တလအတွင်း သတင်းများအပေါ် သုံးသပ်ချက်

*
**
***



ကမ္ဘာကြီးဟာ နာစေးပြီး ၂၀၀၉ ခုနှစ်ကို အင်အားကုန်ခမ်း မောပန်းစွာဖြင့် ဖြတ်သန်း ၀င်ရောက်လာခဲ့တယ်။ လူတချို့ဆိုရင် နှစ်သစ် အခါသမယ၌ ကောင်းသော နှစ်သစ် ဖြစ်ပါစေပဲ ဆုတောင်းနိုင်ပါတော့၏။ ကျွဲနှစ် မျောက်နှစ် ခွေးနှစ် နွားနှစ်… တွေက ခဏ အသာလေးထားလိုက်ပါ။ သေချာတာက ကမ္ဘာကြီး ဖျားနာသွားပြီ၊ ၂၀၀၈ ခုနှစ်က ပြသာနာ အရင်းအမြစ်တွေနှင့် ၂၀၀၉ ခုနှစ် ဖြတ်သန်းရတော့မယ်။ ပြသာနာတွေရဲ့ အကြီးမားဆုံး နောက်ဆက်တွဲကတော့ ကမ္ဘာ့ ငွေကြေး အရှုပ်တော်ပုံပါပဲ၊ အရင်တိုင်း အနေအထားတခုကို ပြန်ရအောင် ရေတို စီမံချက်များနှင့်တော့ ပြည်စုံ ကုံလုံနိုင်မှာ မဟုတ်နိုင်၊ ပညာရှင်တွေ ခန့်မှန်းတာ အလွန်ဆုံး ၂ နှစ်တဲ့၊ ခန့်မှန်းသလို ဖြစ်လာရင် အကောင်းသား၊ အရာဝတ္တု တခုဟာ အရှိန်နှင့် ကျလျှင် ထိုအရှိန်ကို တန့်အောက် လုပ်ဖို့က အချိန်ကာလတခု ယူရသလို၊ တန့်သွားတဲ့ အရှိန်ကို ပြန်တက်အောင် လုပ်ရန်အတွက် ကာလတခုကို အချိန်များစွာ ယူရမယ်လေ၊ လူလ အမြင်တော့ ၁း ၄ ပါပဲ၊ ကာလတခုက ကျသွားတဲ့အချိန်က တနှစ် ဖြစ်မယ်ဆိုရင် တန့်အောင် လုပ်တဲ့ ကာလက ၂ နှစ်၊ အရင်တိုင်း ပြန်ရရန်က ၂ နှစ်ကို ဆိုလိုတာပါ၊ ဗမာ့ ရာဇ၀င်မှာ အရှင်အဇ္ဇဂေါဏလို ဖိုအောင်ပြီး ရွှေးမိုးငွေမိုးတွေ ရွာချနိုင်တဲ့ ပုဂ္ဂိုလ်ထူး ပေါ်ရင်တော့ ကမ္ဘာ့ စီးပွားရေးဟာ နလံ ထူလာနိုင်မှာပါ၊ ဒီရာဇ၀င်မျိုးက ဗမာပဲ ယုံတယ်လေ၊

အိုဘားမားကို ကမ္ဘာ့သူ ကမ္ဘာသားများကို မျှော်လင့်ခဲ့တယ်။ ဟုတ်တယ်.. မျှော်လင့်ရုံလေးပါပဲ၊ ကမ္ဘာကြီးက စစ်ပွဲတွေ ပြီးပြတ်နိုင်မလား အတွေးတွေဖြင့်ပေါ့၊ ဘုရ်ှအစိုးရ၏ နိုင်ငံခြားရေးဝါဒကို မကြိုက်လို့လဲ ဖြစ်နိုင်တယ်။ အမေရိကန်ပြည်တွင်းမှာလဲ အလုပ်အကိုင် အသစ်တွေ ဖန်တီးပေးမယ်၊ အစိမ်းရောင် စွမ်းအင်ကို အသုံးပြုမယ်တဲ့၊ အလုပ်အကိုင်အသစ်တွေကို ဘယ်လို ပုံဆောင်မလဲတော့မသိ၊ အိုဘားမားက ကမ္ဘာ့အခင်းအကျင်းမှာ ရေနံဟာ ပါဝါဖြစ်နေတာကို မလိုတာတော့ သေချာတယ်။ တချို့ ရေနံရောင်းတဲ့နိုင်ငံတွေက အမေရိကန်ရဲ့ စကားကို သိပ်နားထောင်တာ မဟုတ်၊ ရေနံကို အမေရိကန်က အမှီအခို ကင်းအောင်လုပ်မယ်။ ရေနံရောင်းပြီး ပိုက်ဆံ ချမ်းသာတယ်၊ ဒီတော့ သူ့တို့စကားကို နားမထောင်တဲ့နိုင်ငံတွေနှင့် ပဋိပက္ခများက ဆက်ရှိနေဦးမှာပါ။ ကျမ်းကျိန်တဲ့ မိန့်ခွန်းမှာ ကွန်မြူနစ်ဆိုပြီး စကားတလုံးပါသွားတာနဲ့ နဂါးကြီးက မျက်စောင်းထိုးနေပြီ၊ တရုတ် အမေရိကန် ဆက်ဆံရေးဟာ ဂျော့ဘုရ်ှလက်ထက်ကလို ပြန်ဖြစ်နိုင်ဦးမလား၊ ဘုရ်ှအထာက ရှင်းရှင်းလေးပါ၊ သူ့အစိုးရ နိုင်ငံခြားရေး မူဝါဒမှာ ရန်သူဝိုင်းနေတယ်၊ တရုတ်ကို စစ်မျက်နှာ မဖွင့်ချင်ဘူး၊ တရုတ်ကို စီးပွာရေး အခွင့်အရေးများ ပေးတယ်။ သဘောကတော့ “ ၀ ငြိမ်ငြိမ်နေ၊ ငါ ဂွင် ထွင်ပေးမယ် ” ဆိုပြီး ပုခုံးဖက်လိုက်တာပဲ၊ ဒါကို တရုတ်က အရှိန်တွေ လွန်ပြီး ကလေးကစားစရာတို့၊ စားသောက်ကုန်တို့မှာ မဟုတ်တရုတ်တွေ ထည့်၊ ဈေးကွက် ပျက်သွားပြန်၊ လူတွေလဲ သေတဲ့သူက သေ၊ နာတဲ့လူက နာ၊ သေဒဏ်မိတဲ့သူနှင့် ရှုပ်နေတာပဲ၊ အိုဘားမားက တရုတ်ကို ခန့်တန်းတန်းပဲ ဆက်ဆံမဲ့ပုံရတယ်။ ဂွာတာနာမို အကျဉ်းစခန်း ပိတ်တာကို နိုင်ငံတကာက ကြိုဆိုဗေမဲ့ ဒီအကျဉ်းသားများကို ဘယ်နိုင်ငံက လက်ခံမှာလဲ၊ တော်တော် ကြပ်ရိုက်တဲ့ ပြသာနာတခု၊ နိုင်ငံတကာအတွက်လည်း ဗြဟ္မာ ဦးခေါင်းလို ဖြစ်နေပြီ၊ အီရန်အပေါ် သဘောထားကတော့ မပြောင်းလဲနိုင် ပြသာနာတွေကတော့ ဆက်ရှိနိုင်တဲ့ အနေအထားတခုပါ၊ မြန်မာအတွက်တော့ အရမ်း မမျှော်လင့် မရဲပါဘူး၊ လေသံပစ်တဲ့ ဒီပရိုမေစီပဲ လာမှာပါ၊ ထူးထူးခြားခြား ရှိနိုင်မယ်လို့ မထင်၏။ ဒါတွေဟာ သူနိုင်ငံခြားရေး ၀ါဒကိုတော့ အကြမ်းအားဖြင့် သိနိုင်တယ်။ ဘာပြောပြော သူသမ္မတအဖြစ် ကျမ်းကျိန်ပွဲမှာ အိုဘားမား နားဆွဲ၊ လော့ကစ်၊ တခြား ဟာတွေ အတော်များများက made in chine တဲ့၊ အရမ်း ရောင်းအားကောင်းခဲ့တယ် ဆိုပဲ၊ တရုတ်တွေ လောလောဆယ်မှာ အမြတ် ထွက်သွားတာပေါ့၊ တရုတ်တွေက မြင်တတ်တယ် စီးပွားကွက်တွေ၊ ဘယ်တုန်းက ကြိုထုတ်ထားသလဲမသိ။
*****
ကမ္ဘာသားတွေက မီးရှုး မီးပန်းတွေနှင့် နှစ်သစ်ကို ကြိုဆို ပျော်မြူးတဲ့အချိန်မှာ ဂါဇာမှာရှိတဲ့ ပါလက်စတိုင်းတွေအတွက် ဘုရားသခင်ပေးတဲ့ မီးရှုးပန်းတွေနှင့် ကြုံလိုက်ရတယ်။ နေမကောင်း ဖြစ်နေတဲ့ ကမ္ဘာ့ရဲ့ နှစ်သစ်ဟာ စစ်ပွဲနှင့် အစပြုလိုက်ရတယ်လို့ ဆိုရမှာပါ။ ဒါလဲ ပုလိပ် အရာရှိ( အမေရိကန် သမတ ) အပြောင်းအလဲ စပ်ကူးမတ်ကူးမှာ ခင်းလိုက်တဲ့ အခင်းအကျင်းတခုပါပဲ၊ ပါလက်စတိုင်း ဂါဇာအရေးက ကမ္ဘာပျက် သွားတိုင်အောင် ဆက်ရှိနေမဲ့ ပဋိပက္ခတခုပါ။ အမှားအမှန်ကို ဘယ်သူမှ ထောက်ပြနိုင်ဘူး။ ပါလက်စတိုင်း လိုလားတဲ့သူတွေ ထောက်ပြတာ ကုလသမဂ္ဂ မူလသတ်မှတ်ထားတဲ့ နယ်မြေနှင့် အခု လက်ရှိ ဖြစ်တည်နေသော နယ်မြေကို နှိုင်းယှဉ်ပြခဲ့တယ်။ ကုလ ဆုံးဖြတ်ချက်နှင့် အစ္စရေးနိုင်ငံ ထူထောင်ဖို့ နေရာသတ်မှတ် ပေးလိုက်တဲ့အချိန်မှာ အစ္စရေးတို့ရဲ့  နေရာလေး ပိုင်ဆိုင်တာက နည်းနည်းလေးရယ်ပါ။ ဒါကို အာရပ်ကမ္ဘာက မကြေမနပ်ဖြစ်ပြီး ရဟူဒီတွေကို ပင်လယ်ထဲ မောင်းချမယ် ကြေးကြော်ပြီး စစ်ပွဲကို စတင် ဖန်တီးတယ်။ ဒီအချိန်မှာ ဘဲအုပ်က တရာ၊ မဗေဒါက တယောက်ထဲ ဖြစ်နေတဲ့ အစ္စရေးကို လူသားချင်းစာနာတဲ့၊ သူတို့ကို အားပေးနေတဲ့ ဥရောပနှင့် အမေရိကန် ပြည်ထောင်စုက ကူညီခဲ့တယ်လေ။ ဆိုတော့လဲ စစ်ပွဲဟာ ၆ ရက် စစ်ပွဲလို့ အမည်ရပြီး အစ္စရေးတို့ကပဲ အောင်မြင်ခဲ့တယ်။ အောင်မြင်သူအတွက် အကျိုးရလဒ်ကတော့ နယ်မြေ ချဲ့ထွင်ခွင့် ရခြင်းပဲ၊ အစ ပထမ ကုလက သတ်မှတ်ပေးထားတဲ့ နယ်မြေလေးဟာ တစစ ကြီးထွားခဲ့လာရတယ်။ စကားမစပ် “ ရဟူဒီတွေကို ပင်လယ်ထဲ မောင်းချမယ် ” စကားက သမိုင်းဝင် စကားတောင်မဟုတ်ဘူး၊ ကျမ်းဝင် သမိုင်းပါပဲ၊ သမ္မာကျမ်းအလာ သခင်ယေရှု့လား၊ မိုးဇက် လား သေခြာမသိ၊ ၎င်း အပေါင်းအပါတွေကို ရန်သူလိုက်လို့ ပြေးဖို့ နေရာမရှိဘူး၊ သစ္စာဆိုတာဖြစ်ဖြစ်၊ ဘုရားသခင်ဆီ ဆုတောင်းခဲ့တာ ဖြစ်ဖြစ်၊ ပင်လယ်ရေ မျက်နှာပြင်ကြီးက နှစ်ခြမ်း ဟက်တက်ကွဲရပြီး ၎င်းတို့နှင့် အပေါင်းအပါတွေ လွတ်မြောက်ခဲ့ရပါတယ်လို့ ကျမ်းက ဆိုလာတယ်။ ဒါကို ကမ္ဘာခရစ်ယာန် အသိုင်းအ၀ိုင်းက အစ္စရေးလူမျိုးတို့အတွက် မိအေးနှစ်ခါနာ မဖြစ်ခံနိုင်ဘူး၊ ကာကွယ်ပေးရတာပဲလေ။ နောက်ပြီး ဒုတိယ ကမ္ဘာစစ်မတိုင်ခင် ဂျူးလူမျိုးတွေ ဘယ်သို့သော ပဋိက္ခများနှင့် ဥရောပ တခွင့် ပြန့်နှံနေထိုင်ရသလဲ၊ ဒါလဲ မေးခွန်းတခု၊ ကျမ်းဂန်အလာ ဂျူးတွေရဲ့ မူရင်းဌာနေက အခု သူတို့နိုင်ငံ တည်ထောင်ထားသည့် နယ်မြေ ဖြစ်တယ်။ ဂျူးနှင့် ပါလက်စတိုင်း၊ ဂျူးနှင့် အာရပ်လူမျိုးများဟာ အရှေ့အလယ်ပိုင်းဒေသမှာ ရှေးပဝေဏီကတည်းက အတူတူ နေထိုင်သူတွေ ဖြစ်တယ်ဆိုတာ ဘယ်သူမှ ငြင်းမနိုင်တဲ့ အချက်တချက်၊


ကမ္ဘာ့ပုလိပ်အရာရှိ ရွေးချယ်တဲ့အချိန်မှာ ဟားမစ်နှင့် အစွန်းရောက် အစ္စလာမ်အဖွဲ့တွေက ပျားအုံကို တုတ်နဲ့ သွားထိုးသလို ဖြစ်မစလောက်တဲ့ လက်လုပ် ဒုံးကျည်တွေနဲ့ သွားသွား ပစ်နေတာ၊ ပျားတုတ်ခံလိုက်ရပေါ့၊ မှုခင်းကို ရှင်းလင်းဖို့ ပုလိပ်မရှိဘူး၊ ဘယ်သူမှလဲ ကြားဝင် ဆုံးဖြတ်နိုင်တဲ့ အနေအထား ဖြစ်နေတယ်လေ။ တော်တော်ကို ဆိုးဝါးပါတယ်။ ပုလိပ်မရှိတော့ ကြံဖွတ်ဆိုတဲ့ ကုလက တောင်းပန်ရတဲ့ အဆင့်တောင် ဖြစ်သွားတယ်၊ ဒါကို နားမထောင်တော့ လုံထိန်း ( ပြင်သစ်)က ဟိန်းလိုက် ဟောက်လိုက် လုပ်ပြီး ၀င်ဟန့်ရတယ်၊ နောက်ဆုံးတော့ ဟားမတ်စ်နှင့် စစ်သွေးကြွတွေက တိုက်ပွဲ ဗျူဟာ ပြောင်းလဲလိုက်ပြီး စာသင်ကျောင်းတွေ ဘုရားကျောင်းတွေကို အကာအကွယ်ယူ တိုက်ခိုက်တယ်။ ကိုယ့်ကို တိုက်ခိုက်နေတဲ့ ရန်သူက စာသင်ကျောင်းမှာပဲ ရှိတာ ကျည်ဆံလာရာကိုပဲ တဖက်က ဆော်မှာပေါ့၊ ဒီတော့လဲ စာသင်ကျောင်းမှာ ခိုလှုံနေတဲ့ အပြစ်မဲ့ အရပ်သားတွေ ခံရတယ်။ ခံရတော့ မှတ်တမ်းတင် သတင်းတွေ တက်လာတယ်။ ဒီတော့မှ ကမ္ဘာ့အသိုင်းအ၀ိုင်းက လက်မခံနိုင်တော့ ဥရောပ သမဂ္ဂပဲ ၀င်ရောက် ဖြေဖြန့်ရသည်။ ဒါတောင် ငြိမ်းချမ်းရေးက ၀ိုးတ၀ါးပါပဲ။ ဒါဗေမဲ့ သေချာတာက ဒီပွဲဟာ ပါလက်စတိုင်းတို့ဟာ မီဒီယာဖြင့် အနိုင်ရခဲ့တယ်။ ဒီပြသာနာနှင့် ဥရောပနိုင်ငံတွေမှာ အင်တီ ပါလက်စတိုင်းတွေ အချုပ်ထဲ ရောက်သွားပြန်၊
*****
ကျွန်ုပ်တို့ အာရှတိုက်ဖက်ကို တချက် စောင်းကြည့်လိုက်တော့ မြွေနဂါးမျိုးက အစာကို တခါမျိုထားရင် တော်ရုံဖြင့် ဆာလောင်ခြင်း မရှိပါဘူး၊ ပြသာနာက ကျား၊ ကျားမျိုးက အစာကို များများ မစားနိုင်ဘူး၊ အစာကို နေ့တိုင်းလိုလို ရှာဖွေစားသောက်ရတဲ့ သတ္တ၀ါ ဖြစ်၏၊ စားကျက်မှာ အစာက ရှားပါးလာတော့ အာရှကျားတွေလဲ တစစနှင့် အစာမရှိတော့ ပိန်ချုံးသွားရတယ်၊ ဆိုတော့လဲ အာရှ ကျားစာရင်း မ၀င်တဲ့ နိုင်ငံကို ဦးဆောင်နေသော ၀န်ကြီးချုပ် သိန်းစိန်က မြန်မာနိုင်ငံက ကမ္ဘာ့ငွေကြေးဂယက်မှာ မပါဘူးလို့ ကြွေးကြော်တယ်။ ဒါလဲ မှန်တာပဲ မြန်မာငွေကြေးစနစ်က ကမ္ဘာ့ငွေကြေးစနစ်နှင့် တရားဝင် ဆက်သွယ်ထားတာမှ မရှိတာလေ။ နောက်ပြီး မြန်မာက ကမ္ဘာ့အပြင်ဖက် ရောက်နေတဲ့ နိုင်ငံဖြစ်တော့ ကမ္ဘာမှာ ဘာပဲဖြစ်ဖြစ် မခံရဘူးပေါ့၊ ဒါမှမဟုတ် ခံရများလို့ အရေထူသွားတဲ့ သဘောနဲ့ ပြောတာ ဖြစ်နိုင်တယ်။ စီးပွားကပ် ထိမထိတော့မသိ၊ ပဲ ကုန်သည်တွေ ပြသာနာတွေ ဖြစ်နေတာလေ။ ကမ္ဘာ့စီးပွားရေး ဂယက် မထိတာလဲ ဖြစ်နိုင်ပါတယ်၊ မြန်မာနိုင်ငံက စက်မှုလက်မှု ပို့ကုန်တွေ ထုတ်တဲ့နိုင်ငံမှမဟုတ်တာ ရေထွက် တောထွက်၊ မြေပေါ် မြေအောက် သယံဇတ ပစ္စည်း ပဲ ရောင်းစားတယ်ဆိုတော့ ရောင်းအား ကျဆင်းတာလောက်တော့ ခံရမယ်။ သေချာမှုတခုက ကျွန်ုပ် ကြည့်ဖြစ်နေတဲ့ ရင်ဘတ်တွေထဲက ဘလော့ဂါတွေ အနည်းနှင့်အများ ပျောက်သွားရတယ်။ ကျုပ်အတွက် သုတ နည်းရသွား၏။ ဒါလဲ ကမ္ဘာ့ငွေကြေး ဂယက်မှ လူလ ခံလိုက်ရတဲ့ အကြောင်းအရင်း တခု။
*****

မြန်မာ့ Hip hop လောကမှာ ဂျောက်ဂျောက် ဂျက်ဂျက် ပွက်လွတ်ရိုက်နေတာ ကြားလိုက်ရတယ်။ VIP အခွေတွက်ကတည်းက အင်တာနက်မှာ သူတို့အခွေ ထွက်စက နားထောင်ဖြစ်ပါတယ်။ ရုတ်တရက် နားထောင်တော့ .. ဟ လန်းလှချီလားပေါ့၊ ခိုက်သွားတယ်။ အိုး ဘာတဲ့.. မင့်တို့ပဲ တော်တယ် မင်းတို့ပဲ တတ်တယ် … အားလုံး ၀ိုင်းပယ်လိုက်လို့ ဘေးရောက်သွားပြီလား…လိုအပ်သည်များကို ညွန်ကြားသွားတယ် …. ပြောတတ်လိုက်တာ သူ့ပါးစပ်က ဆေးလိုက်တာက တောနဲ့… သူက တက်တူး ထိုးဦးမယ်တဲ့.. ဂွေပျောက်တဲ့ တရုတ်ကားထဲက ကုန်ကုန်းလို ဖြစ်သွားပြီလား…မင်းတို့ပဲ လန်းတယ်.. မင်းတို့ပဲ ဆန်းတယ်.. နောက်ဆုံးတော့ မင့်တို့ ဂွမ်းတယ်… မှားမှန်းသိလျက်နဲ့ လက်ခံ နားထောင်ပေးနေတာ အကုန် ငပေါပဲ… သူက ဘုရင် ဘယ်သူ့မှ မယှဉ်နဲ့ သူအိမ်မှာ…စင်ပေါ်အရင်တက်တော့ ဆရာဖြစ်တော့မှာလား.. မကြေနပ်ရင် ကြိုက်တဲ့ကောင်နဲ့ ရိုက်မယ်…ဒီမှာ ငါသား ငါဘုရား နေ့မအား ညမအား… ဆိုတဲ့ စာသားလေးက ကျုပ်ရင်ဘတ်ကို လှုပ်ခတ်သွားတာတော့ အမှန်ပဲ၊ အရင်ဘလောဂ် အဟောင်းမှာတောင် “ မင်းတို့ပဲ တော်တယ် ”သီချင်းကို တင်ထားသေးတယ်၊ နောက်တော့ ဘလောဂ် လာလည်သူတွေကို စော်ကားနေသလို ဖြစ်မယ်ဆိုပြီး ပြန်ဖြုတ်လိုက်ရတာပါ။ ဘာပဲဖြစ်ဖြစ်လေ သူတို့ ရင်ဘတ်ကို ဖေါက်ထွက်လာတဲ့ ဖန်တီးမှုကို လူတွေက လက်ခံလို့ အောင်မြင်မှုရတယ်လို့ မှတ်ယူရမယ်။ နောက်ပြီး အနုပညာ ခံစားမှုဟာ စိတ်ကူးယဉ်ပြီး ဖြစ်တည်တာနှင့် လက်ရှိအနေအထားကို ဖေါ်ကျူးတဲ့ ဖြစ်တည်မှု နှစ်မျိုးရှိပါတယ်။ ဂျောက်ဂျက်သီချင်းတွေက ရိုင်းဆန်ဗေမဲ့ ဒီခေတ်ကြီးမှာ ဒါတွေ ဖြစ်နေတာကို ခံစားပြီး ဖန်တီး ထုတ်ဖေါ်မှုပဲလို့ ထင်တယ်။ ဒါကို စားသုံးသူတွေက လိုရာဆွဲပြီး နီးစပ်ရာကို စောင်းမြောင်းဆိုတယ်ဆိုတော့ အမှန်အကန်တွေ နစ်နာသလို ဖြစ်သွားရတယ်။ ဖန်တီးမှုတခုဟာ လူအများ လက်မခံရင် ငပေါ ဖြစ်သွားရမှာပေါ့လေ၊ နောက်တချက်က ဒီအခွေကို အစကတည်းက စီစစ်ရေး ( ဆင်ဆာ )က ပိတ်ထားတာလား၊ ဒါက မေးခွန်း ဖြစ်လာတယ်၊ အခုလို ပြသာနာတွေ့မှ စီစစ်ရေးက ပြန်ပြီး ဖိအားပေးတယ်ဆိုတော့ .. ဒီမှာ ငါ့သား ငါငပေါ ဖြစ်နေပြီလို့ ပြောသရောင်ရောင် ဖြစ်ရပြန်၊ ဒါမဟုတ် စိတ်ဓါတ် စစ်ဆင်ရေးအရ ၂၀၁၀ ရွေးကောက်ပွဲကို အာရုံမရောက် အောင် ဂျောက်ဂျက်ကိုပဲ ထိုးကြွေးသလား။ စဉ်းစားတာပါ။ သီချင်းဆိုတာက ဘယ်သူရေးရေး ဘယ်သူဆိုဆိုပေါ့၊ နားထောင်တဲ့သူ၊ ဂီတကို မြတ်နိုးတဲ့သူတွေက လက်ခံလို့သာ လူတိုင်း ပါးစပ်ဖျား ရောက်တယ်လေ။ ဥပမာ။ ။ ခေတ်နှောင်း သီချင်းတပုဒ်ဖြစ်တဲ့ “ ခင်ပျို နှမရယ် ပင်ကိုယ်လှတယ် ” ရှိခဲ့တယ်။ ဒါကို လူတွေက ပင်ကိုယ်လှတယ်ကို စာသား ပြောင်းပြီး စောင်းမြောင်းဆိုခဲ့တာပဲ။ ထူးအိမ်သင်ရဲ့  “ ပန်းခင်းလမ်းထဲ လျှောက်ပါ ချစ်ကလေးရယ် ” ဗဒင်ရဲ့ “ တို့ကတော့ တို့ကတော့ ” ဆိုတဲ့ စာသားတွေက ကလေး လူကြီး ပျိုပျို အိုအို ငြီးဆိုနေတာပဲလေ၊ ကြိုက်လို့ ငြီးဆိုတာကို ပတ်ဝန်းကျင်က လက်မခံဖြစ်နေတော့လဲ တမျိုးပေါ့၊ သေချာတာကတော့ ဂါထာပေးရင် တေးလုပ်တဲ့ သူတွေလောက်တော့ မဆိုးပါဘူး၊ ဒီတေးသားဟာ အာဖရိကန်တို့ရဲ့ မူလ သီချင်းဖြစ်တယ်၊ သူတို့က ပွင့်လင်းတယ်လေ၊ ကလော်စရာရှိရင် ကလော်၊ ဆဲစရာရှိတာမှာပဲ၊ မြန်မာ့ Hip hop ပေါ်စ တချို့သော နားလည်သူတွေ Hip hop က ရိုင်းတတ်တယ်လို့ အရင်တုန်းက ထောက်ပြတဲ့သူတွေ ရှိတယ်၊ ဒါကို လူငယ် ရေစီးကြောင်းကို ဆည်ကန်သင်းနေတယ်လို့ ချေပတယ်၊ ဟုတ်တယ်လေ မူရင်း အာဖရိကန်တွေလဲ ဒီလိုပဲ ဆဲ ဆို နေတာ၊ သူတို့အလိုက်ကို ကွန်ပီလုပ်ရတယ်ဆိုတော့ ဒါတွေလဲ ပါလာမှာပါ။ အခုမှ လွန်လွန်းတယ် ဖြစ်သွားပြန်ရော… အစကတည်းက Hip hopကို မြန်မာ ဂီတ ရေစီးကြောင်းထဲ မ၀င်လာအောင် ထိန်းထားပါလား၊ ခေတ်ရေစီးကြောင်းဆိုတော့လဲ ထိန်းလို့လဲမရ၊ ဖြစ်တတ်တာတွေကတော့ အနည်းနှင့် အများ ခံရမယ်၊
*****

အတိုက်အခံ နိုင်ငံရေးဖက်ကို မျှော်ကြည့်လိုက်ရင်တော့ ညီညွတ်ရေး ဇာတ်ပွဲကတော့ အရင်တိုင်းပါပဲ၊ ဒီဗုံ ဒီဆိုင်းနှင့် ဆက်ပြီး “ က ” သွားဦးမယ် သဘောရှိတယ်၊ ပြသာနာက ပရိသာတ်က မကြိုက်ရင် မကြည့်ဘူးလေ၊ ဆိုတော့လဲ စစ်အစိုးရ ရဲ့  လမ်းပြမြေပုံ ဇာတ်လမ်းကိုပဲ ကြည့်ရလိုလို အခြေအနေက ပေးနေပြန်၊ လူလတော့ သေထိတိုင် မကြည့်ပါ ၊ တခု ထူးခြားလိုက်တာက စင်ပြိုင်အဖွဲ့ကို ဝေဖန်နေတဲ့သူတွေက ကိုယ်ပိုင် နာမည်မသုံးဘူးဆိုပြီး ကြာကူလီလုပ်တယ်လို့ ဆလိုင်းကိုကိုဦးက ပြောတယ်။ ဒါကို ကိုငြိမ်းချမ်းက ပြန်ထောက်လိုက်တာ ဗိုလ်ချုပ်တို့ ခေတ်ကို ရောက်သွားရော… ဒီလိုနဲ့ ဘတပြန် ကျားတပြန် ကလောင်တိုက်ပွဲ ဆင်နွဲနေတာ ဖတ်ရ မြင်ရ လိုက်တယ်။ သေချာတာက စာအသွားအလာကို ကြည့်ပြီး တယောက်နှင့် တယောက် သိနေသလိုလို ဖြစ်နေတယ်။ နိုင်ငံရေး ပြသာနာထက် ကျောင်းတော်က ရန်စတွေပဲလို့ တွေးစရာ ဖြစ်နေတယ်။ ပြသာနာ လိုရင်းကို မရှင်းနိုင်တော့ပဲ ပုဂ္ဂိုလ်ရေး တိုက်ခိုက်မှုများနှင့် ပြီးသွားတယ်။ ထားလိုက်ပါတော့ တခု မေးစရာဖြစ်လာတယ်။ ဟုတ်ပြီ နာမည်ဝှက်တွေနဲ့ စင်ပြုင်အစိုးရအဖွဲ့ကို ဝေဖန်ရေး လုပ်နေတယ်၊ ဒီလို နာမည်ဝှက်တွေက ရေးလိုက်လို့၊ ဝေဖန်လိုက်လို့ အတိုက်ခံလောက အကွဲကွဲ ဖြစ်သွားတာပေါ့လေ၊ မဟုတ်ရလေ … NCGUBကို ဖိအားပေးပြီး ကွန်ပလိန်းတက်နေတဲ့ MPU အဖွဲ့နှင့် တခြား အတိုက်အခံအဖွဲ့များက နာမည်ဝှက်တွေ ရေးခဲ့လို့ လိုက်လုပ်နေသလို ဖြစ်နေပြန်ရော.. စဉ်းစားပါ.. ဒါဆို MPU နှင့် တခြား အတိုက်ခံတွေက ခေါင်းမရှိတဲ့ စဉ်းစားဥာဏ် မရှိတဲ့ သူတွေ ဖြစ်သွားမှာပေါ့နော်၊ ကျွန်တော်ပြောတာ ထိုသူတွေကို ပုတ်ခတ်နေတာ မဟုတ်ဘူး၊ လူလ တယောက် နိုင်ငံရေး ကြာကူလီ မဖြစ်ချင်လို့ ရှင်းပြနေတာပါ၊ အဘယ်သို့ အကြောင်းဖြစ်ဖြစ် ဟုတ်လို့ ကျော်၊ ပုတ်လို့ ပေါ် ဆိုသလို စင်ပြိုင်အဖွဲ့က ဟုတ်နေ ပုတ်နေပြီလေ၊ ဘယ်သူမှ ငြင်းမနိုင်ပါဘူး။ ဒါကို အပြောင်းအလဲ လိုတယ်လို့ လူတိုင်းက မြင်တယ်၊ မြင်တာကို ရေးတယ် ဒါပါပဲ၊ လူလလည်း ရေးဖူးခဲ့တယ်လေ၊ ဟုတ်နေတာကိုး.. ဒါဆို ကိုယ့် ဦးနှောက်ကို ကိုယ်ပဲ မုဒီန်းကျင့်ခံပြီး ငြိမ်နေရမှာပေါ့.. မှားလေစွ၊ လွတ်လပ်စွာ ထုတ်ဖေါ်ခွင့်ကို ဘောင်တခု အနေဖြင့် ဘလောဂ်လုပ်ပြီး အသုံးချနေတာပါ၊ အလွဲအသုံးစားမလုပ်ပါ၊ ဘာဖြစ်ဖြစ်လေ အခု အသစ်ဖွဲ့လိုက်ပြီ အင်အားတွေနှင့်ပေါ့၊ အိုင်ယာလန်နိုင်ငံမှာ လွတ်တော်အမတ်များ သွေးမြေကျပြီး ညီညွှတ်ရေးကို တည်ဆောက်ခဲ့ရတယ်လို့ ကြားလိုက်ရတယ်။ “ အိုင်ယာလန်မှာ စွန်းကျတဲ့သွေး” ပေါ့ဗျာ။ နောက်ပြီး ၀န်ကြီးဖြစ်ချင်လို့ အတွေးအခေါ်၊ ဆုံးဖြတ်ချက်၊ မူကို ရောင်းစားလိုက်တယ်ဆိုပဲ၊ အရင်တုန်းကတော့ ၅ ဦး ကော်မတီ၊ အခု ၃ ဦး တိုးလာတယ်ဆိုတော့ များများ လုပ်နိုင်မှာပေါ့။ စင်ပြိုင်အဖွဲ့မှာ ၄ နှစ် တကြိမ် ညီလာခံ လုပ်ပြီး ရွေးချယ် တင်မြောက်တယ်လို့ ကြားတယ်။ ဘယ်လောက်တော်တော် ဘယ်လောက် ကောင်းကောင်း သက်တမ်း ၂ ကြိမ်ပဲ ထမ်းဆောင်ခွင့်၊ အမေရိကန် အခြေခံဥပဒေလို လုပ်ကြည့်ပါလား၊ အလွန်ဆုံး ၈ နှစ်ပေါ့၊ အခုက အလုပ်လဲ မဖြစ် ၊ ရေသာကုန်ပြီး ပဲ မပြဲ ဖြစ်နေတယ်။ ကြာရင် အာဏာရှင်တိုက်ရင်းနဲ့ အာဏာရှင်စိတ် ၀င်လာမှာ စိုးလို့ ပြောတာပါ။
*****

နအဖရဲ့  လမ်းပြမြေပုံ ဇာတ်ကားက ကြမ်းမှကြမ်းဗျ၊ ထစ်ကနဲဆို ထောင်ထဲ ဆွဲထည့်၊ ဘီလူးဆိုင်းနှင့် က နေသလိုပါပဲ၊ မြန်မာရုပ်ရှင်ထဲက ဒမြတိုက်ခန်းတွေမှာ ပြောသလို “ လာမရှုပ်နှင့် မျိုးပြုတ်သွားမယ် ” လူကြမ်းတွေ စကား ဖြစ်နေသလား မသိ၊ သူ့တို့ ရဲ လမ်းပြမြေပုံက ရှင်းပါတယ်၊ ၈ လဲ လျှောက်သာ ၉ လဲ ချမ်းသာ၊ ၁၀ လဲ အေးစေ ပုံစံလေ၊ စစ်အုပ်ချုပ်ရေးကို လူတွေက ယဉ်ပါးနေပြီ၊ ယဉ်ပါးအောင်လဲ စနစ်တကျ လုပ်ခဲ့တယ်၊ပြီးတော့မှ စစ်အငွေ့များဖြင့် ယဉ်ပါးနေတဲ့ လူအသိုင်းအ၀ိုင်းတခုလုံးကို ရုတ်တရက် ပြောင်းလဲလို့ မရဘူးလို့ အကြောင်းပြတယ်။ တဆင့်ခြင်း သွားမယ် ပြောတယ်။ ဒီတော့ စစ်သားနှင့် လမ်းပြမြေပုံကို ကြိုက်တဲ့သူတွေ ၊ စစ်အုပ်ချုပ်ရေးနှင့် ယဉ်ပါးနေတဲ့သူတွေ ပေါင်းပြီး ရွေးကောက်ပွဲ လုပ်မယ်၊ မျှဝေ အုပ်ချုပ်မယ်၊ ဒီတော့လဲ မောင်စူးစမ်းလို စာရေးကောင်းတဲ့ သတင်းဆောင်းပါးသမားကို အခါတော်ပေး ပွဲထုတ်လာတယ်။ ထူးခြားတာတခုက စစ်အစိုးရ မီဒီယာတွေက မောင်စူးစမ်းအား ကွန်မြူနစ်ကြီးဆိုပြီး ပုတ်ခတ် မရေးသားဘူး၊ တခါက ကိုသားထူး ဘလောဂ်မှာ ရေးခဲ့သလိုပေါ့ အာမီကရေစီ ပါပဲ။ ဒီမိုအာမိစီပဲဆိုဆို အာမီကရေစီပဲ ပြောပြော ကြိုက်ရင်တော့ လက်ခံပါ၊ ပြည်သူ့ အဆုံးဖြတ်ပါပဲ၊ တခုတော့ ရှိတယ် ပြည်သူက ကြောက်လို့ ဖြစ်စေ၊ နိုင်ငံရေးကို စိတ်မ၀င်စားလို့ဖြစ်စေ၊ ရတာလေးပဲ ယူတော့မယ်ဆိုပြီး ကိုယ်ဆုံးဖြတ်လိုက်တဲ့ ဆုံးဖြတ်ချက်ဟာ ကိုယ်အပါအ၀င် ကိုယ်မျိုးဆက်ပဲ အသီးအပွင့် ခံစားရမယ်၊ ဒီအသီးအပွင့်ဟာ ကောင်းရင်တော့ ပြည်သူစံပေါ့၊ မကောင်းရင်တော့ ခံရမယ်။
*****

အဆိုးဝါးဆုံး အမှုက လှေစီးပြေးတဲ့ သူတွေပါပဲ၊ မြန်မာနိုင်ငံအတွင်းက လူတော်များများက ရိုဟင်ဂျာကို တိုင်းရေးသား လို့ လက်မခံတဲ့ကြားထဲ လှေစီးပြေးတဲ့ ဒုက္ခသည် ရိုဟင်ဂျာတွေက သူတို့ လှုပ်ရှားပြီး မထွက်လာဘူး။ ဆွေတော် မျိုးတော်တွေဖြစ်တဲ့ ဘင်္ဂလားဒေရ်ှလူမျိုးတွေတောင် အဆက်ပါ ခေါ်လာတယ်။ ဆိုတော့လဲ ထိုင်း၊ အင်ဒို မလေးရှား အစိုးရတွေက ဘယ်လက်ခံနိုင်မှာလဲ၊ မင်္ဂလာပါ လို့ နှုတ်ဆက်လိုက်ရင် ရှာလာမာလီးကွန်း ပြောပြောနေတော့လဲ ဘယ်ယုံမလဲ၊ လုပ်ဇာတ်ကို အဟုတ်လုပ်ချင်ရင် … ဆွေတော် မျိုးတော်တွေကို မင်္ဂလာပါ လို့ သင်ပေးလိုက်ပါဦး၊ ဘာပြောပြော နိုင်ငံတကာမှာလဲ ရိုဟင်ဂျာတွေ အတွက်က မျက်နှာပန်းမလှပါဘူး၊ လွန်ခဲ့တဲ့ နှစ်များကဆို မလေးရှားမှာ လုပ်ခဲ့တဲ လုပ်ရပ်တွေက အကြမ်းဖက်သမားဆန်ဆန် ဖြစ်သွားတယ်လေ။ ဒီတော့လဲ ဘယ်အစိုးရက စဉ်းစား လက်ခံနိုင်မှာလဲ၊ ဥရောပတွေမှာ အထူးသဖြင့် တောင်ပိုင်းနိုင်ငံတွေ ဖြစ်တဲ့ အီတလီ စပိန်တို့မှာ ဒီလိုပဲ လှေစီးပြေးဝင်နေတာ ကြာပြီ၊ ကြိုက်တဲ့သူလာ အကျဉ်းစခန်းတခု လုပ်ပြီး အားလုံး ပစ်ထည့်ထားလိုက်တယ်။ လှေစီးပြေးများကို နေထိုင်ခွင့် ပေးတာ သိပ်မစဉ်းစားဘူး၊ လှောင်ပိတ်ရတာ ကြာမြင့်လာတော့လဲ လူတွေ သည်းမခံနိုင်ဖြစ်လာပြီး နောက်ဆုံး ဆန္ဒတွေပြ လုပ်နေတယ်။ လွန်ခဲ့တဲ့ အပတ်မှာတောင် အီတလီ ထိန်းသိန်းရေး စခန်းတခုဖြစ်တဲ့ Lampedusa ကျွန်းပေါ် ထိန်းသိမ်းထားတဲ့ တရားမ၀င် ရောက်လာသူတွေ ၇၀၀ လောက် ဆန္ဒပြတယ်လို့ သိလိုက်ရတယ်။ ဒီလို အုပ်စုလိုက် လှေစီပြေးသူအတွက် ရောက်ရှိတဲ့နိုင်ငံတွေအတွက် ၀န်ထုပ်ဝန်ပိုးဖြစ်တာတော့ အမှန်ပဲ၊ ထိုင်းအစိုးရလဲ ကြိုတင်ရှင်းလင်းထားတဲ့ ပုံစံဖြစ်မယ်။ သွားပေတော့ဆိုပြီး ပုံပြင်ထဲက မျက်မမြင်ညီနောင်ကို အစာရေစာနှင့်အတူ ဧရာဝတီထဲ မျှောချလိုက်သလိုလေ၊ နောက်ပြီး ကိုယ်တို့နေတဲ့ နိုင်ငံရဲ့  မြို့တော်မှာပေါ့ မြန်မာတွေ လူသတ်မှု ဖြစ်တယ်တဲ့၊ စုံစမ်းလိုက်တော့ ဗမာစကားလဲ နားမလည်၊ အဆိုးဆုံးက မြန်မာ့အသိုင်းအ၀ိုင်းနှင့် လုံးဝ မနီးစပ်တဲ့သူတွေ၊ မသိတဲ့လူတွေ ဖြစ်နေတာလို့ မြို့တော်မှာ နေတဲ့ သူငယ်ချင်း တယောက်က ပြောပြတယ်၊ နောက်ဆုံးတော့လဲ ဒီနိုင်ငံသားတွေ စိတ်ထဲမှာ မြန်မာတွေ လူသတ်တတ်တယ်ဆိုပြီး ထင်သွားပြန်ရော။
လူအခွင့်အရေးအဖွဲ့တွေကလဲ လူသားချင်းစာနာလို့လား ဒါမှမဟုတ် ဂွေဖမ်းတာတော့မသိ၊ လှေစီးပြေးတွေအတွက် တကြော်ကြော် အော်ပေးနေတယ်။ နိုင်ငံခြား အဖွဲ့အစည်းတွေ အထူးသဖြင့် နိုင်ငံတကာ လူ့အခွင့်ရေး စောင့်ကြည့် အဖွဲ့တွေက အော်တာတော့ ပြောစရာမလိုပါဘူး၊ သူတို့က ဒါနဲ့ပဲ လုပ်စားနေတယ်။ ပြောချင်တာကတော့ မြန်မာလူ့အခွင့်အရေး လှုပ်ရှားနေတဲ့သူတွေ ဒီကိစ္စကို မဖွတာ အကောင်းဆုံးဖြစ်မယ် ထင်တယ်။ ဘာလိုလဲ မေးလာရင် သမိုင်းတရာခံ ဖြစ်သွားမှာ စိုးလို့လေ၊ ရိုဟင်ဂျာကို အရင်တုန်းက သိသလောက်ဆိုရင် မူဂျာဟစ်ဒင် လို့ခေါ်တယ်။ မူဂျာဟစ်ဆိုတာ ဘာသာရေးနှင့် ဆက်နွယ်ပြီး အစွန်းရောက် အကြမ်းဖက်အဖွဲ့အစည်းတခုလို့ အခုထိ နိုင်ငံတကာက လက်ခံထားတုန်း၊ အယ်လ်ခိုင်တာထက် စောတဲ့ အစွန်းရောက်အဖွဲ့အစည်းတခု ဖြစ်တယ်။ ဒီလ ၂၇ ရက်နေ့မှ ဥရောပမှာ ဒီအဖွဲ့ကို အကြမ်းဖက်အဖွဲ့အစည်းမှ ပယ်ပေးလိုက်တယ်။ ဒါတောင် အီရန်နိုင်ငံကို တိုက်ခိုက်ချင်လို့ ဖျက်ပယ်ပေးလိုက်တဲ့ သဘော၊ မြန်မာ အရှေ့မြောက်ဖက်မှာ ရှိတဲ့ ရိုဟင်ဂျာတွေက ကမ္ဘာ့မူဂျာဟစ်အဖွဲ့ အထောက်အပံ အဆက်သွယ်ဖြင့် လွတ်လပ်ရေး ရကတည်းက စတင်တော်လှန်တဲ့ အဖွဲ့အစည်းများထဲမှ တဖွဲ့ဖြစ်တယ်။ မဖြစ်စလောက် လူအင်အားနှင့် အရင် အာဖဂန် မူဂျာဟစ်တွေနဲ့ အဆက်သွယ်ရှိခဲ့တယ်။ နှစ်နိုင်ငံအကြား ခွထိုင်ပြီး နယ်မြေတောင်းတယ်၊ အခု ထိုင်းနိုင်ငံ တောင်ပိုင်းမှာ ဖြစ်ပွားနေသလိုပေါ့။ သူတို့ တောင်းတာတွေကို ဖဆပလ အစိုးရနှင့် အစိုးရ အဆက်ဆက်က လက်မခံဘူး၊ ဒါဟာ ပြည်ပနိုင်ငံတခု၊ အစွန်းရောက် ဘာသာရေးအဖွဲ့တခုက စွက်ဖက်တယ်ဆိုပြီး စစ်ရေးနှင့် နှိမ်နှင်းပစ်လိုက်တယ်။ အနီးဆုံး လူမျိုးဖြစ်တဲ့ ရခိုင်လူမျိုးကလဲ သူတို့ကို လက်မခံတဲ့အတွက် သူတို့ တော်လှန်ရေးဟာ အလျင်မြန်ပဲ ကျဆုံးသွားရတယ်။ ဒါဗေမဲ့ သူတို့ကတော့ မြန်မာ မူရင်းဌာနေ တိုင်းရင်းသားပဲလို့ အခုထိ သတ်မှတ်နေတုန်းပဲ၊ သေချာတာကတော့ မြန်မာလူမျိုးတွေအတွင်း ရိုဟင်ဂျာကို တိုင်းရင်းသားအဖြစ် မြင်တာ နည်းတယ်။ အခုလည်းကြည့်ပါလား လှေစီးပြေးတယ်၊ ရောက်ရှိတဲ့နိုင်ငံတွေ ပြောတာကတော့ ဘင်္ဂလားဒေရ်ှလူမျိုးတွေလဲ ပါတယ်ဆိုပဲ၊ ဆိုတော့လည်း ဘယ်လို ယုံစားရမှာလဲ၊ အခုလို ထိုင်း၊ မလေးရှားဖက်ကို ပြေးထွက်တယ်ဆိုတော့ ရိုဟင်ဂျာအတွက် ဘင်္ဂလားဒေရ်ှနိုင်ငံမှာ ဒုက္ခသည်စခန်းတွေ မရှိဘူးလား၊ မဖြစ်နိုင်လောက်ပါဘူး ရခိုင်ဖက်က ထွက်ပြေးသွားတဲ့ အတိုက်ခံ နိုင်ငံရေးသမားတွေ ဒါကာမှာ အများကြီးပါ၊ ပြောနေတာက မြန်မာ့လူအခွင့်ရေးသမားတွေအတွက်ပါ ဂွင်ကောင်းတိုင်း ဂွေ ၀င်မဖမ်းပါနဲ့လို့ ပြောချင်လို့ပါ၊ အိုကေ UNHCR နှင့် တွေ့ပေးလိုက်ပြီဆိုပါတော့ သူတို့က မြန်မာအစိုးရက ဖိနှိပ်လို့ ထွက်ပြေးတာပါလို့ ပြောရင် မြန်မာ့ နိုင်ငံရေး ဒုက္ခသည် အလိုလို ဖြစ်သွားပြန်ရော။ ဘယ်ကလာပြီး ဘင်္ဂလားဒေရ်ှတွေကို ဗမာအစိုးရက ဖိနှိပ်ရမှာလဲ။ ဆိုလိုနေတာက အခု လှေစီးပြေးထဲမှာ ဘင်္ဂလားလူမျိုးတွေ ပါနေလို့ပါပဲ။ အတိုက်အခံ လောကမှာလဲ ဒီပြသာနာကို အခုထိ ရှင်းရှင်းလင်းလင်း မရှိသေးတာ အမှန်ပဲ။ တကယ်လိုများ အတိုက်ခံတွေက တိုင်းပြည်ကို ဦးဆောင်ရခဲ့ရင် ရိုဟင်ဂျာအတွက် ဘယ်လိုကိုင်တွယ်မလဲ၊ ဒါကို အခုကတည်းက ရှင်းရှင်းလင်းလင်း ရှိစေချင်တာပါ။ ထိုင်းနိုင်ငံအတွင်း ၀င်လာတဲ့ လှေစီးပြေးတွေကို ထိုင်းအစိုးရက အစာရေစာပေးပြီး လာတဲ့ လမ်းကို ပြန်ပို့တာလဲ သူတို့ နိုင်ငံလုံခြုံရေးအရပဲ။ ထိုင်းနိုင်ငံတောင်ပိုင်းမှာ အစွန်းရောက် လှုပ်ရှားနေတဲ့သူတွေနှင့် ဒီအုပ်စုတွေ ဆက်စပ်မိသွားရင် တော်တော်ဆိုးဝါးတဲ့ ပြသာနာတွေ ရင်ဆိုင်ရမယ်။ နောက်ဆုံးသတင်းရ လှေစီးပြေးများကို UNHCR ဒုက္ခသည်များဆိုင်ရာ ကုလသမဂ္ဂ မဟာမင်းကြီးရုံးနှင့် တွေ့ခွင့်ရမယ်တဲ့၊ ဘယ်လိုတွေ ဆက်ဖြစ်လာမလဲကို နောက်တလ သုံးသပ်ချက်မှာ ရေးဖြစ်မယ်။
*****


တိုင်းပြည်က ဆင်းရဲ၊ မုန်တိုင်းက ထန်ထန်၊ ငတ်ပြတ်တော့လဲ ရွေ့ပြောင်းအလုပ်သမားတွေ အကြောင်းမျိုးစုံဖြင့် နိုင်ငံရပ်ခြားမှာ ရှာဖွေရုန်းကန်နေရတယ်။ လက်ခံတဲ့တိုင်းပြည်များက စီးပွားရေး ပျက်ကပ်မှာ ပါခဲ့တယ်ဆိုတော့လဲ နောက်ဆုံးတော့ နိုင်ငံခြားသားတွေပဲ ပ ထုတ်ရမယ်။ တနည်းမဟုတ် တနည်း ထွက်သွားအောင် အမျိုးအမျိုး ညစ်ပတ်တဲ့နည်းတွေ အသုံးပြုမယ်၊ ခံနိုင်ရင် ခံ၊ မခံနိုင်ရင် ပြန်ပေါ့၊ ဦးသိန်းစိန်က အလုပ်ပေးမှာပါ မကြောက်ပါနဲ့၊ အနည်းဆုံးတော့ ကုသိုလ်ရ ၀မ်းလည်းဝ လမ်းဖောက် တံတားဆောက် အလုပ်တော့ သူတို့မှာ ရှိတယ်လေ၊ သူတို့က တိုင်းပြည် တိုးတက်ဖို့ထက် ယတြာချေသဘောနှင့် တံတားဆောက် လမ်းဖောက်တာလေ၊ ပေါမှပေါ… အလုပ်အကိုင်ကို ပြောတာ၊ နိပေါနိုင်ငံက ကွန်မြူနစ်တွေတောင် လိမ်မာသေးတယ်။ သူတို့နိုင်ငံသားတွေ မလေးရှားမှာ ပြသာနာဖြစ်နေတာကို အစိုးရကနေ ၀င်ရောက်ဖြေရှင်းပေးမယ်၊ တကယ်လို့များ တခြားနိုင်ငံများသို့ ပြောင်းရွေ့ အလုပ်လုပ်မယ်ဆိုရင် အလုပ်သမားဝန်ကြီးဋ္ဌာနက ကူညီပေးမယ်လို့ သတင်းမှာ ကြားလိုက်ရတယ်။ အထူးသဖြင့် သူတို့ နိုင်ငံသားတွေ ဂျပန်လို လခကောင်းတဲ့ နိုင်ငံသို့ ရောက်နိုင်အောင် ဆောင်ရွက်ပေးမယ်တဲ့။ ဦးသိန်းစိန်က ပြောလို့သာ ပြောပါတယ်။ အခု လောလောဆယ်မှာ မြန်မာပြည်အတွင်းကနေ နိုင်ငံခြားကို ထွက်ဖို့ ကြိုးစားနေတဲ့သူတွေ အမြောက်အမြားရှိနေတယ်ဆိုတာ သူသိပါတယ်။ ပညာရေး စီးပွားရေး၊ လူနေမှု အစစ အရာရာ အဖက်ဖက်က ချွတ်ခြုံကျနေတဲ့ နိုင်ငံမှာ တိုးတက်ချင်တဲ့ လူငယ်တွေ ထိုးဖေါက်တွက်တာတော့ ဓမ္မတာပါပဲလေ၊ မှန်ကန်သော ထိုးဖောက်မှုများဖြင့် ဘ၀အလင်းရောင် လွှမ်းခြုံစေသောဝ်…

ဤတလအတွင်း ဖြစ်ပွားခဲ့သည့် သတင်းများအပေါ် လူလ၏ သုံးသပ်ချက်အား ထိုမျှသာဖြင့် ရပ်နားပါရစေ…

လူလ
ရွှင်လန်းချမ်းမြေ့ပါစေ…

( မှတ်ချက် ။ ။ ဓါတ်ပုံအား Yahoo amages မှ ရှာဖွေ အသုံးပြုထားသည်။ )