note 49

7.12.2009

ကိုညီညီအောင် အင်းစိန်ထောင်အတွင်း အစာငတ်ခံဆန္ဒပြ

စစ်အစိုးရ၏ ဖမ်းဆီးခြင်းခံနေရသည့် ကိုညီညီအောင်သည် သောကြာနေ့ ညနေပိုင်းမှစတင်ကာ အင်းစိန်ထောင်အတွင်း၌ အစာငတ်ခံဆန္ဒပြနေကြောင်း ၎င်း၏အဒေါ်ဖြစ်သူ ဒေါ်စုစုကြည်က ပြောသည်။

ဘန်ကောက်မြန်မာသံရုံး၏ ခွင့်ပြုချက်ဖြင့် မြန်မာနိုင်ငံသို့ ၀င်ရောက်ခဲ့သော မြန်မာလူမျိုး အမေရိကန်နိုင်ငံသား ကိုညီညီအောင် (ခ) ကိုကျော်ဇောလွင်ကို နအဖစစ်အစိုးရက ဖမ်းဆီးခဲ့ပြီးနောက် အောက်တိုဘာ (၁၄) ရက်နေ့၌ အင်းစိန်ထောင်တရားရုံးတွင် အမှုစွဲတင်ခဲ့သည်။
(NEJ)
+++++

ဒေါက်တာဝင့်သူနှင့် တက်ကြွသူများ အမှုအတွက် ရှေ့နေပါဝါ တောင်းခံ

အိန္ဒိယ (မဇ္ဈိမ)။ ။ မန္တလေးတိုင်း မြင်းခြံမြို့မှ ဒေါက်တာဝင့်သူ အပါအဝင် နာဂစ်မုန်တိုင်းသင့်များကို ကူညီခဲ့သူ ၁၃ ဦး အမှုကို လိုက်ပါဆောင်ရွက်ရန်အတွက် ရှေ့နေ ၄ ဦးက ယနေ့တွင် မန္တလေး အုတ်ဖိုထောင်တွင်းသို့ ကိုယ်စားလှယ်လွှဲစာများ ပေးပို့လိုက်ကြပြီ ဖြစ်သည်။

မန္တလေးမြို့မှ ဗဟိုတရားရုံးချုပ်ရှေ့နေ ဦးရွှေလှ အပါအဝင် ရှေ့နေ ၄ ဦးက ကိုယ်စားလှယ်လွှဲစာ (ရှေ့နေပါဝါ) ရရှိရန်အတွက် အုတ်ဖိုထောင် ဝန်ထမ်းမှတဆင့် ဒေါက်တာဝင့်သူတို့ထံ ပေးပို့လိုက်ခြင်း ဖြစ်သည်။

ရှေ့နေ ဦးရွှေလှနှင့်အတူ ဦးမြင့်သွင်၊ ဦးမျိုးဆွေနှင့် ဦးကျော်စိုးဟိန်း အစရှိသည့် ရှေ့နေများက လိုက်ပါဆောင်ရွက်ပေးမည်ဖြစ်ကာ၊ အမှုနှင့်ပတ်သက်၍ မည်သည့်ပုဒ်မဖြင့် တရားစွဲမည်၊ မည်သည့်တရားရုံးတွင် တရားစွဲမည်ကို အမှုသည် ကာယကံရှင်များနှင့် မတွေ့ရသေးသဖြင့် ရှေ့နေများအနေဖြင့် မသိကြသေးပါ။

ယနေ့တွင် ဒေါက်တာဝင့်သူ အမှုတွဲထဲမှ အချို့ကို တရားရုံးထုတ်ရန်အတွက် အုတ်ဖိုထောင်မှ ခေါ်သွားခဲ့ကြောင်း ရှေ့နေ ဦးမြင့်သွင်က ပြောသည်။
(မဇ္ဈိမ)
+++++

သေဆုံးခဲ့သူ ကျောင်းသူလေး၏ မိသားစုအား
အထူးကုဆေးခန်းက တောင်းပန်ပြီ

ရန်ကုန်မြို့ ရွှေဂုံတိုင် အထူးကုဆေးခန်း SSC ၌ ဆေးကုသရာမှ သေဆုံးခဲ့ရသော မခိုင်ရွှန်းလဲ့ရည်နှင့်ပတ်သက်၍ ၎င်း၏မိဘများအား ဆေးခန်းမှ မန်နေးဂျင်းဒါရိုက်တာနှင့် ဒါရိုက်တာအဖွဲ့ဝင် စုစုပေါင်း (၄) ဦးက လာရောက်တောင်းပန်ကြပြီ ဖြစ်ကြောင်း ယနေ့ထုတ် ၀ီးကလီးအယ်လဲဗင်းဂျာနယ်တွင် ရေးသားဖော်ပြသည်။

အဆိုပါ သတင်းမှန်ကန်ကြောင်း၊ ၎င်းတို့ကို ကျေနပ်အောင် တောင်းပန်သွားကြောင်းနှင့် (၂) နာရီခန့် စကားပြောဆိုသွားကြောင်း မိသားစုက ပြောသည်။
(NEJ)
+++++

ကျပ်သိန်း ၅၀၀၀ တန်ဖိုးရှိ ရွှေထည်များ ခိုးယူမှု တရားခံ မမိသေး

နယူးဒေလီ (မဇ္ဈိမ) ။ ။ နေပြည်တော်တိုင်း ပျဉ်းမနားမြို့ရှိ မြမြင့်မိုရ်ရွှေဆိုင်မှ သိန်းပေါင်း ၅၀၀၀ နီးပါး တန်ဖိုးရှိ ရွှေထည်ပစ္စည်းများ ယခုလ ၃ ရက်နေ့တွင် ပျောက်ဆုံးခဲ့ရာ တရားခံကို ဖမ်းဆီးရမိခြင်း မရှိသေးကြောင်း ရဲသတင်းရပ်ကွက်က ဆိုသည်။

ရွှေချီရပ်ကွက် ဗိုလ်ချုပ်လမ်းတွင် ရွှေဆိုင်ဖွင့်ထားသည့် မြမြင့်မိုရ်ပိုင်ရှင်များသည် ယခုလ ၃ နေ့တွင် ရွှေထည်များ ပျောက်ဆုံးနေသည်ကို သိရှိရာမှ တိုင်တန်းလာသဖြင့် မြို့နယ် ရဲစခန်းက နေအိမ် အဆောက်အဦအတွင်း ခိုးမှု - ပုဒ်မ ၃၈၀ ဖြင့် အမှုဖွင့်ကာ စုံစမ်း ဖော်ထုတ်နေဆဲ ဖြစ်သည်။ စိန်လက်စွပ် ၃၆ ကွင်း၊ ရွှေလက်ကောက် အကွင်း ၃၀၀၊ ၂ ကျပ်သား ရွှေဆွဲကြိုး ၂၀၀ ကုံး၊ ၄ ကျပ်သား ရွှေဆွဲကြိုး ၂၅ ကုံး အပါအဝင် ကာလတန်ဖိုး သိန်းပေါင်း ၄ ထောင် ၉ ရာ ၇၅ သိန်း ၂ သောင်း ရှိကြောင်း ပိုင်ရှင်များက ၃ ရက်နေ့ကမှာပင် တိုင်ချက်ဖွင့်ခဲ့သည်။
(မဇ္ဈိမ)
+++++

ဗိုလ်ချုပ်ကြီးရွှေမန်းသား ဝိုင်ဖိုင်အင်တာနက်လုပ်ငန်း လုပ်ကိုင်ခွင့်ရ

ဗိုလ်ချုပ်ကြီးရွှေမန်း၏သား ဦးတိုးနိုင်မန်းနှင့်၎င်း၏ဇနီး ဇေဇင်လတ် (ဇေကမ္ဘာဦးခင်ရွှေ၏ သမီး) တို့ပိုင်ဆိုင်သည့် Red Link Communications Ltd ကုမ္ပဏီသည် မြန်မာနိုင်ငံ၌ ပထမဦးဆုံး ဝိုင်ဖိုင်စနစ်ဖြင့် အခပေး အင်တာနက်လုပ်ငန်း လုပ်ကိုင်ခွင့်ရသွားကြောင်း အိုင်တီကုမ္ပဏီအသိုင်းအဝိုင်းမှ စုံစမ်းသိရသည်။

အဆိုပါကိစ္စ ဇေကမ္ဘာကုမ္ပဏီပိုင် မြရိပ်ညိုဟိုတယ်ကို ဖုန်းဆက်မေးမြန်းရာ တာဝန်ရှိသူတဦးက အဆိုပါ Net now ခေါ် ပရီပေးကတ်များကို ဒီဇင်ဘာ (၁) ရက်နေ့မှ စတင်ရောင်းချနေပြီဖြစ်ကြောင်း၊ လောလောဆယ် ဝိုင်ဖိုင်စနစ် တပ်ဆင်ထားသည့် မြရိပ်ညိုဟိုတယ်၊ ကရဝိတ်ဥယျာဉ်နှင့် စိမ်းလန်းစိုပြေ အပန်းဖြေဥယျာဉ်တို့တွင် အသုံးပြုနိုင်ပြီဖြစ်ကြောင်း၊ အင်တာနက်
(၁၅) နာရီ အသုံးပြုနိုင်သည့် ကတ်တခုကို ကျပ် (၅,ဝဝဝ) ဖြင့် ရောင်းချနေပြီး ကုန်တိုက်အချို့နှင့် အရောင်းကိုယ်စားလှယ် ဆိုင်အချို့တွင် ဝယ်ယူနိုင်ကြောင်း ရှင်းပြသည်။
(NEJ)
+++++

CDMA ဖုန်းအသစ်ကို လူအများ စိတ်ဝင်စား

ရန်ကုန် (မဇ္ဈိမ)။ ။ အထိုင်ဖုန်း Hand Set နှင့် လက်ကိုင် Hand Set နှစ်မျိုးလုံးနှင့် တွဲဖက်သုံးစွဲနိုင်မည့် ကျပ် ၅ သိန်းတန် CDMA တယ်လီဖုန်းအသစ်များ ထပ်မံချပေးမည် ဟူသည့် သတင်းကြောင့် ရန်ကုန်နှင့် မန္တလေးမြို့များတွင် လူအများ စိတ်ဝင်စားနေကြသည်။

CDMA-800ရွှေဂုံတိုင် ဆက်သွယ်ရေးရုံးနှင့် နေပြည်တော် ဆက်သွယ်ရေး၊ စာတိုက်နှင့် ကြေးနန်းရုံးသို့ လိပ်မူထားသော ဖုန်းလျှောက်လွှာများကို ဝယ်ယူလျှောက်ထားသူ များပြားနေပြီး တယ်လီဖုန်းလျှောက်လွှာ ရောင်းချသူများလည်း အလုပ်ဖြစ်နေသည်။

သို့သော် ရန်ကုန်နှင့် မန္တလေးတွင် CDMA ၈၀၀ မီဂါဟတ်ဇ် ဖုန်းအလုံးရေ တသိန်းခွဲ ချပေးမည်ဟူသော သတင်းကို ရန်ကုန်အခြေစိုက် ဂျာနယ်များတွင် ဖော်ပြခဲ့သော်လည်း မြန်မာ့ဆက်သွယ်ရေး လုပ်ငန်းတွင်မူ တရားဝင် ညွှန်ကြားစာ ထုတ်ပြန်ထားခြင်း မရှိသေးကြောင်း ရွှေဂုံတိုင်ဆက်သွယ်ရေးရုံးမှ တာဝန်ရှိသူတဦးက ဆိုသည်။ ဝန်ကြီးဌာနမှ တရားဝင်ထုတ်ပြန်ခြင်း မရှိသေးသော်လည်း ကျပ် ၅ သိန်းဟူသည့် ဈေးနှုန်းကို လူအများ စိတ်ဝင်စားနေသကဲ့သို့ နေ့စဉ် လျှောက်လွှာတင်သူ များပြားကြောင်း ပန်းဆိုးတန်း မြန်မာ့ဆက်သွယ်ရေးရုံး အနီးဝန်းကျင်မှ လျှောက်လွှာရောင်းချသူများကပါ ပြောဆိုကြသည်။ယခုရောင်းချမည့် CDMA ၈၀၀ ဖုန်းများမှာ SIM card ထည့်သွင်းအသုံးပြုရသည့် အမျိုးအစားဖြစ်ပြီး၊ မြို့နယ်အလိုက် ပမာဏများ အသီးသီး သတ်မှတ်ရောင်းချပေးမည်ဖြစ်ကာ သက်ဆိုင်ရာ မြို့နယ်ဧရိယာထက် ကျော်လွန်သယ်ဆောင်သွားနိုင်ခြင်း မရှိကြောင်း သိရသည်။
(မဇ္ဈိမ)
----------------
8.12.2009

ဝတပ်ဖွဲ့ဗဟို၏ အရေးပေါ် အစည်းအဝေးဆုံးဖြတ်ချက်
အောက်ခြေအထိ ချပြဆွေးနွေးနေပြီ


နိုဝင်ဘာ (၂၆) ရက်မှ (၂၈) ရက်အထိ ၀ပြည်သွေးစည်းညီညွတ်ရေးတပ်မတော် (ယူဒဗလျူအက်စ်အေ) ဝတပ်ဖွဲ့ဌာနချုပ် ပန်ဆန်းမြို့တွင်ပြုလုပ်ခဲ့သည့် ဗဟိုကော်မတီ အရေးပေါ်အစည်းအဝေး၏ ဆွေးနွေးဆုံးဖြတ်ချက်များကို ခရိုင်၊ မြို့နယ်နှင့် တိုက်နယ်အဆင့်အထိ ချပြဆွေးနွေးနေသည်။

ဝတပ်ဖွဲ့၏ လက်နက်တလက်၊ နယ်မြေတလက်မကိုမျှ အဆုံးရှုံးမခံရေး အတွက် မိမိဒေသကို မိမိကာကွယ်သွားမည်၊ ဝတောင်ပိုင်းနှင့် မြောက်ပိုင်းဒေသများကို ခွဲထုတ်သည့် အစီစဉ်ကိုလည်း လက်မခံကြောင်းနှင့် ဝတပ်ဖွဲ့၏ စည်းလုံးညီညွတ်မှုကို ပြိုကွဲစေမည့် သွေးထိုးလှုံ့ဆော် သပ်လျှိုမှုများကို ကာကွယ်သွားမည်၊ ဝပြည်နယ်လူထု၏ အကျိုးစီးပွား အတွက် ဝပြည်သွေးစည်းညီညွတ်ရေးပါတီ၏ ဦးဆောင်လမ်းညွှန်မှု အောက်တွင် ဝတပ်မတော်က လိုက်နာဆောင်ရွက်သွားရမည်ဖြစ်ပြီး စစ်ရေးအသင့် ပြင်ဆင်ထားရမည်ဟု ၀တပ်ဖွဲ့ဗဟိုက ဆုံးဖြတ်ထားသည်ဟု ဝတပ်ဖွဲ့ခေါင်းဆောင်များနှင့် နီးစပ်သူတဦးက ပြောသည်။

ထို့အပြင် နိုဝင်ဘာ (၁) ရက်နေ့က ထုတ်ပြန်ထားသည့် ဒေသအတွင်း မူးယစ်ဆေးဝါးတိုက်ဖျက်ရေး လုပ်ငန်းများကို အကောင်ထည်ဖော် လုပ်ဆောင်သွားမည်၊ အိမ်နီးချင်း တရုတ်နှင့်ထိုင်းနိုင်ငံ နယ်စပ်ဒေသအာဏာပိုင်များနှင့် ပူးပေါင်းကာ မူးယစ်ဆေးဝါးကို တိုက်ဖျက်သွားမည်ဟုလည်း ဆုံးဖြတ်ချက်တွင်ပါရှိသည်ဟု အဆိုပါနီးစပ်သူက ပြောသည်။
(NEJ)
++++++

ဆီးဂိမ်းရောက် မြန်မာဘောလုံးအသင်းများ ဗိုလ်စွဲရန် အခွင့်အလမ်းနည်း

ချင်းမိုင် (မဇ္ဈိမ)။ ။ လာအိုနိုင်ငံတွင် ကျင်းပနေသည့် Sea Game ပြိုင်ပွဲတွင် ယှဉ်ပြိုင်နေသော မြန်မာအမျိုးသမီးနှင့် အမျိုးသား ဘောလုံး ၂ သင်းလုံး ဗိုလ်စွဲနိုင်ရန် အခွင့်အလမ်း နည်းနေကြောင်း သိရသည်။

မြို့တော် ဗီယန်ကျင်းတွင် ကျင်းပနေသော ၂၅ ကြိမ်မြောက် ဆီးဂိမ်း ခေါ် အရှေ့တောင်အာရှ အားကစားပြိုင်ပွဲမှ ဘောလုံးပြိုင်ပွဲများတွင် မြန်မာ့အမျိုးသမီး လက်ရွေးစင်အသင်းနှင့် အသက် ၂၃ နှစ်အောက် အမျိုးသားအသင်းတို့ သွားရောက်၍ ယှဉ်ပြိုင်လျက်ရှိသည်။

ဆီးဂိမ်းကို ၁၉၅၉ ခုနှစ်မှစတင်၍ အရှေ့တောင်အာရှ ကျွန်းဆွယ်ပြိုင်ပွဲ အမည်ဖြင့် ၂ နှစ် တကြိမ် ကျင်းပလာခဲ့ပြီး၊ ၁၉၇၇ ခုနှစ်တွင် ကျင်းပသည့် ၉ ကြိမ်မြောက် ပြိုင်ပွဲမှစတင်၍ ဆီးဂိမ်းအဖြစ်သို့ ပြောင်းလဲခေါ်ဝေါ်ခဲ့သည်
(မဇ္ဈိမ)
++++++

ဘိုကလေးမြို့ ကျေးရွာ (၂) ရွာ၌
အန်အယ်လ်ဒီ အ၀ီစိတွင်း တူးဖော်လှူဒါန်းမည်

နာဂစ်လေမုန်တိုင်း ကျရောက်ခဲ့သည့် မြစ်ဝကျွန်းပေါ်ဒေသ ဘိုကလေးမြို့နယ်အတွင်းရှိ ကျေးရွာ (၂) ရွာတွင် အ၀ီစိတွင်း
(၂) တွင်းကို လာမည့် ဒီဇင်ဘာ (၁၅) ရက်၌ စတင်တူးဖော်မည်ဖြစ်ကြောင်း အန်အယ်လ်ဒီ နာဂစ်လေဘေးကယ်ဆယ်ရေး ကော်မတီ ဥက္ကဋ္ဌ ဦးအုန်းကြိုင်က ပြောကြားသည်။

အ၀ီစိတွင်းများကို ရေရှည်ထိန်းသိမ်းနိုင်မည့် ကျေးရွာအပေါ် သြဇာညောင်းသော ဘုန်းတော်ကြီးကျောင်းဝင်းအတွင်း ထားရှိမည်ဖြစ်ပြီး စက်စု-စက်ဆန်းဒိုင်နယ်အနီး ကျုံကဒွန်းချောင်းနံဘေး ကနီကြီးကျေးရွာနှင့် အထက်ဖိုးညို ကျေးရွာတို့တွင် တူးဖော်မည်ဖြစ်သည်။

ဘိုကလေးမြို့နယ် အန်အယ်လ်ဒီ စည်းရုံးရေးကော်မတီ အတွင်းရေးမှူး ဦးခင်မောင်ချစ်၊ ဦးအောင်မြင့်တို့က ဒေသတွင်း သောက်သုံးရေ တူးဖော်သင့်သည့် နေရာတို့ကို ကွင်းဆင်းလေ့လာကာ အန်အယ်လ်ဒီ နာဂစ်ကော်မတီ၏ ဆုံးဖြတ်ချက်ဖြင့် အထက်ပါ အ၀ီစိတွင်းများ တူးဖော်ရန် စီစဉ်ခဲ့ခြင်းဖြစ်သည်။
(NEJ)
---------------
9.12.2009


မီဒီယာဖြင့် ရှုပ်ထွေးအောင် မပြုလုပ်ဟု အန်အယ်ဒီ ပြောဆို

မဇ္ဈိမ (ချင်းမိုင်)။ ။ ပါတီခေါင်းဆောင် ဒေါ်အောင်ဆန်းစုကြည်နှင့် အမျိုးသား ဒီမိုကရေစီအဖွဲ့ချုပ်က ပြည်ပမီဒီယာများကို အသုံးချပြီး အခြေအနေ ရှုပ်ထွေးစေရန် ဖန်တီးခဲ့သည်ဟူ၍ စစ်အစိုးရသတင်းစာက စွပ်စွဲခြင်းသည် မမှန်ကန်ကြောင်း အန်အယ်ဒီက ယနေ့ တုံ့ပြန်ပြောဆိုသည်။

ဒေါ်အောင်ဆန်းစုကြည်က ဗိုလ်ချုပ်မှူးကြီးသန်းရွှေသို့ ပေးပို့သည့် စာများ ကာယကံရှင်ထံ မရောက်မီ ပြည်ပမီဒီယာများ၌ ပျံ့နှံ့စေရန် ကြိုပြီး “ဖွ” ခဲ့ကြောင်း ယနေ့ထုတ် မြန်မာ့အလင်းသတင်းစာတွင် ‘ချမ်းမြအေး’ ဆိုသည့် ကလောင်ရှင်က စွပ်စွဲရေးသားထားခြင်းကို တုံ့ပြန်ပြောဆိုလိုက်ခြင်း ဖြစ်သည်။

မရိုးသားသည့် သဘောထားနှင့် မီဒီယာကို လက်ဦးအောင်ဖွပြီး အသုံးချခြင်း မဟုတ်ဘဲ ဒီမိုကရေစီ လုပ်ထုံးအရ ဆောင်ရွက်ခြင်းသာဖြစ်ကြောင်း ပါတီ ဗဟိုအလုပ်အမှုဆောင် အဖွဲ့ဝင် ဦးဝင်းတင်က ပြောသည်။
(မဇ္ဈိမ)
+++++

Facebook အဖွဲ့ဝင်အတွက် ဒေါ်စုလွတ်မြောက်ရေးကန်ပိန်း
Chryler ကားကုမ္ပဏီက စီစဉ်ပေးမည်

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်မြောက်ရေးအတွက် ထောက်ခံအားပေးသည့်အနေဖြင့် Facebook အဖွဲ့ဝင်တို့၏ ကိုယ်ရေးဓာတ်ပုံအစား ဒေါ်အောင်ဆန်းစုကြည်ဓာတ်ပုံဖြင့် ဒီဇင်ဘာ (၁၀) ရက်နေ့တွင် အလိုအလျောက် အစားထိုးပေးမည်ဖြစ်၍ ပါဝင်ဆင်နွှဲကြရန် အမေရိကန်ကားကုမ္ပဏီ chrysler က ၎င်းတို့၏ ဝက်ဘ်ဆိုက် စာမျက်နှာများတွင် ကြော်ငြာထားသည်။
(NEJ)
+++++

ဒေါ်အောင်ဆန်းစုကြည်နှင့် စစ်အစိုးရ ဆက်ဆံရေးဝန်ကြီး တွေ့ဆုံ

နယူးဒေလီ (မဇ္ဈိမ)။ ။ အထိန်းသိမ်းခံ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် စစ်အစိုးရ၏ ဆက်ဆံရေးဝန်ကြီး ဦးအောင်ကြည်နှင့် ရန်ကုန်ရှိ စိမ်းလဲ့ကန်သာ အစိုးရဧည့်ဂေဟာတွင် ယနေ့တွင် ၄၅ မိနစ်ကြာ တွေ့ဆုံခဲ့သည်။

ဒေါ်အောင်ဆန်းစုကြည်နှင့် ဦးအောင်ကြည်တို့ တွေ့ဆုံခဲ့သည်ကို သူ့ကို အကြောင်းကြားခဲ့ကြောင်း ဒေါ်အောင်ဆန်းစုကြည်၏ အမျိုးသား ဒီမိုကရေစီ အဖွဲ့ချုပ် ပါတီမှ ပြောရေးဆိုခွင့်ရှိသူ ဦးဥာဏ်ဝင်းက မဇ္ဈိမကို ပြောသည်။

ဆွေးနွေးသည့် အကြောင်းအရာ အသေးစိတ်ကို မသိရသေးသော်လည်း ''ဒါ … ဒေါ်အောင်ဆန်းစုကြည်က ဦးသန်းရွှေဆီ ပို့ထားတဲ့ စာနှစ်စောင်နဲ့ ပတ်သက်လိမ့်မယ်လို့ ကျနော် ထင်ပါတယ်'' ဟု ဦးဥာဏ်ဝင်းက ပြောသည်။
(မဇ္ဈိမ)
+++++

ရွေးကောက်ပွဲအတွက် နအဖ ဆွဲဆောင်မှုလုပ်
ပြည်သူတို့ကို အနိုင်မကျင့်ရန် ညွှန်ကြား

ရန်ကုန်မြို့နယ် အသီးသီးရှိ ရပ်ကွက်ပြည်သူတို့အား အာဏာဖြင့် အနိုင်ယူခြင်း မပြုလုပ်ရန် ရပ်ကွက်ရုံးမှ တာဝန်ရှိသူများနှင့် အဖွဲ့ဝင်များကို နအဖက ညွှန်ကြားထားကြောင်း သိရသည်။

ပြီးခဲ့သည့် နိုဝင်ဘာ (၂၃ မှ ၂၈) ရက်နေ့အထိ နေပြည်တော်တွင် ပြုလုပ်ခဲ့သော အထူးစီမံကိန်းများ အကောင်အထည်ဖော်ရေး အဖွဲ့ ညှိနှိုင်းအစည်းအဝေး (လေးလပတ် အစည်းအဝေး) ပြီးသည့်နောက်ပိုင်း ယင်းသို့ ညွှန်ကြားမှု ထွက်ပေါ်လာခြင်း ဖြစ်ကြောင်း ရန်ကင်းမြို့နယ်မှ ရယက အဖွဲ့ဝင်တဦးက ပြောသည်။

ထိုသို့ပြုလုပ်ရခြင်းမှာ ၂၀၁၀ ရွေးကောက်ပွဲအတွက် ပြည်သူတို့အပေါ် ဆွဲဆောင်မှုတခု ပြုလုပ်ခြင်းဖြစ်သည်ဟု ၎င်းက ဆက်လက်ပြောသည်။
(NEJ)
+++++

ဦးဝင်းတင်နှင့် ဦးခင်မောင်ဆွေသည် CEC များဖြစ်ကြောင်း အန်အယ်ဒီ ကြေညာ

နယူးဒေလီ (မဇ္ဈိမ)။ ။ ဆွေးနွေးပွဲများ ဖိတ်ကြားသည့်အခါ စစ်အစိုးရက ဗဟိုအလုပ်အမှုဆောင် ကော်မတီ CEC အဖွဲ့ဝင် နှစ်ဦးကို ထည့်သွင်းဖိတ်ကြားခြင်း မရှိသဖြင့် အဖွဲ့ဝင် ၁၁ ဦး ပါရှိသည့် CEC အမည်စာရင်းကို အန်အယ်ဒီက ယနေ့ ထုတ်ပြန်ကြေညာလိုက်သည်။

ထို CEC အဖွဲ့ဝင် နှစ်ဦးမှာ သတင်းစာဆရာကြီး ဦးဝင်းတင်နှင့် ဦးခင်မောင်ဆွေတို့ဖြစ်ပြီး၊ ယခု CEC စာရင်းကို အန်အယ်ဒီက ရွေးကောက်ပွဲ ကော်မရှင်နှင့် နအဖ ဥက္ကဋ္ဌ ထံ ပေးပို့အသိပေးခဲ့ပြီး ဖြစ်သည်။

CEC အဖွဲ့ဝင် ၁၁ ဦးမှာ ဦးအောင်ရွှေ (ဥက္ကဋ္ဌ)၊ ဦးတင်ဦး (ဒုဥက္ကဋ္ဌ) ၊ ဒေါ်ဆောင်ဆန်းစုကြည် (အထွေထွေ အတွင်းရေးမှူး) ၊ ဦးလွင် (အတွင်းရေးမှူး) ၊ အဖွဲ့ဝင်များအဖြစ် ဦးဝင်းတင်၊ ဦးသန်းထွန်း၊ ဦးစိုးမြင့်၊ ဦးလှဖေ၊ ဦးလွန်းတင်၊ ဦးညွှန့်ဝေနှင့် ဦးခင်မောင်ဆွေတို့ဖြစ်ကြောင်း ကြေညာချက်ထဲတွင် ဖော်ပြထားသည်။

ဦးဝင်းတင်နှင့် ဦးခင်မောင်ဆွေတို့မှာ ၂ဝဝ၈ ခုနှစ် စက်တင်ဘာလအတွင်း အကျဉ်းသားပေါင်း ၉ဝဝ၂ ဦးကို စစ်အစိုးရက လွတ်ငြိမ်းချမ်းသာခွင့် ပေးရာတွင် ပြန်လည်လွတ်မြောက်လာသူများ ဖြစ်သည်။ သတင်းစာဆရာကြီး ဦးဝင်းတင် (ဟံသာဝတီ) မှာမူ အကျဉ်းထောင်အတွင်း ထောင်ဒဏ် ၁၉ နှစ် ကျခံခဲ့ရပြီးနောက် ပြန်လည်လွတ်မြောက်လာခြင်း ဖြစ်သည်။
(မဇ္ဈိမ)
+++++
10.12.2009

ဒေါ်အောင်ဆန်းစုကြည်နှင့် နအဖ၀န်ကြီးတွေ့ဆုံမှု
အန်အယ်လ်ဒီမှ သတိထားကြိုဆို

ဒေါ်အောင်ဆန်းစုကြည်နှင့် စစ်အစိုးရဆက်ဆံရေးဝန်ကြီး ဦးအောင်ကြည်တို့ ယမန်နေ့က တွေ့ဆုံခဲ့မှုအပေါ် အန်အယ်လ်ဒီအနေဖြင့် သတိထားကြိုဆိုရမည်ဖြစ်ပြီး တွေ့ဆုံဆွေးနွေးမှု ဆက်လက်ဖြစ်ပေါ်လိမ့်မည်ဟု မျှော်လင့်ကြောင်း အန်အယ်လ်ဒီ ဗဟိုအလုပ်အမှုဆောင်တဦးဖြစ်သူ ဦးခင်မောင်ဆွေက ပြောကြားသည်။

အလုပ်သမားဝန်ကြီးဌာန ၀န်ကြီးလည်းဖြစ်၊ ဆက်ဆံရေးဝန်ကြီးလည်းဖြစ်သည့် ဦးအောင်ကြည်သည် ယမန်နေ့က အစိုးရဧည့်ဂေဟာတွင် ဒေါ်အောင်ဆန်းစုကြည်နှင့် (၄၅) မိနစ်ကြာ တွေ့ဆုံခဲ့သည်။

ယခုကဲ့သို့ ဦးအောင်ကြည်က ဒေါ်အောင်ဆန်းစုကြည်နှင့် တွေ့ဆုံခြင်းသည် ယခုနှစ်အတွင်း (၃) ကြိမ်မြောက်ဖြစ်ပြီး တွေ့ဆုံသည့်ကိစ္စကို တစုံတရာထုတ်ပြန်ပြောဆိုခြင်း မရှိသေးပေ။
(NEJ)
+++++

ရာသီဥတုပြောင်းလဲမှုကြောင့် ဒုတိယ အထိခိုက်ဆုံးမှာ မြန်မာဟု အစီရင်ခံစာက ဆို

နယူးဒေလီ (မဇ္ဈိမ)။ ။ ကမ္ဘာကြီးပူနွေးလာမှုကြောင့် ဖြစ်ပေါ်လာသည့် သက်ရောက်မှုများကို ဆယ်စုနှစ် ၂ စုကြာ လေ့လာထားသည့် ဘာလင်အခြေစိုက် ကမ္ဘာ့ရာသီဥတု စောင့်ကြည့်ရေး အဖွဲ့ကြီး၏ အစီရင်ခံစာသစ် တစောင်က ရာသီဥတု ပြောင်းလဲမှုကြောင့် ဖြစ်ပေါ်လာသည့် ဆိုးရွားလှသော ရာသီဥတုဒဏ် ခံခဲ့ရသော တိုင်းပြည်များတွင် မြန်မာနိုင်ငံက ဒုတိယ အဆိုးဆုံးဟု ရေးသား ဖော်ပြထားသည်။

ဒိန်းမတ်နိုင်ငံ ကိုပင်ဟေဂင်မြို့တွင် ကျင်းပနေသည့် ကုလသမဂ္ဂ ရာသီဥတု ကွန်ဖရင့်တွင် အင်္ဂါနေ့က ထုတ်ပြန်လိုက်သော Germanwatch အဖွဲ့၏ `ကမ္ဘာ့ရာသီဥတု အန္တရာယ်အညွှန်းကိန်း´ (Global Climate Risk Index) ဆိုသည့် အစီရင်ခံစာသစ် တစောင်တွင် ၁၉၉၀ မှ ၂၀၀၈ ခုနှစ်အတွင်း အလွန်ဆိုးရွားသော ရာသီဥတုကြောင့် အဆိုးရွားဆုံး ထိခိုက်ခဲ့ရသော နိုင်ငံများတွင် ဘင်္ဂလာဒေ့ရှ်၊ မြန်မာနှင့် ဟွန် ဒူးရပ်စ် နိုင်ငံတို့ ပါဝင်သည်ဟု ရေးသားထားသည်။
(မဇ္ဈိမ)
+++++

ယုတ္တိရှိသည့် ရွေးကောက်ပွဲ ဖြစ်ရမည်ဟု
ဂျပန်ဝန်ကြီးချုပ် ယတိပြတ်ပြောဆို

စစ်အစိုးရက ၂၀၁၀ ပြည့်နှစ်တွင် ကျင်းပမည်ဆိုသည့် ရွေးကောက်ပွဲသည် နိုင်ငံတကာက လက်ခံနိုင်မည့် ယုတ္တိရှိသည့် ရွေးကောက်ပွဲ ဖြစ်ရမည်ဟု ဂျပန်ဝန်ကြီးချုပ် ယူကီအို ဟတိုယာမ က ယနေ့ ယတိပြတ်ပြောဆိုသည်။

အဆိုပါပြောကြားချက်ကို အင်ဒိုနီးရှားနိုင်ငံ ဘာလီကျွန်းတွင် ကျင်းပနေသည့် ဒုတိယအကြိမ် ဘာလီ ဒီမိုကရေစီဖိုရမ်တွင် အဖွင့်မိန့်ခွန်းအဖြစ် ပြောကြားရာ၌ ထည့်သွင်းပြောဆိုသွားခြင်းဖြစ်သည်။

ယနေ့ စတင်ဖွင့်လှစ်ပြီး (၂) ရက်ကြာ ကျင်းပမည့် ဒုတိယအကြိမ် ဘာလီ ဒီမိုကရေစီ ဖိုရမ်ကို အင်ဒိုနီးရှား သမ္မတ၊ ဂျပန်ဝန်ကြီးချုပ်၊ အရှေ့တီမော သမ္မတနှင့် ဘရူနိုင်း ဒါရုဆလင် ဘုရင်တို့က သဘာပတိအဖြစ် ဆောင်ရွက်သည်။
(NEJ)
+++++

လူ့အခွင့်အရေးနေ့တွင် လူ့အခွင့်အရေး မြှင့်တင်သူများ နှောင့်ယှက်ခံရ

ချင်းမိုင် (မဇ္ဈိမ)။ ။ ယနေ့ကျရောက်သည့် ၆၁ နှစ်မြောက် အပြည်ပြည်ဆိုင်ရာ လူ့အခွင့်အရေးနေ့၌ ပဲခူးတိုင်း ပြည်မြို့တွင် အခမ်းအနား ကျင်းပခွင့် မရကြောင်း လူ့အခွင့်အရေး လှုပ်ရှားသူများက ပြောသည်။

ပုသိမ်မြို့တွင်မူ တားမြစ်ထားသည့်ကြားမှ အခမ်းအနား ကျင်းပနိုင်ခဲ့သော်လည်း လက်မှတ်ထိုးရပြီး ခြိမ်းခြောက်မှုများလည်း ရှိနေကြောင်း သိရသည်။

ပြည်မြို့၌ လူ့အခွင့်အရေး ကာကွယ်မြှင့်တင်သူများ ကွန်ယက် HRDP ခေါင်းဆောင်တဦးဖြစ်သူ၏ အိမ် တွင် ယနေ့ကျင်းပမည့် ပွဲ မဖြစ်မြောက်စေရန် ယနေ့နံနက် အစောပိုင်းတွင် အိမ်ရှင်ဖြစ်သူအား မယက ဥက္ကဌရုံး၌ မေးမြန်းစရာ ရှိသည်ဆို၍ ခေတ္တခေါ်ယူ ထိန်းသိမ်းခဲ့ကြောင်း သိရသည်။ ပြည်မြို့တွင် ပြုလုပ်မည့်ပွဲကို HRDP စုံညီ လူ့အခွင့်အရေးနေ့ အထိန်းအမှတ် အခမ်းအနားအဖြစ် ကျင်းပရန် စီစဉ်ထားသောကြောင့် ရန်ကုန်၊ ဧရာဝတီ၊ ပဲခူးတိုင်းတို့မှ HRDP အဖွဲ့ဝင် ၈၀ ဦးခန့် ရောက်ရှိနေချိန်လည်း ဖြစ်သည်။

ကြံ့ဖွံ့၊ မီးသတ်နှင့် စွမ်းအားရှင်များကလည်း အိမ်ရှေ့နှင့် အနီးတဝိုက်တွင် တုတ်များ ကိုင်ဆောင်၍ အင်အားပြ စောင့်ကြည်မှုများရှိခဲ့သည်။ အခမ်းအနားအတွက် ငှားရမ်းထားသည့် ထိုင်ခုံများနှင့် စားပွဲ များကိုလည်း ထောက်လှမ်းရေးက မူလပိုင်ရှင်များအား ဖိအားပေး၍ ပြန်လည် သိမ်းယူစေခဲ့ကြောင်း လည်း သိရသည်။

ပဲခူးတိုင်း ပြည်မြို့နှင့် အနီးတဝိုက်တွင် လုပ်အားပေး ခိုင်းစေခြင်း၊ လယ်ယာ သိမ်းခံရခြင်း၊ ညဘက် အိမ်ပြန်နောက်ကျလျင် မှောင်ရိပ်ခိုမှုဖြင့် မတရား ဖမ်းခံရခြင်း စသည့် လူ့အခွင့်အရေး ချိုးဖောက်မှုများ ရှိနေကြောင်း ကိုမင်းမင်းက ဆက်ပြောသည်။
(မဇ္ဈိမ)
--------------
11.12.2009

ရွေးကောက်ပွဲအတွက် မဲဆန္ဒရှင်စာရင်း စတင်ကောက်ယူ

ရန်ကုန်တိုင်းအတွင်း မြို့နယ်အချို့တွင် လာမည့် ရွေးကောက်ပွဲအတွက် အသက် (၁၈) နှစ် ပြည့်ပြီးသူ မဲဆန္ဒရှင်စာရင်းများ စတင်ကောက်ခံနေပြီဖြစ်ကြောင်း မြို့ခံများက ပြောသည်။

နအဖစစ်အစိုးရသည် ယခုကဲ့သို့ အောက်ခြေ လူစာရင်း ပြုစုခိုင်းခြင်းတို့ လုပ်နေသော်လည်း နိုင်ငံရေးပါတီ ဖွဲ့စည်းခွင့်ဆိုင်ရာ၊ ရွေးကောက်ပွဲကျင်းပရေးဆိုင်ရာ ဥပဒေများကိုမူ တရားဝင် ထုတ်ပြန်ခြင်း မပြုလုပ်သေးပေ။

ယခုကိစ္စ ရန်ကုန်မြို့မှ ဝါရင့်သတင်းစာဆရာတဦးက နအဖစစ်အစိုးရသည် ပြီးခဲ့သည့် ၂ဝဝ၈ ဖွဲ့စည်းပုံအခြေခံဥပဒေ လူထုဆန္ဒပေးပွဲတုန်းကဲ့သို့ လုပ်လာခြင်းဖြစ်ကြောင်း၊ အဆိုပါအချိန်က ဆန္ဒမဲပေးပွဲ အဆင့်ဆင့်တွင် မည်သူကိုမှ ပါဝင်ခွင့် မပြုဘဲ ၎င်းတို့အာဏာပိုင် အဆင့်ဆင့်ကသာ လုပ်ချင်သလို လုပ်သွားခဲ့ကြောင်း ပြောသည်။\
(NEJ)
+++++

အစာငတ်ခံ ဆန္ဒပြနေသည့် ကိုညီညီအောင်၏ ရုံးချိန်း ရက်ရွှေ့ပြောင်း

ချင်းမိုင် (မဇ္ဈိမ) ။ ။ အင်းစိန်ထောင်တွင်း၌ အစာငတ်ခံ ဆန္ဒပြနေသူ အမေရိကန်နိုင်ငံသား ကိုညီညီအောင်၏ ယနေ့ အမှုရုံးချိန်းကို လာမည့် အပတ်သို့ ပြောင်းရွှေ့လိုက်ကြောင်း မိသားစုနှင့် ရှေ့နေက ပြောသည်။

ကိုညီညီအောင်သည် ကျန်းမာရေး မကောင်းသဖြင့် ယနေ့ ရုံးမထွက်နိုင်ကြောင်းနှင့် သူ့ကို အင်းစိန်ထောင်တွင်း၌ ရုံးထိုင် စစ်ဆေးနေသော တောင်ပိုင်းခရိုင် တရားရုံး တရားသူကြီးက ပြောဆိုကြောင်း ရုံးချိန်းသို့ သွားရောက်ခဲ့သည့် အဒေါ်ဖြစ်သူ ဒေါ်ခင်ခင်ဆွေနှင့် ရှေ့နေဖြစ်သူ ဦးဥာဏ်ဝင်းတို့က ပြောဆိုကြခြင်း ဖြစ်သည်။
(မဇ္ဈိမ)
+++++

ဝတပ်ဖွဲ့၏ မြို့နယ်တောင်းဆိုချက် ကန့်ကွက်စာများ
လျှို့ဝှက်ဖြန့်ဝေ

ဝပြည်သွေးစည်းညီညွတ်ရေးတပ်မတော် (UWSA) ခေါ် ဝတပ်ဖွဲ့၏ တောင်းဆိုချက်ကို ကန့်ကွက်သည့်လှုံ့ဆော်စာများ ၀တပ်ဖွဲ့ထိန်းချုပ်ရာ မိုင်းပေါက်နှင့် မိုင်းဖျန်ဒေသအတွင်း ဖြန့်ဝေမှုများ ရှိနေသည်။

မိုင်းပေါက်နှင့် မိုင်းဖျန်မြို့အား မိုင်းပေါက်မြို့နယ်အဖြစ် သတ်မှတ်ကာ ဝကိုယ်ပိုင်အုပ်ချုပ်ခွင့်ရ တိုင်းအတွင်း ထည့်သွင်းရန် နိုဝင်ဘာ (၁၄) ရက်နေ့တွင် ရှမ်းပြည်မြောက်ပိုင်း၊ တန့်ယန်းမြို့၌ စစ်ဘက်ရေးရာအရာရှိချုပ် ဒု-ဗိုလ်ချုပ်ကြီး ရဲမြင့် ဦးဆောင်သည့် နအဖကိုယ်စားလှယ်အဖွဲ့နှင့် ဒု-ဥက္ကဋ္ဌ ဦးရှောက်မီလျှံ ဦးဆောင်သည့် ဝကိုယ်စားလှယ်တို့ တွေ့ဆုံစဉ် ဝတပ်ဖွဲ့၏ တောင်းဆိုမှုကို နအဖဘက်က ပယ်ချခဲ့သည်။

ထို့နောက်ပိုင်း အဆိုပါမြို့များတွင် ဝတပ်ဖွဲ့၏တောင်းဆိုချက်ကို ကန့်ကွက်သည့်စာများ လျှို့ဝှက် ဖြန့်ဝေလာခြင်းဖြစ်သည်ဟု ဝတပ်ဖွဲ့နှင့် နီးစပ်သူက ပြောသည်။ ၂ဝဝ၈ ခုနှစ်၊ ဖွဲ့စည်းပုံအခြေခံဥပဒေတွင် ရှမ်းပြည်နယ်ရှိ ဟိုပန်မြို့နယ်၊ မိုင်းမောမြို့နယ်၊ ပန်ဝိုင်မြို့နယ်၊ နားဖန်းမြို့နယ်၊ မက်မန်းမြို့နယ်နှင့် ပန်ဆန်း (ပန်ခမ်း) မြို့နယ် (၆) မြို့နယ်တို့ကို ခရိုင်(၂) ခုဖွဲ့ပြီး “ဝ” ကိုယ်ပိုင်အုပ်ချုပ်ခွင့်ရတိုင်းဟု ဖော်ပြသတ်မှတ်ထားသည်။
(NEJ)
+++++

A(H1N1) တုပ်ကွေးကြောင့် တရုတ်-မြန်မာနယ်စပ် ကျောင်းများ ပိတ်လိုက်ရပြီ

ရွှေလီ (မဇ္ဈိမ) ။ ။ တရုတ်နိုင်ငံတဝှန်း A (H1N1) တုတ်ကွေး ဖြစ်ပွားနေစဉ် မြန်မာနိုင်ငံသား သောင်းချီ၍ နေထိုင်သော ရှမ်းပြည်မြောက်ပိုင်း မူဆယ် တဖက်ကမ်းရှိ တရုတ်နယ်စပ်မြို့ ရွှေလီတွင် ကျောင်းအားလုံးကို ယနေ့ ပိတ်လိုက်သည်။

မူကြို အပါအဝင် ကျောင်းများတွင် ဖျားနာသူ ကျောင်းသားဦးရေ တိုးပွားလာသဖြင့် ကျောင်းအားလုံးကို ယနေ့မှစတင်၍ ၁၀ ရက်ကြာ ပိတ်လိုက်ကြောင်း ကျောင်းအာဏာပိုင်များက မိဘများကို ခေါ်ယူ ပြောဆိုလိုက်ခြင်း ဖြစ်သည်။
(မဇ္ဈိမ)
+++++

ရန်ကုန်မြို့ ဘုန်းကြီးကျောင်းများတွင် ကင်းပုန်းများချထား


ရန်ကုန်မြို့ရှိ မြို့နယ် ရပ်ကွက်တို့တွင်ရှိသော ဘုန်းတော်ကြီးကျောင်းများနှင့် အနီးပတ်ဝန်းကျင်တွင် ယခုလဆန်းပိုင်းမှစ၍ ကင်းပုန်းများ ချထားနေကြောင်း ရန်ကုန်မြို့ခံများက ပြောသည်။

စမ်းချောင်းမြို့နယ်၊ ဗားကရာလမ်းမပေါ်ရှိ ဘုန်းတော်ကြီးကျောင်းတကျောင်းတွင် ပြီးခဲ့သည့်တပတ်ခန့်ကစပြီး ယူနီဖောင်းအပြည့်ဖြင့် လည်စီးအနီပတ်ထားသော သေနတ်ကိုင် ရဲ (၅) ဦးတို့သည် ညအချိန်တွင် လာရောက်စောင့်ဆိုင်း နေကြကြောင်း ရပ်ကွက်အတွင်းရှိ မျက်မြင်တဦးက ပြောသည်။

ရွှေဂုံတိုင်လမ်းမပေါ်ရှိ ဘုန်းတော်ကြီးကျောင်းတိုက်များ၏အရှေ့ အုတ်တံတိုင်းများဘေးတွင်လည်း ယူနီဖောင်းဝတ် သေနတ်ကိုင် ရဲ (၄) ဦးက ညအချိန်ရောက်တိုင်း လာရောက်စောင့်ကြည့်နေကြောင်း ကျောင်းတိုက်တခုမှ သံဃာတော်တပါးက ပြောသည်။ ရန်ကုန်တွင် လုံခြုံရေးများတင်းကျပ်ကာ ကင်းများလှည့်လည်နေသည်ကို ရန်ကုန်ပြည်သူတို့က အထူးအဆန်းမဖြစ်ကြတော့ သော်လည်း ယခုကဲ့သို့ ဘုန်းတော်ကြီးကျောင်းများအနီးတွင် ကင်းပုန်းများလာချ စောင့်ကြပ်သည်ကို သံဃာအချို့နှင့် ဒကာများက မကျေနပ်ကြကြောင်း သိရသည်။
(NEJ)
+++++

ဒဂုံအရှေ့မြို့နယ် ရပ်ကွက်တခုတွင် ဒေသခံများကို ဦးပိုင်လီမိတက်က ဖယ်ခိုင်းနေ

ချင်းမိုင် (မဇ္ဈိမ)။ ။ ရန်ကုန်တိုင်း ဒဂုံမြို့သစ်အရှေ့ပိုင်း မြို့နယ်ရှိ ရပ်ကွက်အမှတ် ၁၅၇ ၌ နေထိုင်သူများကို မြန်မာ့စီးပွားရေး ဦးပိုင်လီမိတက်က နေရာမှ တလအတွင်း ဖယ်ခိုင်းနေကြောင်း ဒေသခံများအဆိုအရ သိရသည်။

ယင်းနေရာတွင် မြန်မာ့စီးပွားရေး ဦးပိုင်လီမိတက်အပိုင် မြဝတီ စိုက်ပျိုးရေး ဝန်ဆောင်မှုလုပ်ငန်း ကုမ္ပဏီက စပါးစိုက်ပျိုးမည် ဖြစ်သောကြောင့် ပြောင်းရွှေ့ခိုင်းခြင်း ဖြစ်ကြောင်းနှင့် လာမည့်နှစ် ဇန်နဝါရီလအတွင်း အပြီးပြောင်းရွှေ့ရမည်ဖြစ်ကြောင်း ရပ်ကွက်နေ အငြိမ်းစားဝန်ထမ်း ၁၄ ဦးကို ကုမ္ပဏီက ယနေ့ ပထမဆုံးအကြိမ် ခေါ်ယူပြောကြားခဲ့ခြင်း ဖြစ်သည်။

ယင်းရပ်ကွက်နေ အငြိမ်းစားဝန်ထမ်းအိမ်ထောင်စု ၁၆ စု၊ လယ်သမားမိသားစု ၁၉ စု၊ ကျူးကျော်နေထိုင်သူ အိမ်ထောင်စု ၃၄ စုတို့အား ရွှေ့ပြောင်းခိုင်းနေခြင်းဖြစ်သည်။ လယ်သမားများထဲမှ မြဝတီ စိုက်ပျိုးရေးကုမ္ပဏီနှင့် ဆက်လက်တွဲလုပ်လိုသူများမှာမူ ပြောင်းရွှေ့ရန်မလိုကြောင်း သိရသည်။

ကျူးကျော်အိမ်ထောင်စုများမှာမူ ယခုလ ၁၆ ရက်နေ့၊ ကုမ္ပဏီနှင့် မပူးပေါင်းလိုသည့် လယ်သမားများမှာ ယခုလ ၁၄ ရက်နေ့ ပြောင်းရမည်ဖြစ်ပြီး၊ အငြိမ်းစားဝန်ထမ်းများမှာမူ လာမည့်နှစ် ဇန်နဝါရီလအတွင်း နောက်ဆုံးထား၍ ပြောင်းရမည်။
(မဇ္ဈိမ)။
-----------------