Saturday, March 27, 2010

11.12-2010

15.3.10 ( 11-2010 )

ကြားဖြတ်အစိုးရဖွဲ့ရန် အမ်ပီယူ တောင်းဆို

(NEJ) ပြည်သူလူထုတရပ်လုံး လက်ခံနိုင်သည့် ရွေးကောက်ပွဲဖြစ်ရန် ပြည်သူ့လွှတ်တော်ကိုယ်စားပြုကော်မတီ (စီအာပီပီ) က ကြားဖြတ်အစိုးရ ဖွဲ့စည်းမှသာ နိုင်ငံတကာနှင့်အများက လက်ခံနိုင်မည်ဟု ပြည်သူ့လွှတ်တော် ကိုယ်စားလှယ်များအဖွဲ့ (အမ်ပီယူ) က ပြောကြားလိုက်သည်။
။။။။။

ကချင်ပါတီ ရွေးကောက်ပွဲဝင်ရန် အသင့်ဖြစ်ပြီ

နယူးဒေလီ (မဇ္ဈိမ) ။ ။၂ဝ၁ဝ ရွေးကောက်ပွဲမှာ ပါတီ မှတ်ပုံတင်ရန် လိုအပ်သော ဗဟိုကော်မတီဝင် ၁၅ ဦးနှင့် ပါတီဝင်အင်အား ၅ဝဝ ကျော် အရန်သင့်ရှိနေပြီး ပါတီကို မကြာမီ မှတ်ပုံတင်ကာ ရွေးကောက်ပွဲ ဝင်ရောက်မည်ဟု ကချင်ပြည်နယ် တိုးတက်ရေးပါတီ (KSPP) က ဆိုသည်။
ဒေါက်တာတူးဂျာသည် ကချင်လွတ်မြောက်ရေးအဖွဲ့ KIO တွင် ဒု-ဥက္ကဋ္ဌ ၂ အဖြစ် ၁၉၇၅ ခုနှစ်မှ ၂ဝဝ၉ ခုနှစ်အထိ ၃၅ နှစ် တာဝန်ထမ်းဆောင်ခဲ့သူဖြစ်ပြီး ပါတီထောင်ရန် ပြီးခဲ့သည့်နှစ် စက်တင်ဘာလ ၃ ရက်နေ့က KIO မှ တရားဝင် နုတ်ထွက်ခဲ့သည်။
။။။။။

ရွေးကောက်ပွဲဥပဒေထုတ်ပြီး ရန်ကုန်လုံခြုံရေးတိုးမြှင့်


(NEJ) ။ ။ ရွေးကောက်ပွဲဥပဒေ ထုတ်ပြန်ပြီးနောက် ရန်ကုန်မြို့တွင်း မြို့နယ်များနှင့် စည်ပင်ဧရိယာအတွင်းရှိ အခြားမြို့နယ်တို့တွင် လုံခြုံရေးတိုးမြှင့်ချထားကြောင်း ရန်ကုန်မြို့ခံများက ပြောသည်။နအဖအစိုးရအနေဖြင့် ရွေးကောက်ပွဲဥပဒေများ ချမှတ်ထုတ်ပြန်ချိန်တွင် လူထုအုံကြွမှုများ တစုံတရာ မဖြစ်ပေါ်စေရန်၊ ကောလာဟလသတင်းများကို မယုံကြည်ကြရန်နှင့် ကောလာဟလသတင်းများ ပြောနေသူကို တွေ့ပါက အကြောင်းကြားပေးရန် မတ်လ (၁၁) ရက်နေ့ထုတ် နအဖသတင်းစာတွင် ရေးသားထားသည်။
။။။။။

ဦးသုဝေပါတီ ရွေးကောက်ပွဲဝင်ရန် အဆင်သင့်ဖြစ်


နယူးဒေလီ (မဇ္ဈိမ)။ ။ နိုင်ငံ့ခေါင်းဆောင်ဟောင်းများ၏ သမီးများ ပါဝင်ပြီး ဝါရင့်နိုင်ငံရေးသမားကြီး ဦးသုဝေ ဦးဆောင်သည့် ဒီမိုကရက်တစ်ပါတီ (မြန်မာပြည်) DPM က ရွေးကောက်၌ ဝင်ရောက် ယှဉ်ပြိုင်မည်ဟု သိရသည်။တနိုင်လုံး အတိုင်းအတာဖြင့် ရွေးကောက်ပွဲဝင်ပါက ပါတီများ မှတ်ပုံတင်လျှင် ပါတီဝင်အင်အား ၁၀၀၀ ဦး ရှိရမည်ဟု ပါတီမှတ်ပုံတင်ခြင်းဆိုင်ရာ ဥပဒေတွင် ဆိုထားသည်။

ဦးသုဝေကမူ ရွေးကောက်ပွဲဥပဒေ မထွက်မီ မူဝါဒတူသူများဖြင့် ကြိုတင်ဖွဲ့စည်းခဲ့သဖြင့် ယခုအခါ ရန်ကုန်နှင့် မန္တလေးတိုင်းတို့တွင် ပါတီရုံးခွဲများ၊ အမျိုးသမီး၊ လူငယ် အဖွဲ့များရှိနေပြီ ဖြစ်သောကြောင့် ယင်းဥပဒေနှင့် အညီ ဆောင်ရွက်နိုင်သည်ဟု ဆိုသည်။
။။။။။

ပါတီနိုင်ငံရေးကိစ္စ အဆုံးဖြတ်ပေးရန် လာမည့် (၂၉) ရက်တွင်
အန်အယ်လ်ဒီ ဆွေးနွေးမည်


(NEJ) ။ ။ ယခုလတ်တလောဖြစ်ပေါ်နေသည့် နိုင်ငံရေးပြဿနာများနှင့် ပတ်သက်၍ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ရုံးတွင် ဗဟိုအလုပ်အမှုဆောင်များ ယနေ့ဆွေးနွေးကြကြောင်း သိရသည်။

အန်အယ်လ်ဒီပါတီအနေဖြင့် ဆက်လက်မှတ်ပုံတင်ရေးကိစ္စနှင့် ရွေးကောက်ပွဲ ၀င်မ၀င် စသည့်ကိစ္စတို့ကို ဆွေးနွေးကြကြောင်း ပါတီပြောခွင့်ရပုဂ္ဂိုလ် ဦးဉာဏ်ဝင်းက ပြောသည်။
။။။။။။

စစ်ရာဇဝတ်မှုများအတွက် ကော်မရှင်ဖွဲ့ရန် ကွင်တားနား အကြံပြု


ချင်းမိုင် (မဇ္ဈိမ) ။ ။ စစ်အစိုးရက ကျူးလွန်ခဲ့သည့် စစ်ရာဇဝတ်မှုများအတွက် ကော်မရှင်တခုဖွဲ့၍ စုံစမ်းစစ်ဆေးသွားရန် ကုလသမဂ္ဂ လူ့အခွင့်အရေး အထူးသံတမန် မစ္စတာကွင်တားနားက ကုလသမဂ္ဂကို အကြံပြုလိုက်သည်။

ချိုးဖောက်မှုဖြစ်စဉ်အချို့ကို နိုင်ငံတကာ ရာဇဝတ်ခုံရုံး၏ အဓိပ္ပာယ်ဖွင့်ဆိုချက်အရ “လူသားမျိုးနွယ်ကို ဆန့်ကျင်သည့် စစ်ရာဇဝတ်မှုများ” အဖြစ် သတ်မှတ်နိုင်ကြောင်း အစီရင်ခံစာတွင် ဆိုထားသည်။

လူ့အခွင့်အရေး ချိုးဖောက်မှုများသည် “စနစ်တကျ” ကျူးလွန်နေသည့် ပုံစံဖြစ်နေပြီး ရပ်တံ့စေရန် အားထုတ်တားဆီးမှု မရှိဘဲ၊ အစိုးရအရာရှိများ၊ စစ်အာဏာပိုင်များနှင့် တရားရေးဌာနများကပါ ကျူးလွန်နေကြသည်ဟုလည်း အစီရင်ခံစာက ဆိုသည်။

လိုအပ်သည့် အသေးစိတ်အချက်အလက်များကို စစ်ဆေးစုဆောင်းနိုင်သည့် အခွင့်အရေးရှိသော ကော်မရှင်တခုကို ကုလသမဂ္ဂအဖွဲ့ကြီးမှ ဖွဲ့စည်းပေးရန် စဉ်းစားသင့်သည်ဟု ထောက်ပြထားသေးသည်။

မြန်မာနိုင်ငံ လူ့အခွင့်အရေး ကုလအထူးသံအဖြစ် ၂ဝဝ၈ ခုနှစ် မေလမှ စတင်၍ တာဝန်ပေးခံရသည့် မစ္စတာ ကွင်တားနား၏ တတိယအကြိမ်မြောက် မြန်မာခရီးစဉ်အပြီးတွင် ကုလသမဂ္ဂသို့ ထိုသို့အကြံပြုလိုက်ခြင်း ဖြစ်သည်။
။။။။။

16.3.10

ပါတီမှတ်ပုံတင်မတင် NLD လူငယ်များ ဆွေးနွေးမည်


ချုင်းမိုင်(မဇ္ဈိမ)။ ။ အမျိုးသား ဒီမိုကရေစီ အဖွဲ့ချုပ်အနေဖြင့် ပါတီမှတ်ပုံပြန်တင်သင့်၊ မတင်သင့်ကို ဆွေးနွေးရန် ပြည်နယ်နှင့် တိုင်းများမှ အဖွဲ့ဝင် လူငယ်ခေါင်းဆောင်များကို ယခုလ ၂၆ ရက်နေ့၌ ရန်ကုန် ပါတီဌာနချုပ်သို့ ခေါ်ယူထားကြောင်း သိရသည်။
။။။။။

ဒုက္ခသည်များ အမေရိကန်သို့ ပြန်လည်လက်ခံမည်


(NEJ) ။ ။ မယ်လဒုက္ခသည်စခန်းမှတဆင့် အမေရိကန်နိုင်ငံသို့ မရိုးသားသောနည်းလမ်းများဖြင့် ထွက်ခွာမှုများကြောင့် (၆) လနီးပါး ပိတ်ပင်ထားသည့် အမေရိကန်သို့ ထွက်ခွာခွင့်ကို လာမည့်သောကြာနေ့တွင် ပြန်လည်ခွင့်ပြုတော့မည်ဖြစ်သည်။

မယ်လစခန်းဥက္ကဋ္ဌ မန်းထွန်းထွန်းက “မရိုးသားမှုနဲ့ အဂတိလိုက်စားမှုတွေကြောင့် အမေရိကန်ကို ထွက်ခွင့်ပိတ်ထားရာကနေ လာမယ့် (၁၉) ရက်နေ့ကစပြီး ဒုက္ခသည်တွေကို ပြန်လည်လက်ခံတော့မှာဖြစ်တယ်။ လာမယ့် သောကြာနေ့တိုင်း ဘယ်သူမဆို လျှောက်လွှာပြန်တင်လို့ရပြီ” ဟု ခေတ်ပြိုင်သို့ ပြောသည်။

မယ်လဒုက္ခသည်စခန်းတွင် တရားဝင်ဒုက္ခသည် (၂၈,၀၀၀) ခန့်နှင့်အတူ ဒုက္ခသည်အဖြစ် အသိအမှတ်ပြုခြင်း မခံရသေးသည့် လူသစ် (၂၁,၀၀၀) ခန့် နေထိုင်လျက်ရှိပြီး လူသစ်များထဲမှ (၉,၀၀၀) ခန့်ကို ထိုင်း-မြန်မာနယ်စပ်တလျှောက် ကူညီစောင့်ရှောက်ရေးညွန့်ပေါင်းအသင်း (တီဘီဘီစီ) အဖွဲ့က စားနပ်ရိက္ခာများ ထောက်ပံ့ပေးထားသည်။
။။။။။

KIA ကို ကချင်တပ်မတော်အဖြစ် ထားလိုကြောင်း KIO ပြောဆို


ချင်းမိုင် (မဇ္ဈိမ)။ ။ ကချင်လွတ်မြောက်ရေးတပ်မတော် KIA ကို နယ်ခြားစောင့်တပ် BGF အစား ကချင်တပ်မတော်အဖြစ် ထားလိုကြောင်း ယခုလ ၁၂ ရက်နေ့တွင် မြောက်ပိုင်းတိုင်းမှူးထံ တင်ပြခဲ့သည်ဟု KIO ဗဟိုကော်မတီဝင်တဦး အဆိုအရ သိရသည်။

မြစ်ကြီးနားအခြေစိုက် မပခ စစ်ဌာနချုပ်တွင် တိုင်းမှူး ဗိုလ်ချုပ်စိုးဝင်းနှင့် KIO မှ ဒု-ဥက္ကဋ္ဌ ဂေါင်ရီ ဇော်ဆိုင်း ဦးဆောင်ကာ အထွေထွေ အတွင်းရေးမှူး ဒေါက်တာလဂျာ၊ ဗိုလ်မှူးကြီး ဆွမ်းလွတ် ဂွမ်မော် အပါအဝင် ၈ ဦးတို့ ယခုလ ၁၂-၁၃ ရက်များတွင် တွေ့ဆုံခဲ့စဉ် ထိုသို့ တင်ပြခဲ့ခြင်း ဖြစ်သည်။

နအဖ စစ်တပ်အောက်သို့ KIA အား သွတ်သွင်းမည့် BGF ကိစ္စနဲ့ ပတ်သက်ပြီး ဌာနချုပ်လိုင်ဇာမြို့၌ KIO ဗဟိုကော်မတီဝင်များအကြား ယခုလဆန်းမှစ၍ ၆ ရက်ကြာ ဆွေးနွေးပြီးနောက် ကချင်တပ်မတော်အဖြစ် ထားရှိရေး ဆုံးဖြတ်ခဲ့ကြသည်။
။။။။။

17.3.10

စစ်အစိုးရကို ဖိအားပေးရန် ယူအန်အေက ဘန်ကီမွန်းထံ စာပေးပို့


(NEJ) ။ ။ မြန်မာစစ်အစိုးရက တဖက်သတ်ထုတ်ပြန်လိုက်သည့် ရွေးကောက်ပွဲဆိုင်ရာ ဥပဒေများသည် မြန်မာပြည်သူတို့၏ ဆန္ဒသဘောထားများနှင့် ကွဲလွဲနေသည်သာမက နိုင်ငံတကာအသိုင်းအဝိုင်းနှင့် ကုလသမဂ္ဂ၏ အကြံပြုချက်များနှင့်လည်း ဆန့်ကျင်နေသည့်အတွက် ကုလသမဂ္ဂအနေဖြင့် မြန်မာစစ်အစိုးရအား ပိုမိုဖိအားပေး သွားရန် ယူအန်အေ ခေါ် ညီညွတ်သောတိုင်းရင်းသားများမဟာမိတ်အဖွဲ့က ကုလသမဂ္ဂအတွင်းရေးမှူးချုပ် မစ္စတာဘန်ကီမွန်းထံ ယမန်နေ့က စာရေးသား ပေးပို့ခဲ့သည်။

ယူအန်အေမှ ပြောခွင့်ရပုဂ္ဂိုလ်လည်းဖြစ်၊ မွန်အမျိုးသားဒီမိုကရေစီအဖွဲ့ချုပ်၏ ဒု-ဥက္ကဋ္ဌလည်းဖြစ်သူ နိုင်ငွေသိန်းက “၂၀၁၀ ရွေးကောက်ပွဲမှာ အားလုံးပါဝင်နိုင်ဖို့နဲ့ လွတ်လပ်ပြီး တရားမျှတဖို့ မစ္စတာ ဘန်ကီမွန်းက စစ်အစိုးရကို ယခင်က တောင်းဆိုထားပါတယ်။ ဒါပေမယ့် စစ်အစိုးရဘက်က ရွေးကောက်ပွဲဥပဒေဟာ နိုင်ငံတကာက ယူဆထားသလိုမဟုတ်ဘဲ သူတို့ထင်သလို ရေးဆွဲထားတယ်။ နိုင်ငံရေးသမားတိုင်း မပါဝင်နိုင်အောင် ကန့်သတ်ထားတယ်။ မတရားသဖြင့် ရေးဆွဲထားတဲ့ ဥပဒေတွေကို ပြင်ဆင်နိုင်ဖို့ ကျနော်တို့ ယူအန်အေအနေနဲ့ ကုလအတွင်းရေးမှူးချုပ်ထံ အခုလို စာရေးသားရတာ ဖြစ်ပါတယ်” ဟု ခေတ်ပြိုင်သို့ ပြောကြားသည်။
။။။။။။

ပါတီတခု ၃ သိန်း စပေါ်တင်ရမည်


နယူးဒေလီ(မဇ္ဈိမ) ။ ။ ရွေးကောက်ပွဲဝင်မည့် နိုင်ငံရေးပါတီတခုသည် ကျပ်ငွေ ၃ သိန်း ကော်မရှင်သို့ ပေးသွင်းရမှာဖြစ်ပြီး ကိုယ်စားလှယ်လောင်းတဦးသည် ကျပ်ငွေ သိန်း ၁ဝဝ အထိ သုံးစွဲခွင့် ပြုထားသည်။

ပြည်ထောင်စုရွေးကောက်ပွဲကော်မရှင်က မတ်လ ၁၇ ရက်နေ့စွဲတပ် ထုတ်ပြန်လိုက်ပြီး မနက်ဖြန်တွင် နိုင်ငံပိုင် သတင်းစာများမှတဆင့် ပုံနှိပ်ဖော်ပြမည့် နိုင်ငံရေးပါတီများ မှတ်ပုံတင်ခြင်း နည်းဥပဒေတွင် ပါတီတည်ထောင်လိုလျှင် ငွေကျပ် ၃ သိန်းပေးသွင်းရမည်ဟု ပါရှိသည်။

နည်းဥပဒေအရ ကိုယ်စားလှယ်လောင်းတဦးစီသည် ရွေးကောက်ပွဲဆိုင်ရာ အသုံးစားရိတ်ကို ကျပ်ငွေ သိန်း ၁ဝဝ အထိ အမြင့်ဆုံး အသုံးပြုနိုင်သည်ဟုပါရှိသည်။

ထို့အပြင် ပါတီမှတ်ပုံတင်ရာတွင် ခေါင်းဆောင်နှင့် ဒုတိယခေါင်းဆောင်တို့က လက်မှတ်ရေးထိုး လျှောက်ထားရမှာဖြစ်သည်။

မှတ်ပုံတင်ပြီးသည့်နေ့မှစ၍ ရက်ပေါင်း ၉ဝ အတွင်း ပါတီဝင်ဦးရေကို နိုင်ငံအဝှမ်းယှဉ်ပြိုင်မည့်ပါတီဖြစ်လျှင် အနည်းဆုံး ၁ဝဝဝ ၊ ဒေသဆိုင်ရာပါတီဖြစ်လျှင် အနည်းဆုံး ၅ဝဝ ပြည့်မှီအောင် ဖြည့်သွင်းရမှာဖြစ်သည်။

ပါတီတခုသည် အနည်းဆုံး သတ်မှတ်ထားသော ပါတီဝင်အရေအတွက် လျော့နည်းသွားလျှင် ကော်မရှင်ထံ အကြောင်းကြားရမှာဖြစ်ပြီး အကြောင်းကြားသည့်နေ့မှစ၍ ရက် ၉ဝအတွင်း ပြန်လည်ပြည့်မီအောင် စည်းရုံးရမှာဖြစ်သည်။
။။။။။

ကျိုင်းတုံတွင် MIG (29) များရောက်ရှိကာ နအဖ စစ်ရေးပြ


(NEJ) ။ ။ ယခုလ (၁၃) ရက်နေ့က ရှမ်းပြည်အရှေ့ပိုင်း၊ ကျိုင်းတုံမြို့လေဆိပ်တွင် ရုရှနိုင်ငံလုပ် MIG (29) တိုက်လေယာဉ်များ ရောက်ရှိကာ ညအိပ်ရပ်နားခဲ့သည်။

ကျိုင်းတုံတွင် MIG (29) တိုက်လေယာဉ် အဆင်းအတက်များ ယခုလအစောပိုင်းက လုပ်ခဲ့ပြီး ယခုလ (၁၃) ရက်နေ့က ညအိပ်ရပ်နားသည်အထိ ပြုလုပ်ခဲ့ခြင်းဖြစ်ကြောင်း မိုင်းလားဒေသခံတဦးက ပြောသည်။
။။။။။

ရခိုင်ဒီချုပ်လူငယ်များ ရွှေဂုံတိုင် သန္နိဋ္ဌာန်ပြု

ချင်းမိုင် (မဇ္ဈိမ)။ ။ ရွေးကောက်ပွဲ ဥပဒေ ထွက်လာချိန်တွင် ရခိုင်ပြည်နယ်မှ အမျိုးသား ဒီမိုကရေစီ အဖွဲ့ချုပ် လူငယ်များက ရွှေဂုံတိုင်ကြေညာချက်ကို ဆက်လက် ဆုပ်ကိုင်သွားမည် ဖြစ်ကြောင်း သန္နိဋ္ဌာန် ပြုလိုက်ကြသည်။

တောင်ကုတ်မြို့နယ် အန်အယ်ဒီ တွဲဘက်အတွင်းရေးမှူး ဦးထွန်းကြည်နေအိမ်တွင် ယနေ့မွန်းလွဲက ပြုလုပ်သည့် အစည်းအဝေးကို ပြည်နယ်အတွင်းမှ လူငယ်ကိုယ်စားလှယ် ၁၂ ဦး တက်ရောက်ခဲ့ကြသည်။

ဒေါ်အောင်ဆန်းစုကြည်၏ မှာကြားချက်အတိုင်း ပြည်သူနှင့် ပါတီအကျိုးကို ယှဉ်လျှင် ပါတီအကျိုးကို မကြည့်ရှုဘဲ ပြည်သူ့အကျိုးကိုသာ ကြည့်ရှုရန်၊ ပြည်နယ်နှင့် တိုင်းရုံးများတွင် ရုံးပစ္စည်းများ၊ စာရွက် စာတမ်းများ ပျောက်ဆုံးမှုသည် အစိုးရ အာဏာပိုင်များ၌သာ တာဝန်ရှိကြောင်း၊ နိုင်ငံရေးအကျဉ်းသား အားလုံးကို အမြန်ဆုံးလွှတ်ပေးရန် စသည့်အချက်များလည်း ပါဝင်သည်။

တောင်ကုတ်မြို့နယ် ဒုရဲအုပ်မောင်ဆန်း၊ စရဖနှင့် အထူးစုံစမ်းစစ်ဆေးရေး ပူးတွဲအဖွဲ့က “လူကြီး” ခရီးစဉ်ရှိသည်ဟု အကြောင်းပြကာ အစည်းအဝေးမကျင်းပရန် တားမြစ်သေးသည်။
။။။။။

စုံစမ်းစစ်ဆေးရေးအဖွဲ့ အမြန်ဖွဲ့သင့်ကြောင်း လူ့အခွင့်အရေးအဖွဲ့ အကြံပေး


(NEJ) ။ ။ မြန်မာနိုင်ငံတွင် လူသားများအပေါ် ကျူးလွန်သည့် ရာဇ၀တ်မှုနှင့် စစ်ရာဇ၀တ်မှု မြောက်နိုင်သည့် လူ့အခွင့်အရေး ချိုးဖောက်မှုများကို စစ်ဆေးနိုင်ရန် နိုင်ငံတကာစုံစမ်းစစ်ဆေးရေးအဖွဲ့ကို အချိန်မဆွဲဘဲ ဖွဲ့စည်းသွားသင့်ကြောင်း လူ့အခွင့်အရေး လေ့လာစောင့်ကြည့်ရေးအဖွဲ့ (Human Rights Watch) က ယမန်နေ့က ပြောကြားလိုက်သည်။

မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေး အထူးကိုယ်စားလှယ် မစ္စတာကင်တားနားက မြန်မာနိုင်ငံနှင့်ပတ်သက်သည့် လူ့အခွင့်အရေးအစီရင်ခံစာကို မတ်လ (၁၅) ရက်တွင် ဂျနီဗာရှိ ကုလသမဂ္ဂလူ့အခွင့်အရေးကောင်စီသို့ တင်သွင်းရာတွင် တင်ပြထားသည့် အကြံပြုတောင်းဆိုချက်ကို လူ့အခွင့်အရေးလေ့လာစောင့်ကြည့်ရေးအဖွဲ့က ထောက်ခံလိုက်ခြင်းဖြစ်သည်။

မြန်မာနိုင်ငံမှ မတရားပြုကျင့်ခံရသူများအတွက် တရားဥပဒေစိုးမိုးမှုရှိစေရန် ကုလသမဂ္ဂအနေဖြင့် စုံစမ်းစစ်ဆေးရေး ကော်မရှင်တရပ်ကို အချိန်ဆွဲမနေဘဲ ပထမအဆင့်အနေဖြင့် အရေးတကြီး ဖွဲ့စည်းသင့်ကြောင်း လူ့အခွင့်အရေး စောင့်ကြည့်ရေးအဖွဲ့မှ အမှုဆောင်ဒါရိုက်တာ Kenneth Roth က ပြောကြားလိုက်သည်။

ထို့အပြင် မြန်မာနိုင်ငံအတွင်းမှ ရာဇ၀တ်မှုမြောက်သည့် လူ့အခွင့်အရေးချိုးဖောက်မှုများကို စုံစမ်းစစ်ဆေးသွားနိုင်ရန် ကုလသမဂ္ဂအနေဖြင့် နိုင်ငံတကာ စုံစမ်းစစ်ဆေးရေးကော်မရှင်တရပ် ဖွဲ့စည်းရေးကို သဘောတူထောက်ခံကြောင်း သြစတြေးလျအစိုးရက ကုလသမဂ္ဂလူ့အခွင့်အရေးကောင်စီ ကြားနာပွဲတွင် ပြောကြားလိုက်သည်။
။။။။။

18.3.10

ရွေးကောက်ပွဲ နည်းဥပဒေတွင် စစ်သား လွှတ်တော်အမတ်များ အကျုံးမ၀င်

ရွေးကောက်ပွဲကော်မရှင်က နိုင်ငံရေးပါတီများနှင့် လွှတ်တော်အသီးသီးအတွက် နည်းဥပဒေများ ထုတ်ပြန်လိုက်သည့်ထဲတွင် ၂၀၀၈ ဖွဲ့စည်းပုံအရ ကာကွယ်ရေးဦးစီးချုပ်က တိုက်ရိုက်ရွေးကောက်တင်မြှောက်မည့် စစ်သားလွှတ်တော်အမတ်များ အကျုံးမ၀င်ကြောင်း သိရသည်။

ယခုလ (၁၁) ရက်နေ့က စစ်အစိုးရ ရွေးချယ်ဖွဲ့စည်းလိုက်သည့် ဗိုလ်ချုပ်ဟောင်းတဦး ဦးဆောင်သည့် အဖွဲ့ဝင် (၁၇) ဦးပါ ရွေးကောက်ပွဲကော်မရှင်က လွှတ်တော်များနှင့် နိုင်ငံရေးပါတီများအတွက် နည်းဥပဒေကို မတ်လ (၁၇) ရက်တွင် ထုတ်ပြန်လိုက်သည်။အရပ်သား လွှတ်တော်ကိုယ်စားလှယ်များ၊ နိုင်ငံရေးပါတီများအနေဖြင့် ယခုထုတ်ပြန်သည့် နည်းဥပဒေများအရ ရွေးကောက်ပွဲ ကော်မရှင်ထံ မှတ်ပုံတင်ခွင့် လျှောက်ထားရန် လိုအပ်ပြီး စစ်သား လွှတ်တော်အမတ်များအတွက် မှတ်ပုံတင်ရန် မလိုအပ်ခြင်း ဖြစ်သည်။
။။။။။

၂ဝ၁ဝ ရွေးကောက်ပွဲကို ရှုတ်ချသည့် စာစောင်များ ဖြန့်ဝေ

နယူးဒေလီ (မဇ္ဈိမ)။ ။ ၂ဝဝ၈ ခုနှစ် အခြေခံ ဥပဒေနှင့် ၂ဝ၁ဝ ရွေးကောက်ပွဲအကြောင်း ဝေဖန်ရှုတ်ချထားသည့် လက်ကမ်းစာစောင်များ ရန်ကုန်မြို့ လူစည်ကားရာ နေရာများတွင် ပြီးခဲ့သည့် ရက်ပိုင်းအတွင်း တိတ်တဆိတ် ဖြန့်ဝေမှုများ ရှိခဲ့ကြောင်း သိရသည်။

ရန်ကုန်မြို့ လူစည်ကားရာ မှတ်တိုင်များ၊ လမ်းဆုံလမ်းခွများတွင် အဆိုပါ စာရွက်များကို လူအချို့က ရှောင်တခင် လိုက်လံဝေငှခဲ့ခြင်း ဖြစ်သည်။
။။။။။

ကရင်ငြိမ်းအဖွဲ့များ ရွေးကောက်ပွဲဝင်ခွင့် မရှိ


(NEJ) ။ ။ နအဖကျင်းပမည့် ၂၀၁၀ ရွေးကောက်ပွဲတွင် နအဖနှင့် ငြိမ်းချမ်းရေး ယူထားသည့် ကရင်အဖွဲ့အစည်းများ ရွေးကောက်ပွဲဝင်ခွင့် မရှိဟု တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) ၏ အဆင့်မြင့်အရာရှိတဦးက ခေတ်ပြိုင်သို့ ပြောသည်။
။။။။။

ကိုညီညီအောင် လွတ်ပြီ


( မဇ္ဈိမသတင်းဌာန )။ ။ ထောင်ဒဏ် ၃ နှစ်ချခံထားရသည့် အမေရိကန်နိုင်ငံသား ကိုညီညီအောင်ကို စစ်အစိုးရက ယနေ့ မနက်တွင် ပြည်တော်ပြန်ခွင့် ပြုလိုက်ပြီဟု အဒေါ်ဖြစ်သူ ဒေါ်ခင်ခင်ဆွေက မဇ္ဈိမကို ပြောသည်။

သူ့အား ပြည်ထောင်မှ အင်းစိန်ထောင်သို့ ယမန်နေ့ညကတည်းက ပြန်ခေါ်လာခြင်းဖြစ်ပြီး ယနေ့ ၁၂ နာရီတွင် အဒေါ်ဖြစ်သူ ဒေါ်ခင်ခင်ဆွေနှင့် တွေ့ဆုံခဲ့သည်။

ကိုညီညီအောင် လွတ်ပြီဖြစ်ကြောင်း အမေရိကန်သံရုံးက အဒေါ်ဖြစ်သူကို ယမန်နေ့က အသိပေးခဲ့သည်။

ယခုအခါ ထိုင်းနိုင်ငံ ဘန်ကောက်မြို့သို့ ထွက်ခွာလာနေပြီ ဖြစ်သည်။
။။။။။

ရွေးကောက်ပွဲကို ပြည်သူများ မယုံကြည်

(NEJ) ။ ။ နအဖစစ်အစိုးရအနေဖြင့် ယခုနှစ်အတွင်း ရွေးကောက်ပွဲ ကျင်းပပေး၍ အနိုင်ရပါတီတခုခုအား အာဏာလွှဲပြောင်းပေးပြီး အစိုးရ အပြောင်းအလဲ ဖြစ်မည်ဆိုခြင်းကို ပြည်သူအများစုက ယုံကြည်မှုမရှိကြောင်း စုံစမ်းသိရသည်။

ရန်ကုန်၊ မန္တလေး၊ မြစ်ကြီးနား၊ မော်လမြိုင်၊ ထားဝယ်မြို့တို့တွင် ခေတ်ပြိုင်မှ စုံစမ်းမေးမြန်းချက်များအရ နအဖက ရွေးကောက်ပွဲ ဥပဒေထုတ်ပြန်ထားပြီး ယခုနှစ်အတွင်း ပြုလုပ်မည့် ရွေးကောက်ပွဲသည် စစ်အစိုးရ၏ အာဏာတည်မြဲရေး လုပ်ရိုးလုပ်စဉ် လုပ်ငန်းစဉ်တခုအဖြစ်သာ အောက်ခြေ သာမန်ပြည်သူအများစုက ရှုမြင်ကြပြီး မည်သည့်အပြောင်းအလဲမှ ဖြစ်ပေါ်လာလိမ့်မည်မဟုတ်ဟု ထင်မြင်ယူဆနေကြသည်။
။။။။။။။။


22.3.10 ( 12-2010)

ဒေါ်စုနှင့် တွေ့ဆုံခွင့်ပြုရန် NLD ထပ်မံတောင်းဆို


နယူးဒေလီ (မဇ္ဈိမ)။ ။ ဒေါ်အောင်ဆန်းစုကြည်နှင့် ဗဟိုအလုပ်အမှုဆောင်အဖွဲ့ တွေ့ဆုံခွင့်ပြုရန် အမျိုးသား ဒီမိုကရေစီ အဖွဲ့ချုပ်က စစ်အစိုးရထံသို့ ယခုလ ၁၇ ရက်နေ့တွင် ထပ်မံတောင်းဆိုခဲ့ကြောင်း ယနေ့ ထုတ်ဖော်ပြောဆိုသည်။

ရန်ကုန်တိုင်း ဗဟန်းမြို့နယ် NLD ရုံးချုပ်၌ ဗဟိုအလုပ်အမှုဆောင် CEC အဖွဲ့ဝင် ၁၇ ဦး တက်ရောက်သည့် ယနေ့ အစည်းအဝေးတွင် စစ်အစိုးရထံ ထိုသို့သော ထပ်မံတောင်းဆိုချက်နှင့် ပတ်သက်၍ အများပြည်သူ သိရှိရန် သတင်းထုတ်ပြန်လိုက်ခြင်း ဖြစ်သည်။
။။။။။။


အန်အယ်လ်ဒီ လူထုအခြေပြုတိုက်ပွဲဝင်ရန်
ဒီမိုကရက်တစ်အင်အားစု တိုက်တွန်း


အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) အနေဖြင့် ၂၀၁၀ ရွေးကောက်ပွဲကို ၀င်ရောက်မည်ဆိုပါက ၁၉၈၈ ခုနှစ်တွင် ပြည်သူတရပ်လုံးက ပေးအပ်လိုက်သည့် သမိုင်းပေးတာဝန်ကို ငြင်းပယ်ရာကျမည်ဟု မြန်မာနိုင်ငံဒီ မိုကရက်တစ်အင်အားစု (အက်ဖ်ဒီဘီ) အဖွဲ့က ပြောကြားသည်။

လာမည့် (၂၉) ရက်နေ့တွင် အန်အယ်လ်ဒီမှ ရွေးကောက်ပွဲဝင်ရေး မ၀င်ရေးအတွက် မှတ်ပုံတင်ရေး မတင်ရေး ဆုံးဖြတ်ချက် ချရေးနှင့်ပတ်သက်၍ အက်ဖ်ဒီဘီက ၎င်းတို့၏အမြင်များကို ယမန်နေ့က ကြေညာချက်ထုတ်ပြန် အကြံပြုထားသည်။

အက်ဖ်ဒီဘီ၏ အကြံပြုချက်တွင် အဖွဲ့ချုပ်အတွင်း ညီညွတ်ရေးကို ခိုင်မာစွာတည်ဆောက်ရန်နှင့် အခြားမဟာမိတ် အင်အားစုများအကြား၌လည်း ညီညွတ်ရေးကို တည်ဆောက်ရန် လိုအပ်ကြောင်း၊ မူလချမှတ်ထားသည့် ရွှေဂုံတိုင် ကြေညာစာတမ်းနှင့် ဒေါ်အောင်ဆန်းစုကြည်အပေါ် အခိုင်အမာသစ္စာရှိစွာရပ်တည်ရန် လိုအပ်ကြောင်း တင်ပြထားသည်။ွင် စစ်အစိုးရထံ ထိုသို့သော ထပ်မံတောင်းဆိုချက်နှင့် ပတ်သက်၍ အများပြည်သူ သိရှိရန် သတင်းထုတ်ပြန်လိုက်ခြင်း ဖြစ်သည်။
။။။။။။

23.3.10

နအဖကို တရားစွဲမှု အန်အယ်လ်ဒီ ပယ်ချခံရ
ဒေါ်စုက မတရားသည့်ဥပဒေဖြင့် မှတ်ပုံတင်ခြင်းကို လက်မခံဟု ပြောကြား


(NEJ) ။ ။ နအဖစစ်အစိုးရက ထုတ်ပြန်သည့် ရွေးကောက်ပွဲဥပဒေသည် တရားမျှတမှု လုံးဝမရှိသည့်အတွက် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေအား ယနေ့မတ်လ (၂၃) ရက်တွင် ရန်ကုန်မြို့တရားရုံးချုပ်၌ တရားစွဲဆိုလိုက်သည်။ယင်းသို့ တရားစွဲဆိုမှုကို တရားရုံး တရားမဌာနမှ တာဝန်ရှိသူက အမှုတွဲကို လက်မခံဘဲ ပြန်လည်ပေးအပ်ခဲ့ကြောင်း အန်အယ်လ်ဒီ ဗဟိုအလုပ်အမှုဆောင်အဖွဲ့က မတ် (၂၃) ရက် နေ့စွဲဖြင့် အထူးကြေညာချက်ထုတ်ပြန်သည်။

အဆိုပါကြေညာချက်တွင် အန်အယ်လ်ဒီဥက္ကဋ္ဌက နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီဥက္ကဋ္ဌအပေါ် ၂၀၀၀ ပြည့်နှစ် တရားစီရင်ရေးဥပဒေပုဒ်မ ၅ (က) (ခ) (ည) နှင့် ၁၈၈၇ ခုနှစ် သီးခြားသက်သာခွင့် အက်ဥပဒေပုဒ်မ (၄၅) နှင့် (၅၄) တို့အရ တရားရုံးချုပ်တွင် တရားစွဲဆိုခဲ့ခြင်းဖြစ်ကြောင်း ဖော်ပြထားပြီး တရားရုံး တရားမဌာနမှ တာဝန်ရှိသူက “ကျမတို့၌ စီရင်ပိုင်ခွင့်မရှိ” ဟု ပြောဆိုကာ အမှုတွဲကို နေ့လယ် (၁၂) နာရီခွဲခန့်တွင် ပြန်လည်ပေးအပ်လိုက်ကြောင်း ဖော်ပြထားသည်။ယနေ့ မွန်းလွဲပိုင်းတွင်လည်း ရှေ့နေကြီး ဦးဉာဏ်ဝင်းသည် ဒေါ်အောင်ဆန်းစုကြည်နှင့် တွေ့ဆုံခွင့်ရခဲ့ပြီး ယင်းတွေ့ဆုံမှုကို အန်အယ်လ်ဒီရုံးချုပ်တွင် ပြန်လည်ရှင်းလင်းပြောပြခဲ့ကြောင်း သိရသည်။

ယင်းသို့ တွေ့ဆုံမှုတွင် ဒေါ်အောင်ဆန်းစုကြည်က “မတရားတဲ့ ဥပဒေနဲ့ မှတ်ပုံတင်ခြင်းကို ကျမ ဘယ်တော့မှ လက်မခံဘူး။ ဒါပေမယ့် ဒီလိုပြောတာဟာ အဖွဲ့ချုပ်ကို အမိန့်ပေးတာလည်း မဟုတ်ဘူး၊ ညွှန်ကြားတာလည်း မဟုတ်ဘူး။ အဖွဲ့ချုပ် အနေနဲ့ကတော့ ဒီမိုကရေစီ နည်းလမ်းနဲ့အညီ ဆုံးဖြတ်ကြပါ” ဟု ပြောဆိုကြောင်း ဦးဉာဏ်ဝင်းက ပြန်လည်ပြောပြသည်။
။။။။။

ပါတီ မှတ်ပုံတင်မည်ကို ဒေါ်စု လက်မခံ


နယူးဒေလီ (မဇ္ဈိမ) ။ ။ အမျိုးသားဒီမိုကရေစီအဖွဲ့ချုပ်ကို ပြန်လည်မှတ်ပုံတင်မည့်အပေါ် ပါတီအထွေထွေအတွင်းရေးမှူး ဒေါ်အောင်ဆန်းစုကြည်က လုံးဝလက်မခံကြောင်း သူမ၏ ရှေ့နေမှတဆင့် ယနေ့ ထုတ်ဖော်ပြောဆိုလိုက်သည်။
။။။။။

အရှင်ဥက္ကံသကို အင်းစိန်ထောင်တွင် ထိန်းသိမ်းထား


(NEJ) ။ ။ ၂၀၁၀ ရွေးကောက်ပွဲ ဆန့်ကျင်ရေး စာရွက်စာတမ်းများ လက်ဝယ်တွေ့ရှိ၍ နအဖအာဏာပိုင်တို့ ဖမ်းဆီးသွားသည့် မွန်ရဟန်းပျို အရှင်ဥက္ကံသ ခေါ် ဦးဇင်းဇော်လတ်ကို မွန်ပြည်နယ်မှ ရန်ကုန်မြို့သို့ ပို့ဆောင်လိုက်ပြီးနောက် သတင်းအစအန ပျောက်နေရာမှ ယခုအခါ အင်းစိန်ထောင်အတွင်း၌ ထိန်းသိမ်းထားကြောင်း စုံစမ်းသိရှိရသည်။

အရှင်ဥက္ကံသကို အင်းစိန်ထောင် တိုက်အမှတ် (၂) အခန်း (၁) တွင် ထိန်းသိမ်းထားကြောင်း အင်းစိန်ထောင်ရှိ ဝန်ထမ်းတဦးထံမှ သိရသည်။
။။။။။

24.3.10

မြန်မာ့အရေး လုံခြုံရေးကောင်စီတွင် ဆွေးနွေးမည်
NEJ/

မြန်မာနိုင်ငံအရေးနှင့်ပတ်သက်ပြီး မတ်လ (၂၄) ရက်နေ့ ယနေ့တွင် ကုလသမဂ္ဂလုံခြုံရေးကောင်စီ၌ ဆွေးနွေးပွဲတရပ် ပြုလုပ်မည်ဟု သိရသည်။

မြန်မာ့အရေးဆွေးနွေးရန်ကိစ္စကို မတ် (၂၃) ရက်တွင် ကျင်းပသည့်အစည်းဝေးတွင် လုံခြုံရေးကောင်စီအဖွဲ့ဝင်နိုင်ငံများက ဆုံးဖြတ်ခဲ့ခြင်းဖြစ်ကြောင်း ကုလသမဂ္ဂ လုံခြုံရေးကောင်စီက ယမန်နေ့၌ သတင်းထုတ်ပြန်ခဲ့ခြင်းဖြစ်သည်။

ပြီးခဲ့သည့်ဒီဇင်ဘာတွင် ရာထူးပြောင်းသွားသည့် ကုလသမဂ္ဂ အထူးသံတမန် မစ္စတာ အီဘရာဟင်မ် ဂမ်ဘာရီ၏နေရာတွင် ယာယီတာဝန်ယူထားသည့် မစ္စတာဘန်ကီမွန်း၏ ရုံးအဖွဲ့မှူး မစ္စတာ ဗီဂျေးနာဘီယားက မြန်မာနိုင်ငံအခြေအနေနှင့်ပတ်သက်၍ လုံခြုံရေးကောင်စီအဖွဲ့ဝင်များကို အစီရင်ခံရန်ရှိသည်ဟု သိရသည်။

ယခုကဲ့သို့ အစီရင်ခံတင်ပြခြင်းသည် ၂၀၀၉ ခုနှစ် သြဂုတ်လနောက်ပိုင်း လုံခြုံရေးကောင်စီတွင် ပထမဆုံးအကြိမ် ကြားနာခြင်း ဖြစ်သည်။
။။။။။

ပါတီမှတ်ပုံတင်လျှင် ၂၄ မြို့နယ် ကန့်ကွက်မည်

ချင်းမိုင် (မဇ္ဈိမ)။ ။ အမျိုးသား ဒီမိုကရေစီ အဖွဲ့ချုပ်၏ တိုင်း ၃ တိုင်းမှ ၂၄ မြို့နယ်က ပါတီမှတ်ပုံတင်မည်ဆိုလျှင် ကန့်ကွက်ရန် ဆုံးဖြတ်ထားကြောင်း သိရသည်။

ရန်ကုန်တိုင်းမှ အင်းစိန်၊ ပဲခူးတိုင်းမှ ၁၉ မြို့နယ်နှင့် မန္တလေးတိုင်းမှ ၄ မြို့နယ်တို့က မှတ်ပုံတင်မည်ဆိုလျှင် ကန့်ကွက်သွားမည်ဖြစ်ကြောင်းနှင့် “ရွှေဂုံတိုင် ကြေညာစာတမ်း” ကိုသာ ဆက်လက်၍ ဆုပ်ကိုင်သွားရန် တိုက်တွန်းကြောင်း မြို့နယ်စည်း တာဝန်ရှိသူများထံမှ သိရခြင်း ဖြစ်သည်။
။။။။။

ဝ ဒေသရှိ နတလ ဝန်ထမ်းများကို ခွင့်ရက်ရှည်ပေး ခေါ်ယူ


ဝပြည်သွေးစည်းညီညွတ်ရေးတပ်မတော် (UWSA) ထိန်းချုပ်ရာ ရှမ်းပြည်နယ်၊ အထူးဒေသ (၂) ရှိ နယ်စပ်ဒေသ တိုင်းရင်းသားလူမျိုးများ ဖွံ့ဖြိုးရေးဝန်ကြီးဌာန (နတလ) လက်အောက်ခံ ဝန်ထမ်းများအား ခွင့်ရက်ရှည်ပေးကာ နအဖက ပြန်လည်ခေါ်ယူနေသည်။

ပညာရေးဝန်ထမ်းများအား ခွင့် (၃) လ၊ စိုက်ပျိုးရေး၊ မွေးမြူရေးနှင့် ကျန်းမာရေးဝန်ထမ်းများအား ခွင့် (၁) လဖြင့် လစာမပျက် ခွင့်များပေးကာ မတ် (၂၂) ရက်တွင် အကြောင်းကြား ပြန်လည်ခေါ်ယူနေသဖြင့် ယမန်နေ့မှစတင်၍ နယ်စပ်မှ ထွက်ခွာနေကြကြောင်း ပန်ဆန်းဒေသခံတဦးက ပြောသည်။ယခုကဲ့သို့ ဝဒေသထဲက နတလဝန်ထမ်းများအား ခွင့်ရက်ရှည်ပေးခြင်းမှာ ယခင်နှစ်များက မရှိခဲ့ဘဲ နယ်ခြားစောင့်တပ် လက်မခံသည့် ဝတပ်ဖွဲ့အား ထိုးစစ်ဆင်တိုက်ခိုက်နိုင်ရန် ပြင်ဆင်သည့်အနေဖြင့် ဝန်ထမ်းများ၏ လုံခြုံရေးအတွက် ကြိုတင်ခေါ်ယူသည်ဆိုသည့် ဝေဖန်၊ ယူဆမှုများ ရှိလာနေသဖြင့် ဒေသခံလူထုလည်း စိုးရိမ်ပူပန်မှုများ ရှိနေသည်ဟု အဆိုပါ ပန်ဆန်းဒေသခံက ပြောသည်။
။။။။။

DVB သတင်းထောက် မလှလှဝင်းအမှု အယူခံတက်

နယူးဒေလီ (မဇ္ဈိမ)။ ။ ပြစ်ဒဏ် ၂၇ နှစ် ကျခံနေသည့် DVB သတင်းထောက် မလှလှဝင်း အမှုအယူခံအတွက် လာမည့်လ ၅ ရက်နေ့တွင် မကွေးတိုင်း တရားရုံး၌ နှစ်ဖက်ရှေ့နေများ အပြီးသတ် လျှောက်လဲမည်ဖြစ်သည်။

ယခုလ ၈ ရက်နေ့တွင် ပြစ်ဒဏ်ပြင်ဆင်ပေးရန် အယူခံလွှာအတွက် ၂၂ ရက်နေ့တွင် တရားရုံးက ကြားနာလက်ခံခဲ့ပြီးနောက် အပြီးသတ် လျှောက်လဲချက်ရန် ရှေ့နေများကို လာမည့်လ ၅ ရက်နေ့သို့ ချိန်းဆိုခဲ့ခြင်း ဖြစ်သည်။
။။။။။

25.3.10

မြန်မာနိုင်ငံအရေး လုံခြုံရေးကောင်စီတွင် တံခါးပိတ်ဆွေးနွေး
NEJ

စစ်အစိုးရက ပြုလုပ်မည့် ရွေးကောက်ပွဲဆိုင်ရာကိစ္စများအပါအ၀င် မြန်မာ့နိုင်ငံရေးအခြေအနေနှင့်ပတ်သက်၍ မတ် (၂၄) ရက်တွင် ကုလသမဂ္ဂလုံခြုံရေးကောင်စီ၌ တံခါးပိတ် အစည်းအဝေးတရပ် ပြုလုပ်ခဲ့သည်။

အဆိုပါအစည်းအဝေးကို မစ္စတာဘန်ကီမွန်းနှင့် မြန်မာ့အရေး မိတ်ဆွေနိုင်ငံများအဖွဲ့တို့ အစည်းအဝေးမတိုင်မီ တရက်စောပြီး အမေရိကန်ပြည်ထောင်စု နယူးယောက်မြို့ရှိ ကုလသမဂ္ဂရုံးချုပ်တွင် ပြုလုပ်ခဲ့ခြင်းဖြစ်သည်။

ကုလသမဂ္ဂ လုံခြုံရေးကောင်စီ အစည်းအဝေးအပြီး ပြုလုပ်သည့် သတင်းစာရှင်းလင်းပွဲ၌ ကုလသမဂ္ဂဆိုင်ရာ ဗြိတိန်သံအမတ်ကြီး မစ္စတာ မတ်ဂရန့်က မြန်မာစစ်အစိုးရ၏ ရွေးကောက်ပွဲဥပဒေသစ်နှင့်ပတ်သက်၍ လုံခြုံရေးကောင်စီအဖွဲ့ဝင် အတော်များများက စိုးရိမ်မကင်းဖြစ်ကြသည်ဟု ပြောကြားခဲ့ကြောင်း အေအက်ဖ်ပီသတင်းတွင် ဖော်ပြသည်။

ရွေးကောက်ပွဲဥပဒေများသည် နိုင်ငံတကာအသိုင်းအ၀ိုင်းက မျှော်လင့်ထားသည့် လွတ်လပ်တရားမျှတသည့် ဖြစ်စဉ်များနှင့် ကင်းကွာနေပြီး ယခင်လုံခြုံရေးကောင်စီက ထုတ်ပြန်ထားသည့် ကြေညာချက်များအတိုင်း ဖြစ်ပေါ်လာခြင်းမရှိဟုလည်း ၎င်းက ပြောကြားခဲ့သည်။

ယခင် ထုတ်ပြန်ချက်များတွင် လုံခြုံရေးကောင်စီအဖွဲ့ဝင်များက မြန်မာနိုင်ငံ၌ ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားအားလုံးကို ပြန်လွှတ်ပေးရန်၊ အမျိုးသားပြန်လည်သင့်မြတ်ရေးအတွက် တွေ့ဆုံဆွေးနွေးရန်နှင့် အခြေအနေကောင်းများ ဖန်တီးပေးရန် တောင်းဆိုတင်ပြခဲ့သည်။
။။။။။

ကျောင်းသားခေါင်းဆောင်ဟောင်းက ပါတီထောင်ရန်ပြင်


ချင်းမိုင် (မဇ္ဈိမ) ။ ။ ကျောင်းသား ခေါင်းဆောင်ဟောင်းတဦးဖြစ်ဖူးသူ ကိုဖြိုးမင်းသိန်းက ရွေးကောက်ပွဲဝင်ရန် ပြင်ဆင်နေရာ အသစ်ထူထောင်မည့် ပါတီကို ” လူထုဒီမိုကရေစီပါတီ” ဟု အမည်ပေးထားသည်။
၁၉၈၈ ခု၌ ဗမာနိုင်ငံလုံးဆိုင်ရာ ကျောင်းသားများသမဂ္ဂ ဥက္ကဌဖြစ်ခဲ့ဖူးသူ ကိုညိုထွန်းလည်း ပါတီ၏ ဖွဲ့စည်းရေးလုပ်ငန်းကော်မတီတွင် ပါဝင်မည်ဟု သိရသည်။

ပါတီအလံသည် အပြာ၊ အနီ၊ အဝါ သုံးရောင်ခြယ်ဖြစ်ပြီး ဖွဲ့စည်းရေးလုပ်ငန်းကော်မတီကို ကိုညိုထွန်း၊ ကိုဖြိုးမင်းသိန်း၊ ကိုသိန်းတင်အောင်၊ ကိုမင်းလွင်၊ ကိုလူသစ်၊ ကိုသိန်းဌေး၊ ကိုမျိုးမင်းထွန်း စသည့် ၇ ဦးဖြင့် ဖွဲ့စည်းထားသည်ဟု ဆိုသည်။ ပါတီ၏ ဆောင်ပုဒ်မှာ လွတ်လပ်၊ ညီမျှ၊ ချစ်ကြည်၊ လူထုဒီမိုကရေစီပါတီ ဟုလည်းဆက်ပြောသည်။
။။။။။

ဒဏ်ခတ်ပိတ်ဆုိ့ရေး တိုးမြှင့်ရန် တောင်းဆိုမည်ဟု
လွှတ်တော်ကိုယ်စားလှယ် (၂) ဦး ပြောကြား


(NEJ) ။ ။ မြန်မာစစ်အုပ်စုကို ၂၀၁၀ ရွေးကောက်ပွဲမတိုင်မီ ဒဏ်ခတ်ပိတ်ဆို့အရေးယူမှု တိုးမြှင့်လုပ်ဆောင်သွားရန် ဥရောပသမဂ္ဂအပါအ၀င် မိမိတို့အစိုးရကို တင်ပြတောင်းဆိုသွားမည်ဟု ထိုင်းနယ်စပ်သို့ရောက်ရှိနေသည့် ဘယ်လ်ဂျီယံနိုင်ငံမှ လွှတ်တော်ကိုယ်စားလှယ် (၂) ဦးက ပြောကြားသည်။

ဘားမားကမ်ပိန်း ဘယ်လ်ဂျီယံအဖွဲ့ဝင်အချို့နှင့် လွှတ်တော်ကိုယ်စားလှယ် (၂) ဦးဖြစ်သည့် ဆိုရှယ်လစ်ပါတီမှ Ms. Karin Lalieux နှင့် Green ပါတီမှ Ms. Juliette Boulet တို့သည် လက်ရှိမြန်မာ့အရေးနှင့်ပတ်သက်၍ ထိုင်း-မြန်မာနယ်စပ်တွင် ပြည်ထောင်စုမြန်မာနိုင်ငံအမျိုးသားကောင်စီ (အန်စီယူဘီ) အဖွဲ့နှင့် ယနေ့တွေ့ဆုံဆွေးနွေးစဉ် ပြောကြားခြင်းဖြစ်သည်။
။။။။။

26.3.10

ပွင့်လင်းမြင်သာမှုရှိသည့် ရွေးကောက်ပွဲဖြစ်ရန် လိုအပ်ဟု
ကုလသမဂ္ဂအတွင်းရေးမှူးချုပ် ပြောကြား

NEJ/

မြန်မာနိုင်ငံတွင် ယခုနှစ်အတွင်းကျင်းပမည့် ရွေးကောက်ပွဲသည် နိုင်ငံရေးအရ ပါဝင်သင့်သူအားလုံး ပါဝင်ပြီး ပွင့်လင်းမြင်သာသည့် ရွေးကောက်ပွဲဖြစ်ရမည်ဟု ကုလသမဂ္ဂအတွင်းရေးမှူးချုပ် မစ္စတာဘန်ကီမွန်းက ယမန်နေ့က ပြောကြားလိုက်သည်။

အမေရိကန်ပြည်ထောင်စု နယူးယောက်မြို့ရှိ ကုလသမဂ္ဂရုံးချုပ်တွင် မတ်လ (၂၅) ရက်၌ ကျင်းပသည့် ကုလသမဂ္ဂ အတွင်းရေးမှူးချုပ်၏ မြန်မာ့အရေးမိတ်ဆွေနိုင်ငံများ အစည်းအဝေးအပြီး သတင်းထောက်များနှင့်တွေ့ဆုံရာတွင် မစ္စတာဘန်ကီမွန်းက ပြောကြားခဲ့ခြင်းဖြစ်သည်။
။။။။။

ရွေးကောက်ပွဲကို အောက်တိုဘာ သို့မဟုတ် နိုဝင်ဘာတွင် လုပ်ရန်ပြင်

ချင်းမိုင် (မဇ္ဈိမ)။ ။ ယခုတလော လူအများ အာရုံစိုက်လာကြသည့် အငြင်းပွါးဖွယ်ရာ အထွေထွေ ရွေးကောက်ပွဲအား စစ်အစိုးရမှ အောက်တိုဘာလ နောက်ဆုံးအပတ် (သို့ မဟုတ်) နိုဝင်ဘာလ အစောပိုင်းတွင် ကျင်းပပေးဖွယ်ရာ ရှိကြောင်း စနေနေ့ တွင်ထုတ်ပြန်သည့် AFP သတင်းတပုဒ်အရ သိရသည်။
။။။။။

နယ်ခြားစောင့်တပ် လက်မခံကြောင်း မွန်ပြည်သစ် ထပ်မံဆုံးဖြတ်

နယ်ခြားစောင့်တပ်အသွင်ပြောင်းရန် မြန်မာစစ်အစိုးရက တောင်းဆိုထားသည့်ကိစ္စကို မွန်ပြည်သစ်ပါတီက ယခင်ဆုံးဖြတ်ချက် အတိုင်း လက်မခံဘဲ ပယ်ချရန် ထပ်မံဆုံးဖြတ်လိုက်ကြောင်း သိရသည်။
။။။။

အန်အယ်ဒီ လူငယ်များ ပါတီ မှတ်ပုံမတင်ရန် ဆုံးဖြတ်

ချင်းမိုင် (မဇ္ဈိမ)။ ။ အမျိုးသား ဒီမိုကရေစီ အဖွဲ့ချုပ်၏ ရွေးကောက်ပွဲနှင့် ပတ်သက်သော ရပ်တည်ချက်ကို လွှမ်းမိုးစေနိုင်သော ဖြစ်ရပ်တခုမှာ ယနေ့ပြုလုပ်သော ပါတီလူငယ် အစည်းအဝေးက ရွေးကောက်ပွဲ ဥပဒေကို လက်သင့်မခံနိုင်ဘဲ ပါတီကို မှတ်ပုံတင်ခြင်း မပြုရန် ဆုံးဖြတ်လိုက်ကြသည်။

အတိုက်အခံပါတီ၏ ဒုတိယဥက္ကဋ္ဌ ဦးတင်ဦးက သဘာပတိအဖြစ် ဆောင်ရွက်ပြီး၊ ပြည်နယ်/တိုင်း အဆင့် လူငယ်လုပ်ငန်း ဖော်ဆောင်ရေးနှင့် အကူအညီပေးရေး အဖွဲ့ဝင် ၆၀ ဦးခန့် တက်ရောက်သော ဆွေးနွေးပွဲက ရွေးကောက်ပွဲ ကော်မရှင်ဥပဒေများကို လုံးဝ လက်မခံနိုင်ဟုဆိုကာ ပါတီအနေနှင့် မှတ်ပုံမတင်ရန် ဆုံးဖြတ်လိုက်သည်။
။။။။။

Sunday, March 14, 2010

10-2010

8.3. 10

ဘားမားဗီဂျေဇာတ်ကား ဆန်ခါတင်စာရင်းဖြင့်သာ ကျေနပ်ခဲ့ရ

(NEJ) ။ ။အကောင်းဆုံး မှတ်တမ်းရုပ်ရှင် အော်စကာဆုအတွက် လျာထားခြင်းခံရသော ဘားမားဗီဂျေ ဇာတ်ကားသည် အော်စကာဆုပေးပွဲတွင် ဆန်ခါတင်စာရင်းဝင် အဆင့်ဖြင့်သာ ကျေနပ်ခဲ့ရသော်လည်း အဆိုပါအခမ်းအနားသို့ မြန်မာသံဃာတော် (၂) ပါး တက်ရောက်ခွင့်ရရှိခဲ့ကြောင်း သိရသည်။
။။။။။

ရွေးကောက်ပွဲဥပဒေ အသေးစိတ် မနက်ဖြန် ထွက်မည်


အများတကာ စိတ်ဝင်စားနေသော ရွေးကောက်ပွဲဥပေဒ မနက်ဖြန် နိုင်ငံပိုင် မီဒီယာများမှတဆင့် ထုတ်ပြန်မည်ဖြစ်ကြောင်း စစ်အစိုးရက ယနေ့ ကြေညာလိုက်သည်။

မြန်မာ့ရုပ်မြင်က တင်္နလာနေ့ညနေ ၄ နာရီသတင်းထုတ်ပြန်မှုတွင်ရွေးကောက်ပွဲ ကော်မရှင် ဥပဒေ၊ နိုင်ငံရေးပါတီများ မှတ်ပုံတင်ခြင်း၊ ပြည်သူ့လွှတ်တော်ရွေးကောက်ပွဲ၊ အမျိုးသားလွှတ်တော်ရွေးကောက်ပွဲ၊ တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်ရွေးကောက်ပွဲ ဥပဒေများကို အင်္ဂါနေ့ထုတ် သတင်းစာများတွင် ထဲ့သွင်းဖော်ပြသွားမှာဖြစ်သည်ဟု ကြေညာသွားသည်။

မည်သည့်နေ့ရက်တွင် ရွေးကောက်ပွဲလုပ်မည်ကို ထဲ့သွင်း ပြောဆိုသွားခြင်း မရှိပါ။

။။။။။

နအဖ ရွေးကောက်ပွဲ ဟန်ပြသာဖြစ်ဟု
ထိုင်းအထက်လွှတ်တော်အမတ် ပြောကြား


(NEJ) ။ ။ မြန်မာနိုင်ငံတွင် ကျင်းပတော့မည့် ရွေးကောက်ပွဲသည် နိုင်ငံ၏ ပြည်တွင်းရေးပြဿနာများကို ပြေလည်အောင် ဖြေရှင်းနိုင်မည် မဟုတ်ဘဲ ဒီမိုကရေစီကို သွေဖည်သည့် ဟန်ပြရွေးကောက်ပွဲသာဖြစ်မည်ဟု ထိုင်းအထက်လွှတ်တော်အမတ် နိုင်ကရိုင်ဆတ် ချွန်ဟာဗန်က မဲဆောက်မြို့၌ သတင်းထောက်များကို ပြောကြားသည်။

ထိုင်းလွှတ်တော်အမတ်နှင့် အာဆီယံ မြန်မာ့အရေးဆိုင်ရာ ပါလီမန် အမတ်များအဖွဲ့ (AIPMC) ဥက္ကဋ္ဌဖြစ်သူ နိုင်ကရိုင်ဆတ် ချွန်ဟာဗန်သည် အဖွဲ့ဝင်များနှင့်အတူ ယနေ့နံနက်တွင် ထိုင်း-မြန်မာနယ်စပ် မဲဆောက်မြို့ရှိ မယ်တော်ဆေးခန်းသို့ ရောက်ရှိစဉ် ပြောကြားခြင်းဖြစ်သည်။
။။။။။

တောင်ဒဂုံစက်ရုံ အလုပ်သမား ဆန္ဒပြပွဲ ပြေလည်မှု ရရှိ


ချင်းမိုင် (မဇ္ဈိမ) ။ ။ ရန်ကုန်မြို့ တောင်ဒဂုံ စက်မှုဇုန် ၁ ရှိ SGI အထည်ချုပ်စက်ရုံ၌ အလုပ်သမား ၄၀၀၀ ခန့်က လုပ်ခတိုးပေးရေးအတွက် ပြီးခဲ့သည့် စနေနေ့တွင် အလုပ်မဆင်းဘဲ ဆန္ဒပြခဲ့ရာ နာရီပိုင်းအကြာတွင် အလုပ်ရှင်က လိုက်လျောသဖြင့် ပြေလည်မှု ရရှိခဲ့သည်။

Silk Garment Industrial (SGI) အလုပ်သမားများသည် လုပ်အားခ တိုးရန်နှင့် အချိန်ပိုကြေး အပြည့်ပေးရန် စက်ရုံအပြင်၌ ဆန္ဒပြခဲ့ရာ ဒေသအာဏာပိုင်များ၏ ကြားဝင်ညှိနှိုင်းမှုအရ နေ့လည် ၁၂ နာရီခန့်တွင် ပြေလည်မှု ရသဖြင့် ဆန္ဒပြပွဲကို လူစုခွဲခဲ့ကြသည်။
။။။။။

ရွေးကောက်ပွဲမတိုင်မီ နိုင်ငံပိုင်စီမံကိန်းများ လက်စသတ်ရန်
ဗိုလ်ချုပ်မှူးကြီး သန်းရွှေ ညွှန်ကြား


(NEJ) ။ ။ တည်ဆောက်ဆဲ နိုင်ငံပိုင် အထူးစီမံကိန်းများကို အမြန်ဆုံး လုပ်ငန်းသိမ်း လက်စသတ်ကြရန်နှင့် အရှုံးပေါ်နေသည့် နိုင်ငံပိုင် စီးပွားရေးလုပ်ငန်းများ အမြတ်ထွက်ရေးအတွက် စီစဉ်ရန် စစ်အစိုးရ ခေါင်းဆောင်ဖြစ်သူက ၀န်ကြီးများကို ညွှန်ကြားလိုက်သည်။

နေပြည်တော်တွင် ယခုလ (၅) ရက်၌ ပြုလုပ်သည့် အထူးစီမံကိန်းများ အကောင်အထည်ဖော်ရေးအဖွဲ့ အစည်းအဝေးတွင် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေက ပြောကြားလိုက်ခြင်းဖြစ်သည်။
။။။။။

နေပြည်တော်တွင် ငလျင်လှုပ်

ချင်းမိုင် (မဇ္ဈိမ)။ ။ စစ်အစိုးရ ရုံးစိုက်ရာ နေပြည်တော်တွင် မတ်လ ၆ ရက်နေ့ မွန်းလွဲပိုင်းက ငလျင်တခု လှုပ်ခတ်သွားခဲ့ကြောင်း မိုးလေဝသနှင့် ဇလဗေဒဌာနက ပြောကြားသည်။
။။။။။

နယ်ခြားစောင့်တပ် လက်မခံသည့် အပစ်ရပ်အဖွဲ့များ
မတရားအသင်း ကြေညာခံရဖွယ်ရှိ


(NEJ) ၊။ ။ ရှမ်းပြည်အရှေ့ပိုင်း၊ အထူးဒေသ (၄)၊ အမျိုးသားဒီမိုကရေစီ မဟာမိတ်တပ်မတော် (NDAA-ESS) အဖွဲ့ခေါ် မိုင်းလားတပ်ဖွဲ့အား နယ်ခြားစောင့်တပ်ဖွဲ့စည်းရန် ပျက်ကွက်လျှင် မတရားအသင်း ကြေညာသွားမည်ဟု နအဖဘက်က သတိပေးထားသည်။

ပြီးခဲ့သည့်လ (၂၅) ရက်က ကျိုင်းတုံမြို့တွင် နေပြည်တော်ရှိ စစ်ဘက်ရေးရာလုံခြုံရေးအဖွဲ့ (စရဖ) ၏ စစ်ဦးစီး ပထမတန်း အရာရှိ ဒု-ဗိုလ်မှူးကြီး သန်းထွဋ်သိန်းက မိုင်းလားတပ်ဖွဲ့ ဒု-ဥက္ကဋ္ဌများဖြစ်သည့် ဦးစံပေ၊ ဦးဆန်လူတို့နှင့် တွေ့ဆုံစဉ်အတွင်း နယ်ခြားစောင့်တပ် လက်မခံပါက မတရားအသင်း ဖြစ်သွားမည်ဟု ပြောဆိုခဲ့ကြောင်း မိုင်းလားတပ်ဖွဲ့နှင့် နီးစပ်သူက ပြောသည်။
။။။။။

9.3.10

နအဖ၏ ရွေးကောက်ပွဲကော်မရှင်ဥပဒေ ထုတ်ပြန်

(NEJ) ။ ။ နအဖစစ်အစိုးရက မတ်လ (၈) ရက်နေ့စွဲဖြင့် ထုတ်ပြန်သည့် ပြည်ထောင်စုရွေးကောက်ပွဲ ကော်မရှင်ဥပဒေ ယနေ့ထုတ် နိုင်ငံပိုင်သတင်းစာများတွင် ပါရှိသည်။

ပြည်ထောင်စုရွေးကောက်ပွဲ ကော်မရှင်ဥပဒေတွင် အခန်း (၄) ခန်းပါရှိပြီး အဓိပ္ပာယ်ဖွင့်ဆိုခြင်း၊ ဖွဲ့စည်းခြင်း၊ တာဝန်နှင့် လုပ်ပိုင်ခွင့်များ၊ ကော်မရှင်နှင့်ပတ်သက်၍ အထွေထွေလုပ်ဆောင်ရမည့်အချက်များကို ဖော်ပြထားသည်။

အမည်နှင့်အဓိပ္ပာယ်ဖော်ပြချက်များတွင် လွှတ်တော်ကိုယ်စားလှယ်ဆိုသည်မှာ ပြည်သူ့လွှတ်တော်၊ အမျိုးသားလွှတ်တော်နှင့် တိုင်းဒေသကြီး သို့မဟုတ် ပြည်နယ်လွှတ်တော်တရပ်ရပ်သို့ ရွေးကောက်တင်မြှောက်ခံရသည့် လွှတ်တော်ကိုယ်စားလှယ်အပြင် တပ်မတော်ကာကွယ်ရေးဦးစီးချုပ်က ဥပဒေနှင့်အညီ အမည်တင်သွင်းသည့် တပ်မတော်သား လွှတ်တော်ကိုယ်စားလှယ်လည်း ပါဝင်ကြောင်း ထည့်သွင်းဖော်ပြထားသည်။

ရွေးကောက်ပွဲကော်မရှင်အောက် ကော်မရှင်အဖွဲ့ခွဲ ဖွဲ့စည်းရာတွင် နေပြည်တော်ကော်မရှင်အဖွဲ့ခွဲ အပါအ၀င် တိုင်းဒေသကြီး၊ ကိုယ်ပိုင်အုပ်ချုပ်ခွင့်ရတိုင်း၊ ခရိုင်၊ မြို့နယ်၊ ရပ်ကွက် စသဖြင့် အဆင့်ဆင့် (၆) ဖွဲ့ ပါရှိသည်။

ရွေးကောက်ပွဲ ကျင်းပနိုင်ရေးနှင့် နိုင်ငံရေးပါတီများကို ကြီးကြပ်နိုင်ရေးအတွက် ရွေးကောက်ပွဲကော်မရှင်ကို ဖွဲ့စည်းခြင်းဖြစ်ပြီး ယင်းသို့ဖွဲ့စည်းရာတွင် ကော်မရှင်ဥက္ကဋ္ဌအပါအ၀င် အနည်းဆုံး အဖွဲ့ဝင် (၅) ဦးကို ခန့်အပ်တာဝန်ပေးနိုင်သည်ဟု ပါရှိသည်။

ကော်မရှင်ဥက္ကဋ္ဌနှင့် အဖွဲ့ဝင်များသည် အသက် (၅၀) ပြည့်ပြီးသူများ ဖြစ်ရမည်ဖြစ်ပြီး ထင်ပေါ်ကျော်ကြားသည့် ဂုဏ်သတင်းရှိသော ပုဂ္ဂိုလ်အဖြစ် နအဖကောင်စီက ယူဆသူဖြစ်ရမည်ဟု ပါရှိသည်။

ကော်မရှင်၏ လုပ်ငန်းတာဝန်များကို ဖော်ပြထားရာတွင် လွှတ်တော်ရွေးကောက်ပွဲများ ကျင်းပခြင်း၊ လွှတ်တော်ရွေးကောက်ပွဲများကို ကြီးကြပ်ခြင်းနှင့် ကြီးကြပ်စေခြင်း၊ မဲဆန္ဒနယ်များ သတ်မှတ်ခြင်းနှင့် ပြင်ဆင်သတ်မှတ်ခြင်း၊ မဲစာရင်းများပြုစုခြင်းနှင့် ပြင်ဆင်စေခြင်း၊ ရွေးကောက်ပွဲကို ရွှေ့ဆိုင်းခြင်းနှင့်ပယ်ဖျက်ခြင်း၊ လွှတ်တော်ကိုယ်စားလှယ်များအဖြစ် အသိအမှတ်ပြုလွှာ ထုတ်ပေးခြင်း၊ ရွေးကောက်ပွဲဆိုင်ရာ အငြင်းပွားမှုကို စစ်ဆေးနိုင်ရေးအတွက် ရွေးကောက်ပွဲခုံအဖွဲ့များ ဖွဲ့စည်းခြင်း၊ ကော်မရှင်အဖွဲ့ခွဲများအတွက် ရန်ပုံငွေ ခွဲဝေချထားပေးခြင်း၊ အသုံးစရိတ်များ ကြီးကြပ်ခြင်း၊ နိုင်ငံရေးပါတီများကို ဥပဒေနှင့်အညီ ဆောင်ရွက်စေရန် ကြီးကြပ်ခြင်း စသည်တို့ ပါဝင်သည်။

ထို့အပြင် ကိုယ်ပိုင်အုပ်ချုပ်ခွင့်ရ တိုင်းဦးစီးအဖွဲ့ သို့မဟုတ် ကိုယ်ပိုင်အုပ်ချုပ်ခွင့်ရ ဒေသဦးစီးအဖွဲ့တွင် အဖွဲ့ဝင်အဖြစ် ရွေးချယ်ခန့်ထားရာ၌ ယင်းသို့ရွေးချယ်ခန့်ထားသည့် ပုဂ္ဂိုလ်နှင့်ပတ်သက်၍ ကန့်ကွက်ချက်များရှိပါက ယင်းကန့်ကွက်ချက်များကို စစ်ဆေးဆုံးဖြတ်ပေးနိုင်ရန် ရွေးကောက်ပွဲခုံအဖွဲ့များကို ဖွဲ့စည်းခွင့်ရှိသည်ဟု ဖော်ပြပါရှိသည်။

ရွေးကောက်ပွဲတင်မြှောက်ခြင်းဆိုင်ရာ လုပ်ငန်းများ၊ ရွေးကောက်ပွဲခုံအဖွဲ့များ၏ ဆုံးဖြတ်ချက်များ၊ အမိန့်များနှင့်စပ်လျဉ်းသည့် အယူခံမှုများနှင့်ပြင်ဆင်မှုများ၊ နိုင်ငံရေးပါတီများ မှတ်ပုံတင်ခြင်းဥပဒေအရ ဆောင်ရွက်ချက်များ စသည်တို့နှင့်စပ်လျဉ်း၍လည်း ကော်မရှင်၏ ဆုံးဖြတ်ချက်နှင့်ဆောင်ရွက်ချက်များသည် အပြီးအပြတ်ဖြစ်စေရမည်ဟု ဖော်ပြထားသည်။
။။။။။

ရွှေဂုံတိုင် ကြေညာစာတမ်းကိုပင် ဆုပ်ကိုင်မည်ဟု ဦးဝင်းတင်ပြော


ချင်းမိုင် (မဇ္ဈိမ) ။ ။ စစ်အစိုးရ ကျင်းပမည့် ရွေးကောက်ပွဲအတွက် ဥပဒေများကို ထုတ်ပြန်လိုက်သော်လည်း အမျိုးသား ဒီမိုကရေစီ အဖွဲ့ချုပ် အနေဖြင့် ရွှေဂုံတိုင် ကြေညာစာတမ်းကိုပင် ဆက်လက် ဆုပ်ကိုင်သွားမည်ဟု အန်အယ်ဒီ ဗဟိုအလုပ်အမှုဆောင် အဖွဲ့ဝင် ဦးဝင်းတင်က ပြောသည်။
။။။။။

ထားဝယ် ရေနက်ဆိပ်ကမ်းစီမံကိန်း စတင်၊ ရွာများစွာ ရွှေ့ပြောင်းခံရဖွယ်ရှိ


မြန်မာနိုင်ငံမှတဆင့် နယ်စပ်ဖြတ်ကျော် လမ်းကြောင်းများ အကောင်အထည်ဖော်ဆောင်ရေးတွင် တနင်္သာရီတိုင်း၊ ထားဝယ်မြို့အနီးရှိ ထားဝယ်ရေနက်ဆိပ်ကမ်း စီမံကိန်း ဆောက်လုပ်ရေးလုပ်ငန်းကို စတင်ဆောင်ရွက်နေပြီဖြစ်သည်။

ရေနက်ဆိပ်ကမ်း တည်နေရာကို ထားဝယ်မြို့ မောင်းမကန်ကမ်းခြေ အထက်ပိုင်း နဘူးလယ်ကျေးရွာနှင့် ပင်လယ်ဘက် ဟိန်းဇဲကျွန်းစုအကြားတွင်ဖြစ်ပြီး ဆောက်လုပ်မည့် အနီးဝန်းကျင်ရှိ ကျေးရွာပေါင်း (၁) ဒါဇင်ကျော်တို့ကို စတင်ပြောင်းရွှေ့ ခိုင်းနေကြောင်း ကိုယ်တိုင် သွားရောက်လေ့လာခဲ့သူတဦးက ပြောကြားသည်။
။။။။။

ဗကသ ခေါင်းဆောင် ကျော်ကိုကို တမှုထပ်တိုး

နယူးဒေလီ (မဇ္ဈိမ)။ ။ ထောင်ဒဏ် ၃ နှစ် ကျခံနေရသည့် ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ် ဗကသ ခေါင်းဆောင်တဦးဖြစ်သူ ကိုကျော်ကိုကိုသည် နောက်တိုးအမှုတမှုနှင့် ရင်ဆိုင်နေရကြောင်း သိရသည်။

ယခုလ ၄ ရက်နေ့တွင် ရန်ကုန်တိုင်း ကျောက်တံတားမြို့နယ် တရားရုံးတွင် အမှုသစ်တမှုနှင့် ရုံးထုတ်ခံခဲ့ရသည်ကို အင်းစိန်ထောင်သို့ ၅ ရက်နေ့တွင် ထောင်ဝင်စာ သွားတွေ့ခဲ့သည့် မိခင်ဖြစ်သူက သိခဲ့ရခြင်း ဖြစ်သည်။
။။။။။
10.1.10

အန်အယ်လ်ဒီ ရွေးကောက်ပွဲ ၀င်ရေး မ၀င်ရေးထက်
ပါတီရပ်တည်ရေး ဆုံးဖြတ်ရန်လိုဟု ဦးဝင်းတင်ပြောကြား


(NEJ) ။ ။ နအဖထုတ်ပြန်သည့် နိုင်ငံရေးပါတီများ မှတ်ပုံတင်ခြင်းဥပဒေသည် အန်အယ်လ်ဒီပါတီကို ရပ်တည်ခွင့်မပေးသည့် သဘောဆောင်နေကြောင်း အန်အယ်လ်ဒီ ဗဟိုအလုပ်အမှုဆောင်အဖွဲ့ဝင်ဖြစ်သူ ဦးဝင်းတင်က ခေတ်ပြိုင်သို့ ပြောကြားသည်။

“အခု မှတ်ပုံတင် ဥပဒေအရ ကြည့်မယ်ဆိုရင် ကန့်သတ်ချုပ်ချယ်မှုတွေက အများကြီးပဲ။ အထူးသဖြင့်ကတော့ ထောင်ကျနေတဲ့လူများနဲ့ ပတ်သက်တဲ့ဟာ ပါလာတဲ့အတွက် ဒီတချက်တည်းနဲ့ကို ကျနော်တို့မှာ ခက်ခဲတဲ့အနေအထားမှာ ရှိပါတယ်။ ဘာလို့လဲဆိုတော့ ကျနော်တို့ကိုယ်တိုင်က ထောင်ကျနေတဲ့သူတွေကို ပါတီတာဝန် ထမ်းဆောင်နေတယ်လို့ သဘောထားပြီးတော့ ဗဟိုကော်မတီတို့ ဖွဲ့တဲ့အခါ ထည့်သွင်းဖွဲ့စည်းထားတယ်။ နောက်တခါ ကျနော်တို့ရဲ့ ခေါင်းဆောင်ဖြစ်တဲ့ ဒေါ်အောင်ဆန်းစုကြည်ကလည်း ထောင်ကျနေတယ်။ ဒါပေမယ့် စီအီးစီထဲမှာ ထည့်သွင်းသတ်မှတ်ထားတယ်။ အခု ဥပဒေအရဆို ဒီပုဂ္ဂိုလ်များကို ထည့်သွင်းထားမယ်ဆိုရင်တောင်မှ ကျနော်တို့ရဲ့ပါတီရပ်တည်ရေးကို မပေးဘူးဆိုတဲ့ သဘောမျိုး ဆောင်နေပါတယ်။ တော်တော်ကြီးကျယ်တဲ့ ဆုံးဖြတ်ရမယ့်ကိစ္စ ဖြစ်လာပါတယ်” ဟု ပြောသည်။
။။။။။

ဒေါ်စုကို ပထုတ်သည့်အပေါ် အမေရိကန် ဝေဖန်


မဇ္ဈိမသတင်းဌာန
ချင်းမိုင် ။ ။ စစ်အစိုးရက ဒေါ်အောင်ဆန်းစုကြည်ကို ရွေးကောက်ပွဲ မဝင်နိုင်ရန် ရွေးကောက်ပွဲဥပဒေ ထုတ်၍ တားဆီးလိုက်ခြင်းသည် လက်ခံနိုင်စရာ မရှိကြောင်း အရှေ့အာရှနဲ့ ပစိဖိတ်ဒေသရေးရာ အမေရိကန် လက်ထောက် နိုင်ငံခြားရေးဝန်ကြီး ကာ့တ် ကမ်းဘဲလ် Mr. Kurt Campbell က ပြောသည်။
။။။။။


စက်မှုဇုန်အရေး မပြေလည်သေး


(NEJ) ။ ။ စက်မှုဇုန်များနှင့် ပတ်သက်သော ပြဿနာများကို ဖြေရှင်းပေးကြောင်း ကာကွယ်ရေးဝန်ကြီးဌာနမှ ဒုတိယဗိုလ်ချုပ်ကြီး မြင့်ဆွေက ပြောကြားခဲ့သော်လည်း အလုပ်ရှင်နှင့်မပြေလည်သေးသည့် စက်ရုံများ ရှိနေသေးကြောင်း သိရသည်။

“တလကိုတခါ ပြုလုပ်နေကျ စက်မှုဇုန်ကော်မတီအစည်းအဝေးမှာ စက်မှုဇုန်တွေရဲ့ ပြဿနာတွေ၊ လိုအပ်ချက်တွေကို တောင်းဆိုမှုတွေလုပ်လာရင် ဖြေရှင်းပေးပါတယ်။ ကိုယ်တိုင်ကွင်းဆင်းပြီးတော့ အဲဒီလိုစက်မှုဇုန်နဲ့ ပတ်သက်တာတွေကို ရှင်းပေးပါတယ်” ဟု ဒု-ဗိုလ်ချုပ်ကြီးမြင့်ဆွေက ယခုလ ( ၆ ) ရက်၊ ရန်ကုန်မြို့ UMFCCI တွင်ပြုလုပ်သော မြန်မာနိုင်ငံ စက်မှုကုန်ထုတ်လုပ်သူများအသင်း၏ (၁၆) ကြိမ်မြောက် အစည်းအဝေး၌ ပြောဆိုခဲ့ခြင်းဖြစ်သည်။ရန်ကုန်တိုင်း စက်မှုဇုန် စီမံခန့်ခွဲရေးကော်မတီ၏ တာဝန်ရှိသူတဦး ပြောပြချက်အရ အလုပ်သမားများက လုပ်အားခကို တောင်းဆိုကြရာတွင် အလုပ်ရှင်နှင့် မပြေလည်သေးသော စက်ရုံများ ရှိနေသေးကြောင်း သိရသည်။
။။။။။

ဒီဗီဘီ သတင်းထောက် မလှလှဝင်း အမှု အယူခံလွှာ တင်သွင်း

နယူးဒေလီ (မဇ္ဈိမ)။ ။ ထောင်ဒဏ် နှစ် ၂၇ ကျခံနေရသည့် အတိုက်အခံ သတင်းဌာန ဒီဗီဘီ သတင်းထောက် မလှလှဝင်း အမှုအတွက် မကွေးတိုင်း တရားရုံးတွင် ယခုလ ၈ ရက်နေ့ အယူခံလွှာတင်ခဲ့ကြောင်း ရှေ့နေက ပြောသည်။

နော်ဝေးအခြေစိုက် ဒီမိုကရက်တစ် မြန်မာ့အသံ (ဒီဗီဘီ) သတင်းထောက်ကို မကွေးတိုင်း ပခုက္ကူခရိုင် တရားရုံးက အီလက်ထောနစ်အက်၊ ဗီဒီယိုအက် အပါအဝင် ပုဒ်မ ၃ ခုဖြင့် ပြစ်ဒဏ်ချခဲ့သည့် အနှစ် ၂၀ အတွက် ပြင်ဆင်ခွင့် အယူခံလွှာ တင်သွင်းခဲ့ခြင်း ဖြစ်သည်။

ကျန် ပြစ်ဒဏ် ၇ နှစ်မှာမူ တရားမဝင် ဆိုင်ကယ် စီးနင်းမှုဖြင့် ချမှတ်ခံထားရခြင်း ဖြစ်သည်။
။။။။။

11.3.10

အန်အယ်လ်ဒီ ပါတီရုံးခွဲများ ပြန်ဖွင့်ခွင့်ရ

NEJ
မြန်မာနိုင်ငံတ၀န်းရှိ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ပါတီရုံးခွဲများကို ယမန်နေ့ မတ် (၁၀) ရက်နေ့မှစတင်၍ စစ်အစိုးရက ပြန်လည်ဖွင့်လှစ်ခွင့်ပြုလိုက်ကြောင်း အန်အယ်လ်ဒီပါတီ ပြောခွင့်ရသူ ဦးဉာဏ်ဝင်းက ပြောကြားသည်။
။။။။။

ရွေးကောက်ပွဲ ကော်မရှင်စာရင်း ထုတ်ပြန်


မဇ္ဈိမသတင်းဌာန ။ ။မြန်မာ့စစ်အစိုးရက ပြည်ထောင်စု ရွေးကောက်ပွဲ ကော်မရှင်လူကြီးများ စာရင်းကို ထုတ်ပြန်လိုက်ကြောင်း ယနေ့ ညနေ ၄ နာရီက မြန်မာ့ရုပ်မြင်သံကြားက ကြေညာသွားသည်။

၁၇ ဦးပါ ကော်မရှင်အဖွဲ့တွင် ဥက္ကဋ္ဌအဖြစ် ဦးသိန်းစိုးကို ခန့်အပ်လိုက်သည်။ အဖွဲ့ဝင်များမှာ ဦးအင်ဇော်နော်၊ ဦးခင်မောင်နု၊ ဦးစိုးဘလှိုင်၊ ဒေါက်တာဘမောင်၊ ဦးညွှန့်တင်၊ ဦးမောင်သာလှ၊ ဦးစိုင်းခုမ်လှိုင်၊ ဦးအောင်မြင့်၊ ဦးမြင့်နိုင်၊ ဒေါက်တာတင်အောင်အေး၊ ဒေါက်တာဒေါ်မြင့်ကြည်၊ ဒေါ်ခင်လှမြင့်၊ ဦးသာဦး၊ ဒေါက်တာမောင်ထူး၊ ဦးသာဌေး၊ ဦးဝင်းကြည်တို့ ဖြစ်ကြသည်။
။။။။။

စစ်တပ်ကြောင့် နေရပ်စွန့်ခွာလာသူ (၂၀၀) ခန့်ရှိ

ဒေသခံ မြန်မာစစ်တပ်၏ဒဏ်ကို မခံနိုင်၍ မွန်ပြည်နယ် တောင်ပိုင်းနှင့် တနင်္သာရီတိုင်း မြောက်ပိုင်းရှိ ကျေးရွာများမှ ရွာသား (၂၀၀) ခန့်သည် နေရပ်စွန့်ခွာကာ မွန်ပြည်သစ်ပါတီ ထိန်းချုပ်ဒေသသို့ လာရောက်ခိုလှုံနေကြကြောင်း ပါတီမြို့နယ် ကော်မတီဝင်တဦးက ပြောသည်။
။။။။။

11.3.10


သတင်းစာဆရာကြီး ဦးဝင်းတင်၏ ဘာလဲဟဲ့လူ့ငရဲ စာအုပ် ဖြန့်ချိ


သတင်းစာဆရာကြီး ဟံသာဝတီ ဦးဝင်းတင်၏ ယနေ့ကျရောက်သည့် အသက် (၈၀) နှစ် ပြည့် မွေးနေ့ပွဲ အထိမ်းအမှတ်အဖြစ် ဆရာကြီးထောင်မှလွတ်ပြီး ပထမဆုံး ရေးသားထုတ်ဝေသော ဆောင်းပါးများကို စုစည်းထားသည့် ဘာလဲဟဲ့လူ့ငရဲ စာအုပ်ကို ဒီမိုကရက်တစ်မြန်မာ့အသံ (ဒီဘီဗွီ) က ယနေ့ စတင်ထုတ်ဝေဖြန့်ချိလိုက်သည်။

၁၉၈၉ ခုနှစ်မှ ၂၀၀၈ ခုနှစ်အထိ နအဖ၏ မတရားဖမ်းဆီး ထောင်ချခံရသည့်ကာလအတွင်း ထောင်တွင်းအတွေ့အကြုံများကို စုစည်းရေးသားထားသည့် စာအုပ်ဖြစ်ပြီး စာရေးသူ၏ အမှာစာ ပါရှိသည်။
(NEJ)
။။။။။

ရွေးကောက်ပွဲ ဥပဒေက ပြည်ပနေ မြန်မာများအတွက် ပီပြင်မှု မရှိ

ချင်းမိုင် (မဇ္ဈိမ) ။ ။ စစ်အစိုးရ၏ ရွေးကောက်ပွဲဥပဒေက စီးပွားရေးနှင့် နိုင်ငံရေးကြောင့် ပြည်ပတွင် ပြန့်နှံ့ရောက်ရှိနေသော မြန်မာသန်းပေါင်းများစွာ၏ အခြေခံအခွင့်အရေးကို ဖြည့်ဆည်းပေးရန် ပျက်ကွက်နေသည်။

”ရွှေ့ပြောင်းလုပ်သား အများအပြားက သူတို့နိုင်ငံရဲ့ နိုင်ငံရေးအခြေအနေနဲ့ ပတ်သက်လို့ စိုးရိမ်နေကြတာ။ ဘာဖြစ်လို့လဲဆိုတော့ ဒါဟာ သူတို့ ရွှေ့ပြောင်းလုပ်သားဘဝ ရောက်လာရစေတဲ့ အကြောင်းတချက်ဖြစ်လို့” ဟု စင်ပြိုင်အာဆီယံအဖွဲ့မှ ဒယ်ဘီစတော့ဟတ်က ပြောသည်။
ဥပဒေက ရေရေရာရာမရှိလှဘဲ နိုင်ငံ့ပြင်ပတွင် နေထိုင်နေသူများ ကြိုတင်မဲထည့်ခွင့်ရရန် နိုင်ငံခြားရေးဝန်ကြီးဌာနက လုပ်ဆောင်ရမည်ဟုသာ ရေးသားထားသည်။
။။။။။

မွန်ပြည်သစ် ဗဟိုအလုပ်မှုဆောင် (၉) ဦးနှင့် တွေ့ခွင့်ရရန်
ရတခတိုင်းမှူး အကြောင်းကြား


မွန်ပြည်သစ်ပါတီဥက္ကဋ္ဌကြီးအပါအဝင် ထိပ်ပိုင်းခေါင်းဆောင် (၉) ဦးနှင့် မော်လမြိုင်မြို့ အရှေ့တောင်တိုင်းစစ်ဌာနချုပ်တွင် ယခုလအတွင်း တွေ့ဆုံနိုင်ရန် အရှေ့တောင်တိုင်းစစ်ဌာနချုပ် (ရတခ) တိုင်းမှူး ဗိုလ်ချုပ်သက်နိုင်ဝင်းက တောင်းဆိုထားကြောင်း မွန်ပြည်သစ်ပါတီမှ သိရသည်။
(NEJ)
။။။။။

ရွေးကောက်ပွဲ ဝင်လိုသူများလည်း ဆင်ဆာမလွတ်

ချင်းမိုင် (မဇ္ဈိမ) ။ ။ ရွေးကောက်ပွဲဝင်လိုသော နိုင်ငံရေးပါတီများသည် ရွေးကောက်ပွဲ ဥပဒေအပေါ် ဆန်းစစ်ပြောကြားချက်ကို ပြည်တွင်း ဂျာနယ်များတွင် မဖော်ပြရန် ဆင်ဆာဘုတ်က ဖြတ်တောက်နေသည်။

ယခုနှစ်အတွင်း ကျင်းပမည့် ရွေးကောက်ပွဲကို ဝင်ရောက်ယှဉ်ပြိုင်မည်ဟု တရားဝင် ကြေညာထားသော ဒီမိုကရက်တစ်ပါတီ ဥက္ကဋ္ဌ ဦးသုဝေ၊ ပြည်ထောင်စု ဒီမိုကရေစီ မဟာမိတ်အဖွဲ့မှ ခေါင်းဆောင် ဦးရွှေအုန်းနှင့် အဖွဲ့ဝင် ကိုနေမျိုးဝေတို့က ရွေးကောက်ပွဲဥပဒေအပေါ် သုံးသပ်ပြောဆိုထားသည်ကို စာပေစိစစ်ရေးက ဖြုတ်လိုက်ခြင်း ဖြစ်သည်။
စာပေစိစစ်ရေးဌာန အကြီးအကဲ ဗိုလ်မှူးတင့်ဆွေမှာ နေပြည်တော်သို့ သွားရောက်နေရချိန်လည်း ဖြစ်သောကြောင့် ဆင်ဆာဖြတ်တောက်မှု ပိုကြမ်းနေခြင်း ဖြစ်နိုင်ကြောင်း ရန်ကုန် စာပေအသိုင်းအဝိုင်းက ပြောသည်။
။။။။။

နယ်ခြားစောင့်တပ်အသွင်ပြောင်းရေး အဖြေပေးရန်
ကေအိုင်အိုနှင့် နအဖ ယနေ့တွေ့ဆုံ


(NEJ) ။ ။ ကချင်ပြည်လွတ်လပ်ရေးအဖွဲ့ (ကေအိုင်အို) ၏ နယ်ခြားစောင့်တပ်အသွင်ပြောင်းရေး လက်ခံ မခံ အဖြေပေးရမည့် တွေ့ဆုံဆွေးနွေးပွဲအား မြစ်ကြီးနားမြို့ မြောက်ပိုင်းတိုင်း စစ်ဌာနချုပ်၌ ယနေ့ပြုလုပ်သည်။

ကေအိုင်အိုအဖွဲ့မှ ဗိုလ်ချုပ်ဂေါ်ရီဇော်ဆိုင်း ဦးဆောင်သည့် (၈) ဦးပါ ကေအိုင်အို ကိုယ်စားလှယ်အဖွဲ့ တရုတ်-မြန်မာနယ်စပ်ရှိ ဗဟိုဌာနချုပ် လိုင်ဇာမြို့မှ ယမန်နေ့က ထွက်ခွာသွားပြီး ယနေ့ ဆွေးနွေးနေသည်ဟု အမည်မဖော်လိုသည့် ကေအိုင်အိုအရာရှိက အတည်ပြုပြောသည်။
(NEJ)
။။။။။

Monday, March 8, 2010

9-2010

1.3.10


နအဖ ငြင်းပယ်ထားသည့် တောင်းဆိုချက်များ ထပ်မံတင်ပြ၍ ဝတပ်ဖွဲ့ တုံ့ပြန်

(NEJ) ။ ။ ဝပြည်သွေးစည်းညီညွတ်ရေးတပ်မတော် (UWSA) ခေါ် ဝတပ်ဖွဲ့က ၎င်းတို့၏တောင်းဆိုချက် (၉) ချက်ကို နအဖက ပယ်ချနေသည့်ကြားကပင် လိုက်လျောပေးရန် ယမန်နေ့က ထပ်မံတောင်းဆိုလိုက်သည်။မိုင်းပေါက်နှင့် မိုင်းဖြန်အား မိုင်းပေါက်မြို့နယ်အဖြစ် သတ်မှတ်ကာ ဝကိုယ်ပိုင်အုပ်ချုပ်ခွင့်ရ တိုင်းဒေသကြီးအတွင်း (၆) မြို့နယ် အစား (၇) မြို့နယ်အဖြစ် ဖွဲ့စည်းသွားရေး၊ ထိုင်း-မြန်မာနယ်စပ်ရှိ ဝတပ်ဖွဲ့များအခြေစိုက်ရာ ဝမ်ဟုန်စစ်ဒေသအား ဝအုပ်ချုပ်ခွင့်ရဒေသ ဖွဲ့စည်းရေး၊ ဝမ်ဟုန်နှင့် ပန်ဆန်းဟူ၍ စစ်ဒေသခွဲ (၂) ခု သတ်မှတ်ကာ စစ်ဒေသမှူးနှင့် စစ်ဦးစီးမှူးကို ဝတပ်ဖွဲ့က တာဝန်ယူရေး၊ ဒု-စစ်ဒေသမှူးနှင့် ဒု-စစ်ဦးစီးမှူးဟူ၍ (၂) ဦးစီ ထားရှိမည်ဖြစ်ပြီး (၁) ဦးစီကို နအဖဘက်က တာဝန်ယူရေး၊ တပ်ရင်းအဆင့်တွင် ဝတပ်ဖွဲ့ဝင်များဖြင့်သာ ဖွဲ့စည်းရေးဟူ၍ တောင်းဆိုထားသည်။

ထို့အပြင် ကျန်းမာရေး၊ သင်တန်းနှင့် ထောက်ပံ့ရေးကိစ္စအား နအဖဘက်က တာဝန်ယူရေး၊ နယ်ခြားစောင့်တပ်ဖွဲ့တွင် မပါဝင်တော့သည့် တပ်ဖွဲ့ဝင်များအား ပင်စင်လစာ (၅) နှစ်စာအတွက် တလုံးတခဲတည်း ပေးရေး၊ မိဘမဲ့ကလေးများနှင့် စစ်ပွဲများကြောင့် ကိုယ်လက်အင်္ဂါ ဆုံးရှုံးခဲ့ရသည့် ဒုက္ခိတများအား နအဖဘက်က ကူညီထောက်ပံ့ရေး၊ အသွင်ကူးပြောင်းပြီး နောက်ပိုင်း တရားဥပဒေချိုးဖောက်ခြင်း မရှိတော့လျှင် ယခင်က ဥပဒေချိုးဖောက်ခဲ့သူများနှင့် မည်သည့်အဖွဲ့တွင် ပါဝင်ခဲ့သူများကိုမဆို လွတ်ငြိမ်းချမ်းသာခွင့်နှင့် ၎င်းတို့၏အသက်အိုးအိမ်စည်းစိမ်ကို လုံခြုံမှုအာမခံချက်ပေးရန် စသည့်အချက်များကို ထည့်သွင်းတောင်းဆိုထားသည်။

၂ဝဝ၈ ဖွဲ့စည်းပုံအခြေခံဥပဒေအရ ဝတပ်ဖွဲ့၏ နယ်မြေများတောင်းဆိုမှုမှာ မဖြစ်နိုင်တော့ကြောင်း ယမန်နှစ် နိုဝင်ဘာနှင့် ယခုနှစ် ဖေဖော်ဝါရီတွင် တွေ့ဆုံစဉ်၌ နအဖဘက်က ပြောဆိုထားခဲ့သည်ဟု အဆိုပါ ဝခေါင်းဆောင်များနှင့် နီးစပ်သူက ပြောသည်။
။။။။။

ထိုင်း-မြန်မာ ကုန်သွယ်ရေးဇုံ အသစ် ဖွင့်လှစ်မည်


ချင်းမိုင် (မဇ္ဈိမ) ။ ။ ထိုင်း၊ မြန်မာ နယ်စပ်တခုဖြစ်သော မယ်ဟောင်ဆောင်ခရိုင်တွင် ကုန်သွယ်ရေး ဇုံအသစ်တခု ဖွင့်လှစ်မည် ဟု ချင်းမိုင်ကုန်သည်ကြီးများအသင်းမှ သိရသည်။ယင်း ကုန်သွယ်စခန်းသည် ကုန်းကြောင်း ကုန်သွယ်မှုအပြင် လေကြောင်းဖြင့်ပါ ထိုင်းနိုင်ငံနှင့် မြန်မာ နိုင်ငံကို ကုန်သွယ်မှုပေးမည်ဖြစ်သည်။အဆိုပါ ကားလမ်းသည် မယ်ဟောင်ဆောင်ခရိုင်မှတဆင့် လွိုင်ကော်၊ နေပြည်တော်၊ တောင်ကြီးနှင့် တောင်ငူ၊ ပြည်၊ သံတွဲ တို့ကို ဆက်သွယ် ဖောက်လုပ်ပေးမည်ဖြစ်သည်။
။။။။။

အဓမ္မခိုင်းစေခံရသည့် ရွာသား (၄၀၀) ကျော်တို့က အိုင်အယ်လ်အိုသို့ တိုင်တန်း


(NEJ) ။ ။ အဓမ္မလုပ်အား ခိုင်းစေခြင်းခံရသည့် တောင်ငူခရိုင်မှ ရွာသား (၄၇၀) တို့က ၎င်းတို့ အဓမ္မစေခိုင်းခံရမှုကို စုံစမ်း အရေးယူမှုပြုလုပ်ပေးရန် အပြည်ပြည်ဆိုင်ရာ အလုပ်သမားရေးရာအဖွဲ့ (အိုင်အယ်လ်အို) သို့ ယနေ့တိုင်ကြားစာ ပေးပို့လိုက်သည်။

ထိုသို့ အစီရင်ခံစာ ပေးပို့မှုနှင့်ပတ်သက်၍ မြန်မာနိုင်ငံအလုပ်သမားသမဂ္ဂများ အဖွဲ့ချုပ် (အက်ဖ်တီယူဘီ) နှင့် ကော်သူးလေအလုပ်သမားသမဂ္ဂများအဖွဲ့ချုပ် (အက်ဖ်တီယူကေ) တို့မှ တာဝန်ရှိသူများက ထိုင်း-မြန်မာနယ်စပ်တွင် သတင်းစာရှင်းလင်းပွဲတရပ် ယမန်နေ့ညနေက ကျင်းပခဲ့သည်။

မြန်မာနိုင်ငံတွင် အိုင်အယ်လ်အိုက ရုံးဖွင့်လှစ်ထားသော်လည်း အဓမ္မလုပ်အားခိုင်းစေမှုနှင့်ပတ်သက်၍ ထိရောက်သည့် အရေးယူမှု မပြုလုပ်နိုင်သည့်အတွက် အချိန်ကြာလာသည်နှင့်အမျှ လူထုမှာ ပိုမိုဒုက္ခရောက်နေသဖြင့် ၎င်းတို့ကိုယ်စား အိုင်အယ်လ်အိုမှတဆင့် တင်ပြပေးခြင်းဖြစ်သည်ဟု အက်ဖ်တီယူကေအဖွဲ့က ပြောသည်။
။။။။။။

ဦးပိုင်ကတိဖျက်အပြီး ဆားဈေးထိုးကျ

ချင်းမိုင် (မဇ္ဈိမ)။ ။ မြန်မာ့စီးပွားရေးဦးပိုင်ကုမ္မဏီက ဆားလုပ်ငန်းရှင်များထံမှ ဆားတန်ချိန် တသိန်း ဝယ်ယူမည့် အစီ အစဉ် ဖျက်လိုက်ပြီးနောက် ဆားဈေးများ တဟုန်ထိုး ကျဆင်းသွားသည်။

ကော့စတစ်စက်ရုံဆောက်လုပ်မည်ဖြစ်၍ ဆားများကို ဝယ်ယူရန် စီစဉ်ခဲ့သော်လည်း စက်ရုံ မတည်ဆောက်ရသေးသဖြင့် အစီအစဉ် ဖျက်သိမ်းလိုက်ကြောင်း ယခင်လ ၇ ရက်နေ့က ဆားလုပ်ငန်းရှင်များကို တပ်မတော်ပိုင် စီးပွားရေးလုပ်ငန်းဖြစ်သော ဦးပိုင်မှ အကြီးအကဲများက နေပြည်တော်တွင် တွေ့ဆုံပြောကြားခဲ့သည်။

နောက်ဆက်တွဲအကျိုးဆက်အနေဖြင့် ဆားထွက်ရှိရာ ဒေသတခုဖြစ်သော ဧရာဝတီတိုင်း လပွတ္တာမြို့တွင် ဆားကြမ်းဈေးသည် ယခင်လက ၁ ပိဿာ ၇ဝ ကျပ်ရှိနေရာမှ ယနေ့တွင် ၄ဝ ကျပ်ထိ ဈေးကျသွားသည်။
။။။။။

2.3.10


ဒေါ်အောင်ဆန်းစုကြည်၏အယူခံ ပယ်ချခံရမှု ဥရောပသမဂ္ဂ ကြေညာချက်ထုတ်


(NEJ) ။ ။ နေအိမ်အကျယ်ချုပ်ကျခံနေရသည့် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က အယူခံတင်သွင်းထားသော ပြစ်မှုဆိုင်ရာ ပြင်ဆင်မှု လျှောက်လဲချက်အား ဗဟိုတရားရုံးချုပ်မှ ပယ်ချလိုက်သည့်အပေါ် အထူးစိတ်မကောင်းဖြစ်မိကြောင်း ဥရောပသမဂ္ဂ (အီးယူ) နိုင်ငံခြားရေးရာဌာန၏ ပြောခွင့်ရသူ ကက်သရင်း အက်ရ်ှတန်က ပြောကြားလိုက်သည်။

ထိုသို့ တရားရုံးချုပ်မှ ဒေါ်အောင်ဆန်းစုကြည်၏ အယူခံအားပယ်ချခဲ့ခြင်းသည် အစိုးရနှင့် အတိုက်အခံပါတီတို့အကြား အလျင်အမြန်လိုအပ်နေသည့် အမျိုးသားရင်ကြားစေ့ရေးနှင့် ရေရှည် တည်ငြိမ်အေးချမ်းရေးအတွက် နိုင်ငံရေးအရ အားလုံးပါဝင်နိုင်သော တွေ့ဆုံဆွေးနွေးမှုဖြစ်မြောက်ရေး အလားအလာများကို ပျက်စီးသွားစေသည်ဟု ကက်သရင်း အက်ရ်ှတန်က ယမန်နေ့၌ ကြေညာချက် ထုတ်ပြန်ပြောဆိုလိုက်ခြင်းဖြစ်သည်။

မြန်မာနိုင်ငံ၌ ယခုနှစ်အတွင်း ရွေးကောက်ပွဲလုပ်ရန် စီစဉ်ထားရာတွင် အာဏာပိုင်များအနေဖြင့် နိုင်ငံတကာက တောင်းဆို ထားသည့်အတိုင်း ဒေါ်အောင်ဆန်းစုကြည်နှင့် နိုင်ငံရေးအကျဉ်းသားများအား လွှတ်ပေးပြီး နိုင်ငံရေးလုပ်ငန်းစဉ်တွင် ပါဝင်ခွင့်ပေးရန် လိုအပ်ကြောင်းလည်း ဥရောပကော်မရှင်၏ ဒုတိယအကြီးအကဲလည်းဖြစ်သူ ကက်သရင်း အက်ရ်ှတန်က တောင်းဆိုလိုက်သည်။
။။။။။

ကေအိုင်အိုက စစ်ရေးအသင့်ပြင်


ချင်းမိုင် (မဇ္ဈိမ) ။ ။ နယ်ခြားစောင့်တပ်အသွင်ပြောင်းလဲရေး ဖိအားပေးခြင်းခံနေရသော ကချင်လွတ်မြောက်ရေးအဖွဲ့ (ကေအိုင်အို) အနေဖြင့် စစ်ရေးအတွက်လည်း ပြင်ဆင်ထားကြောင်း စုံစမ်းသိရှိရသည်။

ရွေးကောက်ပွဲမတိုင်မီ တပ်မတော်လက်အောက်သို့သွတ်သွင်းမည့် အစီအစဉ်ကို ဖေဖော်ဝါရီလ ၂၈ ရက်နေ့ အကြောင်းပြန်ရင် အပစ်ခတ်ရပ်ကချင်အဖွဲ့ကြီးသို့ စစ်အစိုးရ၏ ညှိနှိုင်းရေးသမား စစ်ဘက်ရေးရာလုံခြုံရေး အကြီးအကဲ ဒု ဗိုလ်ချုပ်ကြီးရဲမြင့်က သတ်မှတ်ထားခဲ့သော်လည်း ကေအိုင်အိုက တုံ့ပြန်မှုမပြုဘဲ ရှိနေသည်။

နအဖ အား မည်သို့တုန့်ပြန် ဖြေကြားမည်ကို ဆုံးဖြတ်နိုင်ရန် KIO ဗဟိုဌာနချုပ် လိုင်ဇာမြို့တွင် ယမန်နေ့မှ စ၍ ဗဟိုအလုပ်အမှုဆောင်အပါအဝင် စုစုပေါင်း ၃ဝ ဦးဖြင့် အစည်းအဝေး ကျင်းပနေသည်။
။။။။။

3.3.10

ရှေ့နေ ကိုဖိုးဖြူကို ထောင်ဒဏ်လျှော့


(NEJ) ။ ။ အဓမ္မလုပ်အားပေး စေခိုင်းခံရသည့် အမှုများကို ရှေ့နေလိုက်ပေးခြင်းကြောင့် ပြီးခဲ့သည့်နှစ်တွင် ဖမ်းဆီးခံရပြီး ထောင်ဒဏ် (၄) နှစ် ကျခံနေရသည့် ရှေ့နေ ကိုဖိုးဖြူကို စစ်အစိုးရ တရားရုံးချုပ်က ထောင်ဒဏ် (၃) နှစ် လျှော့လိုက်ပြီး (၁) နှစ်သာကျခံရန် ယခုလ (၁) ရက်နေ့က အမိန့်ချမှတ်လိုက်သည်။
။။။။။

ဒေါ်မြင့်မြင့်အေးကို တာဝန်မှဖယ်ရှားမှု ပြန်ပြင်ရန် တောင်းဆို


နယူးဒေလီ (မဇ္ဈိမ)။ ။ မိတ္ထီလာမြို့နယ် အမျိုးသား ဒီမိုကရေစီ အဖွဲ့ချုပ် အတွင်းရေးမှူး ဒေါ်မြင်မြင့်အေးကို စည်းကမ်းဖောက်ဖျက်မှုဖြင့် တာဝန်မှ တနှစ်ရပ်ဆိုင်းရန် ဆုံးဖြတ်ခဲ့သည်ကို ပြန်လည်ပြင်ဆင်မှုပြုရန် မြို့နယ်အဆင့် ပါတီခေါင်းဆောင် နှစ်ဦးက ဗဟိုကို တောင်းဆိုလိုက်ကြသည်။

စည်းကမ်း ဖောက်ဖျက်သည်ဟုဆိုကာ အတိုက်အခံပါတီ၏ စည်းကမ်း ထိန်းသိမ်းရေးအဖွဲ့က အရေးယူခဲ့သည့်အပေါ် ဝမ်းတွင်းမြို့နယ် အတွင်းရေးမှူး ဦးထွန်းထွန်းနှင့် မိတ္ထီလာမြို့နယ် ဒုဥက္ကဋ္ဌ ဦးသိန်းအောင်က ကန့်ကွက်ထားသည်။
။။။။။

လူမှုရေးအကူအညီ ယူရို (၁၇) သန်း မြန်မာနိုင်ငံကို အီးယူက ပေးမည်


(NEJ) ။ ။ မြန်မာနိုင်ငံမှ ဒုက္ခသည်များအတွက် အမေရိကန်ဒေါ်လာ (၂၃) သန်းကျော်နှင့်ညီမျှသည့် ယူရိုငွေ (၁၇.၂၅) သန်းကို လူသားချင်းစာနာမှု အကူအညီအဖြစ် ဥရောပသမဂ္ဂ (အီးယူ) က ယခုနှစ်တွင် ပေးသွားမည်ဟု ယမန်နေ့က ကြေညာလိုက်သည်။

အကူအညီများကို အီးယူကော်မရှင်၏ လူသားချင်းစာနာထောက်ထားမှု အကူအညီပေးရေးအဖွဲ့ (ECHO) မှတဆင့် မြန်မာနိုင်ငံ နယ်စပ်ဒေသတို့ရှိ တိုင်းရင်းသားလူမျိုးစုများနှင့် ထိုင်းနိုင်ငံ ဒုက္ခသည်စခန်းများတွင် နေထိုင်နေကြသည့် ဒုက္ခသည်များကို ပေးအပ်သွားမည်ဟု ဘန်ကောက်ရှိ အီးယူရုံးခွဲက ပြောကြားသည်
။။။။။

အရက်ချက်စက်ရုံ လုပ်သားများ လုပ်ခတိုးတောင်းဆို

နယူးဒေလီ (မဇ္ဈိမ)။ ။ လုပ်ခလစာ တိုးမြှင့်ရေးအတွက် ပုဂ္ဂလိပိုင်စက်ရုံ အလုပ်ရုံများတွင် အလုပ်သမား ဆန္ဒပြမှုများ ခပ်စိတ်စိတ် ဖြစ်နေခဲ့သော ရန်ကုန်မြို့တွင် ယနေ့နံနက်တွင်လည်း အရက်ချက်စက်ရုံ လုပ်သားများက တောင်းဆိုမှု ဖြစ်နေပြန်သည်။

ရွှေပြည်သာမြို့နယ် ဦးရွှေရိုးလမ်းရှိ Grand Royal မှ အလုပ်သမား ၁၀၀၀ ကျော်က လစာတိုးပေးရန်၊ အများပြည်သူ ရုံးပိတ်ရက်များတွင် ပိတ်ပေးရန်နှင့် အချိန်ပိုကြေးပေးရန် တောင်းဆိုထားသည်။

International Beverages Trading Co., Ltd. (IBTC) ကုမ္ပဏီ တာဝန်ရှိသူများက အရက်ချက်စက်ရုံ သို့သွားရောက်၍ ညှိနှိုင်းဖြေရှင်းလျှက်ရှိသည်ဟု မဇ္ဈိမ၏ ဆက်သွယ်မေးမြန်းချက်ကို ဝန်ထမ်းတဦးက ဖြေကြားသည်။

Grand Royal စက်ရုံတွင် အလုပ်သမား ၁၅၀၀ ကျော် အလုပ်လုပ်နေကြောင်း သိရသည်။
။။။။။

4.5.10

အလုပ်သမားဆန္ဒပြမှုများကို ပြည်သူများအားပေး


(NEJ) ။ ။ ရန်ကုန်ရှိ စက်ရုံလုပ်သားများသာမက အခြားအလုပ်သမားများပါ အလုပ်ရှင်အပေါ် မကျေနပ်သည်များကို ဆန္ဒပြလာနိုင်ကြောင်း နေပြည်တော်အလုပ်သမားရေးဝန်ကြီးဌာနမှ အရာရှိကြီးတဦးက ပြောသည်။၂၀၁၀ ပြည့်နှစ်အတွင်း အလုပ်သမားများ ဆန္ဒပြမှုစိပ်လာသည်ကို ရန်ကုန်လူထု အလွန်စိတ်ဝင်စားလာကာ ဆန္ဒပြအလုပ်သမားများဘက်မှ အားပေးလာကြောင်း ရန်ကုန်မြို့ခံများက ပြောသည်။
။။။။။

ဝန်ထမ်းလစာများ ထပ်တိုးမည်ဟု သတင်းထွက်


ချင်းမိုင် (မဇ္ဈိမ) ။ ။ စစ်အစိုးရက လာမည့် ဘဏ္ဍာရေးနှစ်သစ်မှ စတင်ကာ အစိုးရဝန်ထမ်းအားလုံး၏ လစာများကို ထပ်တိုးမြှင့် ပေးမည်ဟု သတင်းများထွက်နေကြောင်း ရန်ကုန်မြို့နေ အစိုးရ ဝန်ထမ်းများထံမှ သိရသည်။

ဧပြီလ လစာမှစတင်၍ ကျပ်ငွေ ၂ သောင်းစီတိုးမြှင့်ပေးရန် အစီအစဉ်ရှိကြောင်း ဝန်ကြီးဌာနအသီးသီး၏ လက်အောက်ခံ ဝန်ထမ်းများကို အရာရှိများက နှုတ်ဖြင့် ပြောဆိုထားမှုများရှိကြောင်း မဇ္ဈိမက စုံစမ်း သိရှိရသည်။
။။။။။

အန်အယ်လ်ဒီ ရှေ့လုပ်ငန်းစဉ်များလုပ်ဆောင်ရန် ဗဟိုဦးစီးအဖွဲ့ ဖွဲ့ပြီး


(NEJ) ။ ။ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) က ဗဟိုဦးစီးအဖွဲ့ဝင်စာရင်းကို ယမန်နေ့က ထုတ်ပြန်ကြေညာလိုက်သည်။

အသစ်ထပ်မံတိုးချဲ့ဖွဲ့စည်းလိုက်သည့် ဗဟိုဦးစီးအဖွဲ့တွင် ဗဟိုအလုပ်အမှုဆောင် အဖွဲ့ဝင် (၂၀) ဦး၊ တိုင်းနှင့်ပြည်နယ် အသီးသီးတို့မှ (၁၀၀) ဦးနှင့် အရန်ဗဟိုဦးစီးအဖွဲ့ဝင် (၈) ဦးတို့အပါအ၀င် စုစုပေါင်း (၁၂၈) ဦး ပါဝင်သည်။

ဗဟိုဦးစီးအဖွဲ့ဝင်များအဖြစ် အကျဉ်းကျနေသည့် အန်အယ်လ်ဒီ ပြည်သူ့လွှတ်တော်ကိုယ်စားလှယ် (၇) ဦး၊ တိုင်းစည်းရုံးရေး အဖွဲ့ဝင်(၁) ဦးနှင့် ပြည်နယ်စည်းရုံးရေးအဖွဲ့ဝင် (၁) ဦးတို့ကိုလည်း ကြေညာချက်တွင် ထည့်သွင်းထားသည်။
။။။။။

ရွှေပြည်သာဆန္ဒပြပွဲ သဘောတူညီမှုရရှိ


နယူးဒေလီ (မဇ္ဈိမ)။ ။ ရန်ကုန် ရွှေပြည်သာမြို့နယ် စက်မှုဇုန်များရှိ စက်ရုံ ၃ ရုံတွင် လုပ်ခလစာ တိုးရေးနှင့် အခြားရပိုင်ခွင့်များအတွက် ယမန်နေ့တွင် အလုပ်သမားများ တောင်းဆိုဆန္ဒပြခဲ့ရာ အလုပ်ရှင်များက လိုက်လျောမှုများ ပြသဖြင့် ယနေ့တွင် လုပ်ငန်းခွင်သို့ ပြန်ဝင်နေကြကြောင်း သိရသည်။

စက်မှုဇုန် ၃ ရှိ Grand Royal အရက်ချက်စက်ရုံ၊ စက်မှုဇုန် ၁ ရှိ Super Garment နှင့် ကောင်းချီးမင်္ဂလာ အထည်ချုပ်စက်ရုံများတွင် လုပ်သားများ ဆန္ဒပြခဲ့ရာမှ ယမန်နေ့ နေလည်ပိုင်းတွင် လိုက်လျောမှုများ ရရှိသဖြင့် ပြန်လည်အလုပ်ဆင်းနေကြောင်း အလုပ်သမား အသိုင်းအဝိုင်းနှင့် ဒေသခံများက ပြောဆိုသည်။
။။။။။

5.3.10

ဥပဒေထောက်ကူ ဥက္ကဋ္ဌ အဖြစ် ဦးတင်ဦး ပြန်လည်တာဝန်ယူ


နယူးဒေလီ (မဇ္ဈိမ)။ ။ အမျိုးသား ဒီမိုကရေစီ အဖွဲ့ချုပ် ဒုဥက္ကဋ္ဌ ဦးတင်ဦးသည် ပါတီ ဗဟိုဥပဒေ အထောက်အကူပြုအဖွဲ့ ဥက္ကဋ္ဌ တာဝန်ကို ယမန်နေ့မှ စတင်၍ ပြန်လည်ထမ်းဆောင်ပြီဖြစ်သည်။
။။။။။

ကြံ့ဖွံ့ဦးရေ ရန်ကုန်လူဦးရေ ထက်ဝက်ကျော်ရှိ


ရန်ကုန်တိုင်းအတွင်း ကြံ့ဖွံ့အဖွဲ့ဝင်အရေအတွက်မှာ ရန်ကုန်လူဦးရေ၏ တ၀က်ကျော်လွန်ပြီဖြစ်ကြောင်း ရန်ကုန်တိုင်း ကြံ့ဖွံ့အဖွဲ့ အကြီးအကဲတဦးက ပြောသည်။လာမည့်ရွေးကောက်ပွဲအတွက် အသင်းသားများကို လိုက်၍စုဆောင်းနေခြင်းဖြစ်ရာ အသင်းဝင်အရေအတွက် ပိုများလာစေရန် ပြုလုပ်သွားဦးမည်ဖြစ်ကြောင်း ၎င်းက ပြောသည်။

မင်္ဂလာတောင်ညွန့်မြို့နယ် ကြံ့ဖွံ့ခေါင်းဆောင်တဦး ပြောပြချက်အရ ယခုအသင်းဝင်စာရင်းမှာ မဲပေးရန်အတွက် စာရင်းအတည်ဖြစ်မည်ဟု သိရသည်။၁၉၈၈ ခုနှစ် အရေးအခင်းတွင် ပါဝင်ခဲ့သူ အသက် (၄၀) နှစ်ခန့်အရွယ် လူလတ်ပိုင်းတဦးက ယခုကြံ့ဖွံ့အသင်းကို ၀င်နေသူများမှာ ယခင်က ၁၉၈၈ အရေးအခင်းတွင် ဆန္ဒပါဝင်ပြသခဲ့သူ အများစုဖြစ်ကြောင်း ပြောသည်။ရန်ကုန်ရှိ လူဦးရေ (၆) သန်းခန့်တွင် ရန်ကုန်တိုင်း ကြံ့ဖွံအသင်း၏ အသင်းသားဦးရေမှာ (၃) သန်းခွဲကျော်ရှိနေပြီဖြစ်ကြောင်း ယင်းအသင်း၏ တရားဝင်စာရင်းများအရ သိရသည်။
(NEJ)
။။။။။

ဥရောပ ၄ နိုင်ငံ သံအမတ်များနှင့် ပဒမဖ တွေ့ဆုံ


နယူးဒေလီ (မဇ္ဈိမ) ။ ။ ရွေးကောက်ပွဲတွင် ဝင်ရောက်ယှဉ်ပြိုင်မည့် ပြည်ထောင်စု ဒီမိုကရေစီ မဟာမိတ်အဖွဲ့ ပဒမဖ ဖြစ်မြောက်ရေး ကော်မတီဝင် ၄ ဦးကို ဥရောပနိုင်ငံ ၄ နိုင်ငံမှ သံအမတ်များက ရန်ကုန်ရှိ ဂျာမဏီသံရုံးတွင် ယနေ့ ခေါ်ယူတွေ့ဆုံခဲ့သည်။
“အဖွဲ့ရဲ့ ရပ်တည်ချက်ကို ပြောပြတယ်။ သူတို့က သိချင်တာတွေကို မေးတယ်။ ဖြေလို့ မရတဲ့ မေးခွန်းမျိုးတွေကို မေးတယ်။ ပြောလို့မရတဲ့ ဟာဆိုတာက အဖွဲ့ဝင်အင်အား ဘယ်လောက်ရှိလဲ။ ဒါက လက်တွေ့မကျဘူး။ ပါတီထောင်ခွင့် ဥပဒေတောင် မထွက်သေးဘူး။ ဖြစ်မြောက်ရေးကော်မတီ ဖွဲ့ထားရတယ်။ ဒါတောင်မှ တရားဝင် မဟုတ်သေးဘူး။ ဒီအင်အားတွေ ဘယ်ရှိဦးမလဲ။ ဒီနေ့ တွေ့ဆုံပွဲကို ကျနော်တို့အနေနဲ့ အားမရဘူး” ဟု ပဒမဖ မှ ကော်မတီဝင် ဝါရင့် ရှမ်းအမျိုးသား နိုင်ငံရေးသမား ဦးရွှေအုံးက မဇ္ဈိမကို ပြောသည်။

ရွေးကောက်ပွဲ ဥပဒေမထွက်သေး၍ တရားဝင် မှတ်ပုံတင်ရခြင်း မရှိသေးသော ပဒမဖ အဖွဲ့မှ ကော်မတီဝင်များ ဖြစ်သည့် ဦးရွှေအုံး၊ ဦးသိန်းတင်အောင်၊ ဦးနေမျိုးဝေနှင့် ဦးကိုကိုကြီးတို့ ဆွေးနွေးပွဲ တက်ရောက်ခဲ့သည်။
။။။။။

စစ်တပ် အကြမ်းဖက်ခံ မြန်မာအမျိုးသမီးများအရေး ဘန်ကီမွန်းထံ တင်ပြ


စစ်တပ်က မြန်မာအမျိုးသမီးများအပေါ် အကြမ်းဖက်မှုများကို ကုလသမဂ္ဂ လုံခြုံရေးကောင်စီမှတဆင့် နိုင်ငံတကာ ခုံရုံးတင် စစ်ဆေးနိုင်ရန် အမျိုးသမီးနိုဘယ်လ်ငြိမ်းချမ်းရေးဆုရှင်များနှင့် အမျိုးသမီးများအဖွဲ့ချုပ် (မြန်မာနိုင်ငံ) တို့က ကုလသမဂ္ဂ အတွင်းရေးမှူးချုပ် ဘန်ကီမွန်းထံ ယမန်နေ့က တင်ပြလိုက်သည်။ယခုကဲ့သို့ အမျိုးသမီးများအပေါ် စစ်တပ်၏ အကြမ်းဖက်မှုများကို ဖော်ထုတ်တင်ပြနိုင်ရန် ၂၀၀၈ ခုနှစ်ကတည်းက အဖွဲ့ဝင်အမျိုးသမီး (၁၃) ဖွဲ့ အကူအညီဖြင့် အချက်အလက်များ စုဆောင်းရယူခဲ့ခြင်း ဖြစ်သည်ဟု သိရသည်။
(NEJ)
။။။။။

ကိုဖိုးဖြူ လွတ်လာပြီ


နယူးဒေလီ (မဇ္ဈိမ)။ ။ လယ်သိမ်းခံရသည့် တောင်သူများကို ကူညီပေးနေသူအတွက် အမှုလိုက်ပေးရင်း ထောင်ကျခံခဲ့ရသော ရှေ့နေ ကိုဖိုးဖြူမှာ ယနေ့တွင် သရက်ထောင်မှ လွတ်မြောက်လာပြီဖြစ်သည်။

ထောင်ဒဏ် ၄ နှစ် ချမှတ်ခံရသည့် အတိုက်အခံ ရှေ့နေကို နေပြည်တော် တရားရုံးချုပ်က ယခုလ ၁ ရက်နေ့တွင် ပြစ်ဒဏ်လျှော့ပေးအပြီး ၄ ရက်အကြာ သောကြာနေ့နေ့လည်ပိုင်းတွင် လွှတ်ပေးတာဖြစ်သည်။
။။။။။

ပြည်သူ့စစ်မလုပ်လို၍ မွန်ပြည်သစ်လက်အောက်သို့ ရွှေ့ပြောင်း


ချင်းမိုင် (မဇ္ဈိမ)။ ။ စစ်အစိုးရက ပြည်သူ့စစ်လုပ်ရန် ဖိအားပေးမှုများရှိသဖြင့် မွန် ၁ဝဝ ခန့်သည် အပစ်ခတ်ရပ် မွန်ပြည်သစ်ပါတီထိန်းချုပ်ရာ နယ်မြေအောက်သို့ ဝင်ရောက်ခိုလှုံလာခဲ့သည်ဟု မွန်ကယ်ဆယ်ရေးအဖွဲ့က ပြောသည်။

“နယ်မြေ နအဖ စစ်တပ်က ပြည်သူ့စစ်လုပ်ခိုင်းတယ်။ မလုပ်နိုင်တဲ့ လူတွေက တလကို လစဉ်ကြေး ၇ ထောင်စီပေးရမယ်။ အဲဒါသူတို့မခံနိုင်တော့ ပြေးလာကြတာ” ဟု မွန်ကယ်ဆယ်ရေးအဖွဲ့အတွင်းရေးမှူး ကိုဇော်မင်းဦးက မဇ္ဈိမကိုပြေသည်။

ဖေဖေါ်ဝါရီလ ၂၂ ရက်နေ့မှ မွန်ပြည်သစ်ပါတီနယ်မြေ ထားဝယ်ခရိုင် အဒေသ တွင်းသို့ ယနေ့ချိန်ထိ တဖွဲဖွဲ လာရောက်ခိုလှုံကြခြင်းဖြစ်သည်ဟု ထိုင်း-မြန်မာနယ်စပ်အခြေစိုက် ကယ်ဆယ်ရေးအဖွဲ့က ပြောသည်။
။။။။။

ဧပြီလအတွင်း ပတ်စ်ပို့ သက်တမ်းတိုးခွင့် မပြု


ချင်းမိုင် (မဇ္ဈိမ)။ ။ ကွန်ပြူတာစက်ဖြင့် ဖတ်၍ စစ်ဆေးနိုင်သော ဘားကုဒ်စနစ်ပါ နိုင်ငံကူး လက်မှတ်သစ်များ ထုတ်ပေးမည့် အစီအစဉ်ကြောင့် နိုင်ငံရပ်ခြားရှိ မြန်မာသံရုံးများတွင် နိုင်ငံကူးလက်မှတ် သက်တမ်းတိုးခြင်း၊ အသစ်ပြုလုပ်ပေးခြင်းတို့ကို ဧပြီတလလုံး ရပ်ဆိုင်းထားမှာဖြစ်သည်ဟု နိုင်ငံခြားရေးဝန်ကြီးဌာနက ပြောသည်။
။။။။။