14.12.2009
ဒေါ်အောင်ဆန်းစုကြည်၏ ဂါရ၀ပြုရေးအစီအစဉ်
ဦးအောင်ရွှေထံ နအဖရဲချုပ် လာရောက်တွေ့ဆုံ
ဒေါ်အောင်ဆန်းစုကြည်က ဦးအောင်ရွှေ၊ ဦးလွင်နှင့် ဦးလွန်းတင်တို့သုံးဦးအား လာရောက်ဂါရ၀ပြုရန် အစီအစဉ်ရှိကြောင်း နအဖစစ်အစိုးရ ရဲချုပ် ဗိုလ်မှူးချုပ်ခင်ရီက အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ဥက္ကဋ္ဌ ဦးအောင်ရွှေနေအိမ်သို့ ယနေ့လာရောက်ပြောဆိုသည်ဟု သိရသည်။
ယနေ့နံနက် (၁၀) နာရီခန့်တွင် ဗိုလ်မှူးချုပ်ခင်ရီက ဦးအောင်ရွှေထံ လာရောက်၍ သဘောထားမေးမြန်းကြောင်း အန်အယ်လ်ဒီ ဗဟိုအလုပ်အမှုဆောင်တဦးဖြစ်သူ ဦးခင်မောင်ဆွေက ပြောသည်။
(NEJ)
+++++
မြန်မာ့ဘိန်းထုတ်လုပ်မှု ကြောက်စရာကောင်းလောက်အောင် တိုးပွါးလာဟု ကုလပြော
ဘန်ကောက် (မဇ္ဈိမ)။ ။ မြန်မာ့ ဘိန်းထုတ်လုပ်မှုသည် ၂၀၀၆ ကတဲကစ၍ ၅၀%နီးပါး မြင့်တက်လာခဲ့သည်ဟု ကုလသမဂ္ဂ မူးယစ်ဆေးဝါးနှင့်ရာဇဝတ်မှုရုံး (UNODC) အစီရင်ခံစာကဆိုသည်။
မြန်မာနိုင်ငံတွင် ဘိန်းစိုက်ပျိုးထုတ်လုပ်မှုသည် ၃ နှစ်ဆက်တိုက် တိုးပွါးလာခဲ့သည်ဟု ကုလသမဂ္ဂ မူးယစ်တိုက်ဖျက်ရေး အေဂျင်စီက ပြောသည်။ လေ့လာချက်အရ မြန်မာနိုင်ငံ မြောက်ပိုင်းတွင် ဘိန်းစိုက်ပျိုးသောမြေမှာ ဟက်တာပေါင်း ၃၁၀၀၀ ရှိပြီး ယင်းသည် ယမန်နှစ်ကနှင့် နှိုင်းစာလျှင် ၁၁% တိုးတက်လာခြင်း ဖြစ်သည်။ ယမန်နှစ်ကနှင့် နှိုင်းစာလျှင် ဘိန်းထုတ်လုပ်မှုသည် မြင့်တက်လာသည်ဟု အစီရင်ခံစာက ဆိုသည်။ကုလအေဂျင်စီ က ဤဒေသသည် ကမ္ဘာ့အကြီးဆုံး အက်ဖီတမင်း (amphetamines) ကဲ့သို့သော လူလုပ် မူးယစ်ဆေးဝါးများကို ကမ္ဘာပေါ်တွင် အများဆုံးထုတ်လုပ်သည့် နေရာဖြစ်လာသည်ဟု မကြာမီက သတိပေး ပြောကြားခဲ့သည်။ ဤဒေသတွင် မြန်မာနိုင်ငံသည် အဓိကထုတ်လုပ်သူ နိုင်ငံတနိုင်ငံ ဖြစ်သည်။
(မဇ္ဈိမ)။
+++++
မြန်မာ့ကြယ်ငါးပွင့်ကို ဦးပိုင်လီမိတက် လွှဲပြောင်းယူရန် ညှိနိူင်း
နိုင်ငံပိုင် မြန်မာ့ကြယ်ငါးပွင့် သင်္ဘောလုပ်ငန်းကို ပြည်ထောင်စု မြန်မာနိုင်ငံ စီးပွားရေး ဦးပိုင်လီမိတက်မှ လွှဲပြောင်းလုပ်ကိုင်ရန် ညှိနှိုင်းနေသည်။
နိုင်ငံပိုင် လုပ်ငန်းတခုဖြစ်သည့် မြန်မာ့ကြယ်ငါးပွင့်လုပ်ငန်းကို ဦးပိုင်လီမိတက်က ၂၀၁၀ မတိုင်မီ လွှဲပြောင်းလုပ်ကိုင်နိုင်ရေး ညှိနှိုင်းနေခြင်းဖြစ်သည်။ စစ်တပ်ကျောထောက်နောက်ခံ စီးပွားရေးအုပ်စုဖြစ်သည့် ပြည်ထောင်စု မြန်မာနိုင်ငံ စီးပွားရေး ဦးပိုင်လီမိတက်က ၂၀၁၀ မတိုင်မီ အကျိုးအမြတ်များသည့် နိုင်ငံပိုင် စီးပွားရေးတခုဖြစ်သော မြန်မာ့ကြယ်ငါးပွင့် သင်္ဘောလုပ်ငန်းကို နှစ်ရှည် ငှားယမ်းလုပ်ကိုင်ခွင့်ရရန် စီစဉ်နေခြင်းဖြစ်သည်။
(NEJ)
+++++
စစ်တွေမြို့ သမိုင်းဝင် သင်္ချိုင်း နေရာပြောင်းရွှေ့ရမည်
ဒါကာ (မဇ္ဈိမ)။ ။ ရခိုင်ပြည်နယ်မြို့တော် စစ်တွေမြို့မှ ၂၂၅ နှစ် သက်တမ်းရှိ အာကျိတ်တော်ကုန်းရှိ သင်္ချိုင်းကို နေရာသစ်သို့ ပြောင်းရွှေ့ရန် အာဏာပိုင်များက အမိန့်ထုတ်ပြန်ထားသည်။
စစ်တွေမြောက်ဘက် ၂ မိုင်ခန့်အကွာမှ ၁၀ မိုင်ခန့်ဝေးသည့် မန်ဇီအရပ်သို့ လာမည့်လကုန်တွင် အပြီးသတ်ရွှေ့ရန် အနောက်ပိုင်းတိုင်း စစ်ဌာနချုပ် အခြေစိုက်သည့် အမ်းမြို့ရှိ ကျောက်ဖြူခရိုင် အေးချမ်းသာယာရေးရုံးက ယခုလဆန်းတွင် ထုတ်ပြန်ထားသည်။ ယင်းနေရာတွင် မိုးလေဝသစခန်းတခု တည်ဆောက်ရန် ရည်ရွယ်ထားကြောင်း အမည်မဖော်လိုသည့် စစ်တွေမြို့ မယက မြို့နယ်ရုံးမှ ဝန်ထမ်းတဦးက မဇ္ဈိမကို ပြောသည်။
ဒါကာ (မဇ္ဈိမ)။
+++++
အနုပညာကြေး မြင့်မားသောကြောင့် မိုက်ကယ်လန်း ဂီတပွဲ ပျက်
နာဂစ်ရန်ပုံငွေအတွက် ထူးကုမ္ပဏီက အဆိုပါဂီတပွဲကို ယခုလ (၁၈) ရက်နေ့တွင် ကျင်းပရန် စီစဉ်ညှိနှိုင်းခဲ့သော်လည်း အနုပညာကြေး မြင့်မားလွန်းသည့်အတွက် ငှားရမ်းရန် မတတ်နိုင်ခြင်းကြောင့် ယခုကဲ့သို့ ပွဲပျက်ခဲ့ခြင်းဖြစ်သည်။
မိုက်ကယ်လန်း တေးဂီတအဖွဲ့က ယခုလ (၁၂) ရက်နေ့က မလေးရှားနိုင်ငံတွင် ပြုလုပ်ခဲ့သည့် ၎င်းတို့၏ဂီတပွဲတွင် ယခုနှစ်အတွက် ကမ္ဘာလှည့်ဂီတပွဲ နောက်ဆုံးပွဲစဉ်ဖြစ်ကြောင်း တရားဝင်ပြောကြားခဲ့သည်။
မိုက်ကယ်လန်း ဂီတအဖွဲ့၏ ဂီတပွဲလက်မှတ် တစောင်တန်ဖိုးမှာ အမေရိကန်ဒေါ်လာ (၉၀) ခန့်ရှိနေရာ မြန်မာလူထုအတွက် ဈေးနှုန်း အဆမတန်များနေသည်ဟု သိရသည်။ပြည်တွင်း ပြည်ပ သတင်းဂျာနယ်များတွင် နာဂစ်ရန်ပုံငွေအတွက် မိုက်ကယ်လန်း တေးဂီတအဖွဲ့ ရန်ကုန်တွင် လာရောက်ဖျော်ဖြေမည် ဆိုသည်ကို ထူးကုမ္ပဏီပိုင်ရှင် ဦးတေဇသား ပြည့်ဖြိုးတေဇ၏ ပြောကြားချက်ကို သတင်းရေးသားခဲ့ပြီးနောက် ဂီတပွဲလက်မှတ် စုံစမ်းသူများ အလုပ်ရှုပ်ခဲ့ကြကြောင်း သိရသည်။ သို့သော် မိုက်ကယ်လန်း ဂီတပွဲ ပျက်သည်ဆိုသည်ကိုမူ အသိပေးထုတ်ပြန်ခဲ့ခြင်း မရှိပေ။
(NEJ)
+++++
တိုင်းပြည်တည်ငြိမ်အေးချမ်းမှ ဘိန်းစိုက်ပျိုးမှု ကျဆင်းမည်ဟု
မူးယစ်လေ့လာသူများ ထောက်ပြ
မြန်မာနိုင်ငံအတွင်း တိုင်းရင်းသားဒေသများ၌ ဘိန်းစိုက်ပျိုးထုတ်လုပ်မှု ကျဆင်းရေး အကောင်အထည်ဖော်ရာတွင် နအဖ စစ်အစိုးရသည် အမျိုးသားပြန်လည်သင့်မြတ်ရေးနှင့် တိုင်းပြည် တည်ငြိမ်အေးချမ်းရေးကို အရင်ဦးဆုံး လုပ်ဆောင်မှသာ အောင်မြင်နိုင်မည်ဖြစ်ကြောင်း ဒေသခံ မူးယစ်ဆေးဝါး စောင့်ကြည့်လေ့လာသူများက ပြောဆိုသည်။
အဓိကမှာ နိုင်ငံရေးအခြေအနေနှင့် အခင်းအကျင်းများကို နအဖစစ်အစိုးရက ပြောင်းလဲရန်လိုအပ်ကြောင်း ထိုင်းနိုင်ငံအခြေစိုက် ရှမ်းမူးယစ်ဆေးဝါး စောင့်ကြည့်ရေးအဖွဲ့မှ တာဝန်ခံ ဦးခွန်ဆိုင်းက ပြောသည်။လွန်ခဲ့သည့် (၂) နှစ်မှစ၍ မြန်မာနိုင်ငံ အရှေ့မြောက်ပိုင်း တိုင်းရင်းသားဒေသများတွင် ဘိန်းစိုက်ပျိုးမှု (၂) ဆ တိုးပွားလာကြောင်း ကုလသမဂ္ဂ မူးယစ်ဆေးဝါးနှင့် ရာဇဝတ်မှုဆိုင်ရာရုံး (UNODC) ၏ အစီရင်ခံစာ ယမန်နေ့က ထုတ်ပြန်ခဲ့ပြီးနောက် ဦးခွန်ဆိုင်းက ယခုကဲ့သို့ ပြောကြားလိုက်ခြင်းဖြစ်ပြီး အပစ်ရပ် တိုင်းရင်းသားလက်နက်ကိုင်အဖွဲ့အချို့က လက်နက်ဝယ်ယူရန် ဘိန်းစိုက်ပျိုးလာသည်ဟူသော ကုလသမဂ္ဂ၏ စွပ်စွဲချက်မှာ မမှန်ကန်ကြောင်း ရှင်းပြသည်။နအဖ စစ်အစိုးရက အပြုသဘောမဆောင်ဘဲ အမိန့်အာဏာဖြင့် အတင်းအကျပ် စိုက်ခိုင်းနေသော ဘိန်းအစားထိုးသီးနှံ စီမံကိန်းမှာ ကမ္ဘာ့စီးပွားရေး အကျပ်အတည်းကြောင့် အဟန့်အတားဖြစ်လာက တောင်သူများက ၎င်းတို့ဘ၀ ရပ်တည်နိုင်ရေး အတွက် ဘိန်းပြန်လည်စိုက်ပျိုးလာခြင်းဖြစ်ကြောင်း၊ လက်ရှိ မြန်မာ့နိုင်ငံရေးအခြေအနေ၏ မသေချာ၊ မရေရာမှုများကလည်း ဘိန်းစိုက်ပျိုးမှု ပိုမိုများပြားလာအောင် ဒေသခံတို့အား တွန်းပို့နေသကဲ့သို့ ဖြစ်နေကြောင်း မူးယစ်စောင့်ကြည့်လေ့လာသူတို့က ပြောဆိုကြသည်။
(NEJ)
++++
ဒေါ်စုနှင့် ရှေ့နေများ ဆွေးနွေး
ချင်းမိုင်(မဇ္ဈိမ)။ ။ နေအိမ်တွင် အချုပ်အနှောင် ကျခံနေရသော အမှုအတွက် ဒေါ်အောင်ဆန်းစုကြည်နှင့် သူမ၏ ရှေ့နေ ၄ ဦးတို့ ယနေ့ တွေ့ဆုံဆွေးနွေးခဲ့ကြသည်။
ရှေ့နေများဖြစ်သည့် ဦးဥာဏ်ဝင်း၊ ဦးကြည်ဝင်း၊ ဦးလှမျိုးမြင့်နှင့် ဒေါ်ခင်ဌေးကြွယ်တို့သည် ရန်ကုန်မြို့ တက္ကသိုလ်ရိပ်သာလမ်းရှိ အတိုက်အခံခေါင်းဆောင်၏ နေအိမ်ခြံဝင်းဆီသို့ မွန်းလွဲ ၁ နာရီ ၅၀ မိနစ်တွင် ရောက်ရှိခဲ့ကြပြီး ၂၅ မိနစ်ခန့်အကြာတွင် နေအိမ်ဝင်းအတွင်း ဝင်ခွင့်ရခဲ့သည်။
၎ နာရီ ၃၅ မိနစ်တွင် ဆွေးနွေးမှု ပြီးဆုံးသွားခဲ့သော်လည်း သတင်းရဲတပ်ဖွဲ့က စောင့်ကြည့်နေခဲ့သော ခြံအတွင်းမှ နောက်ထပ်မိနစ် ၂၀ ခန့်အကြာတွင် ပြန်ထွက်လာကြသည်။
်(မဇ္ဈိမ)။
+++++
ကိုကိုးကျွန်းသို့ ဒုတိယခရီးစဉ် ထပ်မံပြေးဆွဲမည်
အများပြည်သူတို့အား သွားလာခွင့် ပိတ်ပင်ထားသည့် ကိုကိုးကျွန်းကို ဒုတိယအကြိမ်အဖြစ် လေ့လာရေးခရီးစဉ် သွားရောက်နိုင်ရန် စစ်အစိုးရက ထပ်မံခွင့်ပြုလိုက်ကြောင်း ရန်ကုန်တိုင်း အေးချမ်းသာယာရေးနှင့်ဖွံ့ ဖြိုးရေးကောင်စီ (တယက) က ပြောကြားသည်။
အဆိုပါခရီးစဉ်ကို ယခုလ (၂၄) ရက်တွင် မြန်မာ့ကြယ်ငါးပွင့်လုပ်ငန်းမှ သံလွင်သင်္ဘောဖြင့် သွားရောက်မည်ဖြစ်ကြောင်း တယကမှ ပြောရေးဆိုခွင့်ရှိသူက ပြောသည်။
သွားရောက်မည့်ကာလမှာ (၃) ညအိပ် (၄) ရက် ခရီးဖြစ်ပြီး သင်္ဘောတွင် (၂) ယောက် အိပ်ခန်း တခန်းလျှင် ကျပ် (၅) သောင်း၊ (၄) ယောက်အိပ်ခန်း တခန်းလျှင် ကျပ် (၄) သောင်းနှင့် ရိုးရိုးတန်းကို ကျပ် (၃) သောင်းခွဲ သတ်မှတ်ရောင်းချမည်ဟု ၎င်းက ပြောသည်။
အဆိုပါ သံလွင်သင်္ဘောဖြင့်ပင် ပြီးခဲ့သည့်နိုဝင်ဘာ (၂၀) ရက်တွင် ပထမအကြိမ်အဖြစ် ကိုကိုးကျွန်းသို့ ခရီးသည် (၄၀၀) ကျော် သွားရောက်ခဲ့ပြီးဖြစ်သည်။
ခရီးသည်အများစုမှာ အစိုးရဝန်ထမ်းများဖြစ်ကြပြီး အနုပညာသည်များ ပါဝင်ကြကာ နိုင်ငံပိုင် မီဒီယာများကို အသွားအပြန် ခရီးစရိတ်ငြိမ်းဖြင့် ခေါ်ယူခဲ့ခြင်းဖြစ်သည်။
(NEJ)
+++++
စီးပွားရေး နိုဘယ်လ်ဆုရှင် နေပြည်တော်ရောက်
(ချင်းမဇ္ဈိမ မိုင်) ။ ။စီးပွားရေး နိုဘယ်လ်ဆုရှင် ကိုလံဘီယာတက္ကသိုလ် ပါမောက္ခ ဂျိုးဇက်စတစ်လဇ်သည် မြန်မာနိုင်ငံ နေပြည်တော်သို့ ရောက်ရှိနေပြီ ဖြစ်သည်။
မြန်မာနိုင်ငံတွင် ဆင်းရဲမွဲတေမှု ကျဆင်းရေး နဲ့ စီးပွားရေး ဖွံ့ဖြိုးမှုဆိုင်ရာ မူဝါဒအတွက် စစ်အစိုးရအရာရှိများနှင့် ဆွေးနွေးရန် အမေရိကန်နိုင်ငံသား ပညာရှင်သည် ရောက်လာခဲ့ခြင်း ဖြစ်သည်။
ယနေ့ထုတ် မြန်မာ့အလင်း သတင်းစာတွင် နေပြည်တော်၌ ဗိုလ်ချုပ်သိန်းစိန်က ကုလသမဂ္ဂ Under Secretary General နှင့် အာရှ နှင့် ပစိဖိတ်ဆိုင်ရာ စီးပွားရေး နှင့် လူမှု ရေးကော်မရှင် (ESCAP) ၏ အမှုဆောင် အတွင်းရေးမှူးချုပ် Dr. Noeleen Heyzer ခေါင်းဆောင်သော အဖွဲ့အား တွေ့ဆုံသည်ဟု ပါရှိသည်။ သို့သော် ဂျိုးဇက် စတစ်လဇ် ၏ ခရီးစဉ်ကိုတော့ ဖော်ပြခြင်းမပြုပေ။
(မဇ္ဈိမ)
+++++
16.12.2009
အန်အယ်လ်ဒီခေါင်းဆောင် (၃) ဦးကို ဒေါ်အောင်ဆန်းစုကြည် တွေ့ဆုံဂါရ၀ပြု
အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ဥက္ကဋ္ဌ ဦးအောင်ရွှေအပါအ၀င် ဗဟိုအလုပ်အမှုဆောင် (၃) ဦးကို ဒေါ်အောင်ဆန်းစုကြည်က ယနေ့ နံနက်ပိုင်း၌ စိမ်းလဲ့ကန်သာဧည့်ရိပ်သာတွင် တွေ့ဆုံဂါရ၀ပြုခဲ့သည်ဟု အန်အယ်လ်ဒီ ပြောခွင့်ရပုဂ္ဂိုလ် ရှေ့နေကြီး ဦးဉာဏ်ဝင်းက ပြောသည်။
ဒီဇင်ဘာ (၁၄) ရက်တွင် နအဖစစ်အစိုးရ ရဲချုပ် ဗိုလ်မှူးချုပ်ခင်ရီက အန်အယ်လ်ဒီ ဥက္ကဋ္ဌ ဦးအောင်ရွှေနေအိမ်သို့ သွားရောက်ကာ ဒေါ်အောင်ဆန်းစုကြည်အား ဂါရ၀ပြုရေးအစီအစဉ်နှင့်ပတ်သက်၍ သဘောထားမေးမြန်းခဲ့ပြီးနောက် ဦးအောင်ရွှေ၊ ဦးလွင်နှင့် ဦးလွန်းတင်တို့ (၃) ဦးကို တနေရာတည်းတွင် စုစည်း၍ ဒေါ်အောင်ဆန်းစုကြည်က ဂါရ၀ပြုခွင့် ရရှိခြင်းဖြစ်သည်။
အန်အယ်လ်ဒီမှ ခေါင်းဆောင်ကြီး (၃) ဦးနှင့် ဒေါ်အောင်ဆန်းစုကြည်တို့သည် သီးခြားတွေ့ဆုံစကားပြောကြားခွင့် ရသည်ဟုလည်း ဦးဉာဏ်ဝင်းက ပြောသည်။
(NEJ)
+++++
ပါတီတွင်း ပြုပြင်ပြောင်းလဲမှုလုပ်ရန် အန်အယ်ဒီ ခေါင်းဆောင်ကြီးများ သဘောတူ
ချင်းမိုင်(မဇ္ဈိမ)။ ။ အမျိုးသား ဒီမိုကရေစီအဖွဲ့ချုပ်အား ပြုပြင်ပြောင်းလဲရန် ဒေါ်အောင်ဆန်းစုကြည်နှင့် ပါတီဗဟို အလုပ်အမှုဆောင် သက်ကြီးခေါင်းဆောင်များအကြား ယနေ့ သဘောတူလိုက်ကြသည်။
ဥက္ကဌ ဦးအောင်ရွှေ၊ အတွင်းရေးမှူး ဦးလွင်၊ ဗဟိုအလုပ်အမှုဆောင်အဖွဲ့ဝင် ဦးလွန်းတင်နှင့် ဒေါ်အောင်ဆန်းစုကြည်တို့ စစ်အစိုးရ အစီအစဉ်ဖြင့် စိမ်းလဲ့ကန်သာ ဧည့်ဂေဟာတွင် ၁ နာရီကြာ တွေ့ဆုံစဉ် စစ်အစိုးရ၏ စိန်ခေါ်မှုကို ခံနေရသော ပါတီတွင်း ပြုပြင်ပြောင်းလဲမှု လုပ်ရန်လိုအပ်နေသည်ကို သဘောတူညီမှု ရခဲ့ကြသည်။ထို့အပြင် ဒေါ်အောင်ဆန်းစုကြည်၏ နိုင်ငံရေး ရပ်တည်ချက်၊ နိုင်ငံရေး လုပ်ဆောင်ချက်များအား ဆက်လက် ထောက်ခံသွားမည်ဟု ဦးလွန်းတင်က ပြောကြားသွားသည်ဟုလည်း သူက ကိုးကားပြောသည်။
ပါတီခေါင်းဆောင်များနှင့် ဒေါ်အောင်ဆန်းစုကြည်တို့ နှစ်ဘက်စလုံးက ယနေ့ တွေ့ဆုံမှုအပေါ် ဝမ်းသာအားရ ကျေနပ်ခဲ့ကြဟန်ရှိသည်ဟု ပါတီသတင်းရပ်ကွက်များက ပြောသည်။
၂၀၀၇ ခုနှစ် နိုဝင်ဘာလအတွင်းကလည်း ဒေါ်အောင်ဆန်းစုကြည်နှင့် ဦးအောင်ရွှေတို့ တွေ့ဆုံခွင့် ရခဲ့သည်။
ချင်းမိုင်(မဇ္ဈိမ)။
+++++
သရော်စာဆရာ အီကြာကွေးကွယ်လွန်
သောကြာစာစောင်တွင် အယ်ဒီတာချုပ်အဖြစ် တာဝန်ယူဆောင်ရွက်လျက်ရှိသော စာရေးဆရာဂုရုကြီး အီကြာကွေး အသက် (၇၂) နှစ်သည် ယမန်နေ့ ညနေက ရန်ကုန်ဆေးရုံကြီးတွင် လူကြီးရောဂါဖြင့် ကွယ်လွန်ကြောင်း မိသားစုဝင်တဦးက ပြောသည်။
စာစတင်ရေးသားစဉ်ကစ၍ စာပေလုပ်ငန်းများတွင်သာ တစိုက်မတ်မတ် အခြေချလုပ်ကိုင်ခဲ့ပြီး စာရေးခြင်းသက်သက်ဖြင့် ဘ၀ရပ်တည်ခဲ့ကာ အိမ်ထောင်မပြုဘဲ လူပျိုကြီးဘ၀ဖြင့် နေထိုင်ခဲ့သူဖြစ်သည်။
၎င်းနေထိုင်သော တောင်ဥက္ကလာပ (၁၂ ) ရပ်ကွက်ရှိ နေအိမ်နှင့်ခြံဝင်းကို ကြိုတင်လှူဒါန်း ထားပြီးဖြစ်ကြောင်း စာပေအသိုင်းအ၀ိုင်းနှင့် နီးစပ်သူများက ပြောသည်။
(NEJ)
+++++
စတစ်ဂ်လဇ်၏ လယ်ယာဖွံ့ဖြိုးမှုအကြံပြုချက် အန်အယ်ဒီကြိုဆို
ချင်းမိုင် (မဇ္ဈိမ)။ ။ ဘောဂဗေဒ နိုဘယ်လ်ဆုရှင် ဂျိုးဇက် စတစ်ဂ်လဇ်၏ မြန်မာနိုင်ငံတွင် ကျေးလက်ဒေသ စိုက်ပျိုးရေးကဏ္ဍ ဖွံ့ဖြိုးတိုးတက်ရေး အကြံပြုချက်ကို ကြိုဆိုလိုက်သော်လည်း ထိုအစီအစဉ်အတိုင်း ပြုပြင်ပြောင်းလဲမှု လုပ်လျှင်တောင်မှ စီးပွားရေး ဖွံဖြိုးတိုးတက်မှု လမ်းစတွေ့ရန် ဆယ်စုနှစ်ထက်ဝက်ကြာမြင့်နိုင်ဖွယ်ရှိသည်ဟု အမျိုးသား ဒီမိုကရေစီအဖွဲ့ချုပ် ခေါင်းဆောင်တဦးက သတိပေး ပြောကြားလိုက်သည်။
မနေ့က နေပြည်တော်တွင် ပြုလုပ်သော စစ်အစိုးရ အထက်ပိုင်း နှင့် တွေ့ဆုံ ဆွေးနွေးပွဲ၌ အမေရိကန် နိုင်ငံသား ကိုလံဘီယာ တက္ကသိုလ် ပါမောက္ခ မစ္စတာ စတစ်ဂ်လဇ်၏ “နိုင်ငံရေး နဲ့ စီးပွားရေး ခွဲ၍မရ” ဟူသော စကားကို သူက မီးမောင်းထိုး ပြောသွားသည်။
လက်ရှိတွင် စစ်အစိုးရအနေနှင့် နိုင်ငံရေး ပြုပြင်ပြောင်းလဲမှု လုပ်နိုင်ရန် အခြေအနေမရှိကြောင်း ဦးခင်မောင်ဆွေက သုံးသပ်သည်။
ချင်းမိုင် (မဇ္ဈိမ)။
++++
17.12.2009
ကေအန်ယူ ထိန်းချုပ်ဒေသမှသစ်များ ခုတ်ခွင့် ပိုပေးနေ
ထိုင်း-မြန်မာနယ်စပ် ဘုရားသုံးဆူ ဒေသတဝိုက်ရှိ ကေအန်ယူ တပ်မဟာ (၆) ထိန်းချုပ်ထားရာ မဲကသာခွင်အတွင်း သစ်ထုတ်လုပ်ခွင့်ကို ကေအန်ယူက ယမန်နှစ်ကထက် ပိုမိုလုပ်ကိုင်ခွင့်ပြုလိုက်ကြောင်း ဘုရားသုံးဆူမြို့မှ သစ်လုပ်ငန်းရှင်တဦးက ပြောသည်။နအဖစစ်တပ်၊ ဒီကေဘီအေ ပူးပေါင်းတပ်တို့နှင့် ကေအန်ယူအကြား (၁) လနီးပါး တိုက်ပွဲဖြစ်ပွားခြင်း မရှိခဲ့သည့် အဆိုပါ တပ်မဟာ (၆) ဒေသကို ယခု ပွင့်လင်းရာသီတွင် နအဖနှင့် ဒီကေဘီအေတို့ဘက်က စစ်ဆင်ရေး ပြန်လည်စတင်ရန်ရှိပြီး ထိုဒေသကို ကေအန်ယူတို့ လက်လွှတ်ရနိုင်ကြောင်း ဒီကေဘီအေနှင့် နီးစပ်သူ စီးပွားရေးသမားတဦးက ပြောသည်။
(NEJ)
+++++
ဒေါ်စု ပါတီ ခေါင်းဆောင်များနှင့် တွေ့ဆုံခြင်းကို အမေရိကန်က ကြိုဆို
နယူးဒေလီ (မဇ္ဈိမ)။ ။ မြန်မာ စစ်အစိုးရက နိုဘယ် ငြိမ်းချမ်းရေးဆုရှင် ဒေါ်အောင်ဆန်းစုကြည်ကို သူမ၏ အမျိူးသား ဒီမိုကရေစီအဖွဲ့ချုပ် NLD မှ အသက်အရွယ် ကြီးရင့်ပြီး နာမကျန်း ဖြစ်နေသည့် ခေါင်းဆောင် ၃ ဦးနှင့် တွေ့ဆုံခွင့် ပြုခဲ့ခြင်းကို အမေရိကန် နိုင်ငံခြားရေး ဝန်ကြီးဌာနက ယမန်နေ့က ကြိုဆိုလိုက်သည်။
အထိန်းသိမ်းခံ နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်ကို အသက် ၉၂ နှစ်အရွယ်ရှိ NLD ဥက္ကဋ္ဌ ဦးအောင်ရွှေ၊ ၈၈ နှစ်အရွယ်ရှိ ဗဟိုအလုပ်အမှုဆောင် CEC ကော်မတီဝင် ဦးလွန်းတင်၊ ပါတီ အတွင်းရေးမှူး ဦးလွင်တို့နှင့် ရန်ကုန်မြို့ရှိ စိမ်းလဲ့ကန်သာ ဧည့်ဂေဟာ၌ ယမန်နေ့က တနာရီခန့်ကြာ တွေ့ဆုံခွင့်ပြုခဲ့သည်။
ဒေါ်အောင်ဆန်းစုကြည်ကို NLD ပါတီ CEC အဖွဲ့ဝင် လူကြီး ၃ ဦးနှင့် တွေ့ဆုံခွင့်ပြုရန် စစ်အစိုးရက ခွင့်ပြုခဲ့ခြင်းအပေါ် အမေရိကန်က ကြိုဆိုပါကြောင်း ယမန်နေ့က ကျင်းပသော နေ့စဉ်သတင်းစာရှင်းပွဲတွင် အမေရိကန် နိုင်ငံခြားရေးဌာန ပြောရေးဆိုခွင့်ရှိသူ အီယန် ကယ်လီ (Ian Kelly) က ပြောကြားခဲ့သည်။
နယူးဒေလီ (မဇ္ဈိမ)။
+++++
ကိုယ့်ဥပဒေ ကိုယ်ချိုးဖောက်ဟု ဒိန်းမတ်ရောက် မြန်မာများက EU ကို စွပ်စွဲ
နယူးဒေလီ (မဇ္ဈိမ)။ ။ ဥရောပသမဂ္ဂ EU က မြန်မာ စစ်အစိုးရကို ပြည်ဝင်ခွင့် ပိတ်ဆို့ အရေးယူဆဲ ဖြစ်သော်လည်း မြန်မာ နိုင်ငံခြားရေး ဝန်ကြီးကို ဒိန်းမတ်နိုင်ငံသို့ ပြည်ဝင်ခွင့်ပြုခြင်းသည် မိမိဥပဒေကို မိမိ ချိုးဖောက်ခြင်းဖြစ်ကြောင်း ဒိန်းမတ်ရောက် မြန်မာ အတိုက်အခံများက ပြောဆို လိုက်ကြသည်။
ဒိန်းမတ်နိုင်ငံ ကိုပင်ဟေဂင်မြို့တွင် ကျင်းပနေသည့် ကမ္ဘာ့ရာသီဥတုပြောင်းလဲမှု ညီလာခံသို့ နိုင်ငံခြားရေး ဝန်ကြီး ဦးဥာဏ်ဝင်းနှင့်အဖွဲ့ကို တက်ရောက်ခွင့်ပြုခဲ့သည့် EU ကို မြန်မာများက ထိုကဲ့သို့ စွပ်စွဲ ပြောဆိုလိုက်ခြင်း ဖြစ်သည်။
(မဇ္ဈိမ)။
++++
18.12.2009
ကရင်နှစ်သစ်ကူးပွဲတော် ဗုံးပေါက်ကွဲမှု ကေအန်ယူ ဖြေရှင်း
ကရင်ပြည်နယ် ဖာပွန်မြို့တွင် ဗုဒ္ဓဟူးနေ့က ကျင်းပသည့် ကရင်နှစ်သစ်ကူးပွဲတော်ည၌ ဗုံးပေါက်ကွဲခဲ့သဖြင့် လူအများ သေကျေဒဏ်ရာရရှိခဲ့သည့် ဖြစ်ရပ်သည် နအဖက ကေအန်ယူကို ချောက်တွန်းရန် လုပ်ဆောင်ခြင်းဖြစ်သည်ဟု ကေအန်ယူ ဒု-ဥက္ကဋ္ဌ ပဒိုဒေးဗစ်သကဘောက ပြောကြားလိုက်သည်။ နအဖသည် ၂၀၁၀ ရွေးကောက်ပွဲအတွက် တိုင်းရင်းသား လက်နက်ကိုင် အဖွဲ့အစည်းများကို ပြဿနာရှာခြင်းဖြစ်ကြောင်း၊ မိမိတို့ တပ်ဖွဲ့အနေဖြင့် ဖာပွန်မြို့အနီးပတ်ဝန်းကျင်တွင်ပင် စစ်ရေးလှုပ်ရှားမှုများ လုံးဝမရှိကြောင်း၊ မိမိတို့အမျိုးသား ကရင်နှစ်သစ်ကူး ပွဲတော်ကို နအဖက ဖျက်ဆီးခြင်းသာဖြစ်သည်ဟု ပဒိုဒေးဗစ်သကဘောက ပြောသည်။
အဆိုပါ ဗုံးပေါက်ကွဲမှုတွင် အရပ်သား (၇) ဦးသေဆုံးပြီး (၁၁) ဦးထိခိုက်ဒဏ်ရာရှိခဲ့ကြောင်း၊ ယင်းဖြစ်ရပ်သည် ကေအန်ယူ၏ လုပ်ရပ်ဖြစ်ကြောင်း ယနေ့ထုတ် စစ်အစိုးပိုင် မြန်မာ့အလင်းသတင်းစာတွင် စွပ်စွဲထားသည်။
(NEJ)
+++++
ကိုညီညီအောင် အစာငတ်ခံ ဆန္ဒပြမှု ရပ်ဆိုင်း
နယူးဒေလီ (အိန္ဒိယ) ။ ။ အင်းစိန်ထောင်တွင်း အစာငတ်ခံ နေခဲ့သော အမေရိကန် နိုင်ငံသားဖြစ်သူ ကိုညီညီအောင်သည် ဆန္ဒပြမှု ရပ်ဆိုင်းလိုက်ပြီ ဖြစ်ကြောင်း သူ၏ ရှေ့နေက ပြောသည်။ အသက် ၄၀ အရွယ် ကိုကျော်ဇောလွင် ခေါ် ကိုညီညီအောင်က အကျဉ်းသား အခွင့်အရေးပေးရန် ယခုလ ၄ ရက်နေ့မှ စတင်ကာ တောင်းဆိုခဲ့သည်။
အာဏာပိုင်များဘက်က လိုက်လျောမှု ရှိ၊ မရှိနှင့် မည်သည့်နေ့ရက်က ဆန္ဒပြမှု ပြီးဆုံးခဲ့သည်ကို ရှင်းရှင်းလင်းလင်း မသိရဘဲ ရှိသည်။
ယနေ့တွင် အင်းစိန် တောင်ပိုင်းခရိုင် တရားရုံးက စွဲချက်နှစ်ခုအတွက် ရဲအရာရှိ သက်သေတဦးစီကို စစ်ဆေးခဲ့သည်။ လာမည့် ၂၉ ရက်နေ့တွင် အမှုတင်သင့်၊ မတင်သင့်ကို လျှောက်လဲချက် ပေးရမှာဖြစ်သည်။
(မဇ္ဈိမ)
+++++
ညစ်ညမ်းစီဒီနှင့်ဗွီဒီယိုခွေ (၅) သိန်းနီးပါး ဖျက်ဆီး
ဆင်ဆာမဲ့နှင့် ညစ်ညမ်းစီဒီနှင့် ဗွီဒီယိုအရေအတွက် (၅) သိန်းခန့်ကို မြန်မာနိုင်ငံရုပ်ရှင်အစည်းအရုံး၊ မြန်မာ့ရုပ်ရှင်မြှင့်တင်ရေး လုပ်ငန်းက ဖျက်ဆီးလိုက်ကြောင်း အဆိုပါဌာနမှ ပြောခွင့်ရသူတဦးက ပြောသည်။
အဆိုပါအခွေနှင့် ဓာတ်ပြားများမှာ၂၀၀၄ ခုနှစ်နောက်ပိုင်း ဖမ်းဆီးရမိထားခြင်းဖြစ်ပြီး ယနေ့နံနက် (၇) နာရီခန့်တွင် မီးရှို့ခြင်း၊ လမ်းကြိတ်စက်ဖြင့် ကြိတ်နင်းဖျက်စီးခြင်းတို့ လုပ်ခဲ့ခြင်းဖြစ်သည်။
၂၀၀၄ ခုမှ ၂၀၀၉ ခု နိုဝင်ဘာလထိ ရန်ကုန်တိုင်းနှင့် မြန်မာတနိုင်ငံလုံးရှိ ပြည်နယ်နှင့်တိုင်းများမှ ဖမ်းဆီးရမိသော ဆင်ဆာမဲ့နှင့် ညစ်ညမ်းအခွေနှင့်ဓာတ်ပြားများ အရေအတွက်မှာ (၄၉၅,၃၇၅) ရှိကြောင်း၊ ၎င်းတို့အနက် ရန်ကုန်တိုင်းအတွင်းရှိ ရဲတပ်ဖွဲ့ စခန်းများမှ ဖမ်းဆီးရမိမှုမှာ အရေအတွက် (၂၅၉,၈၁၈) ရှိကြောင်း အဆိုပါဌာနက တရားဝင်ထုတ်ပြန်သည်။
အဆိုပါ စီဒီနှင့်ဗွီဒီယိုများတွင် တရားမ၀င် ဆင်ဆာမဲ့မြန်မာဗွီဒီယိုတိတ်ခွေ၊ နိုင်ငံခြားခွေ၊ ဗွီဒီယိုလေဆာဓာတ်ပြားများမှာ မြန်မာကာရာအိုကေ၊ မြန်မာဇာတ်ကား၊ နိုင်ငံခြားဇာတ်ကားနှင့် ညစ်ညမ်းကားများပါဝင်ကာ စုစုပေါင်း ကာလတန်ဖိုး ငွေကျပ် (၂,၄၇၆) သိန်းကျော်တန်ဖိုးရှိကြောင်း မြန်မာနိုင်ငံရုပ်ရှင်အစည်းအရုံးမှ ၀န်ထမ်းတဦးက ပြောသည်။
(NEJ)
+++++
ဝ တပ်များ အရေးပေါ် တိုးချဲ့နေဟုဆို
ချင်းမိုင် (မဇ္ဈိမ)။ ။ စစ်အစိုးရက နယ်ခြားစောင့် တပ်အဖြစ် ပြောင်းလဲရန် ဖိအားပေး ခံနေရသော ဝ ပြည် သွေးစည်း ညီညွတ်ရေး တပ်မတော် UWSA က အရေးပေါ် တပ်တိုးချဲ့ ပြင်ဆင်မှုများ ရှိနေသည်ဟု လေ့လာသူများက ပြောသည်။
ယခင်က ဝ တပ်အတွင်း တာဝန် ထမ်းဆောင်ဖူးပြီး တရုတ်ပြည်တွင်း သွားရောက် အခြေချ နေထိုင်နေသည့် တပ်ဖွဲ့ဝင်ဟောင်းများကို ပြန်လည်ခေါ်ယူလိုက်ခြင်းဖြစ်သည်။ အင်အား မည်မျှတိုးလာခဲ့သည်ကိုမူ အသေးစိတ် ပြောပြနိုင်ခြင်း မရှိသော်လည်း UWSA တွင် စစ်သည် အင်အား ၃ သောင်းခန့် ရှိမည်ဟု ယခင်က ခန့်မှန်းကြသည်။
ချင်းမိုင် (မဇ္ဈိမ)။
+++++
နာဂစ် ပြန်လည်ထူထောင်ရေး ဂျပန်က (၅.၆) သန်း ကူညီ
နာဂစ်ဒဏ်သင့် ဒေသများထဲမှ ကမ်းရိုးတန်းဒေသများတွင် စာသင်ကျောင်း (၂၀) တည်ဆောက်ရန်အတွက် ဂျပန်အစိုးရက ထောက်ပံ့ငွေ ဂျပန်ယန်း သန်း ၅၈၀ (ကန်ဒေါ်လာ ၅.၆ သန်း) ပေးအပ်ရန် သဘောတူလိုက်ပြီဖြစ်သည်။
ဘိုကလေးနှင့် လပွတ္တာတွင် မုန်တိုင်းဒဏ်ခံ စာသင်ကျောင်း (၂၀) တည်ဆောက်ရန်အတွက် စစ်အစိုးရနှင့် ဂျပန်အစိုးရတို့ နေပြည်တော်တွင် ယခုလပထမပတ်အတွင်း၌ သဘောတူလက်မှတ်ရေးထိုးကြောင်း မြန်မာနိုင်ငံ ဆိုင်ရာ ဂျပန်သံရုံးက သတင်း ထုတ်ပြန်သည်။
ယင်းထောက်ပံ့ငွေကို မည်သို့ စီမံခန့်ခွဲမည်ကို အသေးစိတ်မထုတ်ပြန်သော်လည်း ပုံမှန် လုပ်ထုံးလုပ်စဉ်အရမူ အန်ဂျီအိုများမှ တဆင့် စီမံခန့်ခွဲနေသည်ဟု လပွတ္တာအခြေစိုက် အန်ဂျီအိုဝန်ထမ်းများက ပြောသည်။
(NEJ)
+++++
ရွှေ့ပြောင်းမြန်မာလုပ်သားများ ဆန္ဒပြပွဲရပ်
ချင်းမိုင် (မဇ္ဈိမ) ။ ။ ထိုင်းနိုင်ငံရှိ ကြက်သားစက်ရုံတခုမှ မြန်မာလုပ်သားများက တရားဝင်အလုပ်ချိန် သတ်မှတ်ပေးရန်နှင့် အချိန်ပို လုပ်အားခ တိုးတောင်းသည်ကို အလုပ်ရှင်က သဘောတူသဖြင့် ဆန္ဒပြပွဲ ပြီးဆုံးသွားပြီ ဖြစ်သည်။
ဘန်ကောက်မြို့ Pepchaburi ခရိုင် စမုန်ဒေါအရပ်ရှိ Sahafarm ကြက်သားစက်ရုံ၌ မြန်မာလုပ်သား ၄၀၀၀ ခန့်က ယနေ့ အလုပ်မဆင်းဘဲ နေခဲ့ကြသည်။
မွန်းလွဲ ၂ နာရီခန့်တွင် အလုပ်ချိန် ၈ နာရီ သတ်မှတ်ပေးရန်၊ အချိန်ပိုကြေးကို တနာရီ ဘတ် ၂၀ မှ ၃၀ ဘတ်သို့ တိုးပေးရန် အပါအဝင် အချက် ၅ ချက်ကို အလုပ်ရှင်နှင့် အလုပ်သမားများအကြား သဘောတူခဲ့သည်။
ချင်းမိုင် (မဇ္ဈိမ)
+++++
သတင်းစာပညာသင်တန်းများ ထပ်မံပေးသွားဦးမည်
၂၀၁၀ ပြည့်နှစ်အတွင်းတွင် သတင်းစာပညာသင်တန်းများကို မြန်မာနိုင်ငံ စာပေနှင့်စာနယ်ဇင်းက ပို့ချပေးသွားဦးမည် ဖြစ်ကြောင်း စာပေနှင့်စာနယ်ဇင်းအဖွဲ့ ပြောရေးဆိုခွင့်ရှိသူတဦးထံမှ သိရသည်။
စာနယ်ဇင်းသင်တန်းများကို ပြန်ကြားရေးဝန်ကြီးက ချမှတ်သောမူအရ မြန်မာနိုင်ငံ စာပေနှင့်စာနယ်ဇင်းက ကြီးမှူး၍ ပို့ချရခြင်းဖြစ်ကြောင်း ၂၀၀၉ ခုနှစ်အတွင်း ၃/၂၀၀၉ စာနယ်ဇင်းသတင်း သင်တန်းဆင်းပွဲတွင် ပြန်ကြားရေးဝန်ကြီးဌာန၊ မြန်မာ့ရုပ်ရှင်လုပ်ငန်း၊ ဦးဆောင်ညွှန်ကြားရေးမှူးက ပြောကြားခဲ့သည်။စာပေနှင့်စာနယ်ဇင်းကလည်း ပြန်ကြားရေးဝန်ကြီးကိုပဲ အရာရာတင်ပြနေရသဖြင့် သတင်းစာပညာသင်တန်းများ မည်မျှပေးနေစေကာမူ ပြည်တွင်း၌ ပြောင်းလဲမှုတခုခု မရမချင်း မြန်မာမီဒီယာလောက အဆင့်မြင့်လာနိုင်စရာမရှိကြောင်း ပြည်တွင်းမီဒီယာအသိုင်းအ၀ိုင်းက ယူဆကြသည်။
(NEJ)
-----------------
No comments:
Post a Comment