သတင်း မှတ်စု ( ၁၀ )

တပတ်အတွင်း သတင်းမှတ်စု

မတ်လ ၂ ရက်
ရက်သတ္တပတ် ၁၀ ၊ ၂၀၀၉
မြန်မာသတင်း



မြန်မာနိုင်ငံမှာ မက်တာအဖက်တမင်း စိတ်ကြွဆေးပြား အများဆုံးထုတ်



မြန်မာနိုင်ငံသည် မက်တာအဖက်တမင်း စိတ်ကြွဆေးပြား အများဆုံးထုတ်လုပ်ရာ နိုင်ငံဖြစ်ပြီး မူးယစ်ဆေး ထုတ်လုပ်မှု မှောင်ခိုရောင်းချမှု လုပ်ငန်းကို အမေရိကန်အစိုးရ အလိုရှိနေသည့် ရာဇ၀တ်ကောင်များ ဦးဆောင်သည့် UWSA ၀သွေးစည်းညီညွတ်ရေးအဖွဲ့က လုပ်ကိုင်နေသည်ဟု လွန်ခဲ့သည့် ရက်ပိုင်းအတွင်း ထုတ်ပြန်သည့် အမေရိကန် နိုင်ငံခြားရေးဝန်ကြီးဌာန၏ မူးယစ် ၂၀၀၉ အစီရင်ခံစာမှာ ဖော်ပြထားသည်။

မြန်မာ စစ်အစိုးရသည် UWSA ၀သွေးစည်းညီညွတ်ရေးအဖွဲ့အား အရေးယူနိုင်ရန်အတွက် လိုက်လျောညီထွေရှိမည့် မူးယစ်ဆေးနှိမ်နင်းရေး ဥပဒေကို ပြဋ္ဌာန်းနိုင်ခြင်း မရှိသည့်ပြင် UWSA အဖွဲ့အား မက်တာအဖက်တမင်း စိတ်ကြွဆေးပြားများ ဆက်လက်ထုတ်လုပ် မှောင်ခိုရောင်းချနိုင်ရန် ခွင့်ပြုထားသည်ဟုပါ အဆိုပါ အစီရင်ခံစာ၌ အတိအကျ စွပ်စွဲထားသည်။

ထို့ပြင် မြန်မာနိုင်ငံသည် မူးယစ်ဆေးကို တဆင့်ခံဖြတ်သန်း သယ်ဆောင်ရာ နိုင်ငံ (၂၀) တွင် ပါဝင်သည့်ပြင် မြန်မာနိုင်ငံသည် လွန်ခဲ့သည့် (၁၂) လအတွင်း နိုင်ငံတကာမူးယစ်ဆေး သဘောတူညီချက်များကို အကောင်အထည်ဖော်ရန် ပျက်ကွက်ခဲ့သည်ဟု အမေရိကန် သမ္မတက သတ်မှတ်ခဲ့သည်။

အမေရိကန် နိုင်ငံခြားရေးဝန်ကြီးဌာန၏ မူးယစ် ၂၀၀၉ အစီရင်ခံစာပါ မူးယစ်ဆေး မှောင်ခိုလုပ်ငန်းမှ ရငွေများကို ငွေဖြူဖြစ်အောင် ခ၀ါချသည့် နိုင်ငံစာရင်းမှာလည်း မြန်မာနိုင်ငံကို ထည့်သွင်းဖော်ပြထားသည်။

၂၀၀၈ ခု အမေရိကန်သမ္မတ ဘွတ်ရ်ှလက်ထက် အမေရိကန် ကွန်ဂရက်သို့ တင်သွင်းသည့် အစီရင်ခံစာမှာလည်း မူးယစ်ဆေး မှောင်ခိုရောင်းချမှုမှရသည့် မြန်မာနိုင်ငံ၏ ၀င်ငွေမှာ တနှစ်ကို ဒေါ်လာသန်း (၁,၀၀၀) မှ ဒေါ်လာ သန်း (၂,၀၀၀) ကြားရှိသည့်ပြင် မြန်မာစစ်ထောက်လှမ်းရေး အရာရှိများနှင့် ၀ခေါင်းဆောင်းများကြား နားလည်မှု ယူထားရာ၌ ဘိန်းကိုသာ အထွက်လျော့အောင်လုပ်ပေးလျင် ၀တွေ မက်တာအဖက်တမင်း စိတ်ကြွဆေးပြား ထုတ်လုပ်မှုကို ကြိုက်သလောက် တိုးချဲ့ထုတ်လုပ်ခွင့် ပေးထားသည်ဟုပါ အစီရင်ခံစာမှာ ဖော်ပြထားသည်။

၁၉၉၈ ခုမှစပြီး မြန်မာနိုင်ငံတွင်း ဘိန်းထုတ်လုပ်မှု ကျဆင်းလာသည့် အချိန်တည်းမှာပင် စိတ်ကြွဆေး ထုတ်လုပ်တင်ပို့မှုက သိသိသာသာ တိုးတက်လာသည်။ အထူးသဖြင့် မြန်မာနိုင်ငံတွင်းမှ ပုံဆောင်ခဲ မက်တာအဖက်တမင်း ခေါ် အိုက်စ် စိတ်ကြွဆေး ထုတ်လုပ်သည့် အုပ်စုများ တိုးတက်လာသည်ဟု အစီရင်ခံစာက သုံးသပ်သည်။
( ခေတ်ပြိုင်သတင်းမှ ကောက်နှုတ်ချက် )
+++++
တောင်သူလယ်သမား အခွင့်အရေး ချိုးဖောက်ခံရဟု ၈၈ ကျောင်းသားများက ပြောဆို

ချင်းမိုင် (မဇ္ဈိမ)။ ။ အတန်ကြာ ကွယ်ပျောက်နေသည့် ၈၈ မျိုးဆက် ကျောင်းသားအဖွဲ့က ယနေ့တွင် ကြေညာချက်တရပ် ထုတ်ပြန်လိုက်သည်။

ပြီးခဲ့သည့်နှစ် သြဂုတ် လဆန်းပိုင်းက ၈၈ ကျောင်းသားခေါင်းဆောင် ကိုထွန်းမြင့်အောင်၏ ပြည်ပ မီဒီယာများနှင့် ပြောဆိုပြီးနောက်ပိုင်း ၇ လခန့်အကြာ၌ တဖန် ပေါ်ထွက်လာခြင်း ဖြစ်သည်။

၈၈ ကျောင်းသားအဖွဲ့က တောင်သူလယ်သမားများ အခွင့်အရေးကို မြန်မာစစ်အစိုးရ ချိုးဖောက်နေသည့်အတွက် အပြင်းအထန် ရှုတ်ချကြောင်း ယနေ့ ကျရောက်သည့် ၄၇ နှစ်မြောက် တောင်သူလယ်သမားနေ့တွင် ထုတ်ဖော် ပြောဆိုခြင်းလည်း ဖြစ်သည်။ ဘိုးဘွားခေတ်ကတည်းက ဓားမဦးချ လယ်ယာမြေများတွင် လုပ်ကိုင်စားသောက်ခဲ့သည့် တောင်သူလယ်သမားများသည် နည်းအမျိုးမျိုးနှင့် စစ်အစိုးရ၏ ဖိနှိပ်မှုဒဏ်ကို ခါးသီးစွာ ခံစားနေရသည့်အပြင် မတရား ဖိနှိပ်ခံနေရမှုများလည်း ခံစားနေရသည်ဟု ၈၈ မျိုးဆက်ကျောင်းသားအဖွဲ့က ဆိုသည်။

ထို့အပြင် ၁၉၆၄ ခုနှစ် မတ်လ ၂ဝ ရက်နေ့ အရောက်တွင် အမျိုးသားစည်းလုံးညီညွတ်ရေးကို ကာကွယ်သည့် ဥပဒေဆိုသည်ကို ထုတ်ပြန်လိုက်ပြီး၊ ဗမာနိုင်ငံလုံးဆိုင်ရာ တောင်သူလယ်သမား အစည်းအရုံး (ဗတလစ) အပါအဝင် သမဂ္ဂများ၊ နိုင်ငံရေး ပါတီများ ဖျက်သိမ်းပစ်ခဲ့သည်။
(မဇ္ဈိမသတင်းမှ ကောက်နှုတ်ချက်)
+++++
ဝန်ကြီးဌာနများမှ အကြီးအကဲများအား ကြံ့ဖွံ့ပါတီ ကိုယ်စားလှယ် အရွေးခံဖို့လျာထား

ဝန်ကြီးဌာနပေါင်းစုံမှ ပင်စင်ယူကာနီး ဦးဆောင်ညွှန်ကြားရေးမှူးများ၊ ညွှန်ကြားရေးမှူးချုပ်များအား ကြံ့ဖွံ့ပါတီ အတွက် လွှတ်တော်ကိုယ်စားလှယ် အရွေးခံရန် လျာထားပြီး ဖြစ်သည့်အတွက် ၄င်းတို့၏ သက်ဆိုင်ရာ ဇာတိမြေ၊ မြို့နယ်များသို့ စည်းရုံးရေး ဆင်းခိုင်းနေပြီ ဖြစ်သည်။

နေပြည်တော် စက်မှု (၁) ၀န်ကြီးဌာန လက်အောက်ဌာနများတွင် တာဝန်ထမ်းဆောင်နေသည့် ပင်စင်ယူတော့မည့် ဦးဆောင် ညွှန်ကြားရေးမှူးများ၊ ညွှန်ကြားရေးမှူးချုပ်များအား ၂၀၁၀ ရွေးကောက်ပွဲအတွက် မည်သည့်မြို့နယ်များမှ လွှတ်တော် ကိုယ်စားလှယ် အဖြစ် အရွေးခံရမည်ဆိုသည်ကို သတ်မှတ်ထားပြီး ဖြစ်ကြောင်း ၀န်ကြီးဌာန အကြီးအကဲတဦးက ခေတ်ပြိုင်သို့ ပြောသည်။

ရွေးကောက်ပွဲ ဥပဒေ မထုတ်ပြန်သေးသဖြင့် ကြံ့ဖွံ့ပါတီကို တရားဝင် နိုင်ငံရေးပါတီ ပြောင်းကြောင်း မကြေငြာသေးသော်လည်း ကြံ့ဖွံ့ပါတီအတွက် စည်းရုံးရေး လုပ်ငန်းများကိုမူ သက်ဆိုင်ရာ ၀န်ကြီးများက တိုင်းအလိုက် စည်းရုံးရေး ဆင်းနေသည်မှာ ၂၀၀၈ ခုနှစ်ကတည်းက ဖြစ်သည်။ သဘောမှာ ရွေးကောက်ပွဲနီးမှ ကပ်ပြီး ရွေးကောက်ပွဲ ဥပဒေ ထုတ်ပြန်သည့်အခ်ျိန် အခြားပါတီများ စည်းရုံးရေးစဖို့ ပြင်နေချိန်တွင် ကြံ့ဖွံ့ပါတီက တနိုင်ငံလုံး စည်းရုံးထားပြီး ဖြစ်နေအောင် ကြိ်ုတင်လျိူ့ဝှက် အကွက်ရိုက်ထားသည် ဆိုသည့် သဘော ဖြစ်သည်ဟုပါ အဆိုပါ အရာရှိက ပြောသည်။ မန္တလေးတိုင်း ကြံ့ဖွံ့တာဝန်ခံ ၀န်ကြီးဦးအောင်သောင်းဆိုလျင် ၂၀၀၈ ခုမှစ၍ အပတ်စဉ် ကြာသာပတေးနေ့ နေပြည်တော် ကက်ဘိနက် အစည်းအဝေးပြီးတိုင်း မန္တလေးတိုင်းသို့ စည်းရုံးရေး ဆင်းလေ့ရှိသည်ဟု စုံစမ်းသိရသည်။

ထိုအတောအတွင်း အချို့တက္ကသိုလ်နှင့် ကောလိပ်များမှ ပါမောက္ခများ၊ ကျောင်းအုပ်ကြီးများ ကိုလည်း ကြံ့ဖွံ့ပါတီအတွက် လုပ်ကိုင်စည်းရုံးပေးရန် အာဏာပိုင်များက ကမ်းလှမ်းထားသည် ဟု ရန်ကုန် စာနယ်ဇင်းသမားတဦးက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
ဖွဲ့စည်းပုံ ပြန်သုံးသပ်ရန် အာဆီယံက တိုက်တွန်းသင့်ဟု အန်အယ်ဒီပြော

ချင်းမိုင် (မဇ္ဈိမ)။ ။ ဖွဲ့စည်းပုံအခြေခံ ဥပဒေအသစ်ကို ပြန်လည် သုံးသပ်ခြင်း မပြုဘဲ ရွေးကောက်ပွဲ ကျင်းပပါက မြန်မာပြည်သူများ အနေဖြင့် ယခုထက်ပို၍ ဒုက္ခရောက်ရန်သာ ရှိကြောင်း အမျိုးသား ဒီမိုကရေစီ အဖွဲ့ချုပ်က ယနေ့ ထပ်မံပြောဆိုသည်။

ထိုင်းနိုင်ငံတွင် ယခုလ ၁ ရက်နေ့က ပြီးစီးခဲ့သည့် အရှေ့တောင်အာရှ နိုင်ငံများအသင်း - အာဆီယံ ထိပ်သီး အစည်းအဝေးက မြန်မာအစိုးရ ဝန်ကြီးချုပ် ဗိုလ်ချုပ်ကြီး သိန်းစိန်ကို အခြား မြန်မာ့အရေးကိစ အချို့အတွက် တိုက်တွန်း ပြောကြားခဲ့သည်များ ရှိခဲ့သော်လည်း ဖွဲ့စည်းပုံ အခြေခံဥပဒေ ကိစ္စ ပါဝင်ခြင်း မရှိသည်နှင့် ပတ်သက်၍ အန်အယ်ဒီက ယခုလို ထုတ်ဖော်ပြောဆိုလိုက်ခြင်း ဖြစ်သည်။ မြန်မာစစ်အစိုးရအနေဖြင့် လုပ်ငန်းစဉ် ၇ ဆင့်အား ဆက်လက် အကောင်အထည်ဖော်ရန်၊ ၂၀၁၀ ခု ရွေးကောက်ပွဲ ကျင်းပရာတွင်လည်း နိုင်ငံရေး အကျဉ်းသားများကို လွှတ်ပေးပြီး၊ သက်ဆိုင်ရာ နိုင်ငံရေးပါတီများ ကျယ်ပြန့်စွာ ပါဝင်နိုင်ရေး ဆောင်ရွက်ပေးရန် အာဆီယံ အစည်းအဝေးက တိုက်တွန်းခဲ့သည်။

အာဆီယံ ၏ ၁၄ ကြိမ်မြောက် ထိပ်သီး အစည်းအဝေးကို ထိုင်းနိုင်ငံအလယ်ပိုင်း ပရာချွတ်ခီရီခန် ပြည်နယ်ရှိ ဟွာဟင်မြို့၌ ပြီးခဲ့သည့်လ ၂၇ ရက်မှ ယခုလ ၁ ရက်နေ့အထိ ကျင်းပခဲ့ပြီး အစည်းအဝေး နောက်ဆုံးနေ့တွင် အာဆီယံ ခေါင်းဆောင်များက မြန်မာစစ်အစိုးရ ဝန်ကြီးချုပ်ကို ယင်းသို့ တိုက်တွန်းခဲ့ကြောင်း ထိုင်း ဝန်ကြီးချုပ် အဖိဆစ် ဝေ့ခ်ျချာချီဝက သတင်းထောက်များကို ပြောသည်။ အာဆီယံဟု အမည်တွင်လာမည့် အရှေ့တောင်အာရှအဖွဲ့ Association of Southeast Asia (ASA) ကို ၁၉၆၁ ခုတွင် ကွန်မြူနစ်များ၏ ရန်ကို ကာကွယ်ရန် ရည်ရွယ်၍ ဖိလစ်ပိုင်၊ မလေးရှားနှင့် ထိုင်းနိုင်ငံတို့က စတင် ဖွဲ့စည်းခဲ့ခြင်းဖြစ်ပြီး နောက်ပိုင်း၌ အဖွဲ့ဝင်များ တိုးလာကာ စီးပွားရေး ပူးပေါင်းဆောင်ရွက်မှုကို ဦးစားပေးလာခဲ့သည်။

ယခုအခါ အာဆီယံဒေသ အတွင်း၌ လူဦးရေ သန်း ၅၀၀ ကျော်ရှိကြောင်း သိရသည်။
(မဇ္ဈိမသတင်းမှ ကောက်နှုတ်ချက်)
+++++
နှောပင် ရေနံပွဲစားတဦး ထပ်အဖမ်းခံရ

ပခုက္ကူခရိုင်၊ မြိုင်မြို့နယ် နှောပင်ရေနံမှော်မှ ပွဲစား ကိုကျောက်ခဲကို လွန်ခဲ့သော လေးရက်ခန့်က မန္တလေးမြို့၌ ထပ်မံဖမ်းဆီးလိုက်ပြီး မှော်ပွဲစားများပိုင် ဖုန်းအချို့ကိုလည်း အာဏာပိုင်များက သိမ်းဆည်းထားသောကြောင့် အဆက်အသွယ်များ ပြတ်တောက် နေကြရကြောင်း ရေနံမှော်တွင်းပိုင်တဦးက ပြောသည်။

နှောပင်ရေနံမှော်အတွင်း မကွေးတိုင်းမှူး အစ်မပိုင် ကောင်းဇော်ဟိန်းကုမ္ပဏီ၏ ဈေးနှိမ် ၀ယ်ယူမှုများကြောင့် ကုမ္ပဏီနှင့် ဒေသခံ ရေနံမှော်သမားများအကြား ဇန်န၀ါရီ (၈) ရက်တွင် ပြဿနာ ဖြစ်ပွားခဲ့ပြီးနောက် ရေနံပွဲစား (၂၀) ဦးထက်မနည်းကို အာဏာပိုင်များက ဖမ်းဆီးခဲ့သည်။

၎င်းတို့အား ယခုအခါ ပခုက္ကူထောင်သို့ ပြောင်းရွေ့လိုက်ပြီး မိသားစုများကိုလည်း ထောင်ဝင်စာ တွေ့ခွင့်မပြု ကြောင်း ဒေသခံများက ဆိုသည်။ အဖမ်းခံမိသားစုဝင်များက အဆိုပါဖြစ်ပွားခဲ့မှုသည် ကုမ္ပဏီ၏ မတရားခေါင်းပုံဖြတ်မှုကြောင့် ပေါ်ပေါက်ရသော ပြဿနာရပ်သာဖြစ်ကြောင်း၊ အာဏာပိုင်များက နိုင်ငံရေးနှင့် နီးနွယ်သော အခြားပုဒ်မများကို ပြောင်းတပ်ကာ အရေးယူမည်ကို စိုးရိမ်နေကြသည်ဟု ပြောဆိုကြကြောင်း တွင်းပိုင်က ပြောသည်။ နှောပင်ရေနံမှော်တွင် ရေနံမှော်သားများနှင့် ကောင်းဇော်ဟိန်း ကုမ္ပဏီတို့အကြား ဈေးနှုန်းညှိနှိုင်းမှုမှ အဆင်မပြေ ဖြစ်ကာ ကုမ္ပဏီဂိုဒေါင် မီးရှို့ခံရပြီးနောက် စစ်တပ်က ဒေသခံ ရေနံမှော်သားများအတွင်း ပစ်ခတ်ခဲ့သဖြင့် အမျိုးသမီးတဦး ပေါင်တွင် သေနတ်မှန်ခဲ့သည်။

ထို့နောက် အာဏာပိုင်များက မှော်အတွင်း ညမထွက်ရ အမိန့်ထုတ်ပြန်ကာ အုပ်ချုပ်ခဲ့သည်။ ယခုအခါ နှောပင်မှော် သာမက ကုမ္ပဏီဝင် အခြားမှော်များတွင်ပါ လုပ်ကိုင်သူ နည်းပါးနေပြီ ဖြစ်ကြောင်း စုံစမ်းသိရှိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
လိုင်ဇာတွင် မှတ်ပုံတင် ထုတ်ပေး

ရွှေလီ (မဇ္ဈိမ) ။ ။ မြန်မာစစ်အစိုးရနှင့် အပစ်အခတ်ရပ် ကချင်လွတ်လပ်ရေးအဖွဲ့ ထိန်းချုပ်ရာ လိုင်ဇာမြို့တွင် နိုင်ငံသားစိစစ်ရေး ကဒ်ပြားများကို ထုတ်ပေးနေသည်။

မြန်မာ လူဝင်မှုကြီးကြပ်ရေးဌာန (လ၀က) အရာရှိများနှင့် ကချင် လွတ်လပ်ရေးအဖွဲ့ (ကေအိုင်အို) လ၀က တို့ ပူးတွဲကာ လိုင်ဇာ မြို့တော်ခန်းမတွင် ပြီးခဲ့သည့်လ ၂၆ ရက်နေ့မှ စတင်၍ တလကြာ ထုတ်ပေးသွားမည်ဟု သိရခြင်း ဖြစ်သည်။
ယခုထိ လူဦးရေ ၁၀၀ ကျော်သာ မှတ်ပုံတင် လာလုပ်ခဲ့သေးကြောင်း သိရသည်။

၂၀၀၈ ခုနှစ် မေလ ဆန္ဒခံယူပွဲ မကျင်းပခင် မှတ်ပုံတင် မရှိသူများအား နိုင်ငံသားမှတ်ပုံတင် ကဒ်အဖြူရောင်များ ယာယီ ထုတ်ပေးခဲ့သည်။

သို့သော် ကေအိုင်အေ တပ်သားများကိုမူ ယခုထုတ်ပေးနေသည့် ပန်းရောင်အတိုင်း ထုတ်ပေးခဲ့ကာ၊ အရွယ်အစားမှာ အနည်းငယ် သေးငယ်ခဲ့သည်။

တိုင်းရင်းသား လက်နက်ကိုင် နယ်မြေကိုမှ မှတ်ပုံတင်ကဒ် ထုတ်ပေးခြင်းသည် စည်းရုံးရေးဆင်းသည်ဟု ယူဆကြောင်း ဒေသခံတချို့က ဆိုသည်။

ယခု အခြေအနေနှင့် ပတ်သက်ပြီး ကေအိုင်အေကို ဆက်သွယ်မေးမြန်းရာ မြို့နယ်အုပ်ချုပ်ရေးဌာနမှ တာဝန်ခံ ဖြေကြားမည့်သူ မရှိကြောင်း တုံ့ပြန်ပြောဆိုသည်။
(မဇ္ဈိမသတင်းမှ ကောက်နှုတ်ချက်)
+++++
မုံရွာ အထက အာစရိယပူဇော်ပွဲကြေး ကျပ်(၅၀၀၀)အထိ ကောက်


မုံရွာမြို့မှ အထက်တန်းကျောင်းများတွင် အာစရိယပူဇော်ပွဲအတွက်ဟုဆိုကာ ဆရာများမှ ငွေကြေးများစွာ ကောက်ခံနေသည့်အတွက် ကျောင်းသားမိဘများ အခက်တွေ့ကြရသည်ဟု ကျောင်းသားမိဘအချို့က ပြောသည်။

၂၀၀၈ ခုနှစ် ပညာသင်နှစ်အဆုံးတွင် အာစရိယပူဇော်ပွဲကြေးအဖြစ် ကျောင်းသားတဦးလျှင် ကျပ် (၃,၀၀၀) မှ ကျပ် (၅,၀၀၀) အထိ မထည့်မနေရ ကောက်ခံခဲ့ကြောင်း မုံရွာ အထက (၃) မှ ကျောင်းသားမိဘတဦးက ပြောသည်။
အခြားအခန်းများကိုလည်း ကျပ် (၃,၀၀၀) အောက် ခံထားကောက်ယူခဲ့ကြောင်း၊ သီတင်းကျွတ်တွင် ကန်တော့ပွဲ တခုလုပ်ခိုင်းခဲ့သဖြင့် တနှစ်လျှင် ဆရာကန်တော့ပွဲ (၂) ပွဲ လုပ်ပေးနေကြရကြောင်း ၄င်းက ဆက်လက် ပြောဆိုသည်။

မုံရွာမြို့ပေါ်တွင် အထကကျောင်း (၄) ကျောင်းရှိပြီး အထက (၁) နှင့် (၃) တို့မှာ ငွေကြေးတောင်းခံမှုများသော ကျောင်းများဖြစ်ကြောင်း မြို့ခံများက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
ရွှေည၀ါ ဆရာတော် တရားပွဲ အပိတ်ခံရ

ချင်းမိုင် (မဇ္ဈိမ)။ ။ ရန်ကုန်တိုင်း စမ်းချောင်းမြို့နယ်အတွင်း သာဓု ပရိယတ္တိ စာသင်တိုက်မှ ရွှေညဝါဆရာတော် ဟောကြားရန် စီစဉ်ခဲ့သော ယမန်နေ့က ဗုဒ္ဓဘာသာ တရားပွဲအား အကြောင်းပြချက်မရှိဘဲ အဖျက်သိမ်းခံခဲ့ရသည်။

ဤသည်မှာ ပြီးခဲ့သည့် ဇန်နဝါရီလ ၂၆ ရက်နေ့က ရန်ကုန်တိုင်း၊ အလုံမြို့နယ် “လွတ်လပ်ရေး ရပ်ကွက်” ၌ “တကယ့် လွတ်လပ်ရေး” ခေါင်းစဉ်ဖြင့် ဆရာတော်က ဟောကြားခဲ့ပြီးနောက် ယခုတရားပွဲကို ပိတ်ပင်ခံရခြင်း ဖြစ်သည်။
မည်သူက မည်သည့် အကြောင်းကြောင့် ပိတ်ပင်ရသည်ကို အတိအကျ မပြောနိုင်သော်လည်း အလုံမြို့နယ်တရားပွဲနှင့် ဆက်စပ်နိုင်သည်ဟု သူက ခန့်မှန်းသည်။

ရွှေညဝါ ဆရာတော်သည် ဧရာဝတီတိုင်းရှိ နာဂစ်မုန်တိုင်းသင့် ဒေသများသို့ ကြွရောက်၍ ကယ်ဆယ်ရေး အကူပစ္စည်းများ ပေးလှူခြင်း၊ ရေသန့်ရရှိရေးနှင့် အခြားဝေယျဝစ္စ လုပ်ငန်းများ လုပ်ဆောင်ပေးခြင်း၊ မရှင်းလင်းရသေးသော လေဘေးဒဏ်သင့် ရုပ်အလောင်းများကို ရှင်းလင်းဖယ်ရှား သဂြုင်္ိဟ်ပေးခြင်းနှင့် မကျွတ်မလွတ်သေးသည့် မုန်တိုင်းအတွင်း သေဆုံးခဲ့သူများအတွက် အမျှအတန်းပေးခြင်းများကို လုပ်ဆောင်ပေးခဲ့သည့် ဆရာတော်တပါးဖြစ်သည်။

ဘွဲ့အမည်မှာ အရှင်ပညာသီဟ ဖြစ်ပြီး၊ နှစ်စဉ် မြန်မာတပြည်လုံးရှိ သံဃာပေါင်း ၁ဝဝဝ ကျော်ကို စိစစ်၍ အဘိဓမ္မာ သင်တန်းများ ပို့ချပေးသူဖြစ်သည်။ ပရိယတ္တိလုပ်ငန်းများကြောင့် ရွှေညဝါ ဆရာတော်အဖြစ် ကျော်ဇောထင်ရှားသူ ဖြစ်သည်။
(မဇ္ဈိမသတင်းမှ ကောက်နှုတ်ချက်)
+++++
အာဆီယံ ၁၄ ကြိမ်မြောက် ထိပ်သီး အစည်းအဝေး အဆုံးသတ်

ဟိုဟင်။ ။ ၁ဝ နိုင်ငံ ပါဝင်သော အရှေ့တောင်အာရှ နိုင်ငံများအဖွဲ့ - အာဆီယံ၏ ၁၄ ကြိမ်မြောက် ထိပ်သီး အစည်းအဝေးကို တနင်္ဂနွေနေ့က အဆုံးသတ်လိုက်ပြီး၊ ‘အိန္ဒိယ သမုဒ္ဒရာထဲရှိ ရွှေ့ပြောင်း နေထိုင်သူများ အရေး’ ကို မတ်လတွင် ကိုင်တွယ်ဖြေရှင်းသွားရန် သဘောတူညီခဲ့ကြသည်။

ထိုင်းနိုင်ငံ ပင်လယ်ကမ်းခြေ အပန်းဖြေမြို့ဖြစ်သော ဟိုဟင် (Hua Hin) တွင် ကျင်းပသည့် ဒေသဆိုင်ရာ ခေါင်းဆောင်ကြီးများ၏ ထိပ်သီး အစည်းအဝေးကို တနင်္ဂနွေနေ့က အဆုံးသတ်လိုက်ကြပြီး၊ အဖွဲ့ဝင် ၁ဝ နိုင်ငံမှ ခေါင်းဆောင်များသည် စစ်အစိုးရ အုပ်ချုပ်နေသော မြန်မာနိုင်ငံ အရေးကိစ္စများ အပါအဝင် သဘောတူညီချက် အများအပြားကို သဘောတူညီမှု ရရှိခဲ့ကြသည်။
(မဇ္ဈိမသတင်းမှ ကောက်နှုတ်ချက်)
+++++
မတ်လ ၃ ရက်
ရက်သတ္တပတ် ၁၀ ၊ ၂၀၀၉
မြန်မာသတင်း

ဗိုလ်ချုပ်မှူးကြီး သန်းရွှေ နှင့် ဘိလပ်မြေစက်ရုံ


ဗိုလ်ချုပ်မှူးကြီး သန်းရွှေက မြန်မာနိုင်ငံတွင်း ပုဂ္ဂလိက ဘိလပ်မြေစက်ရုံ (၈) ရုံကို ၂၀၁၀ အမီ အပြီးတည်ရန် ညွှန်ကြားထားသည့်အတွက် စက်မှု(၁) ၀န်ကြီးဌာနမှ အပူတပြင်း အကောင်အထည်ဖော်နေသော်လည်း မပြီးစီးနိုင်ကြောင်း ဘိလပ်မြေစက်ရုံ တည်ဆောက်ရေးကုမ္ပဏီ ၀န်ထမ်းတဦးက ပြောသည်။

ကုမ္ပဏီအလိုက် ဘိလပ်မြေစက်ရုံတည်မည့်နေရာများမှာ မက်စ်မြန်မာကုမ္ပဏီက တောင်ဖီလာ(လယ်ဝေး)၊ ထူးကုမ္ပဏီက ပျဉ်ညောင်-သာစည်၊ အေးရှားဝါးကုမ္ပဏီက ပျဉ်ညောင်-သာစည် ၊ ရွှေတောင်ကုမ္ပဏီက ပျဉ်ညောင်-သာစည် ၊ ရွှေသံလွင်ကုမ္ပဏီ (နေရာမသတ်မှတ်ရသေး) ၊ ကမ္ဘောဇကုမ္ပဏီက ပင်းပက်-တောင်ကြီးနှင့် ပျဉ်ညောင်-သာစည်မှာ ရတနာသိင်္ဂီနှင့် Mother Trading ကုမ္ပဏီများက အသီးသီး တည်ဆောက်ရမည်ဖြစ်သည်ဟု စုံစမ်းသိရသည်။

ရတနာသိင်္ဂီနှင့် Mother Trading ကုမ္ပဏီများက တည်ဆောက်မည့် ဘိလပ်မြေစက်ရုံများအတွက် ၀န်ကြီး ဦးအောင်သောင်း၏ ရှယ်ယာပါသည်ဟု စက်မှု(၁) ၀န်ကြီးဌာနနှင့် ပုဂ္ဂလိက ကုမ္ပဏီများကြား ပြောဆိုနေသော်လည်း ခေတ်ပြိုင်မှ အတည်ပြုနိုင်ခြင်း မရှိသေးပေ။

အဆိုပါ စက်ရုံများကို ၂၀၁၀ ခုနှစ်အမီ အပြီးတည်ဆောက်ရန် ၀န်ကြီး ဦးအာင်သောင်းက ဖိအားပေးနေသော်လည်း မပြီးနိုင်ကြောင်း ပညာရှင်များက ပြောသည်။ ဘိလပ်မြေစက်ရုံများ တည်ဆောက်ရာတွင် ၀န်ကြီး ဦးအောင်သောင်းနှင့် ရင်းနှီးသည့် တရုတ်ကုမ္ပဏီများဖြစ်သည့် ဖုန်းဖေးတရုတ်ကုမ္ပဏီ (China JPG) (Jian Su Penf Gei) မှ စက်များကိုသာ ၀ယ်ယူတတ်ဆင်ရမည်ဟု ဦးအောင်သောင်းက ညွှန်ကြားထားသဖြင့် ကုမ္ပဏီများ မကျေမနပ်ဖြစ်နေသည်ဟု စုံစမ်းသိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
စမ်းချောင်းတွင် ပေါက်ကွဲမှုဖြစ်

ချင်းမိုင် (မဇ္ဈိမ)။ ။ ရန်ကုန်မြို့ စမ်းချောင်းမြို့နယ် ပဒုမ္မာကွင်း ပန်းခြံထဲတွင် အင်္ဂါနေ့ည ၉ နာရီ ခွဲခန့်က ပေါက်ကွဲမှုတခု ဖြစ်ပွားခဲ့သည်။

စိန်လ္ဘက်ရည်ဆိုင်အနီး လူသူဖြတ်သန်းမှု နည်းပါးသည့် နေရာတွင် ပေါက်ကွဲမှု ဖြစ်ပွားခြင်းဖြစ်ပြီး အသေအပျောက်မရှိဘဲ ကားတစီးသာလျှင် မှန်ကွဲသွားသည်ဟု မျက်မြင်သက်သေ တဦးက ပြောသည်။

” ညဘက်က လူလည်း မရှိပါဘူး။ အသံကတော့ အတော်ကို ကျယ်တယ်” ဟု သူက ပြောသည်။
( မဇ္ဈိမသတင်းဌာန မှ ကောက်နှုတ်ချက် )
+++++
အလုံ သစ်တောဝင်းအတွင်း မီးလောင်

ရန်ကုန် (မဇ္ဈိမ)။ ။ ရန်ကုန်တိုင်း အလုံ သစ်တောဝင်းအတွင်း ယခုလ ၁ ရက်နေ့က မီးလောင်မှု ဖြစ်ပွားခဲ့သည်။

နံနက် ၁၂ နာရီခွဲခန့်တွင် အလုံမြို့နယ် ဆင်မင်းဈေးအနီးရှိ မြန်မာ့သစ်လုပ်ငန်း အလုံ သစ်တောဝင်းအတွင်း မီးအားထိန်းညှိပေးသည့် Transformer ကို စတင် လောင်ကျွမ်းခဲ့ခြင်းဖြစ်သည်။

Transformer ထားရှိရာ သွပ်မိုး အုတ်ညှပ်အဆောက်အဦအတွင်း၌သာ လှိုက်၍ လောင်ကျွမ်းခဲ့ပြီး ပြင်ပသို့ ကူးစက်ခြင်း မရှိခဲ့ပေ။

ရန်ကုန် ဗဟိုမီးသတ်၊ အလုံမီးသတ်၊ စမ်းချောင်းနှင့် ကြည့်မြင်တိုင် မီးသတ်စခန်းများမှ မီးသတ်ကားများနှင့် ရေသယ်ယာဉ်များ လာရောက် ငြှိမ်းသတ်ကြရာ နံနက် ၁ နာရီ ၁၅ မိနစ်တွင် မီးငြိမ်းသွားခဲ့သည်။

Transformer အပူရှိန် မြင့်မားလာမှုကြောင့် ရှော့ဖြစ်ကာ လောင်ရခြင်းဖြစ်ကြောင်း မီးသတ်ဦးစီးဌာနမှ တာဝန်ရှိသူက ပြောကြားကြောင်း သိရသည်။
( မဇ္ဈိမသတင်းဌာန မှ ကောက်နှုတ်ချက် )
+++++
ရန်ကုန်လက်ဝှေ့ပွဲ ဆူပူမှုဖြစ် ပြိုင်ပွဲမီးမှောင်ချပြီး ၀န်ကြီးကို ကာကွယ်ပေးရ

အားကစားဝန်ကြီး ဗိုလ်မှူးချုပ်သူရအေးမြင့် လက်ဝှေ့ပွဲ ကြည့်ရှုနေစဉ် ဆူပူမှုတရပ် ဖြစ်ပွားခဲ့ကြောင်း အဆိုပါပွဲကို ကိုယ်တိုင်သွားရောက်ကြည့်ရှုခဲ့သူများက ပြောသည်။

မတ်လ (၁) ရက်က ရန်ကုန် သုဝဏ္ဏ အားကစားရုံတွင် ကျင်းပသည့် ဒဂုံရွှေအောင်လံ လက်ဝှေ့ပြိုင်ပွဲအတွင်း ဖြစ်ပွားခဲ့ခြင်းဖြစ်သည်။ ပရိသတ်များ ဆူပူလာသည့်အတွက် ခန်းမကို မီးမှောင်ချပြီး လက်ဝှေ့ပွဲကြည့်နေသည့် အားကစားဝန်ကြီး ဗိုလ်မှူးချုပ် သူရအေးမြင့်အား လုံခြုံရေးများက အကာအကွယ်ပေးခဲ့ရကြောင်း ကိုယ်တိုင်ကြုံ တွေ့ခဲ့ရသူတဦးက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
၂၀၁၀ ရွေးကောက်ပွဲအတွက် ကချင်အဖွဲ့ ပါတီထောင်

ချင်းမိုင်(မဇ္ဈိမ)။ ။ စစ်အစိုးရ ပြုလုပ်မည့် ၂ဝ၁ဝ ရွေးကောက်ပွဲတွင် ဝင်ရောက် ယှဉ်ပြိုင်ရန်အတွက် ကချင်ပြည်နယ်တွင်း နိုင်ငံရေးပါတီအသစ် တခုကို ဖွဲ့စည်းရန် စိုင်းပြင်းနေကြသည်။

ကချင်ပြည်နယ် တိုးတက်သောပါတီ Kachin State Progressive Party (KSPP) ဟု အမည်ပေးထားပြီး အရပ်ဘက် လူများဖြင့်သာ ပါဝင်ဖွဲ့စည်းမည့် ထိုပါတီသည် တရားဝင်ပါတီ မဖြစ်သေးကြောင်း ကချင် ဒီမိုကရက်သစ် တပ်မတော်(အန်ဒီအေကေ)မှ ဥက္ကဌ ဇခုန်တင်ယိမ်းက ပြောသည်။ပါတီ၏ အဓိက ရည်ရွယ်ချက်သည် ကချင်ပြည်နယ်တွင် နေထိုင်ကြသည့် တိုင်းရင်းသားများ ကောင်းစားရေးအတွက် နိုင်ငံရေး လွတ်လွတ်လပ်လပ် ခံယူနိုင်ရေး၊ ဒေသ ဖွံ့ဖြိုးတိုးတက်လာရေးများကို အတူတကွ စည်းစည်းလုံးလုံး ပူးပေါင်း ဆောင်ရွက်နိုင်ရန်အတွက် ဖြစ်သည်ဟု သူက ပြောသည်။

ကချင်ပြည်နယ် ဖွံ့ဖြိုးတိုးတက်ရေး ပါတီ၏ အဖွဲ့ခေါင်းဆောင်မှာ ကချင်လွတ်မြောက်ရေး တပ်မတော်(ကေအိုင်အို)မှ ဒုတိယ ဥက္ကဋ္ဌ ဖြစ်သူ ဒေါက်တာ တူးဂျာဖြစ်ပြီး ကချင် ဒီမိုကရက်သစ် တပ်မတော်(အန်ဒီအေကေ)မှ ဒုတိယ ဆက်ဆံရေး တာဝန်ခံ ဗိုလ်မှူး မန်ချန် သိန်းဆောင်နှင့် ကချင်လွတ်မြောက်ရေး တပ်မတော်မှ ခွဲထွက်သည့် လဆန်အောင်ဝါအဖွဲ့မှ ဗိုလ်မှူး ဖုန်းရမ်တို့ ပါဝင်သည်ဟု ပြောသည်။

အကယ်၍ အဆိုပါ ပုဂ္ဂိုလ်များသည် ပါတီတည်ထောင်ခွင့် ပြုလျှင် သက်ဆိုင်ရာ ၎င်းတို့ အဖွဲ့အစည်း အသီးသီးမှ နုတ်ထွက်ရမည်ဟု ဆက်ပြောသည်။
်(မဇ္ဈိမသတင်းမှ ကောက်နှုတ်ချက်)
+++++
မြန်မာငွေတန်ဖိုးမြင့် ထိုင်း-မြန်မာနယ်စပ်ဖြတ်ခ တိုးကောက်


ဘတ်စ်ကားဖြင့် ဘန်ကောက်မှပြန်လာသည့် မြန်မာအလုပ်သမားများအား နယ်စပ်ဖြတ်ကျော်ခကို ယခင်က တဦးလျှင် ဘတ် (၁,၂၀၀) နှုန်း တရားမ၀င် ကောက်ခံရာမှ ယခင်လမှစပြီး မြန်မာငွေတန်ဖိုး မြင့်တက်လာ သောကြောင့် ဘတ် (၁,၅၀၀) သို့ တိုးကောက်ရခြင်းဖြစ်သည်ဟု မြန်မာလူပွဲစားများက ပြောသည်။ ယခင်က ဘန်ကောက်မှကားဖြင့် ပြန်လာသူများကို ထိုင်းဘက်ခြမ်း ထာ့အာရွာရှိ အမှတ် (၁) ဂိတ်မှတဆင့် မြန်မာဘက်ခြမ်း ဒီကေဘီအေဂိတ်သို့ ပြန်ပို့သော်လည်း ယခုအခါ ဘန်ကောက်ပြန်များအား လက်ရှိပို့ဆောင် နေသည့်ဂိတ်မှ မြဝတီမြို့တောင်ဘက်ရှိ ထိုင်းဘက် အမှတ် (၁၆) ဂိတ်မှတဆင့် မြန်မာဘက်ကမ်း (၉၉၉) ဒီကေဘီအေ ဂိတ်အသစ်တည်ရှိရာ ကြံခင်းဘက်သို့ ယခင်လဆန်းမှစတင်ကာ ထိုင်းလဝကမှ ပြောင်းလဲပို့ဆောင်ပေးသည်။

ယခုကဲ့သို့ ဂိတ်ပြောင်းရွှေ့ရခြင်းမှာ ယမန်နှစ်ကုန်ပိုင်းက လူပွဲစားများနှင့် လူကယ်ရီများ ကျက်စားရာ (၉၉၉) ဒီကေဘီအေဂိတ်သို့ နေပြည်တော်မှ လာရောက်ဖမ်းဆီးမှု ဖြစ်ပွားခဲ့အပြီးတွင် နာမည်ဆိုးဖြင့် ကျော်ကြားသည့် ယခင်ဂိတ်ဟောင်းမှ ယခုဂိတ်သစ်သို့ ပြောင်းလဲလုပ်ကိုင်ခြင်းဖြစ်သည်ဟု သိရသည်။ဒီကေဘီအေတပ်ဖွဲ့မှ အရာရှိတဦးက ယခုရရှိသည့်ငွေများအား အဖွဲ့၏ရန်ပုံငွေအဖြစ် အသုံးပြုခြင်းဖြစ်ပြီး အဓိက လူမှုရေး၊ ဘာသာရေး၊ ကျန်းမာရေးအတွက် အသုံးပြုသည်ဟု ပြောသည်။

ဘန်ကောက်ရှိ မြန်မာအလုပ်သမားများမှာ မြန်မာပြည်ပြန်သည့်အခါ ဘန်ကောက် မော်ချိကားဂိတ်မှ မဲဆောက်သို့ ဘတ်စ်ကားကြီးများဖြင့် ပြန်လာကြပြီး မဲဆောက်မြို့အဝင်ရှိ ဟွေ့ဟင်ဖွန် စစ်ဆေးရေးဂိတ် အရောက်တွင် ထိုင်းလဝကများ၏ ဖမ်းဆီးခြင်း ခံကြရသည်။

အဖမ်းခံရသူများအား ထိုင်းလဝကမှ အချုပ်ကားဖြင့် မဲဆောက်ကမ်းနားရှိ လဝကရုံးသို့ ခေါ်ဆောင်သွားပြီး ကိုယ်ရေး အချက်အလက်နှင့် ဓာတ်ပုံရိုက်ယူပြီးနောက် မြန်မာဘက်ခြမ်းရှိ ဒီကေဘီအေ (၉၉၉) ဂိတ်သို့ လွှဲပြောင်း ပို့ဆောင်ပေးခြင်းဖြစ်သည်။

ရာနှင့်ချီပို့ဆောင်ခံရသူများမှာ ဒီကေဘီအေဂိတ်အရောက်တွင် လူပွဲစားများက တဦးလျှင် ဘတ် (၉၀၀) နှုန်းဖြင့် ဒီကေဘီအေထံမှ ဝယ်ယူပြီး ပွဲစားများက အသီးသီးခေါ်ဆောင်သွားကာ တဦးလျှင် ဘတ် (၁,၅၀၀) နှုန်းဖြင့် တဆင့် ထပ်တောင်းပြီးမှ လိုရာသွားခွင့်ပြုခြင်းဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++
နာဂစ်ဒုက္ခသည်များ သောက်သုံးရေ အရေးပေါ် လိုအပ်

နယူးဒေလီ (မဇ္စျိမ)။ ။ နာဂစ်မုန်တိုင်းဒဏ် ခံခဲ့ရသည့် ဧရာဝတီတိုင်း လပွတ္တာမြို့နယ်ရှိ ကျေးရွာသားများ သောက်သုံးရေ အရေးပေါ် လိုအပ်နေကြောင်း နာဂစ်လေဘေး ကယ်ဆယ်ရေး အဖွဲ့တခုက ယနေ့ ပြောသည်။

မြို့နယ်အတွင်းရှိ ကျေးရွာ ၃၅ ရွာကျော်တွင် သောက်သုံးရေ ပြတ်လပ်နေသဖြင့် ရွာသားများက ကူညီပါရန် ကယ်ဆယ်ရေး လုပ်နေသူများထံ လာတောင်းနေကြောင်း ထိုင်းအခြေစိုက် Emergency Assistance Team-EAT-Burma ခေါ် အရေးပေါ်ကူညီပေးရေးအဖွဲ့ (မြန်မာနိုင်ငံ) က ပြောဆိုခြင်းဖြစ်သည်။ ရေရှားပါးလာသဖြင့် ရွာသားအများစုက မြို့ပေါ်တက်၍ သောက်သုံးရေ ၀ယ်သုံးကြရသည်။ လက်တွန်းလှည်းဖြင့် သောက်သုံးရေ ရောင်းသူများက ၅ ဂါလံ တပုံးလျှင် ယခင်က ကျပ် ၃၀၀ ရှိရာမှာ ယခုအခါ ကျပ် ၅၀၀ အထိ မြင့်တက်သွားသည်။

နွေရာသီ ခြောက်သွေ့ကာလဖြစ်သည့် ဖေဖော်ဝါရီလလယ်ပိုင်းမှ မေလလယ်အထိ သောက်သုံးရေ ပြဿနာ ပိုမိုကြီးထွားလာနိုင်ကြောင်းလည်း EAT-Burma က ခန့်မှန်းပြောဆိုသည်။

အလားတူ ဒေးဒရဲမြို့နယ်၊ အုန်းပင်ရွာရှိ ရွာသားတဦးကလည်း သောက်သုံးရေကန်တချို့တွင် လက်ကျန်ရေ ရှိနေသေးသော်လည်း မိုးဦးကာလ ရောက်သည်အထိ လုံလောက်မှု မရှိနိုင်ကြောင်း ပြောသည်။
(မဇ္စျိမသတင်းမှ ကောက်နှုတ်ချက်)
+++++
တသီးပုဂ္ဂလ လွှတ်တော် ကိုယ်စားလှယ်လောင်း ရည်ရွယ်သူများ ကွန်ယက်ဖွဲ့

နယူးဒေလီ (မဇ္စျိမ)။ ။ မြန်မာစစ်အစိုးရ၏ ၂၀၁၀ ရွေးကောက်ပွဲတွင် ၀င်ရောက် ယှဉ်ပြိုင်မည့်သူ ၂၅ ယောက်က တသီးပုဂ္ဂလ လွှတ်တော် ကိုယ်စားလှယ်လောင်းအဖြစ် ကွန်ယက်တခု ဖွဲ့စည်းလိုက်သည်။

“၂၀၁၀ ကို မုချ ဖြတ်ကိုဖြတ်ရတော့မယ်။ ပါတီအနေနဲ့ ဖြတ်မလား၊ တသီးပုဂ္ဂလ အနေနဲ့ ဖြတ်မလား၊ ပါတီစုံအနေနဲ့ ဖြတ်မလားဆိုတာ စဉ်းစားတဲ့အခါမှာ၊ Individual ဖြတ်မယ်ပေါ့။ အဲလို ဖြတ်မယ်ဆိုလည်း အားနည်းတယ်ဆိုတာ ကျနော်တို့ မြင်တယ်။ အဲဒါကို ဘယ်လို အားကောင်းအောင် ဘယ်လို လုပ်မလဲဆိုတာ တွေ့တယ်။ ကျနော် အဆိုပြုတယ်။ ဒါပေမဲ့ အားလုံး ၀င်ရောက် ဆွေးနွေးတယ်” ဟု ကွန်ယက်ဖြစ်ပေါ်လာရေး အဆိုပြူသူနှင့် ကွန်ယက်ဝင်ဖြစ်သူ ဘိုကလေးမြို့သား ကိုနေမျိုးဝေက ပြောသည်။

သူသည် မြန်မာ အတိုက်အခံများ၏ ဒီမိုကရေစီရေး လှုပ်ရှားမှုများအား ဝေဖန်စာများ ရေးသားကာ မကြာခဏ ဆိုသလို အင်တာနက် စာမျက်နှာထက် ပေးပို့နေသူ ဖြစ်သည်။
(မဇ္စျိမသတင်းမှ ကောက်နှုတ်ချက်)
+++++
ပြည်ပနိုင်ငံအသီးသီးမှ ပြန်လည်ရောက်ရှိလာသည့် မြန်မာလုပ်သားဦးရေ

ကမ္ဘာတစ်ဝန်း ရင်ဆိုင်နေရသော ငွေကြေး အကျပ်အတည်းများကြောင့် ပြည်ပ နိုင်ငံအသီးသီးတွင် သွားရောက် အလုပ်လုပ်ကိုင်လျက် ရှိသည့် မြန်မာနိုင်ငံသားများ နိုင်ငံအသီးသီးမှ မိခင်နိုင်ငံသို့ ၂၀၀၈ ခုနှစ်၊ ဒီဇင်ဘာလမှ စတင်၍ ပြန်လည် ရောက်ရှိလာကြရာ ယခုအခါ ၄င်းအရေအတွက်မှာ တစ်သောင်း နီးပါးခန့် ရှိနေပြီဖြစ်ကြောင်းနှင့် အဆိုပါ ပြန်လည် ၀င်ရောက်လာကြ သူများအတွက် နိုင်ငံအတွင်း သင့်လျော်သည့် အလုပ်အကိုင်များ ရှာဖွေပေးနိုင်ရန် စာရင်းများ ကောက်ယူလျက်ရှိကြောင်းလည်း သိရသည်။

နိုင်ငံတော်အနေဖြင့် နိုင်ငံ၏ ပြင်ပတွင် သွားရောက်အလုပ်လုပ် လုပ်ကိုင်နေကြသည့် ရွှေ့ပြောင်း လုပ်သားအရေအတွက်ကို နှစ်သန်း ခန့်ရှိနိုင်သည်ဟု ခန့်မှန်းထားပြီး အဆိုပါ လုပ်သားများ ပြန်လည် ရောက်ရှိလာပါက ပြည်တွင်း၌ အလုပ်အကိုင်များ ပေးနိုင်ရန် စီစဉ်ထားပြီး ဖြစ်သည်ဟုလည်း သိရသည်။
( ၀ိကလီအဲလဲဗင်း ဂျာနယ်မှ ကောက်နှုတ်ချက် )
+++++
တောင်သူလယ်သမား အခွင့်အရေး ချိုးဖောက်ခံရဟု ၈၈ ကျောင်းသားများက ပြောဆို

ချင်းမိုင် (မဇ္ဈိမ)။ ။ အတန်ကြာ ကွယ်ပျောက်နေသည့် ၈၈ မျိုးဆက် ကျောင်းသားအဖွဲ့က ယနေ့တွင် ကြေညာချက်တရပ် ထုတ်ပြန်လိုက်သည်။

ပြီးခဲ့သည့်နှစ် သြဂုတ် လဆန်းပိုင်းက ၈၈ ကျောင်းသားခေါင်းဆောင် ကိုထွန်းမြင့်အောင်၏ ပြည်ပ မီဒီယာများနှင့် ပြောဆိုပြီးနောက်ပိုင်း ၇ လခန့်အကြာ၌ တဖန် ပေါ်ထွက်လာခြင်း ဖြစ်သည်။

၈၈ ကျောင်းသားအဖွဲ့က တောင်သူလယ်သမားများ အခွင့်အရေးကို မြန်မာစစ်အစိုးရ ချိုးဖောက်နေသည့်အတွက် အပြင်းအထန် ရှုတ်ချကြောင်း ယနေ့ ကျရောက်သည့် ၄၇ နှစ်မြောက် တောင်သူလယ်သမားနေ့တွင် ထုတ်ဖော် ပြောဆိုခြင်းလည်း ဖြစ်သည်။
ဘိုးဘွားခေတ်ကတည်းက ဓားမဦးချ လယ်ယာမြေများတွင် လုပ်ကိုင်စားသောက်ခဲ့သည့် တောင်သူလယ်သမားများသည် နည်းအမျိုးမျိုးနှင့် စစ်အစိုးရ၏ ဖိနှိပ်မှုဒဏ်ကို ခါးသီးစွာ ခံစားနေရသည့်အပြင် မတရား ဖိနှိပ်ခံနေရမှုများလည်း ခံစားနေရသည်ဟု ၈၈ မျိုးဆက်ကျောင်းသားအဖွဲ့က ဆိုသည်။

၁၉၆၂ ခုနှစ် မတ်လ ၂ ရက်နေ့တွင် တပ်မတော်ခေါင်းဆောင် ဗိုလ်ချုပ်ကြီးနေ၀င်းက တော်လှန်ကောင်စီ အမည်ဖြင့် တိုင်းပြည်အာဏာကို ရယူခဲ့သည့်နေ့ကို တောင်သူလယ်သမားနေ့အဖြစ် သတ်မှတ်ခဲ့သည်။
(မဇ္စျိမသတင်းမှ ကောက်နှုတ်ချက်)
+++++
လျှပ်စစ်မီး ပြသာနာကြောင့် ရေ ပြတ်တောက်

ရန်ကုန်မြို့တော်သို့ အဓိက ရေပေးဝေနေသော ရေ အရင်းအမြစ်များမှ ပုံမှန် ရေပေးဝေမှုများ ဆောင်ရွက်လျက်ရှိသော်လည်း လျှပ်စစ်မီး အခက်အခဲကြောင့် မြို့တွင်း ဧရိယာများသို့ ရေတွန်းပို့နေသော ရေတွန်းစက်ရုံများ လည်ပတ်နိုင်ခြင်းမရှိဘဲ အချို့သော မြို့နယ်များတွင် ရေ ပြတ်တောက်မှုများ ဖြစ်ပေါ်ခဲ့ကြောင်း သတင်းရရှိသည်။
( ၀ိကလီအဲလဲဗင်း ဂျာနယ်မှ ကောက်နှုတ်ချက် )
+++++
ဆေးတပ်နှင့် သစ်တော ရန်ပွဲဖြင့် အဆုံးသတ်

ရွှေလီ (မဇျွိမ) ။ ။ ကချင်ပြည်နယ် ဗန်းမော်ခရိုင် ခယက ဥက္ကဋ္ဌ ဖလား ဘောလုံးပွဲ ကျင်းပရာ ယမန်နေ့က ပွဲစဉ်တွင် ဆေးတပ်အသင်းနှင့် ပြိုင်ဘက် သစ်တောအသင်း ကစားသမားများ ရန်ဖြစ်သဖြင့် ပွဲရပ်နားလိုက်ရသည်။

ဗန်းမော်မြို့ ဘောလုံးကွင်းအတွင်း ကျင်းပသည့် တတိယ နေရာလုပွဲအတွင်း ပထမပိုင်းတွင် သစ်တောဌာနက ၂ ဂိုး၊ ၁ ဂိုးဖြင့် အနိုင်ရထားပြီးနောက် ဒုတိယပိုင်းတွင် ခိုက်ရန် ဖြစ်ပွားခြင်းဖြစ်သည်။

(မဇ္စျိမသတင်းမှ ကောက်နှုတ်ချက်)
+++++
မတ်လ ၃ ရက်
ရက်သတ္တပတ် ၁၀ ၊ ၂၀၀၉
မြန်မာသတင်း

ရန်ကုန်တွင် တညတည်း ဗုံးနှစ်ကြိမ်ကွဲ


ရန်ကုန်တွင် မတ်လ (၃) ရက်နေ့ ညက ဗုံးပေါက်ကွဲမှု နှစ်ကြိမ်ဖြစ်ပွားခဲ့ကြောင်း ရန်ကုန်မြို့ခံများ၏ ပြောပြချက်အရ သိရသည်။

မတ်လ (၃) ရက်နေ့ည (၉) နာရီခွဲအချိန်တွင် ပြည်လမ်းနှင့် ဗားကရာလမ်းထောင့်ရှိ ပဒုမ္မာပန်းခြံတွင် ပေါက်ကွဲကြောင်း စမ်းချောင်းမြို့နယ် နေထိုင်သူတဦးက ပြောသည်။
ပဒုမ္မာပန်းခြံတွင် နေ့လယ်ပိုင်း၌ အိမ်သာတက်သူအချို့နှင့် တောင်းရမ်းစားသောက်သူ ကလေးအချို့ ဆော့ကစားတတ်ကြောင်း၊ ရံဖန်ရံခါ စုံတွဲအချို့ ထိုင်တတ်ကြောင်း၊ ညဘက်တွင် မီးရရှိမှု တခါမှမရှိကြောင်း၊ မှောင်နေသည့်အတွက် တဦးတယောက်မှ အပန်းဖြေလေ့မရှိကြောင်း စမ်းချောင်းသားတဦးက ပြောသည်။ ဗုံးပေါက်မှု နှစ်ခုလုံးတွင် သေဆုံးသူမရှိကြောင်း၊ ထိခိုက်ဒဏ်ရာလည်း မရရှိကြောင်း သိရသည်။

ယခုဖြစ်စဉ်မှာ စစ်အစိုးရက ထောင်သားပေါင်း ခြောက်ထောင်ကျော်ကို (၂၁.၂.၂၀၀၉) ရက်နေ့က လွတ်ငြိမ်းချမ်းသာခွင့် ပေးပြီးနောက်ပိုင်း ပထမဦးဆုံး ပေါက်ကွဲသော ဗုံးဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++
၂၀၁၀ မတ်လတွင် ရွေးကောက်ပွဲလုပ်ရန် စစ်အစိုးရ လျာထား


နယူးဒေလီ (မဇ္ဈိမ)။ ။ ၂၀၁၀ ခုနှစ် မတ်လတွင် အထွေထွေ ရွေးကောက်ပွဲ ကျင်းပရန် စစ်အစိုးရက လျာထားကြောင်း နေပြည်တော် သတင်းရပ်ကွက်များ အပြောအရ သိရသည်။

နိုင်ငံရေးပါတီများ ဖွဲ့စည်းခွင့်ကို သတ်မှတ်ပေးမည့် ရွေးကောက်ပွဲဆိုင်ရာ ဥပဒေနှင့် အချိန်ဇယားကို စစ်အစိုးရက အများသိအောင် ထုတ်ပြန်ကြေညာခြင်း မရှိသေးသော်လည်း လာမည့်နှစ် မတ်လအတွင်း ရွေးကောက်ပွဲ လုပ်သွားရန် ထိပ်တန်း စစ်ခေါင်းဆောင်များက စီစဉ်ထားသည်ဟု ဆိုသည်။

တရုတ်-မြန်မာ နယ်စပ်အခြေစိုက် စစ်ရေးလေ့လာသူ ဦးအောင်ကျော်ဇောကလည်း ၂၀၁၀ ခုနှစ် ပထမလေးလပတ်အတွင်း ရွေးကောက်ပွဲ ပြုလုပ်ဖွယ် ရှိသည်ဟု ပြောသည်။ မြန်မာ စစ်ခေါင်းဆောင်များသည် လေးလပတ် အစည်းအဝေးလုပ်ရန် စိုင်းပြင်းနေပြီး၊ ယခုလ ၆ ရက်နေ့မတိုင်မီ တိုင်းမှူးများ နေပြည်တော်သို့ ရောက်ကြောင်း သတင်းပို့ရန် မှာကြားထားသည်ဟု သတင်းရပ်ကွက်များက ဆိုသည်။
(မဇ္ဈိမသတင်းမှ ကောက်နှုတ်ချက်)
+++++
ဥပ္ပါတသန္တိစေတီ ဌာပနာပိတ်ပွဲနှင့် စိန်ဖူးတင်ပွဲ နေပြည်တော် ၀န်ထမ်းများအတွက် ဆိုင်ကယ်သော့ကြဲမည်


မတ်လ (၇) ရက်နှင့် (၈) ရက်နေ့တို့တွင် ကျင်းပမည့် နေပြည်တော် ဥပ္ပါတသန္တိစေတီ အထက်ဌာပနာပိတ်ပွဲနှင့် စိန်ဖူးတော် တင်ပွဲများသို့ နေပြည်တော်ဝန်ထမ်းအားလုံးကို မတက်မနေရ အမိန့်ထုတ်ထားပြီး မတက်ရောက် သည့်ဝန်ထမ်းအား အရေးယူရန် အာဏာပိုင်များက ညွှန်ကြားထားသည်။

ဥပ္ပါတသန္တိစေတီ အထက်ဌာပနာပိတ်ပွဲနှင့် စိန်ဖူးတင်ပွဲ များကို ၀န်ထမ်းများ တက်ချင်စိတ်ပေါ်လာရန် တရုတ်နိုင်ငံလုပ် တစီး (၁၂) သိန်းဝန်းကျင်တန်သည့် မော်တော်ဆိုင်ကယ်များကို မဲဖောက်ရန် အာဏာပိုင်များ က စီစဉ်ထားသည်ဟု ၀န်ထမ်းတဦးက ပြောသည်။

မော်တော်ဆိုင်ကယ် ဘယ်နှစီး မဲဖောက်မည် အတိအကျ မသိရသော်လည်း မော်တော်ဆိုင်ကယ်များကို မဲဖောက်ရာတွင် ဆိုင်ကယ်သော့ကို ပိုက်ဆံအကြွေကြဲသကဲ့သို့ ၀န်ထမ်းများကြား ကြဲမည်ဖြစ်သည့်အတွက် တဦးနှင့်တဦးတက်နင်းပြီး သေကုန်မည်ကို ၀န်ထမ်းများ စိုးရိမ်နေကြသည်။

ဥပ္ပါတသန္တိစေတီ အထက်ဌာပနာပိတ်ပွဲနှင့် စိန်ဖူးတင်ပွဲများကျင်းပမည့် မတ်လ (၇) ရက်နှင့် (၈) ရက်နေ့တို့ တွင် နေပြည်တော်ဝန်ထမ်းအားလုံး မည်သည့်ခွင့်မျှ မယူရန် ညွှန်ကြားထားသည့်ပြင် ခွင့်ယူထားပြီးသူများကို အမြန်ပြန်ခေါ်ရန် ညွှန်ကြားထားသည့်အတွက် ၀န်ထမ်းများ မကျေမနပ်ဖြစ်နေသည်ဟု စုံစမ်းသိရသည်။

ဥပ္ပါတသန္တိစေတီ အထက်ဌာပနာပိတ်ပွဲနှင့် စိန်ဖူးတင်ပွဲများ ကျင်းပမည့်နေရာကို ၀န်ကြီးဌာနပေါင်းစုံမှ ၀န်ထမ်းများအတွက် ကုလားထိုင်ခွဲတမ်းများ ချထားပေးပြီး လူစစ်မည်ဖြစ်သည်။ နေပူကျဲကျဲအောက်မှာ ၀န်ထမ်းများ ယူနီဖောင်းဝတ်စုံနှင့် တက်ရောက်ရမည်ဖြစ်သည့်အတွက် ပုိပြီး မကျေမနပ်ဖြစ်နေသည်ဟု ၀န်ကြီးရုံး အရာရှိတဦးကလည်း ပြောသည်။ ဥပ္ပါတသန္တိစေတီတော်ကြီး၏ ငှက်ပျောဖူးနှင့် ကြာမှောက် ကြာလှန် ရွဲတို့ကို ရွှေပြားကပ်မည်ဖြစ်သည့်အတွက် ငှက်ပျောဖူးအတွက် ရွှေသား (၉၆.၄၃) ပိဿာနှင့် ကြာမှောက် ကြာလှန် ရွဲတို့အတွက် ရွှေသား (၄၂) ပိဿာ စုစုပေါင်း ရွှေပိဿာချိန် (၁၃၈.၄၃) ပိဿာ ကုန်ကျမည်ဟု တာဝန်ရှိသူတဦးက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
ခြစားမှု ဖော်ထုတ်သူ ဧည့်စာရင်းမှုဖြင့် ဖမ်းခံရ

ချင်းမိုင် (မဇ္ဈိမ)။ ။ ရန်ကုန်တိုင်း တွံတေးမြို့ရှိ ဈေးသစ်ရပ်ကွက်တွင် လူ ၉ ဦးကို ဧည့်စာရင်း မတိုင်ဟုဆိုကာ ယမန်နေ့ည ၁ နာရီခန့်တွင် ဒေသ အာဏာပိုင်များက ဖမ်းဆီးသွားသည်။

မိဘမေတ္တာ ငါးဒိုင် ပိုင်ရှင် ဦးခင်ဇော်နှင့် အတူ လုပ်သားများဖြစ်ကြသော ဦးအောင်ကိုလတ်၊ ဦးထွေးလှ၊ ကိုနိုင်လင်း၊ ကိုသန်းမြင့်၊ ကိုဇော်မျိုးလတ်၊ ကိုကျော်သူလင်း၊ ဒေါ်တင့်တင်လှနှင့် သူမ၏ အသက်တနှစ်ကျော် ကလေးငယ်ကိုပါ ရပ်ကွက် အေးချမ်းယာယာရေးကောင်စီ ဥက္ကဋ္ဌ၊ ရာအိမ်မှူး၊ ရဲတပ်ဖွဲ့၊ လူဝင်မှုကြီးကြပ်ရေး၊ မီးသတ်နှင့် နယ်ထိန်းများက ဖမ်းဆီးသွားခြင်း ဖြစ်သည်။

ဦးခင်ဇော်သည် မြို့နယ် အမျိုးသား ဒီမိုကရေစီ အဖွဲ့ချုပ်ဝင်များနှင့် ပူးတွဲကာ အာဏာပိုင်များ၏ ဒေသတွင်း ခြစားမှုကို ဖော်ထုတ်နေသူဟု လူသိများပြီး ပြီးခဲ့သည့်လက ဒေါ်အောင်ဆန်းစုကြည်နှင့် ဦးတင်ဦး လွတ်မြောက်ရေး လက်မှတ်ရေးထိုး လှုပ်ရှားမှုတွင်လည်း လက်မှတ်ထိုး ပါဝင်ခဲ့သည်။ တွံတေးမြို့နယ် တရားရုံးတွင် သူတို့ အားလုံးကို ရယက ဥက္ကဋ္ဌ ဦးသန်းဦးမှ ဧည့်စာရင်းအမှုဖြင့် စွဲချက်တင်မည်ဟု သိရပြီး မြို့နယ် ဒီချုပ် ဥက္ကဌ ဗဟိုတရားရုံး ရှေ့နေ ဦးကြင်တိုးက တရားဆိုင်များအတွက် ရှေ့နေလိုက်ပါပေးနေသည်။

ပြီးခဲ့သည့်လ ၂၇ ရက်နေ့ ညသန်းခေါင်တွင် ရယက ဥက္ကဋ္ဌ ဦးသန်းဦး၊ အဖွဲ့ဝင်များနှင့် ရဲနှစ်ဦးက ဧည့်စာရင်း စစ်ဆေးခြင်း မပြုဘဲ၊ အလုပ်သမားများ၏ အိပ်ခန်းများသို့ ၀င်ရောက်ကာ အန်အယ်ဒီ အဖွဲ့ဝင်များအား ရှာဖွေသဖြင့် ဦးခင်ဇော်က ပိုင်နက်ကျူးလွန်မှုဖြင့် ရဲစခန်းတွင် တိုင်ကြားသော်လည်း စခန်းမှူးက ပယ်ချခဲ့သည်။

ဖမ်းဆီးမှုနှင့် ပတ်သက်ပြီး ပိုမိုသိရှိရန်အတွက် တွံတေးမြို့နယ် ရဲစခန်းသို့ ဆက်သွယ်မေးမြန်းရာ တာဝန်ရှိသူ တဦးက ဖမ်းဆီးမှု မှန်ကန်ကြောင်း ပြောသော်လည်း မည်သည့်အတွက် ဖမ်းရသည်ကို ပြောပိုင်ခွင့် မရှိကြောင်း ဆိုကာ ဖုန်းချသွားသည်။
(မဇ္ဈိမသတင်းမှ ကောက်နှုတ်ချက်)
+++++
ဦးကျော်တင့်ဆွေ ဒုတိယ နိုင်ငံခြားရေးဝန်ကြီး ဖြစ်ဖို့များ

မြန်မာနိုင်ငံဆိုင်ရာ ကုလသမဂ္ဂ အမြဲတမ်းကိုယ်စားလှယ်အဖြစ် တာဝန်ထမ်းဆောင်ခဲ့သူ ဦးကျော်တင့်ဆွေအား ဒုတိယ၀န်ကြီးရာထူးပေးရန် အလားအလာရှိကြောင်း ရန်ကုန် သံတမန်အသိုင်းအ၀န်းက ပြောသည်။

ဦးကျော်တင့်ဆွေအား ဒုတ်ိယ၀န်ကြီးရာထူးပေးမည့်ကိစ္စ သေချာသလောက်ရှိသည်ဟု ရန်ကုန် သံတမန်သတင်းရပ်ကွက်က ပြောသော်လည်း ခေတ်ပြိုင်မှ သီးခြားအတည်ပြုချက် မရသေးပေ။

သို့သော် ဦးကျော်တင့်ဆွေအား ဒုတ်ိယ၀န်ကြီးရာထူးခန့်လျှင် နိုင်ငံတကာအဖွဲ့အစည်းများနှင့် ပတ်သက်သည့် တာဝန်ပေးရန်များသည်ဟုလည်း သံတမန်အသိုင်းအ၀န်းတွင် ပြောဆို နေကြသည်။

အမေရိကန်နိုင်ငံ နယူးယော့ခ်မြို့တွင် တာဝန်ထမ်းဆောင်ခဲ့သည့် မြန်မာနိုင်ငံဆိုင်ရာ ကုလသမဂ္ဂ အမြဲတမ်းကိုယ်စားလှယ် ဦးကျော်တင့်ဆွေအား အသက် (၆၀) ပြည့်ပြီးနောက် (၂) ကြိမ်တိုင် သက်တမ်းတိုး တာဝန်ပေးထားခဲ့သည့်အတွက် စစ်အစိုးရက ပြန်ခေါ်ခဲ့သည်။

နယူးယော့ခ်အခြေစိုက် မြန်မာနိုင်ငံဆိုင်ရာ ကုလသမဂ္ဂ အမြဲတမ်းကိုယ်စားလှယ် ရာထူးမှာ စစ်အစိုးရ သိက္ခာကို ကာကွယ်ပေးရသူဖြစ်သည့်အတွက် စစ်အစိုးရအတွက် အရေးပါသည့် သံတမန်စစ်မျက်နှာတခုဖြစ်ပြီး ဦးကျော်တင့်ဆွေ နေရာကို မည်သူနှင့် အစားထိုးမလဲ ဆိုသည်ကို သံတမန်အသိုင်းအ၀န်းက စိတ်ဝင်တစား ဖြစ်နေကြသည်။

မြန်မာနိုင်ငံဆိုင်ရာ ကုလသမဂ္ဂ အမြဲတမ်းကိုယ်စားလှယ်အဖြစ် (၈) နှစ်ကြာ တာဝန်ယူခဲ့သည့် ဦးကျော်တင့်ဆွေသည် မြန်မာစစ်အစိုးရ ခေါင်းဆောင်ပိုင်းက ယုံကြည်စွာအားထားရသည့် သံတမန်တဦးအဖြစ် ထင်ရှားသည်။

ဦးကျော်တင့်ဆွေကို ၂၀၀၁ ခုနှစ် ဧပြီလမှစပြီး မြန်မာနိုင်ငံဆိုင်ရာ ကုလသမဂ္ဂ အမြဲတမ်း ကိုယ်စားလှယ် ခန့်အပ်ခဲ့ခြင်းဖြစ်သည်။ ကုလသမဂ္ဂ အထွေထွေညီလာခံ မြန်မာကိုယ်စားလှယ်အဖွဲ့ဝင်လည်း ဖြစ်သည်။ ၁၉၆၈ ခုနှစ်မှစပြီး နိုင်ငံခြားရေးဝန်ကြီးဌာနတွင် တာဝန်ထမ်းဆောင်ခဲ့သည်။
( ခေတ်ပြိုင်သတင်းမှ ကောက်နှုတ်ချက် )
+++++
ဘိန်းဖြူမှောင်ခိုဂိုဏ်း နှိမ်နင်းရာမှ ၅ ဦး ထိန်းသိမ်း

ရန်ကုန် (မဇ္ဈိမသတင်း)။ ။ နိုင်ငံတကာ မူးယစ်မှောင်ခို ကုန်သွယ်မှု လုပ်ငန်းကြီးနှင့် ဆက်စပ်ပြီး အနည်းဆုံးလူ ၅ ဦးကို ဇန်နဝါရီလကတည်းက စတင် ဖမ်းဆီးထားခဲ့ကြောင်းဖြင့် စစ်ဘက် အသိုင်းအဝိုင်း သတင်းရပ်ကွက်များမှ ပြောကြားပါသည်။

စင်္ကာပူသို့ ထွက်ခွါမည့် သင်္ဘောပေါ်ရှိ ကွန်တိန်နာများအတွင်းမှ ဘိန်းဖြူဘလောက်တုံး ၈၃ တုံးကို ဇန်နဝါ၇ီလ ၂၅ ရက်နေ့က ရဲတပ်ဖွဲ့က ဖမ်းဆီးရမိခဲ့ပြီးနောက် ရန်ကုန်မြို့ရှိ အထက်တန်းလွှာ ရပ်ကွက်များအတွင်း ဝင်ရောက်စီးနင်း ရှာဖွေမှုများ ပြုလုပ်ခဲ့အပြီး ဖမ်းဆီးမှုများ ပေါ်ပေါက်လာခဲ့ခြင်း ဖြစ်သည်။

အကြီးဆုံး စီးပွါးရေးမြို့တော်၏ အလုံမြို့နယ်ရှိ အေးရှားဝေါလ်ဒ် (Asia World) ဆိပ်ကမ်းတွင် ဆိုက်ကပ်ထားသည့် စင်္ကာပူသို့ ထွက်ခွါမည့် စင်္ကာပူအလံ လွှင့်တင်ထားသော Kota Tegap သင်္ဘောပေါ်မှ (Jewellery Lucky Company) JLC ကုမ္ပဏီပိုင် ကုန်သေတ္တာ ၃ လုံးအတွင်း ထည့်သွင်းထားသော သစ်လုံးများအတွင်းမှ ဘိန်းဖြူထုပ် များကို ရဲတပ်ဖွဲ့က ဖမ်းဆီးရမိခဲ့ခြင်း ဖြစ်သည်။

ဤဆိပ်ကမ်းမှာ ယခင်ဘိန်းဘုရင်ဟောင်း လော်စစ်ဟန်၏သား ထွန်းမြင့်နိုင် ပိုင်ဆိုင်ပြီး အမေရိကန် ဘဏ္ဍာရေးဌာန၏ နာမည်ပျက်စာရင်း သွင်းထားခြင်းခံရသူ ဖြစ်သည်။

ဤသို့ ရန်ကုန်ဆိပ်ကမ်းတွင် စီးနင်း ရှာဖွေအပြီး၊ ရဲတပ်ဖွဲ့က လှိုင်သာယာမြို့နယ်ရှိ FMI City အတွင်း ရှာဖွေဖမ်းဆီးမှုများ ဆက်လက်ပြုလုပ်ခဲ့ကာ နောက်ထပ် ဘိန်းဖြူဘလောက်တုံး ၃၂ဝ ထပ်မံ ဖမ်းဆီးရမိခဲ့သည်ဟု အဆိုပါ သတင်းရပ်ကွက်က ပြောပါသည်။

ရဲတပ်ဖွဲ့က JLC ကုမ္ပဏီ၏ အကြီးအကဲဖြစ်ဖွယ်ရှိသော ကျော်စိန်ကို ယင်း၏ ယောက်ဖဖြစ်သူ ရှီအန်း၊ ပို့ကုန်တာဝန်ခံ ဦးဝင်းညွန့်၊ တရုတ် အမျုိးသမီးတဦး အပါအဝင် အခြား တရုတ်နိုင်ငံသား ၃ ဦးတို့နှင့်အတူ ဘိန်းဖြူမှုနှင့် ဖမ်းဆီးခဲ့သည်။ သူတို့ကို ယခုအခါ တရားမဝင် မူးယစ်ဆေးဝါး ထိန်းချုပ်မှု ဥပဒေများဖြင့် အရေးယူ တရားစွဲဆိုထားသည်။
(မဇ္ဈိမသတင်းမှ ကောက်နှုတ်ချက်)
+++++
မတ်လ ၄ ရက်
ရက်သတ္တပတ် ၁၀ ၊ ၂၀၀၉
မြန်မာသတင်း

အာဏာရှင် ဦးနေ၀င်းသမီး ဒေါ်ခင်စန္ဒာဝင်း အထီးကျန်ဖြစ် နိုင်ငံကူးလက်မှတ်လျှောက်ထားမှုကို စစ်အစိုးရပယ်ချ


အာဏာရှင် ဦးနေ၀င်း၏သမီး ဒေါက်တာ ဒေါ်ခင်စန္ဒာဝင်း နေအိမ်အကျယ်ချုပ်မှ လွတ်မြောက်လာသော်လည်း အထီးကျန်နေပြီး ခရစ်ယာန်ဘာသာအတွင်း ၀င်ရန် ထုတ်ဖော်ပြောဆိုမှုများ ရှိသည်ဟု ၎င်းအား သွားရောက်တွေ့ဆုံခဲ့သည့် အမေတူအဖေကွဲ ညီမ ဒေါ်သော်တာဝင်းနှင့် နီးစပ်သူတဦးက ပြောသည်။ ယခင်က ကားကြီး ကားငယ်များ မပြတ်တမ်း ၀င်ထွက်သွားလာခဲ့သည့် ဒေါ်ခင်စန္ဒာဝင်း အိမ်ဝင်းထဲသို့ တနေကုန်၍မျှ ကားတစီးလာသည်ကို မတွေ့ရတော့ကြောင်း၊ ညနေစောင်းများတွင် အနီးရှိ ခရစ်ယာန် ဘုရားကျောင်းသွားကာ ဘုန်းတော်ကြီးများနှင့် စကားပြောနေသည်ကို တွေ့ရကြောင်း အိမ်နီးချင်းတဦးက ပြောသည်။

ဒေါ်ခင်စန္ဒာဝင်းက နိုင်ငံကူးလက်မှတ် လျှောက်ထားသော်လည်း နအဖအစိုးရက ချပေးခြင်းမရှိဟု အစိုးရနှင့် နီးစပ်သည့် သတင်းရပ်ကွက်က ပြောသည်။ ဒေါ်ခင်စန္ဒာဝင်းသည် နအဖစစ်အစိုးရ၏ (၆) နှစ်ကြာ နေအိမ်အကျယ်ချုပ်ချထားမှုမှ ၂၀၀၈ ခုနှစ် ဒီဇင်ဘာလတွင် ပြန်လွတ်လာခဲ့သည်။

နအဖက ဦးအေးဇော်ဝင်း၊ ဒေါ်ခင်စန္ဒာဝင်းနှင့် သားသုံးဦးကို နိုင်ငံတော်အာဏာသိမ်း ရန်ကြံစည်မှုဖြင့် ၂၀၀၂ ခုနှစ်က အရေးယူခဲ့သည်။ ခင်ပွန်းနှင့် သားများကို သေဒဏ်ချမှတ်ခဲ့ပြီး ဒေါ်ခင်စန္ဒာဝင်းကို နေအိမ်အကျယ်ချုပ် ချခဲ့သည်။
( ခေတ်ပြိုင် သတင်းမှ ကောက်နှုတ်ချက် )
+++++
လူ့အခွင့်အရေးအဖွဲ့ အစီရင်ခံစာအတွက် မီဇိုများက အပြစ်တင်


နယူးဒေလီ (မဇ္ဈိမ) – လူ့အခွင့်အရေး စောင့်ကြည့်ရေးအဖွဲ့ (HRW) က ထုတ်ပြန်ခဲ့သော အစီရင်ခံစာ တရပ်အတွက် အိန္ဒိယနိုင်ငံ အရှေ့မြောက်ပြည်နယ် မီဇိုရမ်မှ အရပ်ဘက် အဖွဲ့အစည်းတရပ်က ဤဒေသအတွင်း နေထိုင်သော ချင်းလူမျိုးများကို သူတို့အား တောင်းပန်ရန် တောင်းဆို လိုက်ကြပါသည်။

မီဇိုရမ်ပြည်နယ်ရှိ အရပ်ဘက် အဖွဲ့အစည်း တရပ်ဖြစ်သော မီဇိုလူငယ်အဖွဲ့ (YMA) က ချင်းအဖွဲ့အစည်း အနည်းဆုံး ၂၃ ခုကို အစည်းအဝေး တက်ရောက်ရန် ဆင့်ခေါ်ကာ ထိုလူ့အခွင့်အရေး အစီရင်ခံစာတွင် မီဇိုလူမျိုးများက ချင်းလူမျိုး များကို နှိပ်စက်သည်ဟူသော HRW ၏ စွပ်စွဲ ရေးသားမှုအတွက် ငြင်းဆိုပြောကြားပေးရန် သူတို့ကို တောင်းဆိုခဲ့ကြသည်။

မြန်မာနိုင်ငံမှ ထွက်ပြေး ရောက်ရှိလာသော ချင်းလူမျိုးများကို မီဇိုလူမျိုးများက နှိပ်စက်သည်ဟု HRW က စွပ်စွဲရေး သားခဲ့ခြင်းကို YMA ဗဟိုအဖွဲ့က အလွန် ဒေါသထွက်ခဲ့ကြောင်း အစည်းအဝေးသို့ တက်ရောက်ခဲ့သည့် ချင်းလူမျိုး ကိုယ်စားလှယ်တဦးက မဇ္ဈိမကို ပြောသည်။

ပြည်နယ်အတွင်း ရောက်ရှိ နေထိုင်နေကြသော ချင်းလူမျိုး အသိုင်းအဝိုင်းကို YMA ၏ ဆက်ဆံပုံနှင့် ပတ်သက်၍ တလွဲ သတင်းပေးခဲ့သည်ဟု CYMA ၏ ဥက္ကဌ ဂျေအိပ်ခ်ျဇိုရမ်ထန်းငါ (J. H. Zoremthanga) က ချင်းခေါင်းဆောင်များ ကို စွပ်စွဲပြောကြားခဲ့သည်။


HRW ၏ ဇန်နဝါရီလအတွင်းက ထုတ်ပြန်ခဲ့သော ‘မေ့ပျောက်ခံ ပြည်သူတွေလိုပါဘဲ’ ဟူသော အစီရင်ခံစာတွင် မြန်မာနိုင်ငံ အနောက်ပိုင်း ချင်းပြည်နယ်တွင် နေထိုင်ကြသော ချင်းလူမျိုးများသည် စစ်အစိုးရ လက်အောက်တွင် ဆင်းရဲ ဒုက္ခများကို လူမသိသူမသိ တိတ်ဆိတ်စွာ ခံစားခဲ့ကြရကြောင်း၊ စနစ်တကျ နှိပ်စက် ညှဉ်းပန်းမှုများကြောင့် ထောင်ပေါင်းများစွာသည် အိမ်နီးချင်းနိုင်ငံ၊ အထူးသဖြင့် အိန္ဒိယနိုင်ငံ အရှေ့မြောက်ပြည်နယ် မီဇိုရမ်သို့ ထွက်ပြေးရောက်ရှိ လာခဲ့ကြကြောင်း ရေးသားထားသည်။

ဤသို့ ရွှေ့ပြောင်းရောက်ရှိလာသော ချင်းလူမျိုးများသည် မီဇိုရမ်ပြည်နယ် အပါအဝင် အိန္ဒိယနိုင်ငံရှိ အိမ်ရှင်လူမျိုး အသိုင်းအဝိုင်းများ၏ ရန်လိုစွာ ဆက်ဆံမှုကို နောက်ထပ် ကြုံတွေ့ရပြန်ကြောင်းလည်း အစီရင်ခံစာတွင် ရေးသားထားသည်။ အထူးသဖြင့် YMA အကြောင်း ရေးသား ဖော်ပြထားပြီး၊ ချင်းလူမျိုးများသည် ဤအဖွဲ့၏ နှိပ်စက်မှုနှင့် အကြိမ်ပေါင်းများစွာ နှင်ထုတ်ခြင်းကို ခံခဲ့ရကြောင်း ရေးသားထားသည်။
( (မဇ္ဈိမသတင်းမှ ကောက်နှုတ်ချက် )
+++++
်မြန်မာလိုင်းကား ဆန့်ကျင်ရေး မဲဆောက်ထိုင်းလိုင်းကားများ ဆန္ဒပြ

ယနေ့နံနက်က ထိုင်းဘက်ကမ်း ချစ်ကြည်ရေးတံတားမှ မဲဆောက်သို့ပြေးဆွဲသည့် ထိုင်းခရီးသည်တင် လိုင်းကားအသင်းက မဲဆောက်မြို့တွင်း မြန်မာခရီးသည်တင်ကား ပြေးဆွဲမှုကို ရပ်တန့်ရန် ဆန္ဒပြတောင်းဆိုကာ နှစ်နိုင်ငံချစ်ကြည်ရေးတံတားကို မော်တော်ယာဉ် အစီး (၁၅၀) ခန့်ဖြင့် ပိတ်ဆို့လိုက်သဖြင့် မဲဆောက်-မြဝတီ နယ်စပ် ကုန်သွယ်ရေးလုပ်ငန်း ရပ်တန့်သွားသည်။

မြန်မာနိုင်ငံ မြဝတီဘက်မှလာသည့် ခရီးသည်တင်ကား အစီး (၁၀၀) ခန့်သည် နေ့စဉ် မြဝတီမှမဲဆောက်သို့ ပြေးဆွဲရာတွင် ခရီးသည်များ သွားလိုရာသို့ အိမ်တိုင်ရာရောက် လိုက်လံပို့ဆောင်ပေးမှုကြောင့် မြန်မာကားများ ခရီးသည်ပိုမိုရရှိပြီး ထိုင်းလိုင်းကားစီးသူဦးရေ ကျဆင်းလာကာ ဝင်ငွေထိခိုက်မှုကြောင့် ယခုကဲ့သို့ ဆန္ဒပြခြင်းဖြစ်သည်ဟု မော်တော်ယာဉ် အစည်းအရုံးဥက္ကဋ္ဌ နိုင်စုံဘွန်းထဝီဖိုင်းဘွန်းစကွန် ကပြောသည်။
( ခေတ်ပြိုင်မှ ကောက်နှုတ်ချက် )
+++++
ဆန်းဆန်းပြားပြား ကုမ္ပဏီက ၂၀၁၀ ရွေးကောက်ပွဲတွင် ပါဝင်မည်မဟုတ်

ချင်းမိုင်(မဇ္ဈိမ)။ ။ ရန်ကုန်ရှိ မြန်မာ့ ဆန်းဆန်းပြားပြား ကုမ္ပဏီသည် ၂ဝ၁ဝ ရွေးကောက်ပွဲ ဝင်ပြိုင်မည်ဟူသော သတင်းများ ပေါ်ထွက်နေသဖြင့် လူသားအရင်းအမြစ် စွမ်းဆောင်ရည် မြှင့်တင်ရေး အလုပ်များ လုပ်သည့် အဆိုပါ ကုမ္ပဏီက မဟုတ်မှန်ကြောင်း ယနေ့ ငြင်းဆိုသည်။

အဖွဲ့၏ အင်တာနက် ၀ဘ်ဆိုဒ်တွင် လစ်ဗင်းကာလာ မဂ္ဂဇင်းနှင့် The Voice ဂျာနယ် ထုတ်ဝေသူ ဦးနေ၀င်းမောင် အပါအ၀င် တတ်သိပညာရှင်များ၊ စီးပွားရေး လုပ်ငန်းရှင်များ ၇ ဦးဖြင့် ဖွဲ့စည်းထားသည်ဟု ဖော်ပြထားသည့် Myanmar Egress ခေါ် မြန်မာ့ ဆန်းဆန်းပြားပြား ကုမ္ပဏီက ငြင်းဆိုခြင်း ဖြစ်သည်။
(မဇ္ဈိမသတင်းမှ ကောက်နှုတ်ချက်)
+++++
နေပြည်တော် ဥပ္ပါတသန္တိစေတီ စိန်ဖူးတင်ပွဲ အိုဘားမား ကျမ်းက်ျိန်ပွဲထက် လုံခြုံရေးပိုကျပ်


လာမည့် စနေနှင့် တနင်္ဂနွေနေ့တို့တွင် ကျင်းပမည့် နေပြည်တော် ဥပ္ပါတသန္တိစေတီတော် အထက် ဌာပနာပိတ်ပွဲနှင့် စိန်ဖူးတင်ပွဲ တက်ရောက်မည့် နေပြည်တော်ဝန်ထမ်းများအား လုံခြုံရေးတင်းကျပ်သည့်အနေဖြင့် အောက်ပါ ပစ္စည်းများ မယူလာရန် အမိန့်ထုတ်ထားသည်။

တားမြစ်ထားသည့် ပစ္စည်းများမှာ
-ဘောလ်ပင်
-Laptop ကွန်ပျူတာ
-ပီဒီအေ
-လက်ပတ်နာရီ
-ဆွဲကြိုး၊ လက်ကောက် စသည့် လက်ဝတ်ရတနာများ။
-သော့တွဲ
-သောက်ရေဘူး
-ဦးထုတ် မဆောင်းရ
ဥပ္ပါတသန္တိစေတီတော် အထက် ဌာပနာပိတ်ပွဲနှင့် စိန်ဖူးတင်ပွဲ တက်ရောက်မည့် ၀န်ထမ်းများကို စနေနေ့ မနက်အစောကြီး (၃) နာရီခွဲ၌ ကားများဖြင့် လာခေါ်မည်ဖြစ်သော်လည်း ဌာပနာပိတ်ပွဲသည် မနက် (၇) နာရီမှ (၁၀) နာရီဖြစ်သည့်အတွက် နေပူထဲ ဆောင်းစရာမပါဘဲ ထိုင်နေရမှာဖြစ်သည်ဟုလည်း အဆိုပါဝန်ထမ်းက ပြောသည်။
( ခေတ်ပြိုင်မှ ကောက်နှုတ်ချက် )
+++++
ကေအင်ယူကို ထိုင်းနယ်မြေထဲမှ ထွက်ခွာသွားရန် ဖိအားပေးဟု ဆို

နယူးဒေလီ (မဇ္ဈိမ)။ ။ သူတို့၏ ပိုင်နက်နယ်မြေထဲတွင် အခြေမချရန် ထိုင်းနိုင်ငံက သတိပေးပြီးနောက် ကရင်အမျိုးသား အစည်းအရုံး - ကေအန်ယူ အဖွဲ့ဝင်များသည် မြန်မာနိုင်ငံအတွင်း ရွှေ့ပြောင်းနေပြီဟု အဖွဲ့နှင့် နီးစပ်သည့် သတင်းရပ်ကွက်က ပြောသည်။

နယ်စပ်မြို့ မဲဆောက်ရှိ ထိုင်းအာဏာပိုင်များက ထိုင်းနိုင်ငံ နယ်မြေတွင် မနေဘဲ ထွက်ခွာသွားရန် အေအန်ယူ ခေါင်းဆောင်များကို မကြာမီက ပြောကြားခဲ့ခြင်း ဖြစ်သည်။
(မဇ္ဈိမသတင်းမှ ကောက်နှုတ်ချက်)
+++++
၂၀၁၀ မတ်လတွင် ရွေးကောက်ပွဲလုပ်ရန် စစ်အစိုးရ လျာထား


နယူးဒေလီ (မဇ္ဈိမ)။ ။ ၂၀၁၀ ခုနှစ် မတ်လတွင် အထွေထွေ ရွေးကောက်ပွဲ ကျင်းပရန် စစ်အစိုးရက လျာထားကြောင်း နေပြည်တော် သတင်းရပ်ကွက်များ အပြောအရ သိရသည်။

နိုင်ငံရေးပါတီများ ဖွဲ့စည်းခွင့်ကို သတ်မှတ်ပေးမည့် ရွေးကောက်ပွဲဆိုင်ရာ ဥပဒေနှင့် အချိန်ဇယားကို စစ်အစိုးရက အများသိအောင် ထုတ်ပြန်ကြေညာခြင်း မရှိသေးသော်လည်း လာမည့်နှစ် မတ်လအတွင်း ရွေးကောက်ပွဲ လုပ်သွားရန် ထိပ်တန်း စစ်ခေါင်းဆောင်များက စီစဉ်ထားသည်ဟု ဆိုသည်။
(မဇ္ဈိမသတင်းမှ ကောက်နှုတ်ချက်)
+++++
မတ်လ ၆ ရက်
ရက်သတ္တပတ် ၁၀ ၊ ၂၀၀၉
မြန်မာသတင်း

ဥပ္ပါတသန္တိစေတီ ပွဲတော်၌ ချားရဟတ်ကြီး ပြုတ်ကျ လူသေဆုံး


နေပြည်တော် ဥပ္ပါတသန္တိစေတီတော်ကြီး အထက်ဌာပနာပိတ်ပွဲနှင့် စိန်ဖူးတင်ပွဲများကို မတ်လ (၇) ရက်နှင့် (၈) ရက်တို့တွင် ကျင်းပမည်ဖြစ်သည့်အတွက် ဥပ္ပါတသန္တိစေတီရှေ့ကွင်းပြင်ရှိ ပျော်ပွဲရွှင်ပွဲများကျင်းပသည့်နေရာမှ ချားရဟတ်ကြီး ပြုတ်ကျသည့်အတွက် လူ (၂၀) ကျော် သေဆုံးသွားသည်ဟု မျက်မြင်သက်သေများက ပြောသည်။

ဥပ္ပါတသန္တိစေတီတော် တည်ဆောက်စဉ်ကာလကလည်း အလုပ်သမား (၁၈) ဦး လုပ်ငန်းခွင်ထိခိုက်ပြီး သေဆုံးခဲ့သည်။ ထို့ကြောင့် နေပြည်တော်ဝန်းကျင်ကျေးရွာများနှင့် ၀န်ထမ်းများက ဥပ္ပါတသန္တိစေတီတော်ကြီးအား ခိုက်သည်ဟု ပြောဆိုနေကြသည်။ မတ်လ (၁၀) ရက် တပေါင်းလပြည့်တွင် ဆွမ်းဆန်စိမ်းလောင်းပွဲနှင့် စာအောင်သံဃာများအား ဘွဲ့လက်မှတ် ဆက်ကပ်ပွဲကို ခါတိုင်း ရန်ကုန် ကမ္ဘာအေးတွင် ကျင်းပသော်လည်း ယခုနှစ်တွင် ဥပ္ပါတသန္တိစေတီ ထီးတင်ပွဲကျင်းပမည့် တပေါင်းလပြည့်မှာ ကျင်းပမည်ဖြစ်သည်။

သံဃာအပါး (၇၀၀) အား ပျဉ်းမနားမြို့တွင်းမြို့ပြင် ဘုန်းကြီးကျောင်းများတွင် တည်းခိုခွင့်၊ သွားလာခွင့် ပိတ်ပင်ထားသည်ဟုလည်း စုံစမ်းသိရသည်။
( ခေတ်ပြိုင်သတင်းမှ ကောက်နှုတ်ချက် )
+++++
၂၀၁၀ ရွေးကောက်ပွဲ ၀င်မည့် ပါတီများ Joint Action ဖွဲ့မည်

နယူးဒေလီ (မဇ္စျိမ)။ ။ မြန်မာစစ်အစိုးရ၏ လမ်းပြမြေပုံ ၇ ဆင့်ကို ထောက်ခံသူများနှင့် ဖွဲ့စည်းထားသည့် ရန်ကုန်ရှိ နိုင်ငံရေး အင်အားစုတခုက ၂၀၁၀ ရွေးကောက်ပွဲတွင် ယှဉ်ပြိုင်ရန် ပူးတွဲ ဆောင်ရွက်ရေးအဖွဲ့ - Joint Action ဖွဲ့စည်းမည့် အစည်းအဝေးကို ယခုလ ၁၅ ရက်နေ့တွင် ရန်ကုန်၌ ကျင်းပသွားမည်ဟု ဆိုသည်။

နိုင်ငံရေး အဖွဲ့အစည်း ၁၁ ဖွဲ့နှင့် ဖွဲ့စည်းထားသည့် ပြည်ထောင်စု မြန်မာနိုင်ငံ အမျိုးသားနိုင်ငံရေး အင်အားစုက တသီးပုဂ္ဂလ၊ ပါတီတခုချင်းစီ မဟုတ်ဘဲ စုပေါင်းကာ ရွေးကောက်ပွဲ ၀င်ရောက်ရေး ဆွေးနွေးရန် စီစဉ်ထားခြင်း ဖြစ်သည်။ ထိုအင်အားစုတွင် တသီးပုဂ္ဂလနှင့် ညီလာခံကိုယ်စားလှယ်များ၊ မျိုးချစ် အမျိုးသားနိုင်ငံရေး အစည်းအရုံး (တောင်တွင်းကြီး)၊ ၀ံဿနု NLD (မြန်မာနိုင်ငံ)၊ ဒီမို NLD (စစ်ကိုင်းတိုင်း)၊ အမျိုးသား နိုင်ငံရေး အင်အားစု (ရခိုင်ပြည်နယ်)နှင့် ခေတ်သစ်သိပံ္ပ နိုင်ငံရေးဘောဂဗေဒ လေ့လာရေး မျိုးဆက်သစ် ကျောင်းတော်သားစု အဖွဲ့ အပါအ၀င် အဖွဲ့ပေါင်း ၁၁ ဖွဲ့ ပါရှိသည်။

၂၀၀၇ ခုနှစ်တွင် စတင်ဖွဲ့စည်းခဲ့ကာ၊ မြန်မာစစ်အစိုးရ၏ အခြေခံဥပဒေ ပေါ်ပေါက်ရေး၊ စီးပွားရေးပိတ်ဆို့မှု ဆန့်ကျင်ရေး ဟောပြောပွဲများအပြင် ၂၀၀၈ ဆန္ဒခံယူပွဲ အောင်မြင်ရေး စည်းရုံးလှုံ့ဆော်ခဲ့သည်။
(မဇ္စျိမသတင်းမှ ကောက်နှုတ်ချက်)
+++++
လက်နက်ချရန် ပြောဆိုလာသည့် ကချင်ငြိမ်းအဖွဲ့


ရွေးကောက်ပွဲအပြီး ရုပ်သေးအရပ်သား အစိုးရတက်လာသည့်အချိန်တွင် လက်နက်ချရေး ပြောလာပါက လက်နက်ချရန် အသင့်ရှိကြောင်း ကချင်အပစ်အခတ်ရပ်စဲရေး အဖွဲ့ခေါင်းဆောင်တဦးက ခေတ်ပြိုင်သို့ပြောသည်။

၂၀၁၀ ရွေးကောက်ပွဲဝင်ရောက်မည့် ကချင်နိုင်ငံရေးပါတီဖွဲ့စည်းရေးနှင့် ပတ်သက်ပြီး ကချင်အပစ်အခတ် ရပ်စဲရေးအဖွဲ့တခုဖြစ်သည့် (အန်ဒီအေကေ) ကချင်ဒီမိုကရေစီသစ်တပ်မတော်-ကချင်အဖွဲ့ ဥက္ကဋ္ဌ ဦးဇခုန်တိန့်ယိန်း နှင့် ခေတ်ပြိုင် သီးသန့်တွေ့ဆုံမေးမြန်းခန်းတွင် ယခုကဲ့သို့ ပြောကြားခြင်းဖြစ်သည်။

စစ်အစိုးရနှင့် အပစ်အခတ်ရပ်စဲထားသည့် တိုင်းရင်းသားလက်နက်ကိုင်အဖွဲ့များအနက် လက်နက်ချရန် အသင့်ရှိသည်ဟု အန်ဒီအေကေအဖွဲ့က ပထဆုံး ထုတ်ဖော်ပြောဆိုခြင်း ဖြစ်သည်။
( ခေတ်ပြိုင်သတင်းမှ ကောက်နှုတ်ချက် )
+++++
ခြစားမှု ဖော်ထုတ်သူ အာမခံဖြင့် ပြန်လွှတ်လာ

ချင်းမိုင် (မဇ္ဈိမ)။ ။ ဧည့်စာရင်း မတိုင်ကြားဟုဆိုကာ ရန်ကုန်တိုင်း တွံတွေးမြို့ ဈေးသစ်ရပ်ကွက်တွင် နေထိုင်သူ ၉ ဦးကို ယခုလ ၃ ရက်နေ့က ဖမ်းဆီးခဲ့ရာမှ မြို့နယ်တရားရုံးက အာမခံကြေး ကျပ်ငွေ ၂၇ သိန်းဖြင့် ယမန်နေ့က ပြန်လွှတ်ပေးလိုက်သည်။

သူတို့ကို တွံတေးမြို့ အန်အယ်ဒီ လူငယ်တာဝန်ခံ ကိုရဲထွဋ်ခေါင်နှင့် ရပ်ကွက်လူကြီး ၅ ဦးက ကျပ် ၂၇ သိန်းနှင့်အတူ မြို့နယ်တရားရုံးတွင် အာမခံခဲ့ရခြင်း ဖြစ်သည်။

ဖမ်းဆီးခံခဲ့သူများအနက် မိဘမေတ္တာ ငါးဒိုင်ပိုင်ရှင် ဦးခင်ဇော်သည် မြို့နယ် အန်အယ်ဒီ အဖွဲ့ဝင်များနှင့် ပူးတွဲကာ ဒေသအာဏာပိုင်များ၏ ခြစားမှုကို ဖော်ထုတ်သူဟု လူသိများပြီး၊ ပြီးခဲ့သည့်လက ဒေါ်အောင်ဆန်းစုကြည်နှင့် ဦးတင်ဦး လွတ်မြောက်ရေး လက်မှတ်ရေးထိုး လှုပ်ရှားမှုတွင်လည်း လက်မှတ်ထိုး ပါဝင်ခဲ့သည်။
( မဇ္ဈိမသတင်းမှ ကောက်နှုတ်ချက် )
+++++
ပြင်သစ်ယဉ်ကျေးမှုပွဲ သတင်းများ စီစစ်ရေးက ပိတ်


ပြင်သစ်သံရုံးလက်အောက်ရှိ ပြင်သစ်ယဉ်ကျေးမှုဌာနက ကျင်းပသောပွဲသတင်းများ မြန်မာစာနယ်ဇင်းများတွင် ထည့်သွင်းဖော်ပြခြင်းကို စိစစ်ရေးက ပိတ်ပင်ထားကြောင်း ရန်ကုန်စာနယ်ဇင်းသမားများက ပြောသည်။ပြင်သစ်ယဉ်ကျေးမှုဌာနမှ ပြင်သစ်စာပေ သင်ကြားပေးမှုအပြင် ယဉ်ကျေးမှုနှင့် ပတ်သက်သော ပြပွဲ၊ ပြိုင်ပွဲများ၊ ဆွေးနွေးပွဲများ၊ သင်တန်းများကို ပို့ချပေးနေသည်။ဌာနမှဖွင့်သော သင်တန်းအချို့တွင် သတင်းသမားများနှင့် ဆိုင်သော သင်တန်းများပါရှိ၍ တက်ရောက်ပါက အာဏာပိုင်များ၏ စောင့်ကြည့်မှုခံရသည်ဟု ပြည်တွင်းသတင်းထောက်တဦးက ပြောသည်။
( ခေတ်ပြိုင်သတင်းမှ ကောက်နှုတ်ချက် )
+++++
နိုင်ငံတကာ ထေရ၀ါဒ ဗုဒ္ဓတက္ကသိုလ်များ၏ အစည်းအဝေး စစ်ကိုင်းတောင်မှာ ကျင်းပ

ချင်းမိုင် (မဇ္ဈိမ)။ ။ ၂၁ နိုင်ငံမှ ကိုယ်စားလှယ်များဖြင့် နိုင်ငံတကာ ထေရ၀ါဒ ဗုဒ္ဓတက္ကသိုလ်များ၏ ဒုတိယအကြိမ်မြောက် အစည်းအဝေးကြီးကို စစ်ကိုင်းတောင်ရှိ သီတဂူကမ္ဘာ့ဗုဒ္ဓ တက္ကသိုလ်၌ ယမန်နေ့မှစ၍ ကျင်းပနေသည်။ ယမန်နေ့က အစည်းအဝေးဖွင့်ပွဲတွင် သီတဂူဆရာတော် ဒေါက်တာ အရှင်ဉာဏိဿရကို အစည်းအဝေး တက်ရောက်လာသော ထိုင်းနိုင်ငံ မဟာမကုဋ် တက္ကသိုလ် ကိုယ်စားလှယ်များက ဂုဏ်ထူးဆောင် ဒေါက်တာဘွဲ့ ဆက်ကပ်ခဲ့သည်။
အစည်းအဝေးသို့ ထိုင်း၊ မြန်မာ၊ လာအို၊ ကမ္ဘာဒီးယား၊ သီရိလင်္ကာ၊ အိန္ဒိယ၊ ဂျပန်၊ အမေရိကန်၊ တောင်အာဖရိက၊ မလေးရှား၊ အင်ဒိုနီးရှား အပါအဝင် ၂၁ နိုင်ငံရှိ ဗုဒ္ဓတက္ကသိုလ်များမှ ကိုယ်စားလှယ်များ၊ နိုင်ငံတော် သံဃမဟာနာယက ဆရာတော်ကြီးများ၊ ဧည့်သည်တော်များ စုစုပေါင်း ထောင်နှင့်ချီ တက်ရောက်နေကြခြင်းဖြစ်သည်။

မတ်လ ၁၀ ရက်နေ့၊ တပေါင်းလပြည့်နေ့တွင် ကျရောက်မည့် ဆရာတော်ကြီး၏ သက်တော် ၇၂ နှစ်ပြည့် ၇၃ နှစ်မြောက် မွေးနေ့ကိုလည်း ယနေ့အစည်းအဝေးနှင့် တိုက်ဆိုင်ပြီး ကြိုတင်ကျင်းပသည်။
(မဇ္ဈိမသတင်းမှ ကောက်နှုတ်ချက်)

ထို့အပြင် ဆရာတော် အရှင်ဉာဏိဿရ ဆောက်ထားသည့် သီတဂူတက္ကသိုလ်မှ သန္တိမဟာ သိမ်တော်ကြီး ဘွဲ့နှင်းသဘင် ခမ်းမကြီးကိုလည်း ပထမအကြိမ် ဘွဲ့နှင်းသဘင်ဖြင့် ကျင်းပဖွင့်လှစ်ခဲ့သေးသည်။
(မဇ္ဈိမသတင်းမှ ကောက်နှုတ်ချက်)
+++++
နိုင်ငံရေး အမှုလိုက်ရှေ့နေ နှစ်ဦး ပြန်လွတ်လာ

နယူးဒေလီ (မဇ္ဈိမ)။ ။ နိုင်ငံရေး တက်ကြွ လှုပ်ရှားသူများ၏ အမှုကို လိုက်လံ ဆောင်ရွက်ပေးသူ နှစ်ဦး ပြစ်ဒဏ်စေ့ပြီ ဖြစ်သဖြင့် ယနေ့ နံနက်ပိုင်းတွင် ပုသိမ်ထောင်မှ ပြန်လွတ်လာသည်။

ပြီးခဲ့သည့်နှစ် နိုဝင်ဘာလ ၇ ရက်နေ့တွင် အင်းစိန်ထောင်အတွင်း သီးသန့် တရားရုံးက တရားရုံးကို မထီမဲ့မြင်ပြုမှုဖြင့် ဗဟိုတရားရုံးရှေ့နေ ဦးအောင်သိန်းနှင့် ဦးခင်မောင်ရှိန်တို့ကို ထောင်ဒဏ် ၄ လ ပြစ်ဒဏ်ချခဲ့ရာ ရက်စေ့ပြီဖြစ်သဖြင့် ပုသိမ်ထောင်မှ ပြန်လွှတ်ပေးလိုက်ခြင်း ဖြစ်သည်။
(မဇ္ဈိမသတင်းမှ ကောက်နှုတ်ချက်)
+++++
မတ်လ ၇ ရက်
ရက်သတ္တပတ် ၁၀ ၊ ၂၀၀၉
မြန်မာသတင်း

ကားဝပ်ရှော့ဆိုလျှင် မြို့ပြင်ထွက်

ရန်ကုန် (မဇ္ဈိမ)။ ။ ရန်ကုန်မြို့နယ် အတွင်းမှာ ရှိသော ကားဘော်ဒီပြင်လုပ်ငန်း၊ ကားဆေးမှုတ် လုပ်ငန်းနှင့် ကားအောက်ပိုင်း ပြင်ဆင်ရေး လုပ်ငန်းများ အားလုံး မြို့ပြင်သို့ ပြောင်းရွှေ့ရတော့မှာ ဖြစ်သည်။

လုပ်ငန်း လုပ်ကိုင်သူများကို သက်ဆိုင်ရာ ရပ်ကွက် အာဏာပိုင်များက ရုံးသို့ ဆင့်ခါ်၍ ရွှေ့ပြောင်းရေး အကြောင်းစာကို အသိပေးခဲ့ခြင်း ဖြစ်သည်။

ကားဝပ်ရှော့ ပိုင်ရှင်များက ပြောင်းရွှေ့ပါမည်၊ သို့မဟုတ် မပြောင်းပါက မြို့တွင်း လုပ်ကိုင်ခြင်း မပြုပါဟုဝန်ခံ ကတိရေးထိုးခဲ့ရသည်ဟု အစည်းအဝေး တက်ရောက်ခဲ့သူတဦးက မဇ္ဈိမ သို့ ပြောသည်။

ပြောင်းရွှေ့မည့်နေရာများမှာ၊ တောင်ဒဂုံမြို့နယ်နှင့် မှော်ဘီ ၀ါးတရာကျေးရွာတို့ဖြစ်ပြီးပေ ၆၀ ပတ်လည်မြေတကွက်လျှင် ကျပ်သိန်း၆၀ ပေးသွင်းရမည်ဖြစ်သည်။
ပြောင်းရွှေ့ရန်အတွက် တိုင်းမှူးအမိန့်ဟု ဆိုကာ စည်ပင်က လာပေးသွားတာဖြစ်ကြောင်း၊ မည်သည့်နေ့ ရွှေ့ရမည်ဆိုတာတော့ မပါကြောင်း ရယက ဥက္ကဌတဦးက ပြောသည်။

ရန်ကုန်မြို့တွင်းတွင် ကားဝပ်ရှောပေါင်း အနည်းဆုံး ၃ ထောင်ခန့် ရှိမည်ဟု ခန့်မှန်းရပြီး အများစုမှာ တပိုင်တနိူင်အဖြစ် လုပ်ကိုင်နေကြခြင်း ဖြစ်သည်။
(မဇ္ဈိမသတင်းမှ ကောက်နှုတ်ချက်)
+++++
၂၀၁၀ ရွေးကောက်ပွဲ နိုးဆော်စာ ဖြန့်သည့်အတွက် ညောင်ဦးမြို့ခံများ။ မကျေနပ်ဖြစ်


် မန္တလေးတိုင်း ညောင်ဦးမြို့တွင် မတ်လ ၃ ရက်၌ ရွေးကောက်ပွဲအတွက် လူထုအား စည်းရုံးသည့် အနေဖြင့် ကိုအေးလွင် ဦးဆောင်သည့် ၈၈ မျိုးဆက်ကျောင်းသားများ ပြည်ထောင်စု မြန်မာနိုင်ငံ ဆိုသော အဖွဲ့က နိုးဆော်စာများ ဖြန့်သွားရာ မြို့ခံလူထုက မကျေမနပ်ဖြစ်၍ ဆဲဆိုကြပြီး ရုတ်ရုတ်သဲသဲ ဖြစ်သွားခဲ့သည်ဟု သတင်း ရရှိသည်။
( အာအက်ဖ်အေသတင်းမှ ကောက်နှုတ်ချက် )
+++++
စာပေစိစစ်ရေး ဒစ်ဂျစ်တယ် ပြောင်းလဲမည်

ရန်ကုန် (မဇ္ဈိမ)။ ။ လာမည့် ဇွန်လဆန်းမှစတင်ကာ စာပေစိစစ်ရေးနှင့် မှတ်ပုံတင်ဌာနက ဂျာနယ်များကို စိစစ်ရာတွင် ဒစ်ဂျစ်တယ် နည်းပညာကို ပြောင်းလဲ အသုံးပြုတော့မည်ဟု ဌာနမှ အရာရှိတဦး အပြောအရ သိရသည်။

ပြန်ကြားရေးဝန်ကြီးဌာန လက်အောက်ခံ စာပေစိစစ်ရေးသို့ ပုံနှိပ်ဖြန့်ချီခြင်းမပြုမီ ခွင့်ပြုချက်တင်ပြရာတွင် လက်ရှိ ဂျာနယ်၊ မဂ္ဂဇင်းများ တင်ပြနေသည့် ပုံစံဖြစ်သော မူကြမ်းများကို စာရွက်များဖြင့် မိတ္တုကူးပြီး စိစစ်ရေးမှူးများထံ လိုက်လံ တင်ပြရသည့်ပုံစံမှ စီဒီ သို့မဟုတ် ဖိုင်သိမ်းဆည်းသော မန်မိုရီစတစ်ဖြင့် တင်ပြ၍ ရလာမည်ဖြစ်သည်။

အဆိုပါ စနစ်သစ်ကို ကနဦး အကောင်အထည်ဖော်သည့် အနေဖြင့် ဂျာနယ်များတွင် စတင်ကျင့်သုံးသွားမည်ဖြစ်ပြီး မဂ္ဂဇင်းနှင့် အခြားစာအုပ်စာတမ်းများကို တဖြည်းဖြည်း ဆက်လက်အကောင်အထည်ဖော်သွားမည်ဟု သတင်းဂျာနယ် များကို စိစစ်တည်းဖြတ်ရသည့် စိစစ်ရေးမှူးတဦးက ပြောပါသည်။

၎င်းပုံစံသစ်အရ ဂျာနယ်များသည် စီဒီ သို့မဟုတ် မန်မိုရီစတစ်ဖြင့်သာ တင်ပြလိုသည့် မူကြမ်းကို စိစစ်ရေးရုံးသို့ ယူဆောင်လာရမည်ဖြစ်ပြီး စိစစ်ရေးရုံးအတွင်း ကူပြူတာများ တလုံးနှင့်တလုံး ကွန်ယက်ချိတ်ဆက်ကာ တည်းဖြတ်သွားမည်ဟု ၎င်းက ဆိုပါသည်။

တည်းဖြတ်ပြီးသွားပါက လတ်တလောတွင် ဂျာနယ်များသို့ ပရင့်ပြန်လည်ထုတ်ပေးသည့်ပုံစံဖြင့်သာ ကျင့်သုံးသွားဦးမည်ဖြစ်ပြီး နောက်ပိုင်းတွင် အွန်လိုင်းမှတဆင့် အပြန်အလှန်ပေးပို့သည့် ပုံစံအထိ ပြုလုပ်သွားဖို့ ရည်ရွယ်ထားသည်ဟု အဆိုပါ စိစစ်ရေးမှူးက ဆိုပါသည်။

လတ်တလောတွင်း စာပေစိစစ်ရေးရုံးတွင်းရှိ ကွန်ပြူတာများကို နက်ဝက်များချိန်စက်ထားပြီးဖြစ်ပြီး စမ်းသပ်အသုံးပြုနေပြီဟု အဆိုပါရုံးမှ ၀န်ထမ်းတဦးက ပြောပါသည်။

ထိုသို့ လက်တွေ့ကျင့်သုံးရန်မှာမူ မြန်မာနိုင်ငံ၏ အင်တာနက်မြန်နှုန်း အလွန်နှေးကွေးသဖြင့် လက်တွေ့အကောင်အထည်ဖော်ရန် မဖြစ်နိုင်ကြောင်း ပြည်တွင်းသတင်းဂျာနယ် အသိုင်းအ၀ိုင်းက သုံးသပ်ကြသည်။

သို့သော်လည်း ဂျာနယ်များမှ စိစစ်ရေးရုံးသို့ တင်ပြသည့်ပုံစံဖြစ်သည့် ဂျာနယ်စာမျက်နှာ၏ သုံးပုံနှစ်ပုံကို ဂျာနယ်ထွက်မည့်ရက်နှင့် တပတ်ခွာ၍ လည်းကောင်း၊ ကျန်သုံးပုံတပုံကို နောက်နှစ်ရက်နှင့် သုံးရက်အကြာတွင်လည်းကောင်း တင်ပြရမည့် ပုံစံများကို လတ်တလောပြောင်းလဲသွားရန် အစီအစဉ်မရှိသေးဟု အရာရှိကပြောသည်။
(မဇ္ဈိမသတင်းမှ ကောက်နှုတ်ချက်)
+++++