16-2010

19.4.10


ကရင်အမျိုးသားအလံ အသုံးပြု ရွေးကောက်ပွဲဝင်မှု ကေအန်ယူ ကန့်ကွက်

(NEJ) ကရင်အမျိုးသားအလံတော်ကို ပါတီအလံအဖြစ်အသုံးပြု၍ နအဖကျင်းပမည့် ၂၀၁၀ ရွေးကောက်ပွဲ ၀င်ရောက်မည့် မည်သည့် ကရင်ပါတီကိုမဆို ကန့်ကွက်သည်ဟု ကရင်အမျိုးသားအစည်းအရုံး (ကေအန်ယူ) နှင့် နိုင်ငံတကာသို့ ရောက်ရှိနေကြသည့် ကရင်အမျိုးသားများက ပြောသည်။

ကေအန်ယူအဖွဲ့၏ အထွေထွေအတွင်းရေးမှူး နော်စီဖိုးရာစိန်က “ကရင်အမျိုးသားအလံတော်ဟာ ကရင်အမျိုးသားထု တရပ်လုံးရဲ့ အလံဖြစ်တယ်။ အမျိုးသားအလံတော်ကို ပါတီအလံအဖြစ် အသုံးပြုပြီး နအဖလုပ်မယ့် ရွေးကောက်ပွဲကို ၀င်မယ်ဆိုတာက တကယ်မလုပ်သင့်တဲ့ကိစ္စပါ။ အဲဒါကြောင့် ကန့်ကွက်ရတာပါ။ ဒီလိုလုပ်တာဟာ နအဖနဲ့ပေါင်းပြီး ကရင်တမျိုးသားလုံးကို စော်ကားလိုက်တာဖြစ်တယ်” ဟု ခေတ်ပြိုင်သို့ ပြောသည်။

ကရင်ပြည်သူ့ပါတီ (ကေပီပီ) သည် နအဖပြုလုပ်မည့် ၂၀၁၀ ရွေးကောက်ပွဲဝင်ရောက်ရန် ကရင်အမျိုးသားအလံကို ပါတီအလံအဖြစ် အသုံးပြုပြီး ၀င်ရောက်ယှဉ်ပြိုင်မည်ဟု ပါတီ၏ ဒု-ဥက္ကဋ္ဌဖြစ်သူ ဒေါက်တာစိုင်မွန်သာက ပြည်တွင်းအပတ်စဉ်ထုတ် ဂျာနယ်များတွင် မကြာသေးမီရက်ပိုင်းအတွင်းက ပြောကြားခဲ့သည်။

အဆိုပါကိစ္စနှင့်ပတ်သက်၍ ကရင်အမျိုးသားအစည်းအရုံးက သောကြာနေ့တွင် ကြေညာချက်ထုတ်ပြန် ကန့်ကွက်ထားသည်။
။။။။။

ဗုံးကွဲမှုတွင် တိုင်းစစ်ဒေသမှူး ပြင်းထန်စွာ ဒဏ်ရာရ

နယူးဒေလီ (မဇ္ဈိမ)။ ။ ရန်ကုန်မြို့ ကန်တော်ကြီးရှိ X2O ရေပက်မဏ္ဍပ်တွင် ယခုလ ၁၅ ရက်နေ့ (သင်္ကြန်အကြတ်နေ့) က ဗုံး ၃ လုံး ဆက်တိုက်ပေါက်ကွဲမှုတွင် တိုင်းစစ်ဒေသမှူးတဦး ပြင်းထန်စွာ ဒဏ်ရာရရှိခဲ့ကြောင်း သိရသည်။

ရန်ကုန်တိုင်း အမှတ် ၄ စစ်ဒေသမှူး ဗိုလ်မှုးကြီးပြုံးချိုသည် လုံခြုံရေးအရ မဏ္ဍပ်များကို လိုက်လံစစ်ဆေးနေစဉ် X2O မဏ္ဍပ်အရောက် ဒုတိယဗုံး ပေါက်ကွဲသဖြင့် ဝမ်းဗိုက်တွင် ဗုံးဆံများ ထိမှန်သွားရာ မင်္ဂလာဒုံ စစ်ဆေးရုံတွင် ကုသမှု ခံယူနေရသည်။ ဒဏ်ရာပြင်းထန်မှုရှိသည်ဟု မဇ္ဈိမက စုံစမ်းသိရှိရသည်။

ပေါက်ကွဲမှုများကြောင့် လူ ၈ ဦး သေဆုံးပြီး လူဦးရေ ၁၇ဝ ခန့် ဒဏ်ရာရရှိခဲ့ကြောင်း စစ်အစိုးရက အစောပိုင်းက ထုတ်ပြန်ကြေညာခဲ့သော်လည်း သေဆုံးသူဦးရေ တိုးလာသည်ဟု ရဲအချို့က ပြောသည်။

ရဲမှူးကြီးတဦးနှင့် ဒုရဲအုပ်အဆင့်ရှိသူတဦးတို့လည်း သေဆုံးသွားပြီး မင်္ဂလာတောင်ညွန့်မြို့နယ် မယက ဥက္ကဋ္ဌမှာမူ ပြင်းထန်စွာ ဒဏ်ရာရရှိခဲ့သည်။

ယခုအခါ ရန်ကုန်ဆေးရုံကြီးတွင် ဒဏ်ရာရရှိသူများအနက် ၄၄ ဦးသည် ဆက်လက်၍ ဆေးဝါးကုသမှု ခံယူနေရကာ၊ ဒဏ်ရာပြင်းထန်သူမှာ ဦးရေ ၂ဝ ခန့် ရှိနေသေးကြောင်း သိရသည်။

ဗုံးကွဲအပြီး ၂ ရက်အကြာတွင် စာရေးဆရာ လင်းယုန်မောင်မောင် (ကွယ်လွန်) ၏ သားဖြစ်သူ ဦးဇေယျနှင့် သူ၏ သားဖြစ်သူ စည်သူဇေယျအား ရဲက မေးမြန်းရန် ခေါ်ဆောင်သွားကြောင်း မိသားစုဝင်များနှင့် နီးစပ်သူတဦးက ပြောသည်။
။။။။။

နယ်ခြားစောင့်တပ် လက်မခံရသည့်အကြောင်း
ကေအိုင်အို လူထုအား အသိပေးပြောကြား

(NEJ) နယ်ခြားစောင့်တပ် အသွင်ပြောင်းရေးကိစ္စများနှင့်ပတ်သက်၍ ကချင်ပြည်လွတ်လပ်ရေးအဖွဲ့ (ကေအိုင်အို) က လူထုအား အသိပေးရှင်းလင်းသည့် အခမ်းအနားတခုကို ကေအိုင်အို ဗဟိုဌာနချုပ်ရှိရာ လိုင်ဇာမြို့တွင် ယခုလ (၁၆) ရက်၌ ပြုလုပ်ခဲ့သည်။

ကေအိုင်အိုနှင့်နအဖအကြား နှစ်ဘက်တွေ့ဆုံဆွေးနွေးချက်များ၊ ကေအိုင်အိုဘက်က တင်ပြထားချက်များ၊ နအဖဘက်က ကမ်းလှမ်းထားချက်များနှင့် အပစ်ခတ်ရပ်စဲရေး စာချုပ်တို့ကို နံရံကပ်စာစောင်ဖြင့် ပြသထားသကဲ့သို့ ကေအိုင်အို အထွေထွေအတွင်းရေးမှူး ဒေါက်တာလဂျာက ကချင်ဘာသာဖြင့်ပြောကြားပြီး တွဲဖက်အတွင်းရေးမှူးက မြန်မာဘာသာပြန်၍လည်းကောင်း၊ ကေအိုင်အို ဒု-စစ်ဦးစီးချုပ် ဗိုလ်မှူးချုပ် ဂွမ်မော်က မြန်မာ၊ ကချင် နှစ်ဘာသာဖြင့် လည်းကောင်း နယ်ခြားစောင့်တပ် အသွင်ပြောင်းရေးကိစ္စများနှင့်ပတ်သက်၍ ရှင်းလင်းသွားခဲ့သည်ဟု အခမ်းအနား တက်ရောက်ခဲ့သူ ကေအိုင်အို အုပ်ချုပ်ရေး အရာရှိတဦးက ပြောသည်။
။။။။။

မြို ခေါ် ခမီ ပါတီမှတ်ပုံတင်


နယူးဒေလီ (မဇ္ဈိမ)။ ။ ရခိုင်ပြည်နယ်ရှိ တိုင်းရင်းသားပါတီတခုဖြစ်သော မြို ခေါ် ခမီ အမျိုးသားညီညွတ်ရေးပါတီသည် နေပြည်တော်ရှိ ရွေးကောက်ပွဲ ကော်မရှင်ရုံး၌ ပါတီအဖြစ် မှတ်ပုံတင်ပြီးကြောင်း ဥက္ကဋ္ဌ ဦးစံသာအောင်က ပြောသည်။မြိုခေါ် ခမီ အမျိုးသား ညီညွတ်ရေးပါတီအနေဖြင့် ၎င်းတို့လူမျိုးများ အများဆုံးရှိရာ ကျောက်တော်၊ ပလက်ဝ၊ မြောက်ဦးနှင့် ပေါက်တောမြို့နယ်များတွင် ဝင်ရောက်အရွေးခံသွားမည်ဟု သိရသည်။

လာမည့် ရွေးကောက်ပွဲအတွက် ပါဝင်ယှဉ်ပြိုင်ရန် ပါတီဝင်အင်အား ဦးရေ ၂ဝ ကျော် စုစည်းပြီးဖြစ်ရာ ၉ဝ ရွေးကောက်ပွဲ၌ ပါဝင်ခဲ့သူများမှာ ၇ဝ ရာခိုင်နှုန်း ပါဝင်ကြောင်းနှင့် ရခိုင်ပြည်နယ်တွင် မြို ခေါ် ခမီ လူမျိုးမှာ လူဦးရေအားဖြင့် တသိန်း နှစ်သောင်းခန့် ရှိကြောင်း ဦးစံသာအောင်က ပြောသည်။

ပါတီဒုဥက္ကဋ္ဌများအဖြစ် ဦးကျော်ထွန်းခိုင်၊ ဦးအေးဟောင်နှင့် အတွင်းရေးမှူးအဖြစ် ဦးလာဘွေတို့က တာဝန်ယူထားသည်။
။။။။။

20.4.10

ဗုံးပေါက်ကွဲသတင်း ကျယ်ပြန့်ရန် နအဖ လုပ်ဆောင်နေ
NEJ

နအဖစစ်အစိုးရသည် လူ (၈) ဦး သေဆုံးပြီး (၁၇ဝ) ကျော် ဒဏ်ရာရခဲ့သည့် ဧပြီ (၁၅) သင်္ကြန်ဗုံးကွဲမှု သတင်းကို ကျယ်ပြန့်သည်ထက် ကျယ်ပြန့်အောင် လုပ်ဆောင်နေပြီး ယင်းကဲ့သို့ လုပ်ဆောင်ချက် နောက်ကွယ်တွင် ရည်ရွယ်ချက် တစုံတရာ ရှိနိုင်ကြောင်း ပြည်တွင်း စာနယ်ဇင်းအသိုင်းအဝိုင်းနှင့် ရန်ကုန်မြို့ခံများက သုံးသပ်နေကြသည်။
။။။။။

ကေအိုင်အိုက အရေးပေါ် စစ်သင်တန်းပေး


ချင်းမိုင် (မဇ္ဈိမ) ။ ။ နယ်ခြားစောင့်တပ် အသွင်ပြောင်းရေးကို ငြင်းဆိုနေသည့် ကချင်လွတ်မြောက်ရေး အဖွဲ့ KIO သည် ကချင်လူထုအား စစ်သင်တန်းများ ပေးနေကြောင်း ဒေသခံများနှင့် KIO အရာရှိများထံမှ သိရသည်။

ယနေ့မှ စ၍ ၁၈ ရက် ကြာမည့် အရေးပေါ် စစ်သင်တန်း၌ KIO တပ်မဟာ ၃ ဌာနချုပ်ရှိရာ တရုတ် နယ်စပ် မိုင်ဂျာယန်မြို့နှင့် အနီးအနားရှိ ကျေးရွာများမှ KIA စစ်မှုထမ်းဟောင်းများ၊ စစ်သင်တန်း တက်ဖူးသူများအား တအိမ်တယောက်နှုန်း မတက်မနေရ သင်ပေးနေခြင်းဖြစ်သည်။

ကချင်ဒေသခံများအနေဖြင့် မိမိကိုယ်မိမိ ကာကွယ်နိုင်ရန် သေနတ်ပစ်ခြင်းနှင့် ကျည်ကွယ် မျက်ကွယ် နည်းများကို ပို့ချပေးကြောင်း KIO အရာရှိတဦးက ပြောသည်။
။။။။။

တအောင်း (ပလောင်) ဒေသရှိ ကလေးငယ်များ
ပညာသင်ကြားမှုအခြေအနေ ဆိုးဝါး


(NEJ) ။ ။ စစ်အုပ်စု၏ ထိန်းချုပ်မှုအောက်တွင် ဆိုးဝါးနိမ့်ကျနေသော တအောင်း (ပလောင်) ဒေသရှိ ပညာရေးစနစ်နှင့်ပတ်သက်၍ တအောင်းကျောင်းသားနှင့် လူငယ်များအစည်းအရုံး (တီအက်စ်ဝိုင်အို) က “အလင်းမဲ့ဘ၀” အမည်ရှိ ပညာရေး အစီရင်ခံစာတစောင်ကို ယနေ့စတင်ဖြန့်ချိသည်။

ယခုအစီရင်ခံစာကို ရှမ်းပြည်မြောက်ပိုင်းရှိ နမ့်ခမ်း၊ မန်တုံ၊ နမ့်ဆန် မြို့(၃) မြို့ရှိ ကျေးရွာ (၆၁) ရွာမှ လူဦးရေ (၁၇၅) ဦးကို မေးမြန်းထုတ်ပြန်ခဲ့ခြင်းဖြစ်ကြောင်း တီအက်စ်ဝိုင်အို၏ အထွေထွေအတွင်းရေးမှူး မိုင်းအောင်ကိုက သတင်းစာရှင်းလင်းပွဲတွင် ပြောကြားသည်။
။။။။။

ပြည်သူ့ဂုဏ်ရည်ဆုအတွက် ဆန်ကာတင်ပုဂ္ဂိုလ်များ ဝမ်းမြောက်


နယူးဒေလီ (မဇ္ဈိမ)။ ။ အမေရိကားရောက် မြန်မာမိသားစုများက ချီးမြှင့်မည့် ပြည်သူ့ဂုဏ်ရည်ဆုအတွက် ဆန်ကာတင် စာရင်းတွင် ပါဝင်သဖြင့် ဝမ်းသာဂုဏ်ယူမိကြောင်း ဆန်ကာတင် အရွေးခံရသူ လူမှုဝန်ထမ်းများက ပြောသည်။

ဆုအတွက် ဆန်ကာတင် ၅ ဦးမှာ သီတဂူဆရာတော် ဦးဥာဏိဿရ၊ ကိုဇာဂနာ၊ ကိုကျော်သူ၊ မဖြူဖြူသင်းနှင့် ရှေ့နေဦးအေးမြင့်တို့ဖြစ်ကြောင်း ဆုပေးအပ်မည့် Citizen of Burma Award အဖွဲ့က ယခုလ ၁၂ ရက်နေ့တွင် ထုတ်ပြန်ကြေညာခဲ့ပြီး ဖြစ်သည်။
။။။။။

ရွေးကောက်ပွဲ မှတ်ပုံမတင်သေးသည့် ကြံ့ဖွံ့ အကြီးအကျယ် စည်းရုံးရေးလုပ်

(NEJ) ။ ။ သင်္ကြန်ရက်အတွင်း၌ ရန်ကုန်မြို့တွင် ဗုံးပေါက်ကွဲမှုဖြစ်ပွားခဲ့သော်လည်း စစ်အစိုးရက ရွေးကောက်ပွဲအတွက် မဲဆွယ်စည်းရုံးမှုများ ပြုလုပ်နေကြောင်း ရန်ကုန်ရှိ အစိုးရဌာနဆိုင်ရာ သတင်းရပ်ကွက်များမှ သိရသည်။

၂၀၁၀ ရွေးကောက်ပွဲကို မည်သည့်နေ့ရက်တွင် ကျင်းပမည်ဟု မကြေညာသေးသည့် စစ်အစိုးရက ရွေးကောက်ပွဲကော်မရှင်တွင် နိုင်ငံရေးပါတီအဖြစ် မှတ်ပုံမတင်သေးသည့် ၎င်းတို့၏ဒေါက်တိုင်အဖွဲ့အစည်းဖြစ်သော ပြည်ထောင်စု ကြံ့ခိုင်ရေးနှင့် ဖွံ့ဖြိုးရေး အသင်း (ကြံ့ဖွံ့) က ရွေးကောက်ပွဲအတွက် မဲဆွယ် စည်းရုံးမူကို အင်တိုက်အားတိုက် ပြုလုပ်နေကြောင်း လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ အရာထမ်းတဦးက ပြောသည်။
။။။။။

ဘုန်းကြီးကျောင်း ဂရမ်များ လိုက်လံစစ်ဆေး


နယူးဒေလီ (မဇ္ဈိမ)။ ။ ရန်ကုန်မြို့ ဘုန်းကြီးကျောင်းအချို့အား ရပ်ကွက်အာဏာပိုင်များက ကျောင်းပိုင်မြေ ဂရမ်အထောက်အထားများကို ယခုတပတ်မှ စတင်၍ လိုက်လံစစ်ဆေးနေကြောင်း ကျောင်းတိုက်အချို့ အဆိုအရ သိရသည်။

ပြည်ထဲရေးဝန်ကြီးဌာန လက်အောက်ရှိ အထွေထွေ အုပ်ချုပ်ရေးဦးစီးဌာနမှ ညွှန်ကြားချက်ဖြင့် မြို့နယ်အလိုက် ရယက အဖွဲ့ဝင်များက လိုက်လံစစ်ဆေးနေကြောင်း သိရခြင်း ဖြစ်သည်။
။။။။။

21.4.10

ဗုံးပေါက်ကွဲမှုအကြောင်း Documentary ထုတ်လွှင့်


(NEJ) ။ ။ ဗုံးပေါက်ကွဲသည့်နေ့မှ ဧပြီ (၁၈) ရက်နေ့အထိ ရိုက်ကူးထားသည့် ရုပ်သံ Documentary အစီအစဉ်တခုကို ဧပြီ (၂ဝ) ရက် ည (၈) နာရီကျော်တွင် MRTV-4 ချယ်နယ်မှ ထုတ်လွှင့်သွားကြောင်း ရန်ကုန်မြို့ခံများက ပြောကြားသည်။

ဗုံးပေါက်ကွဲမှုကဲ့သို့ မှုခင်းကြီးတခုကို ယခုကဲ့သို့ ရုပ်သံချယ်နယ်တခုမှ Documentary အဖြစ် ကျယ်ကျယ်ပြန့်ပြန့် ထုတ်လွှင့်သွားခြင်းသည် ဆယ်စုနှစ်တခုအတွင်း ပထမဦးဆုံးအကြိမ်ဖြစ်ကြောင်း ရန်ကုန်မြို့ခံ သတင်းအယ်ဒီတာတဦးက ပြောသည်။
။။။။

မတရားလည်း အခွင့်အရေးအတွက် ရွေးကောက်ပွဲ ဝင်ရမည်ဟု CPP ပြော


နယူးဒေလီ (မဇ္ဈိမ) ။ ။ စစ်အစိုးရက ကျင်းပမည့် ရွေးကောက်ပွဲသည် လွတ်လပ်ပြီး တရားမျှတမှု မရှိသော်လည်း ချင်းတိုင်းရင်းသားများ အခွင့်အရေးအတွက် ဝင်ရောက်ယှဉ်ပြိုင်ရန် လိုအပ်သည်ဟု မနက်ဖြန်တွင် ပါတီမှတ်ပုံတင်မည့် ချင်းအဖွဲ့တခုက ပြောသည်။

“အများက တရားမျှတမှု မရှိဘူးလို့ ရွေးကောက်ပွဲကို ပြောနေကြတယ်။ ကျနော်တို့ ဆင်းရဲချို့တဲ့တဲ့ ချင်းတိုင်းရင်းသားတွေအတွက် အခုထွက်လာတဲ့ အခွင့်အရေးက ကြီးကြီး၊ သေးသေး အဆုံးရှုံး မခံနိုင်ဘူး။ အပြည့်အဝတော့ လုံးဝ မရဘူးဆိုတာ သေချာတယ်။ free & Fair လုံးဝ မဖြစ်နိုင်ဘူးဆိုတာလည်း သေချာတယ်။ ဒါပေမဲ့ အခုရလာတဲ့ အခွင့်အရေးကို အဆုံးမခံနိုင်ဘူး'' ဟု Chin Progressive Party ခေါ် ချင်းတိုးတက်ရေးပါတီမှ Pu No Than Kap က ပြောသည်။

ချင်းတိုးတက်ရေးပါတီကို မနက်ဖြန်တွင် နေပြည်တော်ရွေးကောက်ပွဲကော်မရှင်တွင် နိုင်ငံရေးပါတီအဖြစ် မှတ်ပုံတင်လျှောက်ထားမည်ဖြစ်သည်။
။။။။။

စစ်ရေးဖြင့် ဖြေရှင်းမှုမလုပ်ရန် ကေအိုင်အိုက နအဖကို သတိပေး


နယူးဒေလီ (မဇ္ဈိမ) ။ ။ နယ်ခြားစောင့်တပ်အသွင်ပြောင်းရန် ငြင်းဆိုထားသော အပစ်ခတ် ရပ်စဲထားသည့် တိုင်းရင်းသားအဖွဲ့များကို စစ်ရေးဖြင့် နှိမ်နင်းးဖို့ မကြိုးစားရန် ကချင်လွတ်မြောက်ရေးအဖွဲ့ KIO က စစ်အစိုးရကို သတိပေးလိုက်သည်။KIO လက်အောက်ခံတပ် ကချင်လွတ်မြောက်ရေးတပ်မတော် KIA ကို နယ်ခြားစောင့်တပ်အဖြစ် အသွင်ပြောင်းရေးအတွက် KIO နှင့် စစ်အစိုးရအကြား တနှစ်အတွင်း ၁၅ ကြိမ်ခန့် တွေ့ဆုံဆွေးနွေးသော်လည်း သဘောတူညီချက်မရနိုင်ဘဲရှိနေချိန်တွင် ပြောလိုက်ခြင်းဖြစ်သည်။
။။။။။

22.4.10

ခေတ်သစ်ပြည်သူ့ပါတီကို နောက်ကွယ်မှ ကြံ့ဖွံ့အကူအညီပေး


(NEJ) ၂၀၁၀ ရွေးကောက်ပွဲတွင် ပါဝင်ယှဉ်ပြိုင်ရန် ပြည်ထောင်စုရွေးကောက်ပွဲကော်မရှင်သို့ နိုင်ငံရေးပါတီအဖြစ် လျှောက်ထားသည့် ခေတ်သစ်ပြည်သူ့ပါတီသည် ကြံ့ဖွံ့၏အကူအညီကို ရယူထားကြောင်း ရန်ကုန်တိုင်း ကြံ့ဖွံ့အဖွဲ့ဝင်တဦးက အခိုင်အမာ ပြောဆိုလိုက်သည်။

ခေတ်သစ်ပြည်သူ့ပါတီသည် ရန်ကုန်မြို့ ကျောက်တံတားမြို့နယ်အတွင်း ဗိုလ်ချုပ်လမ်းမ (၃၉ လမ်းနှင့် လမ်း ၄၀ ကြား) တိုက်အမှတ် ၂၅၅၊ ၆ လွှာတွင် ရုံးခန်းဖွင့်လှစ်ထားပြီး ထိုရုံးခန်းသည် ရန်ကုန်မြို့တော်ဝန် ဗိုလ်မှူးချုပ် အောင်သိန်းလင်းက ကြံ့ဖွံ့အမည်ဖြင့် အကူအညီပေးထားသော အခန်းဖြစ်ကြောင်း အဆိုပါ ကြံ့ဖွံ့အဖွဲ့ဝင်က ပြောသည်။
။။။။။

နယ်ခြားစောင့် လက်မခံဟု နောက်ဆုံးရက်မှာ KIO တုံ့ပြန်


ချင်းမိုင် (မဇ္ဈိမ) ။ ။ စစ်အစိုးရရာဇသံ၏ နောက်ဆုံးရက်တွင် နယ်ခြားစောင့်တပ်အဖြစ် အသွင်ပြောင်းလဲရေးကို လက်မခံနိုင်ကြောင်း ကချင်လွတ်မြောက်ရေးအဖွဲ့ KIO က ထပ်လောင်း တုံ့ပြန်လိုက်သည်။

မြောက်ပိုင်းတိုင်းမှူး ဗိုလ်ချုပ် စိုးဝင်းနှင့် စစ်ဘက် ရေးရာ လုံခြုံရေးအဖွဲ့ (စရဖ)မှ ဗိုလ်မှူးကြီး သက်ပုံတို့ ဦးဆောင်သော ၄ ဦးပါအဖွဲ့နှင့် KIO ဥက္ကဌ ဦးလရောက် ဇောင်းဟရား၊ အထွေထွေ အတွင်းရေးမှူး ဒေါက်တာလဂျာ၊ ဒုစစ်ဦးစီးမှူး ဗိုလ်မှူးကြီး ဂွမ်းမော်တို့ပါဝင်သော ၈ ဦးပါအဖွဲ့ မြောက်ပိုင်းတိုင်း စစ်ဌာနချုပ်တွင် ယနေ့နံနက်က ၁ နာရီခွဲကြာ တွေ့ဆုံဆွေးနွေးကြစဉ် KIO ၏ လက်နက်ကိုင်တပ်များကို နယ်ခြားစောင့်အဖြစ် အသွင်မပြောင်းဟု ငြင်းဆန်လိုက်ခြင်း ဖြစ်သည်။
။။။။။

ဗုံးပေါက်ကွဲမှု အဓိကတာဝန်ရှိသူ နအဖဟု ဆိုနေကြ

(NEJ) ဧပြီ (၁၅) ရက် (သင်္ကြန်အကြတ်နေ့)၊ ကန်တော်ကြီးပတ်လမ်း X20 မဏ္ဍပ်ရှေ့ ဗုံးပေါက်ကွဲမှုတွင် အဓိကတာဝန်ရှိသူမှာ နအဖသာလျှင်ဖြစ်ကြောင်း မင်္ဂလာတောင်ညွန့်မြို့နယ်တွင် နေထိုင်သူတို့က ဝေဖန်ပြောဆိုကြသည်။မင်္ဂလာတောင်ညွန့်မြို့နယ်သည် အရှေ့ပိုင်းခရိုင် စစ်ဒေသမှူး၏ အုပ်ချုပ်မှုအောက်တွင် ရှိသော်လည်း ဗိုလ်ချုပ်ကြီး သူရရွှေမန်း၏ စီစဉ်ညွှန်ကြားမှုဖြင့် တောင်ပိုင်းခရိုင် အမှတ် (၄) စစ်ဒေသမှူး ဗိုလ်မှူးကြီး အုန်းချိုက လာရောက် တွဲဖက်လုပ်ဆောင်ရကြောင်း သိရသည်။“စစ်ဒေသမှူးမှာ သား (၁) ယောက်၊ သမီး (၂) ယောက်ရှိတယ်။ သူက ဗုံးပေါက်ကွဲမယ့်သတင်း ကြိုရထားပုံရတယ်။ ကလေးတွေကို သင်္ကြန်တွင်း ဘယ်မှ ထွက်မလည်ကြဖို့ သူ့ဇနီးကို မှာတယ်” ဟူသော သတင်းစကားများ စစ်ဒေသမှူးနေထိုင်ရာ ဝေဠုဝန်အိမ်ရာတွင် ပျံ့နှံ့နေသည်။
။။။။။

နောက်ဆုံးနေ့အထိ ဒေါ်စုအပေါ် သစ္စာရှိမည်ဟု ဦးခင်မောင်ဆွေ ပြော


နယူးဒေလီ (မဇ္ဈိမ) ။ ။ အမျိုးသားဒီမိုကရေစီ အဖွဲ့ချုပ်တွင် သဘောကွဲ ဗဟိုအလုပ်မှုဆောင်အဖွဲ့ဝင် ဦးခင်မောင်ဆွေက ပါတီများမှတ်ပုံတင်ရမည့် နောက်ဆုံးရက်အထိ ဒေါ်အောင်ဆန်းစုကြည်အပေါ် သစ္စာရှိမှုကို ပြသသွားမည်ဟု ပြောကြားလိုက်သည်။

''NLD ရွေးကောက်ပွဲ မှတ်ပုံတင်ရက် မကျော်မချင်း ဘာမှ လုပ်မှာမဟုတ်ပါဘူး။ NLD အပေါ်မှာ သစ္စာရှိတဲ့အနေနဲ့၊ ဒေါ်အောင်ဆန်းစုကြည်အပေါ် သစ္စာရှိတဲ့အနေနဲ့ နောက်ဆုံး မေလ ၆ ရက် မရောက်မချင်း၊ မကျော်မချင်း ဘာဆိုဘာမှ ဆုံးဖြတ်မှာ မဟုတ်ပါဘူး” ဟု သူက ဆိုသည်။
။။။။။

23.4.10

ဗုံးဖောက်ခွဲသူကို ဖမ်းမိထားကြောင်း ပြည်တွင်းထုတ်ဂျာနယ်တွင် ဖော်ပြ

(NEJ) ပြီးခဲ့သည့် ဧပြီ (၁၅) ရက်နေ့က ကန်တော်ကြီး X20 မဏ္ဍပ်စင်အနီး ဗုံး (၃) လုံးပေါက်ကွဲမှု ဖြစ်ပွားရာ ဗုံးဖြင့်ပစ်သူကို အာဏာပိုင်များက ဖမ်းမိထားကြောင်း ယနေ့ထုတ် လျှပ်တစ်ပြက်ဂျာနယ် စာမျက်နှာ (၅) တွင် ဖော်ပြထားသည်ဟု ဖတ်ရှုရသူ ရန်ကုန်မြို့ခံများက ပြောသည်။

ရန်ကုန်မြို့ခံတဦးက “လျှပ်တစ်ပြက်မှာ ဗုံးခွဲသူကို ချက်ချင်း ဖမ်းမိတယ်လို့ ရေးထားတယ်။ ဒါပေမယ့် အစိုးရက ဗုံးခွဲသူ (၂) ယောက်ကို တွေ့ရင် သတင်းပေး၊ ဆုငွေ (၁ဝ) သိန်းပေးမယ် ဆိုပြီးလည်း နေရာတကာမှာ ကြေညာထားတယ်။ နောက် ဗုံးခွဲသူကို မိထားပါလျက်နဲ့ ဘာသတင်း ထုတ်ပြန်တာမှ မလုပ်ဘူး။ ဒါတင်မက သတင်းစာထဲကနေ အတိုက်အခံ အင်အားစုတွေကို ဗုံးခွဲမှုနဲ့ပဲ ဆက်စပ် ပတ်သက်သယောင်ယောင် အမျိုးမျိုး လျှောက်ရေးနေတယ်။ သေချာတာကတော့ အစိုးရဟာ အခုဗုံးခွဲမှုနဲ့ ပတ်သက်ပြီး လုံးဝရိုးသားမှုမရှိဘူး” ဟု ပြောသည်။
။။။။။

NLD လူငယ်ခေါင်းဆောင်များ စည်းရုံးရေးကွင်းဆင်း

နယူးဒေလီ (မဇ္ဈိမ)။ ။ ပါတီသက်တမ်းကုန်ကာလအတွက် ကြိုတင်ပြင်ဆင်သောအနေဖြင့် အမျိုးသားဒီမိုကရေစီ အဖွဲ့ချုပ် လူငယ်ခေါင်းဆောင်များက မြို့နယ် ၆ဝ တွင် ကွင်းဆင်းရှင်းလင်းမှုများ ပြုလုပ်ခဲ့သည်ဟု စုံစမ်းသိရှိရသည်။

လူထုအကြား လူမှုရေးလုပ်ငန်းများ လုပ်ကိုင်မည့် စီမံကိန်းအတွက် လူငယ်လုပ်ငန်း ဖော်ဆောင်ရေး အဖွဲ့ဝင်များက လွန်ခဲ့သည့် သီတင်းပတ်နှစ်ပတ်အတွင်း ကချင်၊ ရှမ်းပြည်နယ်၊ စစ်ကိုင်း၊ မန္တလေး၊ ပဲခူးနှင့် ဧရာဝတီတိုင်းများတို့ လှည့်လည်ပြီး ဆွေးနွေးမှုပြုကြသည်။
။။။။။

နိုင်ငံရေးပါတီ (၂) ခုကို ပါတီတည်ထောင်ခွင့် စတင်ချပေး


(NEJ) နိုင်ငံရေးပါတီအဖြစ် မှတ်ပုံတင်ခွင့် ပထမဆုံး လျှောက်ထားသည့် ၈၈ မျိုးဆက်ကျောင်းသားလူငယ်များ (ပြည်ထောင်စုမြန်မာနိုင်ငံ) နှင့် ပြည်ထောင်စုမြန်မာနိုင်ငံ အမျိုးသားနိုင်ငံရေးအဖွဲ့ချုပ်တို့ကို ၂၀၁၀ ရွေးကောက်ပွဲကော်မရှင်က ယမန်နေ့တွင် ပါတီတည်ထောင်ခွင့်ပြုလိုက်သည်။

မတ်လ (၂၂ ) ရက်နေ့တွင် နိုင်ငံရေးပါတီအဖြစ် တပြိုင်တည်း အစောဆုံး မှတ်ပုံတင်ခွင့် လျှောက်ထားခဲ့သည့် ယင်းပါတီ (၂) ခုအား လျှောက်ထားပြီး (၁) လအကြာတွင် ပါတီတည်ထောင်ခွင့် ပေးလိုက်ခြင်းဖြစ်သည်။
။။။။။

ပြည်သူ့စစ်ပြောင်းရန် မွန်ပြည်သစ် ငြင်းဆို

ချင်းမိုင် (မဇ္ဈိမ)။ ။ နယ်ခြားစောင့်တပ် အသွင်ပြောင်းရန် ငြင်းဆိုနေသော မွန်ပြည်သစ်ပါတီ New Mon State Party (NMSP) က ပြည်သူ့စစ်အဖြစ် ပြောင်းလဲရေးကိုလည်း လက်မခံကြောင်း ပါတီတာဝန်ရှိသူက ယနေ့ ပြောဆိုလိုက်သည်။

ယခင်က နယ်ခြားစောင့်တပ်အဖြစ် အသွင်ပြောင်းရေး ဖိအားပေးနေရာမှ ယခုလ ၇ ရက်နေ့ ၌ စရဖ ဒုဗိုလ်ချုပ်ကြီး ရဲမြင့်က NMSP ဒုဥက္ကဌနိုင်ရော့စ ဦးဆောင်သည့် ကိုယ်စားလှယ်များနှင့် မော်လမြိုင် မြို့ အရှေ့တောင်တိုင်း စစ်ဌာနချုပ်၌ တွေ့ဆုံခဲ့စဉ် နယ်ခြားစောင့်တပ် မပြောင်းလိုပါက ပြည်သူ့စစ် အသွင်ပြောင်းရန် ပြောဆိုခဲ့သည်ဟု NMSP ပြောခွင့်ရ နိုင်ခြေးမွန်က ဆိုသည်။
။။။။။

ကေအိုင်အိုတပ်ဖွဲ့၏ တိုက်နယ်ရုံး စစ်ဆေးခံရ
နှစ်ဖက်စစ်ရေး တင်းမာ

(NEJ) ကချင်ပြည်နယ်၊ ဖားကန့်မြို့နယ်၊ ဆိုင်းတောင်ကျေးရွာတွင် ဖွင့်လှစ်ထားသည့် ကချင်ပြည်လွတ်လပ်ရေးအဖွဲ့ (ကေအိုင်အို) ၏ ဖားကန့်-ဆိုင်းတောင် တိုက်နယ်ရုံးအား နယ်မြေခံအာဏာပိုင်များက ယမန်နေ့ညပိုင်း ဝင်ရောက်ရှာဖွေမှုများ လုပ်ခဲ့သည်။

ယခင်က စစ်ဆေးခြင်းမျိုးမရှိဘဲ ယခုကျမှသာ ဧည့်စာရင်းစစ်ရန် အကြောင်းပြပြီး စစ်တပ်၊ ရဲ၊ ကျေးရွာအေးချမ်းသာယာရေးနှင့် ဖွံ့ဖြိုးရေးကောင်စီ (ရယက)၊ မီးသတ်တပ်ဖွဲ့ စသည့် ပူးပေါင်းအဖွဲ့က ဝင်ရောက်စစ်ဆေးခဲ့ကြောင်း ကေအိုင်အိုတပ်ဖွဲ့နှင့် နီးစပ်သူ တဦးက ပြောသည်။
။။။။။

အမတ်တနေရာရလျှင်ပင် အကျိုးရှိမည်ဟု ရှမ်းပါတီသစ် ပြောဆို

နယူးဒေလီ (မဇ္ဈိမ)။ ။ လွှတ်တော်အတွင်း နေရာတနေရာ ရရှိလျှင်ပင် ပြည်နယ်အကျိုးရှိမည်ဟု ယုံကြည်သဖြင့် ရွေးကောက်ပွဲဝင်ခြင်းဖြစ်ကြောင်း ရှမ်းပြည်နယ်မှ ပါတီအသစ်တခုဖြစ်သည့် ရှမ်းတိုင်းရင်းသားများ ဒီမိုကရက်တစ်ပါတီက ပြောဆိုသည်။

ယခုလ ၈ ရက်နေ့က နေပြည်တော်ရှိ ရွေးကောက်ပွဲကော်မရှင်၌ ပါတီတည်ထောင်ခွင့် လျှောက်ထားခဲ့ပြီး ရှမ်းပြည်နယ်ရှိ ၅၅ မြို့နယ်အနက် မြို့နယ် ၄ဝ ခန့်နှင့် အခြား ပြည်နယ်/တိုင်း မြို့နယ်တချို့တွင်ပါ ဝင်ရောက်ယှဉ်ပြိုင်သွားမည်ဟု ဆိုသည်။
။။။။။

နယ်ခြားစောင့်တပ်ကိစ္စကြောင့် ဒီကေဘီအေအတွင်း ပေါက်ကွဲမှု ဖြစ်ပေါ်နိုင်

(NEJ) လာမည့် ဧပြီ (၂၄) တွင် တိုးတက်သော ဗုဒ္ဓဘာသာကရင်အမျိုးသားတပ်မတော် (ဒီကေဘီအေ) အဖွဲ့သည် နယ်ခြားစောင့်တပ် အဖြစ် အသွင်ပြောင်းမည်ကို တရားဝင် အသိပေးကြေညာတော့မည် ဖြစ်သောကြောင့် တပ်ဖွဲ့ဝင်များအတွင်း လက်ခံသူနှင့် လက်မခံသူတို့အကြား သွေးထွက်သံယိုမှုများ ဖြစ်ပွားနိုင်သည်ဟု အဖွဲ့ခေါင်းဆောင်တဦးက ပြောသည်။
။။။။။

ပလောင်ပါတီ မှတ်ပုံတင်


ချင်းမိုင် (မဇ္ဈိမ) ။ ။ တောခိုလက်နက်ကိုင် အဖွဲ့ဟောင်း ပလောင်အမျိုးသားပါတီက နိုင်ငံရေးပါတီ ထူထောင်ခွင့် လျှောက်ထားလိုက်ရာ မှတ်ပုံတင်ခွင့်လျှောက်သော တိုင်းရင်းသားအခြေပြုပါတီ ၉ ဖွဲ့ ရှိသွားပြီဖြစ်သည်။

ပါတီထူထောင်ခွင့် လျှောက်ထားသော စုစုပေါင်း ၁၉ ဖွဲ့တွင် ကရင်၊ ပအိုဝ့်၊ ကချင်၊ ချင်း၊ မြို ခေါ် ခမီ၊ ရှမ်း၊ ပလောင်၊ ဝ’ စသည့် တိုင်းရင်းသားများမှ ၉ ပါတီ ဖြစ်သည်။

ယခုလ ၈ ရက်နေ့က ပလောင်အမျိုးသားပါတီက လျှောက်လွှာတင်ခဲ့ပြီး ရှမ်းပြည်နယ်မြောက်ပိုင်း နမ့်ဆန်၊ မန်တုံ၊ နမ့်ခမ်း၊ ကျောက်မဲ၊ ကွတ်ခိုင် မြို့နယ်များမှ ဝင်ပြိုင်မည်ဟု သိရသည်။
။။။။။