21.12.2009
တရုတ်ဒု-သမ္မတ မြန်မာနိုင်ငံခရီးစဉ်အတွင်း
သဘောတူညီချက် (၁၆) ခု လက်မှတ်ရေးထိုး
တရုတ်ဒု-သမ္မတ မစ္စတာ ရှီကျင့်ဖျင်၏ (၂) ရက်ကြာ အလည်ပတ်ခရီးစဉ်အဖြစ် ယခုလ (၁၉) ရက်၌ မြန်မာနိုင်ငံသို့ ရောက်ရှိခဲ့စဉ် အတွင်း နှစ်နိုင်ငံ ပူးပေါင်းဆောင်ရွက်ရေး နားလည်မှုစာချွန်လွှာနှင့် သဘောတူညီချက် (၁၆) ခု လက်မှတ် ရေးထိုးခဲ့သည်။
စီးပွားရေးနှင့် ကုန်သွယ်ရေး၊ ပို့ဆောင်ရေး၊ အခြေခံအဆောက်အအုံများ ဖွံ့ဖြိုးရေးကဏ္ဍ ပူးပေါင်းဆောင်ရွက်ရေး၊ နည်းပညာ ပူးပေါင်းဆောင်ရွက်ရေး၊ စက်ပစ္စည်းကိရိယာ ဝယ်ယူရေး စသည့်သဘောတူညီချက် (၅) ခု၊ ဘဏ္ဍာရေးဆိုင်ရာ သဘောတူညီ ချက် (၇) ခု၊ ရေအားလျှပ်စစ်ဆိုင်ရာ သဘောတူညီချက် (၃) ခု၊ စွမ်းအင်ကဏ္ဍ၊ ရေနံနှင့် သဘာဝဓာတ်ငွေ့ ပိုက်လိုင်းသဘောတူ ညီချက် (၁) ခု စုစုပေါင်း သဘောတူညီချက် (၁၆) ခုနှင့် နားလည်မှု စာချွန်လွှာကို လက်မှတ် ရေးထိုးခဲ့သည်ဟု ယနေ့ထုတ် နအဖပိုင် သတင်းစာများတွင် ဖော်ပြထားသည်။
တရုတ်ဒု-သမ္မတ၏ ခရီးစဉ်အား တရုတ်နိုင်ငံ ဗဟိုရုပ်မြင်သံကြားဌာန၊ ဆင်ဟွာသတင်းဌာနတို့က အကျယ်တဝင့် ဖော်ပြခဲ့ရာတွင် တရုတ်နှင့် မြန်မာ ဆွေမျိုးပေါက်ဖော်ချစ်ကြည်ရင်းနှီးမှုကို တိုးမြှင့်လုပ်ဆောင်သွားရန်၊ နှစ်နိုင်ငံ နယ်စပ်ဒေသတလျှောက် ဖွံ့ဖြိုးတိုးတက်အောင်မြင်မှုနှင့် ငြိမ်းချမ်းရေးအား ထိန်းသိမ်းသွားရန်၊ ဒေသဆိုင်ရာနှင့် နိုင်ငံတကာအရေး နယ်ပယ်တို့တွင် ပူးပေါင်းဆောင်ရွက်ရန်၊ အဆင့်မြင့်ခေါင်းဆောင်ပိုင်း အပြန်အလှန် လည်ပတ် အဆက်အသွယ်ရှိရန် စသည်တို့ကို ဆွေးနွေးခဲ့သည်ဟု ဖော်ပြထားသည်။
(NEJ)
+++++
ဒေါ်စုအမှု အယူခံ ဗဟိုတရားရုံး လက်ခံ
ချင်းမိုင်(မဇ္ဈိမ) ။ ။ ဒေါ်အောင်ဆန်းစုကြည်ကို စစ်အစိုးရက လွှတ်ပေးမည်ဟု ကောလာဟလများ ထွက်ပေါ်နေချိန်တွင် ဗဟို တရားရုံးချုပ်က သူမအပေါ် ချမှတ်ထားသော ပြစ်ဒဏ် ပြင်ဆင်ပေးရန်အတွက် အယူခံ တင်သွင်းခြင်းကို ယနေ့ လက်ခံ လိုက်သည်။
ယနေ့နံနက် ၁၁ နာရီခန့်တွင် လျှောက်လဲချက်ကို ဗဟို တရားရုံးချုပ်က ကြားနာခဲ့ပြီးနောက် အသက် ၆၄ နှစ် အရွယ် ဒေါ်အောင်ဆန်းစုကြည်ကို နေအိမ်အကျယ်ချုပ် ၁၈ လဖြင့် ဆိုင်းငံ့ ပြစ်ဒဏ်ချထားသည်ကို ပြင်ဆင်ရန် လျှောက်လဲထားမှုအပေါ် လက်ခံကြားနာရန် ညနေ ၃ နာရီကျော်တွင် အမိန့် ချမှတ်လိုက်ခြင်း ဖြစ်သည်။
(မဇ္ဈိမ) ။
+++++
ရတနာပုံ သတင်းစာဝန်ထမ်းများ အလုပ်ပြုတ်
ဆူပူမှုဖြင့် ဒီမိုကရေစီရနိုင်ဟု ဖော်ပြလိုက်သည့် မန္တလေး ရတနာပုံသတင်းစာ တာဝန်ခံ အယ်ဒီတာအပါအ၀င် ထုတ်လုပ်မှုတွင် ပါဝင်သူအားလုံးကို အလုပ်ထုတ်လိုက်သည်။
အလယ်ပိုင်းတိုင်းစစ်ဌာနချုပ်က ထုတ်ဝေသည့် ရတနာပုံ နေ့စဉ်သတင်းစာတွင် ပြီးခဲ့သည့် နိုဝင်ဘာ (၁၃) ရက်နေ့က စစ်အစိုးရ အာဘော် ဆူပူမှုဖြင့် ဒီမိုကရေစီမရနိုင် ဆိုသည့် စာသားကို မှားယွင်းဖော်ပြခြင်းကြောင့် ယင်းသို့ အလုပ်မှ ထုတ်ပစ်လိုက်ခြင်းဖြစ်ကြောင်း မန္တလေး စည်ပင်သာယာ အကြီးတန်းအရာရှိက အတည်ပြုပြောကြားသည်။
(NEJ)
+++++
အမေရိကန် သံရုံးနှင့် တွေ့လိုကြောင်း ညီညီအောင် ပြော
နယူးဒေလီ (မဇ္ဈိမ)။ ။ စစ်ခွေးတိုက်တွင် နေနေရသော ကိုညီညီအောင်က အမေရိကန် သံရုံး ကိုယ်စားလှယ်နှင့် ရှေ့နေကို တွေ့ခွင့်ရလိုကြောင်း ပြောကြားလိုက်သည်ဟု မိသားစုဝင်တဦးက ပြောသည်။အကျဉ်းသား အခွင့်အရေးအတွက် ယခုလ ၄ ရက်နေ့က အင်းစိန် အကျဉ်းထောင်ထဲတွင် စတင် အစာငတ်ခံ ဆန္ဒပြရာ သုံးရက်အကြာတွင် စစ်ခွေးတိုက် အပို့ခံခဲ့ရသည်။ အောက်ထပ်တွင် စစ်ခွေးများ မွေးမြူထားရှိသည့် ၈ ပေ ပတ်လည်အခန်းတွင် တဦးတည်း ထားရှိသည်။အမေရိကန် အောက်လွှတ်တော် နိုင်ငံခြားရေးရာ ကော်မတီ ဥက္ကဋ္ဌ Howard Berman ၊ Mr. Frank Wolf နှင့် လူ့အခွင့်အရေး ကော်မရှင် ပူးတွဲဥက္ကဋ္ဌ Mr. Tom Lantos အပါအဝင် အမတ် ၅၃ ဦးက တောခို ကျောင်းသားဟောင်း ကိုညီညီအောင် လွတ်မြောက်ရေးအတွက် လက်မှတ်ရေးထိုး၍ ဗိုလ်ချုပ်မှူးကြီး သန်းရွှေထံ လိပ်မူထားသည့် ပေးစာကို အမေရိကန်နိုင်ငံ ဝါရှင်တန်ဒီစီရှိ မြန်မာသံရုံးသို့ ယခုလ ၁၈ ရက်နေ့က ပေးပို့ခဲ့သည်။
ဖမ်းဆီးထားခြင်းသည် မြန်မာနိုင်ငံ ဥပဒေအရနှင့် နိုင်ငံတကာ ဥပဒေနှင့်ပါ အကျုံးမဝင်သည့် အပြင် ဗီယန်နာ ကွန်ဗင်းရှင်းကို ချိုးဖောက်ကြောင်းနှင့် လုံလောက်သည့် ဆေးဝါး ကုသမှု၊ အစားအသောက်၊ လုံလောက်သည့် အနားယူခွင့် မပေး၊ နှိပ်စက် ညှဉ်းပန်းခဲ့သည့်အပြင် လွတ်လပ်သည့် တရားစီရင်ခွင့် မရှိကြောင်း စာထဲတွင် ဖော်ပြထားသည်။
သူ၏ အမှုအကြောင်းသည် အမေရိကန် လွှတ်တော်အမတ်များအကြား အထူးစိတ်ဝင်စားစရာ အကြောင်းအရာတခုဖြစ်ပြီး အမေရိကန်နှင့် မြန်မာစစ်အစိုးရ ဆက်ဆံရေး ပြန်လည်ကောင်းမွန်ရန် ကြိုးစားနေသည့်အပေါ် အဖုအထစ် ဖြစ်စေသည်ဟု ပေးစာထဲတွင် ပါရှိသည်။
(မဇ္ဈိမ)။
-----------------
22.12.2009
ရွေးကောက်ပွဲ စည်းရုံးရေးသမားများကို ကြံ့ဖွံ့က ရိုက်နှက်
နယူးဒေလီ (မဇ္ဈိမ) ။ ။ ၂၀၁၀ ရွေးကောက်ပွဲအတွက် ရန်ကုန်တိုင်းအတွင်း ယခုလ ၁၉ ရက်နေ့တွင် စည်းရုံးရေး ဆင်းနေစဉ် ကြံ့ခိုင်ဖွံ့ဖြိုးရေး အဖွဲ့ဝင်များက ဝိုင်းဝန်း ရိုက်နှက်သဖြင့် ပါတီဝင် အနည်းဆုံး ၅ ဦး ဒဏ်ရာရရှိခဲ့ကြောင်း နိုင်ငံရေး ပါတီတခုက ပြောသည်။
ကြည့်မြင်တိုင် မြို့နယ်တဖက်ကမ်း အလတ်ချောင်းရွာတွင် ဟောပြောပွဲ ပြုလုပ်ရန် ပြင်နေစဉ် မြို့နယ်ကြံ့ခိုင်ဖွံ့ဖြိုးရေး အတွင်းရေးမှူး ဦးမြင့်လွင် ဦးဆောင်သည့် ကြံ့ဖွံ့ဦးရေ ၂၀ ခန့်နှင့် ကျေးရွာလူထု စုစုပေါင်း ၂၀၀ ခန့်က ရိုက်နှက်ခဲ့ခြင်းဖြစ်ကြောင်း ပြည်ထောင်စု မြန်မာနိုင်ငံ အမျိုးသားနိုင်ငံရေး အဖွဲ့ချုပ်က ဆိုသည်။ အမျိုးသား နိုင်ငံရေး အဖွဲ့ချုပ်၏ အလံ၊ ပါတီတံဆိပ်၊ စာရွက်စာတမ်း၊ နိုင်ငံတော်အလံ၊ သုံးရောင်ချယ် နောက်ခံ ဒေါင်းအလံ၊ ၈၈ မျိုးဆက်သစ် ကျောင်းသား လူငယ်များ (ပြည်ထောင်စု မြန်မာနိုင်ငံ) အနီရောင်အောက်ခံ ခွပ်ဒေါင်းအလံများ မီးရှို့ ဖျက်ဆီးခံခဲ့ရကြောင်း အမျိုးသား နိုင်ငံရေး အဖွဲ့ချုပ် ဒုဥက္ကဋ္ဌ ကိုရဲထွန်းက မဇ္ဈိမကို ပြောသည်။
(မဇ္ဈိမ)
----------------
22.12.2009
ရုရှမှ MiG-29 တိုက်လေယာဉ် အစီး (၂၀) မြန်မာသို့ ပို့ရန်ရှိ
ရုရှနိုင်ငံက MiG-29 အမျိုးအစား တိုက်လေယာဉ် အစီး (၂၀) ကို မြန်မာနိုင်ငံသို့ တင်ပို့ရန် သဘောတူလက်မှတ် ရေးထိုး လိုက်ကြောင်း ယနေ့ထုတ် Kommersant သတင်းစာကို ကိုးကားပြီး အေအက်ဖ်ပီသတင်းတွင် ဖော်ပြသည်။
အဆိုပါ သဘောတူညီချက်ကို ပြီးခဲ့သည့်သီတင်းပတ်များအတွင်း၌ လက်မှတ်ရေထိုးခြင်းဖြစ်ပြီး တန်ဖိုးငွေအားဖြင့် ယူရို သန်း (၄၀၀) နီးပါး အမေရိကန်ဒေါ်လာ သန်း (၅၇၀) ခန့်ရှိသည်ဟု Rosoboronexport ရုရှလက်နက်အရောင်းကုမ္ပဏီကို ကိုးကားပြီး သတင်းစာတွင် ဖော်ပြထားသည်။
၂၀၀၁ ခုနှစ်ကလည်း MiG-29 အမျိုးအစား လေယာဉ် (၁၂) စီးကို ရုရှက မြန်မာနိုင်ငံသို့ ပို့ပေးခဲ့ကြောင်း၊ ယခုတကြိမ် မြန်မာနိုင်ငံနှင့် သဘောတူညီမှုသည် ၂၀၀၇ ခုနှစ်တွင် အယ်ဂျီးရီးယားနိုင်ငံသို့ အလားတူ လေယာဉ်များ ပို့ဆောင်ခဲ့ပြီး နောက်ပိုင်း တန်ဖိုးအများဆုံးဖြစ်ကြောင်း Kommersant သတင်းစာတွင် ပါရှိသည်။
(NEJ)
+++++
ဒေါ်စု နေအိမ်ပြင်နေမှုကို အကိုရင်းဖြစ်သူက ကန့်ကွက်
ချင်းမိုင် (မဇ္ဈိမ) ။ ။ ဒေါ်အောင်ဆန်းစုကြည်၏ နေအိမ် ပြင်ဆင်နေမှုအား အကိုဖြစ်သူ ဦးအောင်ဆန်းဦး၏ ကိုယ်စားလှယ်က ရန်ကုန်တိုင်း မြို့တော် စည်ပင်သာယာတွင် ကန့်ကွက်ခဲ့သည်ဟု အမျိုးသား ဒီမိုကရေစီ အဖွဲ့ချုပ် ပြောရေးဆိုခွင့်ရှိသူ ဦးဥာဏ်ဝင်းက ပြောသည်။
တက္ကသိုလ် ရိပ်သာလမ်းရှိ နေအိမ်ကို ပြင်ဆင်နေခြင်းအား အကိုအရင်း ဖြစ်သူ၏ ကိုယ်စားလှယ် ဦးစိုးဝင်းနိုင်က ယခုလ ၁၅ ရက်နေ့၌ မြို့တော် စည်ပင်သာယာရေးတွင် နှုတ်ဖြင့် ကန့်ကွက်ကြောင်း ပြောကြားခဲ့ခြင်း ဖြစ်သည်။
(မဇ္ဈိမ) ။
+++++
အထည်ချုပ်လုပ်ငန်း ထက်ဝက်ကျော် ပိတ်သိမ်းရဖွယ်ရှိ
အပ်ထည်ကုန် လျော့ကျလာခြင်းကြောင့် ယခုနှစ်ကုန်တွင် မြန်မာ့အထည်ချုပ် လုပ်ငန်း ထက်ဝက်ကျော် ပိတ်သိမ်းရဖွယ် ရှိကြောင်း အထည်ချုပ်လုပ်ငန်း အသိုင်းအ၀ိုင်းက ပြောဆိုသည်။
အော်ဒါချုပ်ထည်များကို လက်ခစားစနစ်ဖြင့် လုပ်ဆောင်နေသည့် အထည်ချုပ်လုပ်ငန်းများမှာ မြန်မာကျပ်ငွေလဲလှယ်နှုန်း မြင့်လာခြင်း၊ ကုန်ထုတ်လုပ်မှုစရိတ် တက်လာခြင်းတို့ကြောင့် ကမ္ဘာ့အထည်ချုပ် ဈေးကွက်ပေါက်ဈေးတွင် ဈေးနှုန်းမယှဉ်နိုင်ဘဲ အော်ဒါရရှိမှု လျော့နည်းလာခြင်းဖြစ်သည်။ယခု အခက်အခဲဖြစ်နေမှုကြောင့် ပုဂ္ဂလိက အထည်ချုပ်လုပ်ငန်းများ ပိုမိုထိခိုက်နိုင်ကြောင်း အထည်ချုပ်လုပ်သား (၂) သောင်းကျော်ခန့်ကို အလုပ်လက်မဲ့ဖြစ်စေနိုင်ကြောင်း အထည်ချုပ်လုပ်ငန်းရှင်များက သုံးသပ်ကြသည်။
မြန်မာ့အထည်ချုပ်လုပ်ငန်းတွင် နိုင်ငံခြားရင်းနှီးမြှုပ်နှံမှု၊ ဖက်စပ်နှင့် ပုဂ္ဂလိကပိုင် အထည်ချုပ်စက်ရုံပေါင်း (၁၃၀) ခန့်ရှိနေပြီး လုပ်သား (၄) သောင်းခွဲခန့်အတွက် အလုပ်အကိုင် ဖန်တီးပေးထားသည်။
(NEJ)
+++++
ရန်ကုန်တွင် မဲစာရင်း ကောက်ပြီ
နယူးဒေလီ (မဇ္ဈိမ)။ ။ ရန်ကုန်တိုင်း မြို့နယ်အချို့၌ ၂၀၁၀ ရွေးကောက်ပွဲတွင် မဲပေးနိုင်မည့် အသက် ၁၈ နှစ်နှင့် အထက် လူစာရင်းများ ကောက်ခံနေကြောင်း ဒေသခံများ အဆိုအရ သိရသည်။
အလုံ၊ အင်းစိန်၊ ရွှေပြည်သာ၊ တောင်ဒဂုံနှင့် သုံးခွမြို့နယ်များ၌ ပြီးခဲ့သည့် ရက်သတ္တပတ်တွင် ရာအိမ်မှူးများ၊ ရယက ရပ်ကွက် ကောင်စီဝင်များက စာရင်းကောက်ခံခြင်း ဖြစ်သည်။
(မဇ္ဈိမ)။
-----------------
24.24.2009
အန်အယ်လ်ဒီ ဗဟိုအလုပ်အမှုဆောင်အဖွဲ့ ထပ်မံတိုးချဲ့မည်
အန်အယ်လ်ဒီပါတီ ဗဟိုအလုပ်အမှုဆောင်အဖွဲ့ ပြန်လည်ဖွဲ့စည်းမည့်ကိစ္စနှင့်ပတ်သက်၍ အမှုဆောင်အဖွဲ့ဝင်များကို နောက်ထပ် တိုးချဲ့မည်ဖြစ်ပြီး ဒေါ်အောင်ဆန်းစုကြည်အပါအ၀င် မျက်နှာစုံညီတွေ့ဆုံပြီးမှသာ အတည်ပြု ဆုံးဖြတ်နိုင်မည်ဟု ပါတီဗဟို အလုပ်အမှုဆောင်တဦးဖြစ်သူ ဦခင်မောင်ဆွေက ပြောသည်။ ၂၀၀၉ ခု အောက်တိုဘာ (၂၂) ရက်နေ့ အန်အယ်လ်ဒီ အထူးကြေညာချက်တွင် ဗဟိုအလုပ်အမှုဆောင်အဖွဲ့ တိုးချဲ့ရေးနှင့် ဗဟိုဦးစီးအဖွဲ့ ပြန်လည်ဖွဲ့စည်းရေးအတွက် ဆောင်ရွက်ရန်လိုအပ်နေကြောင်း၊ အဆိုပါကိစ္စကို အထွေထွေအတွင်းရေးမှူး ဒေါ်အောင်ဆန်းစုကြည်နှင့် ဗဟိုအလုပ်အမှုဆောင်အဖွဲ့တို့ တွေ့ဆုံခွင့်ရသည့်အခါ ညှိနှိုင်းတိုင်ပင်၍ ဆုံးဖြတ်မည်ဟူ၍ လည်းကောင်း၊ ထိုသို့မဟုတ်ပါက နိုင်ငံရေးပါတီများ မှတ်ပုံတင်ရေးဥပဒေကို သက်ဆိုင်ရာမှ ထုတ်ပြန်ကြေညာသည့်အခါတွင် လိုအပ်သလိုဆောင်ရွက်မည်ဟူ၍လည်းကောင်း ဗဟိုအလုပ်အမှုဆောင်အဖွဲ့က ဆုံးဖြတ်ပြီးဖြစ်ပါသည်ဟု ပါရှိသည်။
(NEJ)
+++++
ဒေါ်အောင်ဆန်းစုကြည် လုံခြုံရေး စိုးရိမ်ကြောင်း အန်အယ်ဒီ ပြောဆို
ချင်းမိုင်(မဇ္ဈိမ)။ ။ နေအိမ် အကျယ်ချုပ် ခံနေရသော ဒေါ်အောင်ဆန်းစုကြည်၏ နေအိမ် ပြင်ဆင်နေမှုကို ရပ်ဆိုင်းထားရသဖြင့် သူမ၏ လုံခြုံရေးအတွက် စိုးရိမ်ရကြောင်း အမျိုးသား ဒီမိုကရေစီ အဖွဲ့ချုပ်က ထုတ်ဖော် ပြောဆိုလိုက်သည်။
ငြိမ်းချမ်းရေး နိုဘယ်လ်ဆုရှင်၏ နေအိမ် ပြင်ဆင်နေသည်ကို အကိုရင်း ဦးအောင်ဆန်းဦးက ကန့်ကွက်ခြင်းကြောင့် ပြင်ဆင်မှု ယမန်နေ့ကစ၍ ရပ်ထားရသည်။
ချင်းမိုင်(မဇ္ဈိမ)။
+++++
ပုဂ္ဂလိက ဆေးရုံဆေးခန်းများ ကြပ်မတ်ခံနေရ
ပုဂ္ဂလိက ဆေးရုံဆေးခန်းများတွင် အချိန်ပိုင်း၊ အချိန်ပြည့် တာဝန်ထမ်းဆောင်နေကြသော ဆရာဝန်များအတွက် နိုင်ငံတော် ၀န်ကြီးချုပ်ရုံးနှင့် ကျန်းမာရေးဝန်ကြီးဌာနတို့က စည်းမျဉ်းသစ်ချမှတ်ကာ မြန်မာနိုင်ငံဆေးကောင်စီက စည်းကမ်းတင်းကျပ် လျက်ရှိကြောင်း သိရသည်။
ပြီးခဲ့သည့် အောက်တိုဘာ (၂၇) ရက်တွင် ရွှေခုံတိုင်အထူးကုဆေးခန်းတွင် ကွယ်လွန်ခဲ့သူ အသက် (၁၅) နှစ်အရွယ် (၉) တန်း ကျောင်းသူ မခိုင်ရွှန်းလဲ့ရည် ကိစ္စရပ်ကြောင့် ထိုသို့ စည်းကမ်းတင်းကျပ်ခြင်းဖြစ်ကြောင်း ခွဲစိတ်အထူးကု ဆရာဝန်ကြီးတဦးက ခေတ်ပြိုင်သို့ ပြောသည်။အဆိုပါ စည်းမျဉ်းများတွင် ဆရာဝန်ကျင့်ဝတ်သိက္ခာ ကျင့်စဉ်များကို လိုက်နာရေး၊ ရောဂါမှန်ကန်စွာရှာဖွေဆုံးဖြတ်ရေး၊ ခွဲစိတ်ကုသမှုများတွင် လူနာနှင့် လူနာရှင်များအား ကြိုတင်ရှင်းလင်းပြီး ကုသမှုပြီးဆုံးသည်ထိ တာဝန်ယူဆောင်ရွက်ရေးတို့ကို သိရှိလိုက်နာရေးအတွက် မိမိအုပ်ချုပ်ကွပ်ကဲမှုအောက်ရှိ ဆေးရုံများ၊ ဆေးခန်းများ၊ ဌာနကြီးများ၊ ပုဂ္ဂလိကဆေးရုံဆေးခန်း တာဝန်ခံများကို ထပ်ဆင့်ညွှန်ကြား ကြီးကြပ်ရန် စသည့်အချက်များ ပါရှိကြောင်း ထိုဆရာဝန်ကြီးက ပြောသည်။
(NEJ)
+++++
နိုင်ငံရေး အကျဉ်းသူ ထောင်တွင်း၌ ကွယ်လွန်
ချင်းမိုင် (မဇ္ဈိမ)။ ။ ၂၀၀၇ ခုနှစ် သံဃာများ လမ်းလျှောက် မေတ္တာပို့ပွဲတွင် ပါဝင်ခဲ့သဖြင့် အကျဉ်းကျခံရသည့် နိုင်ငံရေး အကျဉ်းသူ မတင်တင်ထွေးသည် ယမန်နေ့က နှလုံး သွေးကြောပေါက်ပြီး အင်းစိန်ထောင် ဆေးရုံ၌ ကွယ်လွန်သွားကြောင်း သိရသည်။
ကွယ်လွန်သွားကြောင်းကို ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီ စောင့်ရှောက်ရေးအသင်း - AAPP (B) က အတည်ပြု ထုတ်ပြန်သည်။
(မဇ္ဈိမ)။
--------------
24.12.2009
အန်ဒီအေ ရဲဘော်ဟောင်းများအား လက်နက်ဖြုတ်သိမ်းရန် ညွှန်ကြား
ဦးဆခုံတိန့်ယိန်း ဦးဆောင်သည့် အန်ဒီအေ (ကချင်) နယ်ခြားစောင့် တပ်ဖွဲ့တွင် မပါဝင်သည့် တပ်မှူး၊ တပ်သား၊ ပြည်သူ့စစ်များအား ၎င်းတို့၏ လက်နက်များကို ပြန်လည်အပ်နှံကြရန် ညွှန်ကြားထားကြောင်း တပ်မှူးဟောင်းတဦးက ပြောသည်။
(NEJ)
+++++
ဝဒေသအတွင်းရှိ တရုတ်ရင်းနှီးမြှုပ်နှံမှုများကို ၀တပ်ဖွဲ့က ကာကွယ်သွားမည်
ဝပြည်သွေးစည်းညီညွတ်ရေးတပ်မတော် (UWSA) ခေါ် ဝတပ်ဖွဲ့ ထိန်းချုပ်ရာဒေသအတွင်းရှိ တရုတ်ကုမ္ပဏီတို့၏ ရင်းနှီး မြှုပ်နှံမှုများ ပျောက်ပျက်ဆုံးရှုံးမှု မရှိရေးအတွက် ကာကွယ်သွားကြရန် ဝတပ်ဖွဲ့က ဆုံးဖြတ်ထားသည်။
ရှမ်းပြည်တောင်ပိုင်း၊ ထိုင်း-မြန်မာနယ်စပ်အနီးရှိ ဝမ်ဟုန်ဒေသအပါအဝင် ဝတပ်ဖွဲ့ထိန်းချုပ်ရာ နယ်မြေများအတွင်း ၁၉၉၅ ခုနှစ် ကတည်းကစ၍ ဘိန်းအစားထိုးသီးနှံစိုက်ပျိုးရေး စီမံကိန်းအရ ရာဘာစိုက်ခင်း ဧက (၁) သိန်းဝန်းကျင်၊ လက်ဖက်စိုက်ခင်း ဧက (၃) သောင်းကျော် စိုက်ပျိုးထားပြီး အများစုကို တရုတ်ကုမ္ပဏီတို့က ရင်းနှီးမြှုပ်နှံထားသည်ဟု ဝသတင်း ရပ်ကွက်အရ သိရသည်။
ထို့အပြင် စုစုပေါင်း ကီလိုဝပ် (၁၃,၅၉ဝ) ထွက်ရှိသည့် ရေအားလျှပ်စက်ရုံ (၈) ခုရှိပြီး ရာဘာစက်ရုံ၊ သတ္တုမိုင်းများနှင့် သတ္တုသန့်စင် စက်ရုံများလည်းရှိရာ အများစုမှာ တရုတ်ကုမ္ပဏီများနှင့် ဝတပ်ဖွဲ့ အကြား အကျိုးတူဖက်စပ် လုပ်ကိုင်နေကြခြင်း ဖြစ်သည်။
အဆိုပါ သဘောတူညီချက်စာချုပ်များ ဆက်လက်အကောင်အထည်ဖော်ရေးနှင့် တရုတ်ကုမ္ပဏီများ၏ ရင်းနှီးမြှုပ်နှံမှုများကို လုံခြုံမှု အာမခံချက်ပေးရန်အတွက် ဝတပ်ဖွဲ့ခေါင်းဆောင်များက စစ်ဘက်ရေးရာအရာရှိချုပ် ဒု-ဗိုလ်ချုပ်ကြီး ရဲမြင့်နှင့် ပြီးခဲ့သည့်လ တွေ့ဆုံစဉ်အတွင်း တောင်းဆိုထားသည်ဟု ဝတပ်ဖွဲ့ခေါင်းဆောင်များနှင့် နီးစပ်သူက ပြောသည်။
(NEJ)
--------------
No comments:
Post a Comment