးရဲမြင့်က ဖုန်းဖြင့် ပြောဆိုလာခြင်းဖြစ်ကြောင်း UWSP ပါတီ လက်အောက်ခံဖြစ်သည့် ဝ' ပြည် သွေးစည်းညီညွတ်ရေး တပ်မတော် - UWSA မှ ဗိုလ်မှူးတဦးက မဇ္ဈိမကို ပြောဆိုသည်။မည်သည့်နေရာတွင် တွေ့ဆုံသည်ဖြစ်စေ ဝ’ တပ်ဖွဲ့အနေဖြင့် ဗိုလ်ချုပ်ကြီးရဲမြင့်ထံ နိုဝင်ဘာလက တင်ပြခဲ့သော အချက် ၉ ချက်ကို ဆက်လက်ကိုင်စွဲသွားမည်ဟု အဆိုပါအရာရှိက ပြောသည်။
။။။။။

ဗဟိုအလုပ်အမှုဆောင်သစ် (၉) ဦး၏အမည် အန်အယ်လ်ဒီ ကြေညာ

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က ဗဟိုအလုပ်အမှုဆောင်အဖွဲ့ကို အဖွဲ့ဝင်သစ် (၉) ဦးတို့ဖြင့် တိုးချဲ့ တာဝန်ပေးအပ်လိုက်သည်။

ဗဟိုအလုပ်အမှုဆောင်များအဖြစ် တာဝန်ပေးခြင်းခံရသူများမှာ (၁) ဒေါက်တာ သန်းငြိမ်း၊ (၂) ဦးအုန်းကြိုင်၊ (၃) ဦးဝင်းမြင့်၊ (၄) ဦးထွန်းထွန်းဟိန်၊ (၅) ဒေါက်တာဝင်းနိုင်၊ (၆) ဦးဉာဏ်ဝင်း၊ (၇) ဦးဟံသာမြင့်၊ (၈) ဦးသိန်းညွန့်၊ (၉) ဒေါက်တာမေ၀င်းမြင့်တို့ ဖြစ်ကြပြီး ဇန်န၀ါရီ (၁၄) ရက် ယနေ့ရက်စွဲဖြင့် ကြေညာချက်ထုတ်ပြန်လိုက်ခြင်းဖြစ်သည်။ယခုကဲ့သို့ ဗဟိုအလုပ်အမှုဆောင်အဖွဲ့ဝင်များကို တိုးချဲ့လိုက်ခြင်းအားဖြင့် အန်အယ်လ်ဒီအတွင်း အားသစ်များ၊ တာဝန်သစ်များ လုပ်ငန်းသစ်များ ထွက်ပေါ်လာနိုင်မည်ဟု အလုပ်အမှုဆောင်အဖွဲ့ဝင်တဦးဖြစ်သည့် ဦးဝင်းတင်က ပြောသည်။

အန်အယ်လ်ဒီဥက္ကဋ္ဌ၊ ဒု-ဥက္ကဋ္ဌ အပါအ၀င် ယခင် ဗဟိုအလုပ်အမှုဆောင်အဖွဲ့ဝင် (၁၁) ဦးရှိရာမှ ယခု (၉) ဦး ထပ်မံတိုးချဲ့လိုက် သဖြင့် စုစုပေါင်း ဗဟိုအလုပ်အမှုဆောင်အဖွဲ့ဝင် (၂၀) ဦး ရှိပြီဖြစ်သည်။

ယခင် ဗဟိုအလုပ်အမှုဆောင်အဖွဲ့ဝင်များမှာ ဦးအောင်ရွှေ (ဥက္ကဋ္ဌ)၊ ဦးတင်ဦး (ဒု- ဥက္ကဋ္ဌ)၊ ဒေါ်အောင်ဆန်းစုကြည် (အထွေထွေ အတွင်းရေးမှူး)၊ ဦးလွင် (အတွင်းရေးမှူး)နှင့် အဖွဲ့ဝင်များမှာ ဦးဝင်းတင်၊ ဦးသန်းထွန်း၊ ဦးစိုးမြင့်၊ ဦးလှဖေ၊ ဦးလွန်းတင်၊ ဦးညွန့်ဝေ၊ ဦးခင်မောင်ဆွေတို့ဖြစ်သည်။
(NEJ)
။။။။။။။။။။။။။။။။။။။

15.1.10

နအဖ ကျင်းပမည့်ရွေးကောက်ပွဲ တရားမျှတမှု မရှိနိုင်ဟု
ဥပဒေအတိုင်ပင်ခံတဦး ထောက်ပြပြောဆို

နအဖစစ်အစိုးရ နိုင်ငံခြားရေးဝန်ကြီး ဦးဉာဏ်ဝင်းက ယခုနှစ်အတွင်း လွတ်လပ်ပြီး တရားမျှတသည့် ရွေးကောက်ပွဲ ကျင်းပပေးမည်ဟု ပြောဆိုခဲ့မှုသည် မည်သို့မျှမဖြစ်နိုင်ကြောင်း ရန်ကုန်မြို့မှ တရားရုံးချုပ် ရှေ့နေဟောင်းတဦးက ပြောသည်။

ဗီယက်နမ်နိုင်ငံတွင် ပြုလုပ်နေသည့် အာဆီယံနိုင်ငံခြားရေးဝန်ကြီးများ အစည်းအဝေး တက်ရောက်နေသည့် မြန်မာနိုင်ငံခြားရေး ၀န်ကြီးက အာဆီယံနိုင်ငံခြားရေးဝန်ကြီးများအား ယခုလ (၁၃) ရက်တွင် ပြောကြား ခဲ့ကြောင်း အာဆီယံအတွင်းရေးမှူး စူရင်ပစ်စ၀မ်က ပြောဆိုခဲ့ခြင်းဖြစ်သည်။

ယင်းသို့ ဦးဉာဏ်ဝင်းပြောကြားချက်နှင့်ပတ်သက်၍ ယခင်က တရားရုံးချုပ်ရှေ့နေဟောင်းတဦးဖြစ်ပြီး ယခု ဥပဒေအတိုင်ပင်ခံ တဦးဖြစ်သည့် ဦးအောင်သိန်းက ယခုကျင်းပမည့် ရွေးကောက်ပွဲသည် တရားမျှတသည့် လုပ်ထုံးလုပ်နည်းများနှင့် မညီကြောင်း ထောက်ပြပြောဆိုသည်။ထို့အပြင် ရွေးကောက်ပွဲဆိုင်ရာ လုပ်ထုံးလုပ်နည်းအရ ကော်မရှင်အနေဖြင့် မည်သူများ ၀င်ရောက်ယှဉ်ပြိုင်ခွင့်ရှိမည်၊ မည်သူများ ပါတီထူထောင်နိုင်မည့် အနေအထားရှိမည်၊ ရွေးကောက်ပွဲပြီးပါက မည်သည့်အချိန် လွှတ်တော်ခေါ်ယူကာ မည်သည့်အချိန် အာဏာလွှဲပေးမည် စသည့် အသေးစိတ်အချက်အလက်များလည်း ကော်မရှင်အနေဖြင့် ထုတ်ပြန်ခြင်း မရှိသေးကြောင်းလည်း ရှင်းပြသည်။
(NEJ)
။။။။။

ကြံ့ဖွံ့က လူထုစည်းရုံးရေး တိုးမြှင့် လုပ်ဆောင်လာ


ရန်ကုန်၊ နယူးဒေလီ (မဇ္ဈိမ)။ ။ စစ်အစိုးရ ကျောထောက်နောက်ခံပြု ကြံ့ခိုင်ဖွံ့ဖြိုးရေး အသင်းက ၂ဝ၁ဝ နှစ်ဦးပိုင်းမှ စတင်၍ ရန်ကုန်တွင် လူထုစည်ရုံးရေး လုပ်ငန်းများ ပိုမိုလုပ်ဆောင်လာကြောင်း မြို့ခံများက ပြောဆိုကြသည်။

၂ဝဝ၉ ခုနှစ်တွင် လမ်းများကို ကွန်ကရစ်ခင်းခြင်း၊ မြို့နယ်များတွင် နာရေးကူညီမှုအသင်းများ ထူထောင်ခြင်း၊ အခမဲ့ မျက်စိနှင့် မျက်မှန် စမ်းသပ်ခြင်း၊ အခမဲ့ ဆေးပေးခန်းနှင့် ကျူရှင်သင်တန်းများ ဖွင့်လှစ်ခြင်း၊ ငွေချေးခြင်း၊ ရေမြောင်းများ တူးဖော်ခြင်းအပြင် ရန်ကုန်ကို နေ့စဉ်ပေးဝေသည့် သောက်သုံးရေ လုံလောက်စေရန် မြို့လည်ဧရိယာတဝိုက် အဝီစိတွင်းများ တူးဖော်ပေးခဲ့သည်ဟု ဆိုသည်။

ထိုသို့သော စည်းရုံးရေး လုပ်ငန်းများအပြင် ယခုနှစ်တွင် ရန်ကုန် ဆင်ခြေဖုံး ၁ဝ မြို့နယ်ရှိ ဆင်းရဲသားများ၏ နေအိမ်ချို့ယွင်းနေမှုများကိုပါ ပြန်လည်၍ ပြုပြင်တည်ဆောက်ပေးနေကြောင်း သိရသည်။

ဒဂုံမြို့သစ်တောင်ပိုင်း၊ တောင်ဥက္ကလာပ၊ မြောက်ဥက္ကလာပ၊ သင်္ဃန်းကျွန်း၊ ရွှေပြည်သာ၊ လှိုင်သာယာ၊ ဒေါပုံ၊ သာကေတ၊ ကြည့်မြင်တိုင်နှင့် မရမ်းကုန်းတို့တွင် တမြို့နယ်လျှင် အိမ်ခြေ ၁ဝ လုံးနှုန်းဖြင့် တည်ဆောက်ပေးခြင်း ဖြစ်သည်။
။။။။။

၂၀၁၀ ရွေးကောက်ပွဲကို သပိတ်မှောက်ကြရန် ရှေ့နေများကောင်စီ တိုက်တွန်း

၂၀၁၀ ရွေးကောက်ပွဲတွင် မဲရုံများသို့ သွားရောက်မဲမထည့်ဘဲ လူထုပါဝင်ပတ်သက်မှုမရှိသော မတရားသည့် ရွေးကောက်ပွဲအဖြစ် ပြည်သူလူထုအနေဖြင့် ဆန့်ကျင်သွားကြရန် မြန်မာနိုင်ငံ ရှေ့နေများကောင်စီက ယနေ့ ကြေညာချက် ထုတ်ပြန်တိုက်တွန်းလိုက်သည်။ရွေးကောက်ပွဲ ကျင်းပရေးကော်မရှင်ဥပဒေ၊ နိုင်ငံရေးပါတီများ မှတ်ပုံတင်ခြင်း ဥပဒေနှင့် ပြည်သူ့လွှတ်တော် ရွေးကောက်ပွဲ ဥပဒေ စသည့် ဥပဒေများကို ယခုအထိ ထုတ်ပြန်ပေးခြင်း မရှိသေးသော်လည်း နအဖစစ်အစိုးရနှင့် ၎င်းတို့၏ လက်ဝေခံများက ရွေးကောက်ပွဲအတွက် လက်ဦးမှုရယူကာ ကြိုတင်ပြင်ဆင်မှုများ ပြုလုပ်နေကြခြင်း၊ အတိုက်အခံ နိုင်ငံရေးပါတီများကို အမျိုးမျိုးဖိနှိပ်ကာ စစ်အာဏာရှင်စနစ် သက်ဆိုးရှည်စေရေးကိုသာ လုပ်ဆောင်နေခြင်းကြောင့် ၂၀၁၀ ရွေးကောက်ပွဲသည် တရားမျှတမှုနှင့် လွတ်လပ်မှုမရှိသည့် ရွေးကောက်ပွဲသာဖြစ်ကြောင်း ကြေညာချက်တွင် ဖော်ပြထားသည်။
(NEJ)
။။။။။

ဒေါ်စုနှင့် ဆက်ဆံရေးဝန်ကြီး တွေ့ဆုံ

နယူးဒေလီ။ ။ စစ်အစိုးရ ဆက်ဆံရေးဝန်ကြီး ဦးအောင်ကြည်သည် ၂၀၁၀ ခုနှစ်တွင် ပထမဆုံးအကြိမ်အဖြစ် အထိန်းသိမ်းခံ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် သူမ၏ နေအိမ်တွင် ယနေ့ တွေ့ဆုံခဲ့ကြောင်း သူမပါတီမှ ခေါင်းဆောင်များက ပြောသည်။ သို့သော် အသေးစိတ် အချက်အလက်များကို ပြောပြခြင်း မရှိခဲ့ပါ။

ဒီချုပ် ပြောရေးဆိုခွင့်ရှိသူ ဦးခင်မောင်ဆွေက မဇ္ဈိမကို ယနေ့ ပြောကြားရာတွင်လည်း သတင်းရပ်ကွက်များမှတဆင့် ထိုသို့ တွေ့ဆုံသည်ဆိုသည်ကို သူလည်း ကြားသိရကြောင်းနှင့် သို့သော်လည်း သူတို့နှစ်ဦး မည်သည့် ကိစ္စရပ်များ ဆွေးနွေးသည်ဆိုသည့် သတင်းအချက်အလက် အသေးစိတ်ကိုမူ မရရှိသေးကြောင်း ပြောသည်။
။။။။။

နအဖ ကကကြည်းရုံးချုပ်မှ တပ်မှူးများကို နည်းဗျူဟာမှူးအဖြစ် ပြောင်းရွှေ့

မကြာသေးမီက နေပြည်တော်၊ ကာကွယ်ရေးဝန်ကြီးဌာန ရုံးချုပ်ရှိ အလယ်အလတ်အဆင့်ရှိ တပ်မှူးများကို နည်းဗျူဟာမှူး ရာထူးဖြင့် နယ်ဘက်သို့ ပြောင်းရွှေ့ခဲ့သည်။

ပထမတန်း စစ်ဦးစီးမှူးများဖြစ်ကြသည့် ဒု-ဗိုလ်မှူးကြီး အောင်ဇော်အေးအား ရှမ်းပြည်အရှေ့ပိုင်း၊ မိုင်းဆတ်အခြေစိုက် အမှတ် (၁၄) စစ်ဆင်ရေးကွပ်ကဲမှုစစ်ဌာနချုပ် (စကခ) ၏ ယာယီနည်းဗျူဟာမှူးအဖြစ်လည်းကောင်း၊ ဒု-ဗိုလ်မှူး သိုက်စိုးအား မိတ္ထီလာအခြေစိုက် တပ်မ (၉၉) ၏ အမှတ် (၃) နည်းဗျူဟာ၏ ယာယီနည်းဗျူဟာမှူးအဖြစ်လည်းကောင်း၊ ဒု-ဗိုလ်မှူးကြီး သန်းထွန်းဦးအား အရှေ့မြောက်တိုင်းစစ်ဌာနချုပ်လက်အောက်ခံ ကွမ်းလုံ စစ်ဗျူဟာမှူးအဖြစ်လည်းကောင်း၊ ဒု-ဗိုလ်မှူးကြီး အောင်ဇော်ဦးအား ရခိုင်ပြည်နယ်၊ အမ်းအခြေစိုက် အမှတ် (၅)၊ စကခ၏ ယာယီနည်းဗျူဟာမှူးအဖြစ်လည်းကောင်း၊ ကြည်း၊ ရေ၊ လေ ညှိနှိုင်းရေးမှူးရုံး စစ်ဦးစီး ဗိုလ်မှူးကြီး ဝင်းသိန်းအား အရှေ့မြောက်တိုင်းစစ်ဌာနချုပ် ဒု-တိုင်းမှူးအဖြစ်လည်းကောင်း ပြောင်းရွှေ့နေရာချထားခဲ့သည်ဟု စစ်ရုံးချုပ်နှင့်နီးစပ်သည့် သတင်းရပ်ကွက်အရ သိရသည်။

မိုးမိတ်စစ်ဗျူဟာမှူး ဗိုလ်မှူးကြီး ခင်မောင်မော်အား အရှေ့ပိုင်းတိုင်းစစ်ဌာနချုပ်၏ စစ်ဦးစီးဗိုလ်မှူးကြီးအဖြစ် နေရာပြောင်းရွှေ့ခဲ့ပြီး အလားတူ ဗိုလ်မှူးကြီး၊ ဒု-ဗိုလ်မှူးကြီးများကို နေရာပြောင်းရွှေ့မှု ပြုလုပ်ခဲ့သည်ဟု အဆိုပါ သတင်းရပ်ကွက်က ပြောသည်။

ယခုပြောင်းရွှေ့မှုတွင် ယခင်ရှိနေပြီးသည့် ဗျူဟာမှူးများကို မည်သည့်နေရာတွင် အစားထိုးခန့်အပ်ခဲ့သည်ကို မသိရဘဲဖြစ်နေသကဲ့သို့ မကြာသေးမီက နိုင်ငံတော်ကာကွယ်ရေးတက္ကသိုလ်က ဆင်းသည့် ဒု-ဗိုလ်မှူးကြီးများနှင့် ဗိုလ်မှူးကြီးများထဲမှ အချို့ကို မူလတာဝန် ပြန်ပေးနေသည့်အတွက် တပ်မတော်အတွင်း ရာထူးတာဝန်ပေးမှုနှင့်ပတ်သက်၍ လုပ်ရိုးလုပ်စဉ် ပုံမှန်မျိုးမဟုတ်ဘဲ ၂ဝ၁ဝ ရွေးကောက်ပွဲတွင် စစ်တပ်၏ အမတ်နေရာများအတွက် ပြင်ဆင်နေသည်ဟု ယူဆရကြောင်း စစ်ရေးအကဲခတ်များက ပြောသည်။
(NEJ)
။။။။။

Note 1-2010

04.01/10

အမျိုးသားပြန်လည်သင့်မြတ်ရေးရရှိရန် အရေးကြီးကြောင်း အန်အယ်လ်ဒီ ပြောကြား

ယနေ့ကျရောက်သည့် (၆၂) နှစ်မြောက် လွတ်လပ်ရေးနေ့တွင် ရန်ကုန်မြို့ရှိ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ရုံးချုပ်တွင် လွတ်လပ်ရေးနေ့အထိမ်းအမှတ် အခမ်းအနားတရပ် ကျင်းပပြုလုပ်သည်။

အခမ်းအနားတွင် လွတ်လပ်ရေးနေ့ ကြေညာချက်စာတမ်းကို အန်အယ်လ်ဒီ ပြန်ကြားရေးအဖွဲ့ဝင် ဦးအုန်းကြိုင်က ဖတ်ကြားသည်။

ကြေညာချက်တွင် အမျိုးသားစည်းလုံးညီညွတ်ရေးနှင့် အမျိုးသားပြန်လည်သင့်မြတ်ရေးကို အဓိကထားဖော်ပြထားကြောင်း အခမ်းအနား သဘာပတိအဖြစ်ဆောင်ရွက်သည့် အန်အယ်လ်ဒီ ဗဟိုအလုပ်အမှုဆောင်အဖွဲ့ဝင် ဦးခင်မောင်ဆွေက ပြောကြားသည်။

တိုင်းရင်းသားများအားလုံး အချင်းချင်း နားလည်မှုရှိရှိနှင့် ပူးပေါင်းလက်တွဲပြီး အမျိုးသားစည်းလုံးညီညွတ်မှုနှင့်သာ လွတ်လပ်ရေးကို ရယူခဲ့သည့် ဗိုလ်ချုပ်အောင်ဆန်းကို စံနမူနာယူပြီး မြန်မာနိုင်ငံကို ပြန်လည်ထူထောင်ရန်အတွက်
အမျိုးသားပြန်လည်သင့်မြတ်ရေးရရှိရန် အရေးကြီးကြောင်း ကြေညာချက်တွင် ပါရှိသည်ဟု သိရသည်။
(NEJ)
+++++

အအေးဓါတ် လွန်ကဲသဖြင့် အကျဉ်းသားများအတွက် စိုးရိမ်နေ


နယူးဒေလီ (မဇ္ဈိမ)။ ။မြန်မာ့ နယ်စွန်နယ်ဖျား ဒေသများတွင် ဆောင်းတွင်း အအေးဓါတ် လွန်ကဲနေသဖြင့် ထိုဒေသများရှိ နိုင်ငံရေး အကျဉ်းသားများ၏ ကျန်းမာရေးအတွက် စိုးရိမ် ပူပန်နေကြောင်း နိုင်ငံရေး အကျဉ်းသား ကူညီစောင့်ရှောက်ရေး အသင်းနှင့် မိသားစုဝင်များ ပြောဆိုကြသည်။

ယုံကြည်ချက်ကြောင့် အကျဉ်းကျခံနေရသည့် တိုင်းရင်းသား ခေါင်းဆောင်များ၊ နိုင်ငံရေး လှုပ်ရှား တက်ကြွသူများ၊ ၈၈ မျိုးဆက် ကျောင်းသားများ၊ နိုင်ငံရေး ပါတီဝင်များနှင့် လူ့အခွင့်အရေးသမားများအတွက် စိုးရိမ်ပူပန်နေကြခြင်း ဖြစ်သည်။ မြန်မာနိုင်ငံတွင် အကျဉ်းထောင် ၄၂ ထောင်နှင့် ရဲဘက်စခန်း ၁ဝ၉ ခုတွင် အကျဉ်းသားနှင့် အချူပ်သား ဦးရေ ၂ သိန်းခွဲခန့်ရှိပြီး ၎င်းတို့ကို ကျန်းမာရေး စောင့်ရှောက်ရန် အကျဉ်း ဦးစီးဌာနတွင် ဆရာဝန် ၃၄ ဦး၊ ကျန်းမာရေးမှူး ၁၉ ဦး၊ သူနာပြုဝန်ထမ်း ၂၂ ဦး ရှိကြောင်း အကျဉ်းဦးစီးဌာနမှ ညွှန်ကြားရေးမှူးချုပ်ဖြစ်သူ ဦးဇော်ဝင်းက ပြီးခဲ့သည့် နိုဝင်ဘာလ နှောင်းပိုင်းတွင် အင်းစိန်ထောင်၌ ကျင်းပခဲ့သည့် အကျဉ်းသား ကျန်းမာရေးဆိုင်ရာ အလုပ်ရုံ ဆွေးနွေးပွဲတွင် ထုတ်ဖော် ပြောကြားခဲ့သည်။
(နယူးဒေလီ (မဇ္ဈိမ))
+++++

၂၀၁၀ တွင် ရွေးကောက်ပွဲ ပြုလုပ်မည်ဟု နအဖစစ်ခေါင်းဆောင် အတည်ပြု


စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေက ယခုနှစ်တွင် ရွေးကောက်ပွဲ ပြုလုပ်မည်ဟု လွတ်လပ်ရေးနေ့ သ၀ဏ်လွှာတွင် အတည်ပြုပြောကြားသည်။

ဆယ်စုနှစ် (၂) ခုကျော်ကြာ နိုင်ငံအာဏာကို ရယူထားသော စစ်အစိုးရက ၂၀၀၈ ခုနှစ်တွင် အတင်းအကျပ် အတည်ပြုခဲ့သော အခြေခံဥပဒေဖြင့် ယခု ၂၀၁၀ တွင် ရွေးကောက်ပွဲ ပြုလုပ်ပြီး စစ်သား (၂၅) ရာခိုင်နှုန်းပါသော စစ်သားနှင့် အရပ်သားအစိုးရ တရပ် ဖွဲ့စည်းပေးမည်ဟု ကတိပြုခဲ့ပြီးနောက် ယခုထပ်မံ အတည်ပြုလိုက်ခြင်းဖြစ်သည်။
(NEJ)
+++++

လမ်းပြမြေပုံအတွက် ဘွဲ့နှင့် ဆုများ ချီးမြှင့်မည်


နယူးဒေလီ (မဇ္ဈိမ)။ ။ ချမှတ်ထားသည့် လမ်းပြ မြေပုံအတိုင်း စွမ်းစွမ်းတမံ ပါဝင်သူများအား စစ်အစိုးရက ဂုဏ်ထူးဆောင်ဘွဲ့နှင့် ဆုတံဆိပ်များ ၃၈ မျိုး ချီးမြှင့်သွားမည်ဟု ဆိုသည်။

ဂုဏ်ထူးဆောင်ဘွဲ့ ၁၆ မျိုးနှင့် ဆုတံဆိပ် ၂၂ မျိုးကို ချီးမြှင့်သွားမည့်အကြောင်း ယနေ့ထုတ် မြန်မာ့အလင်း သတင်းစာက ထုတ်ပြန် ရေးသားလိုက်ခြင်း ဖြစ်သည်။

၁၉၄၈ ခုနှစ်တွင် ဖဆပလအစိုးရက ပြဋ္ဌာန်းခဲ့သည့် ဂုဏ်ထူးဆောင်ဘွဲ့ ၁၃ မျိုးနှင့် ဆုတံဆိပ် ၁၂ မျိုး ချီးမြှင့်ခဲ့သည့် အထဲမှ ဘွဲ့အားလုံးနှင့် ဆုတံဆိပ် ၉ မျိုး ပြန်လည်ပါဝင်သည်ဟု ဆိုထားသည်။

ထို့ပြင် မြန်မာ့ဆိုရှယ်လစ် လမ်းစဉ်ပါတီ မဆလခေတ်တွင် ပြဋ္ဌာန်းခဲ့သည့် ဆုတံဆိပ်များအပြင် စစ်အစိုးရက အသစ်ထပ်မံ ပြဋ္ဌာန်းလိုက်သည့် နိုင်ငံတော် စစ်မှုထမ်း သင်္ဂဟ တံဆိပ်နှင့် နိုင်ငံတော် အေးချမ်းသာယာရေး တံဆိပ်တို့လည်း ပါဝင်သည်။ဂုဏ်ထူးဆောင်ဘွဲ့များ ချီးမြှင့်ခံရပါက သားစဉ်မြေးဆက် ဆက်လက် ထိန်းသိမ်းခွင့် ရရှိမည်ဖြစ်ပြီး ယခင်က ချီးမြှင့်ခဲ့သည့် ဘွဲ့များနှင့် ဆုများအတွက်လည်း ခံစားခွင့်များ ဆက်လက် ပေးအပ်သွားမည်ဟု သတင်းစာတွင် ဖော်ပြထားသည်။
(နယူးဒေလီ (မဇ္ဈိမ)
+++++

ကချင်တိုင်းရင်းသားတို့၏ ရပိုင်ခွင့်များ ကေအိုင်အို တင်ပြမည်

ဒီဇင်ဘာ (၂၉) ရက်တွင် ကချင်ပြည်နယ်၊ မြစ်ကြီးနားမြို့၌ မြောက်ပိုင်းတိုင်းစစ်ဌာနချုပ် (မပခ) တိုင်းမှူးနှင့် ကချင်ပြည် လွတ်လပ်ရေးအဖွဲ့ (ကေအိုင်အို) ကိုယ်စားလှယ်အဖွဲ့တို့ တွေ့ဆုံခဲ့ပြီးနောက်ပိုင်း နအဖဘက်က တောင်းဆိုမှုအရ ကချင်တိုင်းရင်းသားများ၏ ရပိုင်ခွင့်အခွင့်ရေးများကို ကေအိုင်အိုအဖွဲ့က တင်ပြရန်ရှိသည်။

၁၉၄၇ ခုနှစ်၊ ပင်လုံသဘောတူညီချက်အရ တိုင်းရင်းသားများ၏ တန်းတူညီမျှမှုကို မြန်မာစစ်အစိုးရဘက်က လက်ခံမည်ဆိုလျှင် ကေအိုင်အိုအဖွဲ့အနေဖြင့် လက်နက်ကိုင်တော်လှန်ရေး စွန့်လွှတ်သွားမည်ဟု ဗိုလ်ချုပ်မှူးကြီး သန်းရွှေထံ ပြီးခဲ့သည့်နှစ်၊ အောက်တိုဘာအတွင်း စာရေးသားပေးပို့ပြီး နောက်ပိုင်း နှစ်ဖက် ပြန်လည်တွေ့ဆုံမှု ပြုလုပ်စဉ် ကချင်တိုင်းရင်းသားများ၏ ရပိုင်ခွင့် အခွင့်အရေးများကို အသေးစိတ် စာရေးတင်ပြရန် နအဖဘက်က တောင်းဆိုထားသည်ဟု အဆင့်မြင့် ကေအိုင်အိုအရာရှိတဦးက ပြောသည်။
(NEJ)
------------------

5.01.10

၂၀၁၀ ရွေးကောက်ပွဲအတွက် အငြိမ်းစားဝန်ထမ်းများစာရင်း စတင်ကောက်ခံ


စစ်အစိုးရ ကျင်းပမည့် ၂၀၁၀ ရွေးကောက်ပွဲအတွက် ပင်စင်ယူထားသည့် အငြိမ်းစားအစိုးရ၀န်ထမ်းများ၏ အိမ်ထောင်စု စာရင်းများကို စတင်ကောက်ခံနေပြီဖြစ်သည်။

အစိုးရက သက်ဆိုင်ရာဌာနအလိုက် ရန်ကုန်တိုင်းအတွင်း နေထိုင်ကြသော အငြိမ်းစားအစိုးရ၀န်ထမ်းများ နေအိမ်သို့ တအိမ်ဝင် တအိမ်ထွက် လိုက်လံစာရင်းကောက်ခြင်းဖြစ်ကြောင်း လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာနမှ အငြိမ်းစား အရာထမ်းတဦးက ပြောသည်။
(NEJ)
+++++

မြန်မာအတွက် ဆက်သွယ်ရေးစက်များ သြစတြေးလျက ရောင်းချ


ချင်းမိုင် (မဇ္ဈိမ)။ ။ သြစတြေးလျ အခြေစိုက် ဆက်သွယ်ရေး ကုမ္ပဏီတခုက မြန်မာအတွက် အသုံးပြုရန် အဆင့်မြင့် ရေဒီယို ဆက်သွယ်ရေးစက် အလုံး ၅၀ ကို ပြီးခဲ့သည့်နှစ် အတွင်း ရောင်းချခဲ့သည်။

Berrett 2050 အမျိုးအစား ကြားဖြတ် ဖမ်းယူနိုင်စွမ်း ကောင်းသော ရေဒီယို အသံဖမ်းစက် အလုံး ၅၀ ကို ၂၀၀၉ ခုနှစ် အတွင်းမှာပင် ရောင်းချခဲ့ပြီး ယခင်ကလည်း နှစ်ကြိမ် ရောင်းချဖူးခဲ့သေးကြောင်း Perth မြို့ရှိ Barrett Communications ကုမ္ပဏီက ပြောဆိုခြင်း ဖြစ်သည်။
သို့သော် ယခင်အကြိမ်များက အရေအတွက် မည်မျှ ရောင်းချခဲ့သည်ကိုမူ ပြောကြားရန် ငြင်းဆန်လိုက်သလို စစ်တပ်သုံး ပစ္စည်းအနေဖြင့် ရောင်းချခဲ့ခြင်း မဟုတ်ဟု သူက ငြင်းချက်ထုတ်သည်။ယမန်နေ့ထုတ် The Sydney Morning Herald အွန်လိုင်း သတင်းစာတွင် သြစတြေးလျနိုင်ငံ ပါ့သ်မြို့အခြေစိုက် Barrett Communications ကုမ္ပဏီက မြန်မာစစ်တပ်နှင့် ဆက်သွယ်၍ မကြာသေးမီ လအနည်းငယ် အတွင်းက အဆင့်မြင့် ရေဒီယို အသံဖမ်း စက်များကို ပို့ဆောင်ပေးခဲ့သည်ဟု ဖော်ပြထားသည်။
+++++

တောင်သူများထံမှ မြေဆီကြွေး ကြံ့ဖွံ့ အာဏာသုံးတောင်းခံ


တောင်သူများကို အကြွေးစနစ်ဖြင့် ထုတ်ပေးထားသည့် မြေဆီကြွေးများကို စစ်ခေါင်းဆောင်များ ဦးဆောင်ဖွဲ့စည်းထားသည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးအသင်းက အာဏာသုံး တောင်းခံနေသည်။

မကွေးတိုင်း မြို့သစ်မြို့နယ်အတွင်း ကျေးရွာ အုပ်စု (၅၀) ကျော်ကို ယမန်နှစ် သြဂုတ်လက စတင်ပြီး (၈) လဆိုင်း အကြွေးစနစ်ဖြင့် အတင်းအကျပ် မ၀ယ်မနေရ ရောင်းချထားပြီး (၅) လအကြာ ယခုလတွင် မြေဆီကြွေးတောင်းခံနေခြင်း ဖြစ်သည်။

“စရောင်းတုန်းက မြေဆီ (၁) အိတ်ကို ကာလပေါက်ဈေးက (၁၃,၀၀၀) ကျပ်ပဲ ရှိတာကို ကြံ့ဖွံ့အသင်းက တအိတ် (၂၀,၀၀၀) ကျပ်နဲ့ မ၀ယ်မနေရ ရယက ဥက္ကဋ္ဌတွေက တဆင့် ရောင်းတယ်ခင်ဗျ။ အကြွေး (၈) လဆိုင်းဆိုပြီး ရောင်းပေမယ့် အခု (၅) လလောက်ပဲ ရှိသေးတယ် ပြန်တောင်းတော့ အားလုံး အခက်တွေ့ကုန်တာ” ဟု မြို့သစ်မြို့နယ် ဒေသခံက ပြောသည်။

တောင်သူများက မြေဆီကြွေး မပေးချေနိုင်မှုကြောင့် တာဝန်ယူ ရောင်းချပေးထားသော ကျေးရွာ ဥက္ကဋ္ဌ (၂ ) ဦးကို ပြီးခဲ့သည့် အပတ်က ဖမ်းဆီးပြီး တောင်သူများထံမှ မြေဆီကြွေး အကြေပေးချေရန် ယခုတပတ်အတွင်း တောင်းပါမည်ဟူသည့် အာမခံဖြင့် ပြန်လွှတ်ထားကြောင်း သိရသည်။

၎င်းတို့ (၂) ဦးကို မြို့သစ်ရဲစခန်းက ဖမ်းဆီးခြင်းမဟုတ်ဘဲ မြို့သစ်မြို့နယ် မယက ဥက္ကဋ္ဌက အာဏာသုံး၍ ဖမ်းဆီးတောင်းခံ နေခြင်းဖြစ်ကြောင်း ဖမ်းဆီးခံရသူများနှင့် နီးစပ်သူများက ပြောသည်။

မကွေးတိုင်း မြို့သစ်မြို့နယ်အတွင်းရှိ ကျေးရွာအုပ်စု (၅၀) ကျော်မှ တောင်သူများအားလုံးသည် မြေဆီ (၁) အိတ် အနည်းဆုံး ၀ယ်ယူထားရပြီး အများစုမှာ လယ်ဧက အနည်း အများအလိုက် (၃) အိတ်အထိ ၀ယ်ယူခဲ့ကြရသည်။
(NEJ)
+++++

သတင်းထောက် မလှလှဝင်းကို ထောင်ဒဏ် ၂၀ နှစ်တိုး


ချင်းမိုင် (မဇ္ဈိမ) ။ ။ သတင်းလိုက်ရင်း ဖမ်းဆီးခံရသော အမျိုးသမီး သတင်းထောက် တဦးကို ပခုက္ကူခရိုင် တရားရုံးက ထောင်ဒဏ် နှစ် ၂၀ ထပ်တိုး ချမှတ်လိုက်ကြောင်း တရားရေးသတင်း ရပ်ကွက်တခုက ပြောသည်။

ပခုက္ကူထောင်တွင်း ထိန်းသိမ်းခံနေရသည့် ပြည်ပအခြေစိုက် သတင်းဌာနတခုအတွက် သတင်းပေးပို့ခဲ့သည်ဟု ယုံကြည်ရသော မလှလှဝင်းနှင့် သူ၏ အမှုတွဲဖြစ်သူ ကိုမြင့်နိုင်တို့အား ဒီဇင်ဘာ ၃၁ ရက်နေ့က ထောင်ဒဏ် အနှစ် ၂၀ နှင့် ၂၅ နှစ် အသီးသီး ထပ်ဆောင်းလိုက်ခြင်း ဖြစ်သည်။

အီလက်ထရောနစ် ဥပဒေနှင့် အခြား နိုင်ငံရေး ပုဒ်မတခုဖြင့် စွဲချက်တင် ထောင်ဒဏ် တိုးချခဲ့ခြင်းဟု သိရှိရသော်လည်း အသေးစိတ်ကို မသိရနိုင်သေးဘဲ ရှိနေသည်။

ပြီးခဲ့သည့်နှစ် စက်တင်ဘာလ ၁၁ ရက်နေ့တွင် မလှလှဝင်းသည် မကွေးတိုင်း ပခုက္ကူမြို့ရှိ သာသနာ့ ဝိပုလာရာမ ပါဠိတက္ကသိုလ် (အနောက်တိုက်) မှ သံဃာတော်များကို တွေ့ဆုံ မေးမြန်းခဲ့ပြီး အပြန်လမ်းတွင် သူတည်းခိုသည့် အိမ်ရှင် ကိုမြင့်နိုင်နှင့်အတူ ဖမ်းဆီးခံခဲ့ရသည်။

တရားမဝင် ဆိုင်ကယ်စီးသည်ဟုဆို၍ ၎င်းတို့နှစ်ဦးကို ပြီးခဲ့သည့်နှစ် အောက်တိုဘာလ ၆ ရက်နေ့တွင် သွင်းကုန် ထွက်ကုန် အက်ဥပဒေ ပုဒ်မ ၅၁ ဖြင့် ပခုက္ကူမြို့နယ် တရားရုံးက ထောင်ဒဏ် ၇ နှစ် ချမှတ်ခဲ့သည်။
+++++

စစ်ဦးကျိုးစေရန် နအဖ တပ်ရိက္ခာများကို ကေအန်ယူ သိမ်းဆည်း


လာမည့် ပွင့်လင်းရာသီတွင် ကေအန်ယူ တပ်မဟာ (၆) ကို ထိုးစစ်ဆင်ရန် နအဖစစ်တပ်ဘက်မှ တပ်ရိက္ခာဖြည့်တင်းနေမှုကို စစ်ဦးကျိုးသွားစေရန် ရည်ရွယ်၍ ကေအန်ယူက သိမ်းဆည်းခဲ့သည်။နအဖဘက်မှ တပ်ရိက္ခာ ဖြည့်တင်းနေမှုမှာ ယခင်နှစ်ကထက် (၄) ဆခန့် များပြားလာကြောင်း၊ စကခ (၈) သာမက စကခ (၁၉) နှင့် စကခ (၁၂) လက်အောက်ခံ တပ်ရင်းတို့ကိုလည်း ယခုနှစ် ထိုးစစ်တွင် အသုံးပြုဖွယ်ရှိ၍ စစ်ဦးကျိုးသွားစေရန် ရန်သူ့တပ်ရိက္ခာတို့ကို ယင်းကဲ့သို့ သိမ်းဆည်းရခြင်းဖြစ်ကြောင်း ဗိုလ်ကြီး ထွဲနေက ပြောသည်။

နအဖတပ်ရိက္ခာများကို ကေအန်ယူက သံဖြူဇရပ်၊ ဘုရားသုံးဆူနယ်စပ်မြို့အကြား လမ်းခရီးတွင် ဒီဇင်ဘာ (၂၇) ရက်နေ့မှ စတင် သိမ်းဆည်းလိုက်ခြင်းဖြစ်ပြီး ထိုတပ်ရိက္ခာ တင်ဆောင်လာသည့် ချောဆွဲလိုင်းကားများကို နအဖစစ်တပ်က အတင်းအဓမ္မ ပြန်လျော်ခိုင်းခဲ့ကြောင်း သိရသည်။
(NEJ)
+++++

6.01.10

ကရင်မိန်းကလေးငယ်များကို နအဖစစ်တပ် ပေါ်တာဆွဲ


မြန်မာပြည်တောင်ပိုင်း၊ တနင်္သာရီတိုင်းရှိ နအဖစစ်တပ်က ရှေ့တန်းစစ်မျက်နှာ၌ ရိက္ခာသယ်ရန် ဒေသခံ ကရင်ရွာသားများကို ပေါ်တာဆွဲရာတွင် မိန်းကလေးငယ်များကိုလည်း ခေါ်ဆောင်နေကြောင်း မွန်လူ့အခွင့်အရေးဖောင်းဒေးရှင်း (HURFOM) က ပြောသည်။ပေါ်တာအထမ်းသမားအတွက် ကရင်ရွာသားများကို ပြီးခဲ့သည့် ဒီဇင်ဘာ (၂၉) ရက်၌ ခေါ်ဆောင်သွားခြင်းဖြစ်ပြီး ထီးချောင်းဝနှင့် ကင်းနီးခြံကျေးရွာမှ မိန်းကလေးများကိုလည်း ခေါ်ဆောင်သွားကြောင်း၊ တပတ်ပြည့်မြောက်ပြီးဖြစ်သော်လည်း ရွာသားအများစုမှာ နေအိမ်များသို့ ပြန်မရောက်ကြသေးကြောင်း သိရသည်။
(NEJ)
+++++

ကချင် သတင်းစာကို အစိုးရတပ်က တည်းဖြတ်


ချင်းမိုင် (မဇ္ဈိမ)။ ။ ကချင်ဘာသာဖြင့် နှစ်စဉ် ထုတ်ဝေလာခဲ့သော “JInghpaw Mungdaw Nsen” (ဂျိန်းဖော သတင်းစာ) စာစောင်ကို ယခုနှစ်တွင် အစိုးရတပ်က ဦးဆောင် တည်းဖြတ်မှုများ ပြုလုပ်နေသည်။

ကချင်ပြည်နယ်နေ့ အထိမ်းအမှတ် မနောပွဲ ကျင်းပရေး ကော်မတီက ထုတ်ဝေသော သတင်းစာတွင် ပါရှိသော သတင်း၊ ဆောင်းပါးများ အားလုံးကို ဗမာလို ပြန်ဆိုပေးရပြီး တည်းဖြတ်မှုကို မြောက်ပိုင်းတိုင်း စစ်ဌာနချုပ်မှ စစ်သားများလက်သို့ အပ်ထားကြရသည်။စစ်တိုင်းဌာနချုပ် လိုချင်သည့်အတိုင်း မလိုက်နာလျှင် စာစောင် ထုတ်ခွင့်မပေး.
+++++

ပုဂ္ဂလိက စာပေဆုများကို စာပေစာနယ်ဇင်းမှ သတိပေး


ပုဂ္ဂလိက စာပေဆုများ၊ စာမူဆုများ ပေးအပ်ခြင်း၊ ရွေးချယ်ခြင်းအားလုံးကို မြန်မာနိုင်ငံ စာပေနှင့်စာနယ်ဇင်းအဖွဲ့က စိစစ် ကြပ်မတ်တော့မည်ဖြစ်သည်။

ပုဂ္ဂလိက စာပေဆုနှင့် စာမူဆုများမှာ များသောအားဖြင့် ကိုယ်ပိုင်ရွေးချယ်ရေး မူဝါဒ၊ စံတို့ဖြင့် စိစစ်ရွေးချယ်လေ့ရှိသော်လည်း ယခုနှစ်တွင်မူ မြန်မာနိုင်ငံ စာပေနှင့်စာနယ်ဇင်းအဖွဲ့က ယင်းသို့ ရွေးချယ်မှုများကို အဖွဲ့သို့ အသိပေးအကြောင်းကြားပြီးမှသာ လုပ်ဆောင်ရန် သတိပေးလိုက်ခြင်းဖြစ်သည်။
(NEJ)
+++++

အလွမ်းများနှစ် ဧရာဝတီ ရိုက်ကူး

နယူးဒေလီ (မဇ္ဈိမ) ။ ။ နာဂစ် မုန်တိုင်းသင့် ဒေသအတွက် ရန်ပုံငွေ ရှာဖွေမည့်အနေဖြင့် “အလွမ်းများနှစ် ဧရာဝတီ” အမည်ရ ဒီဗီဒီ ဇာတ်ကားကို ဂျပန်နိုင်ငံရောက် မြန်မာများ ရိုက်ကူးနေကြောင်း သိရသည်။

၂၀၀၈ မေလတွင် ဧရာဝတီတိုင်းအတွင်း နာဂစ် မုန်တိုင်း တိုက်ခတ်သည့် ဖြစ်ရပ်များကို နောက်ခံ ဇာတ်အိမ်ဖွဲ့ကာ ဂျပန်ရောက် မြန်မာနိုင်ငံသား ၅၀ နီးပါးဖြင့် ရိုက်ကူးနေခြင်း ဖြစ်ပြီး၊ ယခုနှစ် မေလထဲတွင် နိုင်ငံတကာသို့ ဖြန့်ချီရောင်းချကာ ရန်ပုံငွေ ရှာသွားမည် ဖြစ်သည်။

မုန်တိုင်းသင့် မိသားစုဝင်များကို နိုင်ငံတကာမှ မမေ့ကြရန် ရည်ရွယ် ရိုက်ကူးခြင်းဖြစ်ပြီး ပြသချိန် ၁ နာရီခွဲ ကြာမြင့်မည်ဖြစ်ကာ မြန်မာစကားပြော၊ ဂျပန် အင်္ဂလိပ် ဘာသာတို့ဖြင့် စာတမ်းထိုးမည်ဖြစ်သည်။
+++++

ပုဂံဒေသ ကျေးရွာများသို့ ကမ္ဘာလှည့်ခရီးသွားများကို ပိတ်ပင်


ရှေးဟောင်းယဉ်ကျေးမှုနယ်မြေ ပုဂံဒေသရှိကျေးရွာများသို့ ကမ္ဘာလှည့်ခရီးသွားများ သွားရောက်လေ့လာခွင့်ကို စစ်အစိုးရက ယခုနှစ် နှစ်ဆန်းပိုင်းမှ စတင်ပိတ်လိုက်ကြောင်း မြန်မာနိုင်ငံ ခရီးသွားလုပ်ငန်းရှင်များအသင်းမှ တာဝန်ရှိသူက ပြောသည်။

ယင်းသို့ပိတ်ထားသည်မှာ မှန်ကန်ကြောင်း ဟိုတယ်နှင့်ခရီးသွားလာရေးဝန်ကြီးဌာနက အတည်ပြုပြောဆိုသော်လည်း မည်သည့်အတွက် ပိတ်သည်ကို ပြောဆိုခြင်းမရှိပေ။
(NEJ)
----------------

7.01.10

သတင်းထောက် မလှလှဝင်းကို ပြစ်ဒဏ်ချမှတ်မှု


သတင်းထောက် မလှလှဝင်းကို ထောင်ဒဏ် (၂၇) နှစ် ချမှတ်လိုက်ခြင်းသည် ၂၀၁၀ ရွေးကောက်ပွဲကာလအတွင်း သတင်းရယူခွင့်ကို ခြိမ်းခြောက်လိုက်ခြင်းဖြစ်သည်ဟု ၀ါရင့်သတင်းစာဆရာကြီး ဦးဝင်းတင်က သုံးသပ်ပြောကြားလိုက်သည်။
(NEJ)
+++++

ထောင်တွင်း လွတ်လပ်ရေး အခမ်းအနား ပျက်ပြားသွား


ချင်းမိုင် (မဇ္ဈိမ)။ ။ မြစ်ကြီးနားထောင်တွင်း လွတ်လပ်ရေးနေ့ အခမ်းအနား ကျင်းပရန် နိုင်ငံရေး အကျဉ်းသားများက စီစဉ်ခြင်းကို အာဏာပိုင်များက တားမြစ်သဖြင့် ပျက်ပြားသွားခဲ့ရသည်။

အင်္ဂလိပ် လက်အောက်မှ လွတ်မြောက်ခဲ့သည့် ၆၂ နှစ်မြောက် လွတ်လပ်ရေးနေ့ အထ်ိမ်းအမှတ် အခမ်းအနားကို နာမည်ကျော် ဟာသသရုပ်ဆောင် ဇာဂနာ အပါအဝင် အတိုက်အခံ နိုင်ငံရေးသမားများက ဇန်နဝါရီလ ၄ ရက်နေ့တွင် ကျင်းပလိုသော်လည်း အကျဉ်းဦးစီး ဝန်ထမ်းများက တားမြစ်ခဲ့သည်။
+++++

မယ်လစခန်းမှ ပထမအသုတ်ဒုက္ခသည်များ ဂျပန်သို့သွားရန် လူတွေ့စစ်ဆေးမည်


ဂျပန်နိုင်ငံက ပထမဦးဆုံးလက်ခံမည့် မယ်လဒုက္ခသည်စခန်းမှ မြန်မာဒုက္ခသည် (၃၀) သည် လာမည့်စက်တင်ဘာတွင် ဂျပန်နိုင်ငံသို့ စတင်ထွက်ခွာကြမည်ဖြစ်သည်။

ဂျပန်နိုင်ငံ၏ မြန်မာဒုက္ခသည်များအတွက် စမ်းသပ်မည့် (၃) နှစ်စီမံကိန်းအရ ဂျပန်အစိုးရကိုယ်စားလှယ်အဖွဲ့သည် ယမန်နှစ်ကုန်ပိုင်းက ထိုင်း-မြန်မာနယ်စပ်ရှိ မယ်လဒုက္ခသည်စခန်းသို့ လာရောက်လေ့လာခဲ့ပြီးနောက် ဒုက္ခသည်များ လက်ခံမည့်အစီအစဉ် စတင်ခဲ့ခြင်းဖြစ်သည်။

အဆိုပါစီမံကိန်းအရ ထိုင်းနယ်စပ်ရှိ မြန်မာဒုက္ခသည်စခန်းများထဲမှ တနှစ်လျှင် ဒုက္ခသည် (၃၀) ကို (၃) နှစ် စီမံကိန်းဖြင့် ဂျပန်နိုင်ငံက ခေါ်ယူခြင်းဖြစ်သည်။

မြန်မာဒုက္ခအများစုမှာ လူဦးရေ အကန့်အသတ်မရှိ ခေါ်ယူသည့် နိုင်ငံများသို့သာ သွားရောက်အခြေချလိုကြပြီး ဂျပန်နိုင်ငံသို့ သွားရောက်အခြေချလိုမှုကို စိတ်ဝင်စားသူ အလွန်နည်းပါးသည်ဟု မယ်လဒုက္ခသည်စခန်း၏ ဒု-ဥက္ကဋ္ဌစောထွန်းထွန်းက ပြောသည်။
(NEJ)
----------------

8.01.10

အန်အယ်လ်ဒီက ဗဟိုအလုပ်အမှုဆောင်များ ထပ်တိုး


အဓိက နိုင်ငံရေးပါတီကြီးဖြစ်သော အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က ဗဟိုအလုပ်အမှုဆောင် အဖွဲ့ဝင်သစ် (၇) ဦးမှ (၉) ဦးအထိ ထပ်တိုးဖွဲ့စည်းမည်ဖြစ်သည်။

နှစ်ပေါင်း (၂၀) ကျော် နိုင်ငံအာဏာကို သိမ်းယူထားသည့် စစ်အစိုးရက စစ်သား (၄) ပုံ (၁) ပုံ ပါသည့် အစိုးရသစ်ကို အာဏာလွှဲပြောင်းမည်ဆိုသည့် ယခုနှစ်တွင် ၁၉၉၀ ရွေးကောက်ပွဲ အနိုင်ရပါတီ အန်အယ်လ်ဒီက ပါတီလုပ်ငန်းများ တိုးချဲ့ဆောင်ရွက်ရန် ဗဟိုအလုပ်အမှုဆောင်အဖွဲ့ကို ထပ်တိုးဖွဲ့စည်းလိုက်ခြင်းဖြစ်သည်။

“စီအီးစီ (၇) ဦး၊ ဒါမှမဟုတ် (၉) ဦး ထပ်တိုးဖွဲ့စည်းမှာ ဖြစ်ပါတယ်။ လာမယ့် တနင်္လာနေ့ အစည်းအဝေးမှာ အတည်ပြု ခန့်အပ်မှာပါ” ဟု အန်အယ်လ်ဒီ ပြန်ကြားရေးတာဝန်ခံ ဦးခင်မောင်ဆွေက အတည်ပြုပြောကြားသည်။

ယခင် ဥက္ကဋ္ဌ၊ ဒု-ဥက္ကဋ္ဌ အပါအ၀င် ဗဟိုအလုပ်အမှုဆောင် (စီအီးစီ) အဖွဲ့ဝင် (၁၁) ဦးရှိရာမှ ယခု (၇) ဦးမှ (၉) ဦးအထိ ထပ်မံတိုးချဲ့မည်ဖြစ်ရာ စီအီးစီအဖွဲ့ဝင် (၁၈) ဦးမှ (၂၀) အထိ ရှိလာမည်ဖြစ်သည်။

ဗဟိုအလုပ်အမှုဆောင် အဖွဲ့ဝင်သစ်များစာရင်းကို လာမည့် တနင်္လာနေ့ အဖွဲ့ချုပ်အစည်းအဝေးတွင် တင်သွင်းအတည်ပြု သတင်းထုတ်ပြန်မည်ဖြစ်သည်။
(NEJ)
+++++

ကချင်မနောပွဲ စည်းကမ်းများ ကြိုတင်သတ်မှတ်


ရွှေလီ (မဇ္ဈိမ) ။ ။ ကချင်ပြည်နယ် မြို့တော် မြစ်ကြီးနားတွင် ကျင်းပနေသည့် ၆၂ နှစ်မြောက် ပြည်နယ်နေ့ မနောပွဲတော် ကျင်းပရန် အာဏာပိုင်များက စည်းကမ်းချက်များကို ကြိုတင် သတ်မှတ်ပေးခဲ့ကြောင်း သိရသည်။

စည်းကမ်းထဲတွင် မနောပွဲအတွင်း ငြိမ်းချမ်းရေး အဖွဲ့များမှ ယူနီဖောင်းနှင့် လက်နက်ခဲယမ်းများ မယူဆောင်ရန်၊ ဂေါ်ရခါးလူမျိုးများ ကပြဖျော်ဖြေခြင်း မပြုရန်၊ သတင်းလွှာနှင့် မှတ်တမ်းတင် ဗီဒီယိုရိုက်ရာတွင် အာဏာပိုင်များထံ ခွင့်ပြုချက်ယူရန် ပါဝင်သည်ဟု ပွဲတော် ဖြစ်မြောက်ရေး ကော်မတီနှင့် နီးစပ်သူတဦးက ပြောသည်။

ထို့ပြင် တူမီးများ ဒူးလေးများဖြင့် ဆန်းသစ်စွာ မကရန်၊ နိုင်ငံခြားသားများကို တွေ့ဆုံရာတွင် တံခါးပိတ် မတွေ့ရန်၊ အစီအစဉ် ကြေညာခြင်းများနှင့် အရေးကြီး ပုဂ္ဂိုလ်များ၏ မိန့်ခွန်းများကို စစ်ဖက်ဆိုင်ရာ လုံခြုံရေး - စရဖ သို့ ကြိုတင်တင်ပြရန် ပါဝင်သော အချက် ၁၃ ချက်ဖြစ်သည်။
+++++

မွန်အမျိုးသားနေ့ ပိုစတာပါ စာသား ဖြုတ်ခိုင်းမှု နအဖအား မွန်အမျိုးသားများ ဝေဖန်

လာမည့် ဇန်နဝါရီ (၃၀) ရက်တွင် ကျရောက်မည့် (၆၃) ကြိမ်မြောက် မွန်အမျိုးသားနေ့ အထိမ်းအမှတ် မြေစိုက်ပိုစတာပါ စာသားများအား နအဖအာဏာပိုင်တို့က ဖြုတ်ခိုင်းခြင်းသည် တိုင်းရင်းသားတို့၏ အခြေခံရပိုင်ခွင့် အခွင့်အရေးတို့ကို လျစ်လျူရှုလိုက်ခြင်းဖြစ်ကြောင်း ဝါရင့် မွန်နိုင်ငံရေးသမားတဦးက ပြောကြားသည်။မွန်အမျိုးသားနေ့ပိုစတာ၌ ပါသည့် သက္ကရာဇ် ၁၀၅၇ ခုနှစ်သည် မြန်မာဘုရင် အနော်ရထာက သုဝဏ္ဏဘူမိ သထုံပြည် မွန်နိုင်ငံတော်ကို သိမ်းပိုက်ကာ မွန်ဘုရင် မနူဟာမင်းနှင့်တကွ ပိဋကတ်သုံးပုံနှင့် ပညာရှင်များပါမကျန် ရှေ့ဟောင်းအမွေအနှစ် အားလုံးကို ပုဂံသို့ ဆောင်ယူသွားခဲ့သည့်ခုနှစ် ဖြစ်သောကြောင့် ယင်းကဲ့သို့ မဖော်ပြရန် အာဏာပိုင်တို့က ခေါ်ယူသတိပေးခဲ့ခြင်း ဖြစ်နိုင်ကြောင်း အဆိုပါ ဝါရင့် မွန်နိုင်ငံရေးသမားက ဆက်လက်ပြောကြားသည်။
(NEJ)
+++++

လျှို့ဝှက် မှတ်တမ်းကြောင့် သေဒဏ်ကျသူများ အယူခံဝင်မည်


ချင်းမိုင် (မဇ္ဈိမ)။ ။ နအဖ စစ်ခေါင်းဆောင် နှစ်ဦး၏ ရုရှားနှင့် မြောက်ကိုရီးယား ခရီးစဉ် လျှို့ဝှက် မှတ်တမ်းများ ပေါက်ကြားမှုဖြင့် အင်းစိန်ထောင် အထူးတရားရုံးက ယမန်နေ့တွင် သေဒဏ်ချမှတ်ခဲ့သူ နှစ်ဦးအတွက် အယူခံဝင်ရန် ရှေ့နေများ ပြင်ဆင်နေကြောင်း သိရသည်။

အငြိမ်းစား ဗိုလ်မှူး ဝင်းနိုင်ကျော်နှင့် နိုင်ငံခြားရေးရုံး ဥရောပရေးရာ ဌာနမှ အကြီးတန်းစာရေး ကိုသူရကျော် တို့အတွက် အယူခံဝင်ရန် ၄င်းတို့၏ ရှေ့နေများက ယနေ့မှ စတင်၍ ပြင်ဆင်နေပြီဟု အင်းစိန်ထောင် အသိုင်းအဝိုင်းမှ တဆင့် စုံစမ်းသိရှိရခြင်း ဖြစ်သည်။
+++++

ကချင်ပြည်နယ်နေ့ အထိမ်းအမှတ်ပွဲတော်အတွင်း ယူနီဖောင်းဝတ်ခွင့် ပိတ်

ယခုလ (၅) ရက်မှ (၁၁) ရက်အထိ မြစ်ကြီးနားမြို့တွင် ကျင်းပနေသည့် (၆၂) နှစ်မြောက် ကချင်ပြည်နယ်နေ့ အထိမ်းအမှတ် ပွဲတော်အတွင်း ကချင်ပြည်လွတ်လပ်ရေးအဖွဲ့ (ကေအိုင်အို) အား ၎င်းတို့၏စစ်ယူနီဖောင်းဝတ်ခွင့် နအဖဘက်က တားမြစ်ပိတ်ပင်ထားသည်။

ယမန်နှစ်က ကချင်ပြည်နယ်နေ့ အထိမ်းအမှတ်၊ မနောပွဲများတွင် စစ်ယူနီဖောင်းဝတ်ဆင်ထားသည့် ကေအိုင်အိုတပ်ဖွဲ့ဝင် (၁,ဝဝဝ) ကျော် ပါဝင်ဆင်နွှဲနိုင်ခဲ့သော်လည်း ၂၀၁၀ ခုနှစ်တွင် ယခုကဲ့သို့ပိတ်ပင်ထားသဖြင့် လူအင်အား (၁ဝဝ) ခန့်သာ တက်ရောက်မည်ဟု ကေအိုင်အိုအဖွဲ့နှင့် နီးစပ်သူ မြစ်ကြီးနားဒေသခံတဦးက ပြောသည်။
(NEJ)
+++++

တက်ကြွသူများ ထောင်ဒဏ် ၇၁ နှစ်အထိ အမြင့်ဆုံး ကျခံရ

နယူးဒေလီ (မဇ္ဈိမ)။ ။ မန္တလေး အိုးဖိုထောင်တွင် ၃ လခန့် အချုပ်ခံထားရသည့် မန္တလေးတိုင်း မြို့နယ် ၃ မြို့နယ်မှ နိုင်ငံရေး တက်ကြွ လှုပ်ရှားသူ ၁၅ ဦးကို ထောင်တွင်း တရားရုံးက ပြီးခဲ့သည့်လ ၃၀ ရက်နေ့တွင် အနိမ့်ဆုံး ပြစ်ဒဏ်အဖြစ် ထောင်ဒဏ် ၂ နှစ်မှ အမြင့်ဆုံး ၇၁ နှစ်အထိ အသီးသီး ချမှတ်ခဲ့သည်။

ပြီးခဲ့သည့်နှစ် စက်တင်ဘာလနှင့် အောက်တိုဘာလအတွင်း မြင်းခြံ၊ ညောင်ဦးနှင့် ကျောက်ပန်းတောင်းမြို့တွင် အထူး ရဲသတင်းတပ်ဖွဲ့က အကြောင်းပြချက်မရှိ သူတို့ကို ဖမ်းဆီးသွားခဲ့သလို၊ မိသားစုများနှင့်ပါ တွေ့ဆုံခွင့်မပြုဘဲ ယခုလို ထောင်ဒဏ်များ ချမှတ်ခဲ့ကြောင်း ယခုလ ၆ ရက်နေ့တွင် ထောင်ဝင်စာ စတင်တွေ့ခွင့်ရခဲ့သူ မိသားစုဝင်တဦးက ပြောပြခြင်း ဖြစ်သည်။
ကိုမျိုးဟန်ကို အီလက်ထရောနစ် အက်ဥပဒေဖြင့် ၁၅ နှစ်၊ မတရားအသင်း ၃ မှုဖြင့် ၉ နှစ်၊ နိုင်ငံတော် လုံခြုံရေးကို ထိခိုက်ရန် လှုံ့ဆော်မှုဖြင့် ၂ နှစ်၊ ပုံနှိပ်အက်ဥပဒေ ၂ မှုဖြင့် ၁၄ နှစ်၊ အသင်းအဖွဲ့ပုဒ်မ ၂ ခုဖြင့် ၈ နှစ်၊ ရုပ်မြင်သံကြား ဥပဒေဖြင့် ၃ နှစ် စသဖြင့် စုစုပေါင်း ၅၁ နှစ် ချမှတ်ခဲ့ကြောင်း ရှေ့နေ ဦးမြင့်သွင်ထံမှ အသေးစိတ် သိရသည်ဟု သူက ပြောဆိုသည်။

ကျန်ရှိသည့် မြင်းခြံမြို့မှ ဖြစ်ကြသည့် ဦးနန္ဒဝံသ ခေါ် ကိုအောင်နိုင်ဦးကို ၇၁ နှစ်၊ ဒေါက်တာဝင့်သူ ၂၈ နှစ်၊ ကိုကြည်စိုး ၂၂ နှစ်၊ ကိုစိုးရာဇာဖြိုး ၁၄ နှစ်၊ ကိုလှမျိုးကျော် ၁၄ နှစ်၊ ကိုကိုနိုင် ၂၈ နှစ်၊ ကိုသန်းထိုက်အောင် ၃၅ နှစ်၊ ကိုဝေဖြိုး ၁၁ နှစ် ချခဲ့သည်။ ၎င်းတို့သည် နိုင်ငံရေး တက်ကြွလှုပ်ရှားသူများ ဖြစ်သည့်အပြင် နာဂစ် မုန်တိုင်းသင့် ဒုက္ခသည်များကို ကူညီခဲ့သူများလည်း ဖြစ်သည်။

ညောင်ဦးမှ ကိုမျိုးမင်းသန့် ၁၅ နှစ်၊ ဦးဇော်ဇော် ၅ နှစ်၊ ကိုကျော်ထွန်းလင်း ၅၂ နှစ်၊ ကျောက်ပန်းတောင်းမှ ကိုရဲခေါင် ၁၉ နှစ်နှင့် မချိုချိုသန်း ၈ နှစ် ပြစ်ဒဏ်ချသည့်အပြင် ကျောက်ပန်းတောင်းမြို့ သုခဝတီ ကျောင်းတိုက်တွင် ပြီးခဲ့သည့်နှစ် နိုဝင်ဘာလအတွင်း ဖမ်းဆီးခံခဲ့ရသည့် ဦးဇောတိကကို ပြီးခဲ့သည့်လ ၁၀ ရက်နေ့က နိုင်ငံတော် လုံခြုံရေးကို ထိခိုက်ရန် လှုံ့ဆော်မှုဖြင့် ထောင်ဒဏ် ၂ နှစ် ချမှတ်ခဲ့ကြောင်း သိရသည်။

၎င်းတို့ကို ထိုင်းနိုင်ငံရှိ မြန်မာ့အရေး လှုပ်ရှားသူများနှင့် ဆက်သွယ် လုပ်ကိုင်သည်ဟု စွပ်စွဲကာ ပုဒ်မ အမျိုးမျိုးဖြင့် စွဲချက်တင်၍ ပြစ်ဒဏ်ပေးခဲ့ခြင်း ဖြစ်သည်။
-------------------

note 52

28.12.2009

နယ်ခြားစောင့်တပ်ရင်းအနီး နအဖစစ်တပ် လာရောက်တပ်စွဲ

နယ်ခြားစောင့်တပ်အဖြစ် အသွင်ပြောင်းလိုက်သည့် ကချင်အထူးဒေသ (၁)၊ ယခင် ကချင်ဒီမိုကရေစီသစ်တပ်မတော် (NDA-K) နယ်မြေအတွင်းရှိ နယ်ခြားစောင့်တပ်ရင်းအနီးတွင် မကြာသေးမီ ရက်ပိုင်းကစ၍ နအဖက တပ်စခန်းအသစ်တခု ဆောက်လုပ်ကာ တပ်စွဲနေသည်။

အနောက်တောင်တိုင်း စစ်ဌာနချုပ် (နတခ) လက်အောက်ခံ၊ ဧရာဝတီတိုင်း၊ အိမ်မဲမြို့ အခြေစိုက် ခလရ (၆၃) က တရုတ်-မြန်မာနယ်စပ် ကန်ပိုက်တီးကုန်သွယ်ရေးစခန်းအနီး စင်ကျိုင်တွင် ဖွင့်လှစ်ထားသည့် အမှတ် (၁ဝဝ၃) တပ်ရင်းအနီးတွင် အဆောက်အဦ တန်းလျားအသစ်များ ဆောက်ကာ တပ်ချထားသည်ဟု ကန်ပိုက်တီးမှ ပြန်လာသူ မြစ်ကြီးနားဒေသခံတဦးက ပြောသည်။
(NEJ)
+++++

အမေရိကန် သံရုံးက ကိုညီညီအောင်ကို ထောင်ဝင်စာတွေ့


နယူးဒေလီ(မဇ္ဈိမ)။ ။ ထောင်တွင်းမှ တရားဆိုင်နေရသူ အမေရိကန် နိုင်ငံသားဖြစ်သူ ကိုညီညီအောင်ကို ယနေ့တွင် အမေရိကန် သံရုံးမှ အရာရှိများက သွားရောက် တွေ့ဆုံခဲ့သည်။

အင်းစိန်ထောင်တွင်း အစာငတ်ခံ ဆန္ဒပြမှုအပြီး ပထမဆုံး အကြိမ်အဖြစ် ရန်ကုန်ရှိ သံရုံးမှ ဒုတိယ ကောင်စစ်ဝန်က တွေ့ဆုံပြီး အစားအသောက်များ ပေးပို့ခဲ့သည်။စက်တင်ဘာလ ၃ ရက်နေ့က တောခိုကျောင်းသား ကိုညီညီအောင်သည် ဘန်ကောက်မြို့မှတဆင့် ရန်ကုန်မြို့ မင်္ဂလာဒုံ လေဆိပ်သို့ ဝင်ရောက်လာစဉ် ထောက်လှမ်းရေးများက ဖမ်းဆီးခဲ့သည်။

၁၉၈၈ ခုနှစ်တွင် စစ်တပ်က အာဏာသိမ်းပြီးနောက် ထိုင်းနယ်စပ်သို့ ထွက်ပြေး ခိုလှုံခဲ့ပြီး နောက်ပိုင်းတွင် အမေရိကန်နိုင်ငံသို့ ပြောင်းရွှေ့ အခြေချခဲ့သော သူသည် မြန်မာနိုင်ငံသို့ ၈ ကြိမ် ဝင်ရောက်ခဲ့သည်။

သူ့ကို လိမ်လည်မှု - ပုဒ်မ ၄၂၀၊ မှတ်ပုံတင်အတု ကိုင်ဆောင်မှု - ပုဒ်မ ၄၆၈၊ နိုင်ငံခြား ငွေလဲလည်မှု - ပုဒ်မ ၂၄ တို့ဖြင့် စွဲဆိုထားသည်။
ီ(မဇ္ဈိမ)
+++++

အထူးဒေသ (၁) ပိုင် ကုမ္ပဏီအားလုံး ရပ်ဆိုင်းခံရ


ကချင်အထူးဒေသ (၁) ဥက္ကဋ္ဌ ဦးဆခုံတိန့်ယိန်း ဒါရိုက်တာအဖြစ် ပါဝင်သည့် စီးပွားရေးကုမ္ပဏီအားလုံး နာမည်ပျက်စာရင်း အသွင်းခံရကာ လုပ်ငန်း အားလုံး ရပ်ဆိုင်းထားရကြောင်း ကုမ္ပဏီအရာရှိတဦးက ပြောသည်။၎င်းတို့၏ လုပ်ငန်းအားလုံး ရပ်ဆိုင်းထားရသော်လည်း သက်ဆိုင်ရာ ဌာနအသီးသီးနှင့် ဆက်သွယ်လုပ်ကိုင်ခြင်း၊ နေပြည်တော် အထိ သွားရောက် ဖြေရှင်းခြင်းများ လုပ်ကိုင်နေပြီး မကြာမီ ကုမ္ပဏီလုပ်ငန်းများ ပြန်လည်လုပ်ကိုင်ခွင့်ရနိုင်မည်ဟု မျှော်လင့်ကြောင်း အဆိုပါ ကုမ္ပဏီအရာရှိက ပြောသည်။

ယခုကုမ္ပဏီများကို ပိတ်ပင်သည့်ကိစ္စမှာ နိုင်ငံရေးကိစ္စ ပါဝင်နိုင်ကြောင်း၊ ယခင် အန်ဒီအေ တပ်ဖွဲ့တွင် အဆင့်မြင့်တာဝန် ယူခဲ့ဖူးပြီး ၂ဝဝ၅ ခုနှစ်အကုန် အဖွဲ့အစည်းမှ ထွက်ခဲ့သူတဦးက ပြောသည်။
(NEJ)
+++++

ရဲက အန်အယ်ဒီတို့၏ ကိုယ်ရေးရာဇဝင်တောင်း

နယူးဒေလီ (မဇ္ဈိမ)။ ။ အမျိုးသား ဒီမိုကရေစီ အဖွဲ့ချုပ်ဝင်များ၏ ကိုယ်ရေး ရာဇဝင်များကို သတင်း ရဲတပ်ဖွဲ့က ကောက်ခံလျှက် ရှိသည်ဟု ပါတီဝင်များက ပြောသည်။

အထက်မှ ညွှန်ကြားချက် အရဟု ဆိုကာ ရန်ကုန်မြို့၊ မန္တလေးမြို့မှ မြို့နယ်အချို့ အပါအဝင် ပဲခူး၊ အင်းတိုင်၊ စဥ့်ကူးနှင့် မိုးညှင်းမြို့များမှ အတိုက်အခံ ပါတီ အန်အယ်လ်ဒီ အဖွဲ့ဝင်များအကြောင်း ကောက်ခံနေခြင်း ဖြစ်သည်။
ကောက်ခံရာတွင် ရယကများ၊ ရဲတပ်ဖွဲ့ဝင်များက ပါတီဝင်များ၏ အမည်၊ မွေးသက္ကရာဇ်၊ အဖွဲ့ချုပ်တွင် ထမ်းဆောင်သည့် တာဝန်စသည့် ကိုယ်ရေး အချက်အလက် ဖြည့်စွက်ရသည့်ပုံစံ ၇ ခုကို ဖြည့်ခိုင်းပြီး ယူဆောင်သွားခြင်း ဖြစ်သည်။
(မဇ္ဈိမ)
+++++

စစ်အစိုးရက (၂) နှစ်သက်တမ်း ငွေတိုက်စာချုပ်များ ထပ်တိုးရောင်းချမည်


စစ်အစိုးရက ငွေစက္ကူသစ် (၅) ထောင်တန်များ ထုတ်လုပ်ပြီးနောက်ပိုင်း ငွေတိုက်စာချုပ်များ တိုးမြှင့်ရောင်းချရန် ယနေ့ ကြေညာလိုက်သည်။

လာမည့်နှစ်သစ် ၂၀၁၀ ဇန်န၀ါရီ (၁) ရက်နေ့မှစပြီး ငွေကျပ် (၁) သောင်းမှ (၁၀) သန်းအထိ (၂) နှစ်သက်တမ်း ငွေချေးစာချုပ် များကို စစ်အစိုးရက ထပ်တိုးရောင်းချမည်ဖြစ်သည်။ ယင်းမှာ ယခု (၅) ထောင်တန် ငွေစက္ကူသစ်များ ထုတ်ပြီးနောက်ပိုင်း ပြည်သူထံမှ ငွေချေးသည့်သဘောဖြင့် ငွေတိုက်စာချုပ်များ ရောင်းချရန် ကြေညာလိုက်ခြင်းဖြစ်သည်။

“အမှန်ကတော့ သူက ပြည်သူလူထုဆီက ငွေချေးတဲ့သဘော။ ဒီတော့ ထပ်ထုတ်တယ်ဆိုတော့ ပြည်သူလူထုဆီက ငွေထပ်ချေးတဲ့ သဘောပေါ့” ဟု စီးပွားရေးပညာရှင် ဦးခင်မောင်ညိုက ပြောသည်။
(NEJ)
-----------------

29.12.2009

ရုရှမှ တိုက်လေယာဉ် ရောင်းမည့်သတင်း ပြည်သူများစိတ်ဝင်စား

မြန်မာနိုင်ငံသို့ ရုရှနိုင်ငံမှ အမ်အိုင်ဂျီ (၂၉) အမျိုးအစား တိုက်လေယာဉ်များ ရောင်းချပေးပို့သွားရန် ရှိသည်ဟူသည့်သတင်းကို ရန်ကုန်ပြည်သူတို့ အလွန်စိတ်ဝင်စားနေကြကြောင်း ရန်ကုန်မြို့ သတင်းရပ်ကွက်များမှ သိရသည်။

အဆိုပါသတင်းကို ပြည်ပမီဒီယာများက အကျယ်တ၀င့် ဖော်ပြခဲ့ကြရာ ယခုအခါ မြန်မာတနိုင်ငံလုံးက သိရှိသွားပြီဖြစ်ကြောင်း ရန်ကုန်အခြေစိုက် ၀ါရင့်သတင်းစာဆရာတဦးက ပြောသည်။
(NEJ)
+++++

အန်အယ်ဒီက CEC စုံညီ အစည်းအဝေး ကျင်းပလို

နယူးဒေလီ (မဇ္ဈိမ)။ ။ ပါတီ ဗဟို အလုပ် အမှုဆောင်အဖွဲ့ CEC တိုးချဲ့ ဖွဲ့စည်းရေး အတွက် ဒေါ်အောင်ဆန်းစုကြည် အပါအဝင် CEC အဖွဲ့ဝင် ၁၁ ဦးလုံး ပါဝင်သည့် စုံညီ အစည်းအဝေး ကျင်းပရန် လိုအပ်နေကြောင်း အမျိုးသား ဒီမိုကရေစီအဖွဲ့ချုပ် ပြောခွင့်ရ ပုဂ္ဂိုလ်က ပြောသည်။လွန်ခဲ့သည့် နှစ် ၂၀ အတွင်း ၁၄ နှစ်ကျော် အချုပ်နှောင်ခံခဲ့ရသော ဒေါ်အောင်ဆန်းစုကြည်က စစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေထံ ပြီးခဲ့သည့် နိုဝင်ဘာလအတွင်းက အကျယ်ချုပ် ကျခံနေရသည့် ပါတီ ဒုဥက္ကဋ္ဌ ဦးတင်ဦး အပါအဝင် CEC အဖွဲ့ဝင် ၁၁ ဦးနှင့် တွေ့ဆုံခွင့်ပြုရန် စာရေးသား တောင်းဆိုခဲ့သော်လည်း ယခုထိ တွေ့ခွင့် မရသေးပါ။

အန်အယ်ဒီ CEC အဖွဲဝင်များအနေဖြင့် သဘောတူညီမှု ရရှိခဲ့သော်လည်း မျက်နှာစုံညီ အစည်းအဝေး မရှိသေးသဖြင့် အပြီးအပိုင် ဆုံးဖြတ်၍ မရသောကြောင့် စစ်အစိုးရ၏ ခွင့်ပြုချက်ကို စောင့်ဆိုင်း နေရကြောင်း ဦးခင်မောင်ဆွေက ပြောသည်။
(မဇ္ဈိမ)။
+++++

(၁၀) တန်း ကျောင်းသားများ အခမဲ့ကျောင်းများကို အားထား


ရန်ကုန်မြို့တော်တွင် နေထိုင်သည့် (၁၀) တန်းကျောင်းသား (၃) ပုံ (၂) ပုံမှာ သင်ကြားမှု စရိတ်ကြီးမြင့်မှုကြောင့် အခမဲ့ပညာသင် ကျောင်းများကိုသာ အားကိုးနေရကြောင်း သိရသည်။

တနှစ်စာ ကျောင်းစရိတ်အပြင် ကျူရှင်စရိတ်မှာ (၁၀) သိန်းမှ သိန်း (၃၀) အထိ ရှိနေသောကြောင့် တက္ကသိုလ်ဝင်တန်း ကျောင်းသားအများစုမှာ အခမဲ့ပညာသင်ကျောင်းများ ဖွင့်ထားသည့် ဘုန်းတော်ကြီးသင် ပညာရေးကျောင်းများနှင့် အခမဲ့ပညာဒါန သင်တန်းများကို အဓိက အားထားနေရခြင်းဖြစ်သည်။ ရန်ကုန်မြို့တွင် ဘုန်းတော်ကြီးများ ဦးဆောင်ပြီး ပညာဒါန ကျောင်းအများအပြား ဖွင့်လှစ်ထားကာ ၀ါရင့်ဆရာဆရာမကြီးတို့က ပညာဒါနအဖြစ် အခမဲ့သင်ကြားပေးနေကြသည်။
(NEJ)
+++++

ဒီမိုကရက်တစ် ပါတီဝင် အမျိုးသမီးများ စည်းရုံးရေး ဆင်းနေပြီ

နယူးဒေလီ (မဇ္စျိမ)။ ။ ဒီမိုကရက်တစ် ပါတီ DP မှ အမျိုးသမီးတစုက ရန်ကုန်တိုင်းရှိ မြို့နယ်တချို့တွင် စည်းရုံးရေး လုပ်ငန်း စတင်နေပြီ ဖြစ်သည်။

တွံတေး၊ သုံးခွ၊ ဆိတ်ကြီးခနောင်တို၊ ကြည့်မြင်တိုင်၊ တောင်ဒဂုံ၊ မြောက်ဒဂုံ၊ တောင်ဥက္ကလာ၊ ရန်ကင်း စသည့် မြို့နယ် ၈ ခုတွင် စည်းရုံးရေး စတင်နေပြီဖြစ်ကြောင်း DP ဗဟိုဌာနချုပ် အလုပ်အမှုဆောင်အဖွဲ့မှ တာဝန်ရှိသူတဦးက ပြောသည်။
လက်ရှိတွင် ၎င်းတို့ပါတီတွင် အမာခံ အမျိုးသမီး ဦးရေ ၂၀ ရှိနေပြီး၊ အများစုမှာ ရွေးကောက်ပွဲ စည်းမျဉ်း ဥပဒေကို စောင့်ဆိုင်းနေကြသဖြင့် အမည်စာရင်း ပေးသွင်းနိုင်ခြင်း မရှိသေးကြောင်း သိရသည်။

ယခုလို စည်းရုံးရေး လုပ်ဆောင်ရာတွင် ရန်ကုန် သတင်း ရဲတပ်ဖွဲ့ဝင် တချို့က လိုက်လံ စောင့်ကြည့်မှုများ ရှိသလို၊ စည်းရုံးရေး ဆင်းနေစဉ် နေအိမ်တချို့ကို လာရောက်၍ သတင်း မေးမြန်းစုံစမ်းခြင်း ပြုလုပ်နေကြောင်း သိရသည်။ သို့သော် တစုံတရာ လိုက်လံနှောင့်ယှက်ခြင်းမျိုး မရှိပေ။ပြီးခဲ့သည့် ဇွန်လ နောက်ဆုံးပတ်တွင် ဗဟို အလုပ်အမှုဆောင် ၁၅ ဦးနှင့် ဖွဲ့စည်းခဲ့သည့် ဒီမိုကရက်တစ် ပါတီ DP တွင် ဦးသုဝေက ဥက္ကဋ္ဌအဖြစ် ဆောင်ရွက်ပြီး နိုင်ငံရေး ခေါင်းဆောင်ဟောင်းများ၏ သမီးများဖြစ်သည့် ဒေါ်သန်းသန်းနု၊ ဒေါ်ချိုချိုကျော်ငြိမ်းနှင့် ဒေါ်နေရီဗဆွေတို့ဖြင့် ဦးဆောင် ဖွဲ့စည်းခဲ့သည်။
(မဇ္စျိမ)။
+++++

ကိုညီညီအောင်အား အမှုတခု စွဲချက်ထပ်တင်

မြန်မာလူမျိုး အမေရိကန်နိုင်ငံသား ကိုကျော်ဇောလွင်ခေါ် ကိုညီညီအောင်၏အမှုကို တရားရုံးက စွဲချက်တင်သင့် မတင်သင့် အမိန့်ချရန်အတွက် အင်းစိန်ထောင်တရားရုံးတွင် ကိုညီညီအောင်အား ယနေ့ ရုံးထုတ်သည်ဟု ရှေ့နေကြီး ဦးကြည်ဝင်းက ပြောသည်။

ယနေ့ရုံးထုတ်ရာတွင် ဦးဉာဏ်ဝင်းနှင့်ဦးကြည်ဝင်းတို့က ပူးတွဲလက်မှတ်ထိုး ရေးသားထားသည့် လျှောက်လဲချက်ကို တင်လိုက်ကြောင်း ဦးကြည်ဝင်းက ပြောသည်။မနက်ဖြန်တွင် ရှေ့နေကြီး ဦးဉာဏ်ဝင်းက တောင်ပိုင်းခရိုင်တရားရုံးသို့ သွားရောက်ကာ နောက်ထပ်စွဲချက်တင်သည့်အမှုကို လေ့လာဖတ်ရှုမည်ဖြစ်ကြောင်း ဦးကြည်ဝင်းက ပြောသည်။

ကိုညီညီအောင်အား စွဲချက်တင်ထားသည့် ပြစ်မှု (၂) ခုအပြင် ယခုစွဲချက်ထပ်တင်သည့်အမှုအတွက် ကြားနာရန် လာမည့် သောကြာနေ့တွင် ထပ်မံ၍ ရုံးချိန်းပေးလိုက်သည်။ ယနေ့ရုံးချိန်းတွင် ရန်ကုန်မြို့ရှိ အမေရိကန်သံရုံးမှ ကောင်စစ်ဝန်လည်း လာရောက်ခဲ့ကြောင်း သိရသည်။
(NEJ)
+++++

မြန်မာ့အရေး ဆွေးနွေးပွဲ ရန်ကုန်တွင် ကျင်းပမည်


နယူးဒေလီ (မဇ္စျိမ) ။ ။ မြန်မာ့အရေး ဆွေးနွေးပွဲ တခုကို ရန်ကုန်မြို့တွင် ကျင်းပ ပြုလုပ်နိုင်ရန် ဒီမိုကရက်တစ် အင်အားစုတစုက ကြိုးပမ်းလျက် ရှိသည်။

၂၀၁၀ ခုနှစ် ရွေးကောက်ပွဲ အစီအစဉ် အပေါ် မတူညီ ကွဲပြားသည့် ရှုထောင့် အမြင်များကို စုစည်းကာ ဒီမိုကရေစီ အရေး၊ လူ့အခွင့်အရေးနှင့် အမျိုးသား ပြန်လည်သင့်မြတ်ရေး စသည့် အချက်များပေါ်တွင် ပူးပေါင်း ဆောင်ရွက်နိုင်ရေးအတွက် အကြိုဆွေးနွေးပွဲကို ဇန်နဝါရီလအတွင်း ပြုလုပ်မည် ဖြစ်သည်။ ယခုနှစ်၊ နိုဝင်ဘာလအတွင်းက ဖွဲ့စည်းခဲ့သည့် မြန်မာ့အရေး ဆွေးနွေးပွဲ ဖြစ်မြောက်ရေး ကော်မတီကို ၈၈ ကျောင်းသားများ ဖြစ်သည့် ကိုသိန်းဌေး၊ ကိုသောင်းဝင်း၊ ကိုမင်းလွင်နှင့် ကိုသိန်းတင်အောင် တို့ ပါဝင် ဖွဲ့စည်းထားသည့် ၅ ဦး ကော်မတီအဖွဲ့ ဖြစ်သည်။

လာမည့် ဇန်နဝါရီလ ဒုတိယအပတ်အတွင်း ပြုလုပ်ရန် ရည်ရွယ်ထားပြီး၊ ယခုအခါတွင် ဝါရင့် နိုင်ငံရေး ခေါင်းဆောင်များ၊ တိုင်းရင်းသား ခေါင်းဆောင်များနှင့် ဒီမိုကရေစီ အင်အားစုများကို လိုက်လံတွေ့ဆုံမှု ပြုလုပ်နေသည်။ဆွေးနွေးပွဲ ကျင်းပမည့် သူများက ထုတ်ဖော် ပြောဆိုမှုတခုတွင် စစ်တပ်နှင့် တသားတည်းကျ လှုပ်ရှားနေသော အင်အားစုများကိုမူ ဆွေးနွေးပွဲသို့ ဖိတ်ကြားမည် မဟုတ်ဟု ပါရှိသည်။ (မဇ္စျိမ) ။
---------------

30.12.2009


ရွှေတွင်းများတွင် အလုပ်သမားများကို ဘိန်းပေးပြီး ခိုင်းစေ

ကချင်ပြည်နယ်၊ ဟူးကောင်းချိုင့်ဝှမ်းအထက်ပိုင်း၊ တနိုင်းမြို့နယ်အတွင်းရှိ အချို့သော ရွှေတွင်းများတွင် အလုပ်သမားများကို ဘိန်းပေးကာ ခိုင်းစေနေသည်။

တနိုင်းမြို့နယ်အတွင်းရှိ တုံပနီနှင့် တဂါးခဒေသ ရွှေတွင်းများတွင် အလုပ်သမားများကို ပုံမှန်အလုပ်ဆင်းနိုင်ရန်နှင့် အလုပ်သမားထွက်ပြေးမှုများ မရှိစေရန် ရည်ရွယ်ပြီး ဘိန်းသုံးစွဲသူများကို နေ့စဉ် ဘိန်းပေးကာ အလုပ်ခိုင်းစေနေသည်ဟု အဆိုပါဒေသမှ ပြန်လာသည့် ဒေသခံတဦးက ပြောသည်။ ဘိန်းစွဲနေသည့် အလုပ်သမားများအား မနက် အလုပ်ဆင်းခါနီးတကြိမ်၊ ညနေ အလုပ်သိမ်းချိန်တကြိမ် ဘိန်းပုံမှန်ပေးနေရပြီး အစားအသောက်နှင့် နေထိုင်စရာသာ ပေးထားရကြောင်း အဆိုပါဒေသခံက ပြောသည်။
(NEJ)
+++++

ဝ အရေး နောက်ဆုံးရက်နီးကပ်လာ၊ ဆွေးနွေးမှုမရှိသေး


ချင်းမိုင် (မဇ္ဈိမ) ။ ။ စစ်အစိုးရက အပစ်ရပ် ဝ အဖွဲ့ UWSA အား နယ်ခြားစောင့်တပ် ပြောင်းလဲရေးကို ယခုလကုန် နောက်ဆုံးထား ဆုံးဖြတ်ရန် ပြောထားသော်လည်း ယနေ့ထိ နှစ်ဖက် ဆွေးနွေးပွဲများ ထပ်မံပြုလုပ်ခြင်း မရှိသေးကြောင်း နီးစပ်သူများထံမှ သိရသည်။

ရှမ်းပြည်နယ်မြောက်ပိုင်း တန့်ယန်းမြို့ အခြေစိုက် ဗျူဟာမှူး ဗိုလ်မှူးကြီး ခိုင်ဇော်နှင့် စရဖ ဒု ဗိုလ်မှူးကြီး ထွန်းထွန်းရီတို့က ဝ နယ်မြေကို ဖြတ်၍ တရုတ်နယ်စပ် လန်ချန်းမြို့တွင် နှစ်နိုင်ငံ နယ်စပ်ကိစ္စများ ဆွေးနွေးရန် ထွက်ခွာမှုသာရှိသည်ဟု တရုတ်နယ်စပ် အခြေစိုက် စစ်ရေးလေ့လာသူ ဦးအောင်ကျော်ဇော်က မဇ္ဈိမကို ပြောသည်။

ယခင်လ ၁၄ ရက်နေ့တွင် နအဖ စစ်ဘက်ရေးရာ လုံခြုံရေး အကြီးအကဲ ဒုဗိုလ်ချုပ်ကြီး ရဲမြင့်၊ ရမခ တိုင်းမှူး ဗိုလ်ချုပ် အောင်သန်းထွဋ်၊ ကစထမှူး မင်းအောင်လှိုင်တို့ ပါဝင်သောအဖွဲ့နှင့် ဝ တပ် နိုင်ငံရေး ဦးဆောင်မှု ပါတီဖြစ်သော ဝ ပြည် သွေးစည်း ညီညွတ်ရေးပါတီ UWSP မှ ဒု- ဥက္ကဌ ပေါဝ်းယျိုလျှန်၊ ဒု-စစ်ဦးချုပ် တာ့အိုက်လွန်း ပါဝင်သောအဖွဲ့တို့ ဆွေးနွေးခဲ့ရာမှ သဘောတူညီချက်မရသဖြင့် တပ်တွင်း ထပ်မံ ဆွေးနွေးနိုင်ရန် ယခုလကုန်အထိ အချိန်ပေးခဲ့ခြင်း ဖြစ်သည်။
(မဇ္ဈိမ)
+++++

ဒေါ်အောင်ဆန်းစုကြည်ထံ ဗြိတိန်ဝန်ကြီးချုပ် စာပေးပို့

ဗြိတိန်ဝန်ကြီးချုပ် ဂေါ်ဒွန်ဘရောင်းက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ရဲစွမ်းသတ္တိကို ချီးမွမ်း ဂုဏ်ပြုလိုက်ကာ ဒီမိုကရေစီရေးအတွက် ဆက်လက်အားပေးထောက်ခံသွားမည့်အကြောင်း ပေးစာတစောင်ကို ဒေါ်အောင်ဆန်းစုကြည်ထံ ပေးပို့လိုက်ကြောင်း အေအက်ဖ်ပီသတင်းတွင် ဖော်ပြသည်။

မြန်မာစစ်ခေါင်းဆောင်များအားလည်း လာမည့် ၂၀၁၀ ရွေးကောက်ပွဲကို ပေးထားသည့်ကတိအတိုင်း လွတ်လပ်၊ တရားမျှတသည့် ရွေးကောက်ပွဲအဖြစ် ကျင်းပပေးရန် တောင်းဆိုလိုက်ပြီး ယင်းသို့မဖြစ်ပါက ပြစ်တင်ရှုတ်ချမှုများကြောင့် မြန်မာနိုင်ငံသည် အကျပ်အတည်းနှင့် နိုင်ငံတကာ၏ ၀ိုင်းကျဉ်မှုကို ပိုမိုခံရလိမ့်မည်ဟုလည်း သတိပေးပြောကြားလိုက်သည်။

ယခုရေးဆွဲထားသည့် ဖွဲ့စည်းပုံအခြေခံဥပဒေအရ အတိုက်အခံခေါင်းဆောင်များ မပါဝင်ဘဲ၊ နိုင်ငံတကာ၏ စောင့်ကြည့်မှု အောက်တွင် မရှိဘဲ ရွေးကောက်ပွဲကို ကျင်းပမည်ဆိုပါက မြန်မာနိုင်ငံသည် သံတမန်အသိုင်းအ၀ိုင်းအလယ်တွင် အထီးကျန်ခြင်း၊ စီးပွားရေး တိုးတက်မှုမရှိခြင်းတို့ ပိုမိုဖြစ်ပေါ်လာကာ မြန်မာစစ်ခေါင်းဆောင်များသည် ပြစ်တင်ခံရလိမ့်မည်ဟုလည်း မစ္စတာ ဂေါ်ဒွန်ဘရောင်းက ယမန်နေ့က ထုတ်ပြန်သည့်စာတွင် ပြောကြားထားကြောင်း သိရသည်။

နိုဘယ်လ်ငြိမ်းချမ်းရေးဆုရှင် ဒေါ်အောင်ဆန်းစုကြည်နှင့် စစ်မှန်သည့်တွေ့ဆုံဆွေးနွေးမှု ပြုလုပ်ရန်လည်း စစ်အစိုးရကို ဗြိတိန် ၀န်ကြီးချုပ်က တိုက်တွန်းထားသည်။
(NEJ)
---------------

31.12.2009

ကက်ဘိနက် အစည်းအဝေး နေပြည်တော်တွင် ပြုလုပ်


ချင်းမိုင် (မဇ္ဈိမ)။ ။ စစ်အစိုးရ၏ ကက်ဘိနက်အဖွဲ့ဝင် ဝန်ကြီးများ အားလုံးကို နေပြည်တော်က ယနေ့တွင် ဆင့်ခေါ်ထားရာ စစ်ခေါင်းဆောင် ဗိုလ်ချုပ်မှူးကြီး သန်းရွှေ ကြီးမှူး ကျင်းပမည့် အစည်းအဝေးသည် မဟာဗျူဟာမြောက်ဖြစ်ဖွယ် ရှိသည်။

စစ်ဘက် သတင်းရပ်ကွက်တခု အဆိုအရ ဗိုလ်ချုပ်မှူးကြီး သန်းရွှေသည် ယနေ့ အစည်းအဝေးတွင် ၂၀၁၀ ရွေးကောက်ပွဲနှင့် ပတ်သက်ပြီး သူ၏ အကြံအစည်များကို ရှင်းလင်း ပြောကြားသွားလိမ့်မည်ဟု သိရသည်။
(မဇ္ဈိမ)။
+++++

ပူးပေါင်း ဆောင်ရွက်ရေး ထောက်ခံမည်ဟု မြန်မာ့အရေး ကော်မတီပြော


ချင်းမိုင် (မဇ္ဈိမ) ။ ။ ဒေါ်အောင်ဆန်းစုကြည်က ဗိုလ်ချုပ်မှူးကြီး သန်းရွှေထံနှင့် ပူးပေါင်း ဆောင်ရွက်မည်ဟု ဆိုခြင်းကို ထောက်ခံကြောင်း မြန်မာ့အရေး ဆွေးနွေးပွဲ ကျင်းပရေး ကော်မတီက ပြောသည်။မြန်မာအရေး ဆွေးနွေးပွဲအား ယခုလကုန်တွင် ပြုလုပ်ရန် စီစဉ်ထားသော်လည်း ကော်မတီဝင်များ အနေဖြင့် ၈၈ ကျောင်းသားများ၊ ဝါရင့် နိုင်ငံရေးသမားများ၊ တိုင်းရင်းသား ခေါင်းဆောင်များနှင့် နိုင်ငံရေး တက်ကြွသူများကို လိုက်လံ ဆွေးနွေးမှုများ မပြီးဆုံးသေးသဖြင့် လာမည့်လ ဒုတိယပတ်သို့ ပြောင်းရွှေ့ လိုက်သည်။

ဆွေးနွေးပွဲ ကျင်းပပြီးနောက် ရလဒ်များအား သတင်းမီဒီယာများထံသို့ ကြေငြာပေးမည်ဖြစ်ပြီး စတင် ကျင်းပသည့်နေ့မှာပင် ကော်မတီအား ဖျက်သိမ်းလိုက်မည်ဖြစ်ဟု ကိုဖြိုးမင်းသိန်းက ပြောသည်။
(မဇ္ဈိမ)
+++++

ဒုတိယ အကြိမ်မြောက် မြန်မာဘလော့ဂ် အကယ်ဒမီဆုပေးပွဲ ကျင်းပမည်


ဒုတိယ အကြိမ်မြောက် မြန်မာ ဘလော့ဂ် အကယ်ဒမီ ဆုပေးပွဲကို မြန်မာ ဘလော့ဂါများ အကြား ဘလော့ဂ္ဂင်း အရည်အသွေး တိုးတက် ခြင်းနှင့် မြန်မာ ဘလော့ဂ်လောက ပိုမို ဖွံ့ဖြိုးရေးအတွက် ကြိုးပမ်းမှု တရပ်အား အသိမှတ်ပြုသော အနေဖြင့် ၂၀၁၀ ခုနှစ် နှစ်ကူး ကာလတွင် အင်တာနက် ပေါ်မှတဆင့် အွန်လိုင်း မဲပေးစံနစ်ဖြင့် ကျင်းပ ပြုလုပ်သွားမည် ဖြစ်ကြောင်း သိရှိရသည်။

အဆိုပါ မြန်မာဘလော့ဂ် အကယ်ဒမီ ရွေးချယ်ပွဲအား သတ္တမ နည်းပညာရပ်ဝန်း (Technical 7) မှ နည်းပညာနှင့် ဝဘ်ဆိုဒ် ပြင်ဆင်မှုများကို ကမကထပြု ပံ့ပိုးပေးခြင်းခြင်း ဖြစ်ကာ၊ မြန်မာဘလော်ဂါ လူငယ်တစု ၏ အားထုတ်မှု၊ မြန်မာ သတင်းသမဂ္ဂ၊ နယ်ခြားမဲ့ သတင်းထောက်များ အသင်း RSF တို့၏ ကူညီမှုများကြောင့် ဖြစ်သည်ဟု ဆိုသည်။

အွန်လိုင်းမှတဆင့် ဆန္ဒမဲပေးမှု ရလဒ်များအရ ကဏ္ဍ အသီးသီး၌ အကောင်းဆုံး ဘလော့ဂ်ဆု ရရှိသူများ အားလုံးကို MBAA 2009 ဂုဏ်ပြု မှတ်တမ်းတင်လွှာ တခုစီနှင့်၊ " မြန်မာ သတင်းသမဂ္ဂ " ၏ အမှတ်တရ လက်ဆောင် ပစ္စည်းတခုစီအား ဆုလက်ခံ ရရှိသူ ဘလော့ဂ်ဂါ နေထိုင်ရာ မြို့၊ ရွာ၊ နိုင်ငံ အရောက် MBAA 2009 လက်ဆောင်များအား အခမဲ့ အရောက် ပို့ဆောင် ပေးသွားမည် ဖြစ်ကြောင်း ၎င်းဝဘ်ဆိုဒ်တွင် ရေးသား ကြေငြာ ဖေါ်ပြထားသည်။

၂၀၀၉ ခုနှစ်အတွက် ချီးမြှင့်မည့် မြန်မာဘလော့ဂ် အကယ်ဒမီဆုများတွင်

* အကောင်းဆုံး သာသနာတော် အကျိုးပြု စာပေဘလော့ဂ်ဆု
* အကောင်းဆုံး နည်းပညာ အကျိုးပြု စာပေဘလော့ဂ်ဆု
* အကောင်းဆုံး နိုင်ငံ အကျိုးပြု သတင်းနှင့်စာပေ ဘလော့ဂ်ဆု
* အကောင်းဆုံး လူမှုအကျိုးပြု ပရဟိတ အသင်းအဖွဲ့ ဘလော့ဂ်ဆု
* အကောင်းဆုံး ပညာရေးနှင့် ပညာပေး စာပေ ဘလော့ဂ်ဆု
* အကောင်းဆုံး လူမှုဘ၀ သရုပ်ဖော်နှင့် ဘာသာပြန် ရသစာပေ ဘလော့ဂ်ဆု
* အကောင်းဆုံး ရင်တွင်းဖြစ် ခံစားမှု စာစုများနှင့် ရသကဗျာ စာပေဘလော့ဂ်ဆု

စသည်ဖြင့် သက်ဆိုင်ရာ ဘလော့ဂ် အမျိုးအစားများ အလိုက် ဆုပေါင်း ၇ ဆုအထိ ပါဝင်ပြီး၊ ဘလော့ဂ် ပိုင်ရှင်များကိုယ်တိုင် မိမိဝင်ရောက်လိုသည့် ဘလော့ဂ် အမျိုးအစားများ အလိုက် ဝင်ရောက် စာရင်းသွင်းရန် လိုအပ်မည် ဖြစ်ကာ၊ အွန်လိုင်းမှ မဲပေးသူများ အနေဖြင့် ကဏ္ဍတခုစီ အလိုက် မိမိတို့ ကြိုက်နှစ်သက်ရာ ဘလော့ဂ် တခုစီကို မဲပေးခွင့်ရမည်ဟု MBAA 2009 မှ အစီစဉ် ရေးဆွဲသော တာဝန်ရှိသူ တဦးမှ ပြောကြားသည်။မဲပေး ရွေးချယ်မှုကို ဖေဖေါ်ဝါရီလ ၁ ရက်နေ့မှ စတင်မည် ဖြစ်ပြီး မည်သူမဆို အွန်လိုင်းမှတဆင့် လွတ်လပ်စွာ ဝင်ရောက် မဲပေးနိုင်ကြ မည်ဖြစ်သလို၊ ခရစ် သက္ကရာဇ် ၂၀၁၀ ခုနှစ်၊ ဖေဖေါ်ဝါရီလ (၁၅) ရက်နေ့၊ မြန်မာ စံတော်ချိန်ည (၁၂း ၀၀) တိတိတွင် ပိတ်သိမ်းမည် ဖြစ်ကြောင်းနှင့် ကဏ္ဍ အသီးသီးရှိ အကောင်းဆုံး ဘလော့ဂ်ဆု ရရှိသူများ စာရင်းကို ခရစ် သက္ကရာဇ် ၂၀၁၀ ခုနှစ်၊ ဖေဖေါ်ဝါရီလ (၁၆) ရက်နေ့ မြန်မာစံတော်ချိန် နေ့လည် (၁၂း ၀၀) တိတိတွင် ဆုစာရင်းအား ဖွင့်လှစ် ကြေညာမည်ဟု သိရှိသည်။

ကဏ္ဍ အသီးသီးရှိ အကောင်းဆုံး ဘလော့ဂ်ဆု ရရှိသူများ အတွက် ဆုပေးပွဲ အခမ်းအနားကို ထိုင်းနိုင်ငံ၊ ချင်းမိုင်မြို့တွင် ခရစ်သက္ကရာဇ် ၂၀၁၀ ခုနှစ်၊ ဖေဖေါ်ဝါရီလ (၂၆) ရက်နေ့တွင် ကျင်းပ ပေးသွားမည် ဖြစ်ပြီး၊ ဘလော့ဂ်ဆု ရရှိသူများအတွက် နေထိုင် စားသောက်စရိတ် အတွက် MBAA 2009 အစီအစဉ်မှ တာဝန်ယူ သွားမည်ဖြစ်ကာ၊ မြန်မာနိုင်ငံနှင့် ထိုင်းနိုင်ငံအတွင်းမှ ဆုရှင်များအတွက် ခရီးစရိတ်ပါ ထပ်မံကူညီ ပေးသွားမည် ဖြစ်ကြောင်း သတင်းရရှိသည်။
http://www.mmblogpress.org/
(လူထုအသံ)