သတင်း မှတ်စု ( ၁ )

တပတ်အတွင်း သတင်း မှတ်စု

ဇန်န၀ါရီလ ၁ ရက်
ပထမအပတ်၊ ၂၀၀၉၊
ပြည်တွင်း သတင်း


“ရွှေကျင် သာသနာပိုင် ဆရာတော်ကြီး ဦးအဂ္ဂိယ၏ ၂၀၀၉အတွက် သြ၀ါဒ”
ယနေ့ မြန်မာ့နိုင်ငံရေးကို ကြည့်လျှင် မိမိ မြန်မာနိုင်ငံထွက် မုန့်ပြားသလက်လေးကိုပင် ညီညီညွတ်ညွတ် တစားပွဲတည်းထိုင်ပြီး အတူမစားနိုင်သည့်အဖြစ် ရောက်နေသည်မှာ ၀မ်းနည်းစရာကောင်းသည်ဟု သက်တော် (၉၀) ကျော် မန္တလေးမြို့ ရွှေကျင်သာသနာပိုင်ချုပ် ဆရာတော်ဘုရားကြီး ဦးအဂ္ဂိယက ခေတ်ပြိုင်သို့ အမိန့်ရှိသည်။ ( ခေတ်ပြိုင်သတင်းမှ ကောက်နှုတ်ချက်)
*****

နာဂစ်မုန်တိုင်း ရံပုံငွေ နာမည်ဖြင့် ကညနတို့ ဆိုင်ကယ်လိုင်စင်ထုတ်ပေး ကျပ်သိန်းချီအခွန်ကောက်

ယခုနှစ် ဂျွန်လမှစ၍ သျှမ်းပြည်တောင်ပိုင်း လွယ်လင်ခရိုင်၌ နအဖအာဏာပိုင်များ ဆိုင်ကယ်လိုင်စင် လက်ခံလုပ်ပေးရာ ဆိုင်ကယ်တစ်စီး ကျပ်ငွေသိန်းချီကောက်ယူကြောင်း၊ နားဂစ်မုန်တိုင်းဒုက္ခသည်များအတွက် ရံပုံငွေဟု နာမည်တပ် ကောက်ယူသော ငွေများကို နအဖအာဏာပိုင် အသိုင်းအ၀ိုင်းများအတွင်းပင် ပြန်လည်ဝေငှစားသုံးခဲ့ကြောင်း သျှမ်းပြည်တောင်ပိုင်းသတင်း ရပ်ကွက်က ဆိုပါသည်။ (သျှမ်းသံတော်ဆင့်မှ ကောက်နှုတ်ချက်)
*****

စာကြည့်တိုက်အတွက် စာအုပ်များ လှူဒါန်း

ရန်ကုန်မြို့မှ စေတနာရှင်များက စာအုပ်နှင့် စာစောင်များ လှူဒါန်းခဲ့ကြ ဧရာဝတီတိုင်း၊ ဘိုကလေးမြို့၊ ဗိုလ်ချုပ်အောင်ဆန်းလမ်း၊ (၅)ရပ်ကွက်၊ အမှတ်(၇)တွင် (၂ဝဝ၈) ခုနှစ်၊ မတ်လ (၃ဝ)ရက်နေ့မှ စတင် ဖွင့်လှစ်ခဲ့သော“ဗိုလ်ကလေးတင့်အောင် စာကြည့်တိုက်'သို့ ဦးစီး တည်ထောင်ခဲ့သူ ဆရာ ဗိုလ်ကလေးတင့်အောင် ကိုယ်တိုင် (၂ဝဝ၈)ခုနှစ်၊ ဒီဇင်ဘာလ (၁၉)ရက်နေ့၊ နေ့လယ်ပိုင်း အချိန်က သွားရောက်၍ ရန်ကုန်မြို့မှ စေတနာရှင်များက လှူဒါန်း လိုက်ကြသော ဂျာနယ်များ၊ မဂ္ဂဇင်း စာစောင်များကို လွှဲပြောင်း ပေးအပ်ခဲ့ရာ ဗိုလ်ကလေးတင့်အောင် စာကြည့်တိုက် ဥက္ကဋ္ဌ ဦးထွန်းအောင်ကြည် စာကြည့်တိုက်မှူး ကိုကျော်စွာ၊ စာကြည့်တိုက် ထိန်းသိမ်းရေး တာဝန်ခံ နန်းအိသန္တာမြင့်၊ နန်းသက်ရည်ဝင်းနှင့် မြို့ခံ ပန်းချီ ဦးဝင်းဇော်တို့မှ လက်ခံ ရယူ ပေးခဲ့ကြသည်။ ( www.snapshot-news.com )
*****
“NCUB က စင်ပြိုင်အစိုးရ ဖွဲ့ရန် စီစဉ်”

တိုင်းပြည်အရေးအပေါ် အခြေအနေတွေကြောင့် ခိုင်မာကျယ်ပြန့်တဲ့ အမျိုးသား ညီညွတ်ရေး အစိုးရတရပ်ကို ဖွဲ့စည်းသွားမည်လို့ ပြည်ထောင်စုမြန်မာနိုင်ငံ အမျိုးသားကောင်စီက ဇန်န၀ါရီလ ၁ ရက်နေ့မှာ ကြေညာလိုက် ။ ။ ( ဘီဘီစီသတင်းမှ ကောက်နှုတ်ချက်)
*****
မလေးရှားမှနှစ်သစ်ကူးမရှောင်သောအဖမ်းအဆီး

(၁-၁-၂၀၀၉) new year နေ့မှာပင် မလေးရှားနိုင်ငံ၏ အော်ပရာစီ ခေါ်စီမံချက် အဖမ်းအဆီးများ မရပ်မနား ပိုမို ကြမ်းတမ်းနေကြောင်း ကြားသိရပါသည်။ ကွာလမ်လာပူမြို့လယ်ကို တာရာယာကုန်တိုက်အနီးနှင့် ကလန်းကားဂိတ်တ၀ိုက်တွင် ဘက်စ်ကား ခရီးသည်များကို ကားပေါ်မှဆွဲချ၍ ဖမ်းဆီးကြောင်း၊ ဖမ်းဆီးရာတွင် အသက်ဆယ်နှစ်ကျော် ရွယ်ကလေးငယ်များကို ဖမ်းဆီးပြီး လူကြီးများကို ကားပေါ်မှ အတင်းဆွဲချ၍ လမ်းဘေးတွင် ဆောင့်ကြောင့်ထိုင်ခိုင်းထားကြောင်း မျက်မြင်ကိုယ်တွေ့ဖြစ်ခဲ့သူ မြန်မာနှစ်ဦးမှ ပြောကြားပါသည်။ သည်အတိုင်း ရှေ့လျှောက် ပိုဆိုးမည်ဟု မြန်မာအသိုင်းအ၀ိုင်းတွင် သတင်းများဖြစ်ပေါ် နေကြောင်း ကြားသိရပါသည်။
(မြန်မာပြည်သား ဘလောဂ်)
*****

“နေပြည်တော် စက်မှု (၁) ၀န်ထမ်းများထံမှ အဓမ္မကောက်ခံငွေ ၀န်ကြီးပြန်ပေး”

နေပြည်တော် အမှတ်(၁) စက်မှုဝန်ကြီးဌာန လက်အောက်ခံ အရာထမ်း၊ အမှုထမ်းများထံမှ လစဉ် အဓမ္မကောက်ယူခဲ့သည့် မိခင်နှင့်ကလေး စောင့်ရှောက်ရေး အသင်းကြေး ငွေများကို ၀န်ကြီး ဦးအောင်သောင်းက ရုတ်တရက် အားလုံး ပြန်ပေးသဖြင့် ၀န်ထမ်းများ အံ့သြနေကြသည်ဟု စုံစမ်းသိရသည်။
(ခေတ်ပြိုင်သတင်းမှ ကောက်နှုတ်ချက်)
*****

“ဦးသန့် ဓါတ်ပုံမျက်နှာဖုံးအား စာပေစိစစ်ရေးက ပယ်ချ”

ပြည်တွင်းလစဉ်ထုတ်နေတဲ့ မြန်မာသစ်မဂ္ဂဇင်းစာစောင်တွင် ဇန်နာရီလအတွက် ကွယ်လွန်သူ ကုလ အတွင်းရေးမှူးချုပ်အဟောင်း ဦးသန့်၏ ဓါတ်ပုံဖြင့် ပုံနှိပ်ထုတ်ဝေခွင့်ကို စစ်အစိုးရ စာပေစိစစ်ရေးက ပယ်ချလိုက်သည်။
(www.rfa.org သတင်းမှ ကောက်နှုတ်)
*****

“နေပြည်တော် အာဆီယံကောင်စစ်ဝန်ရုံးဆောက်ဖို့ ကြံစိုက်ခင်းတွေသိမ်း”

နေပြည်တော်ဒေသတွင်း ပါဝင်သော ပြန်ကပြေး၊ တောက်ထိန်နှင့် လက်ပံခါးလှ ကျေးရွာများမှ ကြံစိုက်ခင်းဧက (၁,၀၀၀) ကို အာဏာပိုင်များက သိမ်းယူလိုက်ပြီဖြစ်ကြောင်း သတင်းရရှိသည်။ ယင်းသို့ သိမ်းယူရခြင်းမှာ အာဆီယံ နိုင်ငံများဆိုင်ရာ ကောင်စစ်ဝန်ရုံး တည်ဆောက်ရန် အတွက်ဟု သိရပြီး ဒီဇင်ဘာလလယ်ခန့်က အဆိုပါ ကျေးရွာများမှ ကြံတောင်သူများကို ဆင့်ခေါ်ကာ ကြံစိုက်မြေများကို သိမ်းယူလိုက်ပြီဖြစ်ကြောင်း၊ အဆိုပါ ကြံစိုက်ခင်းများအတွင်း သို့ ၀င်ရောက်ခြင်း၊ ကြံခုတ်ခြင်းများ မပြုလုပ်ကြရန်လည်း အမိန့်ဖြင့် တားမြစ်ခဲ့သည်ဟု ဆိုသည်။ (ခေတ်ပြိုင်သတင်းသတင်းမှ ကောက်နှုတ်ချက်)
*****

“အဖမ်းဆီးခံ မြောက်ကိုးရီးယားနိုင်ငံသားများ သတင်း”

တရားမ၀င် ၀င်ရောက်လာမှုနဲ့ ဖမ်းဆီးထားခဲ့တဲ့
မြောက်ကိုရီးယား နိုင်ငံသားတွေထဲက တချို့ကို ပြန်လွှတ်ပေးလိုက်ပြီး အိမ်နီးချင်း
ထိုင်းနိုင်ငံကို ပို့ပေးလိုက်တယ်လို့ မြန်မာတာဝန်ရှိသူတွေက ပြောပါတယ်။
မြောက်ကိုရီးယားနိုင်ငံသား ၁၉ ယောက်ဟာ တရုတ်နဲ့ အရှေ့တောင်အာရှဒေသကို
ဖြတ်ပြီး တောင်ကိုရီးယားကိုသွားဖို့ ကြိုးစားကြတာပါ။
ဒီဇင်ဘာလ အစောပိုင်းမှာ မြန်မာအာဏာပိုင်တွေက သူတို့ကို ဖမ်းဆီးခဲ့ပြီး လူဝင်မှု
ကြီးကြပ်ရေးဥပဒေနဲ့ အရေးယူခံရမယ့် အခြေအနေ ရောက်ခဲ့ပါတယ်။
အခုပြန်လွှတ်ပေးလိုက်တဲ့သူတွေကို တောင်ကိုရီးယားနိုင်ငံ သွားခွင့်ပြုမယ်လို့
တောင်ကိုရီးယား တာဝန်ရှိသူတွေက ပြောပါတယ်။
( ဗွီအိုအေမှ ကောက်နှုတ်ချက်)
*****

“ ဖမ်းဆီးထားသည့် ပဲကုန်သည်ကြီးများအား လွတ်”

ပဲရောင်းဝယ်ရေးနဲ့ ပတ်သက်လို့ ငွေကြေးအရှုပ်အထွေးကြောင့် အာဏာပိုင်များ ဖမ်းဆီး ထိန်းသိမ်းထားတဲ့ ပဲအမျိုးအစုံ တင်ပို့တဲ့ ကုန်သည် ၅ ဦးကို ပြန်လွတ်လိုက်ပြီလို့ RFAက စုံစမ်း သိရပါတယ်။ သူတို့ကို ၂ ပတ်အကြာ ဖမ်းဆီးထားပြီး ပြန်လွတ်လိုက်တာလို့ သိရပါတယ်။
(www.rfa.org သတင်းမှ ကောက်နှုတ်)
****

အရှေ့မြောက်ပိုင်း တိုင်းမှူးနှင့် ၀ လက်နက်ကိုင်အဖွဲ့ သဘောတူညီချက် မရ”

လာရှိုးအခြေစိုက် အရှေ့မြောက်ပိုင်း တိုင်းမှူး ဗိုလ်ချုပ် အောင်သန်းထွက်ဟာ ရှမ်းပြည်မြောက်ပိုင်း ပန်ဆန်းဒေသမှာ ရှိတဲ့ UWSA ၀ ပြည် သွေးစည်းညီညွတ်ရေးတပ်က ခေါင်းဆောင်များနှင့် ရက်အတန်အကြာ လာရောက်ဆွေးနွေးခဲ့တယ်လို့ ပန်းဆန်းကလာတဲ့ သတင်းအရ သိရှိပါတယ်။
မြန်မာစစ်အစိုးရ ဖွဲ့စည်းပုံအရ တောင်မြောက် နှစ်ခြမ်းကွဲနေတဲ့ ၀ နယ်ကို ကိုယ်ပိုင်အုပ်ချုပ်ခွင့်အား ၂ နယ်စလုံး မပေးနိုင်တဲ့အတွက် သဘောတူချက်မရကြောင်း သိရ၏။
(www.rfa.org သတင်းမှ ကောက်နှုတ်)
*****

၂ဝ၁၂ ခုနှစ်ဇွန်လကို နောက်ဆုံးထား၍ မူပိုင်ခွင့်ဥပဒေပြ ဋ္ဌာန်းသွားမည်


မြန်မာနိုင်ငံတွင် မူပိုင်ခွင့်ဥပဒေ ပြဋ္ဌာန်းသတ်မှတ်ရေးနှင့်ပတ်သက်၍ ရှေ့နေချုပ်ရုံးက ဥပဒေရေးဆွဲလျက် ရှိရာ ၂ဝ၁၂ ခုနှစ် ဇွန်လကိုနောက် ဆုံးထား၍ ဥပဒေအဖြစ်ပြဋ္ဌာန်း သွားမည်ဖြစ်ကြောင်းသိရသည်။
မူပိုင်ခွင့်ဥပဒေနှင့် ပတ်သက် ၍တရားရုံးချုပ်ရှေ့နေတစ်ဦးက ''အများအားဖြင့် မူပိုင်ခွင့်ဥပဒေ အရ နိုင်ငံတကာမှာဆိုရင် ချိုးဖောက်တဲ့ လူက နစ်နာကြေးတို့၊ လျော်ကြေး တို့ကိုပေးရမှာပါ။ ဒီခေတ်ကနည်း ပညာခေတ်ဖြစ်တဲ့အတွက် စီးပွား ရေးလုပ်ငန်းတွေက နည်းပညာကို အခြေခံတဲ့လုပ်ငန်းတွေ (Knowledge Based Economy) ဖြစ်ပါ တယ်။ နည်းပညာခေတ်မှာ နည်း ပညာကို တန်ဖိုးမထားဘူး၊ အကာ အကွယ်မပေးနိုင်ဘူးဆိုရင် စီးပွားရေး က ဖွံ့ဖြိုးလာမှာ မဟုတ်ပါဘူး။ ဟို တုန်းကတော့ ခိုးမှုဆိုတာ မရွှေ့ ပြောင်းနိုင်တဲ့ပစ္စည်း၊ ရွှေ့ပြောင်းနိုင်တဲ့ ပစ္စည်း စသည်ဖြင့်ပေါ့။ အဲဒီလို ထိတွေ့ကိုင်တွယ်လို့ရတဲ့ပစ္စည်းကို ခိုးယူရင် ကျွန်တော်တို့ကခိုးမှုလို့ သတ်မှတ်ခဲ့တယ်။ အဲဒါကိုကျူး လွန်ရင် ရာဇဝတ်မှုလို့ သတ်မှတ်ခဲ့ တယ်။ ဒီဘက်ခေတ်မှာကျတော့ ပုံစံကပြောင်းလာတယ်။ ထိတွေ့ ကိုင်တွယ်လို့မရတဲ့ အသိဥာဏ် ပစ္စည်းကို ခိုးယူတာလည်း တကယ့် ခိုးမှုကြီးပဲလို့ သတ်မှတ်ခဲ့တယ်။ ဒီနေ့ခေတ်တရား ဥပဒေအရ နိုင်ငံခြားကကုမ္ပဏီတွေ မှာ နည်း ပညာအသိဥာဏ်နဲ့ပတ်သက်တဲ့ ပစ္စည်းက ဘယ်လောက် တန်ဖိုး ရှိသလဲဆိုတာကိုပါ ထည့်သွင် လာ ကြတယ်။ ဥပမာ- ကိုကာကိုလာ အချိုရည်ရဲ့ ကုန်အမှတ်တံဆိပ် တန်ဖိုး ဒေါ်လာ ၆၅ သန်းတန် တယ်။ သူက ကမ္ဘာပေါ်မှာ နံပါတ်တစ်ပဲ။ ကျွန်တော်တို့ နိုင်ငံ မှာလည်း ဒီလိုမျိုးတော့ရှိပေမယ့် စနစ်တကျလုပ်ထားတာ မရှိဘူး။ ဥပဒေပြဋ္ဌာန်းထားတာလည်း မရှိဘူး။ မူပိုင်ခွင့်ဥပဒေပြဋ္ဌာန်းတော့ မယ်ဆိုရင် မရှိမဖြစ်ဥပဒေက လေးခု ရှိရမယ်။ အဲဒီလေးခုထဲမှာမှ မြန်မာ နိုင်ငံမှာရှိနေတာက တစ်ခုပဲရှိတယ်။ အဲဒီတစ်ခုကလည်း ၁၉၈၄ ခုနှစ်က ပြဋ္ဌာန်းခဲ့တဲ့ စာပေနှင့် အနုပညာ မူပိုင်ခွင့်ပဲရှိတယ်။ စီးပွားရေးနဲ့ဆိုင် တဲ့ တကယ်ရှိရမယ့် ဥပဒေတွေက ကုန်အမှတ်တံဆိပ် မူပိုင်ခွင့်ဥပဒေ၊ တီထွင်မှုမူပိုင်ခွင့်ဥပဒေ၊ နောက်ပြီး တော့ စက်မှုလက်မှုဒီဇိုင်းဥပဒေပါ။ ဒါတွေက ကျွန်တော်တို့ဆီမှာ မရှိ သေးဘူး။ စီးပွားရေးနဲ့ဆိုင်တဲ့မူပိုင်ခွင့် ဥပဒေကလည်း အပြည့်အစုံမရှိ သေးတဲ့အခါကျတော့ ကုန်အမှတ် တံဆိပ်လောက်ပဲ ယေဘုယျထား နေကြတယ်။ ဒါပေမဲ့ ဥပဒေတော့ ပြဋ္ဌာန်းထားတာ မရှိသေးပါဘူး။ ကျွန်တော်တို့နိုင်ငံအနေနဲ့ ဒီဥပဒေ တွေကိုမရှိမဖြစ် ပြဋ္ဌာန်းရမှာပါ'' ဟု ပြောကြားခဲ့သည်။ ( ပေါ်ပြူလာဂျာနယ်)
*****
ဇန်န၀ါရီလ ၁ ရက်
ပထမအပတ်၊ ၂၀၀၉၊
နိုင်ငံခြားသတင်း



“ဟားမားစ်နဲ့ အပစ်ရပ် ကမ်းလှမ်းချက်များ အစ္စရေးလ်ပယ်ချ”

ဂါဇာကမ်းမြောင်ဒေသမှာ အစ္စရေးလ်ဖက်က ဟားမားစ်ကို တိုက်ခိုက်မှုတွေ အပစ်အခတ်ရပ်စဲဖို့ နိုင်ငံတကာ အဆိုပြု ကမ်းလှမ်းချက်တွေကို အစ္စရေးလ် လုံခြုံရေးဝန်ကြီးအဖွဲ့က ပြောပါတယ်။
ဒီအချိန်ဟာ အပစ်အခတ် ရပ်စဲရမယ့် အချိန် မတန်သေးဘူးလို့ အစ္စရေးလ်ဝန်ကြီးချုပ် အေဟွတ် အိုလ်မာတ်ရဲ့ စကားကိုကိုကားပြီး အစ္စရေး တာဝန်ရှိသူတဦးက ပြောပါတယ်။ ဒါပေမယ့်လည်း အစ္စရေးတောင်ပိုင်း လုံခြုံရေးကို ပိုပြီး ကောင်းမွန်စေမယ့် အပစ်အခတ် ရပ်စဲရေးမျိုးဆိုရင်တော့ နောင်တချိန်မှာ စဉ်းစားမယ် လို့လည်း ပြောပါတယ်။

အစောပိုင်းကလည်း ဟားမားစ်အဖွဲ့နဲ့ အလျင်အမြန်ဆိုသလို ၄၈နာရီ အပစ်အခတ် ရပ်စဲရေးယူဖို့ အဆိုပြု ချက်ကို အစ္စရေးလ်ဖက်က ပယ်ချလိုက်ပြီး ဂါဇာကမ်းမြောင်ဒေသ စစ်ရေးတိုက်ခိုက်မှုတွေကို ဆက်လုပ် သွားမယ်လို့ ပြောလိုက်ပါတယ်။
(ဗွီအိုအေသတင်းမှ ကောက်နှုတ်)
*****
“နှစ်သစ်အကြို ဘန်ကောက် နိုက်ကလပ်တခုအတွင်း မီးလောင်မှု”

ထိုင်းနိုင်ငံ ဘန်ကောက်မြို့အတွင်း ညကလပ်တခုတွင် မီးလောင်မှု ဖြစ်ပွားခဲ့ပါတယ်။ မီးလောင်မှုကြောင့် လူ ၆၁ သေဆုံးပြီး
၂၀၀ ကျော် ဒဏ်ရာရသွားသည်။ (dr2.new.dk)
****

အစ္စရေး လေကြောင်းတိုက်ခိုက်မှုကြောင့် ဟားမတ်စ် ခေါင်းဆောင်တယောက် ကျ

ဟားမတ်စ် စစ်သွေးကြွအုပ်စုလို့ သံသယရှိတဲ့ ပစ်မှတ်တွေကို လေကြောင်းက ထိုးစစ်ဆင်တာ ၆ ရက်မြောက်လာတဲ့နေ့မှာ ဂါဇာနယ်စပ်အနီးကို အစ္စရေးက တပ်တွေ တိုးပြီးချထားနေပါတယ်။ ပါလက်စတိုင်းနယ်မြေထဲကို မြေပြင်ထိုးစစ်တရပ် ဆင်နွှဲဖို့ ဖြစ်နိုင်ခြေတွေကို အစ္စရေး အရာရှိတွေက ဆွေးနွေးနေကြတဲ့အချိန်မှာ အစ္စရေးက ဟားမတ်စ်အစိုးရ အဆောက်အအုံတွေ၊ မြေအောက် လိုဏ်ခေါင်းတွေနဲ့ ဒုံးကျည် ပစ်လွှတ်ရာနေရာတွေကို လေကြောင်းကရော၊ ပင်လယ်ထဲကပါ ဒုံးကျည်နဲ့ ပစ်ခတ် တိုက်ခိုက် နေပါတယ်။
အဲဒီလို လေကြောင်းကတိုက်ခိုက်နေလို့ ဟားမတ်စ် အကြီးတန်း နိုင်ငံရေးခေါင်းဆောင်တဦးဖြစ်သူ နီဇာ ရေယန် (Nizar Rayyan) နဲ့ အခြားလူ ၄ ယောက်တို့ သေဆုံးသွားခဲ့တယ်လို့ ပါလက်စတိုင်း သတင်းရပ်ကွက်က ပြောပါတယ်။
(ဗွီအိုအေ သတင်းမှ ကောက်နှုတ်)
*****


ဇန်န၀ါရီလ ၂ရက်၊
ပထမအပတ်၊ ၂၀၀၉
ပြည်တွင်းသတင်း

မလေးရှားနိုင်ငံ ကွာလာလမ်ပူမြို့တော်ရှိ မြန်မာအခွန်ရုံး(၀ါ) မြန်မာသံရုံးရှေ့တွင် ယနေ့ ဇန်န၀ါရီလ ၂ရက်နေ့ နံနက် (၁၀း ၃၀)နာရီ၌ မြန်မာ့ဒီမိုကရေစီအရေး တက်ကြွလှုပ်ရှားသူ (၄၅)ဦး တို့က ၆၁-နှစ်မြောက် မြန်မာ့လွတ်လပ်ရေးနေ့ အကြိုလှုပ်ရှားမှုအဖြစ် ဆန္ဒပြခဲ့ကြကြောင်း သတင်းရရှိသည်။ ဤဆန္ဒပြပွဲကို အမျိုးသားဒီမိုကရေစီအဖွဲ့ချုပ် (လွတ်မြောက်နယ်မြေ) မလေးရှားဌာနခွဲမှ ကြီးမှူး စီစဉ်ခြင်းဖြစ်ပြီး ၄၅-ယောက် ပါဝင်ဆန္ဒပြခဲ့ကြကြောင်း ။
( မြန်မာပြည်သား ဘလောဂ်)
*****

၂၊ ၁၊ ၀၈၊ မြန်မာစံတော်ချိန်ည၇နာရီခန့်တွင် ရန်ကုန်ဘူတာကြီး၌ မီးလောင်မှုတစ်ခုဖြစ်ပွားခဲ့ကြောင်း သိရသည်။
န၀ဒေလမ်း၊ ဗိုလ်ရာညွန့်လမ်း၊ ယောမင်းကြီးလမ်းနှင့် အလံပြဘုရားလမ်းမှအိမ်များအထိ ညှော်နံ့များရခဲ့ပြီး အငွေ့များပါ အနည်းငယ်ထူထပ်လာ၍ လမ်းပေါ်တွင် လူများအနည်းငယ်စုရုံးခဲ့သည်။
မီးခိုးများမြင်ရပြီး အသေးစိတ်ကို မသိရသေးပါကြောင်း…။ ( နေ့အိပ်မက်ဘလောဂ်)
*****
ထိုင်းနိုင်ငံ တောင်ပိုင်းတွင် ရခိုင်လူမျိုးတို့ လွတ်လပ်ရေး ဆုံးရှုံးသည့် ၂၂၄ နှစ်မြောက် အခမ်းအနား

၂၂၄ နှစ်မြှောက် ရခိုင်အချုပ်အချာ အာဏာကျဆုံးနေ့ အောက်မေ့ဖွယ် အခမ်းအနားတရပ်ကို ထိုင်းနိုင်ငံ ဖူးကပ်မြို့တွင် ဒီဇင်္ဘာလ ၃၁ ရက်နေ့က ကျင်းပသဖြင့် လူပေါင်း ၂၀၀ ခန့်တက်ရောက် ခဲ့ပါသည်။
အဆိုပါ အခမ်းအနားအား အဝေးရောက် ရခိုင် အမျိုးသားများဖြင့် စုပေါင်းဖွဲ့စည်းထားသော လေးဝတီ လူမူရေး အသင်းမှ ဦးဆောင်ကျင်းပခဲ့ခြင်း ဖြစ်သည်။
အခမ်းအနားသို့ တက်ရောက်ခဲ့သု ကိုကျော်ဇင်ဦးမှ “ အခမ်းအနားကို နံနက် ၉ နာရီခွဲမှ စတင်ပြီး ပြုလုပ်ခဲ့ကြပါတယ်။ နိုင်ငံရေးပါတီ အသီးသီးက ခေါင်းဆောင်တွေ အပါအ၀င် ရခိုင်အမျိုးသား ၂၀၀ ခန့် တက်ရောက်ခဲ့ပါတယ်။ ညနေ ၃ နာရီမှာ အောင်မြင်စွာနဲ့ အခမ်းအနား ပြီးဆုံးခဲ့တယ်။” ဟု ပြောသည်။
အခမ်းအနားသို့ ရခိုင်ဒီမိုကရေစီ အဖွဲ့ချုပ် (ပြည်ပ)မှ ကိုယ်စားလှယ်များ၊ ရခိုင်ပြည်လုံးဆိုင်ရာ ကျောင်းသားနှင့် လူငယ်များ ကွန်ဂရက်မှ ကိုယ်စားလှယ်များလည်း တက်ရောက်ခဲ့သည်။
(www.narinjara.com မှ ကောက်နှုတ်)
*****

ဗကသအဖွဲ့ဝင် “ကိုဗိုလ်မင်းယုကို” အား ထောင်ဒဏ်(၁၀၄)နှစ်ချမှတ်

အထက်ဗမာပြည်(မန္တလေး)ဗကသ လူငယ်ကျောင်းသား ကိုဗိုလ်မင်းယုကိုအား အမှုပေါင်း(၄၀)ဖြင့် စွဲချက်တင်၍ ဒီဇင်ဘာလ(၁၆)ရက်နေ့က မန္တလေးအိုးဘိုထောင်တွင်း တရားရုံးတွင် ရှေ့နေမပါဘဲ တဖက်သတ် နှစ်ရှည်ထောင်ဒဏ်(၁၀၄)နှစ်ချမှတ်ခဲ့သည်။
( ပျူနိုင်ငံ ဘလောဂ်)
*****

မေလတွင် ဒေါ်အောင်ဆန်းစုကြည်အား လွတ်ပေးရန် တောင်းဆို

အမျိုးသား ဒီမိုကရေစီ အဖွဲ့ချုပ် ခေါင်းဆောင် ဒေါ်အောင်ဆန်းစုကြည်အား ယခုနှစ် မေလတွင် ပြန်လွတ်ပေးရန် မန္တလေးတိုင်း မိတ္တိလာ အမျိုးသား ဒီမိုကရေစီ အဖွဲ့ချုပ်က စစ်အစိုးရကို တောင်းဆိုလိုက်သည်။
( ဒီဗွီဘီ)
*****
ကမ္ဘာ့ရုပ်ရှင်ပွဲတော်များတွင် ယှဉ်ပြိုင်လိုသူများ ပြန်ကြားရေးဝန်ကြီးဋ္ဌာနက စည်းကမ်းထုတ်

နိုင်ငံတကာ ရုပ်ရှင်ပြိုင်ပွဲများတွင် ၀င်ရောက် ယှဉ်ပြိုင်လိုသူများ အနေဖြင့် ဆင်ဆာဘုတ် ခွင့်ပြုချက် ရယူပြီးသော ရုပ်ရှင်နှင့် မှတ်တမ်းကားများကိုသာ ၀င်ပြိုင်ရမည်ဖြစ်ကြောင်း စည်းကမ်းသစ်တရပ်ကို ပြန်ကြားရေး ၀န်ကြီးဌာနက ထုတ်ပြန်လိုက်သည်ဟု ရုပ်ရှင် သတင်းရပ်ကွက်များ အဆိုအရ သိရသည်။
"ရုပ်ရှင်ဆင်ဆာအဖွဲ့က စည်းကမ်းအသစ်တခု ထုတ်လိုက်တယ်။ အဲသလိုပြိုင်ပွဲဝင်မယ်ဆိုရင် သူတို့ဆီမှာ ဆင်ဆာဘုတ် အဖွဲ့မှ ခွင့်ပြုချက်ရယူပြီးမှ ပြိုင်ရမယ် ဆိုပြီး လုပ်ထားတယ် " ဟု ရုပ်ရှင် ဒါရိုက်တာတဦးက ပြောသည်။
(မဇ္ဈီမသတင်းမှ ကောက်နှုတ်)
*****
ရှားပါးငှက်များအား စာရင်းပြုစု

ကမ္ဘာပေါ်တွင် ရှားပါးလာ သောရေညှောင့် နှုတ်ဝိုင်း ငှက်များအား မြန်မာနိုင်ငံ၌ လေးပုံတစ်ပုံခန့် တွေ့ရှိရ ကြောင်း မြန်မာ ငှက်နှင့် သဘာဝ ပတ်ဝန်းကျင် ထိန်းသိမ်းရေးအသင်းမှ သိရ သည်။
၂ဝဝ၇ ခုနှစ်မှစတင်၍ ရုရှားနှင့်ဂျပန်နိုင်ငံတို့မှ ရှားပါးငှက်လေ့လာရေးသုတေသနပညာရှင်များနှင့် မြန်မာငှက်နှင့် သဘာဝပတ်ဝန်းကျင် ထိန်းသိမ်း ရေးအသင်းတို့ပူးပေါင်း၍ ကမ္ဘာပေါ်၌ရှားပါးလာသော ရေညှောင့်နှုတ်ဝိုင်းငှက်များအားရှာဖွေ၍ စစ်တမ်းကောက်ယူနိုင်ခဲ့ကြောင်း သိရသည်။
(ပေါ်ပြူလာ ဂျာနယ်)
*****

စစ်အရာရှိတယောက်ကြောင့် ရွာသားများ ဒုက္ခ ကြုံနေ

မကွေးတိုင်း ချောက်မြို့ရှိ ရန်ကုန် ရုံးချုပ်ကနေ အထူးတာဝန်ဖြင့် ရောက်ရှိလာသော ချောက်မြို့ ထပ်ဆင့် မြ၀တီ အသံလွင့်ဋ္ဌာနက အရာခံဗိုလ် နိုင်ထူးက ကိုယ်ကျိုးအတွက် ကြက်ခြံဆောက်ရန် ရွာသားများအား အစည်းအဝေး ခေါ်ယူပြီး လိုအပ်သည့် ပစ္စည်းများကို ဇွတ်အတင်း တောင်းခံနေသည်။
( ဒီဗွီဘီသတင်းမှ ကောက်နှုတ်)
*****

မုန်တိုင်းသင့် ဒေသများတွင် တည်ဆောက်ရေး လုပ်ငန်းများ ပုံမှန်မရှိ


နာဂစ်မုန်တိုင်း တိုက်ခိုက်ခံခဲ့ရသည်မှာ (၈) လ ပြည့်မြောက်ခဲ့သော်လည်း ဧရာဝတီတိုင်း၊ ဘိုကလေးဒေသအတွင်း ယခုချိန်ထိ ပြန်လည်တည်ဆောက်ရေးလုပ်ငန်းများမှာ ကျေနပ်စရာမရှိသေးကြောင်း ဒေသခံများက ပြောသည်။
မုန်တိုင်းဒဏ်ခံခဲ့ရသည့် ဘိုကလေးမြို့နယ်အတွင်း အခြေအနေများကို ဒေသခံတဦးက “ပြန်လည်တည်ဆောက်ရေးဆိုပြီး ဒီရက်ပိုင်းထဲမှာ (၆) ရပ်ကွက်၊ (၈) ရပ်ကွက်တွေမှာ နေအိမ်ဆောက်ပေးဖို့ လုပ်နေတယ်၊ ဒါပေမဲ့လည်း တကယ်ဆင်းရဲတဲ့ (၇) ရပ်ကွက်မှာကျတော့ ဘာမှလုပ်ပေးတာ မရှိဘူး၊ အဲဒီရပ်ကွက်မှာက ပျက်စီးသွားတဲ့အိမ်တွေက သေးသေးကြီးကြီး ပြန်မပြင်နိုင်ဘူး”ဟု ဘိုကလေးမြို့ခံတဦးက ပြောသည်။
( မဇ္ဈီမသတင်းမှ ကောက်နှုတ်)
*****

နာဂစ်ဖြစ်ပွားဒေသ ပညာရေး ဆုတ်ယုတ်

ဧရာဝတီတိုင်း ဘိုကလေးမြို့နယ်အတွင်း မူလတန်းတက်သည့် ကလေးဦးရေ သိသိသာသာ လျော့နည်းလာကြောင်း ဘိုကလေးမြို့နေ ပညာရေးဝန်ထမ်းတဦးက ပြောဆိုသည်။
( ဒီဗွီဘီသတင်းမှ ကောက်နှုတ်)
*****
လောင်စာဆီဈေး ကျပေမယ့် ကုန်ဈေးနှုန်းဒဏ် မြန်မာလူထု ခံနေရဆဲ

မြန်မာနိုင်ငံတွင်းက အဓိက ပို့ကုန်တွေဖြစ်တဲ့ စားသုံးဆီနဲ့ ပဲလုပ်ငန်းတွေ ရဲ့ ဈေးကွက် အတော်လေး ကျဆင်းသွားတဲ့ အတွက် အခုလို စိုက်ပျိုးရာသီမှာ ကောက်ပဲသီးနှံသမားတွေ အခက်တွေ့နေကြရတယ်လို့ ဆိုပါတယ်။ ဒါ့အပြင် လောင်စာဆီ ဈေးတွေလည်း ကျဆင်းနေပေမယ့် တကယ့်လက်တွေ့ အခြေခံလူတန်းစားတွေရဲ့ စားသုံးကုန် ကုန်ဈေးနှုန်းတွေကတော့ ကျဆင်းသွားတာ မရှိပါဘူး။ အပြည့်စုံကို မသင်းသီရိက တင်ပြထားပါတယ်။
ပြည်ပပို့နေတဲ့ ဆီဈေးကွက်ဟာ မရှိသလောက် ဖြစ်နေသလို ပြည်တွင်းစားသုံးတဲ့ ဆီဈေးတွေလည်း ကျဆင်းနေတာမိုလို့ ဆီ အရောင်းအ၀ယ် လုပ်ကြတဲ့ လက်လီလက်ကား သမားတွေဟာ ဈေးကွက်ပျက်နေတယ်လို့ ရန်ကုန်စီးပွားရေး လုပ်ငန်းရှင်တဦးက အခုလို ပြောပြပါတယ်။
( ဗွီအိုအေ သတင်းမှ ကောက်နှုတ် )
*****

ရေနံချောင်းမြို့တွင် ရေပြတ်လပ်

မြန်မာပြည်အလယ်ပိုင်းဒေသ၏ အပူပြင်းဆုံးသော ရေနံထွက်ရှိသည့် ရေနံချောင်းမြို့တွင် သောက်သုံးရေ ရှားပါးသဖြင့် အခက်အခဲများ ကြုံနေရသည်။ ရေပြတ်လပ်မှုကြောင့် မီးဘေးအန္တရယ်စိုးရိမ်နေသည်ဟု သိရသည်။
( ဒီဗွီဘီ သတင်းမှ ကောက်နှုတ်)
*****

နိုင်ငံရေး အကျဉ်းသားများကို တလလုံး ထောင်ဝင်စာ တွေ့ခွင့်မပြု


စစ်အစိုးရက နိုင်ငံရေးအကျဉ်းသားတွေကို နှစ်ရှည်ထောင်ဒဏ်တွေ ချပြီး နယ်ဝေးထောင်များကို ပို့လိုက်ပြီးတဲ့နောက် အခု ဇန်နာဝါရီ တလလုံးကို မိသားစုဝင်တွေအား ထောင်ဝင်စာ တွေ့ခွင့်ပြုမှာ မဟုတ်တဲ့အကြောင်း ကလေးအကျဉ်းထောင် အာဏာပိုင်တွေက ပြောလိုက်တယ်လို့ သတင်းရရှိသည်။
(www.rfa.org သတင်းမှ ကောက်နှုတ်)
*****

ဇန်နာဝါရီလ ၂ ရက်၊
ပထမအပတ်၊ ၂၀၀၉
နိုင်ငံခြားသတင်း

၂၀၀၉ မှာ မြောက်ကိုရီးယားက စီးပွားရေးနှင့် စစ်ရေး ဦးစားပေးမည်


အခုနှစ်သစ် ၂၀၀၉ မှာ နိုင်ငံရဲ့ စီးပွားရေးနဲ့ စစ်ရေး တည်ဆောက်မှု ကြိုးပမ်းနေတာအပေါ် အာရုံစူးစိုက်သွားမယ်လို့ မြောက်ကိုရီးယားအစိုးရ မီဒီယာတွေမှာ ဖော်ပြလိုက်ပါတယ်။ နှစ်စဉ် နှစ်သစ်အတွက် အစိုးရရဲ့ အာဘော်တွေကို မြောက်ကိုရီးယားမီဒီယာတွေမှာ ဖော်ပြနေကြအတိုင်း တွေ့ရှိရတာမှာ ဒီနှစ်မှာ အနည်းငယ် ထူးခြားတာကတော့ နိုင်ငံမှာ စားရေရိက္ခာ
ပြတ်လပ်ရှားပါးတာကို ၀န်ခံထားပြီး မြောက်ကိုရီးယား နျူကလီးယားအရေး ဆွေးနွေးပွဲတွေ ရှေ့ဆက်လုပ်ဆောင်သွားဖို့ အရိပ် လက္ခဏာတွေကိုပါ အာဘော်တွေမှာ တွေ့ရှိကြရပါတယ်။
ဒီအကြောင်းနဲ့ပတ်သက်လို့ တောင်ကိုရီးယား ဆိုးလ်မြို့တော်ကနေ ဗွီအိုအေသတင်းထောက် ကာ့တ် အာချင်း (Kurt Achin) သတင်းပေးပို့ထားတာကို ဦးရော်နီညိမ်းက တင်ပြပေးထားပါတယ်။
( ဗွီအိုအေသတင်းမှ ကောက်နှုတ်)
*****

ဂါဇာတွင် ပိတ်မိနေသည့် နိုင်ငံခြားသားများအား အစ္စရေးက ထွက်ခွင့်ပြု

ဂါဇာကမ်းမြှောင်ဒေသမှာ ပိတ်မိနေတဲ့ နိုင်ငံခြားသား နိုင်ငံကူးလက်မှတ် ကိုင်ဆောင်ထားသူ ရာပေါင်းများစွာကို အစ္စရေးက ထွက်ခွာခွင့် ပြုလိုက်ပါတယ်။ ဂါဇာကမ်မြှောင်ဒေသမှာ ဟားမတ်စ်တွေကို အစ္စရေးက ထိုးစစ်ဆင်နေတာ ခုနှစ်ရက် ရှိသွားပြီ ဖြစ်ပြီး ပါလက်စတိုင်း ၄၂၀ နီးပါး သေဆုံးခဲ့သလို ၂,၀၀၀ လောက် ဒဏ်ရာရခဲ့ပါတယ်။ ဒီကနေ့ နိုင်ငံခြားသား ၄၀၀ လောက်ကို ထွက်ခွင့်ပေးလိုက်တဲ့အပြင် နယ်စပ်ဒေသတလျှောက် အစ္စရေးတပ်တွေ ထောင်နဲ့ချီပြီး ချထားတာမို့ မြေပြင်တိုက်ပွဲတွေ တိုးလာမယ်လို့ ခန့်မှန်းရပါတယ်။
( ဗွီအိုအေသတင်းမှ ကောက်နှုတ်)
*****

တမီး အဓီက စခန်းတခုကို သိမ်းပိုက်

သီရိလင်္ကာ အစိုးရတပ်တွေဟာ တမီး ကျားသူပုန်တွေ အခြေချနေထိုင်တဲ့ ကီလီနော်ချီ (Kilinochchi) မြို့ကို ဆယ်နှစ်အတွင်းမှာ ပထမဆုံးအကြိမ် အဖြစ်နဲ့ ထိန်းချုပ် နိုင်လိုက်ပြီ လို့ သီရိလင်္ကာ သမ္မတ မဟိန်းဒါ ရာဂျာပက်ခ်စီ (Mahinda Rajapakse) က ကြေညာလိုက်ပါတယ်။
( ဗွီအိုအေသတင်းမှ ကောက်နှုတ်)
*****

USA နိုင်ငံခြားရေးဝန်ကြီး ဂါဇာအရေး သဘောထား

အမေရိကန် နိုင်ငံခြားရေးဝန်ကြီး ကွန်ဒိုလီဇာ ရိုက်စ်က ဂါဇာတွင် ဖြစ်ပွားနေသည့် အခြေအနေများအတွက် အစ္စရေးနှင့် ဟားမတ်စ်အကြား စစ်မှန်သည့် အပစ်အခတ်ရပ်စဲရေး လိုအပ်ကြောင်း ပြောကြားသည်။
( dr,dk.new ,, dr1.dk)
****
ဒုံးကျည် ထိမှန်မှုကြောင့် လူ ၃ ယောက် သေဆုံး

အမေရိကန် လေယာဉ်မှ ပစ်ခတ်လိုက်သည့် ဒုံးကျည်ကြောင့် အာဖကန်နှင့် ပါကစ်စတန် နယ်စပ်တွင် လူ သုံး ဦး သေဆုံးသွားသည်။
( dr1.dk)
*****

The Guantánamo Bay Detention Camp မှ သုံပန်းများကို သြစတေးလျနိုင်ငံကို လက်မခံ

အာဖကန်စစ်ပွဲအပြီး တာလီဘန်များအား ဖမ်းဆီးထားသော Guantanamo ရှိ အကျဉ်းစခန်းကို မကြာမှီ ဖျက်သိမ်းရန်ရှိသည့် အစီအစဉ်ရှိသဖြင့် ၎င်းစခန်းမှ သုံပန်းများကို လက်မခံနိုင်ကြောင်း ဘုရှ်၏ တောင်းဆိုချက်ကို သြစတေးလျနိုင်ငံက ပယ်ချလိုက်သည်။ ( dr1.dk)
*****

ရက်သတ္တပတ် ၇ ရက်မြောက်လုံး တိုက်ခိုက်

အစ္စရေးတို့ဟာ ဂါဇာကို လေကြောင်းတိုက်ခိုက်မှုကို အခုရက်အထိ ၇ ရက်မြောက် တိုက်ခိုက်လျှက်ရှိသည်။ ထိုတိုက်ခိုက်မှုအတွင်း အနည်းဆုံး လူ ၄၂၉ ယောက် သေဆုံးခဲ့သည်။
( dr2.dk)
*****

အီရတ်အတွင်း အသေခံ ဗုံးကွဲတိုက်ခိုက်၊ လူ၂၃ သေ

အီရတ်နိုင်ငံမြို့တော် ဘက္ကဒက်မြို့ တောင်ပိုင်း မြို့တမြို့တွင် အသေခံ ဗုံးခွဲတိုက်ခိုက်ရေးသမားတယောက်က ဆိုနီအာရပ် ခေါင်းဆောင်များကို တိုက်ခိုက်ခဲ့သဖြင့် အနည်းဆုံး လူ ၂၃ယောက် သေဆုံးပြီး ၄၂ ယောက် ဒဏ်ရာ ရရှိခဲ့သည်။
( tv2new.dk)
*****

ဂျွန်ထရာဘိုလ်တ၏ ဆယ်ကျော်သက်သား သေဆုံး

ကမ္ဘာကျော်ရုပ်ရှင်မင်းသား ဂျွန်ထရာဘိုလ်တ၏ ဆယ်ကျော်သက် ၁၆ နှစ်အရွယ်ရှိ သားတယောက်ဟာ ရုတ်တရက် သေဆုံးခဲ့သည်။ ၎င်းမိသားစုသည် အားလပ်ရက်အဖြစ် ဘာဟာမားတွင် အပန်းဖြေလျက်ရှိသည်။
( tv2new.dk)
******

ဇန်န၀ါရီလ ၃ ရက်၊
ပထမအပတ်၊ ၂၀၀၉
ပြည်တွင်းသတင်း

စင်ပြိုင်အစိုးရကို တိုးချဲဖွဲ့စည်းရန်မျှသာ ဖြစ်
NEJ/ ၃ ဇန်န၀ါရီ ၂၀၀၉

အမျိုးသားညီညွတ်ရေးအစိုးရ ခေါ် စင်ပြိုင်အစိုးရတရပ် ဖွဲ့စည်းတည်ထောင်ရေးကို အမျိုးသားရေးလုပ်ငန်းစဉ်အဖြစ် ချမှတ်လုပ်ကိုင်သွားမည်ဟု ပြည်ထောင်စု မြန်မာနိုင်ငံ အမျိုးသားကောင်စီ (အန်စီယူဘီ) က ကြေညာချက်ထုတ်ပြန်ထားသည်။
အမှန်စင်စစ် ဒေါက်တာစိန်ဝင်း ခေါင်းဆောင်သည့် လက်ရှိအဝေးရောက် ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရအဖွဲ့ (အန်စီဂျီယူဘီ) ကို နယ်မြေလက်ကိုင်ရှိ တိုင်းရင်းသား ခေါင်းဆောင်များအပါအဝင် အခြားသင့်လျော်သည့် နိုင်ငံရေး ခေါင်းဆောင်များဖြင့် တိုးချဲ့ဖွဲ့စည်းရန် ၂ဝဝ၈ ခုနှစ် လွှတ်တော်ကိုယ်စား လှယ်များသမဂ္ဂ (အမ်ပီယူ) မှ ချမှတ်ခဲ့သည့်မူအတိုင်း ဆောင်ရွက်သွားမည့် အစီအစဉ်သာဖြစ် သည်ဟု အမ်ပီယူ ပြောခွင့်ရပုဂ္ဂိုလ် ခွန်မြင့်ထွန်းက ခေတ်ပြိုင်နှင့် သီးခြား တွေ့ဆုံ မေးမြန်းခန်းတွင် ပြောဆိုသည်။
သို့သော် အန်စီယူဘီ၏ကြေညာချက်ကြောင့် နောက်ထပ် စင်ပြိုင်အစိုးရတရပ် ထပ်မံဖွဲ့စည်းမည့်သဘောလားဆိုပြီး အတိုက်အခံ အုပ်စုများကြား နားလည်မှု ရှုပ်ထွေးကုန်သည်။ အဆိုပါကိစ္စနှင့် ပတ်သက်ပြီး အမ်ပီယူ ပြောခွင့်ရ ပုဂ္ဂိုလ် ခွန်မြင့်ထွန်းအား ခေတ်ပြိုင်က မေးမြန်းရာ လက်ရှိ စင်ပြိုင်အစိုးရ (၂) ခု ပေါ်ပေါက်လာမည့် အစီအစဉ်မဟုတ်ဘဲ ဒေါက်တာစိန်ဝင်းခေါင်းဆောင်သည့် စင်ပြိုင်အစိုးရကို တိုးချဲ့ဖွဲ့စည်းသွားရေး ရေရှည်စီမံချက်သာဖြစ်သည်ဟု ခွန်မြင့်ထွန်းက ရှင်းပြသည်။
၂ဝ၁ဝ ရွေးကောက်ပွဲမတိုင်မီ အပြီးသတ်ဖွဲ့ဖြစ်မည်၊ မဖွဲ့ဖြစ်မည်ကိုမူ အန်စီ ယူဘီကြေညာချက်တွင် ဖော်ပြမထားပေ။
အန်စီယူဘီ၏ ကြေညာချက်တွင် တိုးချဲ့ဖွဲ့စည်းမည့် စင်ပြိုင်အစိုးရကို အမျိုး သားညီညွတ်ရေး အစိုးရဆိုသည့် အမည်သုံးထားခြင်းသည် မှားယွင်းဖော်ပြခြင်း ဖြစ်ကြောင်း၊ လက်ရှိ အဝေးရောက် ပြည်ထောင်စုမြန်မာနိုင်ငံ အမျိုးသားညွန့် ပေါင်းအစိုးရအဖွဲ့ (အန်စီဂျီယူဘီ) အမည်ကို အသစ်ပြောင်းပါက နိုင်ငံတကာ ဆက်ဆံရေးမှာ နားလည်မှု ရှုပ်ထွေးနိုင် သည့်အတွက် တိုးချဲ့မည့် စင်ပြိင်အစိုးရကို မူလအမည်ဖြစ်သည့် အဝေးရောက် ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရအဖွဲ့ (အန်စီဂျီယူဘီ) ကိုသာ ဆက်လက် သုံးစွဲမည်ဖြစ်ကြောင်း ခွန်မြင့်ထွန်းက ထပ်မံရှင်းပြသည်။
(ခေတ်ပြိုင်သတင်း-မှ ကောက်နှုတ်ချက်)
*****

ရွေးကောက်ခံ ၀န်ကြီးချုပ်သစ်က ဒေါ်အောင်ဆန်းစုကြည် လွတ်မြောက်ရေးကို လိုလား

ဒါကာ (မဇ္ဈိမ)။ ။ ဘင်္ဂလားဒေ့ရှ် ဝန်ကြီးချုပ်သစ် ဖြစ်လာတော့မည့် ရှိတ်ဟာစီနာက မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ကြာမြင့်လှပြီဖြစ်သော နေအိမ်အကျယ်ချုပ်မှ လွတ်မြောက်ရေးနှင့် အိမ်နီးချင်း နိုင်ငံအားလုံးနှင့် ရင်းနှီး ချစ်ကြည်သော ဆက်ဆံရေးကို လိုလားကြောင်း ပြောဆိုလိုက်သည်။
*****

ကြားဖြတ် ရွေးကောက်ပွဲလုပ်ပြီး
လွှတ်တော်ခေါ်ဖို့ ဒဂုန်တာရာ တိုက်တွန်း
NEJ/ ၃ ဇန်န၀ါရီ ၂၀၀၉

သေဆုံးပြီးသူများ အပါအဝင် လစ်လပ်သွားတဲ့ လွှတ်တော်ကိုယ်စားလှယ် နေရာများအတွက် ကြားဖြတ်ရွေးကောက်ပွဲများ ပြုလုပ်ကာ ရွေးကောက်ခံ လွှတ်တော်ကိုယ်စားလှယ် အသစ်များဖြင့် ၉ဝ ရွေးကောက်ပွဲနိုင် လွှတ်တော်ကိုယ်စားလှယ်များ ပေါင်းပြီး လွှတ်တော်တရပ် ခေါ်ယူရန် လူအများလေးစားသည့်ဆရာကြီး ဒဂုန်တာရာက တိုက်တွန်းလိုက်ကြောင်း သိရသည်။
ဆရာကြီးဒဂုန်တာရာ၏တိုက်တွန်းချက်ကို ပြည်ပမီဒီယာတခုခုတွင် ဖော်ပြထားခြင်း မဟုတ်ဘဲ ပြည်တွင်းထုတ် ရန်ကုန်တိုင်းမ် ပုဂ္ဂလိက အပတ်စဉ်ထုတ် ဂျာနယ်၌ ဖော်ပြထားသည့်အတွက် သတင်းသမားများနှင့် စာဖတ်သူများ စိတ်ဝင်စားနေကြကြောင်း စုံစမ်းသိရသည်။

အဆိုပါကိစ္စနှင့် ပတ်သက်ပြီး ပုဂ္ဂလိက ဂျာနယ်အယ်ဒီတာတဦးက “ဒီလို ဖော်ပြခွင့်ပြုတာမျိုး ထူးခြားတယ်။ ဒီလို ဖော်ပြခွင့်ရလို့ စစ်အစိုးရဟာ ၂ဝ၁ဝ ရွေးကောက်ပွဲနဲ့ ပတ်သက်ပြီး တစုံ တခု လိုက်လျောလိမ့်မယ်လို့တော့ ယူဆလို့ မရဘူး။ သူက သူ့ရဲ့ Road Map (၇) ချက်နဲ့ပဲ သွားမယ်ဆိုတာ ပြောပြီးသား။ ဘာပဲဖြစ်ဖြစ် နိုင်ငံရေးသမားကြီးတွေ စာရေးဆရာကြီးတွေရဲ့ အမြင်တွေကို ဖော်ပြခွင့်ပေးတာတော့ ကောင်းပါ တယ်” ဟု ပြောသည်။
အဆိုပါ ဆောင်းပါးကို ဇန်နဝါရီ (၁) ရက်နေ့ထုတ် ရန်ကုန်တိုင်းမ် ဂျာနယ် စာမျက်နှာ (၂၄) တွင် ဖော်ပြထားပြီး “နိုင်ငံရေးပါတီများနှင့် မြန်မာ့နိုင်ငံရေးမြင်ကွင်း သစ် ၂ဝဝ၉ တွင် ပုံပေါ်လာမည်” ဆိုသည့် ခေါင်းစဉ်ဖြင့် ဖော်ပြထားခြင်းဖြစ်သည်။

ဒဂုန်တာရာအပါအဝင် ဝါရင့်နိုင်ငံရေးသမားဟောင်းကြီး သခင်သိန်းဖေ၊ သခင်လှကွန်း၊ တိုင်းရင်းသား စည်းလုံးညီညွတ်ရေးပါတီမှ အထွေထွေအတွင်းရေးမှူး ဦးခင်မောင်ကြီးတို့ကို တွေ့ဆုံကာ သူတို့ရဲ့ အမြင်များကို ရေးသားဖော်ပြထားခြင်းဖြစ်သည်။ (ခောတ်ပြိုင်သတင်း)
*****

ပထမဆုံး ဖွင့်လှစ်တော့မည့် လေယာဉ်မှူးလိုင်စင်
(ပေါ်ပြူလာ ဂျာနယ်)

မြန်မာနိုင်ငံတွင် ပထမဆုံး ဖွင့်လှစ်တော့မည့် လေယာဉ် မှူးလိုင်စင် မြေပြင်စာပေပညာ သင်တန်း (Commerical Pilot Licence Course) ကို ၂ဝဝ၉ခုနှစ် ဇန်နဝါရီလတွင် ရန်ကုန်မြို့ လေကြောင်းပညာ သိပ္ပံကျောင်းတွင် သင်ကြား ပို့ချပေးတော့မည်ဖြစ်၍ အဆိုပါလေယာဉ်မှူးလိုင်စင်သင်တန်း တက်ရောက်သင်ကြားလိုသူများနှင့် လေယာဉ်မောင်းဘာသာရပ်ကို စိတ်ပါဝင်စားသူတိုင်းအတွက် လေကြောင်းသိပ္ပံသင်တန်းကျောင်းမှ ကျောင်းအုပ်ကြီး ဦးခင်မောင်ဦးအား မေးမြန်းဖြစ်ခဲ့ပါသည်။
''မြန်မာနိုင်ငံမှာ အရပ်သားလေယာဉ်မှူးမြေပြင်စာပေသင်တန်းကိုဖွင့်လှစ်တာ အခုအကြိမ်ဟာ ပထမဦးဆုံး ဖြစ်ပါတယ်။ ဒီသင်တန်းကိုဘာဖြစ်လို့ဖွင့်လှစ်ရလဲဆိုတော့ မြန်မာနိုင်ငံသား လေယာဉ်မှူးများ မွေးထုတ်ရန်၊ ပြည်တွင်းပြည်ပမှာ လေယာဉ်မောင်းသင်တန်း ဆက်လက်တက်ရောက်မယ့်သူတွေအတွက် အလွန်အကျိုးရှိစေပြီး အထောက်အကူဖြစ်စေရန်ဆိုတဲ့ ရည်ရွယ်ချက်နဲ့ အပြည်ပြည်ဆိုင်ရာ မြို့ပြလေကြောင်းအဖွဲ့ချုပ်က သတ်မှတ်ပြဋ္ဌာန်း ချက်နဲ့ ကိုက်ညီတဲ့ နိုင်ငံတကာစံချိန်စံညွှန်းအတိုင်း သင်ကြားပေးဖို့ဖွင့်လှစ်ရခြင်းဖြစ်ပါတယ်။ လျှောက်လွှာတွေကို ဒီသင်တန်းကျောင်းမှာပဲ ဝယ်ယူနိုင်ပြီး ကျန်းမာရေးအတွက် ဆေးစစ်ချက်နဲ့အတူ ဇန်နဝါရီ ၁၆ ရက်နေ့ နောက်ဆုံး တင်ရပါမယ်။ ဇန်နဝါရီ ၁၉ ရက်နေ့မှာ တက်ရောက်သင်ကြားနိုင်မယ့် ကျောင်းသားစာရင်းကို ထုတ်ပြန်ပေးသွားမှာ ဖြစ်ပါတယ်။ သင်တန်းသား ၁၂ ယောက်ကနေ ၁၅ ယောက်ထိပဲ လက်ခံသင်ကြားပေးမှာ ဖြစ်ပါတယ်။ သင်တန်းကြေး ကလည်း ငွေကျပ် ၁ဝ သိန်းနဲ့ ၁၅ သိန်းကြား အဲဒီလောက်ပဲ ကျသင့်မှာပါ။ ပြည်ပမှာ သင်တန်းကြေးက ဒေါ်လာ တစ်သောင်းခွဲကနေ နှစ်သောင်းလောက်အထိရှိပါတယ်။ သင်တန်းကာလက အခြေခံသင်တန်း ၉ ပတ်နဲ့ လေယာဉ် မှူး မြေပြင်စာပေသင်တန်း ၂၁ ပတ် စုစုပေါင်းရက်သတ္တပတ် ၃ဝ တက်ရပါမယ်။ တစ်နေ့ကို စာသင်ချိန်က တစ်ချိန် မိနစ် ၅ဝ ရှိမယ်။ ၆ ချိန် သင်ယူရပါမယ်။ မနက်စာနဲ့နေ့လည်စာကိုလည်း ဒီကျောင်းကကျွေးမှာဖြစ်ပါတယ်။ တစ်ပတ် ၅ ရက်သင်တန်းတက်ရပါမယ်။ သင်ကြားပေးမယ့်ဘာသာရပ်တွေက (၁) Aerodynamic (၂) Airmanship (၃) Airframe & Engine (Basic) (၄) Engine Instruments (၅) Electricity (၆) Meteorology (၇) Aviation Medicine (၈) Air Traffic Control (၉) Radio & Radar (၁ဝ) Air Navigation (၁၁) Rescue & Survival တွေဖြစ်ပါတယ်။ သင်ကြားပေးမယ့်ဆရာတွေက အတွေ့အကြုံရှိတဲ့ဆရာတွေဖြစ်ပါတယ်။ ဒီနေရာမှာ တစ်ခုပြောချင်တာက အခြေခံသင်တန်း ၉ ပတ်တက်ပြီးသွားရင် စာမေးပွဲဖြေရပါမယ်။ ဘာသာရပ်တစ်ခုကို အမှတ်က ၇ဝ မှတ်နဲ့ တချို့ဘာသာရပ်တွေ ၈ဝ မှတ်ရမှ အောင်မှတ်ရပါတယ်။ ၄ဝ မှတ်ရရုံနဲ့ ဒီလေယာဉ်မှူးလိုင်စင်သင်တန်းမှာ အောင်မှတ် မပေးပါဘူး။ ဒါက အရေးကြီးပါတယ်။ ဒီ ၉ ပတ်မြောက် စာမေးပွဲမအောင်ရင် ရှေ့ ၂၁ ပတ်သင်တန်း ဆက်တက်လို့မရတော့ဘူးဆိုတာ ပြောချင်ပါတယ်။ လေယာဉ်မှူးအခြေခံသင်ခန်းစာကို သေချာနားလည် သဘောပေါက်တဲ့သူကိုသာ ကျွန်တော်တို့က ကျွမ်းကျင် ပိုင်နိုင်အောင်၊ တတ်ကျွမ်းသွားအောင် သင်ကြားပေးသွားမှာ ဖြစ်ပါတယ်။ နောက်ပိုင်းမြန်မာနိုင်ငံမှာပဲ တကယ့်လက်တွေ့ လေယာဉ်မောင်းသင်နိုင်ဖို့ Plan တွေရှိပါတယ်။ ဒီမြေပြင် စာတွေ့သင်တန်းက International Standard ဖြစ်လို့ အောင်မြင်သွားရင် မလေးရှားကလေယာဉ်မောင်းသင်တန်းကို အလွယ်တကူသင်ကြားနိုင်ပါပြီ''ဟု လေကြောင်းပညာသိပ္ပံကျောင်းမှ ကျောင်းအုပ်ကြီး ဦးခင်မောင်ဦးက ရှင်းလင်း ပြောပြသည်။
(ပေါ်ပြူလာဂျာနယ်မှ ကောက်နှုတ်ချက်)
မှတ်ချက်။ ။ ဓါတ်ပုံလိုချင်သဖြင့် ပြန်သွားယူသောအခါ ထိုသတင်းသည် ပြန်လှည်ဖြုတ်ထားသည်ကို တွေ့ရသည်။
*****
ပေါင်းဆန် ပြန်လှည် ထုတ်လုပ်ပြီး နိုင်ငံခြား တင်ပို့မည်

မြန်မာနိုင်ငံသည် ယခင်က ဆန်စပါးတင်ပို့ရောင်းချရာတွင် ပေါင်းဆန်သည် ဆန်တင်ပို့မှု၏ ၃၇.၉ ရာခိုင်နှုန်းအထိရှိခဲ့သည်။ မြန်မာနိုင်ငံတွင် ပေါင်းဆန် ကြိတ်ခွဲ ထုတ်လုပ်မှုကို ၁၉၂ဝ ခုနှစ်တွင် ဟင်္သာတမြို့ မှဦးဖိုးဆင်ကစတင်ခဲ့ပြီး အိန္ဒိယနိုင်ငံမှ ကျွမ်းကျင်လုပ်သား များခေါ်ယူ၍ စမ်းသပ်ကြိတ်ခွဲခဲ့ သည်။ ထိုစမ်းသပ်မှုအောင်မြင်ခဲ့ သောကြောင့် ၁၉၃၅ခုနှစ်တွင်ပေါင်း ဆန်ကို တွင်တွင်ကျယ်ကျယ်ကြိတ် ခွဲထုတ်လုပ်၍ နိုင်ငံခြားသို့တင်ပို့ခဲ့ ကြသည်။ ထိုစဉ်က မြန်မာနိုင်ငံမှ ထုတ်လုပ်သောပေါင်းဆန်များသည် စပါးကို ရေစိမ်ကန်ထဲတွင်အချိန် ကြာမြင့်စွာရေစိမ်ပြီးမှ ပေါင်းခံကြိတ် ခွဲသဖြင့် စပါးများအချဉ်ပေါက်၍ အချဉ်နံ့ထွက်သော ပေါင်းဆန်ကို ရရှိသည်။ ထို့ကြောင့်တီထွင်ကြံဆ ကာ ၁၉၇၉ခုနှစ်တွင် အနံ့မဲ့ပြုတ်လုံး သွယ်ဆန်ကို စတင်ကြိတ်ခွဲထုတ်လုပ် ခဲ့ကြသည်။ ၁၉၉၅-၉၆ ခုနှစ်နောက် ပိုင်းတွင် ပေါင်းဆန်ထုတ်လုပ်မှု လုံးဝရပ်ဆိုင်းနေကြောင်း တွေ့ရှိရ သည်။ (ပေါ်ပြူလာဂျာနယ်)
*****

KNU နှင့် DKBA တိုက်ပွဲဖြစ်

ကရင်အမျိုးသား လွတ်မြောက်ရေးတပ်ဖွဲ့များနှင့် တိုးတက်သော ဗုဒ္ဒဘာသာ ကရင့်အမျိုးသား တပ်မတော် ဒီကေဘီအေ အမှတ် ၉၉၉၊ ၉၀၇ တပ်ဖွဲ့များအကြား မနေ့ ဒီဇင်ဘာ ၂ ရက်နေ့ နေ့လည်ပိုင်း၌ တိုက်ပွဲတွေ ဖြစ်ပွားခဲ့သည်။
( rfa.org အာအက်ဖ်အေသတင်းမှ ကောက်နှုတ်)
*****

ပြည်ပပို့ကုန်ပဲကိစ္စ၊ ပဲပြဿနာ အဖြေရှာ

ပြည်ပပို့ကုန်တွေထဲမှာ ပဲက ပြဿနာတက်နေတယ် ကြားရ တယ်။ ပဲတွေလှောင်ထားတာ အများကြီး၊ ဘယ်နိုင်ငံကမှ မဝယ်လို့ ပဲကုန်သည်တွေ အကျပ်ရိုက်ကုန်ကြ ပြီ။ တချို့ပဲကုန်သည်တွေဆို နိုင်ငံ ခြားတောင် ထွက်ပြေးကုန် ကြပြီတဲ့။ တချို့တွေလည်း သေကြောင်းကြံလို ကြံကြတဲ့။ ကောလာဟလဆိုတာ ဒီအတိုင်းပါပဲ။ တစ်ဆိတ်ကို တစ် အိတ်လုပ်ပြော တတ်ကြတာ သဘာ ဝပါ။ တကယ်တော့ 'ပဲကုန်သည် အသင်း'ဆိုတာ ရှိတာပဲ။ သူတို့က ဘာလုပ်နေကြလို့လဲ။ အရင်နှစ်က ဆို ပဲဈေးသိပ်ကောင်းတယ်။ ပဲကုန် သည်တွေ အကျိုးအမြတ်အများကြီး ရခဲ့ကြတယ်။ ဒီနှစ်လည်း အမြတ် ငွေ ၄ ရာခိုင်နှုန်းပေးမယ်ဆိုပြီး မြှူဆွယ် ပြီး ပဲဝယ်ခဲ့ကြတယ်။ ဒီဇင်ဘာ ပဲ ရာသီကုန်မှရမယ်လို့ပြောတဲ့အတွက် ဒီကတိစကားကို ယုံစားပြီး ရှိစုမဲ့စု တွေ ပေါင်နှံရောင်းချ၊ ကားရောင်း၊ ကားပေါင်၊ အိမ်ရောင်း၊ အိမ်ပေါင် ပြီး ငွေစုလာ ခဲ့ကြတယ်။ တကယ် တော့ ပြည်ပပို့ကုန်သည် လေးငါး ဦးလောက်က ကတိတွေ အတင်း ပေး၊ မက်လုံးတွေနဲ့မြှူဆွယ်ပြီး လက် ဝါးကြီးအုပ် အမြတ်ထုတ်ဖို့ကြိုးစား ခဲ့ကြတာပါ။ ပဲကုန်သည်အသင်းက ဘာမှ မလုပ်နိုင်ဘဲ အဲဒီကုန်သည် လေးငါးဦးကပဲ ခြယ်လှယ်ခဲ့ကြတာ။ ဟော ခုတော့ ပြဿနာ ပေါ်ပြီ။ လယ်သမား၊ ကုန်သည်တွေနဲ့ ပြည်ပ ပို့ပဲကုန်သည် လေးငါးဦးကြားက ပြဿနာတွေပေါ့။ တကယ်တော့ အဲဒီကုန်သည် လေးငါးဦးဟာ အတန်း ပညာကလည်း မူလတန်း သာသာလောက်ပဲရှိကြတာမို့ ဆင်ခြင်တုံတရားက သိပ်မရှိကြဘူး။ ပြည်ပသွားပြီး ရွှေတွေ၊ လောင်စာ ဆီတွေ ဈေးကစားကြတယ်။ မလုပ် တတ်မကိုင်တတ်နဲ့ ရှုံးပြီးပြန်လာကြ တဲ့အတွက် ငွေတွေမဆပ် နိုင်တော့ ဘူး။ ပြည်တွင်းက ငွေပေးထားတဲ့ လူတွေကလည်း ဘယ်သည်း ညည်း ခံကြတော့မလဲ။ တချို့ဆို အကြမ်း ဖက်ပြီး ငွေတောင်းကြတဲ့အထိ အခြေအနေက ဆိုးလာတယ်။ ခု တော့ ပဲအသင်းကို စနစ်တကျပြန် ဖွဲ့ဖို့ လိုလာပြီ။ ပဲက သိပ်အရေးကြီး တဲ့ကုန်ပဲ။ ပဲတင်ပို့ခြင်းဟာ ကမ္ဘာ မှာ မြန်မာက ဒုတိယအများဆုံး လေ။ ပဲကုန်သည်အသင်း လူကြီး တွေဟာ ပညာတတ်တွေ လည်း ဖြစ်ရမယ်။ အမြော်အမြင်ရှိပြီး ဆင်ခြင်တုံတရားလည်းရှိတဲ့သူတွေ ဖြစ်ရမယ်။ ပဲအကြောင်းလည်း ကောင်းကောင်း တတ်သိနားလည် သူတွေ ဖြစ်ရမယ်။ တိုင်းရင်းသား မဟုတ်သူတွေတော့ မထားနိုင်ဘူး။ ငွေကြေးပမာဏ အနည်းအများကို ကြည့်ပြီး ဒါရိုက်တာအဖွဲ့ဝင် (၇) ယောက်က (၁ဝ) ယောက် အထိ ဖွဲ့စည်းဖို့ စီစဉ်နေကြ ပါပြီ။ (ပေါ်ပြူလာ ဂျာနယ်)

=====
ဇန်န၀ါရီလ ၃ ရက်၊
ပထမအပတ်၊ ၂၀၀၉
နီုင်ငံခြားသတင်း

ဟားမက်စ်တို့ ၂၀၀၉ခုနှစ် ၂ရက်၊ သောကြာနေကို“ ကမ္ဘာ့နေ့” အဖြစ် ကြေညာ ( dr1.dk)
*****

၁၈နှစ်အပြီး ဘက္ကဒက်သို့ ခရီးသည်တင် လေယာဉ် ဆင်းသက်

အီရတ်စစ်ပွဲစကတည်း ရပ်နားခဲ့သည့် ပထမဦးဆုံးသော ခရီးသည်တင် လေယာဉ် (ဆွီဒင် charter
)သည် ခရီးသည် ၁၅၀ဦးကို တင်ဆောင်ပြီး ကိုပင်ဟေဂင်မှ ဘက္ကဒက်သို့ ၂.၁.၀၉ ရက်နေ့တွင် ဆင်းသက်ခဲ့သည်။ တချို့သော နိုင်ငံတကာ လေကြောင်းများသည်လည်း များမကြာမှီ ဆင်းသက်ရန် စောင့်ဆိုင်းလျက် ရှိသည်။
(TV2 news)
*****
အမေရိကန်သမ္မတ ဂျော့ဘုရ်ှက ပါလက်စတိုင်းလူမျိုးတို့၏ ဟားမက်အဖွဲ့ကို အပြစ်တင်လိုက်ပြီး ဒုံးကျဉ်များ ပစ်ခတ်မှု ရပ်ဆိုင်းရန် မေတ္တာရပ်ခံသည်၊ လွန်ခဲ့သည့်ရက်များအတွင်း ဟားမက်အဖွဲ့က ဒုံးကျည်ပေါင်း ၁၀၀ ကျော် ပစ်လွတ်တိုက်ခိုက်ခဲ့သည်။
(TV2 news.dk)
*****
ဂါဇာအား အစ္စရေးတို့ လေကြောင်းက ဆက်မပြတ်တိုက်ခိုက်မှုကို ဒီန်းမတ်နိုင်ငံ အောဟူစ့်မြို့တွင် အာရပ်အနွယ်ဖွားများ ဆန့်ကျင်ဆန္ဒပြကြသည်။ ထိုအပြင် နော်ဝေး ဂျာမဏီနှင့် ပြင်သစ်နိုင်ငံများတွင် အာရပ်အနွယ်ဖွားများ ကန့်ကွက် ဆန္ဒပြကြသည်ဟု သိရသည်။ဓါတ်ပုံသုံးရန်
( TV2news.dk)
*****
ကျူးဘားသမ္မတ Raul Castro, အမေရိကန် ရွေးကောက်ခံ သမ္မတ ဘာရက် အိုဘားမားနှင့် တွေ့ဆုံဆွေးနွေးချင်သည်ဟု ပြောကြား
( TV2 news.dk)
*****
ဆွီဒင်နိုင်ငံ တောင်ပိုင်းတွင် အင်အား စကေး ၄.၈ ရှိသော ငလျင်တခု ၂၊ ၁၊ ၀၉ နေ့ရက်က လှုပ်ခတ်သွားခဲ့သည်။ အသေအပျောက် မရှိ ၊ (TV2 news.dk)
*****
မစ္စတာ ဘုရ်ှနှင့် ကုလ အတွင်းရေးမှူးချုပ်တို့ နောက်ဆုံးတွေ့ဆုံပွဲတွင် မြန်မာရေး ဆွေးနွေးမည်

သမ္မတ တာဝန်က နှုတ်ထွက်ရမည့် အမေရိကန် သမ္မတ မစ္စတာ ဘုရ်ှသည် ကုလသမဂ္ဂ အတွင်းရေးမှူးချုပ် ဘန်ကီမွန်းနှင့် လာမည့် အင်္ဂါနေ့မှာ နောက်ဆုံးတွေ့ဆုံ နှုတ်ဆက်သည့်အခါတွင် မြန်မာအရေးကို ထည့်သွင်းဆွေးနွေးမည်ဟု အိမ်ဖြူတော် ပြောခွင့်ရ ပုဂ္ဂိုလ် Gordon Johndroe က ပြောကြားလိုက်ပါသည်။
( rfa.org အာအက်ဖ်အေသတင်းမှ ကောက်နှုတ်)
*****

ဇန်န၀ါရီလ ၄ ရက်၊
ပထမအပတ်၊ ၂၀၀၉
ပြည်တွင်းသတင်း

၆၁ နှစ်မြောက် လွတ်လပ်ရေးနေ့ ကို မြန်မာပြည်တွင်းနှင့် ထိုင်းနိုင်ငံတွင် ကျင်းပ

ဇန်နာဝါရီ ၄ ရက်နေတွင် ကျရောက်မည့် အထိမ်းအမှတ်အတွက် ရည်ရွယ်ပြီး ယနေ့ ဇန်နာဝါရီလ ၃ ရက်နေ့ မနက်က ဘန်ကောက်မြို့တွင် အခမ်းအနားတခု ကျင်းပခဲ့သည်။
ထို့အတူ ရန်ကုန်မြို့ အမျိုးသား ဒီမိုကရေစီ အဖွဲ့ချုပ်ရုံးတွင် လွတ်လပ်ရေးနေ့ အထိမ်းအမှတ်ဖြင့် အသက် ၃၀ အောက် လူငယ်များ ပါဝင်သည့် ကျပမ်းစကားပြောပြိုင်ပွဲကို ယနေ့ စတင် ကျင်းပခဲ့သည်။
(rfa.org မှ ကောက်နှုတ်သည်)
*****

အတင်း ခိုင်းခံနေရဆဲ

ရန်ကုန်တိုင်း တွံ့တွေးမြို့နယ် ဇီးဖြူကုန်းအုပ်စု နတ်စဉ်ချောင်းရွာ မူလတန်းကျောင်း ဆောက်လုပ်ရတွင် ဒေသခံ ရွာသားများကို ကျေးရွာ ဥက္ကဋ္ဌနှင့် ဆယ်အိမ်မှူး ရာအိမ်မှူးတွေက အတင်း လုပ်အားပေး စေခိုင်းနေသည်ဟု သိရပါသည်။ နိုင်ငံတော်က ရံပုံငွေ ချပေးထားပါလျက် ဒေသခံ ရွာသားများကို မလိုက်မနေရ အတင်းခိုင်းစေနေပြီး မလိုက်နိုင်လျှင် ဒဏ်ငွေ ၅၀၀၀ ပေးနေရသည်ဟု နတ်စဉ်ချောင်း ရွာသားတဦးက အာအက်ဖ်အေသို့ ပြောပြသည်။
(rfa.org မှ ကောက်နှုတ်)
*****
ဇန်န၀ါရီလ ၄ ရက်၊
ပထမအပတ်၊ ၂၀၀၉
နီုင်ငံခြားသတင်း


အစ္စရေးစစ်သားများ ဂါဇာအတွင်း ရောက်

စနေနေ့ည၌ အစ္စရေးစစ်သားများ မြေပြင်စစ်ဆင်ရေး စတင်ပြီး တင့်ကားများကို ဝေဟင်မှ စစ်သုံး ရဟတ်ယာဉ် အထောက်အကူပြုပြီး မြောက်ပိုင်းဂါဇာအတွင်းသို့ ရောက်ရှိနေသည်ဟု ပါလက်စ္စတိုင်းလူမျိုး မျက်မြင်များနှင့် ၎င်းတို့သတင်းဋ္ဌာနများက ပြောဆိုသည်။
( tv.dk)
*****



မှတ်ချက်။ ။ ၂၀၀၉ ခုနှစ် ပထမအပတ်မှ စပြီး တပတ်အတွင်း သတင်းမှတ်စုအဖြစ် တပတ် တကြိမ် စုဆောင်း တင်ပြမည် ဖြစ်သည်။ မည်သည့်အဖွဲ့အစည်း၏ အရာင်မဟုတ်ပါ၊ နှစ်ချုပ်သတင်းအဖြစ် စုဆောင်းလိုသည့် ဆန္ဒတခုအဖြစ်သာ ဖြစ်ကြောင်း သတင်းဌာနာများနှင့် ဘလောဂ်မိတ်ဆွေများကို ကြိုတင် တောင်းပန်ပါသည်။ ထိုကဲ့သို့ တင်ပြလိုသောကြောင့် သတင်းဌာနာများအား ကြိုတင် အခွင့်တောင်းခံခဲ့ပါသည်။ RFA သတင်းဋ္ဌာန၊ ခေတ်ပြိုင်၊ မဇ္ဈီမနှင့် လူထုအသံတို့မှာ ခွင့်ပြုကြောင်း အကြောင်းပြန် ရရှိခဲ့ကြောင်း။
ဘီဘီစီနှင့် ဗွီအိုအေဋ္ဌာနာများသို့ အီးမေးဖြင့် အကြောင်းအကြားခဲ့ပါသည်။ နောက်ပြီး ပြည်တွင်းလက်လှမ်းမသိသော သတင်းမဂ္ဂဇင်းများနှင့် တချို့ ဘလောဂ်များကိုလည်း အကြောင်းမကြားနိုင်ခဲ့ပါ။ သို့အတွက် မိမိစုဆောင်းခဲ့သည့် သတင်းအတိုအထွာများကို သက်ဆိုင်ရာ နာမည်များ ဖေါ်ပြပေးမည်။
*****